رواية جديدة مقيد بعشقها لسحر خالد - الفصل 24
قراءة رواية مقيد بعشقها كاملة
تنشر حصريًا على مدونة رواية وحكاية قبل أي منصة أخرى
رواية مقيد بعشقها
رواية جديدة قيد النشر
من قصص و روايات
الكاتبة سحر خالد
الفصل الرابع والعشرون
وصل ادم بتعب الى المستشفى ولهفه وخوف ورعب عاشها في تلك الدقائق التي مرت ليدخل الى غرفه سلسبيل وجدها على السرير ركض اليها هو وندى ادم بلهفه وخوف....
ايه اللي حصل انتي ليه في المستشفى في ايه احلام....
احلام....
اهدى يا ادم ما فيش اي حاجه هي حامل وتعبت شويه عشان كده هي هنا...
ندى بفرحه.....
بجد حامل الف مبروك يا حبيبتي...
ولكن سلسبيل كانت تبكي... نظر اليها ادم بلهفه وخوف و هو يقول.....
هي بتعيط ليه ايه اللي حصل ما تقوله فيه ايه انا اعصابي مش مستحمله...
سلسبيل بحزن.....
انا عايزه اروح معاك البيت مش عايزه ارجع البيت ده تاني مش عايزه افضل مع داغر ولا اعيش معه تاني...
ندى بخوف....
في ايه بس عمل ايه داغر عرفينا يا حبيبتي..
احلام بحزن....
اهدي يا بنتي داغر ما كانش قصده اي حاجه
ادم.....
احكي يا سلسبيل داغر عمل ايه الاول
بكت سلسبيل وبدات تحكي لوالدها كل شيء وهي تبكي ثم اكملت....
انا مستحيل اعيش معه يعني مستحيل...
ضمها ادم وهو يحاول ان يجعلها تهدا وقال....
هعمل لكي كل اللي انتي عايزاه بس اهدي يا حبيبتي
❈-❈-❈
بعد قليل كان يعود داغر من الخارج مع والده ليدخل الى الغرفه تفاجا بادم يقف بجانب سلسبيل التي نهضت من على السرير بتعب وهي تستند على والدها استعدادا للخروج من غرفه داغر بلهفه على سلسبيل....
ايه اللي قومك دلوقتي انتي لسه تعبانه
رفعت سلسبيل رأسها بغضب وهي تقول....
ابعد عني ماتلمسنيش اللي حصل النهارده كان اخر اللي بيني وبينك يا داغر من النهارده ولا عايز اشوفك ولا اعرف اي حاجه عنك
داغر بلهفه وخوف وعقله قد اخذه الى منطقه وقد ادرك انها على وشك ان تتركه وهذا الكلام البسيط ماهو الا كلمات ما قبل العاصفه التي سوف تهب وتاخذ سلسبيل بعيد عنه ليقول...
سلسبيل عشان خاطر اهدي الموضوع ده كله حصل غصب عني انتي عارفه اني مستحيل ااذيك مستحيل اعمل حاجه تضرك انا بحبك وانتي عارفه ده وكل اللي حصل ان غيرت عليكي....
هزت سلسبيل راسها بنفيه لا تريد ان تستمع اليه فهو منذ ان تزوجت به ويتحجج دائما بغيرته في كل مشكله تحدث بينهم وهي كل مره بغبائها تسامحه ولكن لا فيكفي ما حدث لن تسامحه بعد الان وانتهى الموضوع.....
ليتدخل ادم في هذا الوقت وهو يقول وقد وجد ان ابنته لن تتحمل اكثر من ذلك واصبحت تبكي ليقول بحده لداغر الذي كان يقف كالحائط امامهم لا يريد منهم الخروج......
داغر انا مش هتكلم في الموضوع اللي حصل بينك وبين سلسبيل دلوقتي الا لما سلسبيل تكون كويسه ولحد ما يحصل ده سلسبيل هتفضل عندي لحد ما نفسيتها تتحسن وصحتها كمان ومش عايز اسمع منك اي اعتراض على ده.....
انصدمت ملامح داغر مع انه كان يعلم انها سوف تتركه ولكن جزء بسيط منه كان ينفي هذا الموضوع ويتمسك بها وقال.....
مش هتمشي عايزه كل الوقت تاخده بس تكون عندي في البيت تعيش معايا ما تسيبنيش وانا مش هضغط عليها في اي حاجه هتاسف وهعمل اي حاجه عشان تسامحني انا ما كانش قصدي اي حاجه انا كل اللي حصل ان غيرت وده من حقي زادت عن حدها الغيره بس غصب عني وكل اللي بطلبه انها تسامحني وتفضل معايا ماتسيبنيش.....
ثم اكمل بعد ما نظري لسلسبيل التي تبكي....
عشان خاطري يا سلسبيل اديني فرصه ماتبعديش عني انا مستحيل اعيش من غيرك....
نظرت سلسبيل الى الجهه الاخرى لا تريد ان تنظر اليه ولو لحظه واحده اما عامر فتدخل وامسك بداغر وهو يقول......
خلاص يا داغر سيبها براحتها تروح مع ادم عشان ترتاح وكمان مش لازما تضغط عليها زي ما قال الدكتور صحتها وصحه الجنين في خطر فلازما ترتاح وماتتعرضش لاي ضغط...
كاد داغر ان يعترض مره اخرى ولكن امسك ابيه بيده ليضغط عليها ويهز راسه بنفي ثم امسك يـ ـده....
وابتعد عن طريق ادم الذي امسك بابنته وخرج بها مع ندى وظلت عيون داغر معلقه بهم الى ان اختفوا عن الانظار لـ ينهار بعدها ارضا وقد شعر انه خسر كل شيء....
❈-❈-❈
مره يومين مع اني داغر راح لـ سلسبيل اكثر من مره في اليومين دول بس هي رافضه تشوفه تماما وادم ماحبش يضغط عليها كل ما بيتكلم عن الموضوع بتنهار فنفي فكره انه يرجعها لداغر حاليا تماما هو مش مستعد انه يخسر بنته التانيه ابدا حتى لو هيحارب الدنيا كلها اللي هي عايزاه هو اللي هيحصل....
في اليوم ده خلاص داغر جاب اخره وقرر انه يشوف سلسبيل باي طريقه ومش مستعد يخسرها ابدا هيشوفها باي طريقه يعني هيشوفها وصل بيت ادم ورن الجرس فتحت له الخادمه اللي قال لها انه عايز يشوف سلسبيل....
هزت راسها ودخلته اوضه الضيوف وراحت لاوضه سلسبيل اللي خبطت عليها...
سلسبيل.... مين....
الخادمه......
داغر بيه بره وبيقول ان عايز يشوفك...
سلسبيل.....
قولي له نايمه ومش عايزه حد يزعجها
مشيت الخادمه من قدام اوضه سلسبيل قابلها ادم في الطريق....
في ايه...
الخادمه.......
داغر بيه بره وجه عايز يشوف سلسبيل هانم بس هي رفضت وقالت انها مش عايزه تقابل حد وقالت اقول له ان هي نايمه ومش عايزه حد يضايقها...
هز ادم راسه ونظر لندى التي نظرت الى الخادمه وقالت لها ان ترحل ثم نظرت لادم وقالت......
هتعمل ايه يا ادم...
هز ادم راسه بنفي وهو يقول.........
انا مش عارف والله اعمل ايه بس انا مع سلسبيل في كل اللي بتعمله داغر غيرته صعب قوي وانا مش مستعد اخسر بنتي لاي سبب...
قال كلامه وذهب الى غرفه الضيوف لينهض داغر عندما دخل ادم وخلفه ندى ادم......
احنا ما تكلمناش من ساعه اللي حصل يا داغر بس لازما نتكلم ونحط حدود للموضوع سلسبيل حالتها صعبه سواء نفسيه او جسديا انت عارف ومش محتاجه اقول لك وجودك كل شويه كده في الوقت ده بالذات بيضايقها وانت عارف السبب.....
جلس داغر امام ادم وهو يقول بحزن......
لو حضرتك اللي عملت ده مع مرات عمي كنت هتبعد عنها كنت هتسيبها
ليضغط داغر بتلك الكلمات على الجرح الذي لن يشفى ابدا لينظر اليها ادم وهو يقول.......
عمري عمري ما كنت اتمنى ان ابعد عن ندى ولو لحظه واحده...
هز داغر راسه وهو يؤكد على كلامه ويقول......
وانا كمان عمري عمري ما اتمنيت ولا عايز اني ابعد عن سلسبيل سلسبيل بالنسبه لي روحي في حد بيبعد عن روحه.....
ادم....... انا لو متاكد من حاجه في علاقتك انت وسلسبيل متاكد 100% انك بتحبها لا بتعشقها بس اللي حصل يا داغر كان صعب وسلسبيل مش من النوع اللي بيتحمل انت كنت هتموت ابنك بغبائك وغيرتك العاميه....
لو لا قدر الله حصل اللي حصل والطفل حصل له حاجه كنت هتعمل ايه كنت هتقدر تبص في وشها كنت تقدر تبص لنفسك في المرايه وتعيش حياتك عادي بعد اللي هيحصل شفت لحظه كانت هتفرق في حياتك ازاي دلوقتي لازما تقف وتفكر في حياتك وتفكر انك لازما تسيطر على الغيره دي قبل ما تفكر انك ترجع سلسبيل....
هز ادم راسه وهو يؤكد على كلام ادم ويقول.....
هعمل اي حاجه عشان ارجع سلسبيل اي حاجه هعملها لو مستحيل بس خليني اشوفها ولو لحظه واحده انا مش عارف انام ولا عارف اعيش من بعدها عني...
ابتسم ادم على ذلك العاشق الذي لا يخجل من تصريح بعشقه لابنته امامه يرى فيه شبابه عندما كان في بدايه عشقه لندى كان متهور ومندفع مثله تماما....
نهض وهو ينظر لداغر ويقول.....
اعتبرني ماشفتكش يا داغر وانا مش في البيت اصلا بس هم 10 دقائق ما تتعبهاش ولو حصل اعتبر سلسبيل بعدت عنك نهائي....
قال كلامه وخرج من الغرفه واخذ معه ندى لينتهي داغر الفرصه ويدخل الى غرفه سلسبيل التي ما ان رات نهضت من على السرير وهي تقول بغضب اعمى.....
انت ازاي تدخل علي بالطريقه دي انت اتجننت فاكر البيت هنا من املاكك ولا ايه اخرج بره
داغر بلهفه و شوق اقترب منها وهو يكور وجهها بين يديه ويقول بلهفه و عشق كبيره عليها......
سلسبيل حبيبتي انا عمري ما فكرت اذيكي انا فديك بروحي
دفعته سلسبيل بعيد عنها ولكنه لم يتزحزح لتبتعد هي وتتراجع للخلف وهي تقول بغضب.......
ابعد عني يا داغر اعتبر اللي بينا انتهى انا عمري ماهرجع لك ولا هفكر في اللي كان بينا في يوم بعد اللي حصل انت اللي كسرت اللي بينا وعمره ماهيتصلح ابدا....
قالت كلامها بغضب وصوت عالي شعر داغر عليها ليقترب منها وهو يمسك بيدها ويقول.....
حبيبتي وعد مني هنتكلم وهنقول كل اللي عايزاه هنتفاهم واللي انتي عايزاها هعمله بس بلاش صوت عالي وتتعبي نفسك اهم حاجه صحتك وكل حاجه بعد كده ما لهاش لازمه عندي......
رن هاتف داغر في ذلك الوقت اخرجه وكان سوف يغلق ويرفض المكالمه....
ولكن ما ان لمحت سلسبيل الاسم الذي على الشاشه امسكت الهاتف من يـ ـده بسرعه وفتحته لتستمع لصوت على الطرف الاخر وهنا كانت الصدمه.....
❈-❈-❈
في منزل عائله الهواري جلست احلام مع الحاجه امنه لتنظر اليها وهي تقول بتعب........
قولي ايه اللي حصل في ايه.. ايه اللي حصل لاولاد الهواري ...
هزت احلام راسها بسعاده ان الحاج امنه عادت تتكلم مره اخرى لتبدا تحكي لها بحزن عن كل ما مروا به
نزلت دموع الحاج امنه وهي تجني كل ما زرعته في حياتها نظرت لاحلام ودموعها تتسابق على وجنتيها وهي تقول بحزن.....
انا عايزه اشوف ادم وعايزه اشوف ندى وسلسبيل كل حد خسر حاجه في حياته بسببي عايزه اشوفه
هزت احلام راسها وهي تقول بحزن.....
سلسبيل سلسبيل في المستشفى..
الحاجه امنه بلهفه...
ليه ايه اللي حصل...
احلام بحزن...
تعبت شويه وهي حامل وراحت المستشفى ولسه هناك انا كنت عندها ولسه جايه من شويه...
بكت الحاجه امنه وهي تقول...
عشت حياتي كلها في حقد وجمع الفلوس وزرعت في في ابني عابد شر دمر حياته وحياه غيره انا السبب في كل حاجه عاشوها اولادي واحفادي انا السبب في 20 سنه ضاعت من حياه ابني بعيد عن بنته انا السبب في موت سيلين اللي قتلها عابد بايده وهو ما يعرفش انا السبب في ان ادم يتجوز من نورهان وهي حامل في ابن عابد...
تبدا في البكاء وتسعل بقوه احلام بلهفه...
اهدي اهدي ما تتعبيش نفسك
كم شعرت بالوحده وانها امراه سيئه ليس معها احد الا احلام والتي كانت دائما تفضل نورهان عنها الان هي معها فقط لتقول بحزن....
قولي لهم عايزه اشوفهم ولو محدش جه وربنا افتكرني قبل ما حد يجي قولي لهم اني عايزاهم يسامحوني
قالت كلامها بياس وبكاء وهذه السيده صاحبه الجبروت التي لم يستطع احد في حياته ان يقف امامها من قوتها وجبروتها ....
والشر التي كانت تمتلكه الان لا حول لها ولا قوه لتنظر احلام لها وتبكي هي الاخرى لا تدري ماذا تقول لها وهي ترى حماتها بكل هذا الضعف...
ولكن ماذا ننتظر كانت تملك من الجبروت الكثير حتى لم تنكسر عندما خسرت من املاكها كل ما جنت ولكن ما فعله ابنها بها كسرها اكثر واكثر كانت تعتقد انها ستحارب وتعيد املاكها مره اخرى كانت تعتقد ان اولادها يحبونها....
وان ما تفعله بهم هو لـ مصلحتهم كسرها ما فعله عابد في حياته...
واكثر عندما علمت بموت سيلين انكسرت وهي تعلم وتكتشف ان كل ما يمر بها اولادها الان من فعل يدها وهي من زرعت كل هذا وتدمرت حياتهم دون قصد...
ياكلها الندم ولكن بماذا سـ يفيد فقد فات الاوان......
يتبع
إلى حين نشر الفصل الجديد للكاتبة سحر خالد من رواية مقيد بعشقها، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
