رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الأخير 

تم النشر الجمعة 

30/5/2025

اندفع مالك زي المغيب لمكتب مادونا اللي اتفاجئت بدخوله المباغت لمكتبها 

فقالت وهي بتحاول التماسك وادعاء الجدية والصرامة 

الرائد مالك خير فيه حاجة تخليك تدخل مكتبي كدا وبتقتحمه من غير استئذان 

مالك مردش عليها وبصلها بتركيز شوية وبعدين لما ستد الصمت لدقايق اتكلم وهو بيزعق 

ايه اللي سمعته دا ممكن تفسريه حالا  

مادونا بعدم فهم للي يقصده

سمعت ايه واظن مش مشكلتي انك تسمع حاجة من برا.... وبأي اساس افسره انا ليك مش فاهمة انت عايز ايه بالظبط 

مالك 

وليكي عين تتكلمي كمان يا بجاحتك بجد انتي بتجيبي العين الجريئة بتاعتك دي منين 

مادونا 

والله طالما مش بعمل حاجة غلط يبقى اتكلم وادافع عن نفسي براحتي 

مالك 

مش بتعملي حاجة غلط انتي اصلا كلك على بعضك غلط في غلط 

مادونا اتضايقت من كلامه 

لو سمحت اتكلم كويس انا مسمحلكش 

مالك 

متسمحيش ايه بقا ما خلاص الأستاذة رايحة تحب وتتخطب وهي لسه على زمة واحد تاني انا مشوفتش كدا قبل كدا 

مادونا مكنش عندها اي فكرة عن اللي بيتكلم عنه ودا لان ادم عمل الخطة مع سامي ومقالش لمادونا عليها لانه ببساطة ميعرفش هل هي لسه عايزة تكمل مع مالك ولا لا ... فعمل خطته من نفسه وسابهم يتصرفوا منهم لبعضهم 

مادونا 

مالك انت بتقول ايه بالظبط ما تحاسب على كلامه انت الظاهر مش عارف انت بتقول ايه احب ايه واتخطب ايه ... واظن ان لو دا فعلا حصل فدي حاجة ترجعلي انت ايه مشكلتك وايه دخلك بقا مش فاهمة

قالت دا ومن جواها كانت فرحانة من غيرة مالك الواضحة

مالك 

يا بجاحتك .. ولسه بتقاوحي ...سيادتك رايحة كمان تحددي معاد خطوبتك طب ارجعيلي اطلبي ننهي الربطة الطين اللي احنا فيها وبعدين اتخطبي ولا اتنيلي براحتك مليش فيه لكن تروحي تتصرفي كدا من نفسك واحنا لسه فيه رابط ما بينا وان كان على الورق فدا اللي مش هسمح بيه 

انصدمت من كلامه اللي عكس كل توقعاتها تماما وبعد ما كانت مفكرة انه زعلان وغيران وفيه امل انه يشوفها ويحبها .. في لحظة اتبخر الأمل وضاع مع مهب الريح 

حاولت تخبي وجعها وصدمتها وقالت مدعية البرود 

طيب تمام انا اسفة اني فعلا اتصرفت من غير علمك كان لازم ارجعلك فعلا قبل اي حاجة.. على العموم احنا فيها انا بستأذنك دلوقتي يا حضرة الرائد ممكن من فضلك تفك الربطة الطين اللي بتقول عليها دي علشان اعرف اشوف حياتي اظن مش هفضل كدا متعلقة برابط وهمي 

مالك بغضب اعمى مش حاسس بيه 

عايزة تشوفي حياتك وتتخطبي ها عاجبك في ايه زفت الطين سامي علشان تجري بسرعة كدا توافقي عليه وتحددي معاد خطوبتكم 

مادونا بعدم فهم 

سامي !!!

مالك بصلها بغضب ونظرات كلها توعد وسابها ومشي واخد كل زعابيبه معاه 

اما مادونا بكانت مش فاهمة منه حاجة دا غير انها زعلانة على كلامه وعلى فقدان الأمل اللي ضيعه مالك ف لحظة 

فاتنهدت وشردت بحزن 

ادم كان بيدور على مالك فجه عند مادونا وسألها 

 هو مالك كان عندك اهنه !!! 

مادونا 

هو فيه ايه بالظبط انا مش فاهمة حاجة 

ادم 

يعني كان عندك اهنه!! 

مادونا 

اه مش شوية وجه يخرف بحاجات مش فاهماها ومشي هو فيه ايه ومين سامي اللي بيتكلم عنه دا

ادم بابتسامة غامضة 

لالا مفيش متحطيش في بالك اي حاجة خالص ديه مالك اتخوت في عقله بس سيبك منه 

قالها وسابها ومشي 

وبعد شوية اتفاجئت مادونا بجواب جايبه العسكري 

الجواب دا لحضرتك 

مادونا 

بصتله بعدم فهم واخدت منه الظرف لكنها انصعقت باللي فيه 

نعم!! انت مجنون يا مالك يخرب بيت شيطانك يا اخي دي عاملة تعملها انا عمري ف حياتي ما تخيلت دا ابدا.. انا لازم اكلم ابلة شوق حالا 

ولسه بتطلع الفون من شنطتها وبتتصل بشوق 

ابلة شوق الحقي مالك عمل .....

ملحقتش تكمل الكلمة 

 لقت العساكر اللي بيدخلو مكتبها وبيأدوا التحية 

اسفين يا فندم بس احنا بننفذ القانون ولازم تيجي معانا دي اوامر ملناش دخل فيها ومش هينفع فيها اي اعتراض 

نفخت بغيظ وراحت معاهم لانها مش عايزة شوشرة في مكان شغلها لكنها اتوعدت لمالك بالهلاك 

ولما مشيت معاهم وجت تركب العربية اللي شاوروا عليها لقت مالك قاعد قدام ب

وبيبصلها يابتسامة نصر 

فقعد ف الكرسي الخلفي وبصتله بغيظ وقال 

انت مبسوط انت دلوقتي باللي عملته مش كدا وربنا لتندم يا مالك

مالك تجاهل كلامها وقال سوق بسرعة يا ابني اخلص 

مادونا اتلقت اتصال من شوق 

مادونا يا بنتي فيه ايه ومالك عمل فيكي ايه مكلمتيش كلامك والخط قطع وغوشتي قلبي حصل ايه اتكلمي 

لسه مادونا هترد لقت مالك لف بوشه وشد الفون من ايديها وقال 

ممنوع الموبايل يا مدام ... يا مدام مالك ها 

اخده ورد ع شوق هو بيقول

ايوا يا ماما شوق مفيش حاجة هبقى افهمك كل حاجة بعدين سلام 

مادونا بغضب 

انت ايه اللي عملته دا هات الموبايل

مالك ببرود وتسلية 

لأ 

مادونا 

بقولك هات الموبايل وبطل تصرفاتك دي واتفضل وقف العربية دي ونزلني وبطل المسرحية السخيفة دي انا متكلمتش بس علشان مكان شغلي غير كدا مكنتش هسمح بدا يحصل 

مالك مردش عليها 

فقالت 

انت انا مش بكلمك 

مالك 

انت!! انتي قد الكلمة دي!! 

مادونا 

مالك متحاولش تستنفذ صبري لو سمحت 

مالك 

هاتي اخرك معايا ولا هتقدري تعملي حاجة 

مادونا 

 طيب جيب الزفت الموبايل بتاعي 

مالك 

لأ الموبايلات ممنوع واخرسي بقا صرعتيني بصوتك دا لما تتكلمي معايا تتكلمي بصوت واطي يا بتاعة سامي 

مادونا اتنرفزت اكتر واتحركت من مكانها وقالت

وربنا يا مالك ما هسيبك 

وقامت تضرب فيه 

اتفاجئ باللي عملته 

يا بنت المجانين بتعملي ايه اه اه ايدي يا مجنونة ابعدي يخربيت كدا انتي اتسعرتي ولا ايه هو مين فيكم اللي الكلب عضه اااه 

مادونا 

وقف العربية دي 

مالك 

لا يمكن ومش هيحصل ابدا سوق يا بني واوعى توقف حتى لو كلت دراعي وربنا شكلها جعانة مكالتش من شهر 

مادونا صرخت فيه 

ماااالك 

مالك 

سامعك سامعك هو انا اطرش عايزة ايه 

مادونا 

وقف العربية 

مالك 

لأ لو جدعة نطي من العربية وهي بتتحرك 

مادونا 

بقا كدا طب ماشي 

وجت فعلا تكسر ازاز العربية بكعب رجليها علشان تخرج 

مالك مسكها 

يا مجنونة بتعملي ايه اسكتي يخربيت شيطانك 

وفضل يحاول يمسكها وهي تقاوم 

لحد ما السواق قال 

مالك باشا وصلنا 

اتنهد مالك براحة 

واخيرا الحمد لله انزلي يلا 

مادونا 

مش نازلة معاك واللي ف دماغك دا واالي بتفكر تعمله مش هيحصل يا مالك 

مالك 

انزلي يا بنتي بقولك يلا خلي الراجل يمشي يروح يشوف شغله 

مادونا 

مش هنزل يعني مش هنزل 

مالك نزل هو وقال بمكر 

ماشي براحتك خليكي في العربية 

ولما مادونا بصت قدامها ولقت نفسها قدام بيت شوق 

فتحت العربية ونزلت بسرعة 

فضحك مالك 

ما قولنا انزلي من الاول لازم يعني تفرهدي قلبي منك للي كلت دراع جوزها يا شيخة دراعي ورم 

سبقته مادونا لجوا وهي بتمشي خبطت فيه جامد بقصدها 

فقالت 

اه ماشي ماشي اتقويتي لما عرفتي احنا جايين فين بس يكون ف علمك مش هنطول هنا دا مؤقت لحد ما اشوف مكان مناسب 

دخلت مادونا لجوا فاستقبلتها شوق 

تعالي يا بنتي عاملة ايه 

مادونا 

عجبك اللي بيحصل دا يا ابلة شوق 

في الوقت دا وصل مالك وع وشه ابتسامة باردة 

ففهمت شوق ان مادونا متغاظة منه فقالت 

تعالى يا ولا هببت ايه انطق البت جاية ومهياش طيقاك 

مالك 

معلش يا ماما شوق انا هسيب الزفتة دي امانة عندك لحد ما اشوف مكان مناسب 

مادونا 

زفتة ف عينك ما تحترم نفسك يا غبي انت 

مالك 

شايفة يا ماما شوق بتكلمني وبترد عليا ازاي 

شوق 

ما انت اللي بدات يا ولا لو احترمتها هتحترمك كله رد فعل متبادل يا ولا 

مالك 

طيب خليها عندك ومتخليهاش تخرج الا لما ارجع 

شوق 

فيه ايه ولا ما تفهمني 

مادونا بغيظ

الباشا طلبني في بيت الطاعة تصوري !!

اتصدمت شوق باللي سمعته وكذلك اللي كان داخل وف ايده ازازة ماية بيشربها 

اول ما سمع تف المية كلها ف وش مالك 

ايييه !! 

مالك وهو بيمسح وشه 

الله يفرقك يا عم ايه دا 

ادم 

انت اللي ايه اللي هبتته يا غبي 

مادونا 

غبي فعلا وهمجي ومش بيعرف هو بيعمل ايه بيتصرف بعبط بجد 

اما شوق فانخرطت ف الضحك 

ههههه يخرب عقلك اكتر ما هو مخروب يا ولا داي عاملة تعملها 

مالك 

انا حر اعمل اللي انا عايزه 

ادم لما حس ان اللي عمله هيتفهم وهيتدبس هو في الموضوع وهيتلام فقال 

اا انا هستأذن انا بقا لان وعد منتظراني السلام عليكم 

قالها وسابهم وخلع هو

❈-❈-❈

كانت قاعدة في بيتها فوق السطوح في منطقة غريبة عليها بعد ما سابت بيتها والمنطقة اللي متعودة تعيش فيها

لابسة إسدال الصلاة وبتقول اذكار ما بعد الصلاة وبعد كدا رفعت ايديها لفوق 

يارب يارب انا عملت غلطات وزلات كتير ومعاصي ملهاش حد لكني عارفة انك كريم وهتقبل توبتي يارب... يارب جيت لك وندمانة ومنكسرة بسبب اللي عشت طول عمري بعمله متردنيش يارب... انا فوقت اخيرا بعد ما خسرت كل حاجة حياتي وابني وسمعتي وكل حاجة حتى روحي خسرتها الفلوس اللي كسبتها عمرها ما كانت بتغنيني كنت علطول حاسة بالفقر والعوزة والجوع والوحدة والك الكآبة .. جيتلك يارب علشان تغفرلي واعيش اللي بقالي من عمري ع طاعتك يارب اقبلني يارب واموت وانت راضي عني ... انا جيت هنا ف المكان اللي محدش يعرفني فيه دا وسبت شقتي وفلوسي ودهبي ورايا رميتهم لانهم فلوس حرام مش عايزاهم اتخليت عنهم لان نيتي رضاك اقبلني يارب واموت وان عني راضي 

قالتها وانخرطت ف موجة بكا وحسرة وندم على حياتها اللي كانت كلها غلط ف غلط

 ❈-❈-❈

اياد راح الشركة لخالد 

فرحب بيه خالد 

واخيرا يا بطل يلا تعالى اتفضل امسك مكانك اتأخرت اوي لحد ما تاخد الخطوة دي 

اياد

 بابا انا اسف بس انا كنت جاي علشان حاجة تانية انا كنت جاي علشان اا 

خالد 

موافق اعملك اللي تطلبه بس بشرط ترجع شغلك في الشركة يا اياد .. ها قولي انت محتاج ايه 

اياد 

كنت عايز اعرف مكان امي اا انا عارف انها رافضة تقابلني بس انا مصر اشوفها واعرف مين هيا علشان ارتاح

خالد 

تمام هوديك ليها بنفسي بس ع شرط توعدني انك لما ترجع تمسك مكانك ف الشركة ها قولت ايه 

اياد 

هو حضرتك مصر!! 

خالد 

طبعا دي شركتك اومال مين اللي هيديرها ويحافظ على فلوسي من بعدي مين 

اياد 

ربنا يديك طولة العمر يا بابا 

خالد

 ويباركلي فيك يا حبيبي تعالى معايا هوصلك بنفسي بس انت متأكد انك مستعد للمقابلة دي 

اياد 

ايوا مستعد ان شاء الله 

خالد 

تمام يلا بينا 

❈-❈-❈

كيان وصلت بيت عمها عساف فاستقبلتها توبا 

اهلا.. اهلا ازيك يا كوكو يا قمر عاملة ايه يا روحي 

كيان 

الحمد لله يا طنط انا كويسة والله حضرتك وعمو عساف عاملين ايه 

توبا 

كلما كويسين الحمد لله ادخلي يا حبيبتي يلا 

كيان 

هي عسل فين 

توبا 

جوا في اوضة فرح بتذاكرلها 

كيان 

طيب بعد اذنك ممكن ادخلهم 

توبا 

ايوا طبعا يا حبيبتي ادخلي براحتك وانا هروح اعملكم عصير فريس 

كيان 

ميرسي يا طنط هنتعب حضرتك 

توبا 

ولا تعب ولا حاجة يا قلبي

اما كيان اتوجهت لاوضة فرح وخبطت 

عسل فرح ممكن ادخل 

عسل فتحت الباب لكيان 

وقالت بفرحة

ايه المفاجئة الجميلة دي نورتينا يا كوكو وحشاني اوي 

كيان 

ما انتي مش بتسألي قولت اسأل انا 

عسل 

اعمل ايه مشغولة ف المذاكرة للانسة المبجلة اختي ومطلعة عيني انا شوية وهشد ف شعري.. بقولك ايه تعالي نروح اوضتي ونسيبها تذاكر مع نفسها 

فرح 

لا كيان خليكوا قاعدين معايا هنا تسلوني انا بمل من المذاكرة لوحدي

عسل 

لا حلي التدريبات اللي عطيتها ليكي يلا واسمعي الكلام 

فرح 

يووه 

عسل 

مش عايزة اي برطمة يلا اخلصي 

فرح 

يووه حاضر بقا 

كيان ضحكت 

ربنا يكون في عونك معاكي مس شديدة اوي 

فرح 

انتي بتقولي فيها دي كانت ماسكالي العصاية من شوية 

عسل 

ها تحبي اطلعها ؟؟ 

فرح 

لالا هحل اهو ربنا ع الظالم 

ضحكت عسل واخدت كيان وطلعوا برا الاوضة وقفلت الباب 

وراحوا ع اوضتها وقعدوا سوا 

ها احكيلي اخبارك ليه واخبار الجامعة ايه 

كيان 

الحمد لله تمام 

عسل بغمزة 

يعني مفيش حاجة كدا ولا كدا ها ها احكيلي يا بنتي 

كيان ضحكت 

لا يا ستي مفيش كدا ولا كدا

عسل

ربنا يرزقك الزوج الصالح يارب

كيان 

وانتي كمان عن قريب انتي واياد 

عسل شرقت وفضلت تكح 

اكح كح ااا 

كيان 

عسل عايزة أسألك سؤال بس تجاوبيني عليه بصراحة وانا والله العظيم مش هزعل ومش هيفرق ف علاقتنا ابدا ابدا 

عسل 

عارفة هتسألي في ايه عايزة تعرفي رأيي بعد ما عرفت الحقيقة وهل انا لسه ما زلت متمسكة بإياد ولا لا مش كدا؟؟ 

كيان هزت راسها 

اياد بيحبك يا عسل والله العظيم 

عسل 

وانا لسه عند موقفي يا كيان ورايي متغيرش بس هو اللي مش عايز ياخد خطوة اعمل ايه انا عارفة انه بيمر بظروف صعبة وحالته النفسية مش احسن حاجة وعاذراه والله بس لازم يحاول يتخطاها ويكمل حياته بشكل طبيعي 

كيان 

وعلشان كدا انا جيت لك النهاردة علشان نخليه يكمل حياته بشكل طبيعي 

عسل 

يعني نعمل ايه 

كيان 

انا هقولك هنعمل ايه انا من ناحيتي عليا بابي وانتي عمو عساف 

❈-❈-❈

سمعت الباب بيخبط استغربت مين اللي بيخبط عليها وهي متعرفش حد في المكان الا صاحبة الشقة ولسه مجاش معاد الايجار وهي اساسا دافعاه مقدم 

مين اللي بيخبط عليا دا 

قررت تتجاهل الخبط ومتردش لكن الخبط اتكرر تاني 

فقالت لا دا مصر بقا 

قامت غسلت وشها من اثر البكا ومناجاتها لربها وظبطت حجابها على راسها وقربت من الباب 

مين اللي بيخبط 

خالد 

انا خالد يا ست اسمهان 

اسمهان 

خالد بيه!! 

ولما فتحت الباب 

خالد بيه اهلا بيك بس يا ترى ايه سر الزيارة دي دلوقتي 

خالد بعد عن الباب شوية فظهر اياد 

فأول ما شافته اسمهان عنيها اتملت دموع ومكانت مصدقة نفسها 

فضلت تهز دماغها 

لا لا ليه يا خالد بيه جبته هنا ليه لا مكانش لازم يعرفني ولا يعرف مكاني انا مستاهلوش لا لا امشوا

ولما جت تقفل الباب في وشهم 

مسكه اياد وقال 

انا مسامحك على كل اللي فات

كلمته هزت كيانها قد ايه هو طيب اوي ففضلت تهز راسها تاني برفض لوجوده 

لأ لا انت نقي انت برىء مش زيي خالد بيه بالله عليك خده وامشي انا مستاهلش يكون ابني بالنقاء دا 

اياد 

كلنا نستحق فرصة تانية وانا عطيتهالك وربنا فوق كل شىء رحمته واسعة وغفور رحيم لو رجعتي عن الطريق دا واتجهتي ليه هيقبلك ان شاء الله 

ردت بسرعة وحماس 

وانا تبت والله العظيم تبت لربنا وعاهدت نفسي اني مش هرجع للطريق دا ابدا لحد ما اموت 

اياد 

تسمحيلي اخدك في حضني 

كلمته خلتها تتجبس في مكانها وكأنها اتجمدت تماما فهي طول عمرها نفسها تاخده في حضنها بس مش قادرة 

اياد بصلها وابتسم 

واخدها في حضنه من غير ولا كلمة 

ففضلت تعيط وتشهق جامد وبحرقة وكأنها بتعتذر ليه عن كل الفراق والسنين اللي عاشتها بعيد عنه 

انا وحشة يا ابني انا مستاهلكش والله العظيم ما استاهلك 

اياد

انتي امي مهما حصل امي 

اسمهان 

انت مش مضطر يا ابني انا مسامحاك لو مش عايز تعرفني انت تستحق مستقبلك وحياتك تكون نضيفة خالية من اي حد يشوه سمعتك بالله عليك يا اياد لو بتحبني انساني وعيش حياتك 

اياد 

حياتي بقيتي جزء منها خلاص 

اسمهان 

قوله حاجة يا خالد بيه ارجوك 

خالد 

اقوله ايه انتي امه وكمان انتي توبتي خلاص والماضي مات وانتهى ولا كأن حد يعرفه احنا اولاد النهاردة وبس 

اياد 

عايز اعرف مين ابويا!! 

وطت اسمهان وشها ف الارض 

فقرر اياد طلبه

انتي تعرفيه !! هل هو موجود !! 

اسمهان بتوتر 

لا لا مش عارفاه واحسنلك انت كمان متعرفوش بالله عليك ما تسألنيش السؤال دا تاني 

اياد 

انا من حقي اعرفه حتى لو هو رافض الاعتراف بيا بس لازم اعرفه ع الاقل علشان ميحصلش اختلاط انساب 

اسمهان 

لالا مش هيحصل ولا هيحصل لانه مات خلاص مات من زمان 

اياد 

طب اعرف هو مين حتى لو مات 

اسمهان 

متحاولش يا اياد انا مش هقول عليه ابدا ودا عهد اخدته ع نفسي محدش هيعرفه خالد بيه حاول يعرف لكنه مقدرش انت ملكش غير اب واحد وهو خالد وبس بالله عليك بلاش تفتح في الدفاتر القديمة لو عايزني ف حياتك 

اياد 

اللي تحبيه خلاص مش هسألك عليه تاني رغم اني كان يهمني اعرف 

اسمهان 

احيانا الجهل افضل يا ابني والله بلاش احسن لك وللجميع متفكرش غير ف عيلتك واللي بيحبوك خالد بيه وامك الست الكمل فداء هانم واختك كيان السكرة وبس 

اياد 

وانتي فين 

اسمهان 

لا انا اخدت نصيبي من الدنيا وعشتها بالطول والعرض وكنت مفكرة ان دي السعادة لكني مكنتش اعرف انها سعادة زايفة مؤقتة ملهاش اي طعم واديني اهو لسه بدوق طعم السعادة الحقيقية بالقرب من ربنا

اياد 

الحمد لله انه تاب عليكي قبل فوات الاوان 

اسمهان الحمد لله 

اياد 

تعالي يلا لو ليكي حاجة ليكي هنا لميها علشان تيجي معايا 

اسمهان 

اجي معاك فين 

اياد شقتي مش هسيبك تسكني لوحدك 

اسمهان 

لا ورب الكعبة ما هيحصل شقتك تتجوز فيها يا ابني انا مش هتنقل من هنا وانت عارف العنوان ابقا تعالى زورني 

اياد 

مش هينفع اسيبك لوحدك بعد النهاردة 

اسمهان 

 متخافش عليا انا مش صغيرة هعرف ادبر اموري 

اياد 

مش هينفع صدقيني 

اسمهان 

متحاولش يا ابني قولتلك انا مش ع اخر الزمن هبوظ حياتك 

اياد 

محدش قال انك هتبوظيها ايه مش عايزة تعيشي مع ابنك الوحيد 

اسمهان 

لا مش هعيش معاك انت حياتك مع خالد بيه وبس يا اياد وشقتك اتجوز فيها عسل بنت عساف بيه 

اياد بص لخالد ازاي عرفت موضوع عسل كمان 

فهز خالد كتفه 

هي عارفة عنك كل حاجة 

اياد 

طيب انا مصر اني مش همشي من هنا الا وانتي معايا 

اسمهان

 وانا مش هخرج من هنا يا ابني متحاولش 

اياد 

ماما ارجوكي اسمعي الكلام 

اسمهان صاحت بوجع

 ياااه الكلمة دي كنت هموت واسمها منك يا اياد الحمد لله ان ربنا مد ف عمري لحد ما سمعتها الحمد لله والشكر ليك يارب الحمد والشكر ليك يارب 

بعد كدا خالد قرر يمشي ويسيبهم مع بعض وطلب ليهم اكل كمان 

❈-❈-❈

تاني يوم اتفاجىء اياد اول ما صحي من النوم ان شوق بتتصل بيه 

السلام عليكم.. صباح الخير يا ماما شوق 

شوق 

اصباح الخير والهنا والسرور يا حبيبي عامل ايه يا ولا بقالي كتير مشفتكش 

اياد الحمد لله يا ماما شوق والله ماشي حالي اسف والله اني انشغلت عنك اعذريني 

شوق 

عاذراك يا حبيبي ولا يهمك .. المهم قولي يا اياد عندك النهاردة شغل ولا متفرغ!! 

اياد 

اا انا كنت رايح الشركة بابا خالد عايزني ارجع تاني واصر على كدا 

شوق 

تمام وماله يا حبيبي ماشي خلص شغلك في الشركة وتعالى عندي البيت عايزاك 

اياد 

حاضر هخلص واجيلك علطول 

وبعد الشغل راح اياد فعلا ع بيت شوق 

فرحبت بيه شوق 

اهلا اهلا يا اياد يا حبيبي اقعد اقعد بس كدا هخلص اللي ف يدي واجيلك انت مش غريب اني مش هتأخر عليك 

اياد 

تمام خدي راحتك 

واثناء ما اياد قاعد شاف عسل وابوها. عساف داخلين وسمع الحوار التالي 

عساف 

ها يا عسل بابي جبتي كل لوازمك 

عسل 

اه يا بابي واخترت الفستان دا وماما شوق قالتلي البسه ها ايه رايك فيه 

عسل 

جميل جدا وانتي طبعا اللي محلياه يا روح بابي رينا يسعدك يارب... هطلع اشوف شوق فين وانزلك 

عسل اوك يا بابي 

عساف لما دخل جوا شاف اياد 

اياد اول ما شافه قام وقف وحياه باحترام 

اا ازيك يا عمو عساف 

عساف عمل انه متفاجىء بوجود اياد 

اهلا اياد انت جيت امتا 

اياد 

لسه دلوقتي ماما شوق قالتلي انها عايزاني فجيت

عساف 

اها تمام كويس انك جيت لاني كنت لسه هتصل بيك اقولك تعالى ثواني بس اشوف شوق فين وانزلك 

اياد 

تمام حضرتك خد راحتك 

وقعد اياد تاني مكانه فجه الدور على عسل انها تدخل 

واياد كان منتظرها تدخل بفارغ الصبر من اول ما سمع صوتها برا مع عساف 

واول ما عينه وقعت عليها انبهر بالفستان اللي هي لابساه فقلبه كان بيرقص من السعادة لكنه حاول يغض بصره .

واتكلم بسعادة 

عسل ازيك 

عسل كذلك عملت انها متفاجئة 

ايه دا اياد انت جيت عامل ايه 

اياد 

الحمد لله كويس طمنيني انتي عنك 

عسل 

انا كويسة الحمد لله 

اياد 

اا انتي لابسة كدا كأنك رايحة مناسبة ولا ايه 

عسل 

اا اه في الواقع هو فيه مناسبة هو انت متعرفش المفروض بابا عزمك انت وعمو خالد وطنط فداء وكيان كمان 

اياد 

اه هو قالي انه كان هيكلمني وانا سبقته وجيت خير مناسبة ايه دي اخدتي الدكتوراه!! 

عسل خافت من الصدمة اللي هيتعرض ليها فقالت بتوتر 

اا في الواقع هي حفلة خطوبتي 

انصدم اياد وحس ان رجليه مش شايلاه 

ايه خطوبتك !! 

عسل اشفقت ع زعله فحاولت تتماسك وقالت بعتاب 

اه مش دا كلامك اللي قولته لكيان اني احاول انساك واشوف حياتي اديني اهو سمعت كلامك 

اياد لام نفسه انه قال كدا هو قاله من ورا قلبه بس متوقعش ان عسل تتخلى عنه او تتخطب بالسرعة دي .. كان عايز وقتها ان الزمن يرجع بيه لورا لوقت ما قال لكيان كلامه دا ويرجع ميقولوش تاني

مقدرش اياد يقعد ف المكان فقام وقال بصوت بيجاهد انه يطلع طبيعي 

اا طب انا اا انا لازم امشي دلوقتي.. مبروك 

قالها وسابها وخرج وهي كانت هتموت علشانه فطلعت فوق لشوق 

اما اياد قابله يزن ولانه عارف كل حاجة منعه انه يمشي 

اياد باشا فينك يا عم من زمان ليك وحشة والله .. مختفي ليه كدا هو مين فينا اللي كان متجوز علشان يختفي كدا عن الانظار 

لكن اياد مكانش ف بال كويس انه يرد ع هزار يزن فسابه ومشي 

فلحق بيه يزن وحط ايده ع كتفه 

استنى بس عايزك ف موضوع مهم 

اياد 

مش هقدر دلوقتي يا يزن حقيقي وقت تاني 

يزن 

بس النهاردة فرح مالك باشا اخويا ايه مش هتحضر فرح اخوك 

اياد 

فرح مالك؟؟ محدش قالي 

يزن 

عادي هو نفسه ما يعرفش احنا عاملينها ليه مفاجئة يا عم تعالى بس ظبط الدنيا معانا قبل ما هو يجي وسيب الكسل والاكتئاب بتاعك دا لبعدين .. وبعد شوية تظبيطات ف الجنينة قال يزن 

بقولك ايه احنا نسيب الرجالة تكمل شغلها ونطلع احنا نظبط نفسنا انا جايبلنا بدل انما ايه هتعجبك اوي 

اياد كان متردد وكان عايز يرفض ويمشي بس يزن اصر عليه واخده معاه ف اوضته فوق 

اما عند شوق في اوضة مادونا كانت وعد وياهم بيجهزوها 

وعد 

زي القمر يا دندن في فستان الفرح الأبيض بجد اللهم بارك عسولة اوي 

مادونا 

ميرسي يا قلبي متحرمش منك يا دودي 

شوق 

الف مبروك يا قلبي ربنا يهنيكم والحجاب هياخد منك حتة جميل اوي عليكي ربنا يتقبل منك 

مادونا 

حابة افاجىء مالك بلبسي الحجاب يا ماما شوق 

شوق 

هيتفاجىء يا غالية وهيكون راضي كمان وفي قمة السعادة 

مادونا بقلق 

ربنا يستر 

وعد 

خايفة من ايه بس بقا مادونا باشا تخاف 

مادونا ضحكت 

دي حاجة ودي حاجة يا وعد بجد مرعوبة اوي 

وعد 

لالا عيشي اللحظة واوعي تخلي الخوف والقلق يبوظوا سعادتك اللي كلنا بننتظرها 

اما تحت وصل مالك فشاف مهند وميار في قمة اناقتهم 

فقال ايه انتوا رايحين سهرة ولا ايه.. لا استنوا المكان هنا اتحول هو فيه مناسبة وانا معرفش 

مهند 

ما انت غبي مش عايش معانا النهاردة خطوبة عسل بنت عمك عساف وانت اخر من يعلم يا طور 

مالك 

يا خبر انا معنديش علم بدا محدش قالي حتى الزفت يزن كان معايا وانا بظبط شقتي ومقاليش 

ميار 

انت خلاص قررت تاخد مادونا شقتك الجديدة!! 

مالك بتوتر 

ااه ما هيا اا مراتي من زمان يا ماما 

ميار 

تمام أوك مفيش مشكلة 

مالك 

يعني حضرتك مش زعلانة 

ميار 

وهزعل ليه انا من زمان بتمنى انك تتجوز وحياتك تستقر زي اخوك 

مالك مسك ايد مامته وباسها 

ربنا يخليكي لينا يا ست الكل 

مهند بصله بشراسة 

ولاااا 

مالك بعد واخد وضع التحية العسكرية 

تمام يا باشا بعدت اسف اني تعديت ع ممتلكاتك 

مهند

 ايوا كدا اتعدل.. دلوقتي اطلع فوق لاخوك مجهز البدل اللي هتلبسوها اختارلك بدلة وجهز نفسك بسرعة يلا 

يزن لاحظ ان اياد قاعد ع الكرسي وسرحان ومش بيتحرك 

فقال 

ايه يا عم ما تلبس مفيش وقت قاعد مبلم ليه كدا 

هنا دخل مالك واول ما دخل ضرب اخوه ف كتفه 

انت يا زفت انت كنت معايا الصبح مقولتش ان النهاردة خطوبة عسل بنت عمو عساف النهاردة ليه يا متخلف افرض انا مجتش عمك كان هيزعل مني 

يزن 

ايه يا عم نسيت حرام عليك خلعت دراعي

ولما مالك لاحظ ان اياد قاعد ومجهزش قال 

ايه يا عريس مجهزتش ليه مفيش وقت ولا مكنتش تعرف زيي ههه 

يزن خاف ان اخوه يبوظ المفاجئة فبلع ريقه بتوتر

لكنه سمع اياد بيقول 

عريس!! ياريت... انا اللي طلبت من عسل بنفسي تتخطب لغيري كان ينقطع لساني وقتها انا حاسس ان قلبي بيتقطع من جوة 

مالك بصدمة هو كمان 

نعم يعني مش انت العريس !! ازاي دا وعسل ازاي توافق ع حاجة زي دي انا مش فاهم حاجة انا هروح اتكلم معاها 

اياد بهم 

تتكلم مع مين خلاص بقولك خطوبتها دلوقتي..انا هقوم البس وهباركله بنفسي ربنا يسعدهم

مالك ضربه ف كتفه 

ايه يا غبي انت هتتخلى عن حبك بالسهولة دي اياك تسكت انا لو مكانك كنت طربقت الليلة وطفشت الزفت العريس دا 

يزن 

ايه يا بوتاجاز هتخليه يبقى همجي زيك عمك عساف يقول ايه

مالك 

مش هيقول حاجة هو عارف ان عسل لاياد وهو اللي غبي واتخلى عنها يلحق نفسه ويصلح غلطته قبل ما يفضل طول عمره نادم 

كلام مالك خلى اياد عايز يعافر علشان ميخسرش عسل 

فقام وقف وشد البدلة بتاعته وقال باصرار 

عسل مش هتكون لحد غيري 

قالها ونزل جري لتحت 

يزن بزهق 

ييي يا غبي خليته ينزل من غير ما يلبس بدلته وبعدين بقاااا 

مالك بصله باستغراب 

فيزن سكت 

خلاص مش مهم البس البس انت والا كل حاجة هتبوظ 

مالك 

انا حاسس انك عامل مصيبة 

يزن 

انا .. دا انا غلبان 

❈-❈-❈

اما تحت فإياد راح لابوه خالد وقال 

بابا انا اللي هخطب عسل محدش غيري هيخطبها ومستعد اقول ا دلوقتي قدام الكل حتى عمو عساف نفسه ومش هيهمني اي عواقب انا مش هضيع عسل مني 

خالد 

لسه جاي تقول دا دلوقتي 

اياد

ما انت عارف اني بحبها موقفتش جنبي ليه 

خالد 

طيب اسمع علشان الشوشرة سيب الليلة دي تعدي على خير ونبقى نطلب من عسل تفركش علشان سمعة العيلة يا ابني 

اياد بص لابوه بغيظ واول ما شاف عسل نازلة مع البنات 

راح عندها بسرعا وقال 

عسل ممكن اتكلم معاكي 

عسل 

اكيد اتفضل 

البنات كلهم بعدوا عنها 

اياد 

عسل انا اللي عايز اخطبك مش هسمح انك تتخطبي لحد غيري انتي فاهمة حتى لو كنت قولت غير دا انتي ليا انا وبس انا علشان الشوشرة هوافق اليوم دا يعدي وبعد كدا فركشي مفهوم 

عسل كانت هتطير من الفرحة لكنها خبت دا وادعت الجدية وهي بتقول 

ايوا بس انا موافقة ع العريس كا وعايزاه 

اياد بصلها وهو مصدوم 

ايه!!! 

وقبل ما يتقلب يومه بنكد اكتر جت اخته كيان بسرعا وقالت 

الف مبروك يا عريس يلا لبس عروستك الشبكة 

اياد مكانش فاهم حاجة لكنه بص حواليه لقا المل بيضحك ويزن بيصفرله 

ايوا بقا يا عريس مبروووك 

وخالد بيهزله دماغه بابتسامة 

ففهم اللعبة كلها من اولها

فقالت كيان 

ايه يا ايدو واقف مبلم ليه ايه عايزنا نسيبك تتخلى عن حبك لا انسى انت وراك رجالة يا عم 

اياد مكنش مصدق نفسه وخضن اخته جامد 

بحبك يا احلى كوكو في الدنيا 

وبعد كدا اخد الشبكة ولبسها لعسل وهو بيقول 

كنت مستعد ابيع الدنيا كلها علشانك دلوقتي للاسف فوقت بس متأخر مكنتش هتحمل تروحي مني يا عسل 

عسل وطت وشها بكسوف فقال 

كنتي بتقولي انك موافقة على العريس ممكن تقوليها تاني كدا ملحقتش استمتع بيها 

ضحكت عسل بكسوف 

فقلب اياد المكسور اصبح كله ورود وكأنه انعاد احياءه من جديد 

اما مالك فكان واقف ومستمتع بالمقلب اللي اتعمل في اياد 

وفجأة وهو بيبص قدامه شاف عروسة نازلة بفستان الفرح ووعد ولوجي بيساعدوها تنزل وشايلين ليها الفستان 

مالك 

مين دي 

ادم ميل عليه 

ايه يا عريس مش عايز تخش دنيا انت كمان 

مالك رمش اكتر من مرة وهو بيحقق النظر لمادونا 

معقول هي مادونا 

ادم 

هي بعينها 

اتلحلح بقا وبلاش غباوة معقولة تتجوز البنت من غير فرح وهوليلة!! 

مالك اتسعت ابتسامته وقرب منهم 

فالبنات بعدت 

وفضل مالك مع مادونا وقال 

ايه الجمال دا كله 

مادونا 

الحجاب حلو عليا 

مالك 

انتي كلك جميلة والحجاب زادك زينة ووقار 

مادونا 

يعني مبسوط من الخطوة دي؟؟ 

مالك 

ماما شوق اللي قالتلك!! 

مادونا 

ماما شوق مفرضتش عليا 

مالك 

عارف ماما شوق بتنصح بس .. مبسوط مبسوط انك اخيرا اخدتي الطريق الصح 

مادونا 

مكنتش اعرفه غير لما اقابلتكم وبالأخص ماما شوق غيرت فيا حاجات كتير 

مالك 

ماما شوق مدرسة بتعلمنا كلنا... مبروك يا روحي 

مادونا 

بتحبني يا مالك ولا لسه مفروضة عليك 

مالك 

دا سؤال تسأليه دا انا لولا ان ادم قالي ان موضوع سامي دا مقلب عمله فيت كنت هخلي ليلتك سودا 

ضحكت مادونا 

على فكرة والله مكنتش اعرف بدا 

مالك ضحك 

ايوا عرفت وربنا لولا خوفي على زعل وعد كنت دغدغت ادم على عملته دي

في الوقت دا وفي وسط ما كان الكل مبسوط وسعيد 

وعد قالت لادم 

ادم ادم 

ادم 

عيون ادم وروحه كمان 

وعد 

ادم انا حاسة اني مش كويسة حاسة اني مش قادرة اخد نفسي وروحي رايحة 

ادم بفزع مسك ايديها 

ايه طب تعالى هاخدك ع المستشفى حالا الف سلامة عليكي يا روحي 

وعد 

لالا بص هكتبلك اسم دوا تروح تجيبه بسرعا من صيدلية هيشيل الاعراض اللي فيا دي 

ولسه كانت بتطلع ورقة وقلم من شنطتها قالت 

ادم انت ريحتك وحشة انت حاطط برفيوم ايه المقرف دا

ادم 

وربنا حاطط البرفان اللي بتحبيه 

وعد 

لالا مش عاجبني مش طايقاه ومش طايقاك انت كمان .ااا عااا الحقني عايزة ارجع يا ادم بطني قلبت بسرعة خدني ع الحمام 

ادم اتسعت ابتسامته وقال بفرحة 

والله بجد ياااه واخيرا 

وعد 

واخيرا ايه انت مبسوط اني تعبانة!! 

ادم نادي بعلو صوته ع شوق 

ماما شوق ماما شوق 

شوق اللي كانت قاعدة مع مرتات اخواتها وبيتكلموا بانسجام 

ايه يا ادم فيه ايه خير 

ادم بفرحة وبصوا جهوري 

قوليلي مبروك يا ماما شوق 

شوق 

مبروك على ايه يا ولا 

ادم 

وعد حامل يا ماما شوق هتبقي تيتا!! 

وعد اتفاجئت بكلامه 

يخربيت كدا انت بتقول ايه احنا بسه متأكدناش فضحتني يا ادم 

ادم 

اخلى فضيحة داي ولا ايه .. هبقى اب يا ناس وانتي احلى ام 

وعد 

يا مجنون

هنا هناء اول ما سمعت انفجرت في الزغاريط وشوق كانت السعادة مش سايعاها 

ادم 

لشوق 

لو طلعت بنت هسميها شوق علشان تطلع زيك يا ماما شوق 

يزن هنا قال 

لاااا الاسم دل انا اللي حاجزه انا متفق مع لوجي على كدا من زمان

ادم 

لا انا قولته الاول وانتهى الجدال 

مالك 

اشش لا انت ولا هو. انا اللي هسمي شوق وهعطيها لماما شوق تربيها علشان تطلع زيها 

شوق 

يااختاااي باس باس انت وهو كفاية نسخة واحدة من شوق بالبلاوي اللي حصلت لها مزهقتوش منها

الكل اتلم حواليها وقال 

وحد يزهق منك بس يا ماما شوق انتي عملة نادرة صعب نلاقيها تاني ربنا يديمك في حياتنا نعمة 

شوق ضمتهم كلهم 

يا حبايب قلبي ربنا يخليكم ليا يا غاليين