رواية جديدة 

حرب نواعم (قواعد عشق النساء)

تنشر حصريًا 

على مدونة رواية وحكاية 

قبل أي منصة أخرى

الفصل السابع

2

تم النشر الأحد

10/3/2024

❈-❈-❈

أغلقت داليا الباب جيداً بعد رحيل نبوية ودلال، اطفئت الانوار الخاصة بالطابق الأرضي،  ثم صعدت الى الطابق العلوي كان قاسم للتو قد استيقظ من النوم وأخذ دش ماء بارد، جلس إلى جوارها واكتفت داليا بالصمت أشعلت زر التلفاز وجلست تراقب إحدى المسلسلات التركية دون تركيز، نظر لها قاسم في هدوء ثم قال:

_بدل قعدتنا هنا يا لا ننزل تحت 

لم تنظر داليا إليه فقط اكتفت بالرفض من خلال كلماتها:

_لأ أنا وحشاني الاوضة وعايزة اقعد هنا 

جلس قاسم على حافة الفراش وقال في لهجة تعجب:

_وحشاك الاوضة؟ 

أكدت داليا على حروف كلماتها:

_ايوا وحشاني الاوضة وكمان أنا قفلت نور الدور الارضي 

هز قاسم يده وقال:

_يا سلام نفتحه تاني اي المشكل؟ تعالي معاي يا لا ننزل 

همست داليا في صوت منخفض:

_لا 

أبتسم قاسم وقد فهم أن داليا غاضبة:

_اي أنا فهمت دلوقت فيك اي؟ 

اعترضت وهي تحاول أن تبعد نظرها عنه وتنظر إلى التلفاز:

_مافييش حاجة انا 

نظر قاسم إلى وجهها وقال:

_عادتك في الخصام مش بتتغير يا بنت عمي 

تمتمت داليا في صوت منخفض:

_بنت عمي

انفجر قاسم ضاحكاً ثم قال:

_انا عارف انك زعلتي لما جيت من برا بس أنا كنت  متضايق  شوي وعايز اقعد لحالي 

تمتمت داليا في اعتراض:

_حالك من حالي ولا اي عاد؟ كنت فاكرة اني سرك وان الراحة وياي انا وبس مش بعيد عني 

وضع قاسم يده على وجهه وقال:

_ويييي حسابي تقيل أنا

نظرت له داليا في حزن وقالت:

_ومين راح يحاسبك؟ أنا !!!؟ كدا أنت ضامن أن المحكمة في صفك ما بعرف اخد وياك حق ولا باطل 

نظر لها قاسم نظرة عتاب ثم قال:

_حق ولا باطل!!؟ اجيب محامي طيب ولا اي؟ لو منذر كان هنا كان خفف الحكم على 

لم تجب داليا مما جعل منذر يضع يده على شعرها في حنان وقال:

_طيب خلاص انا راضي بحكمك على شوفي عايزة تعاقبي قاسم ازاي؟ 

تنهدت داليا في حزن ثم قالت:

_انا هنام ولا عقاب ولا غيره 

وضع قاسم يد على يدها وقال

_و أهون عليك؟ اقعد لوحدي؟ أنا بردوا قاسم واد عمك 

تنهدت داليا ثم قالت وهي تسحب يدها من يده:

_انا قاعدة لوحدي بقالي ست ساعات تحت لوحدي محصليش حاجة وانا بردوا بنت عمك

فرد قاسم ج_سده إلى جوار داليا وقال:

_ست ساعات!؟ يعني أنا نايم بقالي ست ساعات 

لم تجب داليا في حين قال قاسم في نبرة مرح:

_و تفوتيني نايم لوحدي؟ 

رفع قاسم الغطاء ثم وضع جزء منه على جسده وقال:

_اقفلي التلفزيون دا عاد

هزت داليا رأسها علامة النفي وقالت في إصرار:

_لا 

أبتسم قاسم وتابع:

_مبتحبيش الافلام التركي انت ولا  التمثليات  بتاعتهم  خابرك انا، انت مش هتشوفيها

قالت داليا في لهجة طفولية:

_لا هاحبها  أنا 

اعترض قاسم في جذل وهو يغمز بعينيه:

_اكتر من قاسم؟ اكتر مني انا؟ ما تردي يا مرتي 

همست داليا في عناد:

_مرتى تو افتكر أنه له مرا

أحاط قاسم كتف داليا بيده وقال:

_كنت نستها أنا؟ انسى اي دا انت روحي يا بت

ظهر الغضب و التذمر على وجه داليا وقالت:

_روحك!؟ وتقول ل روحك عايز اقعد لوحدي؟ روحك وتفوتني خائفة وقلقانة عليك؟ روحك اي عاد 

لمس قاسم بيده خدها وقال:

_حقك عليا 

تنهدت داليا في حزن في حين قال قاسم:

_خلاص بقا يا روحي 

نظرت له داليا في عتاب وقالت:

_ولا بنت عمك زي ما كنت بتقول 

ضمها قاسم إلى صدره ثم قال:

_روحي وقلبي وعقلي وبنت عمي 

شعرت داليا بالفرح تغمرها وهي تسمع كلمات قاسم فقالت وهي تخبيء  رأسها في صدره:

_كنت بتفكر في أي عاد لما جيت من برا؟ 

اغمض قاسم عينيه وقال:

_خلاص سيبك من الموضوع دا عاد

همسات داليا في صوت منخفض:

_انا عارفة انك بتفكر::::::

صمتت فجأة وشعرت بغصة في قلبها 

طبع قاسم قبلة على خدها وقال:

_حال ناس تعبانين يا داليا وجعوني قلبي البني ءادم بردوا  بيتأثر  بالناس لما يحس أن حالهم صعيب 

طوقت داليا عنق قاسم بذراعيها  وقالت في لهجة شك:

_جد هو دا اللي كان مضايقك؟ 

همس في اذنها:

_اي هو وبلاش كلام فيه 

خلينا هنا واقفلي التلفزيون دا 

اعترضت داليا في دلال:

_لا راح اتفرج 

همس قاسم في اذنها:

_وماله  نتفرج أنا وأنت 

ثم ابتعد عنها لحظات، اغلق التلفاز بواسطة الريموت كنترول وقال:

_انا حكي أنا احسن من تمثيلات الدنيا كلها

همست داليا في أذنه:

_تعرف الساعات اللي قعدتها لوحدي دي كنت بسال نفسي هو قاسم بطل يحبني ولا اي؟ 

هو قاسم هيجي له يوم و يفوتني وحدي كدا هاهون عليه ها أنا أقدر على اي صعب في الدنيا دي يا قاسم بس لحظة قسوة منك انت قلبي ميقدرش عليها  

صمتت داليا لحظة ثم أكملت:

_دنيتي انت فيها اي الدنيا دي مهون عليا غير قاسم، انت نبض قلبي أنا 

ولو يوم نبضي بعد ولا انشغل عني  أموت احسن

وضعت داليا رأسها على صدره وتابعت:

_اياك تكون فاكر انك هين على قلبي  دا أنت حبيبي  و سندي انت كل الدنيا يا قاسم

مرر قاسم يده على وجهها وقال في حنان:

_ولا عمرك تهوني على قلبي ولا عقلي يا داليا، 

ولا عمري اعرف للدنيا كلها طعم ولا عازة من غيرك، يا بنت عمي يا اللي بوست راس عمي ألف مرة لما قال لي 

رضيت بيك جوز ل بنتي 

فاكرة زمان يا داليا لما كانت امك تقولي بعينك 

يا قاسم تنول داليا، بعينك يا واد الجارحي، 

دا داليا ملكة وراح تروح 

للي أغني منك،

 وكانت عايزة تجوزك لابن اختها ضابط المركز 

وكان عينه عليك 

 فاكرة عمي قال لها اي؟

همست داليا:

_ايوا فاكرة 

أعقب قاسم في هدوء 

 قال لها قاسم وداليا مكتوبين لبعض يا شامية

روحه مرافقة ليها يا شامية وبنتك حياتها معاه لو بعدت عنه  مالهاش حياة  من غيره راح تموت  ولو  يوم هو بعد عنها تاه في حياته، واد اخويا اولى بيها من الدنيا كلها مش اولى بيها من  واد  اختك وبس 

همست داليا في حنان:

_امي قاطعتني سنة كاملة علشان اصدك انت واوافق على بن خالتي   قلت لها يا ما ماليش في قلبي حكم ولا اقدر على فراق قاسم يا ما، لو ليا في قلبي حكم دقيقة هو اللي ملك قلبي يا أماه العمر كله، مقدرش على بعاده ولا اقدر على حزنه 

ولا اقدر ثانية واحدة بس اعيش مع غيره، يا ما حكم القلوب في ايد الله والله هو اللي راد لي 

قلبي يكون له هو  ياما 

قبل قاسم يدها في حنان وقال:

_وفي يوم فرحنا كانت ضامك ليها وهي تبكي اول ما شافتني قالت لي 

مش هوصيك عليها أنا 

عارفة أن كل واحد فيكم هيحافظ ع التاني

همس قاسم في صوت منخفض:

_تعالي اعرفك قاسم بيحبك أد اي

يتبع