قراءة رواية عودة هيما كاملة

تنشر حصريًا على مدونة رواية وحكاية قبل أي منصة أخرى

قراءة رواية عودة هيما

من روايات وقصص 

الكاتبة أسماء عبد الهادي

الفصل السابع

كان لابس بدلة قاتمة زي سواد قلبه في اللحظة دي 

نزل من عربيته بورشا كايين اللي سعرها تقريبا ٦مليون جنيه 

بعد ما فتحله السواق الباب بإيدين مرتعشة وقال لخوف ظهر ع نبرة صوته 

_ااا اتفضل يا سعات الباشا

شاورله ظافر بعينه انه يتحرك من قدامه 

فبسرعة اخد السواق جنب

واتحرك ظافر لناحية فيلته الفخمة اللي اشبه بقصر

جري الخدم بسرعة ووقفوا صفين من الناحيتين وحيوا سيدهم 

_نورت مكانك يا باشا 

شاور ظافر بعينه لكبير الخدم 

فجري بسرعة وفتح باب المكتب ليه علشان يدخل وهو بيقول 

_اا اتفصل يا باشا 

فتح ظافر دراعاته 

فبسرعة الخادم خلعه الجاكيت بتاعه وعلقه مكانه وقال 

_اا تحب اجيب لحضرتك القهوة بتاعتك يا باشا!! 

اتكلم ظافر بصوته الحاد الصارم 

_ هات القهوة وناديلي عباس حالا 

 الخادم _اا تحت امرك يا باشا 

مسك ظافر صورة في ايده وبعدين ظهر على ملامحه غضب مميت وطبق الصورة بين قبضته بقوة

وافتكر 

فلاش باااك 

هنروح عند ريان وسلسبيل 

الصبح فاق ريان من نومه 

لقى نفسه نايم ع السرير وسلسبيل برا قاعدة ع الكنبة  ف الهول في الجناح  بتاعهم 

بص ف الساعة 

_ياااه انا نمت كل دا وجيت هنا ازاي وازاي نمت ف سرير سلسبيل 

قام من ع السرير وهو حاسس بان جسمه كله مكسر وراح عندها وقال بوهن

_سلسبيل صباح الخير 

ردت هي بهدوء شديد 

_صباح النور يا ريان 

_ايه سيبتبني نايم لحد دلوقتي ليه مصحتينيش.. وانا ليه نايم في سريرك وانتي نمتي فين!! 

سلسبيل غمضت عنيها وقالت ببكا رغم انها كانت بتبكي طول الليل  

_انا منمتش اصلا 

قال باعتذار _اسف اني اخدت مكانك بس والله معرفش انا نمت ازاي ولا جيت الفيلا ازاي مش فاكر 

ردت بهدوء 

_مفيش مشكلة عادي 

لاحظ حزنها وتورم عنيها لما أخيرا فاق من أثر النوم واتكلم بجدية 

_اا سلسبيل انتي كنتي بتعيطي هو فيه حاجة حصلت!! مهران عملك حاجة؟؟ 

هنا مقدرش سلسبيل انها تمسك دموعها ودخلت ع اوضتها وقعدت ع الكرسي وعيطت 

راح وراها ريان وقال بخوف حقيقي _سلسبيل انطقي قولي مهران عملك ايه 

بصتله هي بوجع 

_سيبك انت من اللي عمله مهران وقولي احنا  ايه اللي عملناه  في هيما دا... ولسه بنعمله أنا مش قادرة اتخيل اني السبب ف وجعه يا ريان مش قادرة 

قالتها وفضلت تعيط 

اتهز ريان ف مكان ولما رجله متحملتوش قعد ع طرف السرير وحط دماغه ما بين إيديه وفضل يبكي بحزن هو كمان وقال بأسى ع صاحبه 

_هيما سامحني

هزت سلسبيل راسها بحدة وقالت 

_هيما لو عرف عمره ما هيسامحنا يا ريان واحنا نستاهل كل اللي يجرالنا والله ما هلومه أبدا مش هلومه... هو بس يقوم بالسلامة ويقف ع رجليه من تاني ودا اللي اتمناه 

ضحك ريان بقهر 

_وتفتكري مهران هيسيبه في حاله حتى لو وقف ع رجليه 

قالت بدموع _المهم يقف ع رجليه يا ريان .. هيما مش ضعيف ولو وقف ع رجليه هيقدر يتصدى لمهران انا متأكدة المهم ساعده يا ريان بالله عليك علشان يقف ع رجليه بالله عليك اجحزله في أحسن مركز علشان يعمل العملية بأقصى سرعة التأخير مش ف صالحه 

ريان قام وقف وقال بتصميم 

_هعمل دا 

دخل ريان الحمام واخد شاور وغير هدومه وهندم نفسه واستعد علشان يخرج ولما راح يبص ع سلسبيل لقاها قاعدة زي ما هي فقال 

_انا خارج  ومش راجع الا بالليل فنامي براحتك وقبل ما ارجع هكلمك علشان تعملي حسابك وتلبسي حجابك .. مش عايز اشوفك من غيره يا سلسبيل 

ضحكت سلسبيل بقهر 

_مهران حكم عليا ملبسوش فهتفرق بإيه لما البسه قدامك واقعله قدام اخوك قولي هتفرق في إيه 

بلع ريان غصة مريرة وقفت ف زوره 

وبصلها بأسى ومشي وهي رجعت تاني لباكها بس ع سريرها لحد ما تعبت ونامت او بالأحرى اغمى عليها من وجع قلبها ع حبيبها هيما 

❈-❈-❈

عمران كان قاعد مع وليد صاحبه فجت واحدة صاحبته وانضمت ليهم 

فقال عمران بحماس 

_ها عملتي ايه هتيجي؟؟ 

_لا للأسف هي مش موافقة 

ضرب عمران بإيده ع الترابيزة 

_ليه بقا ان شاء الله 

_بتقول انها عمرها ما راحت الأماكن دي او حضرت اي حفلة من الحفلات دي فمش هتقدر تيجي 

عمران بضيق_ اه هيا كانت تتطول اصلا دي شكلها بنت جربوعة محاولتيش معاها كتير ليه واقنعتيها 

_حاولت كتير جدا وحتى اقنعت صاحبتها خديجة ووافقت لكن سما رفضت رفض تام انها تنضم لينا او حتى تحضر البارتي او تشارك معانا ف اي نشاط 

عمران بغيظ 

_وبعدين بقا البت دي مش عارف الاقيلها سكة ... كنت عايزها تنضم ليكم وهناك هقدر اخدرها واعمل اللي انا عايزه 

بصي اسمعي حاولي تعطيها اي حاجة او تشربيها اي عصير

_متحاولش يا عمران البنت دي حريصة جدا ومش بتأكل اي حاجة من اي حد ولا حتى بتأكل من الجامعة هنا .. بتجيب اكلها معاها 

ضحك عمران بتريقة_ اه تلاقيها معهاش فلوس اصلا تشتري الاكل هنا 

البنت_ انا عملت اللي عليا ونفذت اللي قلته.. همشي انا بقا سلام 

_لا استنى  عايزك 

_خير هتعمل البارتي فعلا انا مستعدة احضره 

فكر عمران شوية وقال 

_من ناحية التحفيل فأحنا هنحفل بصي اسمعي هتعملي ايه 

 قالت بخضة _ايه؟؟ 

_يلا نفذي ولما تخلصي اديني خبر وانا هاجي علطول 

قالها وابتسم بخبث 

فقالت_ طيب ماشي 

وليد بانزعاج _يا بني هتفشل زي كل خططك معاها فكك منها وشوف غيرها 

عمران بشر _لا بعينها انا وراها وراها 

❈-❈-❈

نزلت من الميكروباص وداخلة ع الجامعة فلقت حد بينادي عليها 

ودا كان ريان اللي واقف جنب عربيته وساند عليها بهم بيحاول يخفيه 

_هدى 

اتجاهلت هدى اللي بينادي عليها ومكانتش عارفة مين اصلا اللي بينادي 

فكرر نداؤه ليها تاني

_انسة هدى 

هدى قدرت تتعرف ع صوته فلفت وشها 

وصتله بضيق وانزعاج 

واتوجهت ناحيته 

_استاذ ريان انت اتجننت ايه اللي بتعمله دا ميصحش 

استغرب كلامها _ايه يا بنتي فيه ايه انا عملت ايه بس 

قالت بضيق_ ينفع تنادي عليا بالشكل دا وباسمي وفي وسط الطلبة

قال بعدم فهم_ وفيها ايه... ايه المشكلة 

بصتله بحنق وهي بتمشي 

_لا فعلا مفيش اي مشكلة خالص عن اذن حضرتك 

اتحرك من مكانه وقف قدامها 

_هدى استنى بس والله انا اسف ع اللي عملته مكنتش اقصد اسببلك ازعاج أبدا

قالت بهدوء وهي بتحاول تتخطاه علشان تكمل طريقها 

_ماشي حصل خير 

مشي ناحيتها تاني وقال 

_طب بس استنى يا هدى عايزك 

_خير يا استاذ ريان مش هينفع وقفتنا كدا ف الشارع 

_ااا طب تحبي نقعد ف اي مكان هادي نتكلم 

_نعم استاذ ريان والله انا مش فاضية ولا فايقة ليك 

_هدى ف ايه مالك متضايقة ليه انا عايز اتكلم معاكي 

_لو بخصوص اخويا هيما فتقدر تتصل بيه او تروحله البيت... ولو اي كلام تاني اسفة معنديش اي استعداد اني اسمعه عن اذن حضرتك 

ريان قال في نفسه باعجاب_ والله برافو عليك يا هيما ونعمه التربيه ياريت اختي نورين تكون بربع تربيتك يا هدى بجد

 فاق من  شروده لقا هدى مشيت في طريقها وسابته هجري بسرعه وحصلها وقال _هدى استني بجد عايزه اكلمك في موضوع مهم قوي وبخصوص هيما

 وقفت وقالت _قلت لحضرتك تقدر تتصل بيه او تروحله البيت

_ استني بس يا هدى انا اتحايلت على هيما كتير انه يروح المركز اللي حجزت له فيه ويعمل العمليه علشان رجليه لكن هو رافض ومش عارف ليه مصر  على الرفض ده

هدى قالت بهدوء_ اخويا هيما عنده عزه نفس كبيره قوي وما اظنش هيوافق ياخد مبلغ كبير زي ده منك حتى لو كنت صاحب عمره فللاسف احنا هنستنى دورنا في المركز الحكومي

_ما ينفعش يا هدى.. هيما ما ينفعش استنى اكتر من كده هيما لازم يعمل عمليته ويقف على رجليه تاني

 اتنهدت هدى بحزن على اخوها وقالت _يا ريت يا ريت ابيه هيما يرجع يقف تاني على رجليه كلنا بنتمنى ده بس نعمل ايه الحمد لله على كل حال 

_بايدينا ان احنا نقنعه انه يسمع الكلام ويعملها في المركز اللي حجزت له فيها 

_ونقنعه ازاي بالكلام ده

_ دي مهمتك بقى انت واختك سما حاولوا تقنعوه ودخلوا بقى حوار انه لازم يقف على رجليه عشان يلاقي سلسبيل ويرجعها تاني وكمان انه هو المسؤول الأول والاخير  عنكم والمصاريف كثير وهتصرفوا منين والكلام دا 

اتراجعت هدى لورا _لا طبعا مقدرش اقوله كدا 

_ليه بس 

_اولا مش هينفع احسس هيما بالعجز وانه مقصر ف حقنا والحمد لله مستورة وادينا عايشين ربنا مش بينسى حد معاش تيتا وبابا الله يرحمه مكفينا ثانيا بقى احنا مش عايزين هيما يقوم ويقف ع رجليه علشانا احنا وانما عايزينه يقوم علشان مستقبله هو هيما عندنا مش مجرد حد بيصرف علينا ومتكفل بمصاريفنا هيما اخونا دا حياة لحياتنا ...من غيره منقدرش نعيش ربنا يباركلنا في عمره لا عمرنا هنلاقي اخ ف طيبة قلبه ولا حنانه ولا اهتمامه بينا أبدا.. هيما دا الحاجة الحلوة اللي في حياتنا و اللي طلعنا بيها من الدنيا... وبالنسبة لموضوع العملية لو هو رافض مساعدتك مقدرش اعارضه وان شاء الله يعملها بإذن الله لما ربنا يريد ٠

جايز لسه ربنا مأردش عن اذنك يا استاذ ريان انا اتأخرت ع محاضرتي 

وسابته ومشيت وريان فضل واقف مكانه شارد ف كلامها وحزين ع حالهم وحاسس انه متقيد مش عارف يعمل ايه

فضل واقف شوية عند العرببة وبعدين قال_ انا لازم اكلمه هو اللي هيعرف يتصرف او ع الاقل يقنعه 

قالها ودخل جوة عربيته وطلع موبايله وكلمه 

فرد زيدان اللي كان في شركته كالعادة وقال بسخرية 

_ ايوة يا عريس ايه خلاص اتجوزت مرات صاحبك انت كدا راضي مبسوط اوي لما سمعت كلام مهران وبقيت دراعه اليمين 

ريان بضيق_انت عرفت انت كمان الظاهر مفيش حاجة بتستخبى ف البلد دي 

زيدان بغموض  _فعلا مفيش حاجة بستخبى ومصير هيما يعرفك وساعتها مش هيرحمك 

قال ريان بهم _سيبك من دا الوقتي يا زيدان واسمعنى 

_عايز ايه... هتقولي ارجع مصر انت كمان 

_زيدان... هيما لازم يعمل العملية مش هينفع نسيبه كدا 

_ايه خايف عليه اوي اما امرك عجيب صحيح يقتل القتيل ويمشي ف جنازته 

_زيدان انا بتكتلم جد 

_وانا كمان مش بهزر وانت دلوقتي اخر واحد يفكر ف مصلحة هيما 

_زيدان هيما مسؤل ف رقبته اخواته البنات وجدته لو فضل كدا مين هيصرف  عليهم

_رغم اني مستغرب موقفك ... بس معاك حق انا متضايق علشانه وعلشانهم فعلا ...بس جايز كدا افضل ليه... هيما لو وقف ع رجليه تاني مهران مش هيرحمه خليه كدا جايز عجزه دا يرحمه من اللي بيعمله فيه مهران واللي لسه هيعمله 

_لا  اتصرف يا زيدان 

_ هعمل اللي اقدر عليه... روح انت لعروستك اللي هي مرات صاحبك.. لحد الآن انا مش بالعها ابدا ولا مصدق اللي عملته 

ريان توه ف الموضوع_ اقفل يا زيدان اقفل سلام 

❈-❈-❈

ريان رجع الفيلا فقابله مهران ببوكس ف وشه

_انت يا غبي ايه اللي عملته دا 

شهقت نورين_ هييء مهران ليه بتضرب اخوك كدا 

مهران زعق ف نورين 

_اطلعي ع اوضتك يا نورين او شوفي انتي رايحة فين 

نورين كانت لابسة ومستعدة تخرج  فقالت_ لا انا كنت خارجة اصلا 

 مهران بحدة _طب يلا شوفي طريقك وملكيش دعوة 

 نورين_ مهران بس ريان حرام ليه تضربه 

مهران زعق _نورين امشي يلا مش عايز ازعلك 

نورين_ اوك مهران انا همشي سوري ريان معلش 

ريان قعد بارهاق ع الكنبة 

فاخوه مسكه من هدومه 

_قوم يا حيلتهم 

ريان_ ايه يا مهران فيه ايه 

_ولا انت هتسوق فيها 

_عايز ايه يا مهران عملت ايه انا

_ولا ايه اللي خلاك تساعد هيما ف انه يعمل العملية 

بلع ريان ريقه وبصل لأخوه 

_ها ااا 

ضربه مهران بوكس تاني _عايزه يقوم يقف ع رجليه من تاني يا حيلتهم؟؟ وتبوظ كل اللي بعمله ورايح زي الشاطر تحجزله ف المركز 

_ااا علشان خاطر اخواته يا مهران بعدين ببعد سلسبيل عنه هيفضل مكسور 

_مش كفاية لازم يكون مسكور فعلا

ريان بحزن _واهو هيفضل كدا ...هو اصلا مش موافق انه يروح المركز اللي حجزتله فيه 

مسكه مهران من هدومه وقفه قدامه 

_ولا اياك تتصرف من دماغك تاني ومتعملش خطوة الا لما اقولك انا عليها لأندمك ها 

_ماشي يا مهران 

_اتصل الغي الحجز دا فورا 

_ماشي هبقى اتصل بعدين 

_ريان قلتلك حالا متعصبنيش 

بصله ريان بانزعاج 

وكلم المركز فعلا ولغى الحجز 

_انا اسف جدا واكيد هعوض تمن الحجز دا 

_لا لا يا فندم مفيش اي مشكلة احنا تحت امر حضرتك ف اي وقت 

ريان بص لاخوه

 _عملت اللي قلت عليه 

مهران بصله شوية ومشي وسابه وبعدين كلم هارون 

_هارون 

_ايوة يا جوكر تحت امرك 

_هارون تعالى عايزك 

_فين يا باشا 

_في البار عايز اروق مزاجي 

_وماله نروقهولك يا باشا جايلك حالا 

❈-❈-❈

في سكشن الاناتومي لمادة التشريح الخاصة بصيدلة 

وبعد ما خلاص خلصوا السكشن والمعيد هيمشي  

قامت بنت وقفت وقال 

_عاااا الانسيال بتاعي راح فين انا مش لاقياه ماما هتولع فيا 

المعيد 

_طب استنوا لحظة يا شباب لما نشوف حكاية زميلتكم دي خير يا انسة الانسيال وقع من ايدك ولا ايه 

_لا يا دكتور هو اتقطع مني ف اول السكشن فأنا حطيته ف شنطتي وبنعدين بحط حاجتي ف الشنطة ملقتوش 

_طب دوري اكيد وقع منك ع الارض 

_دورت يا دكتور قلبت المكان حوليا مش لاقياه والمشكلة انه ملوش اثر وانا متحركتش من مكاني يا دكتور هيكون راح فين دا ماما لسه شارياهولي ولو ضاع هتولع فيا 

وفضلت البنت تعيط 

الدكتور والطلبة حاولوا يهدوها 

_طب اهدي هتلاقيه هندور كلنا عليه 

الكل دور حتى سما كانت بتدور معاهم لانها صعبت عليها اوي 

واحدة من البنات 

_اهدي يا ميرا هنلاقيه 

جت بنت تانية وقالت _يا دكتور ملوش اثر يبقة اكيد حد من اللي ف السكشن اللي اخده  ماهي بتقول مخرجتش بيه ولسه حطاه ف شنطنتها من اول السكشن 

المعيد اتضايق 

_مينفعش نتهم زمايلنا بالشكل دا دي اهانة انا لا اسمح بيها ليكم انتم دكاترة محترمين ومحترمات 

البنت_ يا دكتور مش قصدي والله بس ممكن يكون حد اخده وحب يعمل مقلب ف ميرا او حاجة بس حرام البنت منهارة وخايفة من مامتها ومش صح أبدا اللي عملته دا 

المعيد قال بحزم 

_البنت اللي اخدت انسيال ميرا تتفضل ترجعه حالا مفيش خروج من هنا الا لما الانسيال يرجع مفهوم 

بعض الشباب_ يا دكتور مشفناهوش وملناش دعوة انت هتحبسنا هنا 

 المعيد_ ايوة لو حصلت هحبسكم هنا ومحدش هيمشي الا لما البنت تلاقي اللي ضايع منها 

بنت بخبث 

_دكتور اتفضل شنطتي اهي فتشها 

وواحدة تانية والظاهر انها متفقة مع الاولى _وانا شنطتي اهي يا دكتور 

المعيد قال_ كل واحدة تقرب مني هنا بشنطتها ومعلش انا اسف ميرا هتشوف الشنط 

والولاد انا هفتشهم بنفسي 

والبنات كل واحدة هتفتش اللي جنبها معلش بس.. بعد ما نشوف الشنط.. انا مش مخونكم ولا حاجة بس متأكد انه مقلب سخيف وهيتعاقب اللي عمله اشد عقاب بسبب المهزلة اللي بتحصل دلوقتي 

بدأت ميرا تفتش الشنط البنات قدام المعيد 

لحد ما جه الدور ع شنطة سما 

ولسه ميرا بتحط ايدها ف الشنطة لقت الانسيال بتاعها 

_اهو انسيالي لقيت الانسيال الحمد لله اخيرا رجعلي ماما مش هتبهدلني 

سما فتحت بوؤها بصدمة كبيرة ايه !!

أسماء عبد الهادي 

البنات أنبوا سما_ ليه كدا يا سما دا مقلب بايخ ع فكرة ومش ظريف 

بنت تانية قالت_ حرام عليكي انتي مش شايفة البنت كانت منهارة ازاي وواضح ان الانسيال مهم جدا بالنسبة ليها 

سما بصتلهم بصدمة 

المعيد زعق 

_ينفع اللي عملتيه دا ياكتورة المستقبل هي حصلت؟ 

سما قالت علشان تدافع عن نفسها _دكتور حضرتك بتقول ايه انا معرفش حاجة عن الانسيال دا ومعرفش دخل شنطتي ازاي 

بصلها المعيد بشك _ازاي ايه يا انسة احنا لقيناه ف شطنتك واعتقد انا قلت قبل ما نبدا تفتيش الافضل اللي عملت المقلب تطلعه علشان كدا ميصحش حصل ولا لا 

سما وكانت في موقف لا تحسد عليه_ انا معملتش مقلب فيها ولا اعرف الانسيال بتاعها دا جه شنطنتي ازاي اصلا 

انا اصلا مليش علاقة بميرا علشان اعمل معاها مقالب 

بنت قالت بخبث_ اه يبقى سرقتيه علشان غيرانه منها لانها اغنى منك مش كدا 

سما بحدة_  اخرسي قطع لسانك انا اشرف منك ومنها 

البنت برخامة_ متتحمقيش اوي كدا وفسري لينا ازاي الانسبال جه شنطتك 

الكل بص لسما علشان تجاوب فقالت بكل حيرة _معرفش معرفش دخل شنطتي ازاي 

انا مفتحش شنطتي اصلا طول السكشن وكنت منتبهة مع الشرح وبس انا حتى لسه مجمعتش حاجتي من ع البينش 

البنت_ اه علشان طبعا متتكشفيش ويظهر الانسبال 

سما بغضب_ انتي بتقولي ايه انا مسمحلكيش تتهميني اتهام بشع زي دا 

المعيد علشان يحسم الامر قال بجدية_  انسة سما كان من الافضل انك تعترفي انه كان مقلب منك وتعتذري وخلاص بدل ما تخلي الكل يظن فيكي الظن السىء دا 

سما وخلاص كانت هتنهار 

_يا دكتور اعترف بإيه انا معرفش حاجة عن الانسيال دا وربنا ما كنت اعرف شكله  ولا كنت اعرف ميرا معاها انسيال اه لا 

 البنت بضيق شديد_ اه يبقى انتي لقتيه واقع ع الارض حطتيه ف شنتطك وطمعتي فيه 

 سما بغضب_ بردو مصرة انك تغلطي وهزعلك والله 

 البنت_ هه مش عارفة انتي جايبة البجاحة دي منين عل فكرة ميرا باباها مسؤل كبير وبكلمه منه يقدر يفصلك من الجامعة فكنتي اعتذري احسنلك وانتهينا بدل قلة القيمة اللي انتي فيها دي 

سما بغضب 

_دكتور من فضلك سكتها انا مسمحش تكلمني بالطريقة دي 

الدكتور بقلة حيلة

_للاسف الامر خرج من ايدي انتي مش راضية تعترفي او تعتذري حتى ع اللي عملتيه فبالتالي انا مضطر اصعد الامر لعميد الكلية 

سما بصدمة_ ايه انا قلت لحضرتك معملتش حاجة انا مش هكدب والمعظم هنا عارفني وعارف اخلاقي كويس 

الشباب كلهم قالوا ودا علشان ملهمش علاقة بخطة عمران دي 

_اه يا دكتور نشهد لسما بالأدب والاخلاق 

البنات اللي تبع عمران 

_احنا شوفنا بعنينا محدش قالنا والرأي رأي ميرو ها يا ميرا هتسامحيها ؟؟

ميرا بصلت لسما وقالت زي ما عمران اتفق معاهم_ لا مش هسامحها لازم تتعاقب ع اللي عملته انا كنت هموت من الخضة وكمان لو كان الانسيال مظهرش كنت هتبهدل من اهلي انتي سببتي ليا اذي كبير مش هسامحك عليه 

المعيد قال 

_تمام يا شباب كله يتفضل يشوف طريقه اما انتي يا انسة سما هاتي الكارنيه بتاعك حالا وبكرة الصبح لينا كلام تاني قدام عميد الكلية

اتنهدت سما بقلة حيلة وقالت 

_اتفضل اعمل اللي انت عايزه وانا متأكدة ان ف يوم من الايام هتظهر برائتي علشان ربنا شاهد اني معملتش حاجة

خرجت من المعمل وغصب عنها نزلت دمعة منها مقهورة ع حالها 

لكنها اول ما شافته قدامها بسرعة مسحت دموعها وحاولت تتظاهر بالقوة 

اما هو فجه وتظاهر بالخوف عليها وأنه يهمه امرها 

_سما انسة سما 

سما اتجاهلته وكملت ف طريقها 

فلحق بيها وقال 

_انسة سما استني ايه الكلام اللي سمعته دا لا انا مش مصدق نفسي 

وقفت سما وقالت بانزعاج 

_انت لحقت عرفت انت كمان 

عمران بمسكنة 

_روحت اشوفك هناك في مدرجك كالعادة سمعت بنت هناك بتحكي عن اللي حصل ف السكشن انا مش مصدق الل سمعته واكيد دا مش حقيقي انا متأكد 

اتنهدت سما وسكتت 

فقال_ متزعليش يا سما صدقيني اللي يعرفك كويس عمره ما يصدق عنك كدا ابدا واكيد فيه سوء تفاهم حصل 

سما مكانتش قادرة تتحمل أكتر فقالت 

_عن اذنك انا ماشية 

عمران حاول يلحق بيها  _استني يا سما مش هينفع تمشي وانتي بالشكل دا 

قالت بحدة_ انا سبق وقولتلك ايه 

_انا خايف عليكي لسه بتلوميني ع حبي واهتمامي بيكي 

_شكرا وفره لحد تاني 

وسابته ومشيت 

هنا عمران ظهر بوشه التاني 

_ماشي عاملالي فيها استرونج ويا نخلة ما يهزك ريح بس هتشوفي بكرة ايه اللي هيجرالك وساعتها هتيجلي تترجيني اساعدك 

❈-❈-❈

روحت سما بيتها ومجابتش سيرة باللي حصل دا لحد من اهلها علشان ميزعلوش كفاية اللي هي فيه 

وتاني يوم 

لما راحت ع الكلية 

جالها العامل وقال 

_انسة سما شريف توفيق 

بصتله سما فقال 

_العميد عايزك ف مكتبه 

وقفتها زميلة تبع عمران وقالت بصوت عالي علشان المدرج يسمعه 

_واخيرا الحرامي هيأخد جزاءه انا مش عارفة كنا مخدوعين فيكي ازاي .. جاتكم القرف مليتم البلد 

سما متحملتش اللي قالته البنت وبصتلها بحدة 

_مش انا اللي اسكت ع اهانة اتوجهت ليا وسكوتي حاليا مش ضعف بس احمدي ربنا اني صابرة عليكي لحد الأخر 

قالتها سما وسابتها ومشيت 

وفضلوا الطلبة يتكلموا ويتحاكوا ع اللي حصل 

ولما طلعت للعميد 

كانت ميرا والمعيد هناك 

واول ما ميرا شافتها قالت 

_هي دي يا سيادة العميد اللي اخدت الانسيال بتاعي ولما فتشناها لقيت الانسيال ف شنطتها من فضلك عاقبها ع اللي عملته فيا

العميد _ايه تعليقك يا انسة على اللي سمعتيه

سما_ يا سيادة العميد انا معملتش اي حاجة من دي 

_طب ايه اقوالك ع انهم لقوا الانسيال ف شطنتك وبشهادة دكتورك في السكشن كمان 

_مش معمى انهم لقوا الانسيال ف شنطتي يبقى انا اللي اخدته ليه وجهتم كل التهم عليا من غير دليل... ليه متقولوش انه ملعوب عليا واللي أخدته من ميرا حطته ف شنطتي لأي سبب من الاسباب 

العميد_ واللي عمل كدا هيعمل  كدا لأي مبرر !! انتي ليكي اي عداءات مع اي حد هنا ف الكلية 

_لا خالص الحمد لله 

_طب ايه طالما مفيش مين اللي هيعمل كدا فيكي 

_انا معرفش بس مش انا اللي اخدت الانسيال دا اقسم لحضرتك ومستعدة احلف ع المصحف لو هتصدقوني فعلا 

ميرا_ اه قالوا للحرامي احبف 

سما_ لو سمحتي يا ميرا انا مقدرة زعلك لكن لو سمحتي متغلطيش فيا من غير دليل 

العميد_منقدرش نتهم حد غيرك لان كل الشواهد ضدك انتي يا سما وكمان مش عايزة تعتذري 

_هتعذر ع حاجة معملتهاش 

_بردو مصرة ع الإنكار

_ قلت لحضرتك معملتش حاجة ليه مش مصدقني وكمان انتوا لو رفعتوا البصمات مش هتلاقوا بصماتي عليها لاني ملمستهاش اصلا والله العظيم 

ميرا _اه ما اكيد هتكوني لابسة جلفاز ما كلنا كنا لابسينه ف السكشن 

_مش انا يا ميرا والله اللي اخدته 

ميرا_ بردو مصرة ع اللنكار اتصرف حضرتك يا سيادة العميد 

 العميد_ انسة سما انا هديكي مهلة لبكرا تعترفي بغلطتك وتحاولي تخلي ميرا تسامحك والا هتخذ إجراء ضدك مش هيعجبك 

_حضرة والله انا...

قاطعها وهو بيشاورلها تمشي 

فخرجت من عنده وهي منهارة ومقدرتش تمسك دموعها 

قعدت ع اقرب ترابيزة وقالت 

_اعمل ايه بس ياربي محدش مصدقني طب اثبت ازاي اني معملتش كدا يارب اقف جنبي يارب 

هنا جه عمران وقال بلهفة كدابة 

_سما انتي كنتي فين قلبت عليكي الدنيا سألت عليكي قالوا عند العميد طالعتلك ملقتكيش هناك 

_عايز مني ايه يا عمران سبني ف حالي بقا 

_سما انا مستعد اروح للزفتة ميرا دي اخليها تلغي الشكوى تماما ولا كأن حاجة حصلت 

فرحت سما وقالت وهي بتمسح دموعها 

_بجد تقدر تعمل دا 

_طبعا دا انا عمران المهم مشفكيش حزينة وزعلانة كدا مش عايز اشوف دموعك دي تاني 

_طب ساعدني بالله عليك والله انا معملتش حاجة 

_قولتلك واثق فيكي علشان كدا هساعدك 

_شكرا ليك بجد 

_انا مستعد كمان اخلي ميرا والبنات اللي غلطوا ف حقك يعتذروا ليكي قدام المدرج كله بس بشرط 

_شرط شرط ايه 

_انك تحبيني زي ما بحبك تبادليني نفس الشعور تديني حتى ريق حلو بس.... يا سما احلفلك بأيه اني بحبك علشان تحبيني 

_اللي بيحب بيحب بدون مقابل يا عمران 

قالتها وقامت علشان تقف 

فقال بسرعة_ اسنتى بس انتي فهمتي غلط 

سما انا بحبك ومش عارف اعمل ايه علشان اثبتبك دا ... او علشان انتي تحبيني والله انا مش بجبرك ع حاجة بس اديني فرصة اثبتبك حبي 

_والفرصة دي اللي هي ايه ان شاء الله 

_.ولا حاجة توافقي اننا نتعرف ع بعض اكتر يا سما ونقرب من يعض 

_وان قلت مش مواققة 

هنا عمران فقد اخر ذرة تحمل تنده وظهر ع حقيقته 

_يبقة هتتفصلي من كليتك يا حلوة 

سما برقت وقال بصدمة_ اه قلتلي بقا ان كل اللي حصل بسببك 

بصلها بوقاحة

فقالت 

_كان لازم اتوقع منك حاجة زي دي لان نظرتي ف الناس عمرها ما خيبت أبدا

 رد بخبث يليق بيه_عليكي نور وان مسمعتيش كلامي قولي ع مستقبلك يا رحمن يا رحيم 

بلعت ريقها بخوف 

_ايه لا حرام عليك انت بتقول ايه 

_لو سمعتي كلامي محدش هيقدر يكلمك وهتكملي ف كليتك بشكل طبيعي لو عصلجتي لا الكلية دي ولا اي جامعة ف مصر هتقبلك علشان يكون ف علمك يعني مستقبلك ما بين اديكي حدديه انتي براحتك 

سلام يا قمر منتظر رأيك بكرة .

سما ف نفسها_ اه يا كلب يا خسيس

خديجة صاحبتها جت تجري عليها 

_سما ايه اللي بيحصل معاكي وايه اللي سمعته دا 

حكتلها سما كل اللي بيحصل معاها وهي منهارة

خديجة حطت ايديها ع بوءها بصدمة

_يا خبر الحقير وهتعملي ايه 

مش عارفة يا خديجة دا ماسكني من ايدي اللي بتوجعني ولو هيما عرف مش هيسكتله 

وكمان لو مسمعتش كلامه هنفصل نن الكلية ومش هيتحلموا أبدا دول حاطين كل امالهم عليا 

هيما ساب دراسته ومكملش علشان يشتغل ويعلمنا احنا فيلاقي تضحيته دي وتعبه راح كدا هباء مش هيتحمل وتيتا ممكن تطب فيها ساكتة دي طول الوقت الدكتورة راحت الدكتورة جت كلهم حاطين أمال عليا انا وهدى هتكون صدمة لو انفصلت بجد والواد دا مش سهل ابدا ومش ناوي يسيبني ف حالي 

_يعني ايه هتسمعي كلامه 

_معنديش حل الا دا يا خديجة للأسف 

._انتي بتقولي ايه يا سما انتي اتجننتي 

سما بعصبية _عندك حل تاني لو عندك الحقيتي بيه زي ما انتي شايفة الزفت دا مسنود ومن عيلة غنية وكمان الحقيرة اللي اسمها ميرة عيلتها ليها كلمتها وانا مجرد واحدة يتيمة وهيما غلبان زي ما انتي شايفة هقف قدامهم ازاي 

_ربنا مبينساش حد يا سما 

_ ونعم بالله ادعيلي يا خديجة لاني خلاص بنهار 

_هدعيلك والله يا سما ربنا معاكي يا حبيبتي 

ولما روحت البيت 

حبست نفسها ف اوضتها 

أما هدى فعملت الاكل لأخوها ودخلت اوضته 

وهي بتقول بابتسامة حنون 

_اتفضل الأكل يا ابيه 

هزلها هيما دماغه بأنه رافض 

حاولت فيه_ يا ابيه مش هينفع كدا والله حرام عليك نفسك انت كدا بعد الشر بتموت بالبطىء 

عصر هيما عينه بألم وقال بوجع_ خدي الاكل واخرجي يا هدى عايز افضل لوحدي 

جت هدى تتكلم فقال _من فضلك اعملي اللي بقولك عليه 

فخرجت هدى وهي بتتحسر ع حالة اخوها 

ودخلت اوضتها تشوف اختها فلقتها منهارة ف البكا 

فجريت عليها وحطت أيدها ع كتفها وقالت بقلق 

_سما انتي بتعطي في ايه يا حبيبتي اول مرة اشوفم بالشكل دل طول عمرك قوية ومش بيهزك حاجة

سما_ اختك المرة دي في ورطة كبيرة اوي 

_احكيلي يا سما جرالك ايه 

سما حكت لاختها كل حاجة 

قعدت هدى جنبها بقهر 

_لا حول ولا قوة إلا بالله هنلاقيها منين ولا منين منه لله ينتقم منه ربنا ربنا ع الظالم والمفتري مفيش حل غير انك تستسلمي للي هيحصل وربنا قادر انه يغير الأحوال 

_مش هيحصل مش هتنازل عن كليتي يا هدى انتي فاهمة 

_طب هتعملي ايه 

_هعمله اللي هو عايزه 

هدى بلعت ريقها بصدمة_ ايه سما انتي اتجننتي؟؟ 

❈-❈-❈

هيما كان قاعد ف اوضته وماسك صورة سلسبيل في ايده كانوا متصورين مع بعض كلهم صورة جماعية أثناء تخرج سما من ثانوي 

فضل يدقق ف ملامح سلسبيل بكل تفصيلة فيه وهو بيتوجع

_اه يا سلسبيل يا قطعة الحلى اللي ف حياتي اخدوكي مني بالغدر والله لو شفتهم مش هرحمهم .. يا حبيبتي يا ترى عاملة ايه دلوقتي زمانك مموتة نفسك من البكا وخايفة ووحيدة اه يا وجع قلبي عليكي يا سولي حاسس بيكي يا حبيبتي سامحيني اني كنت ضعيف ومقدرتش احميكي منهم سامحيني اني سبتهم ياخدوكي مني سامحيني انا مستاهلكيش أبدا يا سلسبيل يا كل عمري 

قالها وفضل يعيط جامد وبيلوم نفسه انه مدافعش عنها اكتر من كدا ومحاربش لاخر نفس فيه ليه 

وفجأة جاله اتصال بيقول 

_لو عايز تعرف مراتك فين تعالى ع العنوان دا 

هيما مكانش مصدق نفسه وبالرغم من انه عنده احساس كبير انه ممكن يكون فخ علشان يوقعه  الا انه مترددش لحظة وقام من سريره وقعد ع الكرسي وهو بيسند ع ايده وبسرعة حركه علشان يخرج من البيت واتوجه للعنوان بأقصى سرعة 

يا ترى ايه اللي هيحصل لهيما 

هل فعلا هيقابل سلسبيل ولا مين اللي بعتله وغرضه منه ايه 

وسما هل فعلا هتسمع كلام عمران وتسمحله انه يقرب منها ؟؟؟ 

ومين ظافر اللي شكله مش مطمن دا 

احداث مشوقة ف انتظاركم اوعوا تفوتوها