رواية جديدة إرث الحب والألم لزينب سعيد القاضي - الفصل 32 - 1 - الأربعاء 7/8/2024
قراءة رواية إرث الحب والألم كاملة
تنشر حصريًا على مدونة رواية وحكاية قبل أي منصة أخر
رواية إرث الحب والألم
رواية جديدة قيد النشر
من قصص و روايات
الكاتبة زينب سعيد القاضي
الفصل الثاني والثلاثون
1
تم النشر الأربعاء
7/8/2024
"لأ تأسفن علي غدر فتتبدل الأدوار بين ليلة وضحاها يصبح السيد عبدا والعبد سيدا"
بعد مرور خمسة أشهر تحسنت حالة عليا عن زي قبل بدأت في تحريك ذراعها والسير علي قدمها من جديد لكن بمساعدة أحد، وبدأت في الحديث مرة آخري بثقل شديد.
أصبحت أسما في شهرها السابع وصدق حدسها تحمل في أحشائها طفلة صغيرة أصرت على تسميتها عليا ولم يمانع قاسم بهذا الأمر، وكذلك تحسنت علاقتها مع والدي قاسم عن ذي قبل وأصبحت الأوضاع مستقرة بينهم.
بينما أحمد وأسيل الأوضاع بينهم مستقرة ويعشون أسعد أيام حياتهم وهم يجهزون ترتيبات الزفاف سويا، فأسيل قامت بتأجيل الزفاف حتي تعود والدتها إلي سابق عهدها من جديد وتقبل أحمد هذا الأمر بصدر رحب هو مستعد أن ينتظرها طوال عمره وليس بضعة أشهر آخري.
المشاكسات مازالت مستمرة بين قاسم وسراج ودائماً تسعي أسما أن تمتص غضب الإثنين وتحاول أن تراضيهم وهي تحمد الله داخلها علي عوض المولي عز وچل لها.
أما أسر فأصبح أصبح يعيش بروتينة شديدة كالإنسان الآلي يعاتب نفسه علي ما فعله بنفسه قد ترك أهله وتسبب في موت والدته وضحي بحبيبته الصغيرة وكسر قلبها الان قد أستيقظ وعلم أنه يعيش بوهم كبير والذي طالما وقف الجميع ضده لكن وقف في وجه الجميع من أجلها ليكون هم الصواب وهو المخطئ الوحيد الذي يدفع ثمن خطأه الأن لا يدري كيف يعود كسابق عهده.
كما عين أحمد شخص لمراقبة أسر بعد طلب أدهم منه ذلك ليكون أسفل عينهم دائماً ليطمأنوا عليه فهو سيظل شقيقه الأصغر مهما كان.
يجلس حبيس غرفته في المنزل ولا يذهب إلي عمله إلا في وقت الحاجة فنڤين هي المسؤولة عن العمل وهي من تديره فلا حاجة له ولا لذهابه أشتاق لدفئ عائلته كثيرا لكن كيف يعود لهم وكيف لهم أن يتقبلوه أصبح علي يقين أن شقيقه برئ وأنه لم يهددها بالقتل حل هذا اللغز عند لوي شقيقها الذي أختفي تماماً لو أن عائلته ستغفر له يقسم أنه سيطلقها ويعود لأحضان عائلته من جديد تنهد بضيق وجلب هاتفه الجديد وضغط علي عدة أزارار برقم حفظه علي ظهر قلب وانتظر حتي يأتيه الرد:
-ألو ألو مين معايا ألو.
أغلق بعدها الخط في وجهه ابتسامة ألم فهو بغبائه قد خسرها للأبد.
أما نيڤين أصبحت تتحاشي التعامل مع أسر وفي عقلها مخطط دنئ له تسعي لتنفيذه كي تتخلص منه، وكذلك عادت ترمي بشباكها علي أسعد لتضمنه بيدها من جديد فهو الكارت الرابح بالنسبة لها الأن، يجب أن يطلق زوجته ويعود إليها ويصبح ملكها هي فقط.
❈-❈-❈
في أحد الشقق المتوسطة ترتفع دخان السجائر وأصوات الأغاني الشعبية.
بينما يجلس أسعد يضحك وهو ينظر إلي نيڤين الجالسة في أحضانه وتأخذ نفس من سيجارتها:
-وأخبار جوزك أيه ؟ يعني لسه قاعد في البيت زي هيئتها وسابلك كل حاجة ؟
ردت نيڤين بسخرية وهي تنفخ دخان سيجارتها بغيظ:
-أه قاعد في البيت يبكي علي الأطلال.
أغمض أسعد نصف عين وتحدث بمكر:
-هو بيفكر في واحدة ولا أيه ؟ أوعي يكون بيحب جديد؟
رمقته بغيظ وقالت:
-تخيل البيه بيحن لحبيبة القلب!
شهق أسعد بخضة مصطنعة:
-أيه أنتي بتهزري أكيد ؟ أتجنن ده ولا ايه ؟ حد يبقي معاه البطل مرة واحدة ويبص برة ده معندوش نظر خالص يا حبيبتي.
ردت بغرور:
-مش مقدرة النعمة إلي معاه.
تردد لها أسعد بخبث:
-طيب أنا مقدر النعمة إلي معايا ما تيجي نريح جوة شوية ؟
ابتعدت عنه نيڤين بسخرية وهتفت بتعالي:
-لا يا حبيبي أنا وافقت أجي نقعد سوا عشان محدش يشوفنا نريح بقي لما تطلق مراتك ونتجوز ولا غيرت رأيك وبتشتغلني؟
تحدث أسعد بلهفة:
-لا طبعاً يا حبيبي بس أنتي عارفة أني صعب أطلقها في الفترة دي متنسيش أبني بردوا خايف أطلقها تحرمني منه غير أن لسه المصنع بإسمها أديني شوية وقت خلينا نتجوز بس وأوعدك أطلقها في أسرع وقت.
نهضت تتحدث ببرود:
-وأنا متجوزش واحد متجوز يا حبيبي أنا زي فريك محبش شريك.
رد أسعد بصبر:
-يا حبيبتي ده مؤقت هنتجوز كام شهر في السر وبعدين نعلن جوازنا وهي تبقي قدام الأمر الواقع ويا روح قلبي أطمني مش هتحسي أن ليكي درة أصلاً ده أنتي إلي في القلب هو أنا إلي هقولك؟
ردت نيڤين بسخرية:
-وأيه إلي يجبرني علي كده أصلا يكون في عملك مش هطلق قبل ما أنت تطلق مراتك.
رد أسعد متهكما:
-إلي يجبرك إنك أتجوزتي أسروعملتي ده كله عشان تواصلي ليا يا نيفين بلاش نضحك علي بعض أنتي متعلمتيش الحب ولا اللعب في. علي إيدي أنا أعرفك أكتر من نفسك يا روحي فبلاش كلام أنتي مش قده.
رد بتوتر:
-لأ كلامك مش صح طبعاً بس أدهم أخو أسر كان ضاحك عليه فأنا حبيت أخلي أسر ياخد حقه مش أكتر فحبني وأرتبطنا.
ابتسم أسعد بسخرية وعقب:
بجد ولا عشان تنتقمي من أدهم أنه رفض وتنتقمي مني أني أتجوزت عليكي ؟
نظرت له نيڤين بتوتر:
-ايه إلي بتقوله ده وانت تعرف أدهم منين أصلاً ؟
أسعد ببرود:
معرفة شخصية لا لكن أسمع عنه لأ بناخد من مزرعتهم عجول للمصنع وعشان عارفك كويس عارف إنك يستحيل تحبي واحد زي أسر لكن واحد زي أدهم هو الي يمشي معاكي بس أدهم بقي طلع غبي مبيعرفش يقدر الجمال.
تسألت بسخرية:
-ده أنت مراقبني بقي حضرتك ؟
أسعد بمكر:
ـأكيد يا حبي مش لازم أعرف أخبارك أيه؟
نيڤين بنفاذ صبر:
تمام يا أسعد بس أعمل حسابك أنا مش هتجوز في السر -مجرد ما أطلق معاك شهور العدة غير كده متلزمنيش.
أسعد بمكر:
-أتفقنا بس ناوية تعملي أيه مع أسر ؟
ردت نيڤين بمكر:
-أنا عملت مش لسه هعمل يا حبيبي.
أسعد بتساؤل:
-عملتي أيه بالظبط ؟
نيڤين بمكر:
-لما أخلص هتعرف يلا سلام أشوفك بكره .
غادرت تاركة إياه ينظر في أثرها بذهول.
حدث أسعد نفسه بحيرة:
-ناوية عليه بالظبط مش مرتاح ليكي خالص .
❈-❈-❈
أما في سيارة نيڤين تصل أسفل العمارة التي تقطن بها هي وزوجها وتجلس في السيارة تنظر للأوراق التي معها بخبث وهي تحدث حالها بتمني:فاضل علي الحلم تكه وساعتها كل ده يبقي بتاعي أنا وبس لتبتسم بتمني وتأخذ الملف وتنزل من السيارة متجهة إلي الأعلى .
