في منزل ليلى 

رجعت من عملها دلفت لوالدها للاطمئنان عليه 

- عامل إيه ياحبيبي... وأخبار جنبك ايه 

ابتسم بوجهها رغم وجعه إلا أنه ادعى  صحته الجيدة 

- كويس حبيبتي... شوية وجع بسيطة وهيروحوا لحالهم 

- لازم نروح نعمل اشاعات وتحاليل يابابا وماتتكلمش.. ولازم تاخد أجازة ترتاح شوية ياحبيبي كفاية تعبك معانا السنين دي 

ملس على يديها بحنان أبوي ورفع نظره لها

- لسة ابوكي بصحته ياليلى وهفضل اشتغل في وظيفتي لحد مااسلم كل واحدة لجوزها 

قبلت يديه ورفعت نظرها له

- ربنا يديمك فوق راسنا ياحبيبي... ومتخفش لولتك هتفضل على قلبك العمر كله... دلفت والدتها وتحدثت مبتسمة 

- دا ايه العشق الممنوع اللي مبيخلصش بين الاب وبنته 

ضمتها ليلى بحب 

- سوسو بتغير على حبيب روحها ياناس... متخافيش ياسوسو انتِ مسيطرة بقوة 

ابتسمت والدتها 

- روحي غيري ياقلبي علشان نتغدى احنا مستنينك..وكمان خطيب اختك على وصول هيتغدى معانا. أومأت برأسها متحركة 

- دلفت غرفتها واغمضت عيناها حزينة على حالة والدها التي بدأت صحته لم تسعفه على العمل 

جلست على الفراش ووضعت بعض الملفات التي جلبتها من عملها 

كانت رائحته منبعثة من ذلك الملف... قربته منها واستنشقت رائحته مغمضة العينين هنا تذكرت أول يوم رأته فيه 

(فلاش باك) 

دلفت الحفلة بتلك الهيئة الجذابة رأتها أسما اتجهت إليها سريعا 

- ايش ايش ايه الحلاوة دي خايفة تاخدي الانوار يابنتي في الحفلة 

ضحكت على صديقتها 

- بتقولي ايه هكون أجمل منك... المهم فين نوح علشان اباركله على النجاح الحلو دا 

سحبتها من يديها متجه إلى نوح الذي يجلس مع حمزة ونورسين 

-"نوح" أردفت بها أسما 

رفع نظره لأسما ووقف متجها إلى ليلى 

- دا إيه النور دا... وأنا بقول الحفلة نورت ليه 

ابتسمت له وأردفت :

- طول عمرك بقاش ياحضرة الدكتور.. ألف مبروك ويارب دايما من نجاح لنجاح... بس اعترف يادكتور اخدت الدكترة دي نجاح ولا واسطة مني... 

قهقه عليها نوح 

- لا تلميذة ابويا النجيبة..وبنت خالتو مش عايزة تعترف إني بقيت دكتور شاطر ...بقولك روحي شوفي أستاذك كان بيسأل عليكِ.. اومأت برأسها واجابته: 

- اه ياريت وعايزة اشوف خالتو كمان هي فين... أشار بيديه نحو والدته 

اقتربت من يحيى الكومي والد نوح  وزجته ناريمان 

اهلا يالولة وحشاني حبيبتي عاملة ايه؟ وباباكي ومامتك عاملين إيه ؟ 

جلست بجوار ناريمان  بعد السلام على والد نوح 

- كويسين ياخلتو وبابا بيسلم عليكوا كلكم.. هو كان عايز يجي بس تعبان شوية 

- ألف سلامة عليه حبيبتي... هو كلمني وبارك لنوح... وطبعا مامتك زعلانة مني مش كدا...قطع حديثهم صوت ضوضاء بالحفلة اتجهوا بانظارهم 

كان راكان يتجه إلى نوح والصحافة تحاوطه واسئلتهم عن نورسين التي تحاوط ذراعيه  أمام الجميع 

سألت خديجة اخت يحيى عن الشخصية المهمة التي جلبت هذا الضوضاء  

- دا صديق نوح تقدري تقولي صداقة من عشر سنين... ضيقت عيناها 

باين عليه مهم أوي يخلي الصحافة تجري عليه كدا 

- الشخص الناجح ياخديجة الكل بيعمله حساب... ودا وكيل نيابة مشهور بصلابته وجرأته دا اللي اترافع في قضية الخلية المشهورة اللي عملت ضجة ورغم الخوف من البعض إلا أنه مخفش ودخل بقلبه واترافع... وكمان عنده شركات البنداري المشهورة بتاعة العقارات دي.. هذا ماقاله يحيى 

اومأت خديجة برأسها :

- ماشاء الله الشباب الناجح موجود اهو.. ربنا يحميهم... كانت تجلس تتابع بعينيها تلك الشخصية التي انصب اهتمام الكل عليها... وقفت واستأذنت 

- خالتو هروح اقعد مع أسما شوية... تحركت متجه لأسما التي تجلس مع عاليا الطبيبة البيطرية الخاصة بالمزرعة 

جلست بجوارهم وفتح الحوار في مختلف الحياة فجأة توقفت عاليا عن الحديث واتجهت بنظرها إلى حمزة ونوح وراكان 

- نفسي أخطف واحد من الحلوين دول إيه رأيكم يابنات أنا بقول اخد الطويل الرفيع 

كانت اسما تحتسي العصير 

- قصدك حمزة.. هو فعلا كيوتي كدا ومحترم 

رفعت عاليا حاجبها وتحدثت بسخرية 

- ايه ياأسما شكلك حافظة الشلة... وبما إنك حفظاهم قولي مين الديك الرومي اللي في النص دا اللي البت الصفرا لازقة فيه 

ارتشفت ليلى من كأسها واستمعت باهتمام لا تعلم لماذا اهتمت بالحديث عليه 

- دا راكان البنداري يااختاه الضلع الأكبر في شركات البنداري غير طبعا الضلع القوي لشلة الفساد دي... بس ناقص فيهم اتنين معنديش علم ليه ماوصلوش 

قهقهت عاليا بصوتها العالي مما جذب اهتمام الجالسين ورفع راكان نظره لها 

وضعت يديها على فمها من النظرات التي تصوبت حولها 

صوب نظرات سخرية عليها 

تضايقت ليلى من نظراته... ثم حدثت حالها.. رجل ذو هيبة يبدو عليه الوقار لما يجلس بتلك الطريقة بجواره تلك الرقطاء التي لم تربطه بها رابط رسمي.. افاقت وهي تعاتب نفسها بقوة 

- اتجننتي ياليلى إيه اللي بتقوليه دا... وقفت مستأذنة للذهاب للمرحاض... واثناء، عودتها كانت تنظر بهاتفها الذي لم يفصل رنينه... فجاة اصطدمت بجدار بشري 

استدار لها ونظر نظرة سريعة عندما وجدها تنظر بهاتفها 

- مش تاخدي بالك.. ياريت تبصي قدامك بدل ماماشية تخبطي في خلق الله 

لم ترفع نظرها حتى له... وظلت نظراتها على هاتفها وكانه لم يكن موجود... وتحركت وهي تتحدث بسخرية 

- الأعمى مش واخد باله ان هو اللي خبط فيا ..ولا الغرور مصورلك حاجات تانية 

جذبها بقوة من ذراعيها... رفعت نظرها وصوبت له نظرات ناريه بعينيها السوادء التي تشبه عين الغزال 

- إنتِ اتجننتِ إزاي تتخطى حدودك معايا... دفعته بكل ماتملكه من قوة...مااسمحلكش..ثم تحركت مغادرة... متجهة سريعا إلى صديقتها 

جز على شفتيه السفليه وهو يكور قبضته مغتاظا من تلك الشرسة التي صفعته بكلماتها  

راقبها بعينيه هو لم يكد يراها لحظات فقط اثارت سودويتها شمسه الساطعة... قاطع مراقبته لها نورسين عندما اسرعت له 

- راكي حبيبي دا كله بترد على التليفون 

أومأ برأسه متجها بها حيث جلوسهم 

وصلت ليلى بعد أن خمدت ثورة غضبها منها فتوجهت لصديقاتها: 

- بنات لازم امشي دلوقتي 

استغربت أسما حالتها فكان وجهها يشع احمرار ينم عن مدى عصبيتها 

(نهاية الفلاش) 

خرجت من شرودها والقت الملف الذي كان يحمل رائحته عندما تذكرت اهانته لها كلما تقابلا... قامت بتغيير ثيابها وادت فرضها متجه للخارج وصراع بين قلبها وعقلها من ذلك المتجبر

❈-❈-❈

عند يونس

وصل إلى النيل وركن بسيارته يغمض عيناه ألما وقهرا على قلبه المتمزق إلى  أشلاء، يتذكر منذ سنتين فقط قبل عودتها  من ألمانيا وحياته كانت تسير بهدوء الى أن اكتشف ذلك الذي خنقه ولم يعد يتحمل آلام صدره اللا متناهية من بعدها المتكرر عنه... هنا أغمض عيناه يتذكر أول إعتراف لها بحبه 

- حمدالله على السلامة... وحشتونا أوي... إيه ياراكي مش ناوي تقعد الفصعونة دي هنا وكفاية سفر بقى 

مطت شفتيها التي تشبه حب الكريز وتحدثت 

- إيه يادوك ناوي تقلب عليا آبيه ولا إيه.. أنا بزهق من هنا بسرعة والصراحة عايزة أستقر في ألمانيا.. خطت إلى أن وصلت إلى راكان وألقت نفسها بأحضانه 

- آبيه راكان ميهونش عليه سيلي حبيته صح ياآبيه مش هتخليني اقعد هنا 

حاوطها بذراعيه بحنان أبوي وطبع قبلة على خصلاتها وتحدث بهدوئه المعتاد 

- اللي إنتِ عايزاه ياحبيبة قلبي.. طول ماإحنا بنسمع الكلام ومنضايقش آبيه راكان.. راكان وحياته كلها تحت أميرة العيلة 

صفقت بيديها وغمزت ليونس 

- يعيش راكي حبيب سيلي ثم قبلته على خديه 

رفع راكان حاجبه متزامنا مع شفته العلوية 

- والله لو قولت غير كدا كنتِ زماني هتلر.. مش كدا 

فتحت فمها لتعترض على حديثه.. أشار لها 

-مصدقك ياسيلي.. أنا هطلع أرتاح.. مش عايز إزعاج عشان مغيرش رأيي.. 

إستدار ينظر ليونس

- وإنت مش هتروح واقف كدا ليه.. ياله روح مالكش بيت.. إنت سلمت عليا ناقص ايه هتنام معايا...زي ماأنت شايف الكل نيام

قهقه يونس وغمز بعينيه 

- لو حضنك هيدفيني ليه لا.. رجع راكان إليه بخطوة واحدة ثم لكمه بوجهه 

- إنت غبي يلاَ.. مش واخد بالك إن اختي واقفة ياحمار 

قطب حاجبيه بدهشة وهو يطالعه بمكر

- ليه هو أنا قولت سيلين.. أنا بقول انت.. 

قال جملته الأخيرة بتمهل وكأنه قاصدا إقتحام معناها لداخل عقلها.. تحركت بعض الخطوات عندما وجدت نظرات راكان المستعيرة بالغضب إلى يونس 

اتجهت لأرجوحتها بحديقة القصر.. ولكن توقفت أمام حيوانها المفضل 

- مرحبا لوجي وحشتيني..مامي كانت بتعتني بيكِ..حملتها وبدأت تمسد عليها وتقبلها..توقفت من مداعبة قطتها حينما استمعت لصوته خلفها 

- ياريتني كنت لوجي..استدارت بجسدها وهي ترمقه بنظرات مستفهمة 

- مالها لوجي ياآبيه..دي كيوتي خالص..جلس بجوارها ونظراته تطالعها بإشياقا جم...ود لو اعتصرها بأحضانه حتى يشبع روحه من إفتقادها عن تلك الشهور المنصرمة التي بعدت بها عنه 

ابتسمت له وبدأت تداعب قطتها وتقبلها 

ولكن توقفت عن حديثها عندما همس لها 

- مش كفاية بُعد ياسيلين..ناوية تعملي في يونس إيه أكتر من كدا 

ناظرته بإستفهام لم تفصح عنه شفتيها  

دنى منها ثم مد كفيه يزيح خصلاتها المبعثرة بعشوائية على وجهها وأردف 

- وحشتي يونس ياحبيبة يونس.. ياترى يونس وحشك 

رعشة أصابت جسدها من حديثه... فارتجفت شفتيه وبعينين زائغتين تحدثت 

-  أكيد وحشتني كمان.. زي ماآبيه سليم وحشني.. نصب عوده وسحبها من كفيها 

- قومي ياسيلين متخلنيش أتعصب عليكِ.. مبحبش الأغبياء.. لم تجادله كثيرا فيكفي مايصير لها من قربه 

وصلا إلى المسبح وجلس وأجلسها بجواره 

ظل يناظرها لبعض اللحظات.. عينيها التي تشبه أمواج البحر وخصلاتها المموجة باللون البني.. وثغرها الذي يشبه حبة الكريز تمنى ان يتذوقه ليرى كيف يكون طعمه.. ناهيك عن بشرتها البيضاء الناعمة 

هربت من أنظاره التفحصية وتسائلت 

- ممكن أعرف بتبصلي كدا ليه.. أنا فيا حاجة غلط... كان يمارس أقصى درجات النفس كي لا يسحبها إلى أحضانه ويلتقط ثغرها بقبلة شغوفة.. ولكنه منع نفسه بقوة 

ضم كفيها بين راحتيه وتحدث

- سيلين إنتِ عارفة أنا كنت بعد الأيام أد إيه علشان بس أشبع من صوتك وصورتك قدامي 

ابتسمت بخجل جعل وجنتيها كحبة الطماطم الناضجة.. فنزلت ببصرها للأسفل 

رفع ذقنها وملس على خديها بأبهامه 

-  "سيلين أنا بحبك"ومش حب عادي ولا وليد يوم ولا إتنين.. لا بحبك من زمان قوي... دنى منها يهمس اليها وهو يمشط نظراته على وجهها بالكامل 

- بحبك وهموت لو بعدتي عني تاني.. تنهد وأكمل 

- أكيد مش هتسبيني تاني كام شهر علشان تكملي تعليمك برة.. صدقيني وقتها هعمل حاجات مش هتعجبك.. هنا هبت فزعة من حديثه وبدأت تتمتم بكلمات متقطعة 

- أنا مش فاهمة كلامك يايونس.. أنا.. قاطعها عندما فاض تحمله وفقد السيطرة على نفسها وهو يجذبها لأحضانه يعتصرها بقوة 

- وحياة يونس عندك لو كنت غالي لو شوية صغيرين بلاش تحرقي قلبي وتبعدي تاني.. سيلين أنا بموت في بعدك 

هزة عنيفة أصابتها فجعلت ساقيها كالهلام ولم تقدر على حملها.. فتثاقلت بجسدها عليه.. فضمها بقوة رافعا جسدها حتى أصبحت اقدامها لا تلامس الأرض وبدأ يدور بها 

- بحبك بجنون ومش هسيبك تبعدي عني لو وصلت أخطفك.. انزلها بهدوء واضعا جبينه فوق خاصتها 

- بلاش تعذبيني ياحبيبتي لو سمحتِ.. عايزك في حضني على طول ياسيلي 

لم تعد تشعر إلا ببعض الحرارة تتسرب إلى جسدها لأقترابه منها بهذا الشكل.. حاولت الأبتعاد عن أحضانه ولكن قوتها الواهية لم تساعدها... لقد وقعت في عشقه وقضي الأمر.. قلبها اصبح كآلة طبول.. ابتعدت عن احضانه تحاول لملمة شتات نفسها ولكنها شعرت بدوار خفيف ..وجدها بتلك الحالة 

فضمها إلى أحضانه 

- هتبعدي تاني عن يونس ياسيلين 

خرج من ذكرياته على رنين الهاتف بأسمها ..نظر لصورتها المنقوشة على هاتفه ..ثم اغلق الهاتف وهو يتنفس بقوة كالمتسابق  

بعد شهر بشركة البنداري صباحا اتجهت إلى المصعد وجدته يتحدث بهاتفه 

- لا ياحبيبتي يعني ساعتين شغل... ماهو الباشمهندس سليم مصدق إجازة النهاردة 

- خلي بالك من نفسك وأسمعي كلام سليم 

اجابته بشقاوة

- أنا مش هرجع القاهرة لما تيجي وتقعد يومين 

ضحك بصوته الرجولي 

- بت بقولك اقفلي وهكلمك لما أروح المكتب أنا في الاسانسير  ..سلام حبيبتي 

استدار عندما شعر بأحدهم...وكأن قلبه شعر بوجودها 

شعرت ببرودة تجتاح جسدها عندما وجدته بهيئته أمامها... لقد اشتاقت له كثيرا.. حتى شعرت بدقات قلبها تتقاذف بعنف داخل قفصها الصدري... ولا يختلف الأمر عنده... شعر بانسحاب أنفاسه من وجودها أمامه 

ظلت نظراتهما مثبته كلا منهما على الآخر باشتياق لبعض اللحظات قبل أن يحمحم 

- صباح الخير... 

أومأت برأسها دون حديث... كأن الحروف هربت من شفتيها... وقفت بجواره على بعد مسافة ..أستدار يواليها ظهره وقام بتشغيل المصعد ..  كان جسدها يرتعش من رائحته التي ملئت رئتيها.. اخرجت هاتفها الذي قام بالرنين 

- ايوة ياباشمهندس... لا دقيقة وأكون عندك... لا معايا وخلصته تمام 

أخرج زفرة حادة عندما علم بهوية المتصل 

حتى شعرت بأنفاسه تحرق المصعد 

توقف المصعد... خرجت سريعا علها تستطيع التنفس الذي منعته منذ دخولها 

- "ليلى "أردف بها راكان بهدوء على غير عادته

توقفت وهي تواليه ظهرها 

- عايز اعرف آخر تطورات المشاريع الجديدة... أنا غايب بقالي شهر.. لو تاخدي بالك 

استدارت بهدوء 

- ماخدتش بالي إنك موجود ولا لا... وعلى العموم مش أنا المسؤلة حضرتك على إني اتناقش في المشاريع... 

تحرك متجاوزها وأردف 

- مستنيكي في مكتبي عشر دقايق وتكوني عندي ...قالها وتحرك ولم يعيرها أهتما من نظراتها النارية

  

امتقع لونها وكادت أن تفقد وعيها من ذاك المتجبر لم تستطع الصمود تحركت متجهة لغرفة مكتبه متخطية السكرتيرة التي دخلت خلفها 

- استني ياباشمهندسة... كان يقوم بخلع جاكيت بدلته... استدار للتي اقتحمت المكتب... ابتسم بخفوت فقد وصل للذي خطط له 

- روحي ياسهام على شغلك... الباشمهندسة جاية تراجع معايا التصاميم بتاعةالمشروع 

برقت عيناها من هدوئه المستفز وتصاعد غضبها للحد الذي جعلها تقترب منه وتتحدث بانفعال 

- إنت مفكر نفسك مين... أنا هنا مهندسة تصميم مش المرمطون بتاع حضرتك 

قام بعقد قميصه ورفع أكمامه.. فظهرت عضلاته و هيئته الجذابة أمامها... قام الاتصال على السكرتيرة 

- ابعتيلي قهوتي... وقولي للمهندس آسر يجيب االتصميم... اه وهاتي للبشمهندسة ليمون فريش 

بلغ الغضب ذروته فلم تعد تستطع تمالك أعصابها 

-  تمام ياباشمهندس... مش حضرتك باشمهندس برضو 

رجع بمقعده للخلف.. اشتاق لشراستها بقوة 

نظر لها نظرات لم تفهمها  مط شفتيه وهو يهز رأسه 

- لا أنا مستشار... وقاضي ساعات على حسب القضية قالها بمزاح الغير معهود 

ثم رفع عيناه إليها وتحدث بحديث ذات مغذى

- بس بحب الهندسة جدا... وكان نفسي أكون مهندس تصميم كمان... أمسك قلمه ونقر به على مكتبه بس ملحوقة  مراتي إن شاء الله هتكون مهندسة تصميم... ايه رأيك 

كانت طريقة إحترافية موجهة لقلبها الذي أعلن عصيانه عليها مما   تجلت الصدمة على وجهها .. فظلت تناظره وهو يبادلها نظراته إلى  أن قطع حرب النظرات اسر 

- صباح الخير ياأستاذ راكان 

اومأ دون حديث :

وقف متجه لطاولة الاجتماعات... وبدأو يتناقشون العمل على آخر مشروع... وفروع التصميمات وبعض المشروعات الاخرى وانجازتها 

كانت تقف بجواره في بادئ الأمر لم تشعر بشيئا سوى وقفها بين يديه وهو يقوم بشرح بعض الاشياء المطلوبة... مرت دقائق ومازال يسيطر عليها بجاذبيته وحديثه... ولكنها لم تفهم مايقوله تنظر له فقط تسترق النظر فقط... قاطع شرودها اسر 

- ليلى مالهاش دخل بدا خالص ياباشمهندس... هي مهندسة ديكور فقط 

استشاط داخله بنطق إسمها دون القاب 

توجه بنظره لها 

- اسمها الباشمهندسة ليلى... مش كدا ياباشمهندسة 

نظرت للأرض بغضب من حديثه 

- الباشمهندس اسر بيحب يشيل التكليف مش أكتر ..وبعدين دا ابن عمي 

رفع حاجبه بسخرية 

- والله... ربنا يهني سعيد بسعيدة ..بس ابن عمك في بيتكوا وانتوا بتشربوا الشاي مع بعض وبتحكوا قصص ألف وليلة 

شهقة قوية خرجت من جوفها من حديثه الذي طعنها ...ابتسمت مقوسة فمها وهي تتمتم له 

- حاضر هنعمل بالنصيحة ياحضرة الباشكاتب . زفر بضيق ثم قال بصوت مبطن بجزع 

- بعد كدا هتراجعي مع معتز وسليم ..تحداها بنظراته ومعايا ..وآسر هيراجع مع معتز وسليم ونورسين 

ثورة حارقة اندلعت من أوامره ورغم ذلك ابتسمت ابتسامة صفراء

-سمعا وطاعة ياحضرة القاضي ..قالتها بمغذى      

استغرب آسر كلامهم الجانبي... فقطع الحديث 

- الباشمهندسة نورسين هتكون ضمن الكاست اللي هيشرف 

- لا نورسين هدوام في شركة باباها بعد كدا 

رفع يديه ببعض الاوراق 

خد دول راجعهم وهاتهم بعد ماتخلصهم 

وقف آسر مستعدا للمغادرة 

- ليلى مستنيكي  فيه حاجة مهمة لازم تشوفيها 

رفعت نظرها لراكان ثم توجهت بنظرها له 

-تمام... قامت بجمع الاوراق.. 

افترسها بملامح حادة ثم اتجه لآسر.. 

-روح على مكتبك وهي شوية وهتسبقك قالها وجلس وهو يشير بيديه لليلى 

وقعت في براثن حيرتها عن طلبه الجلوس

تطرقت إليه بعيونها المهتزة والتي تتراقص بتردد عن خروجها وتركه ..قاطع حيرتها مع نفسها حين قال   

- ليلى فيه موضوع لازم نتكلم فيه... جمعت أشيائها ودقاتها تتسارع من همسه لأول مرة... على رغم شرارة اللقاءات بينهما إلا أنها تتمنى أن تظل هذه الشرارة... شرارة النظرات... شرارة التفوهات... 

ارتعشت يديها وتساقطت بعض الاوراق... نزلت بجسدها تلملمهم... نزل هو الاخر وجمع بعض الوريقات وبسط يديه أمامها بهم... رفعت نظرها له 

تعمق بداخل ليلها الدامس وهو يحادثها بنظراته

- هل تشعرين بدقاتي التي تتقاذف بين ضلوعي منذ أن رأيتك .. توقفت سريعا حينما تفاقمت نظراته عليها 

اغمضت عيناها للحظات لتبعد نظرها عن شمسه التي سحبتها كالمغنطيس 

أمسك يديها 

- ليلى بقولك فيه موضوع مهم لازم نتكلم فيه 

نزعت يديها سريعا عندما شعرت بماس يحتل كيانها... وتراجعت للخلف وهي تهمهم ببعض الكلمات الغير مرتبة كالمعتوهة 

- مليون مرة أقولك ماتتخطاش حدودك معايا ..أنا مش حريم السلطان تبعك ..ولا من عينة سيادتك ...دور على حد غيري 

اتسعت عينيه من هول ماتلفظت به ..وهبت زعابيب غضبه عندما وجد نظراتها إليه كأنه عدوى ..قطع المسافة بينهما ولكن 

قطعت حديثهما نورسين عندما دلفت الى المكتب... وأرتمت بداخل أحضانه 

- وحشتني أوي حبيبي... أنا مفكرة إنك بتهزر لما قولتلي هتلاقيني الصبح في الشركة... كان ينظر لليلى فقط التي انسدلت دمعة على وجنتيها...مسحتها سريعا. .عندما قامت نورسين بتقبيله بجانب شفتيه...  واتجهت إلى الباب 

اغمض عيناه عندما سارت بجواره كأنه يستنشق عبيرها... لم يشعر بنورسين التي طوقت عنقه وهي تتمسح به 

وقفت على باب الغرفة واستدارت تنظر له وجدته مغمض العينين ظنت حالته تلك من اقتراب نورسين له... زعما منها أنه اشتاقها... خرجت تمسح عبراتها التي انسدلت بقوة ..عندما تاكدت بحبها له 

وضعت يديها موضع قلبها وهي تمسد موضع الالم 

-  مالقتيش غير راكان البنداري... اه ياوجع قلبك اللي هتعيشيه معه.... 

رفعت هاتفها على أذنيها عندما شعرت بانسحاب نفسها... كلما تذكرت صورته وهي تقبله دون رد فعلا منه 

- أيوة ياأسما... فاضية محتاجة اتكل معاكي ضروري 

- تمام ياليلى أنا قدامي عشر دقايق هخلص وأقابلك في الكافيه 

بعد فترة خرجت من الشركة بعدما اخبرت آسر بتعبها وعدم مقدرتها على إستكمال عملها اليوم 

كان يقف بنافذة مكتبه يتحدث لحمزة بهاتفه 

- شكلها كدا ياصاحبي... خطفتني ببرائتها وضحكتها الصافيه ... اغمض عيناه 

واكمل مستطردا 

- تفتكر هتكون بريئة ولا زي غيرها ...شعر بوجع حاد في كامل جسده كلما تذكر ماضيه 

زفر حمزة وحاول أمتصاص  غضب الآخر 

- راكان لو البنت عجباك زي مابتقول ..كلم نوح هو قريبها وهيجيبلك المفيد .. 

سحب حمزة نفسا قويا ثم أكمل 

-أما لو مجرد إعجاب ووقت لطيف ..دي مش سكتك أبدا ..وزي ماأنت عرفت  كل حاجة عنها ..إنها مش بتاعة الحركات دي 

اشعل سيجاره ينفثها بالخارج 

- مش مجرد إعجاب ياحمزة ..أخرج علبة مخملية من درج مكتبه ونظر إليها 

- حمزة أنا جبت خاتم الخطبة ..مستني أكلمها مش أكتر 

اووووه ياراكي ..لا كدا لولا مسيطرة على الآخر ..لا كدا يونس لازم يدخل بتقله ..وهو اللي هيظبط الدنيا ..إنما هو معرفش 

تذمر راكان عابسا 

- عرف من قبل من زمان ... إنت عارف يونس ونظراته ..قفش الموضوع ... أول ماحسيت  أنه عرف حكتله 

هو شبع فيا شماتة برضو... قطع حديثه عندما وجدها تخرج من الشركة وتدلف داخل   السيارة  

- طيب ياحمزة أشوفك بكرة ونكمل كلامنا 

قام الاتصال بالسكرتيرة 

- ابعتيلى رقم المهندسة ليلى حالا 

خلال لحظات قام الاتصال بها كانت بسيارة الأجرة وتتذكر نظراته وهمساته لها اغمضت عيناها وهي تسب نفسها 

- بيتلاعب بالمشاعر 

امسكت هاتفها عندما ارتفع رنينه 

استغربت الرقم ولكن ظهر باسمه بخاصية اكتشاف الاسماء 

- ألو ..قالتها بارتعاش شفتيها 

- رايحة فين من غير ماتقولي ؟ 

جحظت عيناها من استفزازه لها 

- أنا استئذنت من اسر... 

طرق على مكتبه بقوة وتحدث بغضب

-هو آسر صاحب الشركة علشان تستأذني منه 

اغلقت الهاتف بوجهه ثم اغلقته كاملا 

- يخربيت تناكتك ياخي... مش معقول.. مغرور واحد مغرور..قالتها وهي تجز على شفتيها 

نظر بصدمة  للهاتف الذي اغلقته ..لفظ الهواء بقوة من رئتيه وهو يكور على قبضته..وماله ياباشمهندسة .. 

❈-❈-❈ 

في فيلا جلال البنداري

-  يعني يامتر إننا ممكن نخسر القضية دي... لا الارض دي بتعتي ولازم ترجعها حتى لو هندفع تمنها القديم 

اتجهت زوجته إليه بعدما أغلق هاتفه

- فيه إيه ياخالد صوتك عالي ليه 

زفر بغضب وتحدث :

- صاحب الأرض رافع قضية عليا... وتخيلي مين ماسك قضيته الاستاذ حمزة الدمنهوري 

وقفت وصاحت بقوة 

- نعم حمزة مفيش غيره... وليه حمزة يقبل بحاجة زي كدا 

مسح على وجهه بغضب :

- ماهو دا اللي هيجنني إزاي حمزة يقبل القضية وهو عارف أنها ضدي 

جلست وتحدثت بهدوء :

- كلم راكان واستعطفه بشوية كلمات... هيكلمه ويخليه يتراجع 

ارتفع إحدى حاجبيه وتحدث

- راكان... دا مش بعيد هو اللي قاله يعمل كدا ... دلفت سلمى من باب الفيلا 

- صباح الخير ياعمو هي سارة مش موجودة ولا إيه 

نظرت عايدة للأعلى وأردفت 

- بتجهز ونازلة حالا ياحبيبتي... هو انتو رايحين فين 

اقتربت منها وهي تبتسم 

- رايحين نعمل شوبينج ونعدي على يونس في العيادة عازمنا على الغدا 

اومأت رأسها 

- تمام... بقولك ياسلمى 

إنتِ لسة بتشوفي حمزة الدمنهوري 

اهتزت نظراتها أمام سؤالها وأدعت عدم معرفة سؤالها

- مش فاهمة حضرتك ياطنط... حمزة مين 

اقتربت ووقفت بمقابلتها

- حمزة الدكتور بتاع حقوق اللي كان اتقدملك دا وإنتِ رفضتيه... ثم اكملت مفسرة، "صاحب راكان " 

ساد صماتا للحظات... ثم رفعت نظارتها تطالعها وتحدثت :

- حضرتك أهو جوبتي علي السؤال 

واحد اتقدملي ورفضته... إيه اللي هيخليني أكلمه 

هزت رأسها وتحدثت :

- أيوة فعلا عندك حق هو إيه اللي هيربطك بيه.. على العموم انسي ياقلبي 

وصلت سارة إليها 

- مامي أنا خارجة وهتأخر شاوو 

في الكافيه 

جلست تنتظر أسما وهي تتفحص هاتفها او ربما تحاول أن تشغل نفسها... وصلت أسما 

- آسفة يالولة لسة مخلصة... نظرت لها بعمق وتحدثت 

- انت معيطة... مالك فيه حبيبتي وايه الدموع دي 

حاولت إلتقاط أنفاسها التي كادت أن تختنق من الآم قلبها 

- عايزة أسيب الشغل ومش عارف... ولو سبته هعمل إيه هقدر ولا لا 

ضيقت أسما عيناها وأردفت متسائلة:

- ليلى إنتِ بقالك سنة في الشغل وكنتِ فرحانة بالشغل... وكمان مرتبك حلو بيساعد والدك شوية... إيه اللي حصل خلاكي تاخدي القرار دا فجأة 

- "راكان " هو السبب ...قطبت مابين جبينها 

- راكان قالك سيبي الشغل... لا أفهم.. راكان على أد ماهو هوائي بس في الشغل جد جدا 

مسحت على وجهها بعنف ونزلت دموعها 

- حبيته يااسما... حبيت الشخص الغلط وشوفي إنتِ لسة قايلة ايه شخص هوائي... بيتلاعب بالمشاعر... أنا بموت ياأسما حاسة اني بختنق 

جحظت عيناها بقوة من حالة ليلى 

- مش قولتي هتنسيه ياليلى ...أنا طبعا معاكي إنك تبعدي عنه .. دا لو سليم كان أرحم 

صاحت بصوتها الباكي :

- مش بايدي... والله مابايدي.. 

من الحفلة وهو سيطر عليا أوي... مع أنه مش من طبعي الشخصية دي... وحاولت اتخطاه وكنت رافضة العمل في الشركة علشان كدا  ... معرفش حبيته إزاي أوي كدا ياأسما...بس بجد حاسة اني ضايعة  

ضمتها أسما بحنان 

- خلاص إهدي ياليلى... مش عارفه اقولك إيه ...فرحت لما قولتي هتبعديه عنك...صمتت للحظات وأكملت 

- بس لو تقدري تخلعيه من قلبك اخليعه علشان زي ماإنتِ لسة قايلة.... دا هوائي وبتاع ستات ..وكل أسبوع له جوازة 

خرجت من احضانها ..لم تتحمل المزيد من المعرفة التي تشق قلبها أكثر من ذلك ورغم ذلك تحدثت :

- نظراته ليا مبتقولش كدا ياأسما... تعرفي النهاردة كان فاضلي بس ثانية وكنت هجري عليه وارتمي في حضنه... بقاله شهر مبيجيش من وقت اصابته ..بس كنت بطمن عليه من سليم ودا كان مريحني شوية ... 

صمتت لحظات تتذكر همسه لها ونظراته -حسيته كمان عايز يقولي حاجات كتير هو أصلا كان هيقول ..لكن خفت أضعف 

وضعت كفيها على وجهها وبكت 

-بكلمه بقسوة علشان إداري ضعف قلبي قدامه  

تنهدت أسما بوجع عليها 

- لازم تسيبي الشغل ياليلى أنا هكلم نوح ممكن يشوفلك شغل تاني وياريت بقى المرادي تسمعي مني 

اخذت أسما شهيقا عميقا ثم زفرته وتحدثت ماجعل قلب ليلى يدمى  

- اللي أعرفه عن راكان أنه مش بتاع حب أنا سمعته بيقول كدا.. ثم اكملت متذكرة

- سمعته بيقول   أنا عمري مااسلم قلبي لواحدة ست تاني... واخر الواحدة معايا ليلة في السرير... 

وضعت وجهها بين راحتيها 

-  أسمعيني دا واحد حبيته خانته ...

قبل كدا... تفتكري هيحب تاني وهو شايف الستات كلها زي بعض... أنا عارفة أنه جذاب وحلو والصراحة يتحب بس لازم نفكر بعقلنا... 

بكت بنشيج مرير في تلك اللحظة وارتجفت أوصالها من الحزن على قلبها اليتيم  البرئ البكر في الحب 

قاطعهم رنين هاتف أسما 

- ايوة يانوح... لا أنا خرجت وقاعدة مع ليلى في الكافيه 

تمام لما أرجع هعدي عليك... انت موجود في المزرعة 

قطبت جبيناها

- انت في شركة البنداري تمام ...طيب لازم دلوقتى..خلاص يانوح همشي حالا 

رفعت نظرها لليلى 

- نوح كان بيسأل.. هو عند راكان 

بقولك تعالي نتغدى مع بعض... هنروح المزرعة تشوفي الخيل... الدكتور يحيى جايب شوية خيل حلوين وإنتِ بتحبيهم 

وقفت ورفعت يديها لتوقفها 

- ياله هنسيكي وجع القلب دا... شكلنا يا صاحبتي جاين على الدنيا دي علشان نتعذب من الحب ...لازم ارجع على المزرعة فيه بذور وصلت ومفيش حد يستلمها 

بعد فترة في المزرعة 

كانت تتمشى بين الحقول وهي تستنشق رائحة الزرع.

- عندك حق ياأسما المكان هنا ينسي الواحد نفسه... جذبتها من يديها 

- تعالي شوفي المهرة البيضة دي هتخطف قلبك أكتر من راكان 

مجرد أسمه أمامها جعل تذبذب في نبضات قلبها... وضعت يديها حتى تهدأ من روعه 

- ليلى حالتها بقت صعبة ولازم تتعالج ياأسما قالتها ليلى بخفوت

قهقهت عليها أسما واردفت حتى تخرجها 

- واخدة بالي ياقلبي يخربيته اسم الله عليه... وقفت تمسد على الحصان الأبيض 

- دي شكلها يخطف فعلا يابنتي... لا هموت وأركبها... بقولك ساعديني عايزة اركبها وصوريني ..عايزة أعاند درة 

صاحت أسما باسم الرجل المسؤل عن الأحصنة

- معلش ياعم محسن ممكن بس تساعد حضرة الباشمهندسة في ركوب الفرس دا... متخافش مش هتروح بعيد مجرد صورتين بس 

بسط الرجل العجوز يديه إليها وقام بتوجيه تعليماته لها حتى تعتلي الفرس

-أسما الحصان جديد ..متتحركوش من هنا 

أومأت أسما برأسها 

-تمام ياراجل ياعجوز أن شاء الله متخفش 

دلفت سيارتين للمزرعة في تلك الاثناء 

وهي تعتلي الحصان وابتسامتها تشق عنان السماء بحركتها البريئة... حتى تلتقط أسما بعض الصور... 

نزل وهو يخلع نظارته وينظر للتي خطفته من أول لقاء بينهما 

ظل يدقق النظر بملامحها التي تشبه قطرات الماء النقية.. وأردف بينه وبين نفسه 

- نقية كجرعة المياة التي تنبت الزرع حبيبتي... ردد بشفتيه حبيبتي... اتجه كالمسلوب نحوها... رأته أسما التي كانت تلتقط الصور وتضحك... تسمرت بوقفتها 

رفعت ليلى يديها لتقطع شرود أسما... تحرك الحصان بذاك الوقت... صرخت بصوتها الناعم الذي ذلذل كيانه 

اسرع متجها للحصان حتى أمسكه وتوقف تماما أمامه كانت مغمضة عيناها منتظرة سقوطها بأي لحظة... فجأة تساقطت قطرات المطر الندية... فتحت عيناها عندما شعرت بتوقف الحصان وصوت أنفاس قريبة منها... وجدته يطالعها بقلبه قبل عينيه 

- "راكان " ارتجفت شفتيها بنطقها... شرع في القرب منها حقا كانت ساحرة بطلتها على تلك المهرة...نعم فهي مهرته..مهرة قلبه التي سلبته بابتسامتها وحركاتها الطفولية ناهيك عن صوتها الناعم... رغبة ملحة منه في الاقتراب منها وجذبها لأحضانه  حتى يكسر حاجز المسافة بينهما 

صافح قلبها  بنظراته التي شبهتها بقطرات المطر التي تساقطت عليها لتحيى قلبها بعدما تآكله الخزن 

بسط يديه وأردف بصوتا مبحوح 

- تعالي اسندي عليا علشان تعرفي تنزلي 

قالها هامسا لها 

هربت من حصاره وهمسه الذي اخترق قلبها وبعثر نبضاتها بعد وعودها الواهية 

بنظراتها البعيدة عن مرمى نظره 

-"ليلى" لو سمحتِ بُصيلي ...عليك اللعنة أيها القلب اللعين ..وماكان منها إلا أن تناظره فقط لتشبع روحها من قربه... خرجت من تذلذل كيانها بقربه عندما لامس يديها... نزعت يديها سريعا 

- لا هعرف انزل لوحدي... ابعد شوية لو سمحت 

- لو سبت الحصان هيمشي وهتوقعي وممكن تتكسري وأنا الصراحة مقدرش على كدا... هاتي إيدك علشان اساعدك 

فقدت قدرتها على الحركة او الكلام... كان هناك من يقف يراقبهما... اقترب نوح منها 

- ايه الموضوع... شكل فيه حاجات كتيرة بتحصل من ورا نوح ياأسما 

ظلت تتابع بنظراتها حالة ليلى المشتتة في حضرته

- يارب السمكة تهرب قبل ماتوقع في الشبكة... اصلها بعد كدا هتموت ياحضرة الدكتور 

قالتها أسما وتحركت إلى حيث وقوفهما 

بسطت يديها المرتجفة كحال قلبها  لتعانق كفيه ولكن قاطعت تواصل الأيدي أسما حين قالت 

- لولة آسفة ياقلبي اتأخرت عليكي... اتجهت بنظرها لراكان

- شكرا ياحضرة النايب... أصل ليلى بتحب الخيل جدا فقولت أجبها تغير جو وتشوف الخيل الجديد.... قالتها أسما وهي تمسك بيد ليلى بدلا عن يديه 

جز على نواجزه يسبب تدخل أسما بينهما ..رفع بصره لوجهها علها تستمد مساعدته   

وقعت عيناها بعيناه التي تحكي الكثير والكثير هنا ارتبكت عندما رفع يديه يلامس كفيها مزيحا كف أسما ..لقد فقد توازنه بالكامل ..عينيها بسوادها الذي جذبه كالمغنطيس  

.-"ليلى" همس بها مماجعلها  ترتبك وفجأة تركت لجام الحصان واعتدلت لتنزل إلا أن الحصان تحرك سريعا مما أدى إلى اهتزازها وسقوطها بين ذراعيه... كان يعلم ماسيصير بسبب حركتها المخالفة لركوب الخيل 

اصبحت بأحضانه كاملا... رفعت نظرها وارتعش جسدها... نظر كغريق لعيناها عندما ضمها وشعور انتابه بوجود ضالته التي افتقدها كثيرا... ارتعشت بين يديه وفقدت الحركة تماما... ليس حركة جسدها فقط بل حركة عقلها الذي غاب عنها للحظات راقبت نظراته بعيون مرتعشة وأنفاس تعلو وتهبط من قربه الذي اخترق قانون المسافات وأصبح غير مشروعا... حاولت التنفس ولكن رائحته تغللت لرئتيها ... اخيرا افاق العقل واشار بالمحظور عندما همس 

- إنتِ كويسة... كدا خوفتيني   قالها وهو ينظر لشفتيها التي ترتجف ويتساقط عليها قطرات المطر ..وأهدابها . حقا لوحة فنية رائعة لقلبه ...صمتت الألسن وانفجرت دقات القلوب 

خرجت من ضمته التي شعرت بعد تركها له ببرودة تجتاحها بعدما كانت تشعر بدفئ أنفاسه ويديه حولها... ازداد تساقط المطر 

اتجهت سريعا لأسما التي تقف تنظر بخفوت لنظرات راكان المرتابة لصديقتها أيعقل إنه أحببها... هل يعقل أن راكان البنداري أحب مرة اخرى أم انه يصطاد فريسة جديدة 

تحركت.. أمسكتها نوح واردف متسائلا

- ايه الموضوع يااسما... النظرات اللي شايفها دي حقيقي... ليلى وراكان 

نزعت يديه 

- روح اسأل صاحبك يادكتور... وياريت تفهمه إن ليلى بريئة من حركاته دي... مش أنا اللي هوصيك على ليلى يانوح 

اغمض عيناه متلذذا بهمسها باسمه 

- تعالي عايز اتكلم معاكي... ولازم نحل المشاكل... وبعدين نشوف موضوع ليلى وراكان 

- أنا مش فاضية يادكتور بعد إذنك 

أسما استني بكلمك لازم توقفي وتسمعيني 

استدارت له وكم كانت تكره ضعفها أمامه... ولكن كفى من ذلك القلب المكسور 

تصاعد ألم قلبها من حديثه فقالت بانفعال 

-عندك حق يادكتور.. تقول ايه شغالة عندك ولازم احترمك 

جذب يديها ونظر لداخل مقلتيها

- إيه اللي بتقوليه دا ياأسما.. هو احنا مش صحاب 

نزعت يديها بقوة. أردفت تناظره وقطرات المطر تغطي اهدابها 

- لا مش صحاب ياحضرة الدكتور... صحاب دي كانت زمان.. اقتربت ومازالت تناظره بقوة 

-ايام ماكنت حفيدة حضرة الضابط لها مكانة بين الناس 

قاطعهم وصول راكان وليلى 

- شكلكم بتحبوا المطر أوي... إيه يابني ادخلو اتغرقتوا مية 

اتجهت أسما بنظرها لليلى التي تقف تحت جاكيتيه مبتسمة. ... وراكان الذي راق له الأمر من قربها وهو يطالعها بعينيه ..ويحاول التقرب منها..جذبتها من معصمها 

اوشكت على التحرك معها فوجدت قبضته القوية التي اوقفتها 

- رايحة فين لسة مكملناش كلامنا 

جفلت من حركته 

- ممكن تسيب ايدي.. نوح يقول ايه دلوقتي... كان نوح يتحدث بهاتفه 

لو سمحت ياحضرة المستشار ممكن تسيب ايدي... قالتها وهي تكز على اسنانها 

اقترب وهمس لها 

- متمشيش هوصلك... ويارب تسمعي الكلام 

جذبت يديها سريعا عندما شعرت برعشة قويه تجتاحها عندما اقترب منها بهذه الطريقة

❈-❈-❈

في عيادة يونس 

دلفت إحدى الحالات المنتظرة 

كان يتحدث بهاتفه بشرفة مكتبه 

- والله من غيري يانوح... تمام ياعم 

متخلهوش يمشي عندي كام حالة كشف هخلصهم واحصلكم سريعا ... انا عايز اركب المهرة الجديد... وإياك تقول لراكان عليه 

قهقه على الطرف الاخر نوح ونظر باتجاه راكان الذي تحرك مع أسما وليلى إلى المنزل الملحق بالمزرعة

- وحياتك عينه قفشتها أول مادخل... ومن حظه الحلو وحظك المنيل... ليلى كانت راكباها وأسما بتصورها 

- ليلى مين... المهندسة... وأيه اللي وداها المزرعة... وراكان معها... بيعملوا إيه كان بيصورها... يادي المصيبة 

- يخربيتك يادكتور الهسهسة انت 

مش ملاحق أجاوب ولا على سؤال... ثم تذكر شيئا 

-هو ايه الموضوع يالا... ؟

وبعدين ليلى بنت خالتي وبتيجي على طول هنا.. يعني عادي.. اللي مش عادي هلفتك بالكلام دا 

حمحم يونس ثم تحدث

- لا عندي كشف أشوفك بعدين سلام ياصاحبي اشوفك بعد ساعة 

استدار وفجأة جحظت عيناه مما رأى 

- انتِ... هنا ليه ؟

اقتربت تتحدث بخبث :

- عامل إيه يايونس... وياترى إبن عمك عامل ايه 

عند زينب بغرفتها ...أخرجت بعض الصور ..تنظر إليهم وتتساقط عبراتها عبر وجنتيها دلف أسعد يبحث عنها 

-زينب قاعدة كدا ليه ؟

استدارت وحاولت الأبتسام ولكنه جذب الصور من يديها 

-ياااه يازينب لسة محتفظة بصور هيلينا ..أزالت عبراتها وتحدثت بصوتا باكي 

- لازم أكون  محتفظة بيهم ياأسعد ..أكيد هيجي يوم وراكان يعرف الحقيقة 

تنهدت بحزن وسألته 

-تفتكر راكان هيسامحني ياأسعد ؟...جذبها أسعد لأحضانه 

- راكان مستعد يضحي بنفسه علشانك يازينب ..ليه مش هيسامحك 

خرجت من أحضانه وأردفت 

- علشان  مفكرين أمه . مش ..وضع يديه على شفتيه مقبلا جبينها 

- هيسامح لما يعرف الحقيقة يازينب ...إنت نعم الأم والزوجة ..وعارف حب راكان ليك أقوى من اي  حاجة تهزه 

بالعيادة عند يونس

جلست تضع ساقا فوق الأخرى 

- إيه أخبار راكان يايونس... عرفت انه لسة مااتجوزش لحد دلوقتي 

وضع يديه على مكتبه واقترب بجسده منها

- عايزة من راكان ايه ياحلا... مش مكفيكي اللي عملتيه... ثم ضيق عيناه وتسائل 

- أنا اللي بيدخلي ياإما حامل... ثم نظر لها نظرات ذات معنى يااما عنده تكيس مبايض... قالها بمغذى 

ضحكت على كلاماته

- لسة زي ماأنت يايونس.. وضعت يديها مثله واقتربت :

- وليه ماتقولش غير كدا... عايزة اطمن على نفسي واشوف لو اتجوزت ينفع اجيب ولاد ولا لا 

قهقه بصخب عليها 

- جيتي ملعبي استاذة حلا... بس خايف عليكي من صدمة النتيجة... 

قطع حديثهما عندما دلفت سارة وسلمى للداخل بغضب من السكرتيرة الخاصة به 

- ايه الهبل دا... ازاي تدخلوا كدا 

اقتربت سارة تنظر لحلا بسأم

- ماهو لما خطيبتك تستنى كشف أكتر من نص ساعة لازم أدخل وأشوف إيه اللي بيحصل 

- برة... ثم رفع نظره لاخته ثم صاح بقوة 

- قولت برة انتوا الاتنين.. 

في المزرعة 

جلست أمام المدفأ تتدلك يديها لتشعر بالدفا... اتجهت أسما وجلست بجوارها

- دا اللي اتكلمنا فيه ياليلى... ايه اللي شوفته دا 

خبأت عيناها عن نظرات صديقتها بالاتجاه الاخر 

لفت اسما وجهها إليها.. وفرت دمعة من عينيها تسيل فوق وجنتيها ببطئ

- خايفة تعيشي زي... هتتعبي ياحبيبتي 

أنا دموعي مابتنشفشي... ومستحيل أشوف نفسي مع حد تاني... راضية بنصيبي.. لمست خديها بحب ونظرت داخل عيناها 

- ليلى الحب وجع وبس... طول عمرك بتهربي منه... فاكرة ماجد اللي كان هيموت عليكي... عارفة أنا دلوقتي اتمنى ماجد يرجع ويتجوزك ولاإنك تعلقي نفسك براكان 

. ارتبكت وتلعثمت الكلمات بحلقها.. فاردفت باهتزاز:

- مش يمكن تكوني ظلماه ياأسما... أنا بحس بحاجة تانية.. مش معقول نظراته تكون وهم ياأسما 

تنهدت أسما بحزن 

- ماهو دا راكان البنداري يابنتي... بتاع النظرات والهمس.. إنتِ متعرفهوش أد ماأعرفه... أنا شوفته  في الحفلات... هيكون صعب عليكي لما تشوفي حبيبك قاعد ضامم واحدة بحضنه وعمال يضحك معها 

هزت رأسها غير مستوعبة حديث أسما 

- لا مستحيل ياأسما... فجأة تذكرت دخول نورسين وقبلاتها له 

ألقت بثقل جسدها على المقعد ونظرات بتوهان لصديقتها 

- معقول أنا أحب شخص غلط... شخص مايعرفش قيم وأخلاق 

جلست أسما أمامها على عقبيها 

- الكلام كمان أسهل من الصورة... ابعدي حبيبتي... امسحيه وعدي وإنتِ لسة في الأول ..عارفة لو سليم صدقيني اول واحدة أشجعك..لانه مش انفلاتي زي دا  

وقفت وارتدت جاكتيها 

- أنا لازم أمشي دلوقتي... بابا قالي ماتتأخريش... والساعة داخلة على ستة اهو 

امسكتها من يديها وخرجت 

- الجو بطل مطر كويس... تعالي هاخد عربية المزرعة من إحسان وهاجي أوصلك متنسيش الطريق دلوقتي مقطوع... بين المزرعة والعمران 

اومأت براسها ووقفت بالشرفة تنتظر اسما 

اتجه نوح اليها 

- تعالي ياليلى الغدا جهز... اتغدي معانا وبعد كدا هسمعك المقطوعة اللي بتحبيها 

استدارت وعيناها مغروقة بالدموع عندما تذكرت حديث اسما 

- لا يانوح لازم أمشي.. علشان بابا وماما ميقلقوش 

رفع هاتفه وقام الاتصال على والدها

- ايوة عمو عاصم... ليلى عندي في المزرعة وهتتغدى معنا وهوصلها للبيت...  لميا لسة جاية وعايزة تقعد معها 

على الجانب الاخر

- بس متتأخروش يانوح... وبلاش ترجع معاك لوحدكم مش عايز حد يتكلم يابني.. وبعدين ياريت لو لميا وأسما مش موجودين بلاه العشا وابعتها.... أنا مش بشكك بأخلاقك.. لكن الصح صح والغلط غلط 

زفر نوح بغضب عندما علم بما سيفعله راكان بعدما يعرفه ...

اظن سمعتي بودانك أهو 

- هي لميا جت فعلا ولا بتضحك على بابا 

- لا يااختي لميا  هنا أهو 

استدارت متفاجأة بها وتعانقت الصديقتان 

- إيه يابت الحلاوة دي.. احلوتي اوي يالولة

رفعت حاجبها بسخرية 

- شوفوا مين اللي بيتكلم.. هكون أحسن منك يالولو 

قطع حديثهما العاملة 

- الغدا جهز يادكتور... 

أومأ براسه ساحبا اخته من ذراعيها 

- ياله ياليلى هنتغدى ونسمع شوية بيانو من لولو وبعد كدا هنوصلك انا وهي 

وقفت لميا ونظرت في الحديقة

- هو راكان راح فين... جذبها نوح وتحدث 

تعالي وليلى هتناديله بيعمل تليفون 

تسمرت ليلى بوقفتها

- لا أنا ماليش دعوة... روح انت ناديله.. قالتها ثم دلفت سريعا دون حديث اخر 

- خلاص يانوح أنا هروح اناديله 

كان يتحدث بهاتفه 

- وبعدين يابابا... متأكد إن الأرض دي هتكون حلوة للبرج 

- تمام سبني أشوف الارض واشوف دراسة المشروع هتكلف كام... واشوف سليم كمان... هو لسة مارجعش 

اجابه والده: 

-  لسة بيقول بكرة إن شاء الله.. 

انهى حديثه ملتفتا... وجدها تقف تعقد ذراعيها وتقف أمامه 

- حمدالله على السلامة ياحضرة الدكتورة العظيمة 

- ازيك ياراكان وحشتني أوي ..جذبها ضاممها بأحضانه 

- إنتِ اكتر حبيبتي... إيه أخبارك؟.. وأخبار مستشفى المجانين بتاعتك 

تحركا للداخل 

- نفسها في واحد مجنون زيك ياحبيبي 

قهقه عليها وأردف :

- بعينك ادخلها... يوم ماادخلها علشان اشتريها بمجانينها ...لكمته بكتفه 

- والله إنت مغرور أوي.. تعالى نتغدى وبعدين نرغي زي زمان... بقالي كتير اوي غايبة عن مصر، وكمان شامة ريحة حاجات غريبة 

ضيق عيناه وتسائل :

- يعني إيه حاجات غريبة...أشارت على قلبه 

- سامعة هنا هزات عنيفة... بس لمين اكيد ليا صح ياحضرة النايب 

ابتسم بسخرية على حديثها :

- ايوة فعلا واخر الليلة هضربلك ورقة عرفي 

دلفت وهي تضحك بمرح على كلاماته 

- شوف يانوح صاحبك الدنجوان بيشدني للرزيلة... وعايز يكتب عليا عرفي 

رفعت ليلى نظرها اليهما كانت

تجلس بجوار أسما ونوح يتحدثون  وجدت ابتسامتهما تشق عنان السماء.. 

اتجه وجلس بجوار نوح :

- عاملي غدا على شرف لولو يالا ولا على شرف حد تاني 

كانت أسما تجلس تتأكل من الغيظ لأنها تشعر بتذبذب تلك التي تجلس بجوارها تتلاعب بصحنها 

- أنا بقول الغدا النهارده على شرف ليلى مش كدا يالولة 

اتجه راكان بنظره سريعا اليها 

- عندك حق يالميا... السهرة كلها هتكون على شرف ليلى 

وقفت سريعا كالملدوغة عندما استمعت نطقه لاسمها 

- اسفة لازم امشي حاسة إني تعبانة... شكلي اخدت برد. 

هب واقفا وصاح بغضب 

- احنا لسة بنبدأ أكل مالك فيه إيه... ولا

قاطعته بغضب

- متعليش صوتك لو سمحت آنا مش في شركتك.. تعبانة وعايزة اروح ايه ..تجرأت على كبريائه فكانت نظراتها مشتعلة لم يعلم لماذا ..

-وأنا بقولك أقعدي . هوصلك بعد مانتغدى

- ممكن ملكش دعوة بيا ..هو انا في بيتك انت هنا ضيف     

استغرب حديثها وعصبيتها الغير مبررة من وجهة نظره 

- معلش ياجماعة ليلى كانت تعبانة وأنا اللي ألحيت عليها الصراحة... اسفة 

ثم اتجهت بنظرها إلى نوح :

- أنا هوصلها زي ماقولتلك 

وقفت متحركة بعد تحرك ليلى عدة خطوات 

- استني عندك... قالها راكان بعصبية 

اغمضت عيناها وظلت كما هي تواليه ظهرها

- تعالي اقعدي شوية هوصلك في طريقي ..ودا أمر ومش عايز كلام بعده. وقبل ماتتكلمي حقي ونص ..قالها وهو يرمقها بنظرات نارية 

هنا توقف عقارب الساعة وشعرت بتوقف دوران الأرض وهو يتجه إلى نوح 

- بكرة الموضوع يكون خلصان ..وأنا دلوقتي هوصلها ..مش علشان هي قامت بطريقتها المجنونة دي .  لا علشان هي تخصني يانوح ..لم الموضوع 

حمحم نوح وأردف:

- مينفعش ياراكان... رغم يعلم بما سيحدث منه... ولكنه اكمل حديثه

- مينفعش ليلى تركب معاك وتروحوا لوحدكوا... حتى بعد اللي قولتهولي ...بلاش اسلوب الضغط دا...خليك هوصلها أنا ولميا او أسما 

برقت عيناه من حديث صديقه... بعدما علم مايرمي له 

- نزل بجسده ووضع يديه على المائدة أمامه 

- انت غيرت رايك ليه يانوح... دا اتفاقي معاك قالها بعدما غادرت ليلى وأسما دون حديث 

قطبت لميا جبينها وتحدثت

- هو فيه إيه بيحصل من ورايا ؟

رفعت نظرها لراكان 

- ليلى... دي  الدقات الجديدة ياراكان 

ابعد عيناه عنها وقفت ونظرت إلى نوح 

- بلاش ليلى يانوح... ثم توجهت بنظرها إلى راكان... المرة دي روحت الحتة الغلط ياصاحبي... ليلى عاصم دي رابع المستحيلات ومحدش هيقوفلك غيري . دي بنت خالتي ياراكان ..فاهم يعني ايه 

قالتها ثم تحركت ولكنها تسمرت عندما أستمعت إلى ماأدهشها 

- بس بحبها يالميا ..وعايز أخطبها ..قالها وهو ياخذ نفسا طويلا من تبغه وينفثه بالهواء  ..استدارت لميا حتى تسيطر على نفسها فقالت :

-هوصلها أنا وأسما... وياريت أكون مسمعتش حاجة 

وصلت إلى منزلها ..دلفت تغطي ألم قلبها بغلاف شفاف من التنهيدات المنحسرة تخرجها على هيئة زفير ...توقفت أمام الذي يطالعها بنظراته الخبيثة ..ووالدها ووالدتها يبدو عليهم الحزن الشديد ..وزعت نظراتها بينهم وتسائلت 

- ايه اللي جاب دا هنا ...اقترب يجذبها من رسغها وهو يهمس بفحيح 

- جاي أخد عروستي ..علشان نشتري الشبكة ويوم الخميس نعلي الجواز يالولا 

هزة عنيفة أصابت جسدها بالكامل وشعورها بالأغماء سيطر عليها حينها تمنت ألا تفيق أبدا