قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الثامن عشر

2

تم النشر بتاريخ الأربعاء

 22/11/2023

عودة للصفحة السابقة

رآها تقف وحيدة تسيل دمعاتها بلا توقف فشلا في السيطرة عليها 

فرق لحالها وقال باهتمام 

سمر! في ايه انتي كويسة بتعيطي ليه حد هنا زعلك او داسلك ع طرف؟؟ 

كانت في مزاج سىء من أجل صديقتها فلا ينقصها أن يأتي نبيل أمامها ويزيد وجعها، فكانت فرصة مناسبة لها لتهب منفجرة غاضبة في وجهه

وانت مالك أعيط ولا معيطش ولا اموت حتى مالك انت بيا، ايه اللي دخلك اصلا انت عايز مني ايه ها 

استغرب هجومها الحاد ذاك واتسعت اعينه فقال 

واحدة واحدة يا سمر هو انا زعلتك في حاجة 

سمر وما زالت ع انفعالها 

وانا مش هنتظر لما انت او غيرك يزعلوني لو سمحت سيبني في حالي ملكش دعوة بيا 

نبيل بهدوء 

لا انتي الظاهر اعصابك تعبانة ومتعصبة فأنا مش هلومك على اسلوبك دا ومتأكد انك لو كنتي في حالتك الطبيعية مش هتكلميني بالحدة دي 

قالها وسابها ومشي لكنه اتوقف مكانه لما شاهد شاب ما يقترب منها 

اما هي فما ان ابصرته حتى حاولت أن تجفف دمعاتها 

ليقول الشاب

سمر ايه الصدف العجيبة دي انتي بتعملي ايه هنا في الصعيد يا بنتي وعاملة ايه 

حاولت سمر الابتسام 

امم السؤال دا اظنه محتاج يتوجه ليك انت ، انت اللي بتعمل ايه هنا

أحمد 

انا جاي هنا لعز انتي ناسية انه اعز اصدقائي 

سمر اها صح وتلاقيك جاي علشان فرحه اللي هيكون بكرة مش كدا؟؟ 

احمد بضيق 

اه شوفتي انا لحد دلوقتي مش فاهم ايه اللي بيجرى يا سمر، عز كدا هيموت بالحيا واظنك عارفة اللي فيها 

سمر تنهدت بأسى

عارفة يا أحمد بس مش عارفة احاول الاقي ليهم أي حل انا بتقطع علشانهم ومش عارفة اساعدهم ازاي 

احمد

ودا سر الدموع اللي ف عنيكي دي، يااه هو فيه كدا فيه لسه اصدقاء بيهتموا بأصدقاءهم اكتر من نفسهم بالشكل دا ؟؟ 

سمر بحب لنادين 

نادين مش بس صاحبتي يا احمد دي اختي اللي مخلفتهاش ماما واكتر من أختي كمان دي توأم روحي مش قادرة اسيبها تتعذب كدا وانا واقفة متكتفة

تنهد احمد بانزعاج حاول إخفاءه 

مش لو مكانتش وافقت ع جوازها من حمزة مكانش كل دا حصل 

سمر ساعات الظروف بتبقى اقوى مننا وبتحطنا ف طريق مكانش نتخيل اننا نكون فيه، بس هنقول ايه هي الحياة كدا مش على مزاج حد، وبلاش تحكم عليها وانت متعرفش اللي هي مرت بيه 

احمد باشفاق ع نادين 

عرفت يا سمر عرفت وبدعيلها ربنا يشفيها 

سمر 

يارب يا أحمد يارب بالله عليك لو قدرت تعمل حاجة وتقنع عز انه ميتجوزش زهرة يمكن 

احمد انا جاي النهاردة مخصوص علشان كدا وربنا يسهل 

رآها نبيل تتحدث مع احمد باستفاضة وأطالت الحديث معه وكأنما تعرفه ويعرفها فشعر بالضيق والانزعاج

مين دا اللي هي واقفة معاه ، ودلوقتي خلاص دموعها جفت! دلوقتي عصبيتها اللي طلعتها عليا راحت، ومالها بتتكلم معاه بأريحية ولا كأنها تعرفه من زمان وايها علاقة بيه.. الله طب وانا مالي زعلان ليه ومتضايق اوي ما تعمل اللي هي عايزاه كانت من بقية عيلتي 

وقف هنيه ثم قال بغضب 

لا طبعا دي صديقة اختي واكيد امرها وسمعتها يهموني انا لازم اعرف ايه علاقتها بيه 

اخرج احمد هاتفه و اتصل بعز قال

ايه يا بني انت فين  انا وصلت وانا اللي هلاقيك فارشلي الارض ورد ولا حتى رملة 

هتف عز بهدوء عكس ما يقول ف صدره 

تعالى ادخل ع ايدك الشمال هتلاقي المنحل في وشك 

سار احمد في طريقه حتى وصل لصديقه فوجده يجلس بهم 

فوقف أمامه وقال مازحا 

ها يا عريس نقول مبروووك

رفع عز رأسه ببسمة ساخرة 

فاقترب منه احمد واحتضنه بوحشة 

عامل ايه يا صاحبي ليك وحشة والله 

عز 

صاحبك بيغرق يا احمد ومعارفشي يفلفص من المية اللي محوطاه من كل ناحية 

احمد جلس جواره وقال 

عز انا عندي فكرة ايه رايك لما تحطها قدام الامر الواقع والمأءذون اللي يطلقها من حمزة يجوزهالك علطول وكدا تفلت من جوازك من زهرة ايه رايك مش فكرة حلوة؟ 

مط عز شفتيه وقال بضجر 

مهينفعش يا فالح نادين دلوك حتى لو اطلقت من حمزة مهينفعش اتجوزها دلوك.

احمد بضجر ليه بقا

عز نادين هيكون ليها عدة يا أحمد طالما جت اهنه في بيت اخوي وخلي بيها وانقفل عليهم باب واحد جتى ولو ملمسهاش فاهمني يا احمد 

 نفخ احمد بانزعاج 

اوف بقا هي مالها ضلمت كدا ليه 

عز مش بقولك بغرق يا احمد، ومش بغرق في اي ماية دي وحل امطين كمان 

احمد ليها حل ان شاء الله اكيد هيكون فيه حل 

عز منيش متصور نادين تروح مني يا احمد مهتحملشي 

احمد اطمن نادين استحالة تفكر تتجوز تاني دلوقتي او ف الفترة دي ع الاقل لما تخلص علاجها 

عز وديه اللي مهون عليا اشوية 

احمد وهتعمل ايه ف جوازك من زهرة؟؟ 

عز مش عارفة أني اندبيت في لساني في ساعة غضب ووافقت قدام الكل هينفعش اصغر ابوي واصغر نفسي شوفت الورطة اللي صاحبك فيها ..

في اليوم التالي امتلأ الدار بالنساء والأهل والجيران ليشاركوا عائلة الحچ عيسى والحجة بهية فرحتهم بابنتهم فاطمة وابنهم عز وامتلأت الزغاريد الأجواء وعلا صوت الفرح في كل مكان 

توجهت نادين وسمر والفتيات الى حيث غرفة فاطمة لتهنئتها ومساعدتها على الاستعداد 

نادين بفرحة لفاطمة

مبرووك يا فاطمة يا حبيبتي الف مبروك ربنا يسعدك يارب 

فاطمة بتنهيدة حارة 

اتمنى اني اكون سعيدة فعلا وربنا يستر 

نادين ليه يا بنتي على فكرة طالما إخواتك وباباكي موافقين ع راضي هو هزو كويس جدا ولا غبار عليه دا انتي بنتهم الوحيدة مش هيجوزوكي كدا لاي حد 

فاطمة بأسى عارفة ان راضي راچل زين لكن أني مبحبوش يا ناس كان نفسي احب واتحب زييكي اكده انتي وعز وكيف نوارة وحمزة نفسي أچرب الحب واعيشه هو أني مشبهشي ولا مشبهشي ليه اتچوز بالطريقة داي 

تنهدت نادين وجلست جوارها تواسيها وتواسب نفسها 

مش يمكن دا افضل ليكي بدل ما تتعذبي وانتي شايفة حبيبك قدامك بيتجوز غيرك يا فاطمة ارضي بنصيبك يا حبيبتي وان شاء الله ربنا هيقدرلك الخير انا متأكدة ان راضي هيقدر يخليكي تحبيه 

فاطمة بانزعاج مين الجلف ديه الل هيخليني أحبه قلبك ابيض يا نادين 

لم تستطع نادين كتم ضحكاتها 

يخرب عقلك يا فاطمة في حد يقول على جوزه كدا يا بنتي 

فاطمة بلا مبالاة كدبتش أني ف اللي قولته ما هو اكده فعلا.. المهم سيبك انتي أني مهاينش علي أن عز يكون لغيرك يا نادين هتعملي ايه 

نادين بأسى ولا حاجة ربنا يسعده ويهنيه أنا بعد الفرح علطول هنسافر اوف وشك بخير يا حبيبتي

فاطمة واه لاااه انتي عايزة تسافري وتهمليني أني حبيتك واتعودت عليكي يا نادين

ابصرت نادين نوارة تقترب منهما فقالت بابتسامة واسعة 

ربنا يخليلك نوارة هي بتحبك اكتر مني وهتاخد بالها منك مش كدا يا نوارة 

نوارة بهدوء الكلام على ايه مفهماشي 

نادين لنوارة 

نوراة انا اسفة ع كل حاجة اتمنى متكونيش زعلانة مني انا مسافرة ومش راجعة هنا تاني سامحيني 

تنهدت نوارة وقالت بهدوء 

ربنا معاكي ويشفيكي يا نادين سامحيني مش قادرة ابتسم في وشك يكفي اني واقفة اكلمك بهدوء اكده 

نادين عارفة ومقدرة شعورك تماما ومش زعلانة منك ابدا كل اللي طالباه منك تسامحيني وتدعيلي كتير وبس 

نوارة 

وقت ما يتم المراد ساعتها هقدر اسامحك 

نادين كلها ساعات ودا يحصل وهمشي وهترتاحي مني علطول 

فاطمة باسى خليكي كم يوم يا نادين امعانا اهنه متمشيش 

نادين اوعدك هبقى اجي مخصوص علشان ازورك يا فاطمة متقلقيش والله 

فاطمة وعد يا نادين

نادين وعد ان شاء الله

وفي المساء 

طلب حمزة مقابلة نادين

فهتفت نوارة بحنق 

عايز منيها ايه تاني يا حمزة 

حمزة هقولها كلمتين اكده يا نوارة 

نوارة طيب أني هكون امعاك وانت بتكلمها ممشياشي 

حمزة ماشي يا ام العيال اعملي اللي يريحك 

نوارة بتبرم 

ام العيال بقا اكده يا حمزة

ابتسم حمزة وقال غامزا لها 

غارت أمكم 

نوارة لاه مغيرناشي ولا حاچة هقوم اناديها لما نشوف اخرتها امعاك 

حمزة ملاطفا اياها 

بس مقلتليش حلاوتك زايدة النهاردة اكده ليه أني معايزشي اكده 

نوارة 

يعني عايزني وحشة يا حمزة 

حمزة بعشق 

خايف عليكي من عيون الناس عايز جمالك ديه يكون ليا أني وبس اللي اشوفه 

نوارة بابتسامة 

أني وسط الحريم اوبس يا حمزة مهخرجشي لمجلس الرجال 

حمزة حتى ولو اوعاك يا نوارة تشلحي حجابك قدام الحريم اني بحذرك يا بت الناس 

ابتسمت نوارة لأنها تعرف غيرة زوجها 

حاصر يا حمزة حجابي ع راسي مهفتهوشي واصل اطمن 

ابتسم حمزة لها وقال طيب اني منتظركم يلا علشان نازل تاني 

وبالفعل اتت نادين بصحبة نوارة وجلسوا جميعا سويا 

فقال حمزة بجدية كيفك يا نادين وكيف صحتك 

نادين الحمد لله يا حمزة اما كويسة

حمزة لساتك مصرة ع طلبك يا بت الناس ومصرة على الطلاق!!

طالعته نوارة باستنكار لترد نادين 

اه يا حمزة عند طلبي انا مليش مكان هنا خلاص وانت مينفعش غير انك تكون لنوارة وبس 

حمزة طالع نوارة لبرهة ثم قال 

كان لازمن اسألك السؤال ديه قبل أي شىء علشان محسش اني ظلمتك انتي مهمن كان حتى على زمتي حتى ولو على ورق بس لازمن تعرفي اني عند وعدي وهتكفل بعلاجك كلياته من الالف للياء لحد ما ربنا يتمم شفاكي على خير 

نادين شكرا يا حمزة انت ونم الأخ والله بس متشلش همي ربنا هييسرها بإذن الله 

حمزة لاه اني مهخلفش وعد قطعته واصل .. كمان ساعا المأذون هياجي نتطلق بدك مني ايتها حاچة قبلها 

نادين لا شكرا يا حمزة على كل حاجة حقيقي انتوا هنا ونعم الناس كنت مبسوطة اني وسطيكم 

قالتها ونظرت لنوارة

 ومبسوطة اني اتعرفت عليكي يا نوارة بجد انتي انسانة طيبة اوي وحبابة زي ما بتقولوا هتوحشيني 

حمزة ايه كنك هتفوتيها ولا ايه 

نادين بالظبط كدا انا طلبت من بابا يجهز عربية علشان نمشي بعد فرح فاطمة على طول 

حمزة ربنا امعاكي يا بت عمي ويسعدك 

نادين واياكم يا حمزة، اا عن اذنك هروح اشوف فاطمة يمكن تكون محتاجة حاجة 

حمزة اتفضلي يا بت عمي 

رحلت نادين لينظر حمزة لنوارة ليجد البسمة على وشهها تشع بوضوح 

فضحك حمزة وقال 

يا بوي على غيرة الحريم ها اكده انتي مرتاحة 

نوارة ببسمة 

فوق ما تتصور أنت معارفشي اني هم وانزاح على قلبي قد ايه 

كان يجلس راقدا بهم شاردا فيما يحدث له 

ليكزه راضي بيده في صدره وهو يقول بتبرم 

قوم يا بو الليلة ليلتي وانت جاعدلي اكده كيف الولايا قوم فز اعمل حاچة في فرح اخوك حسسه بفرحتك ليه اصحاب الندامة 

عز بضيق 

بعد عندي يا راضي أني مفايقلكشي 

راضي وربنا لو ما قمت وركبت حصانك ورقصت مع حمزة وامعاي لهكون اا.. 

زفر عز بضيق ونهض من مكانه متبرما 

خلاص اهو اديني قمت يا باي عليك 

راضي بابتسامة ايوة اكده 

وبعد فترة من رقصات الرچال على الخيل 

جاءهم خبر بأن المأذون قد قدم 

فدقت ضربات قلب عز باضطراب فمحبوبته ستتخلص من قيدها اخيرا 

وما ان تم انفصال حمزة ونادين وجاء الوقت لعقد قران عز وزهرة حتى 

جاء احدهم واستدعى عز في أمر هام 

في حد رايد يقابلك دلوك وبيقول انه امر عاجل يا عز بيه 

نهض عز من مكانه ليرى ما الأمر 

لكنه لم يعد 

انتظروه كثيرا لكن لا خبر بشأنه فاضطر المأذون لأن يرحل واضطر الحچ عيسى ان ينهي عرس راضي وابنته وطلب منه ليأخذها إلى بيته 

وهو يردد ف داخله 

بردك هتهرب واتصغرني قدام الخلق يا عز انت المرة داي عتعادي ابوك مهعديهاش ليك بالساهل 

ليأتي احدهم راكضا وهو يقول 

الحق يا حچ عيسى لقينا عز بيه ......

 ..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة