رواية جديدة مقيد بعشقها لسحر خالد - الفصل 14
قراءة رواية مقيد بعشقها كاملةتنشر حصريًا على مدونة رواية وحكاية قبل أي منصة أخرى
رواية مقيد بعشقها
رواية جديدة قيد النشر
من قصص و روايات
الكاتبة سحر خالد
الفصل الرابع عشر
صر خت ندى وهي لا تصدق ما تسمعه الان لتقول .....
ايه الكلام ده يا عاصم ازاي اصلا يتجرا يجي ويطلب منك الطلب ده انت عايز بنتي تعيش نفس اللي عشتي زمان مع العيله دي انا مستحيل اوافق يا عاصم مهما حصل سلسبيل عمرها ما تتجوز داغر وده اخر كلام عندي ..
نظر عاصم الى سلسبيل التي كانت تقف تفرق في يديها بتوتر شديد ليقول ....طب رايك ايه انتي يا سلسبيل...
ندى بغضب ......هو الموضوع ده في رايها هي ملهاش راي اساسا مستحيل ... لو وافقت ان هي تتجوز داغر انا مش موافقه.....
عاصم .....ندى عشان خاطري ممكن تسيبي سلسبيل تتكلم
ندى ....اهو اتكلمي يا سلسبيل بس صدقني سلسبيل عمرها هي كمان ما توافق انها تتجوز داغر ولا انها تعيش وسط العقارب دول ...
رفعت سلسبيل عيونها بعد صمت طويل وتوتر اكبر لتقول...... الكلمات التي صدمت الجميع انها موافقه على الزواج من داغر ...
اقتربت ندى منها بغـ ضب وهي تمسك زراعها
وتصـ رخ...... انتي اتجننت يا سلسبيل ازاي توافقي على داغر مش ده اللي كنت جايه تنقـ مي من عيلته واخذتيه طريق عشان تنفذي انتـ قامك دلوقتي موافقه انك تتـ جوزيه انتي اكيد جرى لعقلك حاجه
سلسبيل وقد تكونت الدموع في عيونها..... ماما عشان خاطري انا موافقه ماتخلينيش ابعد عن اللي بحبه وهو بيحبني عشان خاطري..
قالت كلامها و ركضت الى غرفتها لتنظر ندى الى عاصم وهي تقول .....انا مستحيل يا عاصم ان اقبل سلسبيل تتجوز داغر حتى لو هسافر تاني وابعد عنهم...
عاصم...... صدقيني جواز سلسبيل من ادغر مش حاجه وحشه زي ما انتي مفكره داغر شاب كويس وبعدين انا عمري ما هفرط في سلسبيل بالسهوله دي اكيد قبل ما اجوزه لسلسبيل افرض عليه شروط وشروط صعبه كمان ولو وافق عليها يبقى اكيد هو كمان بيحب سلسبيل....
وماتنسيش ان سلسبيل دلوقتي قالت انها بتحبه...
ندى ...... انا مش عارفه ايه اللي في راسك يا عاصم مش عارفه ازاي رايك اتغير فجاه ووافقت على داغر بس اللي عايزه اقوله لك ان اعمل اللي انت عايزه بس صدقني بنتي لو حصل لها حاجه ولا لو رجعت قلبها مكسور من العيله دي صدقني عمري ما هسامحك يا عاصم عشان انت اللي فتحت الباب واديت فرصه لداغر انه يدخل العيله وياخد سلسبيل....
قالت كلامها وصعدت الى الاعلى هي الاخرى فهي لا تستطيع ان تفعل شيء ابنتها موافقه، ماذا تفعل بعدها جاءت دقات على غرفه سلسبيل التي كانت تجلس على السرير تبكي بانهيار قد يظن البعض انها تبكي لانها تريد ان تتزوج من داغر وستموت ان لم تفعل ...
ولكن العكس تبكي لانها مجبره على هذا الزواج دخلت ندى بعد ان دقت على الباب وهي تقول......
ماكنتش اعرف انك بتحبيه قوي كده..
قالت كلامها وجلست بجانب ابنتها لتضع يـ دها على راسـ ها وشعرها وهي تقول..... انا اسفه يا سلسبيل بس انا مش عايزاك تمر باللي مريتي بيه انا خايف عليكي قوي انا شفت المـ وت بعيوني والسبب العيله دي مش عايزاك تشوفي اللي انا شفته خايفه عليك قوي يا حبيبتي
سلسبيل .......بس داغر مش زي بـ
لا تدري ماذا تقول لتكمل ندى........ عارفه عارفه ان شخصيه داغر مش زي شخصيه ادم يمكن مااتعاملتش معاه كتير بس عارفه انه مش شبه ادم خالص بس كمان خايفه عليكي كده داغر عايش حياتي كلها العيله ان اللي عاش وسطيها ادم وزي ما ام ادم هي العقربه اللي بتخطط وتديهم الاوامر هي كمان جده داغر...
ثم اكملت بحزن......بس ما تقلقيش خالك عاصم قال انه هيحط شروط مقابل ان يتجوزك ولو هو بيحبك بجد هينفذها انا مستحيل افرط فيكي يا سلسبيل مستحيل مستحيل
❈-❈-❈
بعد قليل عاد امير من الخارج بعد ان سمع ما حدث من ابيه وتركهم وخرج دون ان يقول شيء ليجد ابيه وامه يجلسون في غرفه الجلوس نظر امير... لهم وقد طفح الكيل من هذا كله ليقول...
بابا يمكن حضرتك ما تعرفش بس انا بحب سلسبيل ومستحيل اخليها تتـ جوز من اي حد تاني وخصوصا داغر سلسبيل هتكون ليا مش لحد غيري...
تفاجئ عاصم من كلامه لينهض وهو يقول...... انت ايه الكلام اللي بتقوله ده يا امير سلسبيل زي اختك ...
امير بغـ ضب .......سلسبيل مش اختي سلسبيل بنتي عمتي على طول ليه بتقولي اختي اختي ماهيش اختي افهموا بقى...
عاصم ......عشان هي مش بتحبك عرفت ليه بقول لك ان هي اختك عشان سلسبيل وافقت على داغر ازاي عايزني اقول لها ابعدي عن اللي بتحبيه
واتجـ وزي ابني.....
توسعت عيون امير ونهار عالمه بالكامل وهو ينظر لابيه ويقول .........انت اكيد فهمت غلط سلسبيل مستحيل توافق على داغر سلسبيل كانت دائما بتكره عائله الهواري المستحيل تكون حد منهم انا بحبها مش هقدر اعيش من غيرها اعملوا اي حاجه.....
نهضت امه وقد تساقطت دموعها على ابنها لتمسك بيديه وهي تقول .......امير حبيبي اهدا سلسبيل مش ليك ان شاء الله ربنا يعوضك....
اما امير كان في عالم اخر وكـ ان العالم يدور من حوله لا يستمع الى اصوات احد فقط كلما يستمع اليه الان كلمات والده بان سلسبيل لا تحبه بل تحب داغر وستكون له كيف كيف ذلك لينهض بسرعه ويدخل الى غرفته ليغلق الباب خلفه......
كادت امه ان تدخل اليها ولكن امسك بها عاصم وهو يقول .....سيبيه سيبيه يا ساره لوحديه شويه يمكن يفهم لازم يفوق من الوهم ده ويعرف ان سلسبيل مش ليه...
انا غلطت يمكن لما سبتهم متقربين من بعض دايما كده كنت دايما بشوفهم وعارف ان سلسبيل بيتعامله زي اخوها بس ماكنتش اعرف ان امير مش شايفها اخته ابدا ماكنتش اعرف ان في مشاعر تجاه سلسبيل جوه امير ماكنتش اعرف انه هينجرح قوي كده لما تبعد عنه.....
ساره..... ما تقولش كده يا عاصم انا عارفه امير كويس ان شاء الله هيتخطى الازمه دي......
هزه عاصم راسه ثم قال........ ندى مش عايزها تعرف ولا سلسبيل بمشاعر امير ولا بالكلام اللي قاله دلوقتي وانا هعرف ازاي اخرج امير من الحاله دي واعرف ازاي احافظ على سلسبيل واخليها تعيش سعيده مع داغر بعيد عن عيله الهواري.....
امسكت ساره بيده وهي تقول......... وانا متاكده انك هتقدر تعمل كده يا عاصم متاكده ان سلسبيل هتعيش سعيده وان امير هينساها ويعيش حياته حلم حياتي اني اشوف امير سعيد في حياته و سلسبيل كمان.....
ابتسم عاصم لها وهو يربط على يدها ويفكر في القادم وان عليها ان ياخذ كل خطوه ولكن بحذر شديد....
عائله الهواري ليست سهله ولكن في نفس الوقت من امامهم ليس الا عاصم الزناتي والذي يحاوط عائلته من كل مكان لينقذهم من اي شر والان سوف يحميهم ويؤمن لهم حياتهم.....
❈-❈-❈
مرت ايام دون ان يحدث اي شيء جديد بين العائلتين وكل شيء كان يمشي طبيعي الى ان اتصل عاصم بـ داغر ليخبره ان ياتي الى منزله ليقول له راي سلسبيل والشروط التي سوف يضعها ليحدث هذا الزو اج و بالفعل ذهب داغر في نفس اليوم وهو متاكد من ان سلسبيل سوف توافق ولكنه لم يكن يعلم بالشروط التي وضعها عاصم ....
لهذا تفاجا عندما قال له عاصم كـ اتي......... هكتب لسلسبيل املاك عائله الهواري اللي معايا كلها وانت الاملاك اللي معك تكتبها لها باسمها وكمان تبعد عن عيلتك وتعيش انت وسلسبيل في بيت بعيد عن العيله
يعني تقطع علاقتك بالعائله الهواري تماما....
نظر داغر قليلا بملامح بارده لا يظهر منها شيء ثم قال لعاصم بعد صمت دام لدقائق .........
انا تحت امرك فاي شروط عايزها عايزني اكتب لـ سلسبيل اي حاجه ماعنديش مشكله وحضرتك كمان اللي معاك حر فيه اعمل فيه اللي انت عايزه المشاكل اللي بينك وبين عيله الهواري ماليش دخل فيها لاني ما كنتش طرف فيها من البدايه عشان اكون طرف دلوقتي بس علاقتي انا وعيلتي حاجه تخصني اكيد مش هغصب سلسبيل انها تعيش في بيت العيله عايزه بيت او قصر بعيد عن عيله الهواري موافق جدا بس اني انهي علاقه بعيلتي مش هقدر مش هقدر ابعد عن ابويا ولا عن امي ولا عن اي حد من عيلتي بس اقدر اني ابعد سلسبيل عنهم وصدقني مش هتلاقي حد يحمي ولا يصون سلسبيل قدي.........
❈-❈-❈
وهاقد مر اسبوع اخر اسبوع لتدخل الحاجه امنه الى مكتب داغر بغـ ضب شديد وهي تصـ رخ في .....
انت جننت انت هتعمل بجد اللي سمعته ده...
نهض داغر مامها هي وعمه عابد ويقول...... اللي سمعتيه يا جدتي انا ما بعملش حاجه غلط....
عابد....... انت اكيد مجنون هو ايه اللي مابتعملش حاجه غلط ماتعلمتش من الغلط اللي عمله عمك ادم زمان وادينا كلنا دفعنا الثمن غالي وكل املاكنا راحت بسببه رايح انت كمان تدخل العيله دي لا وكمان هتكتب الشركه بتاعتك لـ سلسبيل هي ناقصه كمان
حاجه امنه .......داغر زمان انا رميت عمك بره العيله عشان عمل الغلطه دي صحيح انت حفيد الكبير ومااقدرش ابعد عنك ولا استغنى عنك بس اما تعمل العمله اللي هتعملها دي يبقى مش هبقى عليك زي مابقتش انت على العيله بتاعتك لو عملت كده واتجوزت سلسبيل ولا لو سلسبيل خدت شبر واحد من املاكك صدقني لا انت ابن عيله الهواري ولا نعرفك
داغر....... انا اسف بجد بس انا مش هقدر اني ابعد عن سلسبيل بالنسبه للشركه انا حر فيها ما حدش ليه حاجه عندي عشان يقول اعمل ايه او مااعملش ايه
للاسف يا جدتي انا هتجوز سلسبيل بكره في فرح كبير جدا وطبعا انتم مدعوين حبيتوا تحضروا هبقى مبسوط اما لو مش هتحضروا فانا هكتفي
بالناس اللي بتحبني وهتحضر اكيد....
نظرت اليها الحاجه امنه بغـ ضب غـ ضب شديد يكاد يحرقه وهو واقف لتقول ......يظهر اني بجد ما عرفتش اربي واحد واحد من عائله الهواري بيخرج من تحت دراعي بس صدقني زي ما عمك ادم رجع ندمان انت كمان هترجع وساعتها انا هعرف شغلي معك ....
ابتسم داغر وهو يقول...... للاسف يا جدتي كل حاجه اكتشفت وعمي ادم مارجعش ندمان ولا حاجه هو اتجبر على كده بس ما حدش يقدر يجبر داغر الهواري انه يعمل حاجه مش عايزها.....
نظرت اليه الحاجه امنه بغضب وهي تخرج من الشركه وتتمتم لـ عابد ان يجد حل فالامور تخرج عن السيطره وعاصم يسلبهم كل ما تملك حتى احفادها واحد تلو الاخر لن تصمت على ذلك ابدا.....
❈-❈-❈
في المساء كان امير ياخذ الغرفه ذهابا وايابا وكان طول هذا الاسبوع يغلي من الغضب والغيره يريد ان ينهي هذا الزفاف وباسرع وقت وقد مر اسبوع ولم يستطيع ان يفعل شيء سيفعل اي شيء حتى لو وصلت ان يخطف سلسبيل او يقتل داغر اي شيء سيفعله من اجل ان يحصل عليها في النهايه.....
في نفس الوقت كانت سلسبيل في غرفتها تفكر في قادم ماذا سوف يحدث لها اكثر من ذلك وخصوصا عندما تتزوج من داغر هذا الذي تحول بين ليلى واخرى من ملاك الى شيـ طان ....
شيـ طان على وشك ان يدمر حياتها الى الابد تفاجئت برساله وصلت لها وكان محتواها.....
انا تحت تعالى بسرعه قبل ما اطلع لكي من اي مكان ممكن من البلكونه مثلا....
لم تكن هذه الرساله الا من داغر الذي كان يقف اسفل غرفتها خرجت بسرعه من الشرفه لتتفاجا به اشارت له بغـ ضب وهي تهمس ......
امشي من هنا انت اتجننت
داغر بهمس هو الاخر ........مش همشي الا لما تنزلي يا سلسبيل والا هطلع من البلكونه واللي يشوفني هقول سلسبيل اللي اتصلت بي...
سلسبيل بغضب وعناد....... والله هعملها على الاقل لما يشوفوك عندي هيفسخوا الخطوبه وهرتاح منك
ابتسم داغر ابتسامه واسعه لا تنم الا على كل شر ليرفع اكمام قميصه وهو يستعد للصعود الى الشرفه ليتوقف عندما صرخت سلسبيل وهي تقول......
بس بس يا مجنون هتفضحنا انا نازله اقسم بالله ما حد هيجيب اجلي الا انت في يوم...
قالت كلامها وخرجت من الشرفه لتنزل الى الاسفل بسرعه
ابتسم هو وهو يهمس .......ولسه ولسه هتتجنني اكتر واكتر يا سلسبيل دام الهواري....
نزلت سلسبيل الى الاسفل وكان في نفس الوقت يخرج امير من غرفته ليتفاجا بها تمشي بهذا الهدوء وتلتفت حولها خوفا من ان يراها احد ...
لـ يمشي هو الاخر خلفها وهو يريد ان يعلم الي اين تذهب في هذا الوقت المتاخر من الليل....
نزلت سلسبيل الى الاسفل لتنظر الى داغر بعدما وقفت امامه في الحديقه واسفل غرفتها لتقول.....
بقولك ايه انت اكيد مجنون انت اخذتها حاجه سهله ولا ايه كل شويه لقيك جاي عايز تشوفني من غير ما يعرفه داغر عشان خاطري انا اعصابي باظت من حركاتك دي كفايه بقى ورجع زي ما كنت اعرفك زمان من غير حركات من غير خطط من غير اي حاجه عايزاك داغر وبس.....
ابتسم داغر وهو يقول ببرود شديد دون ان يظهر على وجهه اي مشاعر تدل على انه قد تاثر من هذه الكلمات التي قالتها ........
داغر وبس داغر الطيب الحنين اللي من غير خطط و من غير مؤامرات ما كانش معاكي ولا كان ليكي ده كان مع سلسبيل اللي كانت بوش ملاك ما كانش معاكي ابدا انتي دمرت كل حاجه ماتجيش تسالي ولا تقدري اصلا انك تصلحي حاجه اتكسرت للاسف......
تجمعت الدموع في عيون سلسبيل وهي تنظر اليه كانها تترجاه بنظراتها بان يعود مثل ما كان لتكمل بعد ذلك .......
انت ايه اللي جابك انت جاي عشان تجرحني اكثر واكثر......
داغر بابتسامه لا تظهر الا كل وجع و وجع قال........تصدقي مش عارفه انا ايه اللي جابني يمكن بحب اشوف نظره الحزن في عيونك يمكن ساعتها جروح قلبي ترتاح وتبطل تنزف.......
في هذا الوقت كان امير يقف عن بعد ويراهم وهم يتحدثون وقد اشتعلت النار في قلبه اكثر واكثر وهو يظن انها هي من طلبت منها ان ياتي.....
كاد ان يذهب اليهم لياخذها من امام داغر لماذا تراه في هذا الوقت اشتعلت النار في قلبه من رؤيتهم معا .... وكم شعر بالكره تجاههم الاثنين تواعد بالانتقام منهم فهو لن يجعلها تكون لداغر ولا يوم واحد كاد ان يذهب ولكن تجمد مكانه عندما.....
صرخه سلسبيل في داغر......... انا بجد تعبت تعبت من كل اللي بتعمله امشي يا داغر يا اما انا اللي هنادي للكل واقول لهم على اللي بتعمله معايا وساعتها مش هتقدر تعمل حاجه ولا تهددني بعديها وهتخرج بره حياتي وللابد وهيعرفوا برده ان انت زي عيلتك شكل واحد ونوع واحد ....
قالت كلامها بدموع كانت داخل عيونها تهدد بان تنزل في اي لحظه كادت ان ترحل ولكن شدها هي داغر لتقع بين احضانك.....
حاولت الفرار ولكن لم يعطي لها الفرصه في ثواني كان يمسكها من راسـ ها ليجعلها تقترب منها اكثر واكثر وانفاسهم اصبحت واحده تماما ....
حاولت سلسبيل الفرار ولكن لم يكن هنالك مجال لها فقد امسكها داغر ولم ياخذ منه الا ثواني وقد اخذها داغر في قبـ له دامت لثواني ولكنه جعلته يشعر
بمـ شاعر كثيره كانت هذه القبـ له قويه كانه يعاقبها على ما تقول وما تفعل معه .....
وما فعلت من قبل ولكن سرعان ما تحولت الى هادئه تماما مليئه بالكثير والكثير من المـ شاعر لتبتعد عنها سلسبيل بعد مده وهي تصـ رخ ......
ابعد عني انت اتجننت اقسم بالله يا داغر لو قربت مني كده تاني ما هتعرف هعمل ايه.....
ابتسم داغر ابتسامه جعلتها ترتعش وتبتعد عنه
وتنكمش على نفسها ليقول بصوت بارد كـ بروده الثلج خالي من اي مشاعر.......
دي نبذه عن اللي هيحصل لكي من بكره اهلا بك في جحـ يم داغر الهواري يا سلسبيل وانتـ قامه اللي مش هيخلص.....
اما عن امير فكان.....
يتبع
إلى حين نشر الفصل الجديد للكاتبة سحر خالد من رواية مقيد بعشقها، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
