رواية جديدة مقيد بعشقها لسحر خالد - الفصل 23
قراءة رواية مقيد بعشقها كاملة
تنشر حصريًا على مدونة رواية وحكاية قبل أي منصة أخرى
رواية مقيد بعشقها
رواية جديدة قيد النشر
من قصص و روايات
الكاتبة سحر خالد
الفصل الثالث والعشرون
اما على الجهه الاخرى كانت تنظر اليه بابتسامه واسعه حالمه وعقلها ينسج الكثير والكثير من الاحلام معه لا تتخيل حياتها بدونه لم تبدا علاقتهم الا منذ ايام ولكنها تشعر انها تعشقه منذ سنوات واكثر تشعر انه الشخص الذي ستقضي معه باقي حياتها ...
انه هو فارس احلامها واكثر ...نظر هو لها بعد ان انتبه انها كل هذه المده تنظر اليه دون ملل ليقول بابتسامه ....
ما كنتش اعرف ان حلو قوي كده..
ابتسمت هي وهي تنظر الى الجهه الاخرى بخجل شديد ووجهها قد تلون بالاحمر ليقول..... انا مش عارف انتي جايباني هنا عشان اقول كلام وتتكسفي ولا ايه...
ذمه شفتيها بزعل وهي تقول...... جايباك عشان عايزه اشوفك انت ليه محسسني ان انا بنعمل نصيبه...
وضع هو يده على مؤخره راسه وهو يقول بابتسامه .....لا مش مصيبه يا قلبي بس لو حد شافني هنا هيتضايق خصوصا ان احنا لسه ماعملناش خطوبه....
ابتسمت هي وهي تقول ......ماتقلقش ما حدش هيشوفك وبعدين خلاص كلها ايام وهتبقى خطيبي رسمي...
ثم رفعت يدها امام وجهه وهي تقول...... ودبلتك هتنور ايدي على طول ...
ابتسم هو لها وهو يمسك يدها يقبلها لتسحبها هي سريعا وتصرخ بخجل...... انت اتجننت ازاي تعمل كده افرض حد شافنا ...
ضحك هو وهو يقول.... انتي لسه قايله من شويه مستحيل حد يشوفنا رجعتي في كلامك بسرعه كده يا خوافه...
كشرت هي ملامحها وهي تنهض من الارض الذي كانوا يجلسون عليها وتقول .....يلا امشي بقى كفايه كده
نظر اليها وهو يقول..... اهو لحقتي تشبعي يعني مني ...
ابتسمت هي وهي تقول .....انت عارف ومتاكد انه مستحيل اشبع منك بس لازما ادخل عشان انا اخرت وممكن اي حد يدور عليا و اول ما توصل البيت كلمني على طول عايزه اطمن انك وصلت بالسلامه...
ابتسم هو لها ابتسامه خلفها الكثير وهو ينظر لها وقال بعد ان وضع يده على شعرها .....
ماتقلقيش اول ما اوصل هكلمك على طول وخليك فاكره دايما اني بعشقك مش بحبك بس..
ابتسمت هي وقد تكونت الدموع في عيونها من الفرحه لتقول.... بجد بجد كلامك ده انت بتحبني بجد ...
ابتسم هو وهو يقول ......والله بجد انا مش عارف امتى وازاي بس خلاص انتي بقيتي حته من قلبي مستحيل اسيبك ولا ابعد عنك يوم اعرفي اني لو بعدت عنك يوم هيبقى يوم موتي ....
وضعت هي يدها على فمه وهي تقول...... لا ماتقولش كده بعد الشر عنك....
ابتسم هو وهو يقول ......طيب ادخلي بقى بدل مايمسكون بفضيحه بجد ...
ركضت هي من امامه وهي تضحك على كلامه ...
لتتغير ملامحه من سعاده وحنان في لحظات لحظات قليله الى حقد وغضب شديد وهو يتوعد بالانتقام الكبير سوف يحرق هذه العائله و بالكامل.....
والنار التي حرقت قلبه ودمرته وسلبت منه من يعشق سوف تحرقهم هم الاخرين وسوف يكسرهم ليجعل هذه العائله تختفي من الوجود قريبا وقريبا جدا سوف يتم انتقامه...
❈-❈-❈
يشعر ان الارض تمتد من تحت قدميه وانه غير قادر على التنفس وهو يراها ارضا....
مثل ما تركها ولكن الفرق الوحيد انها كانت فاقده للوعي وتنزف تقدم اليها بـ قدمين مرتعشتين غير قادرين على حمله.....
ليرتمي بجانبها وهو يرتعش يخاف يخاف ان يقترب منها ان يكون حدث لها شيء ان تتركه وترحل...
واخيرا بعد صراع طويل ورعب وجسده المرتعش مد يده المرتعشه ليهزها ولكنها كانت فاقد للوعي مما جعل قلبه يقفز كانه على وشك الخروج من صـ ـدره برعب كبير حملها وهو ينظر اليها.......
سلسبيل حبيبتي سلسبيل قومي قومي قومي اعملي اللي انت عايزاه بس قومي ما تسيبنيش سلسبيل انا مااقدرش اعيش من غيرك.....
لم يجد منها استجابه ليركض بسرعه خارج الغرفه وهي بين ذراعيه يحملها برعب....
كـانه يحمل حياته كلها بين ذراعي دموعه تتساقط على وجنتيه من شده الرعب الذي يعيش هو....
و قلبه الذي ينبض بخوف الى ان وصل الى الاسفل......
لتراها امه وهي تخرج من المطبخ لتنظر اليه وهي تقول بخوف بعد ان رات سلسبيل الفاقده للوعي بين ذراعيه وتنزف.......
ايه اللي حصل.... داغر ايه اللي حصل سلسبيل مالها بتنزف ليه.......
تجاهلها داغر فـ كل ما يهمه الان ان يطمئن عليها...
عليها فقط ليخرج من المنزل بسرعه وضعها في السياره ثم صعد بجانبها وهو يقود السياره وبا يده الاخرى كان يمسك يدها بين يديه المرتعشه يقبلها ويبكي وهو يردد انها لن تتركه لن تتركه وحيد لا ليس بعد الان بعد ان وجدها سوف تتركه وهو السبب غيرته المجنونه سوف تفرقهم........
اوقف السياره بسرعه كبيره امام المستشفى لينزل منها وحملها مره اخرى ليدخل الى الداخل وهو يصرخ...........
دكتور بسرعه عايز دكتور مراتي بتنزف....
ركضت الممرضات ومعهم سرير نقال لـحمل سلسبيل عليها ولكنه رفض بل دخل معهم الى الغرفه ليضعها على السرير....
وهو ينظر اليها برعب....و دموعه تتساقط بخوف عليها لاول مره يشعر بالرعب هكذا لاول مره يشعر بانه كان قاسيه معها بان غيرته اعمته لدرجه انه سـ يخسرها الان...
❈-❈-❈
وصل بعد قليل عامر و زوجته احلام الى المستشفى وجدوا داغر يخرج من الغرفه التي كانت بها سلسبيل ودموعه تتسابق...... وحالته مزريه......
امسكه عامر من يده وهو يقول بقلب ينبض بخوف.......
ايه اللي حصل سلسبيل مالها كانت بتزف ليه ايه اللي حصل يا داغر اتكلم...
هز داغر راسه بنفي ودموعه تتسابق.....
احلام برعب....... اتكلم طمني سلسبيل مالها ايه اللي حصل انا قلبي هيقف كنت كويسين وكانت قاعده مع امير ابن خالها في ايه قول....
لم تتوقف دموعه وهو يجلس على احد المقاعد بتعب شديد وقال......
انا السبب انا السبب انا اللي عملت فيها كده ازاي اتجننت للدرجه دي ازاي غيرتي تعامتني للدرجه دي......
بكت احلام وهي تقول.......
داغر عشان خاطر انا مش فاهمه حاجه قول لي في ايه......
هز عامر راسه لها بنفي وهو يقول......
خلاص اهدى يا داغر نطمن على سلسبيل الاول وبعدين لينا كلام تاني.....
قال كلامه و اخذ احلام من جانب داغر....
جعلها تجلس على احد المقاعد البعيده وهو يقول......
مش شايفه حالته سيبيه دلوقتي اما سلسبيل تطلع ونطمن عليها وبعد كده هفهم منه كل حاجه....
لتمر بهما الوقت الى ان خرجت الطبيب لينهض داغر بسرعه وهو ينظر لها......
هي بخير صح حصل لها ايه قولي لي.....
الطبيبة وهي تنظر له و قالت....
وانت تقرب لها ايه.....
داغر بضيق......
انا جوزها قولي لي هي عامله ايه الاول وبعدين يبقى نتعرف.....
شعرت تلك الطبيبه بالحرج من كلامه لتعدل نظاراتها وهي تقول......
حاليا كان عندها نزيف بسبب خبطه او حاجه بس احنا قدرنا نسيطر على الوضع وهي حاليا بخير هي والبيبي بس محتاجه راحه وما تقومش من السرير فتره والا هيكون في خطر عليها هي والبيبي.....
داغر بصدمه.......... هي حامل.....
طبيبه........ ايوه انت ما تعرفش ازاي دي حامل في شهر واكتر علي العموم المهم دلوقتي الراحه وزي ما قلت ماتقومش من السرير وراحتها النفسيه اهم حاجه في الفتره دي بلاش تتعب وبلاش توتر والزعل...
قالت كلامها و رحلت.....
لـ تبتسم احلام وهي تضم ابنها وتقول......
الف مبروك يا حبيبي الحمد لله ابنك ومراتك بخير ان شاء الله يجي ويتربى في عزك يا حبيبي.......
هز داغر راسه لينظر الى امه وهو يقول........
انا هدخل لـ سلسبيل.....
امسكه والده من يده وهو يقول بصرامه.......
قبل ما تدخل لـ سلسبيل محتاج اتكلم معاك.....
ثم اشار لـ زوجته وهو يقول.......
ادخلي خليكي معاها لحد ما داغر يرجع.....
قال كلامه و سحب داغر من يده ليرحل به ولم يترك له اي فرصه للاعتراض فهو عليها ان يتكلم معه ويعرف سبب ما حدث لـ سلسبيل وان كان ابنه السبب سيكون عليها ان يتخذ قرار اخر.....
❈-❈-❈
دخلت احلام الى غرفه سلسبيل التي كانت تنام على سرير طبي بتعب شديد فتحت عيونها بعد بالدقائق لتنظر حولها احلام بابتسامه وحنان.......
الف بعد الشر عليك يا حبيبتي الف سلامه...
سلسبيل بتعب........
ايه اللي حصل ايه اللي جابني المستشفى انا اخر حاجه فاكراها ان كنت في البيت......
احلام........
داغر هو اللي جابك شكلك تعبتي وهو جابك المستشفى كان عندك نزيف بس الحمد لله الدكتوره قالت ان انتي وطفل بخير الحمد لله......
نظرت اليها سلسبيل باستغراب وهي لا تفهم عن اي طفل تتحدث لتضع يدها تلقائيا على بطنها وتقول.......
طـفـل هو انا حامل......
هزت احلام راسها بابتسامه وهي تقول......
ايوه الحمد لله انك بخير انتي وهو مش عارفه ايه اللي حصل بس بسبب اللي حصل جالك نزيف بس الحمد لله.....
هزت سلسبيل راسها ودموعها اصبحت تنزل وتتسابق على وجنتيها وكلمات احلام تتردد في عقلها....
بسبب ما حدث بينها وبين داغر كادت ان تفقد ابنها وكل هذا بسبب غيرته العمياء....
يشك بها وهنا قد تذكرت كلماته القاسيه التي رماها عليها لا يريدها في حياته....
سوف يرميها....
لن يسال عنها بعد الان كان هو السبب في انها كادت ان تخسر ابنها لـ يشتعل الغضب في داخلها وقد تمتمت بداخلها.......
كلهم زي بعض كل عيله الهواري محدش يستاهل كلهم محدش يستاهل الحب ولا اي حاجه يا ريتني ما حبيته ياريتني......
قالت كلماتها تلك وهي تفتح عيونها....
احلام بحزن......
يا بنتي الحمد لله انها جت على قد كده ما تعيطيش انت تحمدي ربنا اني ابنك بخير واي مشكله تاني بينك وبين داغر ان شاء الله هتتحل ماتتعبيش نفسك الدكتوره قالت الزعل وحش عشانك...
هزت سلسبيل راسها وهي تقول بعد ان حاولت ان تحبس دموعها على قدر الامكان ولكن كلما تذكرت تلك الكلمات القاسيه التي رماها عليها داغر تعود للبكاء مره اخرى لتقول من بين دموعها.......
عايزه تليفون معاكي....
هزت احلام راسها بلهفه وهي تخرج هاتفها وتقول........
اهو يا حبيبتي عايزه تكلمي مين بس....
سلسبيل ببكاء.......
عايزه اكلم بابا رني عليه...
قالت كلماتها لـ تهز احلام راسها وتضرب رقم ادم وهي لا تدري بماذا تريده الان سلسبيل ربما تريد والدتها ان تكون بجانبها كان هذا تفكيرها لم تكن تدري انها تفكر في اتجاه اخر.......
امسكت سلسبيل الهاتف بيد مرتعشه بعد ان تكلمت احلام مع ادم واخبرتها ان سلسبيل تريد ان تتحدث معه....
همست سلسبيل باسم ابيها وهي على وشك موجه اخرى من موجات بكائها.....
بـابـا.....
ادم بلهفه بعد ان نهض من على الكرسي الذي كان يجلس عليه وهو يشعر من صوت ابنته ان هنالك شيء يحدث........
سلسبيل حبيبتي ايه اللي حصل مالك صوتك في ايه طمنيني....
سلسبيل.......
انا في المستشفى تعالى عايزاك بسرعه.....
ادم برعب........ مستشفى مستشفى ليه ايه اللي حصل في ايه.....
نهضت ندى هي الاخرى برعب على ابنتها وهي لا تدري ماذا يحدث عن اي مستشفى يتحدث سلسبيل ماذا جعلها تذهب الى المستشفى.....
سلسبيل وهي تحاول ان تكتم شهقاتها......
تعالى بس الاول.....
قالت كلامها ثم قالت اسم المستشفى التي هي بها واغلقت الهاتف...
وقد عزمت ان تبتعد عن داغر والى الابد وان كان هو قد قطع علاقته بها وجرحها بكلامه.....
بل ذبـ ـحـ ـها ان كان لا يريدها في حياته لن يسال عنها هي اذا لن تجعله يشم رائحها بحياته مره اخرى سوف ترميه خارج حياتها هي وابنها سـ تعيش بعيد عنه......
حتى وان قال تلك الكلمات في ساعه غضب لـ يتحمل نتيجتها اذا ويعيش الباقي من حياته بدونها وبدون ابنها.......
❈-❈-❈
في الخارج في الكافتيريا الخاصه بالمستشفى كان عامر امام ابنه يجلس وهو ينظر اليه بنظرات حاده ويقول.......
تعرفني ايه اللي حصل دلوقتي حالا ايه اللي خلى سلسبيل توصل للمرحله دي وتتعب بالطريقه دي...
داغر بحزن........
بابا اللي ما كانش قصدي انا ماكنتش اعرف انها حامل اصلا.....
عامر........
مش موضوعنا قصدك ولا مش قصدك يا داغر موضوعنا انا عايزه اعرف ايه اللي حصل معاك انت وسلسبيل.....
داغر....... اللي حصل ثم بدا يحكي له عن غيرته عليها من امير وان امير كان يحبها قبل الزواج وعندما راها باحضان امير والغيره التي اشتعلت بعيونه والكلمات التي القاها عليها ثم دفعها ارضا وخرج من المنزل....
لـ يكمل بعد ذلك........
انا ما كانش قصدي كل حاجه انا غيرت غيرت عليها وده من حقي المشهد اللي شفته كان صعب شفتها في حضنه... ما كانش قصدي ده كله يحصل ماكنتش اعرف اني اما زقيتها كده الواقعه دي هتعمل كل ده ما كانش قصدي ابدا...
مسح عامر على وجهه من ابنه ولا وغيرته التي سوف تجعله يخسر الكثير والكثير لينظر اليه وهو يقول......
انا مش عارف بصراحه اقول ايه 100 مره اقولك غيرتك دي تبطلها لو سلسبيل حاليا سبيتك مش هلوم عليها ولا هقول لها انتي بتعملي ايه البنت انت دايسه عليها بطريقه رهيبه من حقها تتنفس يا داغر مش تحبسها الحبسه السوداء دي.....
وغيرتك دي هديها شويه انا مش عارف اصلا فين ثقتك فيها انت متخيل اصلا اني سلسبيل ممكن تعمل حاجه زي دي انت لو متخيل ان سلسبيل ممكن تخونك ليه اتجوزتها من الاول....
هز داغر راسه بنفي ولهفه وهو يقول........
لا لا مستحيل سلسبيل تخوني انا متاكد من كده انا غيرتي عامتني وقلت كلام ما كانش قصدي بيه اي حاجه بس انا متاكد 100% ان سلسبيل مستحيل تعمل كده..
عامر بحزن........
يارب كمان سلسبيل تكون متاكده ان انت ما كانش قصدك حاجه بكلامك والا هتخسر كتير قوي طريق اللي انت ماشي فيه غيرك مشي في زمان وخسر كل حاجه مشي ورا كلام الناس ودمر حياته 20 سنه
(كان يقصد ادم بكلامه)
لـيكمل.....
وانت دلوقتي بتمشي ورا غيرتك خايف عليك لا تخسر كتير قوي.....
هز داغر راسه بنفي وجنون وهو يقول بلهفه.....
مستحيل سلسبيل تفكر انها تسيبني مستحيل هي هتسامحني وهترجعني زي كل مره ولو بعدت هخطفها هعمل اي حاجه بس مستحيل اخليها تبعد عني او تسيبني سلسبيل ليا لوحدي مش لاي حد تاني.......
يتبع
إلى حين نشر الفصل الجديد للكاتبة سحر خالد من رواية مقيد بعشقها، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
