رواية جديدة 

حرب نواعم (قواعد عشق النساء)

تنشر حصريًا 

على مدونة رواية وحكاية 

قبل أي منصة أخرى

الفصل الأول

2

تم النشر الخميس

29/2/2024

❈-❈-❈

في المطبخ المطبخ كبير الحجم مزود بافران كبيرة واثنين من الفريزات كبيرة الحجم واثنين من الثلاجات الضخمة,  ومنضدة وعدد من المقاعد يطل المطبخ على حديقة الثرايا الخلفية  

نبوية:

""يا ريت كان لساني انقطع قبل ما افكرها دا مزاجها اتغير اوي  يا ريتني كنت اتخرست قبلها فكرتها بكل حاجة ٠ 

دلال  ذمت شفتيها  وهي تغسل الاطباق:

"تفكريها  بايه؟ يعني هي ناسية ولا اي عاد انت فاكرة ستك داليا بتبطل تفكير٠

سمحة وهي تغسل وجهها بماء بارد 

"اقول عليك اي يا نبوية عاد ؟ جابتني لينا الإهانة والشتيمة الصبح شفتي منظرها كان عامل ازاي؟ كانت عايزة ترمي الاكل ف وشنا ولولا العمدة مستعجل هو كماني كنا شفنا الويل منها ٠

نبوبة وهي تضع يد على خدها في حسرة:

''ايوا شفت ولسه هشوف  مش هتعدي لي بسهولة عارفة وخابرة زعلها هتطلع فينا القديم والجديد يا دي الحزن اللي وقعت نفسك فيه يا نبوية يا دي الهم اللي حط عل. نافوخك يا حزينة ٠

دلال وهي تجلس على أحد مقاعد المطبخ 

""والله انتم نسوان ورق انت وسمحة, هو انت فاكرة ستك داليا ناسية موضوع الخلفة دا؟ هي مش ناسيى ولا حاجة هي ست زي كل الستات 

كل أمانيها تطلع بعيل واتنين بعشرة كماني علشان العزوة  ما انتم فاهمين يعني اي ولد هنا ولا انتم عاملين حالكم اچانب إياك, يعني الموضوع مش مفارق راسها من أساسه يا حزينة منك ليها الله يكون ف عونها ع اللي هي فيه دماغها وأبوار ناره قايده بس هي مدارية بس علشان خاطر جوزها وعلشان تفضل فلجة قمر ونوارة في عينيه معلوم هي عايزاه 

مشغول بالمعمدية ومشاكلها وفي البيت 

هي طبق القشطة والحلاوة بس هي 

  كل الحكاية أنها بصت لكلمتك اللي أنها معايرة ع  الصبح ودي حاجة متصحش من خدامتها يا اللي بتفهمي. فهمتي يا حزينة؟ 

نبوية شهقت ووضعت 

يد على صدرها:

""يقطعني بقطيعة لو كان قصدي أكدا, أنا بس قصدي ادعي لها لما شفت فرحتها الصبح هو أنا معجول اعاير ستي وتاج راسي 

تنهدت دلال في غيظ 

"أهو انت جيتي على چرحها يا حزينة ورشتي الملحة, هي لولا عزوتها في البلد وأخوها اللي 

مقويها بمكانته في مصر ام الدنيا  كان حد اتسجر يفاتحها  ف الموضوع دا 

 هنا كبير ولا صغير عاد 

هي بس حست أن الكلام دا بيتقال ف الضهر منك ونظام صعبونيات 

فشدت عليك الكرباچ يا نبوية ادي كل اللي حصل 

دلال نظرت إلى سمحة التي يظهر على وجهها الحزن وهي  أصغرهم سنا:

""بصي عايزة اقولك انت بالذات على حاچة مهمة اوي عايزاك تفهمي طبع الناس اللي هنا والثرايا دي الأمور ماشية فيها كيف  علشان تعرفي تمشي حالك أهنا

ستك داليا مش امك 

هتطبطط عليك لو مبسوطة منك  حتى لو مزاجها رايق متحطيش في دماغك أنها واحدة چارتك ولا صحبتك هتجاريها في الكلام فهمتي يا بت وأنت يا ست نبوية افهمي عاد 

اديلك سنين وسنين في الدار ومش فاهمة طبع الست اللي بتاكلي من وراها لقمة العيش 

الست عايزة الكل يحفظ مقامها هنا وبرا وفي كل 

نواحي البلد معلوم مش مرات عمدة ومن الأكابر 

يعني دعوتك الصبح دي هي فهمتها معايرة يا ام المفهومية أنتي 

وكمان حطت ف دماغها انكم بتتصعبوا على حالها 

في قعداتكم هنا أو برا  فقالت في نفسها هو أنا لبانة في بقهم ولا اي واهي حطت في دماغها  تلمك من الرغي وتقطع 

من  لسانكم شوية من الدلدلقة و المساخة، بعد كدا الكل يقول حاضر وطيب وبس فهمتموا 

يا نسوان ورق 

نظرت لها نبوية في غضب وما كادت ترفع حتى ترد  عليها  بكلمات 

شديدة الغضب الأ أنها  تفاجئت ب داليا تقف على باب المطبخ وهي تضع يد على باب المطبخ فتظهر الحلي الذهب التي تتحلى بهم والتي تصل إلى مرفق يدها  في كلتا اليدين والسلسلة الضخمة التي تحيط عنقها تتأرجح معها, قالت داليا وهي تعدل رأسها وتأخد  وضع الهجوم  

""والله عال أي يا هوانم، 

عاملين حديث هنا وشوية شوية هتطلعوا 

تتفرجوا على التلفزيون برا  اي يا مرا منك ليها  افتكرتو نفسكم  هوانم الثرايا  جاعدين على الكراسي يتتحدتوا 

على سيرة أسيادهم اي أجوم  أنا بنفسي اعملكم الشاي يا خدامة منك ليها 

نهضت سمحة من مكانها وهي تكاد تبكي في حين قالت نبوية 

""العفو يا ست داليا دا احنا منتظرين الأوامر منك٠

نظرت داليا إلى نبوية في حقد 

""اي عايزاني اقعد اشرحلك تاني  اعيد وازيد اجيب كراسة واكتب لك هتعملي اي؟ 

علم في المبتلم يصبح ناسي قلت لك من الصبح يا ام لسان زي زلو مة الفيل  لو  بتشتغلي قد ما بتتكلمي كان زمانك حاجة تانية، قلت لك من فچر الله عايزة وكل يكفي الناس اللي جاية مع سيدك اقول كام مرة يا بنت ::::

صمتت داليا فجأة وهي تنظر إلى نبوية التي نكست رأسها في الأرض في حين أمسكت دلال ببعض الكلمات حتى ترفع الغضب عن زميلاتها 

""يا ست هانم أنا طلعت ديك رومي من التلاجة، وجهزت لك اربع  صواني  مكرونة بشاميل وسمحة هتعمل خمس صواني رقاق   علشان تسعف معانا,

ثم أشارت إلى الافران الكبيرة ف المطبخ 

""أن شاء الله هننجز ونشرفك والسلطات والمشروبات نبوية هنخلصها ولا تشيلي هم 

زفرت داليا في ضيق 

" أخرسي يا بت هم اي اللي أشيلة  اخرسي قطع لسانك    انتم اللي هتشيلوا الهم والطين على دماغتكم وانتم فاهمين ليه٠ 

لم تجب دلال فقط نظرت إلى اللحم المفروم والمكرونة التي أتمت سلقها في حين وقفت سمحة أمام المقعد مثل تلميذ ينال تذنيب قالت داليا وهي تنظر ب غضب إلى نبوية 

""لما اشوف يا شوية:::

صمتت داليا فجأة ثم نظرت لهم في تهديد وقالت 

 وأنا بحذركم أهو اي غلطة والله  ل تتطردوا من هنا شر طرده واجرسكم ف البلد كلها أنا غلطانة اللي عملت منكم خدامين ثرايات يا نسوان كسر 

ثم نظرت إلى سمحة وقالت 

"بت انتي الرقاق لو مطلعش زي الفنادق 

هعلقك على النخل اللي برا فهمتي ولا اي؟ 

هزت سمحة رأسها دون أن تتكلم في حين نظرت داليا إلى نبوية وقالت: 

_وانت يا ام لسان زالف لما اشوف اخرتها معاك اي؟

خرجت داليا من المطبخ وهي ترفع شعرها في عصبية شديدة في حين أخرجت  سمحة  الرقاق 

من الثلاجة ثم نظرت إلى دلال 

_اللحم المفرومة حادكي ؟  

هزت دلال رأسها علامة الموافقة

"ايوا اهي اسمعي لازم الرقاق يطلع طري وخلي بالك الوش يكون احمر، اعملي نص صواني حارة بالشطة والنص التاني بارد فهمتي اياك؟ 

قالت سمحة وهي تشير إلى النخل من النافذة 

"معلوم فاهمة ولا اتعلق هناك 

قالت نبوية وهي تبحث في درج التلاجة: 

"سمحة شوفي أكدا الفلفل الالوان عندك؟ 

أشارت سمحة بيدها في خوف:  

"النبي تبعدي عني وتيچي بنفسك كدا وتشوفي حالك كفاية علي بعترت حالي بسببك٠

نظرت نبوية إلى سمحة ودلال في غضب  ثم قالت لسمحة:

_دي آخرتها يا سمحة دا انا اللي خلت ليك هنا لقمة عيش، دلوقتي تقولي ابعدي اي كنت عفريت الست ولا اي يا بت  ماشي بكرة تشوفي الويل وأنا بعيدة

قالت دلال وهي تقوم بتحضير الباشميل 

_خالة نبوية نخلص بس من العزومة بتاعت النهاردة وأنا اجيب لك حقك من سمحة

ثم نظرت إلى السماء وقالت في تضرع 

_أسترها معانا يا رب الليلة دي من مزاچ ست داليا استرها معانا من نارها اللي في چوفها متفرغهاش فينا أحنا 

وعدى الليلة دي على خير يا رب 

قالت كل من سمحة ونبوية: 

"يا رب يا رب سلم من سر الليلة دي يا رب

يتبع