رواية جديدة عودة هيما لأسماء عبد الهادي - الفصل 2
قراءة رواية عودة هيما كاملة
تنشر حصريًا على مدونة رواية وحكاية قبل أي منصة أخرى
قراءة رواية عودة هيما
من روايات وقصص
الكاتبة أسماء عبد الهادي
الفصل الثاني
جريت هدى وسما على المستشفى والخوف مالي وشهم وقلبهم وهما ساحبين جدتهم في ايدهم ودا اللي مقلل حركتهم شوية بحكم سن جدتهم وضعف حركتها بعد الاتصال الل جالهم ان هيما ف المستشفى
واول ما وصلوا ع الاوضة اللي فيها هيما جم يدخلوا الممرضة قالت
_ممنوع ممنوع الدخول
هدى _ممنوع ايه ده اخونا اللي جوه واحنا عايزين ندخل نطمن عليه الممرضه
_ الدكتور هيخرج دلوقتي ويطمنكم مسكت الحاجه فريده ايد البنات وقعدوا قدام باب الاوضه وحاطين ايديهم على قلبهم ومنتظرين خروج الدكتور وبعد شوية خرج الدكتور
فقاموا وقفوا بسرعة
سما _خير ياكتور ارجوك طمنا فيه ايه
الدكتور_ للاسف الحاله متبهدله خالص جسمه متكسر من كل حته و عنده نزيف بسيط ع المخ
وعلى حسب كلام الناس اللي جابته ان تقريبا كده في بلطجيه طلعوا عليه هما اللي عملوا فيه كده
بلعت الحاجه فريده ريقها وقالت _طمني عليه يا ابني المهم هيعيش؟ الدكتور _ان شاء الله يا حاجة زي ما قلت لك كسور في كل جسمه والنزيف بسيط وبنحاول نوقفه انما مش خطر ع حياته
اتنهدت براحة _طيب الحمد لله ... هيما حفيدي قدها وقدود وياما شاف من صغره وهيتحمل الكسور والضرب دا ....اهم حاجة ان حياته مش في خطر الحمد لله الحمد لله يارب انك حفظتهولي
ابتسم الدكتور للست الطيبة الصابرة دي وقال
_تقدروا تتفضلوا تدخلوا ليه بس محتاجين حد يدفع حساب المستشفى من فضلكم
هدى وسما بصوا لبعض بتوتر لأنهم بالكاد معاهم تمن المواصلات لانهم على قد حالهم وهيما اللي بيصرف عليهم
سما قالت _هنعمل ايه يا هدى
هدى_ ندخل نطمن على هيما الأول وانا هرجع البيت اجيب القرشين اللي محواشهم ادفعهم للمستشفى
سما
_ماشي يارب متكونش التكاليف كتير
هدى _سيبها لله
دخلوا البنات واطمنوا على اخوهم اللي كان نايم مش حاسس بالدنيا
وطت عليه جدته وباست راسه
_طول عمرك حمال قسية يا ابني ربنا يكون في عونك ويشفيك ويعافيك
هدى وسما
مسكوا ايديه
هدى ببكا _ سلامتك يا أبيه الف سلامة عليك
سما وهي كمان بتعيط _يا حبيبي الف بعد الشر عنك تقوملنا بالسلامة يارب
لفت الحجة فريدة بوشها بتدور عينيها على سلسبيل لانها مفكره ان هي مع هيما لكنها ملقتش حد
فقالت_ غريبة فين سلسبيل ؟؟
هدى وسما
_صحيح سلسبيل فين معقولة تكون اتأذت هي كمان
سما _لا انا متأكدة ان ابيه هيما دافع عنها وحماها بكل قوته
الحجة فريدة خرجت دورت ع الممرضة
_من فضلك يا بنتي فين البنت اللي جت معاه هي في اوضة كام وطمنيني هي عاملة ايه؟
الممرضة_ بنت مين ما فيش حد جه معاها اللي جابوه جابوه لوحده بس
_ازاي ده دي مراته كانت معاه كانوا خارجين مع بعض
_لا زي ما بقولك محدش جه معاه هو كان لوحده لما الناس لقته مرمي في الشارع وغرقان في دمه
خافت الحجة فريدة على سلسبيل
_هتكون راحت فين او جرالها ايه ربنا يستر... هيما روحه فيها
ولما رجعت لقت هيما بدأ يفوق لكنه لسه مفتحش عينه وبيقول بصوت ضعيف
_سلسبيل.. سلسبيل
هدى_ فين اوضة سلسبيل يا تيتا
فريدة بخوف _بيقولوا لقوا هيما لوحده
سما بزعر _يعني ايه.. اومال راحت فين.... اتخطفت؟؟ معقول
هدى ببكا _لااا سلسبيل حرام عليهم
وفضلوا كلهم يبكوا على هيما وع اختفاء سلسبيل
وبعد شوية افتكرت هدى حساب المستشفى فقررت انها تروح تسألهم عن الحساب علشان تروح تجيبه من البيت
في الوقت دا الشخص الغامض اللي مداري وشه بزعبوط على راسه اتخفى بسرعة علشان هدى متشوفوش وهو بيبيص عليهم من ازاز باب الاوضة
وصلت هدى لمكان الحسابات في المستشفى_ لو سمحت انا كنت عايزه اعرف حساب اوضه 102 كام من فضلك
_ طيب لحظه واحده اشوف ... اه الحساب خلاص اندفع
_اندفع ازاي ومين اللي دفعه
_معرفش يا انسة في واحد جه دفعه ومشي
_واحد واحد مين
_اكيد هيكون حد تبع الحالة اومال هيكون مين
قالت هدى بشرود _حد تبع هيما اخويا؟؟؟
هنا الشخص الغامض لف وشه وخرج من المستشفى بعد ما اتطمن ان كل حاجة ماشية هنا تمام
رجعت هدى ع اوضة اخوها وقعدت بهدوء
فسما قالت_ ايه جيتي ليه المبلغ كبير ولا ايه
_معرفش
_يعني ايه متعرفيش ما تتكلمي يا هدى مالك
_في حد دفع حساب المستشفى
_حد مين
_معرفش دا اللي اتقالي يا سما
سما _غريبة ايه اللي بيحصل دا
هدى بتفكير
_انا حاسة ان اللي حصل لهيما دا مقصود مش مجرد بلطجية طلعوا عليه
سما بخوف _ربنا يستر ويسلم المسكينة سلسبيل وترجعلنا بالسلامة يارب
❈-❈-❈
وبعد كم يوم فاق هيما واسترد وعيه بالكامل واول ما فتح عينه شاف جدته واخواته قدامه ففضل يدور بعينه على سلسبيل لكنه ما لقيهاش
الجده
_حمد لله على سلامتك يا حبيبي البنات
_حمد لله على سلامتك يا ابيه
اول حاجه قالها هيما _سلسبيل فين فين سلسبيل ...سلسبيل راحت فين؟؟ البنات بصوا لبعض وبلعوا ريقهم فافتكر هيما اللي حصل وصرخ صرخه رجت ارجاء المستشفى كلها لا _سلسبيل اخذوها مني سلسبيييييل
سلسبييييييل
الجدة والبنات_ اهدى يا هيما لا يجرى ليك حاجة
حاول هيما انه يتحرك لكنه مقدرش علشان الكسور اللي في كل جسمه
_انا لازم اروح اجيبها
واول ما اتحرك_ اااااه
هنا جه الدكتور والممرضات عل صوته
الدكتور_ في ايه... ايه اللي بيحصل هنا
الجدة_ الحقوا يا دكتور دا عايز يقوم
الدكتور_ مينفعش يا استاذ انت عضمك كله مكسر
هيما _حتى لو متدشدش حتى انا هروحلها يعني هروحلها ومحدش هيمنعني
الدكتور شاور للممرضة فحضرت حقنة المهدىء بسرعة وحقنه الدكتور بيها
فنام .
الدكتور _ماله هو كان عايز يقوم ليه دا متهور
هدى _مراته يا دكتور اللي ضربوه تقريبا اخدوها
الدكتور بصدمة _ايه .. ربنا يكون في عونه بس الحركة لرجليه غلط.. رجليه متأذية جامد واحتمال كبير تحتاج عملية كبيرة
الكل شهق _ايه
الدكتور_ انا اسف مرضتش اقولكم دا ف الاول علشان مصدمكوش لكن دي الحقيقة ...العملية مش هتكون سهلة وهتحتاج فلوس كتير .. وانا شايف ان ظروفكم ع قدها فحاولوا تعملوها تبع الجامعة بس طبعا هتحتاج وقت لحد ما يجي دوركم للعملية علشان كدا ياريت تبتدوا في الإجراءات من دلوقتي وربنا يقدم اللي فيه الخير
الجدة _لله الامر من قبل ومن بعد
❈-❈-❈
وبعد اسبوعين رجع هيما البيت بعد ما خفت معظم كسور جسمه الا كسر رجليه فالدكتور اقترح انه يقعد ع كرسي لحد معاد العملية ما يجي
هيما كان طول الفترة دي ساكت مش بيتكلم وعلطول سرحان
وافتكر
فلاش باااك
كلمهيما هارون اخو سلسبيل يسألو عليها
هارون بمكر وهو اصلا عارف ايه اللي جرا لهيما
_ ايه يا عريس .. ايوة يا عم تلاقيك متهني وظايط مع المعروسة بقا ماخلاص كتبت الكتاب والدنيا معاك اخر روقان مش دا اللي كنت عايزه وبتزن عليه من زمان والله صبرت ونولت يا عم
بلع هيما ريقه بخوف وقال بصوت بيجاهد علشان يخرج
_معنى كلامك دا انك متعرفش حاجة عن اختك سلسبيل وانها مش عندك؟؟
هارون بمكر
_ عندي فين يا ابني ما البت راشقة عندكم ومش عايزة ترجع
حس هيما انه خلاص بيتخنق
_ هارون انت متعرفش اختك فين ولا تعرف اي حاجة عنها؟؟
عمل هارون انه اتعصب
_ في ايه يا هيما مالك... انت بتتكلم ليه كدا... هي مالها سلسبيل انا مش سايبها في حمايتك وانت وعدتني انك تحافظ عليها وتحميها؟؟
غمض هيما عينه وقال بكل هم وضعف
_ سلسبيل خطفوها مني يا هارون
هارون عمل انه انصعق
_ ايه انت بتقول ايه وساكت يا زفت انت.. انت لا تؤتمن على حد ابدا وربنا لو حصل لأختي حاجة ليكون فيها موتك انت فين يالا انطق واختي فين
هيما
_بلطجية تبع واحد اسمه الجوكر معرفش مين دا طلعوا عليا ودغدغوني واخدوها مني وانا مرمي في المستشفى بقالي اسبوعين
هارون
_نعم كل دا يحصل وانا معرفش.. ووو كمان الجوكر خطف اختي لااا مستحيل
هيما
_انت تعرفه دلني عليه بالله عليك مين دا
_لا دا واحد معندوش قلب ومحدش بيقدر عليه لو حط حاجة في دماغه يبقى قول عليها يا رحمن يا رحيم تلاقي اختي دخلت دماغه علشان كدا اخدها .. اه يا سلسبيل اه ياحسرة قلبي عليكي يا اختي هقول لبابا ايه
هيما حس انه بيموت بالبطىء اول ما سمع كدا وقال بضعف
_ يعني ايه عجبته واخدها هي سايبة دي مراتي وان مرجعهاش هرجعها بالقانون
_ قانون ايه .. دا انت بالنسبة ليه مجرد حشرة يفعصها تحت رجليه ولا هيكون ليك اي دية ... دا مفتري ومحدش بيقدر عليه... ولا حتى انا ولا بابا ولا نفوذه يقدروا يقفوا في طريقه
هيما بقوة ع عكس حالته اللي هو عليها
_ بس انا هقدر وهرجع مراتي ومش هتخلى عنها
_ ياريت ياريت تقدر .. بس ازاي وانت من قبل ما تقابله وبتقول مرمي ف المستشفى من اسبوعين ونصيحة لو قررت تقف في طريقة يبقى تستعد انك ممكن تخسر واحدة من إخواتك البنات او تخسرهم كلهم وقبلهم حياتك
هينا بلع ريقه بخوف ع اخواته البنات وقال وهو بحاول يتظاهر بالقوة علشان يرجع سلسبيل مراته
_ قولي مكانه وملكش دعوة
هارون بخبث
_ ياريت كنت اعرف ع الاقل كنت هحاول
_ يعني ايه اومال عارف المعلومات دي عنه منين
_محدش بيعرف مكان الجوكر دا عامل زي الهو الخفي بالظبط
بااااك
هدى وسما
هدى _وبعدين هنعمل ايه هنسيبه في الحالة اللي دخل فيها دي
سما_ تيتا حاولت معاه كتير لكنه مش راضي يتكلم أبدا حتى الأكل يادوب بيأكل بطلوع الروح
هدى_ ربنا يكون في عونه اللي حصله مش هين وكمان سلسبيل كان روحه فيها ... يارب ترجع يارب
اول ما سمع هيما اسم سلسبيل بص بعينه ع اخواته وعينه دمعت
وبعدين شاورلهم عل اوضته
ففهمت هدى ودخلته اوضة سلسبيل اللي بقت اوضته من يوم ما رجع من المستشفى
فضل هيما يبص ع كل شبر في الاوضة ويفتكر ...
فلاش باااك
هيما كان تحت العربية بيصلحها
فقاله صاحب الورشة
_ها خلاص يا هيما يا ابني ولا لسه قدامك كتير
_قربت اخلص يا حج صالح فاضل حاجة بسيطة بس
_ماشي يا ابني ربنا يعينك
قالها وقعد ع الكرسي ينتظره
خرج هيما من تحت العربية
_ايه يا عم صالح انت مش بتروح ليه
_بستناك يا هيما لحد ما تخلص نروح سوا
_لا يا راجل يا طيب انت تعبت طول النهار روح ريح جسمك وانا اول ما اخلص هقفل واروح انا كمان ولا مش مستأمني على ورشتك ؟
_ازاي دا يا هيما يا ابني ما انت عارف اني بعتبرك زي ابني اللي مخلفتوش
_ربنا يعزك يا عم صالح.. يلا قوم انت يلا
_طب ما تقوم انت كمان وتكمل بكرة الصبح وخلاص
_لا مش عايز صاحب العربية يجي يلاقيها مش جاهزة واحنا مش عارفين هو هيجي الصبح ولا امتا.. علشان كدا هخلصها الليلة بإذن الله.. احنا عايزين نكسب زبون يا عم صالح والراجل دا لسه اول مرة رجله تخطي عندنا هنا
_ربنا يباركلك يا ابني دايما شايل هم الورشة وكأنها ورشتك بالظبط دا لو بتاعتك مش هتخاف عليها كدا
ضحك هيما _ما انا معتبرها ورشتي يا عم صالح ولا ايه
ضحك صالح _اومال طبعا يا هيما.. ربنا يطول في عمري واشوفك مش بس صاحب ورشة لا صاحب اجانس عربيات كبير ولا شركة تصليح سيارات
_ياااه حلم بعيد اوي يا عم صالح
_مفيش حاجة بعيد عن ربنا...
_ونعم بالله
يلا هسيبك بقا واروح ارتاح شوية حاكم ضهري شادد عليا اليومين دول
_الف سلامة عليك يا حج اجي اوصلك
_لا خليك يا ابني البيت جنب الورشة مش بعيد ربنا يعينك ويقويك
_الله يصلح حالك يا عم صالح
وفضل هيما يشتغل في الورشة لحد وقت متأخر ونسي نفسه
ولما خلص بص ف الساعة
_يا خبر الساعة بقت ١٢ زمانهم قلقانين عليا في البيت وجدتي مش هتسيبني تهزيق
مسح ايده في الفوطة وغير هدومه وقفل الورشة كويس ومشي في طريقه للبيت
ففجأة شاف بنت بتجري وخبطت فيه
هيما _مش تحاسبي يا استاذة
سلسبيل وهي بتنهج وبتبص وراها بخوف
_اا انا اسفة اوي
_لا عادي محصلش حاجة بس انتي بتجري ليه وايه اللي مخرجك بالليل كدا
بصت وراها تاني وقالت_ ارجوك ارجوك اشغلهم لحد ما اهرب منهم من فضلك
_هما مين
_هيمسكوني بالله عليك اشغلهم
_استنى بس هما مين اللي عايزين يمسكوكي وانا هحميكي منهم
_لا لا مش هتقدر عليهم اشغلهم بس لحد ما ابعد
قالتها وجريت بسرعة فصفر ليها وقال
_طب ادخلي هنا من عند الباب الأحمر دا استخبي وراه
جريت بسرعة نفذت اللي قاله ودخلت استخبت ورا الباب الاحمر
وعمل هيما انه ماشي في طريقه
فوقفوه الرجالة اللي بيجروا
_انت يالا مشفتش بنت بتجري من هنا
_بنت ...بنت مين ؟؟
_انطق شوفت ولا مشفتش
_شوفت
_ طب راحت من انهي طريق
_تدفع كام وانا اقولك
سلسبيل في نفسها
_يخربيتك طلعت مادي حقير وضحكت عليا وهتسلمني ليهم طب اعمل ايه بس ياربي
وكانت لسه هتخرج فسمعتهم بيقولوا
_انطق يالا بدل ما نشلفط وشك
هيما_وعلى ايه الطيب احسن مشيت من الطريق دا وتقريبا ركبت القطر اللي لسه متحرك حالا الحقوها بقا قبل ما القطر يبعد
جريوا بسرعة يحصلوا القطر فقال هيما بسخرية
_انتوا نسيتوا الحلاوة بتاعتي بس يلا اديني بعمل الخير وبرميه في البحر وضحك
ولما عرف انهم بعدوا خالص
راح لسلسبيل وخبط ع الباب
_اظهر وبان عليك الامان
طلعت سلسبيل وهي بتتلفت حواليها
فقال _متخافيش انا وديتهم منطقة تانية خالص
فقالت سلسبيل بخفوت
_شكرا لحضرتك وانا اسفة اوي
_بتااسفي ليه
_اصل بصراحة ظلمتك اول ما سمعتك بتقولهم تدفعوا كام فكرت هتسلمني ليهم
ضحك هيما والضحكة دي خطفت قلب سلسبيل من غير ارادتها وتاهت فيها
قال هيما
_يبقى انتي متعرفيش مين هو هيما.. عامة يا انسة .. انا عندي اخوات بنات واخاف عليهم بردو.. مش انسة بردو
هزت راسها وقالت_ ايوة .. شكرا ليك مرة تانية
هيما _مين دول وعايزين منك ايه
بقلمي أسماء عبد الهادي
لا أحلل نشرها بدون اذني
توهت سلسبيل في الكلام لانها مش عايزة تقوله الحقيقة وقالت _عن اذنك انا لازم امشي
هز كتافه لانه بطبعه مش فضولي _ماشي اتفضلي بس عل فكرة غلط مشيك لوحدك في وقت زي دا كلاب السكك كتير
قالت بخوف_طب طب ممكن حضرتك توصلني
_عايزة تروحي فين
_مش عارفة
_ نعم
_والله مش عارفة عايزة اروح فين
_انتي تايهة
استغلت الفرصة وقالت
_ااه اه انا تايهة ومش عارفة اروح فين
_طب انتي منين بلدك فين
_مش مهم المهم انا مش عارفة اروح فين دلوقتي بالله عليك ساعدني وديني اي مكان لحد الصبح بس
بص لهدومها اللي باين انها غالية وماركات فعرف انها من عيلة غنية
_انتي باين عليكي بنت ناس مش كدا
مطت شفتها لانها مفهمتش قصده_ اه بنت ناس اومال بنت ايه يعني
ضحك وقال_ مش قصدي انتي فهمتي ايه
قصدي يعني مش من المنطقة المكحرتة هنا
_لا لا قلتلك انا تايهة ومش من هنا
_تمام تعالي معايا
_اجي معاك فين
ضحك تاني_ يا بنتي ركزي انتي مش قلتي اساعدك واوديكي اي مكان لحد الصبح
_اه يا ريت
_تمام تعالي معايا
قالت بخوف _هنروح فين
_هخطفك مثلا!! ايه ....مالك خفتي ليه كدا هخدك معايا البيت تباتي مع اخواني البنات لحد الصبح وبكرة ان شاء الله نشوف هتعملي ايه
_بس بس انا مش عارفاك
_يعني انا اللي اعرفك تعالي
_اا انا
_متخافيش انا مقدر خوفك قبل ما ندخل هخليكي تشوفي اخواتي البنات علشان تطمني بنفسك
_ماشي
ومشيت معاه لحد ما وصلوا للبيت فصفر هيما فطلت اخته هدى من الشباك
وقالت بفرحة_هيما اخيرا رجعت حمدا لله ع السلامة دي تيتا مستحلفالك وقاعدة شايطة من بدري
ضحك هيما
_هي لسه صاحية استر يا رب شكلي هاخد دش محترم..المهم بت يا هدى اطلعي تعالي
_حاضر يا ابيه
خرجت هدى واول ما شافها هيما
مسكها من دراعها
_يخربيت شيطانك خارجة ببنطلون يا غبية
_ااه يا ابيه احنا بالليل والناس كلها نايمة يعني محدش شايفني
بصلها بحدة فقالت
_خلاص انا اسفة
_متتكررش تاني وتخطي عتبة البيت من غير اسدالك فاهمة
_حاضر يا ابيه
_انجري البسي اسدالك اخلصي.. جريت هدى ولسبت اسدالها وخرجت
فحضنها هيما وباس راسها
_ايوة كدا هي دي دودو اللي بحبها وبتسمع كلام اخوها.. انتي عارفة انا بخاف عليكي قد ايه علشان كدا مسمحش لاي مخلوق انه يلمحك بس بطرف عينه
حضنته_ حاضر يا ابيه انا اسفه والله
هيما شاور ع سلسبيل
_طيب رحبي بالضيفة اللي هتبات معاهكم الليلة
_ضيفة ضيفة مين
_مش عارف هتتعرفي عليها جوة ادخلي يلا
وبص لسلسبيل_ تعالي اتفضلي مع هدى اختي
هدي _ازيك اتفضلي تعالي نورتي البيت
مشيت معاهم سلسبيل واول ما دخلت البيت البسيط الفرش والاساس حست براحة غريبة سرت في انحاء جسمها كله عمرها ما حست بيها في المكان اللي كانت عايشة فيه قبل كدا
اما هيما اول ما خطى عتبة البيت لقى جدته استقبلته بقرصة على ودانه
_خد هنا يا واد انت .. ايه اللي اخرك كدا في الورشة ها
_اه بدأنا بقا... خلاص بقا يا جدتي هو انا يعني بنت وخايفة عليا اتأخر
_بردو يا ولا اياك تتأخر كدا تاني انت فاهم
_ ماشي يا جدتي ممكن تسيبي ودني بقا مش هينفع كدا قدام الضيفة
الحجة فريدة _ضيفة ضيفة مين وبصت على سلسبيل فاول ما شافتها مسكت ودن هيما تاني وقالت _وجايبلي بنات معاك البيت في نص الليل يا ولا
قالتها وفضلت تضرب بيه بالعكاز بتاعها
_ااه يا جدتي ارحميني انا راجع من شغلي تعبان
_لا وربنا ما راجعة عنك خد هنا يا هيما
غصب عن سلسبيل ضحكت لاول مرة من قلبها
فهيما كشر
_عاجبك كدا ضحكتي علينا الاجانب ياكش تكوني مرتاحة
زقته جدته وقعته ع الكنبة_ اتاخر انت ع جنب كدا يا ولا وتعاليلي هنا انتي يا حلوة يا مصبصبة انتي
هدى_ استر يا رب هتعمل فيها ايه
مسكت الجدة شعر سلسبيل
_شعرك دا يا بت ولا باروكة
هيما هز دماغه وحطت ايده ع بوءه
_ياختتاي فوفا مش هتسيب البنت في حالها
سلسبيل ابتسمت وقالت
_اه شعري يا طنط
ضربتها الحجة فريدة ع دماغها
_ولما هو شعرك مش مغطياه ليه ها سايباه كدا بجماله وطعامته دي ومش مغطياه ليه ها
شهقت سلسبيل بمفآجئة متوقعتش اللي بتعمله الجدة
_ ااه
زق هيما هدي وقال
_الحقي جدتك البنت غريبة ومش متعودة على اسلوبها
جريت هدى ووقفت قدام سلسبيل
_ايه يا تيتة اللي بتعمليه دا ف البنت
الجدة _ابعدي كدا يا بت لما اعرفها غلطها
هدى _يا تيتة استنى بس دي ضيقة ميصحش كدا
الجدة _اه صحيح يا بت انتي مين يا ضنايا اوعى يكون الواد هيما دا ضحك عليكي وغواكي
هيما برق
_يخربيت كدا انتي بتقولي ايه يا جدتي انا وش كدا بردو
ضحكت سلسبيل
الجدة_ ردي يا بت ع كلامي مش تضحكي
سلسبيل
_حضرتك عسل اوي انا حبيتك
_وربنا ما حد عسل هنا غيرك .. والبت هدى عسل بردو يلا زي بعضه علشان متزعلش
انفجرت سلسبيل في الضحك
الجدة_ ايه البنت اللي شفتها عايمة دي
هيما _ خفي ع البنت يا جدتي
الجدة
_ اطلع منها انت ياد يا هيما حسابك معايا بعدين
وبصت لسلسبيل
_ ها ياحلوة مش هتبطلي ضحك وتقولي انتي مين
سلسبيل بجدية
_ ااا لو سمحتي ممكن اقعد عندكم لبكرة بس بليز
الجدة_ بليز اه ... انتي يا بت انا مش مرتاحة ليكي
سلسبيل
_ انا عارفة انكم ممكن تكونوا مش مطمنين ليا بس انا حاسة انكم ناس طيبين وهتساعدوني
الجدة_ نساعدك في ايه يا حبيبتي ما انا مش فاهمة حاجة .. جايبها منين دي يا هيما
هيما
_ في ناس كانوا بيطارودها يا جدتي وطلبت مساعدتي ف انها تبات هنا للصبح وانا وافقت مفيهاش حاجة يا جدتي دي مهما كان بنت وضعيفة بردو ولا ايه
الجدة _وماله يا ولا تبات مفيهاش حاجة
سلسبيل فرحت
_بجد انا متشكرة لحضرتك جدا والله
الجدة _الشكر لله يا حلوة بس قوليلي مين الناس اللي بتطاردك دي وايه اللي مخرجك من بيتك نص الليل
سلسبيل
_ اه لا اما خارجة من زمان بس هما فضلوا ورايا لحد دلوقتي
_ هما مين وعايزين منك ايه
ارتبكت سلسبيل
فحس هيما انها مش عايزة تقول
فقال
_ايه يا جدتي انتي هتفتحي معاها تحقيق ولا ايه ... هي ضيفة وهتقعد عندها للصبح
الجدة_ اسكت انت ياولا مش يمكن تكون عاملة بلوة مسيحة ولا حاجة
سلسبيل بسرعة
_لا لا والله ابدا انا .. انا ..
هيما
_انتي مش مضطرة تقولي حاجة طالما مش عايزة دا.. واهلا بيكي في بيتنا
سلسبيل
_ شكرا ليك بجد
الجدة _ حيث كدا بقا الحلوة دي مش هتبات غير في اوضتي علشان تبقى تحت عيني اومال اسيبها تبات مع البنات واحنا منعرفهاش
سلسبيل بحرج
_انا ممكن انام هنا ع الكنبة دي عادي
الجدة
_ لا يا بنتي انا ميرضنيش كدا ابدا تعالي اوضتي شرحة وبرحة هفرشلك تنامي ع الارض
سلسبيل وهيما فتحوا بوءهم . ضحكت الجدة
_بهرج معاكي يا بت شكلك قفش زي الواد هيما...وشاكلي هعلم عليكي بالعصاية زيه
هيما بحرج
_معلش هيا جدتي كدا دمها خفيف
سلسبيل ابتسمت_ اه اخذت بالي وع فكرة حبيتها اوي
الحدة
_بت يا هدي روحي هاتي العشا لاخوكي وللضيفة.. الا انتي اسمك ايه يا طعمه انتي
سلسبيل_ سلسبيل يا طنط
الجدة
_ عاشت الاسامي يا ضنايا .. يالا بت يا هدى اخوكي زمانه ع لحم بطنه من وقت الغدا
هدى
_ حاضر يا تيتا
وبعد شوية رجعت هدى
_ العشا يا ابيه وكوباية الشاي السكر زيادة اللي بتحبها
هيما _متحرمش منك يا دودو .. معلش سهرتك عارف ان وراكي جامعة الصبح بدري
هدى_ لا ولا يهمك يا ابيه اصلا مش هيجيلي نوم وانت برا لازم اطمن انك رجعت علشان انام
الجدة
_ فيكي الخير يا بنتي مش زي الهبلة اختك سما اللي اول ما رمت دماغها ع المخدة سحبت علطول ولا سألت في اخوها
هيما
_ سيبها تنام يا جدتي سما بتتعب طول اليوم في شغل البيت جنب الجامعة ربنا يكون في عون البنات
الجدة
_افضل انت حامي عليها كدا ودلعهم لما نشوف اخرة دلعك دا ايه
هيما ابتسم وباس راس اخته هدى
وقال _ ان مكنتش انا ادلع اخواتي البنات مين يدلعهم انا لو طايل اجبلهم نجمة من السما مش هتأخر
هدى_ حبيبي يا هيما عارفة ومتأكدة انك بتعمل اللي عليك وزيادة يا حبيبي ومش مخلينا محتاجين لحاجة خالص ربنا يخليك لينا
الجدة ضربتهم الاتنين بالعصاية
_واد انت وهيا اخلصوا علشان تناموا.. انتي ياختي عندك جامعة بكرا وانت يا خويا عندك ورشتك ها انجز علشان تنام
هيما وهدى_ ااااه
هيما قال بملل
_حاضر يا تيتا .. قومي يا هدى انتي نامي يا حبيبتي انتي مش متعودة ع السهر
قامت هدى وقفت
_حاضر يا هيما تصبحوا ع خير
الجدة _وانتي يا سليبيل مش بتاكلي ليه عشانا مش عاجبك ولا مش قد المقام
سلسبيل
_لا لا والله مش كدا ابدا .. ااانا بس مش جعانة
الجدة_ مش جعانة ايه كلي يا بت وانتي شكلك هفتانة وضعيفة ومعصعصة وشوية وهتقعي من طولك
_مليش نفس والله
_لا ما هو انا محدش يقولي مليش نفس اسمعي الكلام والا
هيما ضحك
_كلي اي حاجة يا انسة سلسبيل بدل ما انتي شايفة مفيش تفاهم وراسي ورمت من عصايتها
ضحكت سلسبيل وقالت بحرج
_حاضر
الجدة _يحضرلك الخير .. والله انتي باين عليكي طيبة يا بت انا ارتحتلك
تاني يوم الصبح
الجدة ضربت سما وهدى ع دماغهم
_يلا يا بت انتي وهيا اعملوا الفطار وع جامعتكم يلا
سما_ يووه حاضر يا تيتا
صحى هيما من النوم بيتاوب
_صباح الخير جميعا
الجدة
_صباح الخير يا ضنايا اقعد علشان تاكل لقمة قبل ما تنزل تفتح الورشة
هيما
_لا هنزل افتحها واستنى عم صالح يجي وبعدين استأذنه واجي ع هنا تاني
الجدة _ليه يا هيما كفا الله الشر
هيما_ ه-جي افطر واوصل سلسبيل لبيتها يا جدتي
الجدة
_اه صح انا نسيتها.. دي يا حبة عيني كانت مرهقة اوي وشكلها منامتش بقالها كتير اول ما حطت دماغها ع المخدة راحت ف النوم .. توأم البت سما في حبها للنوم الظاهر
ضحكت سما
_انا عايزة اشوفها متشوقة اوي البت هدى بتقول عليها انها عسل وشكلها كيوت ف نفسها
الجدة
_شوية كدا وتصحى وتشوفيها انجري يلا اعملي الفطار
سما
_يووه ماقلت ماشي يا تيتا .. وهيما مش مستعجل ماهو قال هينزل يفتح الورشة الاول
الجدة_ شوف البت وعمايلها بترد عليا
ضحك هيما
_ااه مش هنخلص من اصطباحة كل يوم دي.. انا نازل
الجدة_ خود يا ولا انت صليت الصبح ولا لسه
هيما صليت الفجر حاضر ف الجامع يا جدتي
الجدة براحة_ ماشي يا ضنايا انزل وابقى سلملي ع الحج صالح والحجة فتون
_الله يسلمك ماشي ..يلا السلام عليكم
___
نزل هيما وفتح الورشة وشغل قرآن ونضف قدام الورشة ورش ماية وظبط الدنيا لحد ما الحج صالح جه
فسلم عليه واستأذنه ورجع تاني بيته
واستناها تصحى لكن سلسبيل لسه نايمة ومصيحتش
الجدة
_قوم يا هيما انزل ع ورشتك متعطلش نفسك هي شكلها مش بتصحى بدري زينا واول ما تصحى هخلي البت هدى ترن عليك هي عندها محاضراتها هتبدا متأخر النهاردة ع الساعة ١٠
هيما باقتناع
_ماشي يا جدتي .. تعالي يا سما يلا اوصلك للموقف في سكتي
سما بغيظ
_يووه يعني همشي من غير ما اشوف البنت!!
جريت وراها جدتها
_طب وربنا ما راجعة عنك خدي هنا يا بت
جريت سما ع برا وهي بتصرخ
_عاا الحقني يا هيما
ضحك هيما
_اعملك ايه انتي اللي جايبة لنفسك الكلام
وخرجوا سوا
وسما بتبرطم
_يعني كان لازم انزل الكلية النهاردة يا هيما
ضحك هيما_ طب قولي الكلام دا قدام فوفا كدا وشوفي هتعمل فيكي ايه
_ايوة بس انا كنت عايزة اشوف سلسبيل دي اللي هدى بتقول عليها
_عادي بنت عادية
_لا يا ابني مش عادية هدى بتقول شكلها غنية
_وايه المشكلة هتفرق ايه
_يووه يا هيما كان نفسي اشوفها قبل ما تمشي بقولك ايه ما تخليها عندنا لحد ما ارجع هحاول انسكل محاضرة وارجع بدري
كشر هيما _تكنسلي ايه يا ختي
قالت بتراجع
_لا لا وربنا ما هنكسل حاجة خلاص انا عارفة اني مليش حظ اشوف البنت
وصلوا لموقف الاتوبيس
وطلع هيما فلوس
_يلا اركبي وع جامعتك علطول
_حاضر يا ابيه
_خدي الفلوس دي معاكي
_معايا يا ابيه تيتا عطتلي
_خديهم كمان معاكي
_ربنا يخليك لينا يا ابيه
_ويخليكم ليا يا اغلى ما ليا
❈-❈-❈
في الجامعة عند سما
كانت ماشية هي وصاحبتها في ساحة الجامعة
فشافها عمران وشلته وقال
_ ولا مين دي
صاحبه واسمه وليد
_ انهي فيهم .. عامة البنتين معقدين زي بعض ومش سكتك خالص
زيدان وعينه متشالتش ع البنات
_ ايوة اخد بالي من الخيم اللي لابسينهم ع راسهم دي .. بس البت اللي ع اليمين دي شكلها ايه هتبقى قمر اوي من غير حجاب
وليد_ انت ناوي ع ايه يا عمران البنات دي مش وش كدا
عمران ابتسم بخبث
_ وماله مفيش حد يكون في طريق عمران المنياوي وميكونش وش كدا... كلهم بيكونوا زيها كدا وفي ثانية يتحولوا ودي لعبتي انا بقا ولا ايه
وليد_ ايوة بس البنت دي عمري ما شوفتها مع شاب هنا ف الجامعة وعلطول في حالها يعني وملهاش في العك بتاعتنا فسيبك منها
_ايه يا زفت انت.. انت مالك خايف عليها كدا ليه ليكون اختك يالا وانا مش واخد بالي ولا اوعى تكون حبيتها يا روح مامتك
اتنهد وليد بقلة حيلة
_ ياريت انا اطول اتجوز بنت بريئة زي دي
ضحك عمران ضحكة مطولة
_ بريئة .. ماشي اصبر عليا اديها بس شهر واحد وانت تشوف البراءة اللي ع اصولها
وليد بخوف ع سما
_ ااا عمران انت ناوي ع ايه معاها بقولك البنت دي مش سكتك
عمران وخلاص حطها ف دماغه
_ قلتلك هخليها سكتي.. اطلع انت منها .. اتعلم مني وشوف
وليد نادى عليه
_ استنى يا عمران .. يا عمران
اتنهد وليد بقلة حيلة
_مفيش فايدة ربنا يتولاها...
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
