رواية عشق الروح 
بقلم الكاتبة منى محمود

نوفيلا عشق الروح 

الفصل الخامس عشر (الأخير)

رفعت فرح رفعت راسها من حضنه وبصت في عينيه من غير كلام 

يوسف ...

فرح انا عارف اني غلطان ومش هدافع ولا ابرر ل نفسي بس انتي كمان غلطتي 

فرح ...

أنا يا يوسف 

يوسف ...

اه يا فرحتي انتي ... انا ورامي كنا بنستغرب أن عمرنا ما شوفنا بابا وماما الله يرحمها زعلانين سوا وفي مرة سألناه ازاي ولا مرة زعلتو سوا قالنا المنهج ال بقيت انا ورامي مشيين عليه في حياتنا 

فلاش باك

بركات ...

عشان كل واحد فينا عرف ازاي يتواصل مع التاني بطريقتة يعني انا عرفت أن امكم في زعلها مختلفه عن ستات كتير بتهدي لوحدها وبعدها بتيجي تقولي ممكن نتكلم يا بركات عشان نتصافي لاني مش مرتاحة كدة وفعلا نتعاتب ونتكلم ونتصافي وهو عرفت اني مهما اتعصبت أو صوتي علي لو هي جادلت قصادي يبقي ضعيت حقها ف بتسكت وبغلط نفسي انا واروح لحد عندها وأحق نفسي كمان 

يوسف ...

يعني دي بقا يا حج الوصفة السحرية للجواز الناجح صح كدة 

بركات كشر ...

غلط يا حمار 

يوسف ...

ليه كدة بس يا حج 

بركات ...

لأن مش لازم الي بيمشي معايا يمشي معاك ولا كل الستات زي امك بالعكس معظم الستات لما بتتساب وهي زعلانة الزعل بيكبر لي في قلوبهم اكتر 

رامي ...

معلش يا حج انا كمان بصراحة مش فاهم 

بركات ...

كل واحد لازم يخلق لغه حوار مع الطرف الآخر منطقة يتقابلو فيها لما يختلفو ... دي بتكون مهمة الراجل والست هو بيشوف مراتة من ستات اللي لازم تتصالح في وقتها ولا تتساب تهدي ... مراتة من الستات اللي عصبيه وصوتها عالي مهما قلت مش بتهدي ولا من ستات اللي من اقل كلمة تتراضي ... من الستات اللي الأفعال كفايه عندها ك دليل علي الحب ولا الكلام الحلو مهم جدا عشان تفضل حسه بأمان ومرتاحة ... من الستات الشاكيه النكديه ف يكون حزم معاها ولا باللين يكسب عقلها وقلبها كمان واخر حاجة من الستات اللي سكوتها تفهم ولا سكوتها أنها بتخزن جواها وفي لحظة معينة تنفجر ... اعرفو نوع الست اللي معاكم اتناقشو واتعاتبو واتصافو اول ب اول يا ولاد هي دي روشتة الزواج الناجح أن كل راجل وست يفهمو مفاتيح اللي قدامهم ويتعاملو علي أساسها احنا مش اسطمبة واحدة احنا كلنا مختلفين 

باك   

يوسف ... 

انا غلطت لاني فكرتك من الستات اللي الأفعال عندها كفايه وان سكوتك تفهم وانتي غلطتي لما خزتني جواكي طول المدة دي ومعرفتيش اني من الرجاله اللي مش بتركز انا بحب فرح وفرح بتحبني وعندي بنوتة وحياتي مستقرة إذا انا سعيد الحاجات الصغيرة دي لازم حد ينبهني ليها اول باول لاني والله ما بركز ... فهماني يا حبيبتي

فرح هزت دماغها ...

فهماك يا يوسف ... يعني انت كدة فهمت ايه بيزعلني وانا فهمت اني لازم اتكلم معاك ديما صح كدة 

يوسف ...

صح كدة يا قلبي ... وان شاء الله دي اول واخر مرة الخلاف بينا يوصل ل كدة 

فرح برجاء ... 

وعد ؟

يوسف بحب ... 

والله وعد يا فرحتي 

فرح ... 

مش هقدر أصدق بسهوله الفيصل بيني وبينك الايام ف حاجه جوايا رافضه تصدقك وبتقولي يومين وهيرجع كده تاني وكل الكلام دا هيطير وقتها هعمل ايه

يوسف ... 

حبيبتي انا مش هرجع كده تاني عمري وخلي الايام تثبتلك ولو حصل ليكي كل الحق في اي قرار تخديه

فرح بمرح ...

 يا واثق انت

يوسف ... 

فرحتي سامحيني انا كنت غبي وحمار و

قطعته فرح ...

 ومتخلف واهبل

يوسف ضحك ...

 اهدي يا ماما بلاش الجلاله تخدك بدل ما ازرفك قلم احولك

فرح كشرت ...

 تزرف مين يا نجم لا لا فوقلي كده واتعدل تصدق وانت نحنوح وملزق احلى دلوقتي اتعديت مني حاجه بقت استغفر الله العظيم

يوسف ضحك بصوت عالي وهي سرحت فيه هي معترفه لنفسها انها بتعشقه رغم انه جرحها لكن مقدرتش تعيش بعيد عنه هو حبيبها مهما حصل

يوسف بحب ... 

هو انا شكلي حلو اوي كده

فرح بتوهان ... 

اممم اوي

يوسف ...

 لا لازم نشوف الموضوع دا

❈-❈-❈   

ونرووووح للهادي الراسي روميو

رامي قاعد ف اوضتهم ومستني ليلى اللي بقالها ساعتين بتنيم اسر ونور ودخلت ليلي

رامي بضيق ...

 ما كنتي بيتي هناك احسن يا هانم 

ليلى ... 

هههههههه اعمل ايه طيب نور غلبتني على ما نامت مش متعودة تنام بعيد عن ماماتها

رامي .... 

طب ايه بقا 

ليلى بعدم فهم ... 

ايه يا حبيبي

رامي ...

 نسهر سوا بقا

ليلى بحماس ...

و نتفرج ع فيلم رعب يييس

رامي بغيظ ...

 انا جبت سيره أفلام يا ليلتي ؟

ليلى بحيرة ... 

اومال هنسهر نعمل ايه ؟

رامي خد نفس ... 

ليلى بصي انا لا هتعصب ولا هضايق ولا هتنرفز عارفه ليه ؟

ليلى ...

 ليه ؟

رامي ... 

عشان حفظتك يا ليلي .. حبيبتي قومي افتحي الدولاب هتلاقي شنطه ألبسي اللي فيها وتعالي 

ليلى قامت وفتحت الدولاب وفتحت الشنطه

ليلى بشهقه ... 

هه أنت عايز قله ادب يا رامي

رامي بغيظ ...

 اه تخيلي جوزك مترباش وعايز قله ادب 

ليلى ...

 هههههههه لا جوزي متربي وابن ناس و

رامي قام ووقف قصدها

رامي بحب ... 

وايه كمان

ليلى بحب ... 

وحنين و جميل و أطيب راجل في دنيا كلها

رامي ... 

لي لي مبسوطه بجد معايا انا قادر اسعدك ؟

ليلى ... 

انت بتسأل بجد هزعل منك.. انا مبسوطه ومطمنه ومرتاحه و بحبك 

رامي ...

 وانا بحبك انتي هديه ربنا ليا مفيش في حنيتك و طيبتك و براءتك وجمالك بعشق كل تفاصيلك يا ليلتي

(ونسبهم لوحدهم بقا ملناش دعوه بيهم)

❈-❈-❈   

صباح يوم جديد في منزل رامي على السفره بيفطرو قطع ال هدوء جرس الباب

رامي قام فتح اتفاجا ب يوسف وفرح

رامي ...

هو انتم

يوسف ... 

ايه يا بني مش هتدخلنا

رامي ...

لا ازاي اتفضلو طبعا

دخلو وبعد سلامات

رامي ... 

انت مش قلت هترجع انهارده بالليل ايه اللي حصل

فرح ...

 ايه يا هندسه بتطردنا عيني عينك كدة تصدق عيب بجد 

رامي ...

 انا مش هندسه يا اسطى فرح

فرح بدهشه ... 

انا اسطى !

ليلى ... 

هههههههه الاسطي فرح هههههههه

فرح ...

 ضحكتك يختي ماشي المهم يا هندسه احنا جاين ناخد نور ونمشي علي طول 

رامي بفضول ...

 ايوه غيرتم خططكم ليه ما انا لازم افهم ؟

يوسف ... 

حشري اوي احنا يا سيدي هنسافر الساحل اسبوع هناخد اجازه ونستجم واكيد نوري لازم تكون معانا

رامي ... 

قلتاااالي ساااااحل ( وغمزلهم ) شهر عسل جديد هه

فرح ... 

والله اللي متغاظ مننا ياخد ليلى ويعمل زينا

ضحكو جميعا وبعد فتره فرح ويوسف استأذنو ومشيو

رامي ... 

لي لي تحبي بجد نسافر نغير جو

ليلى ... 

حبيبي طب هي جوزها بيحاول يعوضها الفتره اللي بعدها عنها احنا لسه كنا مسافرين من ١٥ يوم مش منطقي يعني وبعدين عارفه ان بسبب اخر اجازه انت مضغوط في شغلك

رامي ببتسامة ... 

انا قلتلك بحبك انهارده

ليلى بضيق ... 

لا مقلتش

رامي ...

 لا اخس عليا طب تعالي ف اوضتنا اقولك بحبك واقولك كلمه سر

ليلى بسرعه ...

 لااااااا لا سر ولا علن اتكل ع شغلك في ايه انا مش عايزه اعرف أسرار انا

رامي ...

 ليه كده يا حبيبي دا سر مهم جدا هتندمي والله 

ليلى ...

 راااامي يلا ع شغلك

رامي ... 

بقيتي شرسه يا ليليتي بس بردو بموت فيكي (وحدفلها بوسه في الهوا)

اسر بغضب ... 

في ايه يا بابا انا قاعد

رامي ... 

وانا جيت جمبك

اسر بغيره ...

 انا قلت مش تدي ماما بوسه تاني انا بس اللي اديها

رامي كشر ... 

وحياه امك يا اخويا

ليلي ...

 راااامي

رامي ... 

بلا رامي بلا بتنجان انا رايح الشغل لما ارجع يا استاذ هنشوف الموضوع دا

❈-❈-❈   

النهايه حوار كل شخص مع نفسه وحوار النفس دا مهم اوي قادر يصحح اي مسار غلط في حياتنا وقادر بردو يهدمها 

يوسف ع البحر هو وفرح وبنتهم

يوسف لنفسه ... 

ازاي قدرت اجرحها كده يا ترى هتسامحني في يوم.. طب انا هسامح نفسي.. يارب. قدرني اعوضها انا عمري حبها في قلبي ماقل بالعكس كان بيزيد بس غلطت لما فكرت أنها متفهمة وعارفه اللي ف قلبي من غير ما اقول تخيلت اني قلت كتير قبل الجواز وان بعد الجواز الأفعال اهم .. انا مش هستسلم يا فرحتي انا هعافر وهصبر وهفضل اعمل ذكريات ولحظات حلوه نعيشها سوا لحد ما تسامحني انتي فرحت يوسف في الدنيا وهتفضلي كده لآخر نفس ليا

فرح قاعده وشها للبحر

فرح لنفسها..

 يا ترى انا صح اني اديته فرصه تانيه.. طب انسى ازاي طب لو رجع زي ما كان.. ايه الحيره دي.. انا بحبك اوي يا يوسف يارب تحس وتتغير بقا انا عمري ما هقدر ابعد عنك لو كنت اقدر كنت عملتها ااااه يا فرح الحب ضعفك ولا قواكي يا ترى انا كده قويه ولا ست هشه ... انا مش هستسلم و هصبر عليك يا حبيبي هفضل جمبك واي حاجة هتضايقني هكلمك فيها اول باول هطالب في حقي فيك وانا كمان هحاول ديما اقرب اكتر واكتر منك هقولك كلام حلو كتير هاقدم ديما انا الخطوة الأولي وهستناك انا بحبك يا يوسف 

رامي في مكتبه فصل من الشغل و سند راسه لورا على كرسيه وغمض عينيه

رامي لنفسه... 

وحشتني يا ليلي انا مش مصدق انك معايا لو تعرفي بحبك اد ايه انا لما بتخيل ل ثواني انك كنتي سافرتي بحس اني هتخنق انتي حياتي كلها ... ليلتي سبحانك ربي في وقت ما كنت فاكر ان دنيا اسودت في وشي بسبب عمايا انت كان ليك حكمه في كده وحياتي كلها اتغيرت الحمد لله يارب احفظهالي واقدر أسعدها العمر كله

ليلى خلصت شغل المكتب ورجعت عملت الغدا وطلعت ترتاح على ما رامي يرجع وسرحت مع نفسها

ليلى..

 الحمد لله يارب انا دلوقتي راضيه عن نفسي وشايفه نفسي ملكه جمال دلوقتي حسه بالأمان اللي عشت عمري بدور عليه.. الحمد لله على نعمه الرضا يارب احفظلي جوزي وابني واقدر اسعدهم وابعد عننا كل شر

تمت الحمد لله