قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الخامس عشر

تم النشر بتاريخ

الاثنين 6/11/2023

 اتسعت حدقة نادين مما سمعته من عز فما هذا الذي ضحت بكل اللي يحدث من أجل أن تسمعه، أبعد كل هذا ما زال متمسك بها

قالت في نفسها

ايه اللي انا بسمعه منك دا يا عز، وازاي لسه بتفكر فيا بالشكل دا ، معقول بعد ما اتجوزت اخوك وسبتك وبعدت وكنت بتتهمني اني خاينة وطماعة وبعد نظرات الكره اللي كنت بشوفها في عنيك اسمع كل دا منك دلوقتي ؟ يا ترى ايه اللي جد غير نظرتك ليا ورجع لهفتك اللي بشوفها حاليا في عنيك من تاني، حصل ايه يا عز، حرام عليك ليه بتعمل فيا كدا انا بتعذب ببعدك لوحدي، ليه تيجي تزود عليا كل دا انا مش هتحمله

 

لاحظ عز الدين شرودها فطرقع أصابعه أمام وجهها

ايه يا نادين روحتي فين يا بنتي، بقولك هروح حالا اتكلم مع حمزة لكن للأسف التنفيذ مش هيكون دلوقتي اخلص من الكلب ابن المنسي وان شاء الله كل حاجة ترجع لأصلها

 

هتفت نادين بحنق وهي عابسة

كلام ايه اللي بتقوله دا يا عز، انت جرا لعقلك حاجة في حد عاقل يقول انه هيروح يقول لاخوه طلق مراتك علشان اتجوزها انا؟ هو فيه كدا انا مش قادرة اعقلها ابدا

 

عز بثقة

لا صدقي وطالما انا هعمل دا يبقى فيه، بصي يا نادين الوضع اللي حصل من اول كان غلط سواء ليكي او لنوارة وانا لازم اصلح الوضع دا مش هنتظر أكتر من كدا

 

هتفت نادين بغضب

يا سلام ومين اصلا طلب مساعدتك او تدخلك مش افرض انا مبسوطة كدا ومش عايزة اتطلق من حمزة انت ليه عايز تتصرف من نفسك

 

عز ساخرا

يا شيخة مش عايزة تتطلقي من حمزة  ايه اومال كنتي سايباه وراجعة مع أهلك ليك ها

 

توترت نادين فهي بالفعل كانت ستنهي كل شىء وتغادر لبيتها محاولة نسيان عز نهائيا

اا انا اا انا كنت رايحة يعني اريح اعصابي في بيتنا عادي يعني

 

ابتسم عز وقال بحب

وماله ريحي أعصابك في بيتك بس بعد ما تكوني ليا وبتاعتي أنا وبس

 

نادين شعرت وكأنها تائه أحست بالدوار

اا عز انت بتقول ايه، ااا انا انا

 

خرج عز عن شعوره ونسي العالم بأكمله وكأنه فقد رشده لتوه

نادين انا بحبك ولا يمكن اسيبك او استغى عنك مهما حصل مستعد اتحدى العالم كله عشانك لازم تكوني عارفة دا

لم تتحمل نادين ما قالته

وهتفت بغضب مصطنع كي يكف عن حديثه

اا عز  بطل كلامك الفارغ دا مين قالك اني عايزاك اصلا انت هتكدب الكدبة وتصدقها

 

عز بتوهان

بس عيونك بتقول غير كدا يا نادين

 

هذه المرة أثار حنقها بحديثه فهي  تريد أن تبعده عنها

لاا الوضع دا مش هيتسكت عليه انا لازم اقول لحمزة يحط لتصرفاتك حد انت الظاهر بقيت بتخرف كتير ولا يمكن شارب حاجة انا ماشية

 

قالتها وانطلقت لغرفتها سريعا حانقا

ليبقى عز الدين مكانه شاردا والابتسامة تزين وجهه

مش هسيبك يا نادين هعافر معاكي لحد ما تخفي وتكوني ليا انتي بتاعتي وبس

 

اما نادين فدلفت غرفتها ووقفت أمام الباب تستند بظهرها عليه تنهج بسرعة كبيرة وهي تضع يدها على قلبها الذي ينبض بسرعة

ليه يا عز ليه ، ليه لسه بتحبني وبتفكر فيا ليه، ليه تعذب قلبي وقلبك ليه

قالتها وانخرطت في البكاء

❈-❈-❈

 

 قرر عز أن يتوجه لغرفة أخته ليعلمها بشأن زوجها من راضي

طرق الباب فقالت

مين ياللي بتخبط ادخل

 

دلف عز لداخل الغرفة

فقالت باسمة

تعالى يا خوي كيفك

عز بهدوء

كيفك  يا بت يا مصيبة انتي

 

فاطمة باسمة

 اني زينة الحمد لله اتصالحت مع امي أخيرا ، ونوارة حكتلي على اللي عملته في الزفت ديه، يلا احكيلي بالتفصيل عملت فيه ايه واد الملعون ديه

 

ابتسم عز وقال بثقة

چبت حق أختي كني كنت هسيبه اياك

 

فرحت بشدة

والله براوة عليك يا عز أخوي وحبيبي بصحيح

 

ليهتف عز ضاحكا

راضي وحمزة اخوكي هيتشلوا من اللي عملته، راضي كان عايز هو اللي يچيب رقبته على عملته وياكي

 

ضحكت فاطمة

يلا معلهش بقا انت سبقتهم ولا يروحوا يكملوا عليه زيادة الخير خيرين هههه

ضحك عز

 معاكي حق وهو ابن حلال ويستاهل بردك

انخرط الاثنان ف الضحك معا

حتى قال عز

ها مستعدة علشان فرحك يا عروسة والله وكبرتي يا بت وهتتچوزي يخرب مطنك عايزك تشرفينا يا بت وتكوني مطيعة لچوزك وتعرفيه مين هي بت الحچ عيسى اللي عتكون زوچة صالحة 

 

كشرت فاطمة بوجهها

كلام ايه ديه، عروسة ايه وبتاع ايه اللي عتتكلم عنيه

 

رفع عز حاجبه

ايه كنك معارفاشي ان خلاص فرحك على راضي كمان كم يوم

شهقت فاطمة بصدمة

ايه، لاه طبعا انت ايه اللي عتقوله ديه، راضي ايه اللي عتچوزه أني مرايداهوش ولا رايدة اتچوز دلوك من اساسه

 

عز ساخرا

انتي متچوزاه أصلا يا مصيبة ولا نسيتي

 

ردت بجدية

لاه منستش بس إحنا اتچوزنا انقاذ موقف وخلاص، يعني بعد فترة كل واحد يروح إلحاله

 

عز بجدية هو الأخر

لاه الكلام ديه مهواش حقيقي راضي رايدك يا فاطمة وبيحبك ، وقبل سابق طلبك مني بس كان عيچهز حاله

 

فاطمة بحنق

لاه الكلام ديه ميمشيش معاي أني ميراداهوشي راضي مين ديه اللي اتجوزه هما الرچالة خلصوا من العالم ولا ايه

 

أصابت كلماتها حنق أخيها عز فأمسك بشعرها

ماله راضي يا مصيبة انتي ها، راضي راچل وسيد الرچالة كمان ، انتي تطولي اساسا تتجوزيه يا ام لسان متبري منك انتي

 

هتفت هي حانقة

بعد يدك عن شعري هو عشان صاحبك هتحامي عليه وتاچي عليا عشانه، لكن لاه مهتچوزش أني عصب عني

 

 

مد عز  يده وضربها على كتفها بقبضته

يا مصيبة هو چوزك دلوك والناس كلياتها تشهد سواء شئتي أم أبيتي، وموضوع طلاقك منيه ديه انسيه خالص لانه مهواش هيحصل فاهمة ،اولا مهينفعش بعد اللي حصل وثانيا لإن راضي عيحبك ومتأكد انه الوحيد اللي يناسبك وهيصونك ويحفظك

 

ردت فاطمة هذه المرة بعصبية

لاه يا عز مهتچوزشي غصب عني لو حصلك أولعلكم في نفسي وارتاح

 

أجاب عز بلا مبالاة وهو يجلس ع الكرسي

يلا اعمليها خلينا نخلص منيكي، وقسما بالله انتي چاموسة يا بت ولا عتفهمي وبلا عقل كماني، يعني الراچل ضحى بنفسيه علشان ينقذك من النار، ورفع راسك قدام الخلق كلياتها، وعيحبك ودايب فيكي وانتي تقولي لاه، طب أني طول عمري بفكر وكان شاغل تفكيري الموضوع ديه، ازاي هسلم أختي لأي راچل اكده والسلام، لازم اكون مطمن منيه مليون ف المية لحد ما راضي كلمني وعرفت واتأكدت انه الوحيد الجدير بأختي الوحيدة اللي معنديش غيرها

 

قالها ونهض من مكانه

اعقلي وبطلي طيشك ديه وفكري فيها منيح، وعلشان تكوني عارفة الفرح كمان يومين ومحدش هياخد رأيك من اساسه فاتبطي واهمدي اكده ها، اهمدي يا فاطمة واياكي اسمع كلامك الدبش ديه بدل ما امد يدي عليكي وانتي عارفاني

 

طالعته فاطمة بضيق وهو يرحل

وهتفت باكية

 ياربي اعمل ايه في التدبيسة السودا داي، راضي مين ابو چلابية كلها طين داي، اللي اتجوزه ..ديه ميعرفش غير الفلاحة والارض وبس

❈-❈-❈

 

هبط عز الدين لأسفل ليجد أبيه وأخيه حمزة يجلسان

والخادمة تضع أمامهم الشاي ليحتثيانه

ما ان رآه أبوه حتى قال

تعالى يا ولدي اجعد عايزك في موضوع امهم

 

ليهتف عز باسما

اني اللي عدور عليك يا بوي انت وحمزة علشان أخبركم بحاچة مهمة

 

الحج عيسى

قولي الاول قلت لأخوك على مكان واد المخروب ديه

 

عز بجدية

سيبك من الموضوع ديه دلوك يا بوي اني عايز اعترفلكم بحاچة مهمة

 

استطاع حمزة ان يستشف ما الذي سيتحدث عنه أخوه من تلك الاعين التي تشع حبا فهو خير من يفهم في لغة العيون

 

عز نظر لأخيه وقال

حمزة أني عارف انك تعرف إن نادين هي البنت اللي كنت رايد اتچوزها واللي رفضتها لما ابوي طلب مني أتچوزها واني مفكر انه يقصد حد تاني غيرها، لكن مكنش عندي علم انها نفسها، ودلوك انت اتچوزتها غصب والكل عارف عشقك لمرتك، علشان اكده أني بطلب منيك تطلقها وترچع كل شىء لأصله

 

ليهتف الحج عيسى بغضب

اقفل خشمك يا عز قبر يلمك ايه اللي عتقوله ديه

 

عز بهدوء

ايه يا بوي ما هي داي الحقيقة، وعاچلا ام آچلا حمزة هيطلق نادين واني اللي هتچوزها، أني عارف يا حمزة انت ملمستهاش من أصله، تشكر ليك يا خوي انك حافظت عليها عشاني

 

اتسعت أعين حمزة باستغراب

انت عرفت الكلام ديه منين، نادين اللي قالتلك اكده؟؟ وقعتها امطينة هي راخرة

 

عز بهدوء

لاه اطمن مهياش نادين اللي عرفتني الحقيقة لو كان عليها هي معايزانيش من اصله وديه بسبب مرضها اللي الكل خباه عني، البت يا حبة عيني عتحاول تبعدني علشان مرضها، لكن متعرفش اني لا يمكن اتخلى عنيها واصل حتى لو ايه

 

نظر عيسى لابنه حمزة

اخوك عيلعب بالنار هو كماني، عيتحدي عوايدنا وتقاليدنا ويرمي بيها عرض الحيط

 

عز بجدية

لا عوايد ولا غيره يا بوي نادين ليا من الأول وانتوا عارفين اكده ومنيش هتخلى عنيها واصل ولا هفرط فيها تاني

تابع قراءة الفصل