قراءة رواية مجنونة الشيطان المتملك

 (جميلة القاسي) كاملة

تنشر حصريًا على مدونة رواية وحكاية قبل أي منصة أخرى

رواية مجنونة الشيطان المتملك

الفصل الثاني

2

تم النشر الإثنين

12/2/2024

في كافتيريا على النيل

كانت تجلس مكه مع اصدقائها يتناقشون ويتحدثون

عن الامور الخاصه بهم التي صارت معهم في هذه الايام لكن مكه لم تكن تشاركهم في الاحاديث بل انها كانت تسمع فقط دون ان تتدخل واغلب الوقت وهي شارده لاحظت صديقتها فريده هذا فنظرت اليها وقالت=

"مالك يا حبيبتي فيك ايه حاساك متغيره ومش بتدخلي معانا في الكلام"

اكدت صاحبتها الاخرى مريم على كلام فريده قائله

=فريده معاها حق انا كمان لاحظت كده احنا من ساعه ما قعدنا وانت مش بتتكلمي خالص يا قلبي مالك

نظرت اليهم مكه بحزن قائله

الموضوع ببساطه اني متقدم لي عريس

نظرا الاثنين،بذهول وهتفت فريده قائله

ودي حاجه تزعل يا اخره صبري! ومين بقى سعيد الحظ اللي هينول البريئه بتاعه الشله بتاعتنا

ضحكت مريم على كلام فريده وقالت

="معاكي حق يا فريده البنت دي طول عمرها وش فقر

يا بت هو في حد لاقي عرسان اليومين دول وانت زعلانه بس عشان بتقدم لك عريس يا اختي لو مش عايزه ابعته لي وانا مش هزعلك خالص وهاخده على طول

وردت عليها فريده

= معاكي حق لو مش عايزه تديهولنا واحنا نتصفى انا وانتي 

انتي تاخدي نص وانا اخذ نص

مكه بحزن على سخريه اصدقائها لها  فصاحت فيهم قائله=

= بس انتي وهي ،انا مش بهزر على فكره الموضوع اللي انا واقعه فيه موضوع خطير، وانتو الاثنين بتتريقوا عليا بجد انا غلطانه اني اتكلمت معاكم اصلا

وقفت من علي  الكرسى الخاص بطاوله الكافيه وكانت ذاهبه الى ان وجدت

مريم تمسكها من يدها وتجلسها مره اخرى على الطاوله وهتفت فيهابغيظ قائله=

=اقعدي يا بنت ما تبقيش غبيه على طول كده ومتسرعه انتي ما شرحتناش حاجه وعايزانا نفهمك طبيعي لما يجي لاي واحده عريس بتفرح !انت بقى زعلانه ليه؟ احنا لازم نفهم الاول مش تقولي كلمه وتجري على طول

ردت عليها فريده بملل قائله

= سيبك منها يا مريم هي على طول كده بتزعل من اقل حاجه طفله باجسم واحده كبيره

نظرت اليهم مكه بغضب  واحتقن و وجهها

من شده الغيظ وصاحت فيهم بغضب قائله

=خلاص انتي وهي انتم ما صدقتوا اتفتحتوا انا

خلاص هقول لكم مشكلتي بس يا ريت الاقي عندكم حل مش زي كل مره

اجابتها مريم بغيظ ممزوج ببرود

=ا خلصي يا مكه اتكلمي واحنا ان شاء الله هنفيدك بس اتكلمي الموضوع يا حبيبتي مش مستاهل كل المقدمات دي

اطلقت زفير حار من صدرها قبل ان تتكلم ونظرت اليهم بحزن وهتفت قائله

الموضوع مش في العريس نفسه الموضوع ان كان في مشاكل بين بابا وابن اخته قبل عن كده ومشاكل وصلت ان هم قطعوا بعض وفجاه دلوقتي يجي ابن اخته يطلب ايدي ويحل الخلاف اللي بيني وبين خاله من غير اي اسباب ولا مقدمات حتى الموضوع ده قلقني جدا مش عارفه انا حاسه ان في حاجه غير مفهومه ورا الموضوع ده

نظرت اليها فريده وقالت لها 

=طيب راي والدك ووالدتك ايه في الموضوع ده اكيد رافضين لان كان في مشاكل بينهم 

اجابتهم مكه بحزن اكبر ووجع يعتصر قلبها من الداخل=اللي مزعلني اكتر ان هم وافقوا علشان هو غني وماما قالت لي ان هو شاب كسيب مجدع وان الراجل ما يعبهوش غير جيبه واخلاقه

وهو الصفتين دول متوفرين فيه وبابا حب ان هو يصلح غلطته اللي عملها معاه زمان ويرجع الحبل الود من تاني عن طريق الزواج بينا بس انا مش قادره اتقبل فكره اني هكون وسيله علشان اخليهم يسامحوا بعض ما تخيلتش يوم من الايام الناس هتجوز بالطريقه دي دايما كنت بحلم باليوم اللي هيجي فارس احلامي وياخذني على الحصان الابيض زي ما بقرا في الروايات فيوم ما اتجوز اتجوز بالطريقه دي وكمان انا ما قعدتش معاه قبل عن كد وده موترني اكتر

ها بعد ما عرفت كل المشكله ايه رايكم وهل عندكم حلول ليا

نظرت لها فريده واجابتها بحكمه 

=يا حبيبتي الموضوع ده كان زمان ولو باباكي شاف نسبه بسيطه ان ابن اخته لسه في حقد او كره تجاهه ما كانش وافق انه يخطبك ليه وبعدين انت لسه ما تعرفتيش عليها عشان تحكمي عليه لازم تدي نفسك فرصه وتبعدي فكره الروايات اللي مالت دماغنا دي حبيبتي احنا في مجتمع غير اللي في الروايات خالص وعلشان كده انا بنصحك انك توافقي ولا انتي ايه رايك يا مريم

اجابتها مريم بتاكيد على كلام فريده

=انا بتفق مع كلام فريده 100% وغير كل الكلام ده ان انت وحيده اهلك يعني اهلك مش حيرموكي لاي حد وخلاص لولا ان هم واثقين ان هو هيحافظ عليك ويحترمك ما كانوش وافقه وبعدين انت لسه قايله بعضمه لسانك انك ما شفتهوش وما تعرفتيش عليه يبقى ليه بس الافكار السلبيه تجينا تبوظ

فرحتنا خليك واثقه ان ربنا اكيد شايلين حاجه كويسه وانه لو حاجه وحشه هيبعدها 

لانك طيبه وبريئه وما اذيتيش  فكوني واثقه وعندك ايمان ان اكيد اللي جاي خير ان شاء الله

بعدما استمعت مكه الى كلام اصدقائها و ومقارنته

بكلام والدتها الذي يتطابق تماما مع كلامهم

اخذت قرارها بالموافقه على هذه الزيجه و دعت ربها

ان يجعله خير زوج لها ويكون الشعور الذي تشعر به غير صحيح بالمره

قطع حبل افكارها كلام صديقتها مريم قائله

يلا بقى احنا لازم نحتفل وتعزمينا انتي على الغداء مش انت العروسه استحملي بقى

اكدت فريده على كلام مريم وهتفت قائله 

=ومش اي اكل اكل السمك وجمبري وتكون على حسابك كلها موافقه يا ستي ولا غيرت رايك عشان انا عارفاك بخيله

ضحكت مريم على كلام فريده وردت عليها قائله

=مش للدرجه دي يا فريده على فكره مكه مش بخيله خالص وهتثبت لنا دلوقتي مش كده يا مكه

هزت مكه راسها بالموافقه وطلبت لهم اكله سمك وجمبري مثلما طلب

وبعد قليل من الوقت احضر النادل الطعام الذي طلبه

وابتدوا يتناولون الطعام في جو من المرح والضحك والمناقشات التي لا تنتهي

بعد انتهائهم من الطعام عانقت مريم وفريده مكه بفرح وهم يقولون لها مبروك يا احلى عروسه فرحنا لك بجد

ثم قالت مريم =بمرح عقبالنا يا رب يلا يا بنت نقرسك في ركبتك عشان نحصلك في جمعتك ولا ايه يا فريده تبداي انتي ولا انا

ردت عليا يا فريده بمشاكسه لا ابداي انتي يا حبيبتي انا سايبه لك الطلعه دي

ضحكت مريم وفريده على منظر مكه الذي يوحي انها

على وشك البكاء فهي بريئه مثل الزجاج سريعه الانكسار واقل شيء يجعلها تبكي وكذلك اقل شيء يجعلها تفرح فهي مزيج من الفتاه الجميله القويه البريئه الضعيفه مزيج مختلف عن اي فتاه تراها من قبل ولكن هذا يجعلها مميزه اكثر

و هتفت فريده من بين ضحكتها قائله

=خلاص بقى يا موكا احنا كنا بنضحك معاكي احنا ما يهونش علينا برده نقرص القمر بتاعنا 

اكدت مريم على كلامها قائله 

=فريده معاها حق انا كنت بضحك معاكي يا قمر ما تزعليش بقى

صاحت مكه بغضب طفولي وهي تدبدب في الارض بقدميها =بس انتي وهي انا زعلت منكم بجد

احتضناها الاثنين بحب قائلين في نفس واحد

ما يهونش زعلك  علينا

ابتسمت مكه ببراءه على حب صديقتها لها فهي ليس لديها اصدقاء كثيرون مثل البقيه فهي شخصيه انطوائيه لا تتحدث كثيرا الا مع الاقرب واصدقاء العائله فقط

لكن هل سوف تظل هكذا ضعيفه ام ستقوى وتواجه المشاكل التي سوف تواجهها في المستقبل هذا 

ما سوف نرى في الاحداث القادمه

الصفحة التالية