رواية مقيد بعشقها 
بقلم الكاتبة سحر خالد

رواية مقيد بعشقها

الفصل الثامن

رمقها بنظرات غاضبه وهو لا يصدق ما يسمعه منها الان، اقترب منها، وهو يمسك يدها بقسوه وغضب شديد وهو يصرخ فيها امام الحاجه امنه و ادغر .....

شكلك اتجننت سلسبيل بجد عايزه تتجوزي داغر؟!

سلسبيل ونظراتها هنا وهنالك تحاول ان تجعله يهدا امامهم ..

..... اهدى يا امير وخلينا نتكلم فوق وانا احكيلك كل حاجه بالراحه .

امير بغضب....... مش ههدى ومش هنتكلم يلا اطلعي لمي هدومك عشان نمشي من هنا ..

داغر وهو يقترب من امير....... اهدا شويه يا امير خلينا نتكلم.... صدقني انا مش هاتجوز سلسبيل عشان كلام الناس انا هاتجوزها عشان انا عايز كده  سلسبيل هاشيلها جوه عيوني وهاحافظ عليها زيك واكثر...

ما زادت هذه الكلمات امير الا اشتغل اكثر واكثر وهو يصرخ .......اللي عندي قلته و سلسبيل وهاخذها من هنا وامشي وما فيش كلام تاني يتقال...

تفاجات نورهان وهي تنزل من الاعلى هي وابنتها لتجد سلسبيل تقف امام امير وهم غاضبون و داغر بينهم يحاول ان يهدئ الوضع و الحاجه امنه تقف هي الاخرى ترقب الوضع من بعيد ولم تتكلم لتنزل وهي تقول..

في ايه هنا بالضبط ايه اللي حصل يا جماعه....

الحاجه امنه رمقتها بغضب لتصمت نورهان وتقف في احدا الزوايا 

ثم نظرت لامير الحاجه امنه وهي تقول...... اهدى يا ابني سلسبيل هنحافظ عليها زي بناتنا وادغر هيتجوزها داغر سيد الرجاله وانا عارفه ومتاكده انه هيقدر يحافظ عليه..

توسعت عيون نورهان تحاول ان تكتم شهقاتها التي خرجت دون اراده منها ليسمعها الجميع بوضوح وهي لا تصدق ما تسمعه الان...

 عمتها ستزوج داغر لسلسبيل حاولت نظراتها الى ابنتها التي كانت تقف بجانبها لتجدها تنظر لها بغضب ودموع تهدد بنزول في اي لحظه..

نظرت لهم الحاجه امنه بغضب ثم قالت لداغر ......داغر تعال معي الاوضه عايزه اتكلم معك وسيب سلسبيل وامير يتكلموا مع بعض

ثم نظرت لنورهان وقالت .....مع بعض لوحديهم

هزت نورهان راسها وهي تركض الى الاعلى هي وابنتها ولكنهم كانوا يشعرون بالغضب والغيظ 

اما ادغر فدخل الى غرفه جدته و عقله في الخارج يفكر في سلسبيل....

في الخارج امسك امير بيد سلسبيل لياخذها ويخرجه من المنزل ويقف في الخارج وهو يصرخ فيها ......

انتي اكيد تجننت انا مستحيل اقبل باللي انتي بتقوليه ده هي كمان وصلت للجواز يا سلسبيل ؟!

قال كلامه وهو ينظر اليها بغضب..

سلسبيل ...... انت كمان اتجننت فاكر ان ممكن اتجوز داغر بجد ؟!

ضحك امير وهو يقول بسخريه...... لا بهزار طبعا امال ده ايه انتي فاكره ان الجواز عندهم لعبه ولا انك انتي هتعملي اللي انتي عايزاه وهتمشي كده... فرح يعني جواز رسمي يا هانم ...

هزت سلسبيل راسها وهي تقول...... ما تقلقش يا امير الفرح مش هيتم و الانتقام هيكمل قبل الفرح وهنمشي من هنا بكره ان شاء الله بالليل وانا مرتاحه هاسافر معك امريكا ....

امير ......مش مرتاح لك حاسس ان وراك كتير قوي واللي جاي مش سهل يا بنت عمتي....

سلسبيل.....واحنا جئنا هنا يا امير وعارفين ان هو مش سهل يبقى نكمل للاخر....

امير ....معك يا سلسبيل بس افتكري اني حذرتك من الموضوع ده من البدايه ولو حصل حاجه ولا اتقلبت لدم هتكون انتي السبب !!

❈-❈-❈

في الصباح .

عاصم الذي كان يتكلم في الهاتف في المنزل وهو يقول..... جهز الامور كلها زي ما تكلمت معك الموضوع ده لازما يتم النهارده ..

الطرف الاخر وهو يقول..... تمام يا عاصم بيه بس في حاجه عايز اقول لك عليها ..

عاصم بسؤال.... ايه اللي حصل قول ؟!

الطرف الاخر..... اللي بيراقبوا بيت عيله الهواري شافوا امير بيه وسلسبيل هانم هناك واما سالنا اهل البلد عنهم عرفنا ان دي خطيبه داغر بيه و اللي فرحهم النهارده ..

عاصم بصدمه..... ازاي سلسبيل هناك  في بيت الهواري...

التفت عاصم بسرعه على صوت تكسير  ليجد ندي التي كانت تقف خلفه وتحمل بين يديها كاس من الماء ليقع ارضا ويتكسر الى قطعه وهي تضع يدها على قلبها ..

كيف سلسبيل عند هذه العائله منذ اكثر من اسبوع ولماذا ؟!!

❈-❈-❈

في اتجاه اخر كانت تجلس سيلين وهي تقول..... هتعملي ايه يا ماما .. فين كلامك جدتك هتتصرف اهي اتصرفت وهتجوزهم النهارده والترتيبات تحت شوفي عامله ايه.. ولا فرح البشوات شوفي لي حل عشان الموضوع ده كده مش هينفع ...

نورهان .....يابت اهدي واسكتي والموضوع صدقيني مش هيتم حتى لو هاعمل العمايل بس اسكتي وتفرجي امك هتعمل ايه 

قالت كلامها

لتنظر اليها سيلين وهي تقول .....اديني مستنيه بس الموضوع مايتمش يا ماما عشان بجد انا هاموت نفسي لو داغر اتجوز البت دي !!

❈-❈-❈

في غرفه سلسبيل كانت تجلس منذ ليله امس لم تنام ولو لحظه واحده ..

لا تعلم ماذا تفعل تتذكر كل الكلام وكل اللحظات التي كانت جمعتها مع داغر ليس له ذنب فيما تفعله ولكنها مضطره ..ان تسير في هذا الطريق الى النهايه تشعر بتانيب الضمير ولكن ليس وقته ابدا ...

قطع افكارها التي مستمره منذ ليله امس دقات على الباب لتنهد وهي تفتح الباب تفاجئت بادغر والابتسامه العريضه التي كانت على وجهه جعلتها تشعر بالندم والالم اكثر واكثر..

تراجعت للخلف ليدخل داغر بما يحمله ليضعه على السرير وهو يقول

.....اتفرجي يا ست البنات انا جايب لك حاجات جميله و فستان الفرح شوفيه واكيد هيعجبك ولو ماعجبتكيش اؤمريني وهيجيبلك اللي انتي عايزاه ؟!

سلسبيل بندم ....ما كانش في داعي يا داغر كنت هالبس اي حاجه ..

ادغر بلهفه..... تلبسي اي حاجه ازاي هو انتي اي احد ده انتي سلسبيل البنت الوحيده اللي خطفت قلبي غير كده هتبقي حرام داغر الهواري النهارده فلازما تكوني غير الكل عشان انتي غيرهم فعلا !!

سلسبيل وهي تهز راسها .....حاضر هالبسه النهارده ..

داغر بلهفه ....طب شوفيه لو عجبك الاول ولو مش عاجبك غيره ..

سلسبيل بنفي.... لا اكيد هيعجبني

اقترب داغر يفصل الخطوات التي كانت بينهم وهو يمسك يدها بين يديه ويقول .....سلسبيل انا عارف ان كل اللي حصل كان غلط عارف ان جوازنا جاء فجاه واكيد انتي مصدومه من الموضوع بس صدقيني مش هاخليك ولو لحظه واحده تندمي على جوازنا هتعيشي معي حياه هتكوني انتي فيها ملكه ملكه وبس

ابتسمت له سلسبيل ابتسامه صغيره ليشرق قلب هذا العاشق وهو يقول..... انا اروح اغير هدومي وانتي كمان غيري ...التجهيزات قربت تخلص اهلك الجايين صح  ؟!

هزت سلسبيل راسها ليقول داغر...... انا عارف ان كان لازم اكلمهم بس قلت اما يجوا هكلمهم وش لوش

ثم ابتسم باسعاده وهو يقول....... وهاطلبك منهم ماتقلقيش....

❈-❈-❈

في مطار امريكا كانت تجلس ندي وهي تهز قدميها بعصبيه وبجانبها ساره وعاصم الذي يحاول ان يجعلها تهدا..

عاصم..... عشان خاطري يا ندى اهدي انا رجالتي حوالين البيت من كل ناحيه مافيش اي حاجه هتحصل لسلسبيل ان شاء الله .. وهنوصل على طول ..

ندى بصدمه ولازالت الدموع عالقه في عيونها........

ازاي ازاي مش عايزني اقلق بنتي بينهم من اسبوع ماعرفش هي هناك بتعمل ايه ماعرفش هم عايزين منها ايه ازاي ....  لا يا عاصم انا مش عارفه هم عارفين ان هي بنتي ولا لا نيتهم مش عارفه ؟!

قالت كلامها لتنفجر في البكاء ضمها عاصم وهو يشعر بها يشعر بالامهها ....وهو الاخر يشعر بندم والم  وتانيب الضمير الذي يكاد يقتله...

فهو لم يستطع ان يحميها كيف لم يضع حرس عليها هي وامير كان يظن انها بعيده عنهم لم يكن يعلم انها سوف تذهب اليهم بقدمها ....

هو الاخر يشعر بالالم من فكره ان يحدث لها شيء سلسبيل ليست ابنه اخته فقط فهي مثل ابنته تربت على يده طول 20 عام كان مثل الاب لها اكثر.

❈-❈-❈

في المساء كانت تجلس كل العائله في الاسفل الحاجه امنه و زوجات ابنائها الثلاث وبناتهم وفي الخارج كانوا .. رجال العائله داغر وعمه عابد وعمه ادم وابيه وحازم الذي كان يجلس في ركن بعيد ..

كان يريد تشويه صورتها ليتجوزها هو ولكنها ذهبت لاخيه لعن حظه فهو غبي واضعها من بين يديه..

ياتي الماذون بعد قليل دخل  داغر وهو ينادي على جدته التي نظرت اليه ..

داغر... قولي لسلسبيل تنزل الماذون جاء..

الحاجه امنه .....وابوها وامها ماحدش جاء لحد دلوقت ليه يا داغر هتتجوزها من غيرهم؟!

هز  داغر راسه وهو يقول .... مش عارف يا جدتي قولي لها تنزل وانا هاسالها ...

قال كلامه لتصعد البنات لياتوه بسلسبيل التي نزلت معهم وهي ترتدي فستان ابيض الذي اشتراه داغر لها ..

تفاجئ الكل من جمالها وابتسم داغر لها بهيام وابتسامه سعيده اقترب منها وهو يقول بسعاده

......ايه القمر ده بس الماذون جاء بره اهلك لحد دلوقتي فين..

صمتت سلسبيل لينظر اليها الجميع في انتظار اجابتها ولكن سرعان ما تحولت نظراتها من بريئه خجوله الى فتاه اخرى تماما وهي تقول بصوت عالي  سمع هذا الصوت كل من يقف في المنزل من اهالي البلد والنساء الذين كانوا ينظرون لها الى عائله الهواري كلها...

بس انا مش موافقه اتجوزك يا داغر انا بحب احد تاني !!

توسعت عيون الجميع بصدمه صدمه كبيره لتقترب الحاجه آمنه وهي تنظر يمين ويسار على النساء وتقول لها.....

انتي بتقولي ايه يا حبيبتي ما تهزريش دلوقتي قولي اهلك هيجوا امتى ؟!

قالت كلامها بغل في قلبها ولكن كانت تظهر ملامحها سعيده امام الناس وهي تحاول ان تلم الموضوع قدر الامكان لتنظر لها سلسبيل وهي تقول.......

انا فعلا مش هتجوز داغر انا مش بحبه انا بحب حد تاني وهتجوزه...

امسكها داغر من يدها يهزها بعنف وهو يصرخ .....انتي تجننت اكيد بتحبي مين و جايه دلوقتي تقولي الكلام ده كان فين امبارح ؟!

دخل امير في هذه اللحظه وهو يمسك سلسبيل ليبعدها عن داغر ويصرخ...... ماتقربش منها تاني انت فاهم

داغر بغضب وجنون..... شوف اختك بتقول ايه جايه دلوقت تقول انها بتحب واحد تاني ؟!

دخل ايضا حازم وعامر وعابد وادم الذين لم يعلم ماذا يحدث ولماذا اصواتهم عاليه الى هذه الدرجه لتنظر سلسبيل اليهم كلهم وهي تبتعد عنهم تقف في منتصف الغرفه وقالت .......

حلوه قوي ان انتو كلكم هنا عشان تسمعوا اللي هيتقال وعشان اشوف نظره الذل على وشوشكم كلكم و هي ما زمان امي اتجرحت منكم وشافت العذاب.. دلوقت انتو كمان هتتعذبوا و سيرتكم هتبقى على كل لسان ...

قالت كلامها لتصرخ باعلى صوت وهي تقول...... انا مش بحب داغر الهواري ولا عايزه اتجوزه انا بحب واحد تاني امير ...

توسعت عيون الجميع ليصرخ داغر...... انتي كذابه امير يبقى اخوك ؟!

ابتسمت سلسبيل وهي تقول...... امير مش اخويا امير يبقى ابن خالي يا داغر بيه...

داغر و هو يا كاد يصل الى الجنون من كلامها ليقول...... ازاي ابن خالك انتي قلت ان اخوك كنت بتكذبي علي طول الفتره دي ليه عملت ده كله انا عملت فيك ايه ومين امك اللي ظلمناها زمان ؟!

ابتسمت سلسبيل وهي تنظر اليهم بحقد وغضب لتقول...... امي امي ندى ندى يا حاجه امنه

ندى يا ادم بيه ندى يا نورهان هانم

قالت كلامها لتكمل .....ندى اللي اتجرحت واتظلمت منكم...

ثم نظرت للحاجه امنه وهي تقول ....ندى اللي خليتي جوزها يتجوز عليها ندى اللي جوزها خانها وهي اديته كل حياتها ...

في هذا الوقت كانت الهمسات والكلام وصل الى الخارج والكل من الرجال يتهامسون عن الفضيحه التي تحدث في الداخل ...

ليعلموا رجال عاصم ان هنالك شيء يحدث في الداخل ...

ليدخلوا بالاسلحه ينظر الكل بفزع الحاجه امنه....... ايه اللي بيحصل هنا هو في ايه ازاي تدخلوا بيتي بالطريقه دي وانتم مين ؟!

قائد الحرس.... اللي ما تعرفهوش ياست ان املاكم كلها اتباعت في المزاد من حوالي تلات ايام واحنا حراس المالك الجديد

حازم .....ازاي احنا ما نعرفش الكلام ده وماحدش قال....

قائد الحرس..... دي اوامر ان انتم ما تعرفوش صفقاتكم كلها انضربت في السوق والشركات بتاعتكم اعلنت افلاسها.... وكل املاكم اتعرضت في مزاد وعاصم بيه اشتراها وتفضلوا كلكم بره دلوقتي عشان هو جاي في الطريق ...

صدمه صدمه صدمه لهذه الدرجه كان الانتقام كبير ولكن لم يكونوا يعلموا ان ظلمهم كان اكبر في الماضي وغير ندي ظلموا من البشر الكثير وها هم يقعون في شر اعمالهم...

نظر كل شخص الى الاخر.....الكل يتكلمون عن فضيحه عائله الهواري نظرت الحاجه امنه اليها بغضب شديد وحقد اكبر وكل الناس كانت نظرتهم بين الفرح والحقد والشماته و الحزن ..

وادغر هذا الذي انقسم قلبه لنصفين واخذ صدمه لم يكن يتوقعها..

على الجهه الاخرى كان هناك سياره مسرعه وكان من يقودها عاصم الذي عاد الى مصر بعد ما اعرف كل شيء ندي ببكاء وهي تجلس في الخلف .....

بسرعه يا عاصم بسرعه  انا خائفه عليها قوي .... دول مايعرفوش ربنا...

على الجهه الاخرى قد غلت دماء في عروق الحاجه امنه.... بعد ما حدث وبعد ما اصبحت سيرتهم على كل لسان لتخرج البندقيه وتتقدم من سلسبيل التي كانت تقف بجانب امير وتنظر اليها بثبات.... 

وهي تقول... سيرتنا على كل لسان و البلد كلها بتتكلم علينا بسببك والله لا اقتلك واخلص منك..

قالت كلامها واطلقت رصاصه عرفت طريقها تجاه  سلسبيل ولكن وقف احدهم بجسده بين الرصاصه وسلسبيل لياخذها هو ويقع ارضا غارق في الدماء وسط صدمه الجميع...

يتبع...