قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل السادس عشر

تم النشر بتاريخ

الخميس 9/11/2023

2

  

بالهداوة بس اكده يا حمزة واتفاهم مع اخوك بالهداوة ميصحش اكده بيناتكم انتم كبار وعاقلين عاد

 

حمزة بحنق

 كبار يمكن لكن عاقلين دي مظنش، أني واقف قدامي واحد لا عنده عقل ولا مخ من اساسه

 

هنا هتف عز حانقا

اسمع يا حمزة أني هقولهالك للمرة المليون وعلشان اتكون عارف نادين ليا أني ولو حصلت أعادي الدنيا كلياتها علشان اتكون عارف

 

حمزة بغضب وأعينه تشتعل غيظا

بقا أكده يا عز وچالك قلب تقولها صراحة اكده في وش أخوك انك عتحب مرته!

 

أغمض عز الدين أعينه بمرارة وهم وهو يقول

بس متقولش مرتك الكلمة داي عتوجع جوي

 

حمزة  بغضب

داي الحقيقة اللي من اهنه ورايح لازم تدركها بعد ما سيرتك بقت على كل لسان

 

تغير لون وجه عز وراضي وقالا ف نفس واحد

سيرة ايه داي حوصل ايه يا حمزة

 

قص لهم حمزة ما رواه له أبوه

فوضع راضي يده ع رأسه وهو يقول متحسرا

يا بوي على الفضيحة داي، هي الناس داي عايزة ايه منيكم يا عيلة الحج عيسى

عز ببعض الارتباك متظاهرا بالهدوء

وماله مهياش مشكلة لان ديه اللي عيحصل ومهياش عيبة ولا حرام لما أني اتچوز مرة أخرى بعد ما يطلقها مفيهاش حاچة

هتف حمزة حانقا وهو ينظر لراضي يشير لأخيه

سامع انت كلامه والاامبالاة اللي هو فيها، داي مصيبة انت عارف يعني ايه مصيبة افحقنا وحق بت عمك المرشدي!!

 

عز بجدية

متكبرش المواضيع مهنقدرشي نخرسوا ألسنة الناس وكل يوم هتطلع بموال اجديد، اسمع أني هتچوز نادين وهسافر بيها على القاهرة مهنجعدش اهنه

 

حمزة بحدة يبقى ابتحلم يا عز، مفيش چواز من نادين بعد النهاردة خلاص، وهتتچوز زهرة زي ما ابوك قال علشان تخرس الألسنة داي كلياتها ويعرفوا ان اللي هيقولوه وعيسمعوه ديه اكاذيب ملهاش أساس من الصحة

 

انتفض عز بقوة وقال رافضا رفضا باتا

ديه على چثتي اني أتچوز غير نادين

 

قابل حمزة كلمة أخيه بلكمة قوية كادت أن تودي بالصف السفلي لأسنانه وقال بغضب جم

اسمع ياعز أني صبرت عليك اكتير لكن الوضع ديه زاد عن حديه أكتر من اللازم من اهنه ورايح كلمتي أني اللي هتمشي ومهتتصرفش من دماغك واصل ، نادين اياك تقربلها بأي شكل من الأشكال ولا حتى لسانك يونطق باسمها ولا ترف ع بالك من اساسه فاهمني يا واد ابوي، وأظنك عارفني وعارف غضبي منيح

 

تدخل راضي بالحوار

بالهداوة يا واد الكبير بالهداوة

 

ليهتف حمزة بينما يترك أخيه الذي يتألم من أثر الضرب

الموضوع اكبير وخرج عن السيطرة وفيه مكيدة اكبيرة ابتتكاد ضد الحچ عيسى البكري واوولاده علشان اكده لازمن نتحد ونتصرف ابحكمة مش بهوجة كيف ما عز عيعمل افهمتني يا واد ابوي

 

فتح عز الدين فمه ليهتف بحنق

أني معاك في أي حاچة تقولها الا اني اا

 

قاطعه حمزة بنظرة صارمة وهو يشير بإصبعه تجاه وجهه

إياني أسمع بس داي.. اللي هقوله يتنفذ، جوازك من زهرة في نفس اليوم اللي فيه زفة راضي وفاطمة وديه خلاصة الكلام ومفيش منيها راچعة

 

ما ان استمع راضي لهذا الكلام واستمع لخبر زفافه من محبوبته

حتى نسي العالم بمن فيه وشرد تائها في التفكير بها وهو يمسح بيده على صدره بسعادة كبيرة وبسمة واسعة انفرجت لها شفتاه

يا بوووي وأخيرا يا ناس عتچوز وعتهنى وهعيش حياتي ديه حلم ديه ولا علم وربنا أني كأني في حلم چميل يا عالم اوعاك حد يصحيني منيه وأخيرا هنول المراد وفاطمة هتكون ليا وبين يدي وأشيلها چوات قلبي وبين ضلوعي يارب قرب البعيد يارب ، والله وصبرت ونولت يا واد يا راضي

 

فاق راضي من شروده بعد برهة لينظر حوله فلم يجد أحد معه في المكان لا عز الدين ولا حمزة

واه هما راحوا فين دولن ومشيوا امتا أني محستش بيهم بتاتا، ينيلك يا راضي يقطع الحب وسنينه نسيت نفسك يا بو والمصيبة اللي وقع فيها صاحبك وواقف تحب على روحك، هم بسرعة شوف راحوا فين وربك يستر وميحصلش مصايب اكتر من أكده

❈-❈-❈

 

كانت تقف في المنحل الخاص بعز الدين تنظر لخلايا النحل والعسل الذي صنعه وتحاول توديعه وتوديع المكان بأكمله

هيوحشني المكان هنا اوي، هسيبه وهمشي رغم اني حبيته اوي ومحستش بالزهق ولا بالملل هنا ولا لحظة، الناس هنا جميلة وعشرتها حلوة وانا حبيتهم اوي بس انا لازم امشي لازم ابعد عن عز مش هينفع افضل هنا لحظة، عز كل مرة بحاول أبعده فيها عني بلاقيه يقرب مني ويمسك بيا اكتر واكتر

 

وأثناء شرودها وحديثها مع نفسها اتاها صوت أخيها نبيل

نادديين

استغربت الحدة اللي في صوته فالتفت اليه ناظرة باستغراب

نعم يا نبيل مالك بتنادي عليا بالطريقة دي ليه، وكأنك متضايق مني

 

أقترب منها نبيب وقال بحدة

دا صحيح ممكن افهم ايه اللي عملتيه دا وبأي حق تعمليه

 

هزت نادين رأسها بعدم فهم

لا لحظة مش فاهمة بتتكلم عن ايه

 

نبيل

متحاوليش تنكري لان الناس دلوقتي ملهاش سيرة غير علاقتك بعز الدين، أخو جوزك حمزة ها فاهمة يعني ايه أخو جوزك يا نادين

 

ضيقت نادين ما بين حاجبيها وقالت مندهشة

اي علاقة دي اللي بتتكلم عنها سواء انت او غيرك انا مفيش حاجة بيني وبين عز

 

نبيل بغضب

يا سلام والناس جابت الكلام دا منين كدا من الباب للطاق طلعت الاشاعة اكيد حصل حاجة خلتهم يقولوا كدا

 

نادين بانزعاج

نبيل انت بتقول ايه

 

نبيل بغضب

نادين تنكري انك بتحبي عز الدين اخو حمزة!! متحاوليش تقولي عكس كدا لاني سمعتك بتقوليها بلسانك لسمر، هي حصلت يا نادين للدرجة دي مكونتش اتوقع انك كدا أبدا ، طب على الاقل اعملي احترام لجوزك اللي انتي ع زمته وفي بيته وبتاكلي من خيره، لو مش عايزاه ليه مطلبتيش الطلاق ووقتها نشوف هنعمل ايه ف اخوه دا لكن اللي عملتيه دا ميصحش ابدا ودي مش اخلاقك مش اخلاق اختي نادين اللي اعرفها أبدا

 

نادين بحنق

اهدى يا نبيل مفيش حاجة من اللي بتقولها دي حصلت،صحيح انا اا اعجبت بعز ويمكن اا حبيته لكن عمري ما اتعديت حدودي معاه ف اي حاجة ولا بأي شكل من الأشكال انا عارفة كويس اني على زمة راجل ومش اي راجل دا يعتبر أفضل راجل هنا في الصعيد كمان، لكني اقسملك بالله وعايز تصدق صدق انا بحاول ابعد حب عز من قلبي مش علشان انا متجوزة لا دا  لأن جوازي من حمزة مسألة وقت وهتخلص النهاردة او بكرة بالكتير مش هيطول، ومش علشان عز لا خالص، اللي انت متعرفوش اني متفقة مع حمزة مع كدا وهو عارف كويس دا، ومسألة جوازي منه كان غلطة من الأول لسه بدفع تمنها لحد اللحظة دي

تابع قراءة الفصل