عاد سالم إلى المنزل وكان في يده حقيبه بها الكثير من الحلوى، ظل يبحث بعينيه عنها ولكنه لم يجدها تحرك إلى غرفتهم فسمع صوت شهقاتها، كم ألمه قلبه من صوتها كيف إستطاع تركها كل تلك المده؟ 

دخل إليها فوجدها تجلس علي الفراش، تأخذ وضع الجنين وتبكي بشده وضع الحقيبه جانبا ثم اقترب و وضع يده علي كتفها وهتف مناديا بأسمها

فأنتفضت من مكانها ونظرت له، عينيها حمراء بشده من كثره بكائها لم تعطيه فرصه ليتحدث وأرتمت بأحضانه بقوه وأخذت تبكي بشده 

ربت سالم علي ظهرها وهتف: 

"اششش خلاص أهدي يا حبيبتي" 

هتفت هدي من بين شهقاتها: 

"أنت سبتني ومشيت، كنت عاوز تسبني ذي بابا وماما وأرجع لوحدي تاني" 

شدد سالم علي أحتضنها ثم جلس وجعلها تجلس علي قدمه، واخذ يهددها كالطفله الصغيره حتي تهدأ، وكان يهتف بأذنها انه لن يتركها مهما حدث بعد قليل هدأت 

مسح سالم دموعها وهتف بعتاب:

" ينفع اللي أنتي عملتيه ده؟ 

حركت رأسها بنفي وهتفت بصوتها المتحشرج بسبب بكائها: 

"لا انا غلطت والله انا غبيه وحماره و.. 

قاطع حديثها عندما وضع سبابته علي فمها وهتف:

" مبحبش حد يشتم مراتي لو سمحتي"

إبتسمت بخفوت وهتفت: 

"أنا بحبك أوي يا سالم ومش عاوزه حاجه من الدنيا غيرك، والله العظيم عمري ما هشك فيك، حتي لو عملت حاجه قدام عنيا هكدب عنيا وأصدقك أنت" 

قبل سالم وجنتها:

" أنا عاوز قلبك هو اللي يصدقني يا هدي، انا عارف انه مكنش قصدك بس مش عاوز نسبه شك ولو واحد في الميه، انا عمري ما احبسك في البيت ولا اي حاجه من دي، مكدبش اني كنت بمنع ليلي تنزل كتير بس علشان هي كانت كل مره تنزل تعمل مشاكل وأنتي كنتي شاهده علي مشكله منهم "

إبتسمت هدي وهتفت: 

"كنت واقف بتزعق جامد ساعتها وعمال تبرقلي، ساعتها قولت بس هيخلينا نمشي من الحاره" 

ضحك سالم وهتف:

" كنت وقتها مش مصدق اني كل شويه اطلعك من مشكله، ولا لما قولتيلي حضرتك كنت هموت واضحك يعني كميه المشاكل المتحركة دي، هاديه وبتقولي حضرتك "

إبتسمت هدي علي تلك الذكريات، فهي أصحبت من أجمل الذكريات المحفوره بقلبها ليس بعقلها فقط 

جذب سالم الحقيبه من جانبه ورفعا امام وجهها:

" حاجه حلوه علشان هديتي متزعلش "

جذبت هدي الحقيبه بفرحه شديده، ثم قبلته من وجنته بسعاده وأخذت تفتح الحقيبه لتكتشف محتوياتها، تحت نظرات سالم العاشقه 

بعد قليل هتفت هدي: 

"سالم عاوزه أروح عند خالتوا" 

رفع سالم حاجبه، فضحكت هدي وهتفت: 

"والله مش قصدي بس يعني هي بقت قاعده لوحدها دلوقتي، ساره خلاص اتجوزت وأنا منار سيبناها برضوا قلبي مش جايبني مسألش عليها، لازم اروحلها كل يوم علشان متحسش بالوحده" 

صمت سالم قليلا ثم هتف: 

"طب أيه رأيك تيجي تقعد معانا؟ 

هتفت هدي بسعاده: 

" بجد هتيجي تعيش معانا هنا"

هتف سالم بمرح: 

"هنا في العماره مش في شقتنا يا قلبي، أومال هعاكس فيكي براحتي إذاي يعني" 

إبتسمت هدي بخجل علي حديثه، فهتف بتصحيح لحديثه:

" أقصد أن شقه خالد القديمه باقت فاضيه دلوقتي، والشقه كمان جاهزه من كل حاجه، يعني خالتك هتيجي بس بشنطه هدومها"

أحتضنته هدي وهتفت بسعاده:

" شكرا يا سالم "

قبل سالم وجنتها بحنان، ثم شرد في تلك التي تجلس أسفلهم يجب أن ترحل يكفي ذلك

❈-❈-❈

أوصل سالم هدي لخالتها وأخبرها أنه سيعود لها بعد قليل، ذهب إلى ليلي التي عندما فتحت باب المنزل هتفت بسخريه:

" ايه ده العريس نزلت متأخر يعني، ده انا قولت هتتخانق من هنا وتنزل بعد ما سمعتنا"

تحرك سالم للداخل وهتف ببرود:

" عملتي كده ليه؟ 

تحدثت ليلي بنفس بروده:

" ايه كنت بنصح الغلبانه اللي فوق مش انت اتجوزتها علشان تحبسها برضوا"

هتف سالم بحده: 

"انا عمري ما اعمل كده وانتي عارفه كويس، انا كنت في الاول بخليكي تنزل لما بقيتي بتنزلي وفي كل مره تحصل مصيبه منعتك، انما هدي مش ذيك يا ليلي علشان احبسها" 

هتفت ليلي بملل:

" سالم بقولك ايه طلقني وريح دماغك ودماغي، علشان بصراحه انا مليت هنا وعاوزه ارجع لحياتي تاني"

هتف سالم بثقه: 

"هطلقك يا ليلي هطلقك وكل واحد فينا يروح لحاله ويشوف حياته، خشي جهزي نفسك ولمي حاجتك علشان كلمت المأذون وزمانه رايح علي بيت ابوكي، وكل حقوقك هتوصلك لحد عندك انتي في الاول وفي الاخر بنت عمي، وكان في يوم من الأيام بينا عيش وملح "

نظرت له ليلي ببرود ثم تحركت وأخذت أشيائها

❈-❈-❈

تحركت علي منزل والدها وتبعها سالم بعد قليل 

هتفت والدتها:

" أستهدي بالله يا أبني ده شيطان ودخل مابينكوا، ولا هتخلي مراتك الجديده توقع ما بينكوا"

هتف سالم بحده:

" لو سمحتي يا مرات عمي ياريت تتكلمي كويس علي هدي مراتي، وموضوعي انا وبنتك منتهي من قبل ما أتجوز هدي، المأذون أصلا زمانه في الطريق "

هتف راشد بهدوء:

" هو ده الصح يا سالم حياتك انت وبنتي ابتدت غلط، وجه الوقت اننا نصلح الغلط ده انت تشوف حياتك مع مراتك الجديده وربنا يسعدكوا، وبنتي كمان تشوف حياتها وربنا يرزقها بأبن الحلال "

حرك سالم رأسه بتفهم حديث عمه، نظرت زوجه راشد لليلي فوجدتها تجلس بكل برود لا تري في وجهها اي نظره ندم او حزن، تجلس وتنظر بملل لكل ما يحدث وكأنه لايعنيها 

بعد قليل أتي المأذون ومعه خالد، الذي أخبره سالم أن يأتي ولا يخبر منار حتي لا تخبر هدي وتم الطلاق

أعطي سالم عمه شيك: 

"ده حق ليلي يا عمي" 

أخذه من راشد بصمت، تحرك سالم ومعه خالد الذي لم يتوقع ان يحدث الطلاق الان وفي يوم الصباحيه

هتف خالد بدهشه: 

"انت كنت مستني تتجوز علشان تطلقها، طب ما كان من بدري يا أبن الناس" 

هتف سالم بحنق: 

"معلش يا خالد الموضوع كله جه علطول، ومكنش ينفع أستني أكتر من كده يلا الحمدلله" 

هتف خالد بتساؤل:

" هي هدي عرفت؟ 

حرك سالم رأسه بنفي:

" هدي عند خالتها طلبت تروح ليها علشان مش قادره تسيبها لوحدها "

هتف خالد: 

"ومنار برضوا نزلت معايا وراحت هي ومريم، طب ما نقنعها تيجي تعيش معانا البيت دلوقتي بقي فيه شقتين فاضين تختار اي شقه تعجبها وتقعد فيها، ومنها هتبقي وسطينا ومعانا" 

هتف سالم بتأكيد: 

"انا قولت لهدي تقولها كده، وهعدي عليها علشان اقنعها وتبقي معانا" 

هتف خالد وهو يتحرك معه: 

"خلاص هاجي معاك علشان نقنعها كلنا" 

❈-❈-❈

تحرك معه سالم و وصلوا الي البنايه، وصلوا الي المنزل ففتحت لهم هدي وإبتسمت، القي خالد عليها التحيه ثم دخل، قبلها سالم من وجنتها وهتف:

" أتأخرت عليكي"

هتفت هدي بمشاكسه: 

"شويه صغنتتين كده" 

ضحك سالم ودخلوا الي غرفه الجلوس القي التحيه، ثم جلس بجانب هدي 

هتفت منار: 

"كويس انكوا جيتوا بقي علشان تحضرونا، خالتي مش راضيه تيجي تقعد معانا" 

هتف خالد:

" ليه بس العماره فيها شقتين فاضين اختاري اللي يعجبك، وهتبقي معانا و وسطينا"

نظرت هدي بتعجب لسالم من حديث خالد، كيف يوجد منزلين فارغين؟ 

إبتسم سالم لها بتفهم وهتف بهمس: 

"بعدين هقولك كل حاجه" 

تحدثت رحمه:

" يا ولاد وانا هيحصلي ايه لو عشت لوحدي يعني، هبقي كويسه وانتوا هتزروني وانا ازوركوا مش هيحصل حاجه يعني "

هتفت هدي بنفي:

" لا يا خالتوا مش هسيبك لوحدك، خلاص يبقي أعيش معاكي هنا "

هتف سالم:

" الله وانا مالي بقى هتسبيني وتعيشي هنا، عجبك كده يا خالتي هتسبني لوحدي "

ضحكت رحمه وهتفت: 

"لا ميعجبنش يا ابني، يا بت اعقلي هتسيبي بيتك وتيجي تقعدي معايا" 

حركت هدي رأسها بنعم، فهتفت منار:

" نسيب بيوتنا ونيجي هنا يا رحمه ولا تيجي انتي"

هتفت رحمه بإبتسامة: 

"خلاص هاجي ماشي، بس مش دلوقتي" 

بعدما اعتلت الإبتسامه وجه هدي، اختفت مره أخري وهتفت:

" ايوه يعني امتي هتيجي"

هتفت رحمه: شويه صغيرين كده وهاجي كمان أسبوعين

هتفت منار بضيق أيضا: أسبوعين كتير اوي يا رحرح كفايه تلت ايام

هتفت رحمه: مش اظبط البيت واظبط حاجتي واجيلكوا انشاء الله، وبعدين هدي بقي تستلم البيت وتشوف تعمل فيه ايه

هتفت هدي بتعجب: مش فاهمه هعمل ايه فيه يعني؟ 

هتفت رحمه: يا حبيبتي ده بيتك انتي، وتتصرفي فيه براحتك بقي، عاوزه تبيعيه او تأجريه براحتك 

حركت هدي رأسها بنفي: يلا يا خالتي البيت هيفضل ذي ما هو دي الحاجه اللي فضلالي من أهلي، لازم أحافظ عليها وكل فتره هاجي انضفه وامشي تاني، بس مفيش حد غريب هيدخل البيت بعدنا 

سمعوا صوت طرق باب المنزل، فذهب سالم وفتح وجد عمرو و زوجته

هتفت ساره: اهلا

إبتسم سالم بإستفزاز لها، فنفخت ساره بغيظ وتحركت للداخل ضحك سالم وهتف لعمرو: مش بطيقني ليه هموت واعرف 

ضحك عمرو أيضا وهتف: معلش هي لسه واخده موقف، علشان زعقت لهدي قبل كده

هتف سالم بضحك: قلبها اسود اوي

هتف عمرو: لا قلبها ابيض انت اللي عاميلك كانت سوده، المهم هدي عامله ايه دلوقتي 

إبتسم سالم وهتف: الحمدلله احسن، تعالي نخش ليهم

ثم جلسوا معا فهتفت ساره بإستنكار: لا مش هتروح طبعا، تيجي معايا انا

هتفت هدي بعناد: لا معانا احنا يا ساره 

هتف سالم ببرود: احنا عندنا البيوت فاضيه وهتبقي وسطينا، اي وقت تحبي تشوفيها براحتك البيت بيتكوا اصلا

هتفت ساره وهي تنظر لهدي: شوفتي شوفتي بيستفزني اذاي

ضحكت هدي: يا بنتي هو جه جنبك اهدي يا ساره 

هتفت رحمه: خلاص بقي يا ساره يا بنتي هروح هناك معاهم، وانتي يا بنتي تعالي كل يوم عادي

هتف خالد بحماس: طب بقولك ايه يا عمرو ما تيجي

رفع عمرو حاجبه واعتدل في جلسته: اجي فين ما تظبط يا جدع انت

ضحك سالم وهتف: أنا قولت من الاول الواد ده مش مظبوط

هتف خالد بغضب: بس يا زفت منك ليه أنا أقصد، تيجي انت ومراتك وتقعدوا معانا والبيت يلمنا كلنا

هتف عمرو بضحك: وانا اللي ظلمتك اسف يا ابني، وبعدين اجي فين وبيتي راح فين 

هتف خالد: يا ابني هنتحمع كلنا في عماره واحده 

هتف عمرو: مش هقدر اسيب بيت ابويا وامي اللي يرحمهم، وبعدين يا عم هنط ليكوا كل شويه متقلقش 

ضحك الجميع فهتف عمرو وهو ينظر لهدي: هدي اتحول علي حسابك النهارده مبلغ بيع المحصول الجديد 

هتفت هدي بثقه: مش محتاج تقولي يا عمرو انا واثقه فيك

عقد سالم حاجبيه بتساؤل محصول ماذا؟ 

ولكنه فضل الصمت حتي يعودوا لمنزلهم ويسألها 

بعد انتهاء جلستهم و وعد رحمه لهم انها ستأتي للعيش معهم بعد مرور الاسبوعين، رحل الجميع الي منازلهم

دخل سالم وهدي المنزل وهتف كل واحد منهم في نفس اللحظه: ينفع أسألك سؤال؟ 

ضحك الاثنين وهتف سالم: عاوز تسألي علي أيه يا فضوليه هانم

هتفت هدي بتوتر: هو أنت إذاي بتقول أن فيه شقتين فاضين، ويعني مفيش غير شقه خالد القديمه

هتف سالم وهو يجلس ويجلسها بجانبه: لا شقتين يا هدهد

هتفت هدي بتساؤل: مش فاهمه اذاي يعني؟ 

هتف سالم بهدوء: انا طلقت ليلي النهارده 

شهقت هدي بدهشه: طلقتها! 

ثم هتفت بدموع: انا السبب صح اتخانقت معاها بسببي

هتف سالم: هدي انتي عارفه اني كنت هطلقها وهي ذات نفسها طلبت مني ده، انتي ملكيش ذنب خلاص، دي صفحه أتقفلت في حياتي وعاوز أبدأ صفحه جديده معاكي 

ثم أخذها في أحضانه وهتف: دوري بقي أسأل أنا

هتفت هدي بخفوت: أسأل

هتف سالم: هو ايه موضوع المحصول اللي عمرو بيقول عليه ده؟ 

هتفت هدي بهدوء: بابا الله يرحمه كاتبلي حته أرض كانت بتاعته بأسمي، وعمرو يعني هو اللي بيتابع كل حاجه وعاملي حساب في البنك، وكل سنه بيجمع الارباح بتاعت الارض ويحطه في الحساب وكذلك اي محصول بيتباع

هتف سالم وهو يمسك وجنتها بمشاكسه: طلعتي سيده اعمال يا هدهد

ضحكت هدي علي مرحه ثم هتفت: سالم هو انت مش مضايق صح؟ 

هتف سالم بتساؤل: مضايق ليه؟ 

هتفت هدي: 

"يعني علشان عمرو هو اللي متابع موضوع الارض مش أنت" 

إبتسم سالم وهتف:

" وانا هضايق من حاجه ذي دي ليه يا قلبي، انتي واثقه في عمرو، وانا كمان بثق فيه يبقي هضايق من ايه بالعكس انا فرحان ان هو اللي بيتابع "

أحتضنته هدي وهتف بحب: 

"بحبك أوي يا سالم عمري ما هبطل أقولها ليك أبداً" 

شدد سالم علي إحتضانها ومسك يدها يقبلها: 

"بعشقك يا أجمل هديه من ربنا ليا "

❈-❈-❈

بعد مرور أربعه أشهر

كانت حياه أبطالنا سعيده والجميع يعيش في سعاده وهدوء، سامر وهدي أصبحت قصه حبهم و

وكأنها أسطوريه وقد علمت هدي بحملها بطفلها الاول منذ اسبوع، هذا الخبر الذي جعل سالم يكاد يجن من كثره السعاده، وأيضا منار التي تحمل في شهرها الاول، أتت رحمه وسكنت معهم في منزل سالم القديم وأصبحت العائله مكتمله الآن والسعاده تملئهم

ولكن هناء من كانت ترهقها الحياه لا تعلم لماذا أصبحت هكذا، ولم تكن سوي ليلي التي أصبحت جامده وبارده بطريقة مخيفه، فهي تجلس بغرفتها معظم الاوقات لا تتحدث مع والديها سوي القليل، هي ليست حزينه لأنفصالها عن سالم فهذا ما كانت تريده من الأساس، ولكن ماذا بعد؟

فقد أصبحت مطلقه تلك الكلمه التي تعتبر عار بمجتمعنا، هي لم تريد ان تصل بها الامور الي ذلك ان لم يجبرها والديها من البدايه بالزواج من سالم، كانت لم تصل الي ذلك الوقت فكانت من الممكن ان تكون الان متزوجه من شخص من إختيارها هي، وتعيش حياه سعيده مع شخص هي تريده

نعم تعترف انها رفضت الانجاب لانها كانت تعلم ان تلك اللحظه ستأتي، لحظه أنفصالها وسيكون هناك أطفال وكان من الممكن أن تجبر علي العيش مع سالم عمرها القادم بأكمله من أجل الأطفال 

مسحت دمعه ساخنه نزلت علي وجنتها، تلك هي نهايه الزواج الاجباري تدمرت حياتها وأصبحت فتاه مطلقه ستعيش حياتها بأكملها في تلك الغرفه، وان تزوجت بالتأكيد لن يكون الشخص الذي تريديه وسيتقدملها اشخاص بنفس حالتها مطلقون او متزوجون ويريدون زوجه أخري

سمعت صوت طرق الباب تبعها دخول والدها 

هتف والدها بإبتسامة حنونه:

" ست البنات لسه صاحيه"

إبتسمت ليلي بسخريه ولم تجيب عليه، جلس والدها بجانبها وهتف بحزن: 

"هتفضلي كده لحد امتي يا بنتي؟ 

هتفت ليلي ببرودها الذي أصبح يلازمها:

" كده اذاي ما انا كويسه اهو"

هتف والدها وهو ينظر لها: 

"انتي كده كويسه، مش انتي اللي طلبتي الطلاق من الاول" 

هتف ليلي بسخريه: 

"أنت فاكرني زعلانه علشان أطلقت، مجاش في دماغك أني زعلانه علي حياتي اللي ضاعت خلاص، اتجوزت غصب عني من واحد انا عمري ما شوفته غير ابن عمي بس، الحياه مابينا مستحيله أصلا وعشت سنتين وانا كل يوم بعيط انكوا رمتوني، هو انا مش من حقي ذي ذي أي بنت اختار الراجل اللي انا عاوزه اتجوزه، مبسوطين دلوقتي أديني بقيت مطلقه اهو وقاعده معاكوا يارب تكونوا بقيتوا مبسوطين" 

نظر لها والدها بحزن فهي علي حق، هم من اجبروها علي زواجها من سالم والان هي وحدها من تدفعﷲ التمن

تركها والدها ورحل بيأس وحزن، فهو ليس بيده ما يفعله ليعيد ابنته الي حالتها الاولي كما كانت 

كانت ليلي تشعر بلإختناق الشديد، تريد البكاء ولكنها لاتستطيع فعل ذلك حتي، تذكرت ذلك المتعجرف الذي قابلته في فرح سالم، ذهبت الي حقيبتها وأخذت تفتش فيها حتي وجدت الكارت الخاص 

ظلت تنظر إليه بتردد أتحدثه وتذهب إليه، أم تظل هكذا تشعر بلإختناق ولا تستطيع التحدث 

وقفت سريعا ثم إرتدت ملابسها علي عجله، وأخذت حقيبتها ونزلت متجهه إلي العياده من خلال العنوان المدون علي الكارت

بعد مرور يومين كانت ليلى في عملها المتواجد في إحدى المولات، وجدت شخص يقف أمامها رفعت عينيها فوجدت ممدوح الذي يبتسم لها

أردفت ليلى بدهشه: 

"دكتور ممدوح بتعمل ايه هنا" 

هتف ممدوح وهو يحرك كتفيه بهدوء: 

"جاي أشتري ساعه جديده ليا" 

نظرت له ليلي وكتمت ضحكتها بسبب حركاته المراهقه تلك، فتحدثت بهدوء:

" أتفضل أستاذ عادل جوه هيساعدك تختار اللي حضرتك عاوزه"

هتف ممدوح بمشاكسه:

" طب ما تيجي تختاري أنتي"

هتفت ليلي وهي تعتدل في جلستها: 

"أنا كاشير هنا ماليش دعوه" 

نظر لها ممدوح بحنق، ثم تركها وتحرك للداخل إبتسمت ليلى على أفعاله، ثم جلست لتكمل عملها حتي يعود مره أخرى لها  

بعد قليل عاد مره أخري ومعه علبتان كل واحده منهم بداخلها إحدى الساعات 

فتحت ليلى واحده تلو الاخرى حتي ترى سعرها، تعجبت كثير عندما وجدت أن واحده منهم نسائي وليست رجالي مثل الاخره

قامت بإخباره بسعرهم فأعطاها كارت الفيزا الخاص به، أخذ منها الحقيبه وهتف: 

"هستناكي تحت في المطعم" 

نظرت له ليلي وهتفت بتعجب: 

"ليه تستناني تحت" 

تحدث ممدوح وهو يتحرك للخارج: 

"لما تنزلي هتعرفي" 

❈-❈-❈

بعد مرور ساعه أنتهى دوام العمل، فتحركت ليلى إلى الأسفل وأخذت عينيها تبحث عنه حتي وجدته يجلس في المطعم مثلما أخبرها، تحركت بإتجاه وهتفت مسرعه: 

"خير يا دكتور" 

تفاجأ ممدوح من وجودها فهو لم ينتبه إنها أتت، ولكنه قال بإبتسامة هادئه:

"طب أنتي مستعجله علي أيه قعدي هنتكلم شويه وبعدين هروحك" 

حركت ليلى رأسها بإعتراض: 

"مينفعش أقعد مع حضرتك، ده حتي وقفتي دي غلط ممكن أبقى اجي لحضرتك العياده" 

لم يريد ممدوح أن يزعجها فهتف بموافقه: 

"خلاص ذي ما تحبي بكره إن شاء لله هبقى في إنتظارك" 

وافقته ليلى ثم تحركت مسرعه للخارج، وهي تحاول ترتيب أفكارها وتقرر ماذا تريد

في اليوم التالي 

بمكتب ممدوح بعدما ذهبت إليه ليلي

"خير يا دكتور ممدوح" 

قال ممدوح بهدوء: 

"ليلى هو أنتي فكراني عاوز أتجوزك ليه، يعني أنتي بجد مصدقه أني بحبك ولا أنتي فكراني هتجوزك شفقه" 

تحدثت ليلى بتوتر: 

"دكتور ممدوح أنت أكيد عارف كل اللي مريت بيه وأنا مش مستعده حقيقي للتجربه دي تاني" 

قال ممدوح وهو ما زال يحتفظ بهدوئه: 

"أنتي مش واثقه فيا للدرجادي" 

قالت ليلى مسرعه: 

"لا والله مقصدش كده أبدا، بس يعني أنت ليه تجوز واحده مطلقه يعني أكيد هيجي يوم وتندم على كده صح" 

تحرك ممدوح وجلس أمامها وهتف بنبره دافئه حنونه: 

"أنا لو في يوم هندم فأنا هندم أني متجوزتكيش من زمان ومعرفتكيش من زمان، يمكن كان فيه حاجات كتير أتغيرت يا ليلى، أنا بجد بحبك لو مش مصدقاني دلوقتي مش مهم الأيام هتثبتلك، كل اللي محتاجه منك فرصه واحده بس أثبتلك حبي بيها، أنا هطلبك من والدك وممكن نقعد مخطوبين الفتره اللي تحبيها سنه او سنتين لحد ما تتأكدي أني فعلا بحبك" 

توترت ليلى كثيرا ثم نظرت للأسفل بخجل وهتفت: 

"حدد معاد مع بابا" 

إبتسم ممدوح بسعاده ولكنه هتف بهدوء: 

"ليلى أنتي متأكده بجد ولا بتقولي كده علشان مزعلش" 

هتفت ليلي بخفوت من كثره خجلها: 

"أيوه متأكده"  

إبتسم ممدوح بسعاده ها هي أخذت أول خطوه بحياتهم، أحبها بل عشقها وكأنها أصبحت الهواء بالنسبه له كان ينتظر كل مره تأتي فيها إلي هنا، حتي يستطيع الحديث معها و رؤيتها كلما كانت تقص له عن إنجازتها في الحياة، كان يشجعها ويدعمها وكأنها أبنته 

لم يمر وقت وكان ممدوح في المساء بمنزل ليلى يقوم، بطلب يدها من والدها وتم تحديد ميعاد الخطبه 

بعد مرور فتره ليست بقليله، تأكدت ليلى من عشق ممدوح لها فهي أحبته مثلما أحبها شخص حنون عليها بشده، صادق بمشاعره معها لقد عوض الله صبرها بذلك الحب الصادق، حمدت الله كثيرا هلي تلك النعمه، وتزوجت هي وممدوح واصبحت حياتها هادئه وجميله مليئه بالحب والدفئ التي كانت تفتقده.