قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

في المستشفى واقف الكل في حالة من الذهول والكل مصدوم من كلام الدكتور وما حدش مستوعب حاجه والصمت سلطان المكان 

واخيرا مهند يكسر حاجز الصمت: انت بتقول ايه يادكتور ابويا فين؟ 

الدكتور بحزن: انا اسف أستاذ مهند ولدك تعيش انت البقاء لله وحده. 

سماح تقع على الارض وأغمي عليها من الصدمة.. دهب تجري عليها وهي بتقول بصوت عالي:  خالتي سماح 

وتقعد جنب سماح وتحاول تفوقها وهي بتعيط ومش مستوعبة اللي بِحصل.. مهند يبص علي سماح وهاني اللي واقف مش قادر يتحرك ولا يقول حاجه.. دموعه تنزل في صمت بعد ما استوعب خبر وفاة ولده. 

مهند:  لا إله إلا الله أنا الله وأنا اليه راجعون لا حول ولاقوه الابالله العلي العظيم واتوب اليه. 

هاني بدموع: ابوك فين يا مهند؟ 

❈-❈-❈

مهند يحضن هاني هو بعيط ويقول: قول لا إله إلا الله يا هاني احنا مسلمين وعارفين ربنا. 

هاني بصوت عالي: ابويا لاء يحاج ماتسبناش لوحدنا وتيتمنا احنا لسه عيال ومحتاجينك في وسطنا. 

هاني يفضل يعيط ومهند يحضن هاني جامد ومش قادر يقول حاجه يفضل يعيط هو كمان.. دهب قاعده علي الارض جنب سماح و بتعيط على عياط وحزن حبيب قلبها مهند.. ونفسها تقوم تحضنه في اللحظة دي.. بس مش هاين عليها تسيب سماح.. الدكتور ينادي علي اتنين المرضين.. الممرضين يجوا ويخدوا سماح من علي الارض ويدخلوها الغرفة.. والدكتور دخل علشان يكشف عليها. دهب قامت ودخلت وراي سماح. وهي نفسها تفضل مع مهند بس مش قادره تسيب سماح. مهند بعد عن هاني ومسح دموعه ودخل علشان يطمن علي أمه. 

مهند بحزن: امي مالها يادكتور حصل لها اي. 

الدكتور: هي كويسه الحمدلله بس ما استحملتش  الخبر علشان كده اغمي عليها. علي العموم انا علقت لها محلول  فيتامين ومقويات وأن شاء الله ساعة بالكتير وتقوم بالسلامة.

 

مهند بدموع: طيب نقدر نستلم ابويا دلوقت ولا ايه؟ 

الدكتور: انا اسف يا استاذ مهند بس لازم نعمل تحليلات لجثه. والدك م**يت  متس*مم يعني محاوله قت**ل وانا ما اقدرش  اسلمك الجثة بتاعت والدك غير بأمر من المحكمة. 

مهند بصدمة: يعني ايه انا ابويا ما**ت مقت**ول ازاي ومين وليه احنا مش عندنا اعداء خالص يا دكتور. 

الدكتور: مش عارفه بس ده اللي حصل فعلا انا  بلغت الحكومة وهم على وصول هم هيعرفوا اللي حصل ده حصل ازاي ويقولوا لحضرتك ايه اللي حصل بالظبط.

مهند: ماشي يا دكتور بس ممكن ادخل اشوفه بعد اذنك. 

الدكتور بحزن: انا بجد اسف ما قدرش منظر والدك صعب وانت مش هتستحمل تشوف منظره لان السم منتشر في جسمه وده سبب في تغير للون الجلد يستحسن ان ما فيش حد من العيلة يشوفه خالص. 

دهب بدموع:  طيب مين عمل كده وليه ده عمي محمد عمره ما اذى حشرة ليه  يعملوه فيه كده. 

الدكتور: ربك المستعان يا مدام على العموم الحكومة هي اللي هتقدر تعرف مين الفاعل و تتكشف الحقيقة أن شاء لله. 

❈-❈-❈

في البيت عائلة مهند. 

في حمام غرفه الضيوف. شيرين قاعده وماسكه في ايديها اختبار حمل و بتكلم نفسها وهي بتلطم.

شرين: يا نهار اسود انا حامل اعمل ايه في المصيبه دي دلوقت. أسلام مش بيخلف واكيد ده أبن عصام اعمل ايه اسلام لو عرف ممكن  يقت***لني فيها اعمل ايه في المصيبه دي يا ربي يعني المصايب مش بتيجي غير مع بعضها.

تحت ايديها علي راسها وتفضل تفكر في حل وهي بتقول.

شرين: لازم الاقي حل للمصيبة دي قبل ما حد يعرف حاجه. 

تبتسم خبث وعيونها لمعة بشر وهي بتقول. 

شرين: انتي زعلانه ليه يا هبل اللي حصل ده هيكون باب كنز وفتح ليا. لازم اخلص من الزفت اللي أسمه أسلام. وبعدين ألعبها صح علي عصام وخلي يتجوزني. وكده كده دهب اللي هتشيل الليلة. 

شرين تضحك بفخر وهي مبسوطة من نفسها وافكرها الشرير..

 شرين: الله عليكي يا بنت يا شيرين بس لازم اخلي اسلام يأكل من الرز.

تقوم من مكانها وهي بتقول: اما اروح اجهز له طبق حلو كده على ما يصحي. 

❈-❈-❈

في المطبخ 

شرين تدخل المطبخ تلاقي هانم بتجهز الأكل. 

شرين: بقولك يابت يا هانم هو الرز أبوا لبن اللي دهب عمله فين علشان أسلام عاوز يفطر. 

هانم تسيب اللي في ايديها وهي بتقول: في التلاجة هجيبه لكي. 

شرين تجري علي التلاجة وهي بتقول: لا خليكي انتي شوفي شغلك وانا هخده. 

هانم تبص لها باستغراب وما تعلقش وترجع تشوف هي كانت بتعمل ايه.. شرين تاخد طبق الرز من التلاجة وتروح عند برطمان السم وتبص علي هانم اللي مش مركزه معاها خلاص وتحط السم في الرز وترجعه مكانه بسرعه. ابتسم بشر وهي بتبص لطبق. تاخده وتطلع من المطبخ وتروح غرفتها هي وأسلام. 

❈-❈-❈

في الصاله 

بعد وقت شرين تطلع من الاوضه.. تلاقي هانم الخدامة قاعده بتعيط.. تبص لها باستغراب وهي بتكلم نفسها. 

شرين: هي مالها دي بتعيط ليه كده؟ 

تبلع ريقها بخوف وهي بتفرك في ايديها بتوتر. وبتكلم نفسها بصوت واطي. 

شرين: الهوي الرجل بين عليه م***ات. منك لله يا دهب من يومك وانتى منحوسة واي حد يقرب منك يكون منحوس زايك. يارب استرها وعديها علي خير. 

شرين تقرب من هانم وهي تصطنع انها مش عارفه حاجه. 

شرين: في اي يابت بتعيط ليه كده هو الحاج محمد عامل ايه دلوقت طمنيني علشان قلقانا عليه اوى. 

هانم بدموع: الحاج محمد تعيشي انتي يا شيرين.

 

شيرين تصرخ بصدمه مزيفه وهي تحط ايديها علي صدرها.

شرين: ينصبتي الحاج ما***ت لا اله الا الله (وبدموع تماسيح) الله يرحمك يا حاج. 

هانم بدموع: الله يرحمك يحاج والله كان رجل أمير والله. 

شيرين:  الله يرحمه ياحبيبتي.

 

ام سعيد طلعها من الغرفة بتاعتها وماشية بالعافية على رجليها.

أم سعيد بقلق: خير في ايه يا بنات بتعيطوا ليه كده؟ 

❈-❈-❈

هانم تجري عند ام سعيد وهي بتقول: انتي ليه ماشية على رجلك الدكتور منعك تدوسي عليها. 

أم سعيد بقلق: سيبك مني انا دلوقت وقولي لي  فين اهل البيت وفي ايه بتعيطي ليه؟ 

شيرين بحزن الأفاعي: اصل الحاج محمد مات عقبالك (تعض على لسانها ) اقصد الله يرحمه. 

ام سعيد تبص لها بصدمه وهي بتقول: انتي بتخرفي بتقولي ايه يابت هو فين الحاج

هانم بدموع: الحاج تعيشي انتي يا خالتي. 

ام سعيد بدموع: لا إله إلا الله الحاج محمد ما***ت ازاي وامتي؟ 

شيرين بخبث: مش عارفين ايه اللي حصل بالظبط بس بعد مأكل من الرز ابو لبن اللي دهب عملته وقع على الارض من غير نفس. 

وفي اللحظة دي كان داخل مهند ومعه ضابط شرطة. ولم مهند سمع كلام شرين وقف مكانه وما قدرش يتحرك. الضابط بص لمهند المصدوم ورجع بص ناحية شرين هو بيقول. 

الضابط: هو فين الرز ده يا شاطرة.

 

شرين تبص وراها بفزع ولم تشوف رجال الشرطي تتوتر جامد. 

شرين بخوف: جوووا يباشا بس والله مش انا اللي عملته دي دهب اللي عمله. 

❈-❈-❈

مهند بانفعال وخوف علي دهب: انتي عاوزه تقولي اي يابت انتي؟ 

شرين تخاف من مهند تسكت وما تردش. 

شرين تخاف من مهند تسكت وما تردش. 

الضابط: لو سمحت يا أستاذ مهند اهدي شوية وانتى كملي ايه اللي حصل للحاج لم أكل من الرز. 

شرين تبص بخبث لمهند وتمثل التوتر وخوف وهي بتقول. 

شرين: هو يا حضرت الضابط الحاج الله يرحمه أول ما أكل الرز اللي دهب عملته رجع دم وقع علي الأرض ما قامش تاني.

الضابط بتفكير: ده معناه ان الرز اللي الحاج أكل منه كان متسمم. 

مهند بخوف: لاء يحضره الضابط دهب مراتي مستحيل تعمل كده اكيد في حاجه غلط. 

الضابط: كل حاجه هتبان في التحقيق يا استاذ مهند لو سمحت اهدي وخليينِ اشوف شغلي.

 

الضابط يكلم شرين: طيب هو فين الرز ده انا عاوز اشوفه. 

شيرين تبص على هانم وهي تقول: هي اللي تعرف يحضره الظابط هي الخدامة. 

الظابط يبص على هانم: فين الرز يابنتي؟ 

❈-❈-❈

هانم بخوف: في طبق في المطبخ والطبق التاني شيرين أخدتوا من شويه لجوزها علشان  يفطر. 

شيرين بخبث: يا لهوي هو الارز في حاجه ولا ايه؟

تصرخ بخوف مزيف وهي بتقول. 

شرين:  يالهوي اسلام جوزي بياكل من الرز. 

وتطلع تجري على السلم ومهند والضابط وراها. ولم وصلوا للغرفة انصدموا بالمنظر اللي هم يشوفوه. شافوا اسلام م***يت وجسمه بقا للونه اخضر. 

شيرين بصوت عالي: يا لهوي اسلام

 وتجري وتقعد جنب اسلام وتفضل تعيط وتلطم.. الظابط يجري علي اسلام  ويشوف الضغط بتاعه وبصدمه:  ده م***ات

مهند بيبص لمنظر اسلام بذهول هو بيقول: هو ايه اللي بيحصل؟ 

الظابط ينادي علي العساكر اللي معه: تعالي يأبني انت وهو نزلوا الجثة دي تحت  وخدوا عينه من الرز ده  حللوها بسرعه. 

مهند بخوف: هو الارز في حاجه؟ 

الضابط: اصبر بعد ما التحاليل تطلع هنعرف اذا الارز ده في حاجه ولا لاء بعد اذنك انا عاوز اشوف المطبخ. 

مهند: طبعا اتفضل . 

الصفحة التالية