رواية جديدة مقيد بعشقها لسحر خالد - الفصل 20
قراءة رواية مقيد بعشقها كاملة
تنشر حصريًا على مدونة رواية وحكاية قبل أي منصة أخرى
رواية مقيد بعشقها
رواية جديدة قيد النشر
من قصص و روايات
الكاتبة سحر خالد
الفصل العشرون
ليس هنالك شيء أعظم من أن يكون حمد الله هو ردّة فعلك الأولى بعدما جُبر قلبك..
ما أجمل تنهيدة "الحمدلله" التي تقولها لا شعوريًا بعد تحقيق أمرٍ انتظرته طويلاً، تِلك النبرة التي نبعت بصوتٍ مُرتفع عاكسة صدى أفراح قلبك، تقولها مرّة وكأنك تشكر الله ألف ألف مرّة. ".
" الــحـمــد لـلـه "
يجلس عاصم بنظرات مثل نظرات الصقر امام ادم بعد ان دخل الى المنزل دخول كالعاصفه نظر اليها عاصم
بـ برود وهو يقول.....
ممكن اعرف ايه سبب وجودك هنا يا ندى.....
ندى بارتباك.....
اهدى يا عاصم انا هفهمك كل حاجه اصل....
رفع ادم يده ليضم ندى التي كانت تجلس بجانبه اليها اكثر وهو يرسل رساله لـ عاصم كانه يخبره انها عادت اليها مره اخرى ثم قال.......
انا اللي بعتلك رساله عشان كنت عايزه اعرفك ان انا وندى رجعنا لبعض.....
قال كلامه بكل برود كانه لم يفجر قنبله منذ قليل ولا يزال عاصم يتحكم في اعصابه من ان ينهض ويقتل هذا الادم البارد الذي يجلس امامه ليقول.......
مش في اصول للرجوع يا ادم ولا انت كده خدتها من بره بره......
ندى بتوتر.......
اهدى يا عاصم ادم اكيد كان هيعرفك بس الموضوع كله جه بسرعه.....
عاصم.....
انا هادي يا ندى وهادي جدا كمان
ادم............
امال انا حاسس بغير كده ليه....
نظر اليها عاصم ببرود ثم قال........
والله شكله هيحصل غير كده لو مالمتش الدور خلاصه الكلام ندى هتيجي معايا عايز ترجع لها تيجي بيتي وتنفذ كل شروطي غير كده اختي مش هترجع لحد.....
قال كلامه و اقترب من ندى ومد يده لتنهض معه ولكن كانت يد ادم الاسرع ليمسـ ـكها وهو يشدها عليها يضمها اليها اكثر واكثر وهو يقول.. بعنف وغضب......
بس خلاص ندى رجعت لي وبقت معايا ما فيش حاجه في الدنيا تخليني اسيبها او ابعد عنها ولا لحظه
عاصم بضيق من هذا الادم.....
انا بقول لك هتروح البيت عندي وهتيجي تاخدها من هناك وبشروطي وده اخر كلام عندي ممكن كمان اقول لك اني اخدها وماانتش طايلها تاني يا ادم.....
ادم بنفي وهو يهز راسه......
لا لا مستحيل اسيبها هعمل لك كل اللي انت عايزه كل الشروط هنفذها الا ان ندى تبعد....
لتتكلم ندى اخيرا التي كانت بين احضان هذا الادم والتي كانت تشعر بقلبه ينبض بعنف عندما اقترب منها عاصم ياخذها لـ تشعر بالخوف عليه وهي تقول........
ادم اهدى شويه ما فيش حاجه انا اروح عند عاصم وانت تعالى خذني الموضوع كله مش هياخذ وقت تعالى النهارده في نفس اليوم......
عاصم بتلكيك........
لا يجي بعد يومين تلاته كده اكون فاضي
❈-❈-❈
في اتجاه اخر في منزل عائله الهواري كانت تجلس سلسبيل في الاسفل مع احلام ومريم وسما وزوجه عابد يضحكون على بعض الكلمات التي قالتها سما والدعابات....
ابتسمت سلسبيل من بين ضحكاتها وهي تحاول ان لا تضحك من هذا الكلام......
بجد بجد يا سما انتي فظيعه انا ما كنتش اعرف انك دمك خفيف قوي كده....
سما بمرح........
يا بنتي انا في العيله دي مش واخده وضعي ولا حد حاسس بيا انا نعمه بس هم ما بيحسوش......
ضرباتها مريم بكوعها وهي تقول........
اه نعمه نعمه قوي ده انتي مصيبه وقعت علينا مش عارفه منين يا بنتي اهدي شويه نازله تقليد في الناس..
سما وهي تضع يدها على يدها التي ضربتها مريم وقالت......
هم دول ناس اصلا اسكتي يا سلسبيل انتي ما شفتيش احنا كنا عايشين ازاي قبل ما تيجي دي تيته هديت علينا شويه كنا عايشين حاسين ان احنا في معسكر ماحدش يضحك ما حدش يتكلم هو كمان حازم ابن عمي كان عامل زي الصنم مابيتكلمش خالص بس من ساعه ما رجع بقى فرفوش خالص انا نفسي اشوف البت اللي خلته اتشقلب كيانه للدرجه دي يا ترى هتبقى عامله ازاي.......
مريم .......
اكيد البت مزه ده جايبها من بره يا بنتي يعني استيراد حاجه كده من الاخر.......
احلام........
حرام عليكم والله اللي بتعملوه ده بت انتي وهي سيبه الواد في حاله وبعدين انتي يا قرده اصلا ما تتكلميش خالص......
كانت تقول كلامها وهي هي تشير لـ سما ثم اكملت.....
انتي لو ما بطلتيش لماضه ولو سمعك عابد ولا حد وانتي بتقلديهم كده هيمسكوكي وانا مش هخلص حد هسيبك.......
سما......
بكره اتجوز وتترحموا وتقولوا ولا يوم من ايامك يا سما تقعدوا بكابتكم دي في البيت وحيدون مكتئبون دائما دائما......
صفقت سلسبيل ومريم وتصفر سلسبيل وهي تقول.......
الله عليك يا فنان بجد هايل....
سما.......
شكرا شكرا لا داعي للتصفيق
ليضحكوا مره اخرى معا وهنا رن هاتف سلسبيل لتمسكه.......
ده امير.....
انقلب وجه مريم بتوتر وهي تنظر لـ سلسبيل وتقول.........
امير ابن خالك....
سلسبيل......
ايوه ايوه انا هروح اكلمه اشوف عايز ايه
نهضت لتمشي بعيدا اما مريم فنظرت اليها كانت تريد ان تعلم ماذا يريد امير هل تكلم مع سلسبيل هل سلسبيل تعلم انه اعترف لها بالحب.......
او بماذا سيكون الحديث بينهم شعرت بالغير نعم مع ان لا يجوز ان تشعر هكذا فـ سلسبيل زوجه داغر ولكنها لا تدري فهي تشعر بالغيره من اي فتاه تجدها بالقرب من امير......
مشاعر جديده عليها دخلت حياتها لتقلبها راسا على عقب...
قطع شرودها داغر الذي يقف امامها وهو يقول......
في ايه يا بنتي بنادي عليك من فتره ليه مش بتردي
هزت مريم راسها علامه على ان لا يوجد شيء....
لترد سما وتقول........
ما فيش يا داغر شكلها كده بالها مشغول بحاجه.....
لم يفهم داغر عن ماذا تتحدث ولكنه قال......
طب هي فين سلسبيل.....
وقبل ان تجيب مريم اجابت سما مره اخرى وبتسرع........
امير ابن خالها رن عليها وهي دلوقتي بتكلموا بره في الجنينه.....
لم تكن تدري انها اشعلت نار نار الغيره التي تحرق وتحرق ولا تتوقف حتى امام اي احد مهما كان غالي....
داغر يعلم ان امير كان يحب سلسبيل ويريدها حارب من اجل ان يحصل عليها ولكنه لم يستطع لماذا يتصل بها الان.....
لماذا ولماذا والف لماذا في عقله تجاه هذا الامير الذي يعلم نيته تماما وهي ليست بنيه بطيبه ابدا....
❈-❈-❈
في هذا الوقت تحديدا في منطقه اخرى حيث حازم الذي كان في امريكا يحضر كل شيء من اجل ان يعود الى الوطن فهو قد حضر زفاف اخيه وعاد مره اخرى الى امريكا ليرتب اموره ويعود مع حبيبته الى الوطن ويتزوج بها هناك....
رتب اشياءه في الحقيبه ثم ارتدى ملابسه وخرج من الغرفه بسرعه ومن المنزل يصعد الى سيارته الفاخره وينطلق بها حيث محبوبته الجميله......
❈-❈-❈
في الحديقه سلسبيل......
يعني انا مش فاهمه دلوقتي يا امير انت عمال تلف وتدور من بدري قولي انت عايز ايه......
امير.......
بصي الكلام اللي عايز اقوله مش هينفع في التليفون ممكن نتقابل في اي مكان وهحكي كل حاجه.....
سلسبيل بسعاده.......
شكلي هفرح بيك ولا ايه...
امير.......
حاجه زي كده يلا سلام هكلمك ونتفق بقى
اغلق الهاتف في نفس الوقت الذي خرج فيه داغر وهو يقول......
بتكلمي مين يا سلسبيل واول ما جيت قفلتي...
نظرت اليه وهي تقول......
بكلم امير...
رماها داغر بنظرات التي لا توحي بخير ابدا وهو يقول..........
بتكلمي امير كان عايز ايه.....
تفاجات سلسبيل بهذه النبره التي يتكلم بها لتقول......
في ايه يا داغر مالك وفي ايه اما كلم امير ده ابن خالي على فكره وزي اخويا......
امسـ ـكها داغر من يـ ـدها وهو يقول وهو يضغط على اسنانه بغيظ من هذه الفتاه التي لا تشعر انه يشعر بالغيره عليها وبشده لا يريدها ان تقترب من هذا الامير.....
الذي يعلم كل العلم انه كان يحبها ......
اخوكي هو مش اخوكي يا سلسبيل....
سلسبيل بصراخ.........
داغــر دراعي في ايه انت اتجننت.....
شدها داغر لتكون بين احضانه تماما وهو يقول بنبره كانت شبه الجنون..........
ايوه مجنون مجنون عشان اسيبك تتكلمي معاه ممنوع من النهارده تتكلمي مع امير ده ولا تشوفيه باي طريقه ولا باي شكل من الاشكال.....
سلسبيل بغضب دفعته عنها وهي تقول.........
وانا كمان مستحيل اوافق على اللي انت بتقوله ده يا داغر انا مش مسجونه عشان تتحكم فيا او تقول لي اكلم مين او لا........
قالت كلامها و صعدت الى الاعلى تركته يغلي من الغضب والغيره معا ليصعد خلفها وملامحه لا تبشر بخير ابدا........
❈-❈-❈
افتح باب المنزل الذي كان يرن جرسه حازم ليظهر من خلف الباب فتاه اقل ما يقول عنها انها جميله جميله جدا وشعرها الاصفر الذي كان يتطاير من حولها وابتسامتها التي جعلته يبتسم تلقائيا لترمي نفسها بين احضانه......
وهي تقول..... اخرت قوي على فكره...
ضمها حازم هو الاخر بابتسامه وهو يقول......
معلش يا حبيبتي كنت بجهز كل حاجه عشان نرجع مصر ما كنتش فاضي خالص والله اول ما فضيت جيت ليكي على طول...
ابتسمت سيرين وهي تقول........
خلاص تمام يلا بقى عشان نخرج......
ثم سمع صوت في الداخل كانه لرجل ليقول......
هو مين اللي جوه........
سيرين بارتباك.......
ما فيش ده صاحب البيت جه ياخد الايجار من ماما يلا بس خلينا نمشي عشان ما نتاخرش......
حازم طب هسلم علي ماما.......
سيرين........
ما ينفعش يا حازم هناخر يلا بقى......
قالت كلامها وامسكت بيدي حازم اخذته وخرجت من الشقه واغلقت الباب لينزل الى الاسفل ولا احد يعلم ماوراء ذلك...
❈-❈-❈
في نفس الوقت وفي منزل عائله الهواري كانت تجلس الحاج امنه على سريرها التي اصبحت تجلس عليهم مؤخرا لا تستطيع النهوض لتنظر الى احلام زوجه ابنها وهي تشير لها لـ تعطيها ورقه وقلم وكتبت لها انها تريد ان ترى ادم.....
احلام......... خلاص يا حماتي هقول لعامر يكلمه
قالت كلامها وخرجت من الغرفه...
ليدخل لها عابد بعد مده نظرت له وهي تحاول ان تتكلم ولكن لم تستطع ولكنها قد تضايقت من وجوده في الغرفه نظر اليها وهو يقول.......
مالك يا امي في ايه
هزت راسها وهي تحاول ان تجعله يخرج من الغرفه ولكنه اكمل بابتسامه.......
هو انتي زعلت بجد اما عرفتي ان سيلين بنتي مش بنتي ادم هو انتي دايما مش بتعلمينا الحقد وكره الناس وناخذ حقنا او ناخذ اللي احنا عايزينه حتى لو مش من حقنا مش ده تعليماتك وتوجيهاتك ليه زعلانه دلوقتي عادي انا كنت في علاقه مع نورهان بس انتي انتي اللي ساعدتيها انها هتتجوز ادم......
هزت امه وراسه وهي لا تصدق كميه الشر التي في داخل ابنها ليكمل........
انا مش جاي اهدد ولا جاي اعمل اي حاجه انا جاي بس اعرفك ان لو ادم عرف بالموضوع ان سيلين بنتي مش بنته انا كمان هحكي واقول له على كل اللي انتي عاملاه في حياتك ما تنسيش ان كنت بير اسرارك في يوم وعارف كل حاجه..........
هزت راسها وهي تحاول ان تتكلم تحاول ان تصرخ لعله احد ياتي ويسمع ما يقوله هذا الشيطان ولكنه قال.......
ماتتعبيش نفسك وزي ما قلت لك ما تقوليش لحد حاجه ولا لادم ولا اي حد وانا كمان مش هقول لحد على اللي عملتيه في حياتك سلام بقى.....
اصل رايح اخلص لكي على نورهان التانيه عشان ننهي الموضوع ده من جذوره.....
قال كلام وخرج من الغرفه شيطان هو ولكنه قد تربى مع ام بعقل شيطانه فكيف تريده ان يكون فكانت دائما تفعل امامه هذه الاشياء ويذهب معها في العمل يعملون بطرق غير شرعيه احيانا يفعلون اي شيء من اجل مصلحتهم فلماذا هي متضايق الان من ابنها فقد اصبح مثلها لا تعلم.......
❈-❈-❈
في اتجاه اخر في منزل عاصم الذي دخل مع ندى نظرت اليه ندى وهي تقول.......
ما كانش لازم تعمل كل اللي حصل يا عاصم وتنشف دماغك بالطريقه دي.....
نظر اليها عاصم قليلا ثم قال........
هو انا كمان بقيه الدماغ ناشفه انتي عملتي كل حاجه من ورايا المفروض اتضايق بس انا ما عملتش حاجه غير حقي المفروض ادم كان يجي ويعرفني انكم هترجعوا لبعض الاول مش ياخدك كده من غير مااعرف......
هزت ندى راسها بغيظ من اخيها ثم صعدت الى الاعلى لتتذكر ادم وتمسكها بها ليتركها بعد محاولات كثيره من عاصم ولكنه رفض لم يتركها الا عندما وعدته انها لن تبتعد عنه اكثر من هذه الليله وستكون بين احضانه مره اخرى ولن يفرقهم احد ابدا......
ابتسمت بحب وسعاده وهي تتذكر لحظاتهم معا تتمنى ان تدوم ولكن......
❈-❈-❈
في صباح اليوم التالي يوم مره بشكل غريب على الكل فمنهم من كان يشعر بالسعاده بالراحه ومنهم من كان حزين يشعر بالحزن كـ سلسبيل التي قضت ليلتها بعيده عن داغر ولاول مره منذ زواجههم لم تنم بين احضانه بل اخذت الطرف الاخر من الفراش واعطته ظهرها وهو ايضا لم يتكلم معها.........
فهو يظن انها كان عليها ان تقدر غيرته وتوافق ان لا تتكلم مع امير مره اخرى......
وهي ترى ان امير ابن خالها ومثل اخيها وهو يكبر الامور......
العناد وصل بهم لابعد حد ترى من سيرضى اولا ويعود للاعتذار....
خرج عابد من منزل عائله الهواري ليذهب الى المنزل الذي كان يلتقي فيه نورهان......
و بعد خروجه عرف الكل باختفاء سيلين منذ ليله امس خرجت نورهان من المنزل منذ قليل لتذهب لشراء بعض الاشياء الضروريه اما عابد فقد وصل لـ ينظر الى المنزل من حول......
ثم بدا في تنفيذ خطته الشيطانيه والتي لم تكن الا في اشعال النار في المنزل بكامله وقد كان واصبحت النيران في كل مكان في هذا المنزل......
يتبع
إلى حين نشر الفصل الجديد للكاتبة سحر خالد من رواية مقيد بعشقها، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
