قراءة رواية حكاية بنت الريف كاملة

تنشر حصريًا على مدونة رواية وحكاية قبل أي منصة أخرى

دهب قاعدة على الارض وضمه رجليها الى صدرها ودموعها نازله في سكون تام.. سماح تدخل عليها وتشوفها في الحاله دي تشعر بالحزنَ وبصوت مليء بالأحزان: دهب حبيبتي انتي كويسه؟ 

دهب بصدمه من الصوت اللي سمعته  وبفرحه طفله تائهه عثرت علي أمها: خالتي سماح.

 وتقوم وتجري على سماح وعايزه تحضنها بس حديد الزلزاله يمنعها من  الاقتراب أكثر وبدموع: خالتي يا جماعه انا والله مظلومه انا ما حطتش السم في الرز والله العظيم انا مظلومه. 

سماح بحزن ودموع: اهدى يا حبيبتي انا   مصدقاكي والله من غير ما تقولي حاجه انا مستحيل اصدق ان دهب بنتي تعمل حاجه زي كدا؟ 

دهب بدموع: بجد يا خالتي سماح انت معايا ومصدقاني ان انا مستحيل اعمل كده؟ 

سماح تمد ايديها من بين هذا الحديد اللي منعها من احتضان طفلتها في هذا لحظه وتمسح دموع: دهب ايوه يا حبيبتي انا مصدقاكي ومعاكي ما تخافيش انا لو الدنيا كلها واقفه ضدك وقالت ان دهب هي السبب في موت الحاج محمد انا مستحيل اصدق يا حبيبتي  علشان انا عارفه مين هي دهب هما ناس غريبه ما تعرفش مين هي دهب بس انا أم دهب  واعرف دهب اكتر من اي حد. 

دهب بدموع تبوس ايد سماح: ربنا يخليكي يااحلى واحن أم في الدنيا كلها.

 وفضلت اعيط ومش عارفه اذا دي دموع فرحه علشان خالتي سماح مش مصدقه ان انا ممكن اعمل كده ولا دموع حزن وقهر من اللي انا فيه وبصوت كله دموع: انا والله مظلومه 

هاني بحزن : اهدى يا دهب احنا كلنا معاكي وانا قولت لك الف مره احنا مستحيل نصدق ان انتي ممكن تعملي حاجه زي كده او تئذي حد. 

دهب بدموع وعيونها على مهند وبكسر خاطر: بس مهند مصدق ان انا السبب في موت عمي محمد. 

الكل يبص على مهند في انتظار الرد من مهند والكل متوقع ان مهند هيقول كلمه تراضي خاطر دهب بس مهند يصدم الكل بالرد. 

مهند: وليه ما صدقتش انت فعلا مش بتعرفي تقرأي يادهب وانا بقول لو ممكن فعلا تكوني انتي اللي  حطيت السم فعلا في الرز بدل السكر وانتي ما تعرفيش لان انا شوفتك يا دهب في الفيديو بعيوني دول وانتي بتحطي السم بدل السكر. 

دهب بدموع قهر وحزن: بس والله العظيم ما حطتش السم انا حطيت السكر. 

مهند: انا مش بقولك حطيتي بمزاجك انا عارف انه من غصب عنك انتي مش بتعرفي تقري علشان كده انتي ماقدرتيش تميزي بين السكر والسم. 

هاني: انت بتقول ايه يامهند مش للدرجه دي دهب جهله واكيد لو زي مابتقول كانت عرفت السم من رحته. 

سماح: هاني معاه حق حتي لو دهب مش بتعرف تقراء كانت عرفت السم من رحته بس انا حاسه ان في حاجة غريبة ومش مفهومه وبحزن ودموع كل اللي انا عايزه اعرفه مين المجرم الحقيقي وليه قتل الحاج محمد وايه السبب.

 

مهند وعينيه على دهب: انا عارف ان كلامي يجرح بس مش عندي حل تاني ان شاء الله يا أمي كل واحد  هيتعاقب على نتيجه افعاله. 

دهب وعيونها على مهند وكلهم دموع ومفكره انه مهند يقصدها هي بالكلام: قلبي وجعني أقوى من كلام مهند ياريت لو كان الكل مصدق ان انا ممكن اعمل كدا ومهند هو اللي يقول مستحيل دهب تعمل كدا. 

مهند بصوت خالي من المشاعر: يلا يا أمي ماينفعش نفضل هنا اكتر من كدا. 

وبصيت على دهب وانا قلبي وجعني عليها واللي تعبني اكتر أن انا عارف ان انا اللي بجرحها نفسي اخدها في حضني واقول لها ماتخفيش يادهب انا موجود معاكي مش ضدك بس انا لازم اعمل كدا علشان اقدر اكشف الحقيقة واعرف امسك دليل يثبت برائتك في المحكمه. 

❈-❈-❈

في البيت نور قاعده وبغيظ وبتكلم نفسها: هي مين دهب دي اللي الكل مش قادر يصدق ان هي ممكن تغلط دا انا كنت قرفانه وانا بسلم عليها يوم الشبكة من جمالها اوي كدا الكل بيحبها ومتعلقين بيها حتى هاني اللي مش قادر يسمع كلمه عليها ياخوفي تاخدوا مني ده لو انا مش هيدافع عني بالشكل ده  وحتى كمان ماما عندها دهب ملاك نازل من السماء. 

شيرين واقفه خلف نور وسمعتها وهي بتتكلم. شرين بخبث: ايوه والله يا نور يا اختي معاكي حق دهب زي ما تكون عامله عمل للعيله كلها والله. 

نور تبص وراها وبكبرياء: ومين

انتي يا شاطره. 

شيرين بغيظ من كبرياء: نور انا  شيرين يا حبيبتي. 

نور بنفس الأسلوب: وانتي مين خدامه يعني ولا ايه؟ 

شيرين يارب صبرني ميجيليش جلطه من البنت دي او اسمها هي كمان وارتاح والله العظيم اعملها  ما هو انا مش ناقصه فقعت مراره (وتكمل كلامها) لا يا حبيبتي انا مش خدامه ولا حاجه انا شيرين مرات اسلام خال دهب وبكون واحدة من  العيله. 

نور باسلوب غير لائق وكبرياء: ما هو اولاد الشوارع بيلموا بعضهم برضو وبيقولوا على نفسهم اولاد عيله. 

شيرين صوت عالي باين فيه الغضب: بنت انتي زودتيها قوي مين دي اللي من الشارع دي انا شيرين بنت المعلم محمد علي سنه وربع وعمري ماكنت من الشارع (والافعي تبخ سمها) بس الحق عليا كنت حبه انصحك واعرفك مين هي دهب علشآان خاطر ماتظلميش حد وحد ياخد حقك وحق عيالك أن شاء الله علشان انا شايفه ان الكل واقف مع دهب ومافيش حد حابب يسمع كلمه َمنك على دهب بس باين عليكي ماتستهليش حد ينصحك.

 وتاخد بعضها وتمشي من قدام نور. نور بستغراب وفضول: قصدها ايه دي استنى انتي فعلآ معاكي حق مافيش حد قادر يسمع كلمه مني ودي اول مره هاني يتكلم معايا بالشكل ده علشان حد. 

شيرين بابتسامة خبث: وهو ده اللي خلاني اجي علشان انصحك واعرفك مين دهب. 

نور بفضول: ليه مالها دهب؟ 

شيرين بخبث: دهب دي ياحبيبتي اكتر انسانه خبيثة انا عرفتها في  حياتي كلها بوشها  البريء قادره تخدع اي حد. 

نور : لسه برضو مش فاهمه تقصدي ايه بكلامك ومالها دهب وبتخدع مين مش فاهمه؟ 

شيرين بخبث الأفاعي: قصدي يا حبيبتي ان دهب بتعمل نفسها بريئه وعلى نيتها قدام الناس كلها و بتخدع الكل بوشها البرئ بس هي مش بريئه زي ما هي بتبان  قدام الكل. 

نور: يعني قصدك ان دهب بتمثل البراءه قدام الناس و تعمل اللي هي عايزاه. 

شيرين: ايوه الله ينور عليكي هي كده فعلا بتقدر تخلي الكل يحبها ويتعلق بها علشان الكل بيفكر ان هي غلبانه بس من الناحيه التانيه هي بتعمل اللي هي عايزاه مافيش حد بيصدق عنها حاجه لان الكل بيشوفها انسانه بريئه وغلبانه وعلى نياتها ده هي قدرت تخلي مهند يحبها يتعلق بها مع انه يعرف كل حاجه عن الماضي بتاعها. 

نور بفضول باستغراب: قصدك ايه انه يعرف الماضي بتاعها هي عندها ماضي ايه؟ 

شيرين: دي ماضيها اسود ومنيل زيها وسمعتها ما كنتش كويسه بين اهل القريه عندنا والكل كان عارف عنها انهي واحده قليله  الشرف. 

نور بصدمه: قصدك ايه ان هي واحدة قليله الشرف؟ 

شيرين: قصدي ان دهب لم مهند اتجوزها ماكنتش بنت بنوت وكمان ماكنتش متجوزه قبل كده. 

نور تحط ايديها على بوقها: يالههههوي ومهند اتجوزها وهو يعرف ان هي مش بنت بنوت. 

شيرين: لا ياحبيبتي مهند لم اتجوزها ماكنش مصدق ان هي مش بنت بنوت لأن كانت قدامه ملاك نازل من السماء وقدرت تضحك على مهند والكل ببرائتها. 

نور: يا للدرجاتي هي خبيثة ومخادعه. 

شيرين: مش بقولك هي اكتر إنسانه خبيثة انا عرفتها ومش بس كدا هي اللي قتلت عمي محمد وبدموع تمسايح وجوزي اسلام وزي مانتي شايفه مافيش حد قادر يصدق ان هي ممكن تعمل كدا. 

نور: طيب وهي ليه قتلت عمو محمد مع انه كان كويس معها. 

شيرين: ربنا يكفيكي شر الطمع دي داخله على طمع يا حبيبتي ولم اتجوزت مهند كانت مفكره أن هي هتكون. الملكه بس لم شافت أن مهند مش ليه الحكم على حاجة وان عمي محمد هو اللي ماسك كل حاجه قررت تشيله من طريقها وبالطريقة دي يكون الحكم كله بأيد مهند وطبعا مهند بيحبها وهايمشي على هواها وهايعمل لها إلى هي عايزاه (وتبص على نور بخبث) وهاني الغلبان طبعا هايطلع من المولد بل حمص لانه بيحب اخوه وهو كمان مخدوع  ببراءه دهب زي زي غيره وزي

مانتي شايفه مش قادر يسمع كلمه عنها. 

نور بغضب: ده يكون نجوم السماء أقرب لها لو خليتها تنفذ اللي في دماغها يانا يا اللي اسمها دهب دي وماكونش نور بنت الحاج ابراهيم لو ماخلتها ترجع الشارع زي ماجت منه. 

شيرين بابتسامة انتصار:  ايوه كدا حتى لو مهند قدر يطلع دهب من الحبس انا متأكده ان نور هاتخلي حياتها اسود من الحبس يلا خلينا نتفرج ونشوف نور هاتعمل ايه علشآان تطلع دهب من البيت. 

نور: ياشيرين ياشيرين. 

شيرين: ها

نور: أيه روحتي فين انا بكلمك ولا انتي هنا. 

شيرين: لا معاكي. 

نور: طيب خلينا نعمل حاجة علشان نخلي الكل يعرف دهب على حقيقتها. 

شيرين بخبث: والله ياحبيبتي انا حاولت اخلي الكل يشوفها على وشها الحقيقي بس ماحدش كان بيصدقني  مع اني انا اللي اعرفها من واحنا لسه أطفال بس كل مره دهب تقدر تخدع الكل وتخليهم يصدقول اي حاجة هي بتقولها. 

نور بغل: ده كان زمان لم نور ماكنتش موجودة بس انا هاغير كل حاجه من النهاردة ولازم اكره الكل في دهب دي وخلي مهند يطلقها ويرميها في الشارع زاي ماجبها منه. 

شيرين: ده مستحيل ياحبيبتي دي حامل ومهند مستحيل يسبها طول ماهي حامل وحتى لو مهند سبها خالتي سماح مش هتسيبها. 

نور: طيب والعمل اي دلوقتي. 

شيرين بحقد: لو عايزة الكل يكره دهب لازم (وبمكر الافاعي) لا لا اكيد مش هاتوفقي وهتخدي عني فكره مش كويسة بس انا ربي يعلم أن انا حبيتك  ومش عايزه غير  مصلحتك. 

نور: بس قولي الفكره اللي عندك ماتخفيش انا مستعده اعمل اي حاجة علشان اخلي الكل يشوف دهب على حقيقتها. 

شيرين بابتسامه: طيب هاقولك؟؟ 

نور بخوف: يالههههوي طيب افرضي حد عرف حاجه اكيد الكل هايحب دهب اكتر. 

شيرين بخبث: انا قولتلك اللي عندي وانتي حره بس هي دي الطريقه الوحيده اللي هتخلي الكل يكره دهب حتى سماح هاتكرها قبل مهند. 

نور: في رايك ممكن الخطه  تنجح من غير ما حد يشك او يعرف ان احنا السبب. 

شيرين: وايه اللي هيعرف حد هما بس الكل هيفكر ان دهب عملت كده علشان مهند صدق ان هي اللي قتلت ابوه وهايفكرو أن هي كرهته علشان كده مابقتيش عايزه اي حاجة  تربطها بمهند. 

نور: طيب ازاي هنفذ الخطه دي؟ 

الصفحة التالية