رواية رومانسية جديدة شوق الجزء الثاني

تنشر حصريًا على مدونة رواية وحكاية قبل أي منصة أخرى

رواية شوق الجزء الثاني

 رواية جديدة قيد النشر

من قصص و روايات 

الكاتبة أسماء عبد الهادي

الفصل الخامس والأربعون

تم النشر الثلاثاء

25/2/2025

كيان كانت نازلة من عربيتها بعد ما ركنتها على جنب ولسه هتتجه لشقة اخوها اياد شافت احمد الشاب اللي وعدها انه هيتقدم لها ويكلم والدها واللي هي كانت معجبة بيه ومنتظره يفاتح والدها في خطوبتهم 

اول ما شافته اتوترت وحست بالفرحة لكن سرعان الفرحة والابتسامة دي اختفت وحل محلها الصدمة والزهول لما شافت بنت بتقرب عليه فمد ايده وباس ايديها وبعدها مسك ايديها واتوجهوا ناحية العربية وركبت جنبه ومشيوا بيها 

كيان 

احمد!! معقول احمد بيقابل بنات!! انا متأكدة انه هو احمد زميلي واللي قالي انه هيكلم بابي ولحد دلوقتي مكلموش لسه معقولة كنت متوهمة فيه كدا 

زعلت وحست بالخنقة وانها عايزة تعيط فجريت بسرعة على الشقة خبطت ولما فتحلها اياد 

كوكو حمدا لله على السلامة تعالي ادخلي 

دخلت كيان من سكات من غير ولا كلمة ومن غير ما تسلم عليه زي عادتها فلاحظ هو دا فقال 

ايه مالك يا كوكو فيه حاجة مضايقاكي!! 

كيان 

مفيش يا اياد مضايقة بس شوية 

اياد 

من ايه هتخبي عليا 

كيان 

معلش مش حابة احكي حاجة دلوقتي يا اياد من فضلك 

تفهم اياد اللي فيها وسكت فظنت هي أنه زعل وخاصة انه بقا حسااس زيادة في الفترة الأخيرة فقالت 

اا انا اسفة مقصدش ازعلك بس انا حصل موقف من شوية ضايقني بس 

اياد 

براحتك يا كوكو مش هجبرك تحكي حاجة بس افتكري انك مكنتيش بتخبي عني حاجة واني اول واحد عايز مصلحتك بس انا عارف ان الحال دلوقتي اتغير تماما 

كيان 

اياد متقولش كدا متزعلنيش منك ارجوك مفيش اي حاجة اتغيرت هتفضل طول عمرك اخويا الوحيد اللي مليش غيره وغلاوتك في قلبي عمرها ما هتقل ابدا وعلشان تصدق انا هحكيلك بس اصل الفكرة ان محدش يعرف بالموضوع دا غير ماما شوق وبس 

اياد 

سامعك يا كيان مين مضايقك؟؟ 

كيان 

اا كان فيه شاب زميلي في الجامعة قالي انه هيكلم بابي علشان يتقدملي وكدا 

اياد 

شاب!! وزميلك !! وانتي ليكي اي علاقة بيه؟؟ 

كيان 

لا خالص كل الحكاية انه زميلي بشوفه في الجامعة وبس عجبني اخلاقه انه ملتزم وعمره ما كلم بنات او حتى هزر معاهم ولا مرة شوفته بيشرب سجاير ولا اي حاجات من دي فلما قالي انه هيكلم بابي فرحت 

اياد 

تمام لحد هنا وكويس اوي فين المشكلة طلع بتاع كلام ومتقدمش؟؟ 

كيان 

لحد دلوقتي اه لسه مكلمش بابي وبقالي كم يوم مشفتوش في الجامعة كمان 

اياد 

امم ودا بقا اللي مضايق كوكو مش كدا ؟؟ 

كيان 

لا طبعا انا مش هايفة اوي للدرجة دي علشان اتضايق بسبب كدا.. بس اصل ااا 

اياد 

ايه اتكلمي يا كوكو متردديش 

كيان

شوفته النهاردة دلوقتي وانا بركن عربيتي بيقابل واحدة وبيبوس ايديها وبعد كدا مسك ايديها وركبوا سوا العربية 

اياد 

اممم مش يمكن أخته مثلا وانتي ظالماه!! 

كيان 

اياد خليك واقعي هل انت عمرك شوفتني ف الشارع وبوست ايدي ولا حتى مسكت ايدي!! 

اياد 

لا طبعا واعمل دا في الشارع ليه 

كيان 

اهو شوفت بنفسك استحالة ولد يبوس ايد أخته وما بالك ف الشارع كل دي تصرفات واحد بتاع بنات وكمان البنت لبسها مكانش كويس 

اياد بعقلانية 

امم اظن المفروض تعتبري دي إشارة من ربنا انه خلاكي تشوفيه على حقيقته قبل ما يتقدم وتتخطبوا وتتعلقي بيه اكتر وتكتشفي حقيقته بعد الجواز... الحمد لله ان ربنا نور بصيرتك علشان متعقيش في الفخ مش عايزك تزعلي وشيليه من دماغك خالص دا ميستاهلكيش انتي جوهرة تستاهلي قلب يكون كله ملكك مش قلب كل يوم مع واحدة .. انتي غالية اوي يا كيان مش هتحمل اشوفك زعلانة 

نزلت دموع كيان واترمت في حضن اخوها 

فحاول اياد يهديها 

كيان ارجوكي تماسكي حتى على الاقل علشان ماما متعرفش وتزعل هي كمان ماما في المطبخ بتحضر الغدا وهتيجي في اي لحظة مش عايزين نكبر الموضوع وهو منتهي من اساسه اوعديني تخرجيه من دماغك عارف انه هيكون صعب بس متأكد انك قدها وقدود مش كدا يا كوكو 

كيان مسحت دموعها 

حاضر هعمل دا 

وبعد شوية جت فداء وفي ايديها الاطباق

يلا يا اولاد علشان نتغدى كويس انك جيتي بدري يا كوكو علشان نتغدى كلنا سوا 

هز اياد دماغه لأخته بمعنى انها تبتسم وتنسى اللي حصل 

بعد كدا جه معاد شغل اياد فكيان اخدت امها بعربيتها علشان يرجعوا البيت واياد راح ع شغله في شركة تصليح السيارات 

وهناك كان بيشتغل مشرف على تصليح العربيات وبيسلم العربيات اللي تم الانتهاء منها لأصحابها 

اياد اتصل بصاحب العربية

اشرف بيه عربيتك جاهزة تقدر حضرتك تيجي تاخدها في اي وقت 

اشرف 

تمام اوي اتصلحت في وقت قياسي جدا ودا شىء غريب علشان كدا انا عايز اتأكد ان الماتور فعلا شغال كويس 

اياد 

يا فندم شغال كويس جدا اؤكد ليك دا اكيد دي سمعة الشركة 

اشرف 

 معظم الشركات اللي كنت بتعامل معاها كانت بتقول نفس البؤين دول علشان كدا لازم اتأكد بنفسي عايز منها تاخدها لفة وترجع بيها تاني علشان اتاكد انها مش هتعطل مني في اي مشوار اقولك بص انا كان عندي مشوار هاخد العربية اجيب قريب ليا من المطار ممكن تعمل انت المشوار دا بدالي منها نتطمن على العربية ومنها تجيب قريبي دا وهعطيك عمولتك متقلقش قولت ايه 

اياد 

يا فندم انا تحت امرك بس انا دلوقتي في دوام الشغل 

اشرف 

لا متقلقش انا هقولهم ان اللي بتعمله دا جزء من شغلك علشان تتأكد ان العربية سليمة 

اياد 

ان كان كدا ماشي انا تحت امرك يا فندم 

وبالفعل انطلت على اياد المسكين الحيلة وركب العربية وانطلق بيها للمطار 

اما اشرف فابتسم بخبث 

ومسك فونه وكلم الشرطة 

الو لو سمحت انا عايز اعمل بلاغ بسرقة عربيتي ونوعها .... 

وبعدها كلم رئيس القسم اللي شغال فيه اياد وقال 

انا حولتلك المبلغ اللي انت محتاجه بشرط تشهد لما البوليس يسألك ان اياد سرق عربيتي فعلا 

❈-❈-❈

عساف كان في البيت وجاله اتصال لكنه كان في الحمام فقالت توبا 

عساف فونك بيرن 

عساف 

تمام انا خارج واهو 

اتوجهت توبا للموبايل علشان تشوف مين فلقته متسجل مدام انجي 

مدام انجي؟؟ مين دي وليه مسجل رقمها معاه 

ولما خرج قال عساف 

الفون رن كتير ولا ايه 

توبا ايه دا انت لبست مش كنت بتقول انك تعبان مش خارج النهاردة؟؟ 

عساف وهو بييعيد الاتصال مرة تانية 

اه افتكرت مشوار مهم ولازم اعمله يلا سلام يا روحي انا نازل لو احتاجتي اي حاجة كلميني 

وسابها ومشي وهو حاطط الفون على ودنه 

الو ايوا معلش انا نسيت معادنا خالص انا جاي مسافة السكة خمس دقايق مش هتأخر 

توبا سمعت الحوار 

مسافة السكة ونسيت معادك معاها!! ومدام انجي؟؟ لا الموضوع دا فيه ان معقول عساف يعرف واحدة غيري!! 

قعدت مكانها وفضل شيطانها يهيأ لها ان عساف فعلا يعرف واحدة تانية وانها علشان تخنت تاني علشان مل منها ومبقاش عايزها.. فدخلت في نوبة بكا وانفعال ملوش اول من اخر 

❈-❈-❈

وصل اياد للمطار ولسه هينزل من العربية لقا اتصال جايله من زميل ليه في الشغل 

اياد انت فين الدنيا مقلوبة عليك يا ابني انت عملت ايه طدا يخربيتك مبقالكش اسبوع في الشغل هنا 

اياد 

فيه ايه يا عم معملتش حاجة انا في مهمة تبع الشغل مش بلعب يعني 

زميله 

مهمة ايه دي بقولك الدنيا مقلوبة عليك البوليس هنا وبيدور عليك بتهمة سرقة عربية من الشركة 

اياد 

نعم انت بتتكلم جد ولا دا مقلب سخيف منك انا مسرقتش حاجة دا صاحب العربية اللي قالي الف بيها علشان يتأكد انها سليمة وموتورها كويس 

زميله 

وصاحب العربية بنفسه هو اللي بلغ عنك وقال انك سرقت عربيته 

اياد

كمان !! اشرف بيه هو اللي بيتهمني الراجل دا شكله مذ سالك عايز ايه دا وغرضه ايه من اللي بيعمله دا 

زميله 

انت فيه بينك وبينه اي حاجة!!! 

اياد 

لا خالص انا ولا اعرفه دي اول مرة اشوفه 

زميله 

طب انصحك تختفي لحد ما تشوف حل للموضوع دا لان انت لو اتمسكت دلوقتي ومعاك العربية مش هتطلع منها وخاصة ان سمير بيه بيأكد على كلام اشرف بيه وبيشهد ضدك انت سرقا العربية يعني التهمة لابساك لابساك ومش هتخرج منها نصيحة دول على محامي كويس لو انت برىء فعلا ولو ليك اي واسطة تخرجك من الموضوع دا 

بهت اياد مكانه من اللي بيسمعه 

واسطة!! انا مليش حد ولا اعرف اهلي حتى هجيب واسطة!! طب اعمل ايه في المصيبة اللي حلت على راسي وجتلي من اي داهية دي مش وقته انا يا دوب لسه بحاول اظبط اموري... طب اعمل ايه دلوقتي 

واثناء ما اياد في حيرة جاله اتصال من عسل 

الو ايوة يا اياد ازيك عامل ايه 

قلب اياد دق وكان هيخرج من مكانه م الفرحة وقال ف نفسه 

يااه يا عسل وكأنك حاسة بالهم اللي جوايا وجاية تطبطبي على قلبي وتخففي عنه شوية 

عسل 

اياد انت سامعني الوو 

اياد 

اا ايوا سامعك ازيك يا عسل اخبارك ايه واخبار عمو عساف وطنط توبا 

عسل 

كلنا كويسين الحمد لله المهم انت اخبارك ايه 

اياد اتنهد تنهيدة حارة خرجت كل الوجع اللي جواه فاستشعرته عسل 

فقالت 

اياد ممكن اقابلك عند ماما شوق واتكلم معاك شوية 

اياد 

اا انا اسف يا عسل بس ظروفي متسمحش دلوقتي خالص انا اسف 

عسل 

حدد الوقت المناسب ليك يا اياد انا هقدر ظروفك بس انا عايزة اتكلم معاك من فضلك 

اياد صدقيني مش هينفع على الأقل دلوقتي لحد ما اشوف المصيبة اللي انا فيها 

عسل بخوف 

مصيبة!! فيه ايه يا اياد مصيبة ايه اللي بتتكلم عنها 

اياد ادرك ان لسانه زل 

فقال لالا مفيش حاجة متشغليش بالك مشكلة صغيرة كدا وهحلها اا سلام 

عسل قلبها وفكرها انشغل بأحوال اياد واتاكدت انه بيواجه مشكلة ومش عارف يحلها وف نفس الوقت مش عارف يستعين بحد 

اما اياد يادوب خلص مكالمته مع عسل 

لقا عربيات الشرطة بتحاوطه من كل مكان 

والظابط مسكه نيمه على بطنه على ضهر العربية  وحط الكلبشات ف ايديه وهو بيقول 

انت مطلوب القبض عليك بتهمة سرقة العربية اللي انت واقف عندها دي 

هنا ادرك اياد انه انتهى خلاص وان حياته ومستقبله ضاعه للابد فاستسلم للي بيحصله ومشي معاهم من غير ولا كلمة دفاع عن النفس حتى لانه عارف ان مهما اتكلم ومهما قال محدش هيسمعه 

❈-❈-❈

خالد كان في مكتبه وجاله فون ولما شاف المتصل قال بامتعاض 

انتي تاني انتي عايزة مني ايه انا مش قلتلك متتصليش بيا تاني ولا كأنك تعرفيني!!! 

....

اياد 

وبعدين معاكي انا لاخر مرة هحذرك تكلميني لاني هتصرف بعدها تصرف مش هيعجبك ابدا انتي فاهمة 

قالها وقفل الخط في وشها وهو بينفخ 

اوف استغفر الله العظيم كان ناقصني موضوعها دا كمان

❈-❈-❈

اما عند مالك ومادونا فجه الوقت اللي بيخططوا ليه من زمان .. وقت حفلة المزاد اللي علشانه عمله كل الخطة دي من اولها وكل الترتيبات دي

استعدوا التلاتة 

مالك مادونا علي واخدوا كل احياطاتهم وقال علي 

كل واحد معاه ادواته اللي هيحتاجها في المهمة... المهمة المرة دي مصيرية اي غلطة بحياتنا كلنا وحياة الشخص اللي رايحين ننقذه ادعوا من ربنا التوفيق والسلامة 

مالك موفقين ان شاء الله... مادونا انتي هتدخلي بالدعوة الخاصة اللي معاكي فكدا مش هتتفتشي وانا وعلي هندخل بالدعوات اللي جبتيها ليا ولبيري وبكدا احنا كمان هندخل بسهولة ومش هنتفتش 

علي 

بالظبط كدا ومهمتك جوا تشغلي الجوكر على قد ما تقدري علشان نقدر نتصرف انا ومالك 

مالك بتحذير 

لو البني ادم دا حاول يتعدى حدوده متتردديش توقفيه عند حده 

مادونا 

متقلقش عليا خدوا بالكم انتم من نفسكم وانا ف اللحظة المناسبة هحصلكم

مالك 

لا سيبي المهمة دي عليا اما وعلي 

مادونا بغيظ 

ايه يا حضرة الظابط مش واثق في  قدراتي ولا ايه؟؟ 

مالك بغيظ هو كمان 

اسمها خايف عليكي ولا انتي متعرفيش الكلمة دي في قاموسك 

مادونا هنا قلبها دق وبصت لمالك باهتمام وسعادة فقالبها هو كمان بنظراته وسرحوا شوية كل واحد بيبص للتاني 

فضحك علي وقال 

مش وقت غراميات يا اخ منك ليها خلونا في مهمتنا هتودونا في داهية 

مادونا ومالك قالوا  وهما بيبصوا لبعض بحرج 

غراميات؟؟ 

واتحرك كل واحد منهم لمهمته ...

❈-❈-❈

اما ف قسم الشرطة مسك العسكري اياد ووقفه قدام الظابط

المتهم اهو يا فندم

الظابط من غير ما يبصله

لقحه في الزنزانة لحد ما يترحل بكرة ويتعرض على النيابة ويبقى حظه حلو لو عربية الترحيلات جت بكرة واخدته لانه لو فضل معايا هنا وشه هينور من اللي هعمله فيه 

بلع اياد ريقه بخوف من المجهول والمصير اللي هيقابله وهو معندوش اي فكرة هيخرج من اللي هو فيه ازاي 

فمسكه العسكري وشده من ايده علشان ياخده على الزنزانة 

فقال الظابط بتهكم 

لو عندك محامي ياريت تشوفه لو عايز تخرج من هنا 

في الوقت دا افتكر اياد فداء امه فقال للعسكري بعد ما خرج 

ممكن اعمل مكالمة من فضلك 

العسكري بتأفف 

اخلص يا متهم دقيقة واحدة وتقفل واحسنلك تسلم حاجتك ف الامانات هنا لانك لو دخلت جوة الاوباش اللي جوة مش هسيبوها معاك وانا حاسك كدا ابن ناس مش بلطجي ولا سرسجي زي اللي بنشوفهم كل شوية هنا 

هز اياد راسه بمعنى انه هيعمل كدا 

ومسك الفون وكلم فداء 

الو ايوا يا ماما معلش انا مش هقدر ارجع البيت النهاردة متقلقيش عليا 

فداء بقلق وهو لسه بيتكلم 

ليه مش هترجع البيت يا اياد انت فين ورايح فين.

اياد بتيه 

مش عارف اا قصدي مشوار شغل ومحتاج اسافر وهغيب هناك كم يوم متقلقيش عليا لو لقيتي فوني مقفول 

العسكري 

يلا يا متهم اخلص 

اياد

 مع السلامة يا ماما 

فداء 

لا استني يا اياد انا مش فاهمة اياااد 

وجت ترد عليه تاني عطاها غير متاح او مغلق

ودا لان  اياد كان قفل الفون خالص اول ما خلص مكالمته مع امه

يتبع