قراءة رواية عودة هيما كاملة

تنشر حصريًا على مدونة رواية وحكاية قبل أي منصة أخرى

قراءة رواية عودة هيما

من روايات وقصص 

الكاتبة أسماء عبد الهادي

الفصل الأول

هو _ايتها الخائنة عليكي لعنة حبي التي ستكون لكِ هلاك 

هي_أيها القاسي ألم يحن وقت العودة!! 

فضل مهران يزوم ويهيج اول ما قرأ الاعلان اللي في الورق قدامه

_يعني ايه اللي قريته دا وازاي دا يحصل 

قالها وهو بيكسر ف كل حاجة قدامه 

المحامي قال بخوف من غضبه 

_اهدى يا مهران بيه مش كدا 

_اهدا ازاي يا متر اهدا ازاي بعد اللي قريته .. انت كنت تعرف باللي مكتوب دا 

_لا لا والله أبدا يا باشا مكنتش اعرف عنه حاجة غير دلوقتي معاك 

_يعني ايه كل حاجة راحت كدا ف غمضة عين ولمين لااا انا مش هسمح لدا يحصل ابداااا مبقاش انا مهران الا وندمته ندم عمره الحقير ابن الشغالات دا 

قالها وساب المحامي  ومشي وراح ع البار يسكر زي عادته علشان يهدي نفسه او ينسى اللي قرأه وهناك قابل صاحبه هارون 

فقال بسخرية_ ها اخبار اختك ايه 

هارون بانزعاج 

_كتب كتابها النهاردة تصور 

هنا مهران قام وقف 

_انت بتقول ايه.... يعني النهاردة اخينا دا في قمة سعادته لانه خلاص اتجوز البنت اللي بيحبها !!!

هارون_ناوي ع ايه يا كبير 

ابتسم بخبث _فرصة وجت لحد عندي

هارون  قال بنفس الخبث فالطيور ع أشكالها تقع 

_وانا هعملك كل اللي ف نفسك

_عايزه يتروق اخر روقان وميفضلش فيه حاجة سليمة اما اختك دي بقى تخصني تجبهالي هنا فاهم 

_بس اختي بقت مراته يا مهران 

_تتطلق حتى لو غصب انت فاهم انا عايز اختك يا هارون الليلة تكون عندي 

_اا حاضر يا جوكز اللي تطلبه هيتفذ 

_يلا حالا نفذ 

ولما مشي هارون فضل مهران يضحك بفرحة وشماته 

_مش هخليك تشوف يوم حلو في حياتك يا هيما ويانا يا انت .. وطبعا الجوكر هو اللي  بيكسب دايما نيهاهاها 

❈-❈-❈

سلسبيل كانت ماشية مع هيما بالليل بيتفسحوا بعد كتب كتابهم مسك هيما ايديها وقال بحب 

_الف مبروك يا حبيبتي قد ايه انا اسعد انسان في الدنيا النهاردة 

ردت وهي بتبص في عينه بحب 

_الله يبارك فيك يا حبيبي انا اللي اسعد بنت في الكون النهاردة علشان فزت بيك أخيرا يا هيما انت مش عارف انت بالنسب. ليا ايه ... انت مبقتش زوج بس ولا حتى حبيبي بس... انت اب واخ وصاحب وسند وامان وعوض وكل حاجة في الدنيا دي يا هيما انا بحبك اوي وهفضل اشكر ربنا على نعمته دي لحد ما اموت 

باس هيما ايدها وقال بصوت عالي _الله يا ناس اخيرا سمعت الكلمة اللي كنت هموت واسمعها منها من زمان ... اخيرا قالتلي بحبك يا هيما... بحبك يا سلسبيل بحبباااااك 

سلسبيل بصت حواليها بحرج 

_هيما وطي صوتك الناس هتاخد بالها وبعدين تقول علينا ايه 

قال بلا مبالاة 

_تقول اللي تقوله محدش له عندي حاجة مراتي وبحبها يا ناس بحبهاااااا 

_وانا كمان بحبك يا هيما بس ارجوك وطي صوتك علشان خاطري 

ضحك وقال 

_ماشي هوطي صوتي

 وهمس ليها 

_بحبااك .. ها كدا حلو 

ضحكت 

_اه كدا كويس 

ضحكوا الاتنين سوا 

ولما شاف هيما الدرة شد ايدها وقال 

_تعالي اجيبلك درا نأكله واحنا مروحين انا عارف انك بتحبيه 

_اه بحبه اوي..

_ يا بخته 

_هو مين 

_الدرة 

_طب ما انا بحبك يا هيما والله العظيم بحبك 

_يا بختي بيكي يا سلسبيل اوعدك اني هتقي ربنا فيكي وهعاملك بما يرضي الله وهحاول اكون مصدر سعادتك وامنك وهناكي وهعوضك ع كل المر والفقدان والألم اللي عشتيه مع ابوكي ومراته 

_حبيبي يا هيما واثقة في دا يا نور عيني... هيما انت اللي انتشلتني من الضياع اللي كنت فيه وبفضلك بعد ربنا رجعت للحياة تاني 

_انتي اللي احييتي قلبي وخلتيه يدق علشانك ربنا يباركلي فيكي ويخليكي ليا يا روحي 

اشتروا الدرة واكلوه وهما ماشيين وبيضحكوا ويهزروا مع بعض 

هيما 

_يلا يا سولي يا حبيبي هوقف تاكسي علشان نرجع البيت مش هنلاقي مكروباصات في الوقت دا احنا نسينا نفسنا واتأخرنا والحجة فوفا هتولع فينا 

ضحكت سلسبيل 

_ههه لا متخافش هي عارفة اننا مع بعض ولأول مرة نخرج وان الليلة احتفالنا بكتب كتابنا فمش هتقول حاجة والا كانت هارياك اتصالات 

ضحك هيما 

_معاكي حق دا زمانا مكناش لسه خرجنا من باب الشقة وترن هي علينا 

فاكرة لما اتخطبنا كانت بتقعدلنا ازاي في كل مرة ولا يمكن تسيبنا نقعد مع بعض ثواني بس 

فلاش بااااك 

هيما كان قاعد مع سلسبيل 

هيما 

_ازيك يا سولي عاملة ايه النهاردة 

_ الحمد لله يا هيما انت اخبارك ايه واخبار شغلك ايه 

_ ماشي الحمد لله 

هنا جت جدة هيما الحجة فريدة وقالت وهي بتزمجر بحدة وماسكة العصاية بتاعتها 

_ قولت ايه ياد يا هيما سمعنى كدا قلت ايه

قالتها وهي بتضربه ع دماغه 

فصرخ هيما 

_ اااه يا جدتي دماغي انا عملت ايه بس 

وضربت سلسبيل ع دماغها هي كمان

_وانتي يا ختي فرحانة باللي قاله اوي 

سلبيل  _ خلاص يا جدتي اخر مرة والله 

الجدة_ قومي يا بت اعمليلي كوباية شاي 

سلبيل 

_ ما انا لسه عاملة ليكي كوباية ومودياها في اوضتك من شوية 

_ اه صح افتكرت قومي يا بت هاتيها ولا اقولك  تلاقيها بردت ...اعمليلي كوباية تانية سخنة وخليها مظبوطة ها 

سلسبيل

_حاضر يا جدتي هقوم اعملهالك حالا 

ولما مشيت سلسلبيل 

هيما قال بضيق 

_عاجبك كدا يا ست فوفا لما قيمتيها انتي كدا ارتحتي دا انا لسه مقعدتش معاها 

ضربته تاني ع راسه 

_تقعد معاها بتاع ايه يا ولا ها 

_خطيبها مثلا يا جدتي .. وارحميني بقا من عصايتك دي دماغي ورمت

_ واد يا هيما هتتعدل ولا ازعلك 

_ طب انا عملت ايه بس يا فوفا 

_ بتقولها سولي ليه ها بتدلعها يا ولا 

وضربته تاني ع دماغه بالعصاية 

هنا صرخ هيما بضيق 

_ اااه لا خفي ايدك شوية بالله عليكي يا جدتي دا انا لسه راجع من شغلي وتعبان 

_ لا صعبت عليا يا ولا قوم ادخل ريح اوضتك يا حبيبي

_ لا انا لسه عايز اقعد مع سلسبيل شوية 

رفعت عصايتها وقالت_ نعم سمعني كدا عايز ايه 

جري بسرعة وهرب من العصاية

__لا لا مش عايز اقعد معاها انا اللي غلطان يا جدتي وربنا انا داخل انام 

_ يكون احسن يا ولا روح نام 

هنا جت سلسبيل 

_ الشاي يا جدتي

جدتها 

_لا اشربيه انتي ولا اديه للواد هيما يشربه

هيما بغيظ 

_ اه ماهي طفشتك وبوظت العقدة علينا 

الجدة _بتقول حاجة يا هيما 

هيما 

_ لا ياجدتي مبقولش حاجة انا داخل انام 

سلسبيل

_ مش هتتعشى يا هيما دا انا مرضتش اتعشا الا لما ترجع 

هيما _ياريت نتعشى 

الجدة رفعت عصايتها 

_ واد يا هيما 

هيما دخل اوضته بغيظ 

_ سلسبيل ابقي خلي هدى تدخلي الاكل في اوضتي وامري لله 

ضحكت سلسبيل _ حاضر يا هيما معلش بقا 

هيما 

_ ربنا يصبرني 

❈-❈-❈

باااك 

ضحكت سلسبيل لما افتكرت اللي بتعمله الجدة وقالت 

_لان دا الصح يا هيما مش انت اللي علمتني دا 

_ايوة يا روح قلب هيما... منعت نفسي عن الحرام علشان عارف ومتأكد ان الحلال ليه طعم تاني خالص وبنكهة مميزة... في الخطوبة مكانش ينفع نتكلم ف اي كلام حب من دا ولا حتى بالنظرات ولما صونت قلبي وغضيت بصري... ربنا اكرمنا بالحب والسعادة اللي احنا فيها دلوقتي ولما خلاص بيقي حلالي اقدر ابوح ليكي بكل مكنونات قلبي 

_الحمد لله دائما وابدا يا هيما الحمد لله ...

اتنهد هيما براحة

_الصبر نهايته جبر الحمد لله ربنا يجبر بخاطرك يا حبيبتي

_ اللهم امين...هيما بقولك ايه 

_ايه 

_مابلاش تاكسي وناخدها مشي مش عايزة اروح دلوقتي خلينا نقضي الوقت مع بعض ونتمشى لحد البيت 

_ايوة بس المسافة مش قليلة اوعدك هفسحك كل يوم يا حبيبتي

_لا علشان خاطري خلينا نتمشى شوية يا هيما لحد البيت 

_ماشي اللي تشوفيه بس اوعديني اول ما تتعبي تقوليلي علشان اوقفلك تاكسي ومش عايزك تقولي اصل كنت بوفرلك يا هيما ها... مش النهاردة يا قلب هيما 

ضحكت وقالت 

_حاضر يا هيما 

_يحضرلك الخير يا حياتي 

ومشوا شوية فقالت سلسبيل

_هيما انت بتحبني بجد 

وقف مكانه وقال وهو بيبص في عيونها بعشق 

_انتي لسه بتسألي بحبك ولا لا بحبك قد عدد نجوم السما قد المجرات والكواكب قد الكون كله ها كدا كفاية ولا ايه طب اعمل ايه علشان اثبتلك حبي 

_حبيبي انا واثقة في حبك بس اوعدني انك متسبنيش يا هيما لأي سبب من الاسباب 

_سلسبيل انتي ليه بتقولي كدا اسيبك ليه هو انا ما صدقت فوزت بيكي علشان اسيبك 

ارتبكت سلسبيل وحاولت تنسى خوفها ورسايل التهديد اللي بتجيها وحضنت هيما جامد 

_بحبك يا كل دنيتي 

مسد ع جحابها بحنان وهو بيقول 

_حبيبتي مالك خايفة ليه كدا 

_خايفة تسيبني يا هيما 

_هسيبك ف حالة واحدة بس لو مت 

قالت بلهفة_ بعيد الشر عنك يا روحي 

_حبيبتي ممكن نقفل السيرة دي مش عارف انتي قلبتي نكد ليه ما كنا حلوين ولا هي هرومونات النكد اللي عندكم لازم تظهر كم ساعة ف اليوم 

ضحكت فهو ابتسم ومسك ايديها وكملوا مشي 

وفجأة لقوا واحد في وشهم باين عليه بلطجي وواقف قدامهم 

اترعبت سلسبيل فهيما مسك ايديها جامد وشدد عليها وهو بيقول _متخافيش 

وزعق 

_امشي يالا من هنا بدل ما اوريك شغلك 

البلطجي_ لا جامد ياض تعالى وريني شطارتك 

هيما وقف سلسبيل ف جنب وقال 

_خليكي هنا اما اربي الواد دا وارجعلك 

_هيما ارجوك تعالى نمشي وسيبك منه 

_مش هيسيبنا نمشي دا من قطاع الطرق وشكله مبرشم وحالته حالة فمش هياخد في ايدي غلوة 

_خايفة عليك 

_حبيبتي متخافش أبدا طول ما انا معاها 

وبالفعل اتعارك مع البلطي لحد ما نيمه في الارض وهو بيقول وهو بيلكمه 

_دي علشان تتعلم ازاي تتجرأ وتوقفنا في الطريق 

البلطجي بصراخ 

_خلاص خلاص حرمت يا بيه سيبني هموت ف ايدك 

ضربه هيما لوكامية تاني 

ونفض ايده وراح لسلسلبيل 

_سولي قلبي اتأخرت عليكي 

صقفت _وقالت بطلي انت يا هيما 

وفجأة جت عربيات سودا كتير ونزل منها ناس ملثمين كتير ومعاهم اسلحة سلاسل وعصيان وشوم 

قلب سلسبيل وقع ف رجليها وهيما كمان خاف من منظرهم لأنهم شكلهم مش مبشر أبدا 

فحب يأخد سلسبيل ويهرب لان المواجهة مش في صالحه والكترة تجلب الشجاعة 

لكنه لقاهم حاوطوه من كل مكان 

فزعق هيما وقال 

_انتوا مين وعايزين مننا ايه 

واحد منهم قال 

_الكوجر بيسلم عليك وباعتنا نعمل معاك الواجب 

هيما عينه برقت وقال بضيق وخوف مع بعض 

_الجوكر مين!! ودا عايز مني ايه دا ؟؟

ولما لقا الناس بتهاجمه فضل يقاتل فيهم بكل قوته وقدر انه يتغلب ع عدد كبير منهم ولما خلاص حس انه قد يتغلب عليهم  لقاهم اتكاتروا عليه ونزلوا فيه ضرب لحد ما وقع ع الارض 

سلسبيل صرخت باسمه 

_هيماااا 

وجت تقرب عليه 

زعق وقال 

_خليكي بعيد وف اي فرصة اهربي يا سليبيل دول مش بيهزروا 

اتنين من الرجالة مسكوا هيما من ايديه وواحد ثالت فضل يعطي هيما بالبوكس في وشه واحد ورا التاني لحد ما وش هيما بقا كله دم 

وسلبيل بتصرخ عليه 

_هيما لاااا كفايى بقا حرام عليكم هيموت ف ايديكم انتوا عايزين مننا ايه 

واحد منهم 

_عايزين نموتوا جايلنا امر بقتله قدام عنيكي يا حلوة 

سلسبيل ببكا_ لا حرام عليكم سيبهولي دا الحاجة الوحيدة الحلوة اللي ف حياتي هيما 

وحاولت تتحرك من مكانها علشان تروحله واحد منهم مسكها ة

فالدم فار في عروق هيما ازاي يمسك مراته 

فتحامل ع نفسه وقدر يتخلص من الاتنين اللي ماسكينه وهو بيقول 

_نزل ايدك بعيد عن مراتي يا حيوان 

صرخت سلسبيل 

_هيمااا  

فضل هيما يقاتل فيهم  لكنه للأسف مقدرش عليهم لحد ما وقع ف الارض جثة هامدة شبع ضرب ووشه مباش ليه اي ملامح خالص 

بعدت سليبيل ايد الراجل وجريت ع هيما وبركت ع الارض وشالت راسه ع رجليها وهي بتقول 

_لا هيما بالله عليك متسبنيش انت كويس رد عليا يا هيما .. هيما حبيبي متسبنيش انت وعدتني انك مش هتسبيني 

اتكلم هيما بضعف _مش هسيبك يا كل عمري 

جه واحد وشد سليبيل من دراعها بعنف وقفها 

والتاني مسك شعر هيما وقال 

_طلقها يالا حالا 

سلسبيل حطت أيدها ع بوءها 

_ايه لاااا .. هبما لااا اوعى تعملها هيماااا 

ضربه الراجل تاني 

فهيما قال بصوت ضعيف من الالم .. _لو عملت ايه مش هطلقها 

فضلوا يضربوا فيه تاني وسط صرخات ودموع سلسبيل ان حد ينجده بس للاسف هما كانوا ماشين في حتة خالية من البيوت جنب الاراضي الزراعية فمحدش يسمعها في الوقت المتاخر دا 

ولما خلاص هيما قطع النفس منهم وخلاص هغمى عليه 

طلعوا ورقة طلاق ومسكوا صابعه وبصموه وخلوه يبصم ع الورقة 

سلسبيل بعيط 

_لا متعملوش كدا حرام عليكم انا عايزة هيما مش عايزة اطلق منه انتم بتعملوا فينا ليه كدا 

الراجل ضحك وقال 

_كدا انتي اتطلقتي منه رسمي يا حلوة 

اما هيما كانت عينه هتطلع من الخوف ع سلسبيل ولسان حاله بيقول_ لا انا مطلقتش مراتي سليبيل مراتي مهما عملتم 

فشافهم وهما بيشدوا سلسبيل وبيركبوها العربية غصب عنها وسط صرخاتها وبكاؤها لحد ما واحد كمم بوقها وكتفها ودخلوا هما كمان وساقوا العربيات وبعدوا عن المكان 

هيما حاول يمد ايده علشان ينقذها لكنه مقدرش واغمي عليه في الحال