في الفترة السابقة كان أسر يهتم بوالدة  خديجة و رعايتها و كان يتابع الشركة و محبوبته العنيدة ليضطر للسفر للندن بسبب بعض الأعمال العالقة هناك ليعود في ليلة الحادثة علم بالأمر من رائد ليشعر أن هناك شيئًا غامضاً هو يعلم شخصية سناء جيداً .. في ليلة الحادثة قرر أنور اللجوء إليه لأنه يعلم جيداً أن أسر الشخص الوحيد الذي يستطيع حمايتها من الجميع قام بالاتصال به و أخبره أنه يريد لقائه غداً دون أن يخبر أحداً عن هذا اللقاء 

وقف أنور أمامه ليس لديه خياراً آخر :

ـ محتاج مساعدتك في موضوع خاص ب شاهي 

رغم تعجب أسر من حديث عمه لكنه شعر أن هناك خطب ما :

ـ بس حضرتك حذرتني أقرب منها قبل كده 

كاد أسر أن يرحل بعد حديثه ليهتف أنور بسرعة :

ـ فيه حاجة غلط بتتم في الملجأ و شاهي و والدتها المسؤولين عنه هتتخلى عن حبيبتك

أسر بسخرية و تهكم و هو ينظر ل أنور :

ـ حبيبتي !! أنا حقيقي مش فاهم عاوز مني إيه تاني أنا مش هقدر أكدب عليها تاني أكتر من كده قول إيه المطلوب و هفكر 

أنور بجدية و هدوء :

ـ استلم إدارة الملجأ الفترة دي على ما نوصل للحقيقة 

ظل صامتاً عدة دقائق ليجيبه :

ـ إنت ليه مصمم تخلي شاهي تكرهني أكتر !! إنت عارف كويس هي مرتبطة بالملجأ قد إيه !!

أردف أنور برجاء شديد :

ـ أنا بحاول أنقذ بنتي من خطـ.ـر هتتعرض ليه أسر 

قاطعه أسر قبل أن يكمل حديثه :

ـ أسف يا عمي أعتقد حضرتك هتقدر تساعدها مش هأذيها أكتر من كده 

غادر أسر و ترك أنور يفكر في إيجاد حلاً سريعاً أرسل أسر رسالة ل رائد أخبره أنه يريد لقائه في الفندق وصل ليجده في انتظاره جلس معه 

تحدث أسر بجدية :

ـ عاوز أفهم إيه الحكاية !! و إيه موضوع اختفاء البنات أكيد عندك معلومات 

رائد بتنهيدة عميقة :

ـ دي مش أول مرة بالعكس فيه بنت اختفت قبل كده وقتها كانت شاهي مسافره في لندن و بابا طلب إننا منقولش ليها عن الحادثة بس اتكررت تاني أنا حقيقي مش فاهم إيه الحكاية !!

أسر و هو يشرب القهوة :

ـ الموضوع مش بسيط و للأسف مفيش أي معلومه توصلنا للمسؤول عن الحوادث دي كأنها عصابة متخصصة في الموضوع ده 

رائد بتفكير عميق :

ـ كلامك بيقول إن الموضوع كبير طيب إيه الحل !!

أسر بجدية و هو يفكر في أمر ما :

ـ هقولك بس أتمنى شاهي تكون بعيدة لأني مش هقدر إنها تتعرض للخطـ.ـر مرة تانية

أخبره أسر بما ينوى فعله و رغم قلق رائد من ردة فعل شقيقته لكن ليس أمامهم حلاً آخر سوى السير في هذا الطريق ليصلوا لحل اللغز صعد أسر لغرفته بعد ذلك ليرتاح و يفكر لم يجد أمامه سوى اللجوء لصديقه حيث قام بالاتصال ب نزار و أخبره أنه يريد لقائه في أمر هام ليجيبه نزار أنه سيتجه للقائه في الفندق بدل أسر ملابسه و هبط للأسفل لانتظاره كي يتحدث معه وصل نزار ليجده في انتظاره  لاحظ نزار قلق أسر 

ليهتف بهدوء شديد :

ـ إنت ساكت من وقت ما جيت واضح إن الموضوع مش بسيط

أسر بتنهيدة عميقة و يأس :

ـ لما حكيتلك حكايتي أنا و شاهي لومتني إني سافرت وتخليت عنها وقتها كان كلامك صحيح أنا دلوقتي قدامي طريقين و نهايتهم واحده مفيش اختيار تاني

علم نزار أن الأمر ليس سهلاً هذه المرة ليتحدث بجدية :

ـ طيب ممكن تفهمني بوضوح من غير طريقة الألغاز دي

أخبره أسر بكل ما حدث معه كان نزار يستمع له باهتمام شديد ليهتف بهدوء :

ـ اللي بتفكر فيه ده مش سهل ماشي معاك إنك تساعدها بس مش علشان تنقذها تورط نفسك أسر واضح من كلامك إن الموضوع كبير

ـ طيب أعمل إيه ساعدني أنا مش قادر أقف أتفرج و أسيبها تضيع مني 

أشار له نزار أن يهدأ ليقوم بالاتصال بصديق له يعمل في المخابرات أخبره باختصار شديد عن الموضوع و طلب منه أن يلتقي به في النادي هو و صديقه و بالفعل ذهبا للنادي للقاء مالك رحب بهما في البداية ليجلسوا معاً و عرفهم نزار على بعضهم البعض أخبره أسر بكل ما حدث في الملجأ و كان ينصت له باهتمام شديد

و بعد انتهاء أسر من حديثه هتف مالك بجدية :

ـ أنا هحاول أعرف من صديق ليا موجود في النيابة لأن كده القضية مش هتبقى سهلة و ممكن تبقى قضية رأي عام 

ـ ليه قضية رأي عام البنات مفيش أي حد بيأذيهم 

مالك بهدوء بسبب شكه في أمر ما و لكن عليه الانتظار أولاً لمعرفة بعض المعلومات :

ـ الموضوع له أبعاد تانية للأسف لو مقدرتش توصل لدليل وقتها القضية هتكون مش سهلة 

بعد حديث مالك معهم تأكد أسر أنه لا يستطيع التراجع عن خطته فهو في اختبار حقيقي هذه المرة و عليه إيجاد المذنب الحقيقي أنهوا حديثهم معاً ليغادر أسر و هو يشعر بالعجز الشديد بسبب ما يحدث معه 

❈-❈-❈

كانت شاهي في الملجأ مع والدتها و داخلها ألماً كبيراً بسبب ما علمته من والدتها عن اختفاء الفتيات أرادت رؤيته كي تطمئن بسبب وجوده معها لكنه تركها من جديد عاد أنور إليهم مرة أخرى و هو يفكر هل سيوافق أسر على مساعدته أم لا ؟!

هتفت ملك بجدية شديدة :

ـ أنور طمني مفيش أي معلومات جديدة

نظر لها و لابنته ليجيبها بهدوء :

ـ مفيش أي حاجة الضابط خلص التحقيقات و هنشوف هنقدر نوصل لمعلومات جديدة و لا لأ 

شاهي بدموع و حزن :

ـ مين عاوز يأذيني بالطريقة دي 

وجدته يقترب منها لتنظر له بحزن وقفت ملك لتشعر بتوتر شديد بسبب تواجد أسر الآن و تخشى حدوث شيئًا بينه و بين زوجها رؤيته لدموعها كان سبباً كافياً لتنفيذ قراره فهو لن يقبل أن تتعرض لأي أذى 

تحدث أسر بجدية شديدة و هو ينظر للمكان و يتذكر ذكريات له معها و هي صغيرة في هذا المكان :

ـ أنا سمعت عن الحوادث اللي تمت هنا آخر فترة 

أردفت ملك بهدوء و هي تتابع النظرات بين زوجها و بين أسر :

ـ البوليس بيحققوا في القضية و أكيد هيوصلوا لمعلومات قريب أطمن 

رفض أنور عدم التحدث فهو لا يريد حدوث صدام جديد مع ابنته ليتحدث أسر بجدية :

ـ أنا هكون مسؤول عن الملجأ أعتقد إني مش هقدر أثق فيكم مرة تانية

تفاجأت ملك من حديثه لتجيبه شاهي برفض و استنكار :

ـ مش من حقك يا أسر إنت اتنازلت عن الملجأ و اتخليت عن الكل دورك انتهى في المكان ده من خمس سنين 

أجابها بتحدي و تهكم :

ـ واضح إنك حافظتي على المكان علشان كده البنات هربوا من هنا و عاوزه تبرأي نفسك من الاتهام 

كانت كلماته لها حادة اقتربت منه و أردفت بغضب و انفعال :

ـ إنت اتجننت أكيد !! إنت بتتهمني بجد إني المسؤوله عن اختفائهم 

التفت كي لا يتراجع بسبب دموعها :

ـ أنا قلت اللي أعرفه بعدين من امتى و إنتي بتعرفي تتحملي مسؤولية !! الكلام ده تقوليه لواحد تاني مش ليا أنا خلاص رجعت و بطلب بهدوء تسيبي الملجأ و إلا هيكون ليا موقف تاني 

من هذا الشخص الذي يقف أمامها الآن ؟!

كانت كلماته مؤلمة كثيراً لها وقفت أمامه لتجيبه برفض :

ـ أسفه مش هسيب الملجأ أنا المسؤولة عنه و هتحمل المسؤولية كاملة 

أردف بتحدي و استنكار :

ـ في الحالة دي هقدم بلاغ ضدك للنيابة و اتهمك إنك المسؤولة عن كل الحوادث اللي تمت الفترة الأخيرة

بدأت تشعر بضيق التنفس بسبب حديثه و اتهامه لها كادت أن تجيبه لتسقط مغشياً عليها حملها قبل أن تسقط على الأرض نظر ل أنور بنظرات غير مفهومة ذهبت ملك معه في سيارته و اتجه بها سريعاً للمستشفى وصل ليبدأ الطبيب بإسعافها و كانت ملك تقف في الخارج مع أسر و تتابع توتره و قلقه الشديد على ابنتها لتشعر أن هناك شيئاً غامضاً لكنها قررت الانتظار للاطمئنان على ابنتها أولاً و بعد ذلك ستتحدث معه وصل أنور و كان يقف جوار زوجته و أرسل أسر رسالة على الهاتف ل رائد طلب منه الحضور فهو رفض أن يكون متواجداً أثناء حدوث هذه المواجهة بعد فترة خرج الطبيب

اقترب أسر منه أولاً ليهتف بقلق :

ـ لو سمحت طمني عليها يا دكتور 

أردف الطبيب بهدوء شديد :

ـ للأسف هي اتعرضت لانهيار عصبي و هتستنى معانا يومين في المستشفى لغاية حالتها ما تستقر بس يفضل ميوصلهاش أي أخبار تزعجها 

نظر لملك بندم حقيقي فهو لم يتمنى أن يصل الأمر لهذه الحالة :

ـ طيب ممكن ندخل نطمن عليها 

أومأ بموافقة و أردف بجدية :

ـ مفيش مشكلة بس بلاش كلام كتير معاها لأنها شوية و هيبدأ مفعول المنوم يأثر عليها