قراءة رواية عودة هيما كاملة

تنشر حصريًا على مدونة رواية وحكاية قبل أي منصة أخرى

قراءة رواية عودة هيما

من روايات وقصص 

الكاتبة أسماء عبد الهادي

الفصل الثامن

 خبط عباس بحذر على الباب ولما جا له اذن بالدخول دخل وعينه في الارض وهو بيقول بكل خوف وحذر _امرك يا باشا 

بص له ظافر بحده وقال_ اللي طلبته اتعمل ولا لسه ويا ويلك لو كان لسه ما اتعملش

 بلع عباس ريقه  وقال _لا يا باشا والله نفذت اللي طلبته بالحرف

بصله بنظرات ليعا معنى_ وهم فين دلوقتي 

_في الطريق يا باشا الرجاله جابوهم وفي طريقهم حالا لهنا 

 ظافر وقف وبص على الجاكيت بتاعه فجري عباس ولبسه الجاكيت بسرعه

 قال الظافر  عينه لمعت بنيران من جحيم هتلفح الكل _زي ما فهمتك هتعمل ايه اول ما يوصلوا وشوف شغلك كويس وخلي قدريه كمان تشوف شغلها كويس قوي مش عايز رحمه انت فاهم 

_فاهم يا باشا وعلم وينفذ كمان

_ طب يلا روح انت على شغلك

_ حاضر يا باشا عن اذنك 

خرج ظافر من مكتبه وطلع على السلم اللي بيطلع ل جناحه المخصص فوق لكن قبل ما يروح على جناحه حود على ناحيه اليمين وقرر انه يطمن على البنات

ولسه يا دوب ماشي في الطرقه سمع صوت بكاء البنات فدخل الاوضه عليهم فشاف سما وهدى حاضنين بعض وبيعيطوا والاثنين لابسين اسود سما كانت بتعيط

_ اه يا حبيبتي يا جدتي هتوحشيني قوي

 هدى_ ليه رحتي وسبتينا انتي كمان يا جدتي ما بقاش لينا حد من بعدك اه يا حبيبتي يا جدتي ربنا يرحمك يا رب 

لحظه ضعف انتابت ظافر لوهله فاخد البنات في حضنه ونزل الدموع من عينه هو كمان فزاد بكا البنات وتأثيرهم الشديد بموت جدتهم

فلاااش باااك 

خرج هيما على المكان اللي اتقاله والل المفروض هيشوف مراته هناك كان حاسس ان قلبه هيخرج من مكانه من فرط الحماس والسعاده انه اخيرا هيشوف سلسبيل او يطمن عليها لقى نفسه قدام مطعم فاستغرب قوي بدا يلف حوالين نفسه باستغراب وهو مش فاهم حاجه وقال في نفسه_ هما بيشتغلوني ولا ايه انا هشوف مراتي مخطوفه في مطعم؟؟؟ ولا هم قصدهم انهي مكان بالظبط انا مش فاهم حاجه 

اما جوه المطعم قعدت سلسبيل مع ريان وهي بتقول باستغراب_ ريان احنا ايه اللي جبنا هنا انا مش فاهمه

 ريان بنزعاج _ولا انا فاهم اي حاجه ده اللي طلبه مني مهران ان انا اخدك ونيجي على المطعم ده ونتغدى سوا واكد عليا اني اعمل ده

 اتنهدت سلسبيل بانزعاج وقالت _ريان احنا هنفضل  لحد امتى تحت طوع مهران بالشكل ده هنفضل لحد امتى مهران يحرك فينا زي ما هو عايز ولا كأننا دمى الماريونيت انا تعبت وما بقتش قادره اتحمل اكثر من كده 

زفر ريان بضيق بيخرج كل الهم اللي في قلبه وقال وعينه بتشرد بعيد _ومين سمعك يا سلسبيل انا ما بقتش طايق نفسي اساسا 

وهنا جه النادل   وحط اطباق الاكل قدامهم ف اول سلسبيل ما شافت الطبق اللي قدامها قالت بشوق وكانها افتكرت هيما وتلقائيا ابتسمت

_ ريان الطبق دا هيما كان بيحبه قوي وانا حبيته علشان هو بيحبه 

قالتها وفضلت تاكل بنهم شديد وهي مستمتعه عشان بتاكل حاجه هيما كان بيحبها 

اتنهد ريان وبصلها بابتسامه خفيفه وبدا ياكل هو كمان

 هيما بص حواليه وما كانش شايف لمراته اي اثر ولسه بيدير وشه علشان يمشي_ انا كنت عارف انه مقلب سخيف عملوه فيا انا مش فاهم هو عايز يوصل لايه بالظبط ولا بيعمل معايا ليه كده بالضبط ما كفايا قلبي الموجوع 

وفجأة حس ان خلايا جسمه كلها اتجبست ومبقتش تستجيب  وحتى عضلات وشه اتجبست على الوضع المصدوم وايده مبقاش عارف يحركها وكأنها بقت هلام او سائل ملهاش اي إرادة 

اول ما شاف سلسبيل مراته قاعدة مع صاحب عمره ريان وبيبتسموا لبعض وكأنهم في معاد بين حبيب وحبيبته واللي زود صدمته أكتر الهدوم اللي شافها ع سلسبيل وطريقة لبسها المكشوف وكمان بشعرها 

لحظات عدت عليه وهو شايفهم كأنها زمن طويل جدا لحظات من عدم الاستيعاب الكامل للي بيحصل  واخيرا استجابت عضلات رقبته وبدأت يحركها برفض واستجاب لسانه وقدر يحركه وهو بيقول .

_لاء اكيد لاء مش دي سلسبيل مراتي أنا اكيد بتوهم دي واحدة تانية وانا من شوقي لسولي فكرتها هي 

فضل متابعهم بعينه ومش قادر يتحرك من مكانه الصدمة أثرت عليه فمبقاش عارف يعمل اي رد فعل 

لحد ما شافهم قاموا من مكانهم بعد ما خلصوا أكل وريان جاله اتصال من مهران انه يرجع ع الفيلا من تاني 

شافهم هيما وريان بيفتح لسلسبيل باب عربيته وبيقول _اتفضلي يا سولي 

وهي بتبتسم ليه _شكرا يا ريان 

شاف هيما نفس الابتسامه بتاعها نفس الغمازات اللي ف خدودها 

فقال وهو فاتح بوءه _دي هي سلسبيل انا متأكد مش هتوه عنها..

فضل يدعك ف عينه كتير يمكن بيتوهم لكن دقات قلبه المتسارعة اول ما شافها كانت خير دليل ع انها هي .. هي سلسبيل مراته  مكانش مصدق كانت طول الوقت مع مين مع ريان صاحبه اتغدوا وركبوا العربية سوا ولا كأن فيه أي حاجة خالص ولا كأن هيما كان موجود في حياتهم  من أصله ولا كأنه بيدور عليها بقاله فترة وهيموت علشانها ولا كأنها اتخطفت من قدام عينه حتى ريان نفسه ءأكدله انه ميعرفلعاش طريق

فضل يحرك راسه برفض تام للي شايفه 

_لا مش حقيقي مش حقيقي ريان عمره ما يخوني ولا حتى سلسبيل ممكن تخدعني 

ولما جه يفتح بوءه  ينادي عليهم او يحرك ايده بالكرسي علشان يوصلهم 

كانت عربية ريان انطلقت في طريقها وسابت هيما قاعد لوحده عاجز ع كرسيه بحسرته 

_انا بحلم دا كابوس انا متأكد حد يصحيني منه أنا عايز أصحى كفاية بقا الكابوس دا مؤلم أوي حرااام حد يصحيني انا للزم افوق

وهنا جاله اتصال من شخص مقدرش يتعرف ع صوته وقال

_ها شوفت مراتك وحبيبتك مع صاحب عمرك شوفتهم بعينك مع بعض كانوا بيخدعوك طول الفترة دي كلها وخد الكبيرة بقا ريان صاحبك اتجوز سلسبيل ولو مش متأكد ممكن ابعتلك صورة من عقد جوازهم .. مراتك خدعتك وراحت لصاحبك الغني واتجوزته.. أما حكاية الخطف دي فهي فشنك وهتعرف كل الحكاية من اولها بعدين بس كفاية عليك صدمتك دي علشان متتعبش أكتر 

قالها وقفل الخط 

وبص الراجل لمهران اللي دخل فى نوبة ضحك ملهاش اول من آخر 

وهو بيقول بابتسامة متشفية _كلم الرجالة تنفذ اللي اتفقنا عليه وخلصوا ع جدته ..

رجع هيما بيته وهو مش شايف قدامه عقله رافض يصدق اللي شافه بعينه وسمعه بودانه مخه مش مستوعب اللي حصل ولا كأنه كابوس بيعيش أحداثه مش حقيقة كان ماشي زي الألة اللي مفيهاش روح لكنه يفرق عنه انه كان حاسس بألم كامل في كل أنحاء جسمه ومش بس كدا وروحه كمان ... كان حاسس بخنقة ملهاش مثيل وكأن روحه بتتسحب منه وحدة وحده 

 ولسه يادوب مفاقش من صدمته ف مراته وصاحبه 

انتبه لصوت صرخات اخواته فاتحرك بسرعة لجوا البيت وهو مفزوع ع البنات

فلقى اخواته قاعدين ع الارض بيبكوا بشدة وجنبهم حد متمدد ع الارض وسايح ف دمه 

من صدمته كان عامل كأن حد خبطه ع دماغه خلاه في عدم اتزان مكانش عارف يشوف ان اللي سايحة ف دمها دي جدته 

ووقف متسمر مكانه للحظات

لحد ما فاق ع صوت هدى اخته بتقول 

تيتا يا هيما طلع علينا بلطجية ضربوها عل راسها وهربوا تيتا هتروح مننا يا هيما الحقنا يا هيما 

وفجأة صرخت سما صرخة زلزت قلبه زي ما زلزلت الحارة كلها 

_لاااااا تيتاااا .. لااااااا 

بااااك 

فاق هيما"ظافر" من زكرياته 

وهو بينهج جامد دقات قلبه متلاحقة  ومش قادر يأخد نفسه وكأنه في سباق شديد مش عارف يوقفه لكنه بعد  فترة قدر انه يستعيد سيطرته على نفسه من تاني

فاتحولت عينيه للقسوه من جديد وبعد عن اخواته  البنات وهو بيقول  بحدة وصرامة_ كفايه بكا بقى انا سبتكم عبرتم عن حزنكم بما فيه الكفايه لكن مش هسمح لاي واحده فيكم اشوفها بتعيط تاني انتم فاهمين سما ببكا_ ازاي بس دي تيته عارف يعني ايه تيته 

زعق بحده قال_ سما اظن سمعتي انا قلت ايه

 خافت سما وسكتت 

بص ظافر لهدى وقال _وانتي استعدي علشان هتتحاسبي على اللي عملتيه

بصت له هدى باستغراب وخوف وسما قالت بخوف على اختها_ تتحاسب على ايه هدى ما عملتش حاجه 

ظافر_ انا سمحت ليكي تتكلمي؟

 سما باعتذار _انا اسفه 

بص لها نظره رعبتها وهو بيقول_ على اوضتك 

جريت سما برعب على اوضتها

اما ظافر في بص الهدى فترعبت من نظرته ورجعت لورا بخوف فقال ظافر _ودلوقتي جه وقت الحساب

 ومد ايده علشان يضربها فلاقي الخوف في الرعب في عينيها مع بقايا دموع حزنها على جدتها وعنيها المنفوخة من كتر البكا 

فنزل ايده تاني وخاصة لما شافها تلقائيا خبت وشها بين ايديها وبدأت تنتفض برعب 

 وفي الوقت ده رن موبايله فدخل ايده ف جيبه وطلعه وحطه ع ودنه وهو بيقول لهدى 

_حظك ان جالي تلفون خلاكي تفلتي من ايدي .. ممنوع تخرجي من اوضتك وانا بحذرك تعصي كلامي

قالها ومشي وسابها 

وهي اتنفست براحة واترمت ع السرير وهي بتتنفس بسرعة من شدة الرعب اللي سببه ليها اخوها 

وفضلت تكلم نفسها 

_انا عملت ايه اتحاسب عليه؟؟ وايه اللي حول اخويا بالشكل دا وليه غير اسمه من هيما لظافر وازاي بقينا أغنيا كدا... وايه اللي بيحصل بالظبط واحنا كنا فين الفترة اللي فاتت انا مش فاهمة حاجة... معقولة صدمتي بموت جدتي أثرت على عقلي!! أنا مش فاكرة أحداث أي حاجة حصلت من بعد خبر موت جدتي 

❈-❈-❈

كان قاعد في مكتبه عمال بيراجع اوراق مهمة ليه بيقلب الورق بأيد والايد التانية بيشرب سيجارته باستمتاع تام وبعدين شرد في هيما 

_ههه كان نفسي اشوف منظرك عامل ازاي دلوقتي يا هيما بس مش عارف انت اختفيت روحت فين .. ههه بس احسن اديك غورت وارتحت منك 

في الوقت دا جاله اتصال من والده 

فابتسم ورفع الموبايل ع ودنه وهو بيقول بترحيب 

_اهلا اهلا يا عامر بيه عامل ايه 

عامر_ ازيك يا مهران اخباركم ايه واخبار اخواتك 

_كله تمام يا بابا الدنيا هنا عال العال ... ايه مش ناوي ترجع ولا مرتاح عندك 

_معنديش اي نية ارجع مصر الشغل في دبي ممتاز جدا وافضل من مصر مليون مرة بس للاسف محتاج ارجع مصر في مقابلة شغل وراجع تاني 

_وللأسف ليه مش عايز ترجع تشوف ولادك 

_اخواتك بيجوا هنا علطول في وقت  وفي الاجازات وزي ما انت شايف اخواتك كل واحد في حاله ومش فاضين لينا اصلا 

ضحك مهران _على رأيك انا عن نفسي معرفش عن بنتك نورين حاجة 

عامر_ الا صحيح يا مهران عجبك اللي اخوك عمله دا انا مش هسكتله أبدا 

_عمل ايه يا بابا 

_يعني معقول متعرفش انه اتجوز 

_اه عارف 

_بقى دا اسمه كلام يعني يصح اللي عمله الولد يتجوز كدا من غير ما يستأذن مني ولا ايه متجوز سكيتي كدا الناس تقول عننا ايه انا من وقت ما عرفت وانا هنفجر منه وانا اللي بقول عليه العاقل بتاعكم 

ضحك مهران _ههه ولا تزعل نفسك يا والدي دا كان جواز كدا تقضية مصالح 

_يعني ايه ومهما كان ميبررش اللي عمله 

_لا متاخدش ف بالك تخلص المصلحة كدا بس وهيطلقها ووقت ما يتجوز بجد هيكلمك اكيد علشان تعمله اكبر فرح

_بس الناس تقول عننا ايه لو عرفت الناس كدا هتاكل وشي 

_محدش هيقدر يتكلم متخافش... روق انت مزاجه ومش عايزك تشيل هم حاجة 

_هتعتمد عليك يا مهران 

_اطمن يا عامر بيه 

ولما خلص مكالمته 

نادى الشغالة يا اعتماد  

جت اعتماد بسرعة 

_تحت امرك يا مهران بيه 

_اطلعي نادى ريان من فوق حالا 

_حاضر يا مهران بيه 

وطلعت الشغالة شوية ونزلت وقالت 

_مفيش حد فوق يا مهران بيه 

_يعني ايه مفيش حد فوق اومال سولي  فين 

_سولي هانم كمان مش فوق يا باشا انا كنت شايفاها خارجة من كم ساعة

_نعم ازاي تخرج من غير اذني 

_انا مش عارفة يا بيه 

_طب روحي انتي وحسابي معاها بعدين هي والزفت اللي سمحلها تخرج من غير اذني 

خرجت الشغالة ومهرات فضل يرن على ريان لكن موبايله كان غير متاح _راح فين الزفت ده كمان وقعته سودا بس لما اشوفه 

وفضل يستناه لحد بالليل وبردو موبايله غير متاح 

فنادى ع واحد من رجالته_ تحت امرك يا مهران بيه 

_شوفلي ريان في انهي مصيبة وهاته هنا حالا 

_تحت امرك يا باشا 

وكلم مهران هارون 

هارون _سيد الناس عامل ايه يا باشا 

_هارون اختك سلسبيل فين 

_مشفتهاش يا باشا مجتش عندنا هنا من زمان زي ما حضرتك امرت 

_اومال راحت فين دي كمان 

_ممكن تكون خرجت مع ريان يا باشا 

_طب اقفل يا هارون 

فضل مهران رايح جاي ف مكتبه وهو حاسس ان فيه حاجة غلط ومش مرتاح 

وبعد كم ساعة جه واحد من رجالته 

_ملوش اثر يا باشا دورنا عليه في كل مكان بيروحه ومش موجود ومحدش شافه من اصحابه النهاردة 

_يعني ايه هيكون اختفي هو وسلسبيل راحوا فين معقول فكروا في عصيان اوامري!! دي تبقى نهاياتهم على ايدي 

اسمع بلغ كل الرجالة يدروا تاني وميرجعوش الا وهما قدامي هنا انت فاهم 

_تمام يا باشا اللي تؤمر بيه