قراءة رواية عودة هيما كاملة

تنشر حصريًا على مدونة رواية وحكاية قبل أي منصة أخرى

قراءة رواية عودة هيما

من روايات وقصص 

الكاتبة أسماء عبد الهادي

الفصل الحادي عشر

عمران رجع البيت وش الفجر بتمطوح وكان طالع ع السلم علشان ينام وفي ايده بقايا سجارة كان بيشربها 

لسه هيطلع السلم سمع صوت اخوه

_انت يا زفت مش هتبطل القرف بتاع كل يوم دا 

عمران بص وراه لقاه زيدان 

فرفع ايده 

_ااه انت جيت.. اهلا.. سلامو عليكو انا طالع انام 

_خد هنا يا عمران انا كم مرة اقولك متسهرش لوقت متأخر كدا لأ وكمان سكران هي حصلت 

_في ايه يا ابني انت حد مسلطك عليا ولا كنت فاكرني بنت خايف عليا من الرجوع متأخر 

زيدان زعق _عمراااان اتعدل بدل ما اعدلك وانت عارفني 

_اااه ابتدينا بقا انت ايه اللي رجعك مش كنت روحت بلا رجعة وارتحنا 

مسكه من هدومه_ ولا انت الظاهر عايز تتأدب 

رفع عمران ايده وقال_ لا وع ايه انا هتكتم خالص اهو كدا مرتاح.. سيبني اطلع اناام مش قادر 

زقه اخوه _غور يلا من قدامي 

_وربنا كنت هغور وانت اتعرضت طريقي 

قعد زيدان بانزعاج 

فطلع عمران كم سلمة فكان هيقع 

فراح زيدان لعنده وسنده ودخله اوضته وقعده ع السرير 

عمران _ياااه مش متعود ع الحنية دي منك 

مسك زيدان دورق الماية وكبها على راس عمران اللي صرخ بفزع_ عااا ايه اللي انت عملته دا 

زيدان ابتسم بتسلية_ بفوقك سلام 

وسابه ومشي 

❈-❈-❈

مهران كلم المحامي _تعالى لي دلوقتي حالا يا متر 

_امرك يا مهران  بيه مسافه السكه وجاي لحضرتك

 وبعد شويه جه المحامي 

_تحت امرك يا مهران بيه انا جيت زي ما طلبت 

_اقعد يا متر ولا اقولك تعالى ع مكتبي 

وف المكتب 

مهران_ قولي هو فيه حد فتح وصية جدي غيري او حتى يعرف بيها 

_لا يا مهران بيه محدش فتحها والوصية المضروبة اللي عاملينها هي اللي موجودة والكل شايفها وعارفها 

مسك مهران دقنه بتفكير 

_غريبة اومال الزفت هيما دا عرف انه ظافر منين وازاي بقا غني كدا.. دا شكله راجع ومالي ايده جامد 

_معرفش يا باشا بس اللي اعرفه ان الوصية الحقيقية في الحفظ والصون ومحدش اتطلع عليها أبدا 

_تمام دا اهم حاجة ماشي يا متر اتفضل روح انت  

ولف بالكرسي الجنب التاني وقال_ واما انت يا هيما فطالما الوصية ف ايدي فأنا كدا ف امان واكيد هشوفلك سكة واطرقك من الطريق بس وماله خليك فرحان يومين بالقرشين اللي متأكد زيدان هو اللي جابهم ليك 

❈-❈-❈

في صباح يوم جديد 

غفران كانت بتفطر كالعادة لوحدها لكن المرة دي قررت تفطر في الحديقة كنوع من التغيير 

فسمعت صوت خلاها تبرق مش مصدقة انه موجود قدامها هنا 

زيدان قال ولهفة الحب باينة في عينه

_ياااه مكنتش اعرف انك وحشاني كدا رغم انك مش بتغيبي عن بالي ثواني ... واخيرا شفتك يا نور عيني 

شهقت وقالت بصدمة 

_زيدان بخربيتك انت بتعمل ايه هنا 

ضحك زيدان_ ايه مالك يا بنتي اتخضيتي ليه كدا كأنك شفتي عفريت 

_العن 

_بقا كدا 

_جاي ليه يا زيدان 

_علشان اشوف القمر وهو بيطل على سما قلبي 

_لا انت فاضي وبتقول أشعار كمان 

_وليه لا وانا شايف حب عمري قدامي ليه مقولش اشعار 

_زيدان من فضلك امشي 

قعدت زيدان ع الترابيزة وقال بكل أريحية 

_لا انا قاعد في بيت عمتي

وبص ع اكل غفران 

_ الله حماتي بتحبني انا لسه مفطرتش وهموت من الجوع 

تسلميلي يا بنت عمتي ع عزومة الفطار دي يااه قد ايه حاسة بيا يا حبي 

غفران بغيظ 

_زيداااان 

_عيون زيدان وقلبه وروحه وعقله 

_يووه زيدان مش هينفع كدا انا ماشية 

قام زيدان من مكانه بسرعة يلحقها 

_غفران استنى رايحة فين يا مجنونة 

_زيدان اسلوبك دا مش هينفع 

_خلاص انا اسف حقك عليا ها كدا مرضية 

ولسه مخلصش الكلمة الا لقا تالين بتجري عليه وبتقول بفرحة 

_واااو زيدان انت رجعت من امريكا امتا مش معقول بجد 

قالتها وجريت عليه حضنته وهي بتقول 

_مس يو سو ماتش يا زيدو ايام سو هابي

اتفاجىء كل من زيدان وغفران باللي عملته تالين 

غفران كشرت 

وزيدان رفع ايده لفوق وهو متنح 

ولما فاق من الصدمة بعدها بسرعة عنه وقال بغضب 

_انتي يا متخلفة في بنت محترمة تعمل اللي عملتيه دا ايه للدرجة دي الحياء والادب معدوم عندك 

قالت بعدم اهتمام 

_ايه يا زيدو حبيبي واحشني وبعبر ليه عن حبي فيها ايه بعدين انت ابن خالو يعني عادي 

مط زيدان شفته وبص لغفران_ عاجبك اللي بتعمله اختك دا 

تالين حطت أيدها ع وش زيدان علشان يبص ليها 

_زيدو سيبك من غفران وركز معايا انا انا هي حبيبتك وبس انت وحشتني اوي يا زيدان 

غفران متحملتش اللي بتشوفه قدامها لانها بتحبه وبتحاول متظهرش كدا 

فسابتهم ودخلت جوا 

اما زيدان لما شاف غفران مشيت زق تالين بعيد عنه 

_اوعي كدا يا باي عليكي 

_ايه يا زيدو في ايه مالك هو دا ترحيبك بيا 

_ترحيب دا انتي محتاجة قطم رقابتك بس لما افوقلك 

_وماله ضرب الحبيب زي اكل الزبيب مش هعترض ع اي حاجة تعملها بس المهم اكون جنبك 

_لااا انا مش هخلص انا ماشي 

_زيدو خدني معاك فسحنى 

زعق وقال 

_وربنا لو اتحركتي من مكانك انتي حرة انا مش فاضيلك 

في الوقت ده جاله اتصال فابتسم وقال 

_اهلا يا ظافر بيه صباح الفل 

ظافر قال بحدة 

_خمس دقايق وتكون عندي يا زيدان 

_انت نجدتني من السما جايلك حالا 

تالين شافته ماشي 

_زيدو انت رايح فين 

_مشوار مهم سلام 

_طب خدني معاك 

_بقولك مشوار مهم هي البعيدة مبتفهمش 

_يوووه 

مشي زيدان وسابها 

وركب عربينه ع فيلا ظافر اللي هي ف الأصل كانت الفيلا الرئيسيه للعيلة واللي كانت تخص الجد الأكبر ليهم 

ووصل لهناك لقا ظافر في انتظاره 

رحب بيه زيدان_ اهلا برجوعك لنسبك ومكانك الاصليين يا ظافر باشا 

اتنهد ظافر وقال بصرامة بقت معهودة عليه ف الفترة دي 

_اقعد عايزك 

_حاضر قعدت بس انا جعان مفطرتش البت الغتتة تالين مهنتنيش على فطار مع القمر 

بصله ظافر بحدة فاتنحنح زيدان_ اا احم اتفضل سامعك يا ظافر 

قام ظافر واداله بونية في وشه 

فصاح زيدان من الالم 

_اااه ايه يا ابني ف ايه ايدك تقيلة 

قال ظافر بشر ظهر في عيونه 

_بقا انت كنت عارف اللي عمله ريان مع الخاينه مراتي وساكت ومقلتليش 

بلع زيدان ريقه بخوف 

_يخربيت كدا انت عرفت 

مسكه من هدومه 

_مقلتليش ليه يا زيدان اول ما عرفت 

_هقولك ايه بس ..اللي بيحصل فيه حاجة غلط وكان لازم اعرفها قبل ما اقولك انا وانت عارفين ريان كويس 

_متجبليش سيرته 

_بلاش تتسرع ف الحكم عليه لما نعرف اسبابه 

قام ظافر وقف وقال 

_في ظرف اسبوع كل  شباب العيلة المهببة دي تكون عندي هنا ف الفيلا ومش هتهاون أبدا في اللي مش هيلبي الدعوة ويتأخر وميجيش 

فرح زيدان _ايوة كدا يا ظافر اخيرا هتحط حد لطيش الشباب دول زي ما طلبت منك 

قال ظافر بمكر 

_طبعا كل واحد هياخد حسابه اللي هيليق بيه جدا 

_تمام هبلغهم 

_الواد راكان كلمه ينزل مصر 

_متخافش هتلاقيه هنا من بكرة اول ما يعرف اني نزلت مصر 

ظافر ابتسم بتسلية_ اه كويس اهو يجي لقضاه 

_شكلك مش ناوي ع خير بس ايا كان اللي هتعمله انا موافق بيه طالما هتعدل حالهم 

بصله ظافر ومتكلمش .....

ونكمل الحلقة الجاية 

ظافر هيعمل ايه مع العيلة دي وازاي هيعيد تأهيل كل واحد فيها

عودة هيما

ظافر كان متأنق في  بدلته السودا الفحمية ورش برفانه النفاذ

ونزل من جناحه وهو بينادي ع عباس 

_عبااس انت يا زفت يا عباس 

جه عباس بسرعة وقال 

_تحت امرك يا ظافر بيه 

_انا خارج رايح مشوار مهم عينك ع الفيلا كويس وامن حراستها 

_حاضر يا باشا 

_وكمان متنساش تنزل تحت تعمل اللي قولتلك عليه 

ا_مرك يا باشا هعمله حالا 

_تمام قول للسواق يحضر العربية حالا 

_حاضر  يا باشا لحظات وتكون جاهزة لسعادتك 

هنا جت قدرية وقالت _صباح الخير يا ظافر بيه احضر لحضرتك الفطار 

_لا هفطر برا بس خلي البنات تفطر واللي مش هتفطر يا ويلها مني

_تمام يا باشا هبلغهم 

_اللي عباس يقولك عليه تعمليه تحت مفهوم 

_مفهوم يا باشا 

سابها ظافر وخرج برا 

لقا عباس والسواق واقفين عند العربية 

السواق فتح باب العربية_ اتفضل يا باشا 

عباس_ مع السلامة يا باشا ترجع بالسلامة 

ظافر من شباك العربية_ اعمل اللي قولتلك عليه مش عايز تهاون 

_امرك يا باشا 

"يا ترى ظافر رايح فين اكتبوا ف الكومنتات "

❈-❈-❈

طلعت قدرية للبنات اللي كانوا قاعدين في اوضة هدى.. ودا لان سما اول ما شافت اخوها مشي راحت لاختها تقعد معاها 

خبطت قدرية ودخلت 

_صباح الخير يا بنات 

هدى مالت ع سما 

_الست دي انا لما بشوفها مش بطمن مش بتنزلي من زور أبدا 

سما همست لها _وطي صوتك لتسمعك 

_طب بالله مش معايا حق 

ضحكت سما_ فعلا دي عاملة زي الشاويش عطية بالضبط

ضحكت هدى _صح تصدقي 

وسما كمان ضحكت فاتضايقت قدرية  وقالت بحدة

_قلت صباح الخير محدش رد 

البناات _احم صباح الخير 

قدرية _ظافر بيه موصيني ابلغكم انكم لازم تفطروا تحبوا تفطروا هنا ولا تحت 

سما بملل 

_لا تحت انا زهقت من الاوضة وعايزة اغير جو 

_اللي تشوفوه معنديش اوامر اني امنعكم من التجول ف الفيلا 

سما بمرح ت_مام اوي هننزل نفطر تحت 

قدرية_ اتفضلوا انزلوا وانا هبلغ الشغالات حالا تجهز الفطار

استعدت سما علشان تنزل فهدى قالت _ يا بنتي ننزل ليه كنا نخلينا هنا افضل

_ايه يا بنتي مزهقتيش خلينا ننزل تحت انا زهقت من الحبسة دي وهطق قريب لا بنشوف حد ولا بنكلم حد غير نفسنا دا حتى مفيش جامعة 

_ما احنا بنذاكر يا ختي اهو عايزة ايه _تاني يووه  يا هدى انا نازلة لو مش عايزة انتي حرة 

_لا استنى انا جاية معاكي 

❈-❈-❈

قدرية امرت الشغالات يحضروا الفطار للبنات ونزلت هي مع عباس للزنزانات علشان ينفذوا المطلوب 

دخلت هي عند سلسبيل وفي أيدها الشنطة السودا اللي عطاها ليها عباس

 سلبيل كانت قاعدة ع الارض بتعيط واول ما شافت قدرية افتكرتها وخافت منها جدا 

_ااا انتي جاية تعملي ايه تاني... والله انا معملتش حاجة سيبيني في حالي وخرجوني من هنا بقا حرام عليكم 

قدرية بملل 

_حد قالك قبل كدا انك مزعجة ومملة 

سلسبيل _بالله عليكي انتي معندكيش اخوات بنات سيبيني بقا انا بموت من وجع الضرب بتاع امبارح 

_متخافيش يا حلوة جايبة ليكي العلاج شوية مسكنات ومقويات شوفتي الباشا مهتم بيكي ازاي 

بلعت سلسبيل ريقها بخوف 

_ااا انتي بتهرجي صح انتي جاية تضربيني تاني 

_مش مصدقاني طب شوفي بنفسك واقري المكتوب عليها 

دا فعلا مسكنات و روجعت قالت بفرحة انتوا هتسيبوني امشي من هنا صح 

_لسه بدري ع دا لسه الباشا مأمرش 

_طب انا عايزة اقابله عايزة اقابل الجوكر بالله عليكي خليه يوافق اكلمه 

_جوكر!! جوكر مين 

_اا مهران مهران بيه اللي مشغلك 

بصت لها قدرية وهزت كتفها 

_مش فاهمة حاجة من اللي بتقوليه .. المهم افتحي بوءك واشربي دا علشان تفطري يا حلوة 

قالتها قدرية بخبث لان اللي منتظرها بعد الفطار اصعب 

سلسبيل كانت جعانة فعلا وتعبانة فأكلت بسرعة وقعدت ترتاح 

كل دا تحت مراقبة قدرية ليها 

❈-❈-❈

اما عند ريان اول ما عباس دخل الاوضة ريان اتهجم عليه وكان هيضربه 

_تعاللالي هنا وربنا ما سايبك 

 لكن عباس منعه وقال باستهزاء 

_وفر مجهوداتك دي يا باشا لسه هتحتاجها قدام 

_افتح الباب دا خليني امشي من هنا حالا 

_قلتلك لما الباشا يؤمر بدا هتفهم امتا خد امسك المسكن دا يسكن المك شوية 

رماه ريان بعيد _مش اخد حاجة افتح الباب دا اخلص 

هز عباس دماغه _مفيش فايدة فيك دماغك ناشفة وهتتعبني ... طب افطر الأكل اهو 

_قلت مش عايز زفت منكم ومشوني من هنا حالا 

_اسمع الكلام وكل وخد المسكن بتاعك بدل ما تروح فيها مش هتتحمل اللي جاي 

مسمعش ريان كلامه وجه يتهجم على عباس تاني علشان يخليه يمشي من هنا 

عباس قدر يتصدى لريان ودا لان ريان ضعيف وبيتألم من الضرب اللي اخده امبارح 

عباس _انت اللي خسران كنت خد المسكن وافطر علشان تقدر تقاوم _اقاوم ايه انا مش هقعد هنا ثانية واحدة 

عباس_ انت حر اعمل ايه لدماغك الناشفة دي وجاب الكرباج زي امبارح ونزل فيه ضرب المرة دي ريان متحملش من الألم وفضل يصرخ 

❈-❈-❈

 نزلت هدى مع سما_  اهو يا ستي هنفطر فين 

_ايه مالك مش متحمسة ليه 

_بصراحة الفيلا دي لما بشوفها قلبي بينقبض بحس فيها بالكئابة والخوف وعدم الامان... بعكس بيتنا القديم كان كله حياة وامان وراحة الله يرحمك يا تيتا كانت لحياتنا حياة ومخلياها ليها طعم تاني 

سما 

_الله يرحمها يارب وحشتنى اوي ووجدها هنا كان هيفرق معانا اوي 

فجأة سمعت هدى صوت غريب 

_سما سمعتي الصوت اللي سمعته 

_صوت ايه 

_مش عارفة حسيت اني سمعت صوت كدا 

_ايه الفيلا دي مسكونة ولا ايه اشباح ولا ايه 

تلاقيها مسكونة علشان كدا هيما قدر يشتريها برخص التراااب يامااااا 

ضحكت هدى عليها _بتقولي ايه يا مجنونة دي الاشباح تخاف منك فاركزي كدا وبطلي هبك دا 

_ليه يا ختي دا قمر ١٤ فشرتي انا طعمة وزي العسل 

ضحكت هدى اكتر_ انجزي يا بت انتي انتي الظاهر مزاجك رايق هناكل فين 

_مم تعالي نجرب ناكل ف الجنينة زي اولاد الزوات اللي بنشوفهم ف التلفزيون 

لوت هدى بوءها 

فزقتها سما _يلا اتحركي يا بنتي مبلمة ليه 

وبالفعل راحت البنات الحديقة وقعدوا ع ترابيزة وجت الشغالات وحطت ليهم الاكل وبدأو يفطروا 

❈-❈-❈

اما عند سلسبيل اول ما سمعت صوت ريان بيصرخ خافت وسابت الاكل وقالت 

_ااا دا صوت ريان بيصرخ ليه انتوا جبتوه هو كمان هنا وبينضرب!!! 

قدرية _خلصتي اكلك 

_ردي ع سؤالي 

_اه يا حلوة بياخد اصطباحيته زي ما انتي هتاخديها حالا دلوقتي.. الباشا موصينا نعطيكم المسكن والأكل علشان تقدروا ع العقاب بتاع النهاردة 

قالتها قدرية وطلعت الكرباج هي كمان وبدأت تضرب سلسبيل اللي فضلت تصرخ من الألم 

سمعها ريان هو كمان 

فقال بخوف 

_هي سلسبيل هنا هي كمان بتعملوا فيها ايه .. اااه .. بتعملوا فينا  ليه كل دا.. اااه كفاية بقا اااه 

❈-❈-❈

هدى سمعت الصوت تاني فقلبها انتفض

_سما انا سمعت الصوت تاني 

قامت سما مم مكانها بخوف واستخبت ورا هدى 

_ااا ايه تاني بقولك ايه انا بترعب من خيالي مش ناقصة اشباح هي كفاية اخوكي اللي بقت نظرته بترعبني يكونش الاشباح اللي عملت فيه كدا وغيرته هي الاشباح انا متأكدة عااااا يا مااااامااا 

هدى مسكت ايديها وقالت وهي بتمشي ورا مصدر الصوت 

_اشش اهدى كدا ومتبقيش جبانة وقلبك ضعيف وتعالي معايا 

_رايحة فين تعالي هنا 

_الصوت جاي من هنا تعالي اشوف صوت ايه دا 

ولما مشيت شوية الصوت بدأ يوضح اكتر فاترعبت هدى 

_سما الحقي دا صوت حد بيصرخ وبيستغيث هو احنا جنبنا هنا مستشفى امراض عقلية ودي اصوات المرضى ولا ايه 

سما حطت أيدها ع شعرها وقالت _ياختااي دا انا اللي هتحول لمستشفي الأمراض العقلية قريب هو ايه اللي بيحصل ومين اللي بيصرخ دا هدى أنا خفت بجد 

_طب تعالي نقرب اكتر... دي اصوات ناس بتصرخ فعلا انا متأكدة والصوت كمان مش غريب عليا 

_نقرب فين لا انا رايحة اوضتي مش هقدر اتحمل الرعب دا 

هدى شدتها من أيدها _لا تروحي فين انتي هتيجي معايا اخاف اروح لوحدي 

_ايه مش كنتي عاملة فيها شجيع السيما روحي لوحدك

_سما متهزريش وتعالي بقا يلا نشوف فيه ايه 

وبالفعل اتحركوا لمصدر الصوت فلفوا عند الحديقة الخلفية للفيلا والصوت وضح اكتر واكتر 

فلقوا بوابة حديد 

هدى_ الصوت جاي من هنا تعالي ندخل 

_ندخل فين يا هدى انتي بتهرجي احنا ازاي نروح مكان منعرفوش 

_يا بنتي دا جزء من الفيلا يعني اكيد هيما يعرف بيه طالما من ضمن ممتلكاته 

_هدى انا خايفة 

_جمدى قلبك بس هي البوابة دي بتتفتح ازاي

حاولت البنات تفتحها لحد ما اتفتحت لان مكانش عليها اي قفل

هدى_ كويس اتفتحت يلا ندخل

سما _والله انا حاسة ان نهايتنا ع ايدك هيما لو عرف مش هيعديها لينا 

_يووه بقا يا سما اتحركي وانتي ساكتة 

ف الوقت دا 

حارس زنزانة سلسبيل انتهز فرصة وجود قدرية جوة عند سلسبيل وراح بسرعة يدخل بيت الراحة وياكله لقمه ع السريع 

وصلت البنات لمكان زنزانة سلسبيل هدى قالت 

_الصوت جاي من هنا تعالي نشوف مين دا دي تقريبا بنت بتنضرب وبتتألم جامد 

فتحت هدى الباب الصغير اللي موجود ف الباب فاتصدمت باللي شافته وحطت أيدها ع بوءها 

_لا مش معقول مش معقول 

سما برعب_ ايه شفتي ايه زومبي او وحش بيأكل ف البنت مش كدا 

هدى بصت تاني فشافت قدرية جاية عليهم تخرج 

فشدت سما واستخبوا بعيد ورا الحيطة 

_اشش تعالي ورايا بسرعة ومتعمليش اي نفس 

سما بهمس_ ايه فهميني شفتي ايه 

_اشش اسكتي قدرية تسمعنا استنى لما تمشي 

قدرية خلصت مهمتها وخرجت فملقتش الحارس فقال 

_هو راح فين دا دي وقعته هباب من الباشا 

قفلت الباب بالخشبة ومقفلتش بالقفل وراحت تدور عليه 

انتهزت هدى الفرصة وشدت سما وقربت من الباب وفتحته بسرعة وقفلت تاني وراها 

سما برعب_ يخربيتك انتي بتدخلينا للوحش وبتقفلي علينا كمان عاااا

هدى مكانتش مصدقة اللي شايفاها قدامها ووقفت مبلمة 

اما سما اول ما بصت قدامها شقهت من المنظر اللي هي شايفاه قدامها 

_هيييء سلسبيل يخربيت كدا انتي اللي كنتي بتنضربي وبتصرخي عااا لا سلسبيل اخيرا لقيناكي سلسبيل مين اللي عمل فيكي كدا 

جريت عليها سما بسرعة واتحركت هدى من مكانها هي كمان 

سلسبيل لما شافتهم فرحت وسط الامها المبرحة وقالت بوهن _سما وهدى وحشتوني اوي 

وعيطت جامد 

البنات حضنوها وعيطوا هما كمان هدى _سلسبيل مين اللي عمل فيكي كدا منهم لله ليه كدا

سما_ قدرية اللي كانت بتضربك طب ليه 

سلسبيل_ قدرية مين انا نفسي اعرف مين اللي جابني هنا انقذوني منهم يا بنات بالله عليكم 

سما_ قدرية دي رئيسة الخدم ف الفيلا هنا متخافيش مش هنسيبك طبعا دا هيما هيفرح اوي لما يشوفك  

سلسبيل بفرحة 

_هو هو هيما معاكم هنا هو فين انا هموت واشوفه وحشني فوق ما تتصوروا 

هدى _بعدم فهم 

انا مش فاهمة حاجة طالما انتي هنا وقدرية تعرف دا يبقى اكيد هيما يعرف بوجودك هو كمان لانه مبقاش حاجة تفوته الايام دي حاجة غريبة 

بلعت سلسبيل ريقها وقالت بخوف 

_ايه هيما يعرف اني هنا لا مش معقول يا نهار اسود هيما لااااا 

سم_ا سلسبيل في ايه فهمينا انتي خفتي ليه كدا من هيما دا كان قالب عليكي الدنيا وهيموت علشانك 

سلسبيل عيطت اكتر بحرقة

_اااا اه يا هيما ااا انا كدا بدأت افهم ايه اللي بيحصل هيما عرف مكاني انا وريان وبيعاقبنا ع اللي عملناه لان استحالة يكون الجوكر اللي بيعمل فينا دا واحنا سمعنا كل اللي طلبه .. هو هيما انا متأكدة وبينتقم مننا 

هدى بخوف ع ريان 

_هو ريان هنا هو كمان يبقى اكيد دا الصوت التاني اللي سمعناه

سما _انتوا عملتوا ايه خليتم هيما ينتقم منكم ويعاقبكم كدا انا مش فاهمة حاجة 

هنا ظهرلهم ظافر من وراهم اللي جه من غير ما يعرفوا جه امتا وازاي 

وقال وهو حاطط ايده في جيبه 

_قوليلهم ليه بنتقم منكم اتحملي احكيلهم اللي عملتيه 

الكل شهق ف نفس واحد 

_البنات ظافر 

وسلسبيل قالت برعب وخوف وفرحة في نفس الوقت _هيماااا 

يا ترى هيما هيعمل ايه تاني ف سلسبيل وايه هيكون عقابه لاخواته البنات ع دخولهم مكان محظور زي دا 

منتظركم احداث مشوقة