قراءة قصة قصيرة جنة الزين

 

قراءة قصة جنة الزين

قصة قصيرة جديدة

من روايات وقصص 

الكاتبة رونا محمد 

تم النشر يوم الخميس

18/7/2024

في احد الاحياء المتوسطة عماره تتكون من سته طوابق في بلكونه تقع في الطابق الرابع

تجلس فتاه يبدو عليها في عمر العشرينات ويبدو ايضا انها حامل في الاشهر الاخيره تتناول مشروبها المفضل "عصير الفرواله" 

تتحدث في الهاتف المحمول مع صديقتها المقربه 

جنه: زين سافر الفجر وهيرجع بكره العصر انا كويسه متقلقيش 

رحمه: كان نفسي اجيلك بس ماما تعبانه ومفيش حد غيري ياخد باله منها خلي بالك من نفسك وكلي كويس 

جنه:عارفه ومقدره متقلقيش ياحبيبتي خلي بالك من طنط ربنا يعافيها يارب وسلميلي عليها 

رحمه: الله يسلمك،انتي كده بقيتي في الشهر الكام

جنه:مش عارفه زين اللي بيحسب تقريبا اخر الثامن 

رحمه: تقومي بالسلامه علي خير ان شاءلله 

جنه: ان شاءلله

رحمه: سلام بقا وهكلمك تاني 

جنه:اوك سلام

بعد ما قفلت الفون قامت من البلكونه ودخلت اوضتها فتحت الدولاب وطلعت من تحت الهدوم كشكول كبير خدته وقعدت علي السرير فتحت اول صفحه مكتوب فيها ذكرياتي مع حبيبي "زين الرجال" قلبت الصفحه وابتدت تقرا مذكراتها:-

الحكايه بدات من واحنا اطفال كنا جيران واهالينا كانو صحاب وبيقضوا اغلبيه الوقت مع بعض الفرق بينا شهرين كنا في نفس الحضانه كنا بنلعب سوا مع عيال تانيه دخلنا المدرسه سوا وكنا في فصل واحد ومع بعض في الدروس بنروح المدرسه سوا بناكل سوا وبنلعب مع صحابنا في البريك في الدروس سوا وبنذاكر سوا كنا بنحب بعض حب اخوات عادي او كان متهيالنا كده فضلنا كده لحد الثانوي ابتديت احس بمشاعر ناحيته مقدرتش امنع مشاعري بس قدرت اسيطر عليها انها متابنش حتي لاهلي عشان اهالينا ميخسروش بعض وكنت بتعامل معاه عادي بس كنت محافظه علي حدودي محاولتش افلت انتباهه ساعات كنت ببقي اسال نفسي احساسه اي بس محاولتش اعرف عشان متعبش كنت بدعي ربنا لو في خير ليا يقربه ولو في شر يبعده ويشيل حبه من قلبي كنت مركزه في مذاكرتي خصوصا اننا لما دخلنا ثانوي بطلنا نذاكر مع بعض عشان كبرنا وكده بس لو كانت بتقف حاجه قصد حد فينا التاني كان بيشرحاله واتس كنت من جوايا مدمره لان محكتش لحد خالص كنت كاتمه حبه جوايا وده كان تعبني جدا مع ضغط الثانويه العامه طبعا خصوصا في النظام الجديد اللي اول مره يتطبق بس ربنا كان مقويني، كنت بضعف لوحدي قبل ما انام واعيط بس كنت بقوي لوحدي بربنا بصلاه قيام الليل والدعاء 

فضل الوضع كما هو عليه خلصنا الثانويه العامه بتقدير كبير ودخلنا نفس الجامعه ونفس الكليه وكنا سوا في نفس السكشن كمان كنا بنروح سوا ونحضر المحاضرات سوا نقعد في البريك ونجيب اكل سوا اتعرفنا علي صحاب جداد سوا لان مكنش معانا حد من صحابنا القدام اللي معانا من حضانه ساعات كنا بنخرج سوا مع صحابنا بتوع الجامعه كل ده وانا كاتمه في قلبي ومش مبينه حاجه وبتعامل عادي بس بقيت اقوي واهدا مبقتش اعيط بقيت احاول اقلل تفكير فيه ساعات كنت بفشل وقليل اوي لما كنت بقدر بس حياتي كانت ماشيه حبي ليه كان بيكبر مش بيقل وعدت الايام والسنين لحد ما بقينا في 4جامعه الفتره دي ابتدي يتقدملي عرسان كتير بس كنت برفض قدام اهلي سبب رفضي ان لسه قدامي سنه ودي مهمه عشان كنت عايزه اتخرج بتقدير وده كان حقيقي بس الاهم عشان خاطر حبي مكنتش عايزه اظلم حد معايا وقفلت علي قلبي اللي مفهوش غير حبي ليه وبس خلصنا السنه ونجحنا بتقدير واتخرجنا سوا وفي يوم حفله التخرج اتفاجئت بيه قدام الدفعه كلها وقدام اهلي واهله بيوطي علي ركبه وماسك علبه فيها خاتم وبيقولي تتجوزيني من كتر فرحتي اتصدمت ولاقيت نفسي بهز دماغي بالموافقه ودموعي مغرقه وشي دموع الفرحه خلصنا الحفله وروحنا جه هو واهله عندنا قعدوا يتكلموا شويه في الاتفاقات بتاعت الجواز وبعدين خدته ودخلنا البلكونه وقعدنا سوا قصاد بعض اتوترت شويه وبعدين اتجرات وسالته 

جنه بصدمه وتساؤل:ليه اتقدمتلي للجواز اشمعنا انا واشمعنا دلوقتي 

زين بتساؤل: وليه وافقتي عليا

جنه بهدوء: متجاوبش السوال بسوال،انا سالت الاول يبقي انت تجاوب وبعدين تبقي تسال 

زين باجابه:ومن واحنا صغيرين واحنا سوا لما كنت في ابتدائي وبشوفك تكلمي ولد غيري كنت بتضايق بس بقول عادي ما هي اغلب الوقت معايا مفهاش حاجه لما تتكلم او تلعب مع غيري وكذلك لما كنا في اعدادي لما كنا في ثانوي وكنت بتتعاكسي وكنت بدافع عنك واضرب الواد اللي يضايقك مكنتش بعمل كده عشان انتي جارتي وزي اختي لا كنت بغير عليكي بس مش فاهم ليه او فاهم بس مش قادر اصدق كنت عايزك تنجحي بتقدير وكنت عايز انا كمان انجح بتقدير عشان اليق بيكي مكنتش عايز اشغلك واشغل نفسي عن مستقبلنا،قلت لنفسي مستقبلنا اهم خلصنا ثانوي ودخلنا نفس الجامعه ونفس الكليه انتي افتكرتي صدفه بس هي مش صدفه قصدت اعمل كده عشان اخلي بالي منك عشان بحبك وعايز ابقي جنبك،احساسي بيكي كان بيزيد كل يوم ومع كل عريس بيتقدملك كنت بتقطع من جوايا بس كنت بدعي ربنا دايما انك تبقي من نصيبي كنت بفكر اتقدملك بس مكنش ينفع اخد اي خطوه قبل ما نخلص كليتنا مكنش ينفع اقلك اي حاجه ونتكلم في الضلمة كان لازم علاقتنا تبقي في النور عشان كده اول ما خلصنا امتحانات كلمت بابكي واتفقت معاه علي اللي حصل النهارده

جنه اتصدمت اوي فرحت بكلامه اوي بصيت للسما وسرحت وقلت في نفسي شكرا يارب انك استجابت فوقت علي صوته 

زين بتساؤل: وافقتي ليه 

جنه باجابه:عشان انت الامنيه اللي دايما بدعي ربنا انها تتحقق عشان انت حبيب عمري مكنتش لوحدك بتحبني من بدري وساكت عشان مينفعش انت عندك حق علي فكره وعملت الصح وانا كمان عملت الصح حبيتك وكتمت حبك جوايا ودعيت ربنا تكون ليا

طلعنا لاهالينا وقراينا الفاتحه وفي خلال شهر اتخطبنا قعدنا سنه مخطوبين فتره خطوبتنا كانت هاديه مفهاش مشاكل كتير لاننا عارفين بعض واكتشفت ساعتها اننا كنا صح لما كمتنا حبنا جوانا وربنا جعلنا من نصيب بعض عشان كده وعرفت ان الحلال احلي بتكلم قصاد اهلي عادي وماما لما بتدخل عليا الاوضه فجاه وانا متطمئنه مش خايفه لاتقفش بخرج معاه براحتي مش خايفه حد يشوفني والاهم مش شايله ذنب ان بعمل حاجه غلط وعارفه ان ربنا راضي علينا اتقينا ربنا في حبنا ومرتبطناش فالحرام زي ما يكون ربنا بيكافئنا علي صبرنا ففتره خطوبتنا كانت كلها سعاده وبس عدت السنه بسرعه واتجوزنا يوم جوازنا كان احلي يوم في حياتنا وبعديها بشهرين حملت وده كان تاني احلي يوم في حياتنا........انتهت من قراءه مذكراتها علي صوت هاتفها يرن "زين الرجال" 

جنه باشتياق: حبيب عمري وحشتني اوي

زين بلفهه: وانتي كمان وحشتيني يا جنتي طمنيني عليكي وعلي النونو

جنه بهدوء: متقلقش انا والنونو بخير المهم انت اخبارك اي 

زين بارتياح :انا الحمدلله بخير وعندك ليكي خبر حلو

جنه بتفكير:خبر اي فرحني 

زين بهدوء:انا جاي دلوقتي مش بكره يدوبك لسه متحرك

جنه بصدمه فرحه: بجد يا زين 

زين بفرحه: بجد يا جنه زين 

جنه بارتياح: تيجي بالسلامه يا زين الرجال خلي بالك من نفسك 

زين بهدوء:الله يسلمك يا جنتي متقلقيش عليا و خلي بالك من نفسك انتي والنونو 

جنه بهدوء: انت كمان اطمن عليا انا والنونو باي ياحبيبي

زين:باي يا جنتي

عدي الوقت وزين وصل فتح باب الشقه بالمفتاح جنه كانت قاعده في الريشبسن قدام التلفزيون اول ما سمعت تكه المفتاح ودخل زين قامت جريت عليه حضتنه وهو بادلها الحضن وفضلو دقيقه حاضنين بعض باشتياق 

زين باشتياق:وحشتيني اوي يا جنتي 

جنه باشتياق: انت كمان وحشتني اوي يا زين الشقه من غيرك كانت كئيبه ووحشه مكنتش بعرف انام من غيرك

زين بارتياح: ولا انا بعرف انام من غيرك

جنه بهدوء: طب ادخل خد شاور كده وغير هدومك عقبال ما احضر الاكل 

زين بهدوء: اوك 

بعد وقت زين خلص وكلوا وبعدين قعدوا سوا في البلكونه يشربوا شاي بالنعناع 

جنه: هنسمي النونو اي زين انا قربت اولد ومختارنش الاسم 

زين بتفكير: اي رايك في وتين 

جنه باستغراب: حلو بس اشمعنا

زين بتوضيح:وتين معناه رباط الحب والبيبي هيربط حبنا اكتر، يعني وتين هتبقي رباط حبنا فهمتي 

جنه بفهم: فهمت عموما اسم حلو اوي وكمان تحسه لايق كده وتين زين 

زين بفهم: فعلا 

عدي ثلاثه ايام كانت وجنه دخلت في الشهر التاسع وفجاه جنه صحيت من النوم بتصرخ الحقني يا زين بولد

زين:اتفزع علي صوتها حاضر حاضر بص في الساعه كانت 6الصبح قام لابسها الاسدال وكانوا محاضرين شنطه البيبي خدها وخد الفيزا ونزلو في الاسانسير ركبها العربيه واتحرك علي المستشفي وصل في وقت قياسي لان كان سايق بسرعه خدوها بسرعه علي اوضه العمليات كلم رحمه صاحبتها عرفها كان واقف قلقان عليها وعلي البيبي جت رحمه وجوزها شادي صاحب زين 

شادي: متخافش هتبقي بخير هي والبيبي 

زين: يارب يارب 

بعد وقت طلعت الممرضه: متخافش هي كويسه وهتخرج علي الاوضه علطول والبيبي كمان كويس هنشطفه ونغيره ونجيبه 

شادي: طمنتك اهي اهدا بقا 

طلعت جنه علي التروال زين جري عليها مسك ايديها دخلوها الاوضه باس راسها وابتدي يهدي شويه الممرضه جت بالبيبي 

زين مسك البيبي منها وابتدا يكبر في ودانها وبعد ما خلص قال اسميتك وتين وباس راسها. وفضل يتاملها 

رحمه هاتها بقا وروح طلع لها شهاده ميلاد جنه مش هتفوق دلوقتي 

زين: ماشي 

زين راح يطلع شهاده الميلاد ورحمه وشادي مع جنه في المستشفى 

شادي: هما اهل جنه فين 

رحمه: جنه مالهاش اخوات وبعد ما اتجوزت قالو يسافروا الصعيد وزين اكيد مرضاش يتكلم عشان ميقلقوش مستني لما تفوق ويكلمهم 

شادي: اه فهمت طب مش هيكلم اهله 

رحمه: مش عارفه بس معتقدش انت عارف انهم مسافرين دبي مع اخوه اللي هناك كانوا عايزينوا يسافر يستقر هناك ويشتغل مع اخوه بس هو مش حابب السفر ومش بيتكلموا كتير بسبب خلافهم في الموضوع ده 

شادي: ايوه فاهم 

في التوقيت ده جنه فاقت واتكلمت بتعب: زين فين 

رحمه قربت منها واتكلمت بهدوء: زين راح يطلع شهاده ميلاد للنونو وزمانه جاي 

جنه بتعب: طب هاتي وتين عايزه اشوفها 

رحمه بهدوء: حاضر واديهتلها 

جنه بتامل: انتي جميله اوي وباستها من راسها

في التوقيت ده زين وصل ولاقي جنه فاقت 

زين اتنهد بارتياح واتكلم: الحمدلله علي سلامتك ياجنتي

جنه بابتسامه: الله يسلمك يا زين الرجال شفت وتين شبهك

زين بابتسامه: شفتها بس شبهك انتي 

رحمه بهدوء: علي فكره لسه مش هيبان شبه دلوقتي 

جنه بهدوء: كلمت ماما وبابا 

زين باسف: للاسف ياجنتي اتخضيت عليكي واتلهيت بس هكلمهم دلوقتي

جنه بهدوء وابتسامه:ولا يهمك يا حبيبي 

رحمه بتساؤل: الدكتور هتخرج النهارده ولا هتقعد 

زين باجابه: مش عارف هروح اسال واكلم اهلها وخرج من الاوضه

رحمه بتساؤل: هو لسه مش بيكلم اهله

جنه باجابه: بيكلمهم كل فين وفين انتي عارفه كل مايكلمهم يفاتحوا في موضوع السفر المكالمه تقلب بخناقه 

رحمه بفهم: ايوه فاهمه يعني مش هيقولهم 

جنه بتردد: مش عارفه وانا اتغابيت وقولته كلمت اهلي ولا لا اكيد زعل 

رحمه بتفكير: لا معتقدش اكيد هيقدر

جنه بتردد: مش عارفه بقا 

في التوقيت ده زين رجع واتكلم بهدوء: هنخرج دلوقتي وكلمت اهلك وهيجوا 

رحمه ساعدت جنه تجهز وشادي خرج يجهز عربيه زين بعد ما خد المفاتيح من زين و زين راح الحسابات عشان يدفع الحساب

بعد وقت كانوا كلهم في العربيه واتحركوا علي بيت زين وجنه وصلوا ورحمه وشادي راحو بيتهم اللي في نفس الشارع 

في بيت زين وجنه بعد ما ارتاحوا وغيروا هدومهم 

جنه بتوتر: زين انت مش هتكلم اهلك تعرفهم

زين بهدوء: مش عارف انا اصلا مقلتش انك حامل المكالمه اللي كنت هقولهم فيها انك حامل مدونيش فرصه وفتحوا موضوع السفر واتخانقنا من ساعتها مكلمتهمش 

جنه: يعني بقالك 9شهور مكلمتهمش يا زين ليه كده بعد اذنك كلمهم وعرفهم حتي لو متضايق منهم مينفعش تقاطعهم كده كلمهم دلوقتي يلا

زين: حاضر و راح يكلمهم 

بعد وقت رجع ل جنه تاني،كلمتهم وماما وبابا هينزلو علي اخر الاسبوع ده 

جنه:تمام

تاني يوم اهل جنه وصلو وبعد ما ارتاحو من السفر

ام جنه:هتعملو السبوع امتا 

زين:مش عارف ياحماتي اهلي جايين اخر الاسبوع ولازم يرتاحوا م السفر بردو

ام جنه:جايين الخميس يعني 

زين:ايوه 

ام جنه:يبقي نعمل السبوع الجمعه 

زين:اللي تشوفيه يا حماتي

عدت الايام وجه يوم السبوع في قاعه للحفلات معمول ديكور بلالين باللون البينك ومكتوب اسم وتين بالانجيلزي 

جنه لابسه قطفان روز مطرز فضي وطرحه رمادي فاتح وزين لابس قميص روز علي بنطلون ابيض وقفين عند الديكور وماسكين البنوته مع بعض ولابسه سلوبت بيضه فيها فيونكه روز وطاقيه بيضه وفيها فيونكه روز وخدوا اكتر من صوره للذكري

تمت

لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية..

رواياتنا الحصرية كاملة