رواية خادمة قلبي الجزء الثاني 
بقلم الكاتبة زهرة عصام

رواية خادمة قلبي الجزء الثاني

الفصل الثالث عشر 

حازم بصدمة قال بزعيق خلي ملك تبرق :- 

ورقة و قلم إية إللي إنتِ عاوزاها أنا من رأي تخديها و تروحي مطبخ البيت مش سكرتيره لـ شركة مُحترمة 

رهف رفعت حاجبها و قالت:- 

لاحظ إنك عمال تغلط و أنا بعدي ليك و دي حاجة ضد طبيعتي على فكرة فخد نفس كدا يا أبا و إقعد يدل ما أقوم أعلم عليك و أبقي علمت عليك في منطقتك

حازم فتح بوقة و مالك بيحاول يكتم ضحكته و هو بيقول:- 

تلاتة بالعظيم جامدة و هتعلمك الأدب و الأهم هترجع ثقتك في الحُب تاني دي إختيار الثُلاثي المرح يعني إنت لابس لابس يا معلم 

ملك بصدمة مصطنعة:- 

إنت بتعلي صوتك عليا يا حازم ما أنا مش مالية عينك شوية شوية و هتكرشني من الشركة و البيت 

حط إديها على بطنها و قالت:- 

شايف يا حبيبي شايف عمك بيعمل إية فيا إسمع و إعرف مين إللي بيحب أمك و مين اللي كارها و تأخد حقها منه 

وقفت و مسكت إيد رهف و قالت:- 

يلا يا بنتي نمشي من هنا إحنا ملناش أكل عيش مع الناس دي 

رهف بتجاريها و بتقول:- 

خلاص يا حبيبتي متعمليش في نفسك كدا قطيعة تا.خد الرجالة كلها مره واحده

ملك :- بس لحسن ياسمين عز تُقيم عليكِ الحد 

و بصت لـ حازم و قالت:- 

تُشكر يا حازم تُشكر يا كريم شانتيه يا إللي كُنت مفكراك أخويا تُشكر على قله القيمة دي 

و مسكت إيد رهف اللي بتبصلها بفخر و مشيت ناحية الباب و هي بتعد في سرها واحد إتنين لسه موصلتش للتلاتة و كان حازم بيقول :- 

ملك إستني إنتي عارفة إني مقصدش و إنك عندي حاجة كبيرة أوي صح 

ملك بصت ليه و عيونها مليانة دموع و قالت:- 

عشان كدا عاوز تُكرش البنت اللي إخترتها صح 

رهب ضر.بت على صدرها بحركة شعبية و قالت:- 

لا هو كان عاوز يُكرشني بعد ما إتغرغر بيا في الاسنسير

مالك برق و قال:- 

نعم إتغرغر بيكي إزاي يعني 

رهف بدموع وهمية:- 

الخاين اللي مشافش بربع جنيه رباية وعدني بالجواز و خلي بيا 

حازم بصدمة:- 

أنا يا بنتي دا أنا أول مره أشوفك النهارده 

رهف :- إعمل نفسك عبيط يخويا إعمل نفسك عبيط إحنا مش متجوزين في السر 

ملك ضر.بت يديها على صد.رها بحركة شعبية و قالت:- 

يلهوي متجوزك في السر عيني عليكي يا حبيتي 

و بصت لـ مالك و قالت:- 

شوف أخوك بيعط من ورانا و أنا إللي كُنت فكراك طيب و غلبان طلعت نمس يا نمس 

حازم عينه و سعت من الصدمة و بقي شكله يضحك و شاور على نفسة و قال:- 

أنا يا بنتي إنتي متأكدة إن اللي بتتكلمي عليه دا أنا

رهف بصت لـ مالك و قالت:- 

شوف يا سعادة البيه شوف بيبرقلي إزاي أنا مش همشي من هنا غير لما أخد حقي منه أنا و إبني

ملك بصدمة مصطنعة:- 

لهو إنتي حامل يا حبيبتي

رهف مصمصت شفاشفها و قالت:- 

و بتوحم على شاورما و مش راضي يجيبلي 

ملك يصت لـ حازم و قالت ليه :-

إنت اية يا أخي قلبك دا إية حجر مش بيحس يعني ايه مش راضي تجبلها شاورما عاوز العيل يطلع في قفاه شاورما و يعايروك بيه إبنك دا وإلا مش إبنك 

رهف :- عشان كدا مش راضي يشغلني معاه هنا شوفي المُعاناه اللي أنا بعنيها

ملك حضنتها جامد و قالت:- 

عليطي يا حبيبتي خرجي كُل اللي جواكي و متخافيش أنا هاجبلك شاورما أنا عاملة حسابي في ساندوتش زيادة و عيناه على المكتب 

رهف شهقت باصتناع و قالت:- 

و مش بس كدا يا مودام دا و إحنا طالعين في الاسنسير راح قالي إمشي من هنا بدل ما أمشيكي على نقالة و أموت إبنك اللي في بطنك يرضيك كدا يا سعادة البيه

يرضيكي يا يا مودام 

ملك حضنتها و قالت بصوت عالي:- 

عيطي يا حبيبتي

و بصت لـ حازم اللي واقف مش عارف يضحك على كلامها وإلا يعمل اية و قالت:- 

كل دا يطلع منك إنت يا سهون بترمي إبنك يا حازم 

مالك بص لـ حازم بصرامة مصطنعة:- 

الكلام دا حصل يا حازم يعني هي حامل منك إنت لازم تتجوزها فوراً مش هسمح إن حد من عيلة العدوي يتربي بعيد عن حضننا

حازم بصله بحاجب مرفوع و قالت:- 

بقي إنت مصدق الهطل دا يا مالك ؟ بالله عليك ما تتكلم ولا تحاول تجاريهم عشان بيبان عليك شوف أهم الإتنين دول ماشيين عشرة على عشرة و محدش يشك فيهم نهائي دا أنا نفسي صدقت إني عملت كدا لكن إنت يا حبيبي فاشل تمثيل 

ملك بتذمر :- إية يا مالك اللي خلاك تتكلم دلوقتي ما كُنا خلاص هنوفق رأسين في الحلال

حازم يصلها بتبريقة و قالت:- 

إنتي بتقولي اية يا ملك البنت دي أكلت دماغك خالص 

ملك بغباء:- 

لا يا حازم هي مش عاوزة تأكل دماغي هي عاوزة تأكل شاورما هات ليها السندوتش من على المكتب ينوبك ثواب 

حازم بحزم :- ملك بس خليني أشوف اللي متجوزها بالسر و مخلف منها دي 

رهف بصت وراها و عقدت حواجبها و قالت:- 

هي مين دي اللي أنت متجوزها في السر إنت مش عارف إن كدا حرام يا مُتعلم يا بتاع مدارس بلاد بره 

حازم بصلها بصدمة و قال:- إنت بتقولي ايية ؟ 

رهف بصت لـ ملك و قالت:- 

طب إحضرينا إنتي يا مودام هو انا فتحت بوقي حتي ؟ 

هزت ملك رأسها بالنفي و قالت:- 

الحق حق يا حازم هي مقالتش عليك غير كُل خير وإلا اية يا مالك 

مالك هز رأسه بايجاب و قالت:- 

آه طبعا طبعا 

حازم :- انتي هبلة يا ملك مش لية بقولك إن الأستاذ بيبان عليه كُل حاجة و ميعرفش يكذب

ملك :- صح يا حازم نسيت الحمل و عمايلة بقي يخويا المُهم البت رهف هتستلم الشُغل إمتي خليني أروح ملوك زمانها بتعيط 

حازم بسخرية:- 

ملوك مين دي اللي بتعيط دي تلاقيها هايصة و مجننه الكُل معاه وإلا تلاقيها لازقة لـ. وليد عشان يخليها تشيل مالك الصُغير 

أما بالنسبة لـ أم لسان و نص دي فـ دي بقي هتبدأ شغل من دلوقتي و مسكها من قفاها و قال تعالى ورايا

رهف قالت ليه بصرامة:- 

إستني عندك إنت جابر حُمار وراك إستني نسيت حاجة مُهمة 

حازم سابها و بصلها لقاها قربت من ملك و قالت:- 

فين سندوتش الشاورما يا ست الواد مش هيطلع في قفاه بس دا هيطلع في جبهته كمان 

ملك إديتها السندوتش و همست في ودنها:-

يلا يا بشا مهمتك بدأت إتكلي على الله و أنا متأكدة إنك قدها و قدود

رهف :- لا تقلق يسطا بنت خالتك قدها و قدود و بعون الله البشا دا أسبوع واحد و هيفك و يبقي زي العسل طلاق تلاتة ما هسيبة غير و هو فريش كدا 

حازم :- إنتي بتقوليلها إية أفهم معلش 

رهف :- بودع المودام في إية يلا أنا مستعدة

حازم بإنتقام:- 

أول قاعدة ممنوع الأكل أثناء ساعات العمل

رهف أكلت حته من السندوتش و هي ماشية وراه ع قالت:- 

لا القاعدة دي هناك على القهوة إنما إحنا هنا في شركة محترمة 

❈-❈-❈

مالك بعد ما خرجوا أخد ملك في حضنه و ملك نامت على صدره و قالت:- 

تفتكر هيكملوا مع بعض ؟ 

مالك بضحك :- يعني علاقة وراها عصابة و مش عوزاها تنجح إنتي بتهزري يا ملك ؟ 

ملك :- بس يا مالك إحنا مكناش متفقين على جواز إحنا كُنا عاوزين حازم يخرج من الحالة اللي هو فيها دي و الصراحة لو عليا أجوزه رهف دلوقتي مش بعدين 

مالك مسكها من كتفها و وقفها قدامه و قال:- 

ياااه إنتي بتحبي رهف أوي كدا يا مُكا 

ملك بصت في عيونه و تاهت و قالت:- 

طبعا مش بنت خالتي 

مالك :- طب ما تحبيني معاها يا ملك دا أنا زي جوزك يعني 

ملك تهات في عيونك و قالت:- 

أنا مش بحبك يا مالك دا إنت النفس إللي بتنفسه ابو ولادي و جودي 

فـ يا عزيزي لم يبقي بـقلبي مكان إلا و إحتله حُبك .. نعم حرب هي قائدها قلبكَ و حُبك فيها الفائز 

مالك بصلها جامد و إبتسم و قال:-

تلاتة بالعظيم لكون حاطط ليكي قطره دلوقتي إنتي مش كُنتِ عاوزاها من شوية و أنا أهو هحطلك 

إقترب مالك إليها ثم قبلها قُبلة بث فيها حبه و شوقه العارم إليها 

ملك حضنته جامد و قالت:- 

أيها الزعيم إنك على قلبي سُلطان .. فـ والله إن لم يكن ملكَ لوددت أن يكون ملكَ .. فإسمح أنت لي و أنا سأضعه بين يديك و عليه ختم نقل الملكية 

شدد مالك من إحتضانها و قال:- 

هرمونات الحمل شغالة معاكي جامد الحمل دا يا ملك مخلياكي تقولي شعر 

ملك بصت ليه و قالت:- 

صدق بالله أنا غلطانة لملي الأكل دا و روحني أكل أنا و عيالي بعيد عنك لا تقولي هرمونات الحمل ولا رومانسيه إنت مينفعش معاك غير النكد أصلاً روحي يا مالك دلوقتي عشان أزف الخبر لـ منال و منه المتكسحة من الولادة

مالك ضحك جامد على قبلتها و قال:- 

دا إنتي محدش يهزر معاكي خالص أصلا تعالي هوصلك بنفسي

ملك بصت على المكتب و قالت:- 

الأكل قبلي أنا و إنت يا مالك محدش هيطبخ النهارده أنا واحدة مش قادره تمشي أصلاً و البت منه نايمة عشان الولادة و منال هتفوا هو انا مخلفاكم عشان أخدمكم و إلا عشان إنتوا تخدموني

مالك :- باس خلاص مش عاوز أعرف كُنت قولتي هات الأكل و خلاص دا انتي رغاية أوي

ملك بصت ليه بصدمة و قالت:- 

أنا رعاية يا مالك إيش حال لسه قايلة فيك قصايد و سيباك تحطلي قطره صحيح ياخدكم لحم و يرميكم عظم و سابته و مشيت

مالك :- مخبولة عليا النعمة مخبولة

❈-❈-❈

ملوك :- يا وليد بقي هات أشيله شوية 

وليد :- لا هو لسة صغير لما يكبر شوية 

ملوك :- والله لقول لـ حازم و هو هيخليني أشيلة أصلا لما ملك تجيب البيبي مش هخليك تشيلة هات بقي أبوسة

وليد برفض:- لا عشان الأمراض و هو لسة بيبي مش هيستحمل

ملوك ضربت الأرض برجليها و قالت:- 

والله لو ما جبته لقوم منه عليك هات بقولك 

وليد :- اعملي اللي إنتي عاوزاه لكن مالك نو يا ملوك مالك إية نو 

ملوك برقت لية و قالت:- 

ماشي يا حازم ماشييي 

و جريت و هي بتنادي على منال 

ملوك:- يا تيتي بقي مش راضي يديني البيبي ألعب معاه

منال :- تلعبي مع مين يا ملوك دا لسة صغير يا حبيبتي لما يكبر شوية 

ملوك :- بس انا عاوزة ألعب معاه دلوقتي و ليد مبقاش يحبني و بقي يحب مالك بس و ضربت الأرض برجليها و قالت و هي بتعيط:- 

و أنا كمان مش راح أحبه تاني و سابتها و طلعت تعيط في اوضيتها

مسكت التليفون و إتصلت بحازم و هي بتعيط

حازم رد عليها بسرعة و قال:- 

إية يا قلب حازم مين مزعلك 

ملوك بعياط:- شوفت يا حازم وليد مش بيحب ملوك و مش راضي يخليها تبوس النونو 

حازم :- بس خلاص أنا لما اجي هخليكي تبوسية و تشليه كمان 

ملوك بعياط:- لا تعال دلوقتي خدني عندك أنا مش راح أقعد معاهم تاني لميت لعبي في الشنطة و هاجي عندك 

حازم ضحك عليها جامد و رهف قاعدة مرقباه و يتقول:- 

مهو بيضحك أهو أومال إية أم التكشيرة اللي ضاربها في وشي من الصبح دي 

حازم قام وقف و قال:- 

خلاص جهزي كل ألعابك و أنا هاجي أخدك عندي يلا سلام

حازم مبصش لـ رهف أصلا و أخد مفاتيح عربيته و خرج جري على ملوك 

رهف:- دا هو إيه دا شفاف أنا يعني وإلا اية ؟ أحسن حاجة أكمل نوم هنا على ما يجي تاني 

❈-❈-❈

مالك وصل ملك و مدخلش خرج علطول و ملك دخلت لقت منال قاعدة في الصالة و ملوك نازلة على السلم و شايلة شانطة على ظهرها و يتقول:- 

والله ما أنا قاعدة ليكم في البيت دا .. دا إنتوا عيلة تشل أصلاً و قعدت على الكنبة تستني حازم 

ملك بصت لـ منال و قالت:- 

مالها دي غضبانة لية و ضاربة بوز 

منال :- عاوزة تشيل مالك و وليد مش راضي

ملك :- وليد مش راضي تعالي يا بت أنا هخليكي تشلية

ملوك بصت ليها و قالت:- 

لا إنتي أصلا منحازة لصفه هو و أختك مفيش غير زوما حبيبي هو اللي ناصفني في البيت دا 

ملك قامت لـ وليد و قالت:- 

اية يا وليد ما تخلي البت تلعب مع الواد متعقدهاش كدا 

وليد :- إنتي بتقولي اية انتي كمان يا ملك واد مين اللي ملوك تلعب معاه

إنتي قصدك مالك إبني لا دا من سابع المُستحيلات تحصل أنا مش مستغني عن إبني

ملوك بعياط:- 

إنت أصلا مش بقيت بتحبني

حازم دخل و ملوك جريت عليه و وليد واقف مصدوم من كلام ملوك 

وليد حط مالك على السرير و راح لـ ملوك و قال:- 

مين اللي قالك إني مش بحبك يا ملوك دا إنتي بنتي الأولي

ملوك :- صاحبتي في الحضانة قالت ليا عشان منه جابت ليك نونو مش هتحبني و تخليني ألعب معاه عشان هو إبنك و أنا بنت بابا 

وليد حط إيدة على شعره و شده جامد و قال:- 

بس ملوك عارفه إن وليد و كل العيلة بتحبها صح

ملوك هزت رأسها بالنفي و قالت:- 

لا مفيش غير حازم بس اللي بيحبني و هياخدني معاه الشغل مش كدا يا حازم

حازم حضنها جامد و قال:- 

و هخليكي تشيلي مالك كمان 

وليد بصله بصدمة و قال:- 

يتبع...