رواية جديدة الماسة لنهى عادل - الفصل 8 - الجمعة 9/5/2025
قراءة رواية الماسة كاملة
تنشر حصريًا على مدونة رواية وحكاية قبل أي منصة أخرى
رواية الماسة
رواية جديدة قيد النشر
من قصص و روايات
الكاتبة نهى عادل
الفصل الثامن
تم النشر يوم الجمعة
9/5/2025
حين طرق الحب بابها رأت فارس أحلامها رجل أعمي فقد عيناه، لا تعرف عنه شئ سوى اسمه ،غاضب وحزين الملامح،، للوهلة الاولى،خفق قلبها ، ولكنه فرض حبه عليها واحتل مشاعرها وتفكيرها وملك كيانها ، فهل ينتصر هذا الحب؟؟؟ ولا للقدر راي اخر
_
❈-❈-❈
"'بعد انتهاء اليوم ،ذهب غيث إلى الفيلا ...
"" دلف إلى الفيلا ،سمع صوت والده يتحدث مع شخص .
هتف قاسم "انت جيت يا غيث ،الحمدلله ،انك خرجت يا حبيبى .تعال شوف مين عندنا
ليتحدث الشخص قائلا...
ازيك يا غيث واحشني يا ابن عمي...
مدحت !!!!!
"اه مدحت يا غيث عامل ايه وازاى يحصلك كده ومحدش يبلغنى ..
تنهد غيث بألم وهتف ،الحمدلله ،انت الا بطلت تسأل يا مدحت ،من ساعة لما الشركه بتاعتكم اعلنت افلاسها نسيت انك لك اهل وفضلت ان انت تعيش لوحدك.،،،
صك مدحت على أسنانه ،من كلام غيث ،وتذكره انه خسر جميع امواله وشركته التي تركها له والده..
"انا كنت مسافر ،بس رجعت تانى يا ابن عمى ...
""تنور يا مدحت ،بعد اذنكم ،انا طالع اوضتى
""نظر له مدحت بمكر وهتف ،،تحب اجى اساعدك يا غيث ،،
"حزن غيث علي نفسه ،لقد انكسرت روحه ،هو لم يحب أن يرأى أحد عجزه ، رد على مدحت ،،شكرا يا مدحت انا بعرف اساعد نفسى كويس ....
❈-❈-❈
بعد مرور يومين في منزل ماسه ......
أنه يوم الجمعهتوجهت السيده سعاد الى غرفه ابنته دلفت إلى الداخل تقول :
"اصحي يا ميمي يا حبيتى ،صلاة الجمعه هتروح عليكي
فتحت ماسه عيناها بنعاس ،وهى تبتسم ل والدتها
"يا هاااا يا ماما .. سيبنى أنام شويه ،، طول الليل سهرانه ، وما نمتش الا لما صليت الفجر.
"يا ميمي أصحى، بقولك صلاة الجمعة هتروح عليكي .
وياسمين كمان بره عاوزكى .
فتحت ماسة عيناها ،وجلست على الفراش وهتفت :
"هى ياسمين جيت بره ،أصلا احنا خارجين النهارده بعد صلاه الجمعه،
"ضحكت سعاد بشده ،ما هو ده اللى باقوله لكى من بدرى الصلاه بدأت.
"ايه الصلاه بدأت ،نهضت من على السرير قائله بزهول .
"انا نمت كل ده ازاى يا ماما بس ،،سبتيني ليه كنت صحتيني من بدري....
"ياحبيتى انتى تعبانه وفيها ايه لما تنامى وتصحى متأخر ..
"يا ماما المفروض كنت أصحى بدرى علشان اخلص اللى ورايا ،لسة هغسل ،واحضر الفطار واديكى علاجك .
"لا يا حبيتى اتطمنى ،انا خلصت كل حاجة ،حتى الفطار جاهزا بره،
"ليه يا ماما كده ،مش قولتك كذا مره ما تعمليش حاجه انتى تعبانه ..
"يا حبيتى انا الحمدلله كويسه ،وكمان الصراحة ياسمين اللى ساعدتني في كل حاجه ربنا يجبر بخاطرها ويخليكم ليا يا حبايبي يلا بقى قومي.
قبلت ماسه يد والدتها، وهتفت ويخليكى ليا يا ماما .
بعد قليل ...
خرجت ماسة وجدت ياسمين ترص الاطباق على طاولة الطعام.
نظرت ماسة ل ياسمين ابنه عمها بحب وهتفت ،
تسلم ايدك يا سمسم، شكل الاكل يفتح النفس .
جلست سعاد وماسة وياسمين على الطاوله ،لتبدء ماسة بوضع الطعام أمام والدتها ..
همست لها ياسمين .
كلى بسرعه وخلصى خلينا نلحق اليوم اوله اوله.انا لسه عاوزة اشترى فستان من المول .
"حاضر ،هنخرج ونقضى اليوم كله بره ،براحتنا ،بس ابقى خلى طنط فتحيه تتطلع تقعد مع ماما..
"ما تقلقيش انا قلت لماما تطلع لها
القت ماسه قبله في الهواء لياسمين وهتفت حبيبتي يا سمسم....
بعد مرور نصف ساعة
خرجت ماسه وياسمين للتسويق ،وبعد ذهابهم لشراء الفستان من المول...
" هتفت ياسمين :بقولك تعالى نقعد علي الكورنيش وناكل درة ،أنا مش عاوزة أروح البيت دلوقتي ..
"ضحكت ماسة وهتفت : اوكى هيا بنا ...
❈-❈-❈
تخيل أنك تواجه بعض المشاكل و تلتقي بصدفة تفرح قلبك و تلهيك عن تلك المشاكل كلها و تصبح مجرد سوء فهم لا تبالي لها لأن الصدفة التي رأيتها اجمل بكثير و أهم بكثير من تلك المشاكل
اثناء ذهابهم للجلوس علي إحدى المقاعد وجدت ماسة
غيث يجلس حزين ،لم يرتدى النضارة وأثناء ذهابها إليه
نادت عليها ياسمين ...
"رايحه فين يا ميمي ... وسرحتى في ايه ...
"بصى هقولك ،شايفه الشخص اللي قاعد هناك ،هو ده قاسم اللي حكيتلك عليه.
"هو فين ده يا بنتي!!!!
"اهو قاعد هناك لوحده اللى لابس تيشرت ابيض وبنطلون جينز ده...
"اه ،ايه ده طلع مزه، بس الصراحه خساره في العمى.
"ده نصيب ،يا سمسم ،هروح اشوفه يمكن محتاج حاجه
"محتاج حاجه !!!!!!!!ماشى يا أم قلب كبير ..
"اتلمى يا بت قالتها ماسه وهى تسير باتجاه غيث
ذهبت ماسة الي غيث وكلما اقتربت منه احسيت بشعور غريب هى لم تحسه من قبل ....
"كان يجلس حزين ،شارد ،يفكر في حياته وفي صاحبت الصوت الساحر .ومن دبر له الحادث ،سمع صوت يهمس بجانبه ،توتر بشده ،عند سمع صوتها وهى تنادى عليه ....
"استاذ قاسم ،ازى حضرتك،انا ماسة ،اللى قابلتك في المطعم .....
"كان في حاله من الذهول أيعقل أن يفكر فيها ويجدها تقف أمامه وتكلمه ،ويسمع صوتها .
استاذ قاسم ،حضرتك سامعني!!!!
"اه ،سامع ،وطبعا فاكرك .....
"حضرتك ،محتاج مساعده ،لو تحب اعملك حاجه،
"لعن غيث عجزة ،هو لم يحتاج الي شفقه من أحد .
"تحدث ببعض من الحده،شكرا يا انسه ،مش محتاج حاجه ،وعندما وقف كاد أن يقع امسكته ماسة من يده
"طيب تعال أسند عليي وأوصلك ،المكان اللي حضرتك عاوز تروحه..
يا الله !!!!!!!ما هذا الشعور !!!؟؟؟.احسن بنعومه يدها ،وهى تمسكه بحنان، حتى بعد أن عاملها بقسوة وقليت ذوق .
"أنا آسف ،يا انسه ،انى انفعلت عليكي ...
"ولا يهمك ،مفيش حاجه حصلت ،هااا تحب تروح فين
ذهبت إليها ياسمين وهتفت ،ايه يا ميمي التأخير ده كله يلا علشان نأكل الدره قبل ما يبرد ..
نكزتها ماسة من كتفها وهتفت،ايه في ايه براحه يا عجل البحر ،
ضحك غيث بشده علي هذا الثنائي حتى أدمعت عينها
سرحت ماسة في ضحكته..... آفافت علي كلام ياسمين
"كده تفضحنى قدام الاجانب ،مش حضرتك اجانب برده ،يا استاذ
قههههقهه غيث بشده ،من كلام ياسمين ،لدرجه أنه امسك قلبه بيده .
الله !!!!!ضحكتك حلوة .. هكذا قالت ماسة بصوت واطى
نكزتها ياسمين فى كتفها .،ومالت علي اذنها وهمست ايه يا بت اللي بتقوليه، ده بتعكسى الراجل عيني ،عينك كده
اتلمى ،فين ماسة صاحبه المبادئ،اه مزة وأمور بس احنا منعرفش حاجه عنه.
كان هذا سمعه غيث اصبح يركز على السمع اكثر عندما فقد بصره ...
ثم وجهت ياسمين حديثها ل غيث ،منور يا استاذ
"قاسم !!!!
"وانا ياسمين .....
اتشرفت بكى ،اتفضلوا ،اقعدوا تحبوا تشربوا ايه
"ولا حاجه ،يا استاذ قاسم ،احنا لازم نمشى ،أنا وياسمين عندنا شغل بكره بدرى فى المطعم ،وانت عارف ان غيث باشا ،لم يرحم أحد ...
"ياما نفسي اعرف بطل يجى ليه المطعم ،يا بت يا ميمي .
"اتلمى ،وقولى ماسة ،الراجل واقف ،!!؛؛
"واحنا مالنا ،أهم حاجه ،شغلنا وخلاص ،ويلا علشان نمشى ،ماما لو حدها في البيت ،بعد اذنك يا استاذ قاسم
أين غيث من كل هذا ،؟؟؟حزن بشده وتأثر من كلامها،كان يتمنى أن يراها ،ويرأى ضحكتها،انها عفوية فى كل شئ
اتفضلوا.....
رجعت له ماسة وهتفت،متاكد انك مش محتاج ،حاجه.
او عايز تروح اى مكان ...
"شكرا يا أنسه ،واحد صاحبى زمانه جاى ليا .
"العفوا . هو انت بتجى دائما هنا ...
"لا أول مرة ،بس شكلها مش هتكون الأخيرة وضحك
"طيب ،بعد اذنك ....
"اتفضلى......
❈-❈-❈
فى صباح يوم جديد........
""استيقظت ماسه وادت روتينها اليومي،ثم توجهت إلى ياسمين ليذهبوا إلى المطعم ..
أما عن غيث ،لم ينام طوال الليل ،ظل يفكر في ماسه ،وطيبه قلبها ،تذكر عندما سمعها تهمس ل ياسمين بأن ضحته جميلة ... ضحك على ضحكتها وتمنى أن يرأها....
سمع طرق على الباب لياذن بالدخول ...
لتدخل اسيل وتقرب منه قائلا ،صباح الخير يا أبيه ،
"صباح الخير يا سلو ،عاملة ايه يا حبيتى ،واخبار الدراسة معاكى ايه ،
"الحمدلله يا أبيه الامتحانات قربت ،ادعليى .
"ربنا معاكى ،ولو محتاجة حاجه بلغى زياد بها..
عندما سمعت اسم زياد ،رقص قلبها فرح ،فهى احبتها .
"انا تمام يا أبيه ما تقلقش...،،ممكن يا أبيه تنزل تفطر معانا تحت كلنا موجودين حتى فهد تحت ..علشان خاطرى يا أبيه ..
"حاضر يا اسيل ،ممكن يا حبيتى على ما ادخل اخد شاور ،طلعي لي لبس..
"حاضر يا أبيه .....
بعد نصف ساعة ....
"اجتمع جميع أفراد الأسرة لتناول الطعام....ومعهم فهد الذى طلب منه غيث الحضور صباحاً...
دلف عليهم غيث ل يتناول معهم الطعام ،لاول مرة بعد حدوث الحادث ،قائلا...
"صباح الخير ...
"" ردوا جميعا،،صباح الخير يا غيث
نظرت له فيفى وهتفت، عامل ايه يا حبيبى
"انا كويس يا ماما الحمدلله ،اتطمنى عليي،،
""انا مبسوطة جدا ،انك خرجت امبارح ،وكمان النهارده نزلت تفطر معانا،لا وكمان لابسة وخارج ....
"محتاج اغير جواااا،ياماما قولت ،اروح المطعم ... وفهد هيودنى كل يوم ،،،
مش يلا يا فهد علشان اتاخيرنا،،
"رد قاسم قائلا.. طب مين افطركم الاول يا غيث وبعد كده امشواا..
""لا يا بابا انا هافطر في المطعم ،،بعد اذنك ..وانتى يا اسيل ورايحه الكليه ...
"اه يا أبيه عندى سكشن واحد بس النهارده،، وبعد كده عندى تدريب في الشركه...
"طيب يا حبيتى ،خلى بالك من نفسك ...
"بعد اذنكم يا جماعة...يلا يا فهد
"يلا يا بوص ....
❈-❈-❈
فى كليه الهندسه ....
دلف زياد إلى المدرج ....وجد اسيل تجلس فى أول مقعد ،نظر لها بحب وتنهد..
سمع طرق علي الباب ،لياذن بدخول ....
"انا اسف ،يا دكتور ممكن ادخل ....
"نظر له زياد ،وهتف ،،اتفضل وبلاش دخول لأى طالب بعدى. اسمك ايه .....؟؟؟
"عمرو يا دكتور !!
.اتفضل يا عمرو روح اقعد علشان اكمل المحاضره...
ذهب عمرو للجلوس بجوار اسيل ،ولكن أوقفه زياد وتحدث بحده قائلا ....
" انت يا أفندى ،هتقعد فين ؟؟؟
"هقعد جنب اسيل يا دكتور ....!!!
صك زياد علي أسنانه ،عندما وجد عمرو يقول اسمها بكل بساطه...وعندما تذكر أنه كاد يلمس شعر اسيل ،تحول وجهه إلى الأحمر،وهتف بعنف ....
انت شايف اى حد من الطلاب الشباب قاعدين ،جنب البنات ....
نظر عمرو ولم يجد ... وهتف ،مفيش يا دكتور ،بس انا كمان شايف ،ان مفيش مشكله اروح اقعد جنبها ،،،
"تنفس زياد بغضب قائلا ،،اتفضل يا استاذ روح اقعد جنب زمايلك ،ضيعت من وقت المحاضره..
كل هذا واسيل كانت في شده خجلها ،ولم تفسر حالة زياد ،لم يفعل كل هذا عندك يجد عمرو قريبا منها ،سرحت وهمست لنفسها،،،معقول يكون اللى فى بالى صح ،،،وتنهدت بفرحة شديدة...
❈-❈-❈
فى المطعم .....
كانت توجد ماسه في المطبخ لتجهيز المنيو المطلوب لهذا اليوم ...،دخل رضوان عليها قائلا: ،
"ماسه حضرى المنيو ،وياريت الاصناف اللى قلتلك عليها ضفيها لان غيث باشا جه ،وحضرى فطار وفنجان قهوة وخلى ياسمين توديهم ل طاولة رقم ١٠ ،،
ردت ماسه عليه بتعب ،تمام يا رضوان ...اتفضل انت وانا هحضر الطلب ...
وبالفعل جهزت ماسه الطلب .....وأخذته ياسمين ...
توجهت ياسمين إلى الطاولة رقم ١٠ لتجد غيث جالس عليها بمفرده ....
وضعت الاطباق عليها وهتفت ،اتغضل يا استاذ قاسم الفطار والقهوة ..
"شكرا يا آنسه ..
"انا ياسمين يا فندم ،فكرنى...
"اه طبعا فكرك ،احم احم ،هى ماسه موجوده ...
"اه يا فندم ماسه موجوده في المطبخ ،بعد اذنك
"اتفضلى .....
فى المطبخ جرت ياسمين على ماسه لتخبرها ،ان قاسم يجلس في المطعم...
دلفت ياسمين الى ماسه التى كانت تعد مينو الطعام الجديده...قائله ..
تعرفى يا ميمى ،مين قاعد بره في المطعم ...والفطار والقهوة كانوا له...
"مين يا سمسم...
"قاسم !!!!!!
تركت ماسه ما كان بيدها ونظرت إلى ياسمين قائله...
بجد يا سمسم قاسم بره ،،متاكدة !!!!
"رفعت ياسمين حاجبها ،قائله :هى ايه العبارة ،ومال وشك منورة كده ليه ،وكمام عينك بتطلع قلوب ....
"هااا قصدك ايه ؟؟؟
ولا حاجه يا ست ميمي ،، يلاكملى شغلك واناكمان اخلص اللى ورايا..
"اه منا نسيت اقولك ،لازم أخرج اشوف رضوان ،علشان المنيو الجديده ،مستر غيث يشوفها ويعتمد ها ....
"لا والله وافتكرتى دلوقتى ،،،
"اه شفتى بعد اذنك بقا ....
بعد لحظات خرجت ماسه من المطبخ ،لترى غيث،،،وجدته يجلس ،ومعه شخص آخر. توجهت إليه ،وكلما اقتربت ضربات قلبها تزيد ،،،
"حاولت اخراج صوتها ،،،ازيك يا استاذ قاسم ،منور المكان ...
كان فهد يجلس مع غيث ،وعند وجد ماسه تقول ازيك يا قاسم ،ظل يلف ويدور حول المكان ،ليرأى قاسم والد غيث ..
رد فهد بعدم فهم،قاسم مين ،يا آنسه ،قصدك مين !!
نكز غيث فهد فى ذراعه وهتف مسرعاً،ازيك يا آنسه ماسه ،انا كويس الحمدلله ..احب اعرفك على استاذ غيث صاحب المطعم ،وصديقى ....
كان فهد ينظر بذهول ،ولا يفهم شئ، مال على غيث وهمس ،قاسم ،مين وغيث مين ،هى ايه العبارة ...
رد عليه غيث، قائلا:بعدين افهمك ،قول بس انك غيث ،وصاحب المطعم وخلاص ..
"حم حم فهد ونظر الى ماسه قائلا :اهلا يا آنسه ماسه ،احب اعرفك بنفسى ،انا غيث الدالى ...واكيد من اسمك تبقى الشيف ماسه ..اتشرفت بكى ،
"الشرف ليا ،يا فندم ،انا كنت جايه علشان حضرتك تشوف و تعتمد على المنيو الجديده ،اتفضل اهى معايا،
"طيب هاتها وانا رايح ل رضوان ....
بعد ذهاب فهد ...
نظرت ماسه الى غيث ،قائله ، ياريت يكون الفطار عجب حضرتك والقهوة يا استاذ قاسم .
"تعرفى أنها احلى قهوة شربتها في حياتى ،،طعمه جدا وضحك
خجلت ماسه من مدح غيث لها ...
"طيب حضرتك مش محتاج حاجه تانى ،..
"ياريت لو فنجان قهوه تأتى ...
تحت امرك يا فندم بعد اذنك ...
بعد ذهاب ماسه ،تنهد غيث بحزن وألم فهو بدء يكن مشاعر ل ماسه ولم يعرف ما هى ؟؟؟؟؟حزن على حاله أنه أصبح أعمى ...
بعد قليل جلس معه فهد وهمس له ،اظن احنا لوحدنا ممكن تفهمني في ايه ،وليه قولت انت قاسم ،
قص له غيث عن اول يوم سمع فيها ماسه وهى تغنى وعن اخلاقها ،وانه كلما كان بجانبها يشعر شعور لا يعرف معناها،وانه لا يعرف لماذا لا يخبرها عن شخصيته الحقيقية؟؟؟
"اه فهمت ،يعنى انت عاوزنى انا غيث ،وانت قاسم ،طيب افرض عرفت الحقيقه ،..
تنهد بحزن قائلا:ما فكرتش يا فهد كل اللي في بالي ان هي ما تعرفش ان انا غيث فى الفترة ده،، عارف يا فهد شعور ان انت تتعامل مع ناس ما تعرفش انت مين وتتعامل بتلقائيه اهو انا حبيت اني ماسه تتعامل معايا بتلقائيه ولحد ما يجي الوقت وتعرف الحقيقه انت اللي هتبقى غيث المسؤول عن المطعم وانا صاحبك قاسم وانا فهمت كل اللي في المطعم هنا...
"تحت امرك يا غيث اللى انت عاوزه هيحصل...
هروح انا المكتب اجيب الملف اللى نسيته هناك قبل ما أروح الشركة ،صح يا غيث انت مش هترجع الشركه زى ما رجعت المطعم. ..
"ربنا يسهل يا فهد ،البركه فيك ،انت وزياد
طلب منه غيث أن يباشر العمل في المطعم ،
ذهب إلى المطعم وأثناء دخوله المكتب أنصدم بشخص كان يحمل طبق به الشوربه ساخنه ،ووقعت عليه
رفع نظره وجدها هى تقف أمامه بكل ثقه ،لم يهتزء لها جفن ...
"انتى !!!!!!،ينهار ابوكى اسود
"احترم نفسك يا استاذ ،ايه نهار ابوك اسود دى ،وبعدين انت اللى جاى عليى واتكعبت فيي،مش ذنبى .انك ماشى مش شايف ادامك .
"انتى غلطانه ،وكمان وقعتى الشوربه عليى ،لاو كمان بدل ما تعتذرى بتبجحي
نظرت له برفع حاجب ،وايدها فى وسطها،اعتذر!!!لو انا إللى غلطانة ،لكن حضرتك اللى مكنتش منتبه للطريق، يعنى انا ماليش ذنب .
يُتبع..
