رواية عشق الروح

بقلم الكاتبة منى محمود

الفصل الرابع عشر

 ( قبل الاخير )

رواية

عشق الروح 

نفسي اشكيلك من نار حبي 

نفسي احكيلك علي اللي في قلبي 

واقولك علي اللي سهرني 

واقولك علي اللي بكاني 

واصورلك ضنا روحي

وعزة نفسي منعاني

عزة نفسي منعاني

بعد مرور خمس سنين ... حاجات كتير اوي اتغيرت سميرة اتوفت من سنتين بالظبط وقتها فرح و ليلي انهارو جدا لكن يوسف و رامي وبركات كمان كانو ديما جمبهم لحد ما قدرو يعدو الفترة دي ... فرح حاولت تتماسك اسرع من ليلي اللي حست انها في اللحظة اللي خالتها ماتت فيها هي فعلا فقدت امها بجد وفي الاخر قرب الاتنين الشديد من بعض هو اللي هون عليهم الايام بعد كدة

يوسف و فرح عندهم نور

ورامي وليلي عندهم اسر 

والاتنين عندهم اربع سنين 

في بيت بركات

بركات ...

 هو رامي مش بيجي في معاده ابدا كل يوم جمعه لازم يتأخر كده

يوسف ... 

انا قلتلك اقفش عليه شويه بتقولي اطلع منها انت اشرب بقا

يوسف يلاقي حد بيشد في رجله بيبص لاقي بنته نور 

يوسف وهو بيشيلها ... 

نعم يا زقرده عايزة ايه 

نور كشرت .. 

بابي عيب تده تقوي زقيده (بابي عيب كده تقول زقرده)

يوسف ... 

ههههه انتي هتلحنيها بحروفك اللي نصها ضايع دي .. عايزه ايه يا نور عيوني

نور ...

 حبد بابي (بحبك بابي)

يوسف بحب ... 

وانا بحبك اوووي يا نور عيوني انتي

فرح بغيظ ...

 ما خلاص يا حلو منك ليها في ايه ٢٤ ساعه بتتغزلو في بعض هي حبك بابي وانت حبك نور عيوني خفو شويه

يوسف بغمزة ... 

هو الجميل مضايق ولا ايه ؟

فرح بضيق ... 

وهضايق ليه.. هه رد .. مطنشني مثلا هه نسيت حاجه مهمه مثلااااا هه

يوسف ... 

هههههههه شكلك بيبقى حلو اوي وانتي متعصبه بس يا ستي انا لو ضايقتك حقك عليا بس نسيت ايه ؟

فرح دمعت ...

 ولا حاجه يا يوسف متشغلش بالك انا هقوم اشوف الاكل 

فرح قامت و يوسف مش فاهم هو نسي ايه بص لابوه اللي ببص له بغضب

يوسف ...

 لا متقولش اني نسيت حاجه مهمه للدرجة دي 

بركات بغضب ... 

انت يا واد معندكش ريحه الدم يا حيوان .. عارف اخوك اتأخر ليه ؟ عشان كان بيحتفل مع مراته امبارح بعيد جوازهم اللي هو عيد جوازكم انتم كمان وانت جبله مش فاكر اصلا ونازل هزار وبس 

يوسف ضرب ع دماغه ... 

يا نهار اسود ازاي نسيت وازاي رامي ميفكرنيش دا فرح اكيد زعلانه مني

بركات ... 

عشان اخوك عمره ما يجي في باله ان يوسف اللي بيعشق مراته ينسى عيد جوازهم

يوسف بتبرير ... 

والله يا بابا مش عارف نسيت ازاي انا مطحون ف الشغل برجع اقعد مع نوري شويه وانام اقوم ف نفس الساقيه

بركات ... 

ومش مكسوف وانت معترف كده بتقصيرك في حق مراتك

يوسف ...

 مش فاهم اعترفت بأيه انا بحكيلك يومي عادي بيمشي ازاي 

بركات ... 

ياواد هتشل منك يخربيت برودك يعني طول اليوم بعيد عنها ترجع تقعد مع بنتك و تقوم تنام وهي فين هه .. فين حق مراتك عليك مش دي اللي حفيت عشان بس تبصلك دلوقتي لما بقت في بيتك تهملها كده وتهتم ب بنتك وشغلك وبس .. فين وعدك ليها يا جبله يللي مبتحسش ولا قوم قوم من قدامي فورت دمي وهتعليلي الضغط قوم 

❈-❈-❈   

يوسف كان متنح هو ميقصدش يهملها هو كان بيتصرف بعفويه بس فعلا نسيها فتره كبيره وهما ع حال دا وهي ولا اشتكت ولا اتكلمت افتكر انها متقبله وكمل في اهماله بس لحد عيد جوازهم مقدرتش وبان عليها يوسف لسه هيتكلم لاقي جرس الباب رن راح يفتح وكان رامي وليلى ومعاهم اسر 

رامي ...

 السلام عليكم ازيكم جميعا

بركات ... 

وعليكم السلام يا حبيبي تعالو

دخلو وقعدو وليلى لاحظت عدم وجود فرح وسرحان يوسف

ليلى ... 

جو هي فرح فين مش سامعه صوتها يعني ؟

يوسف سرحان مش بيرد

رامي بصوت عالي ...

 يوووووسف

يوسف اتخض ...

 في ايه حد ينده على حد كده 

رامي برفعه حاجب ... 

اعملك ايه ما احنا بنكلمك مش بترد في ايه ليلى بتسالك فين فرح

يوسف بشرود ... 

فرح اه فرح في المطبخ

ليلى باستغراب من طريقتة ... 

طيب انا هروحلها .. (بصت ل رامي ) ابقي شوف ماله دا

بعد ما ليلى مشيت رامي اتعدل وبص ل يوسف

رامي باهتمام ...

مالك يا جو ؟ في ايه ؟

يوسف بحزن ...

 نسيت عيد جوازنا و اتلهيت اوي عنها بالشغل ونور وهي ولا اشتكت ولا اتكلمت بس كان في دموع في عينيها انهارده دي اول مرة من يوم موت طنط سميرة اشوف دموع في عيون فرح 

رامي كشر ...

 يادي النيله السودة .. انت يا يوسف تنسي يوم زي دا معقول 

يوسف بضيق ...

 بقولك ايه انا مش ناقص انا اصلا كاره نفسي ان عملت كده فيها بعد ما وعدتها عمرها ما تنام زعلانه مني واللي قهرني انها متكلمتش مشتكتش وشايله في قلبها وساكته .. رامي اعمل ايه انا انا مش عارف

رامي بتفكير ...

 بص انت تطلع اوضتك فوق وانا هقولها انك تعبان شويه وعايزاها فوق لما تطلعلك اتكلم معاها خليها تشتكي منك ليك خليها تطلع ال قلبها كله طبطب عليها و قول ال ف قلبك وقتها اتفقنا

يوسف اتنهد ...

 اتفقنا انا طالع .. صحيح نور فين ؟

رامي ضحك ... 

انت لسه فاكر دا من اول ما دخلنا من الباب وابوك خدها هي و اسر في المكتب يلعب معاهم ويحكلهم حودايت

يوسف ... 

طيب انا طالع 

❈-❈-❈   

طلع يوسف ورامي دخل المطبخ لمح فرح بتمسح دموعها وليلى كمان رامي دخل وعمل نفسه مشفش عشان ميحرجهاش

رامي ... 

فرح يوسف تعبان شويه وطلع اوضته وكان عايزك 

فرح بدهشه ...

 تعبان ماله فيه ايه ؟

رامي ... 

متتخضيش كدة هو بس مصدع او دخله برد وعايزك فوق ثواني 

فرح مسرعه... 

اوك اوك اه ليلى شوفي بقيت الاكل ليتحرق 

َخرجت بسرعه

ليلى بحزن ... 

اخوك مزعل اختي وانا هطلع عينه ماشي الا دموعها يا رامي فاهم

رامي ... 

ممكن حبيبي يهدي هو هيصالحها دلوقتي و ندم وحس انه قصر وزعلان اصلا من نفسه

ليلى بغيظ .. 

يا فرحتي يا يعني عشان هو زعلان من نفسه الموضوع خلص خلاص 

رامي ...

 ليلتي ف ايه هما حرين مع بعض وقلتلك هو حاليا بيصالحها .. وبعدين بقولك ايه انا لسه عامل دماغ من سهره امبارح متطلعنيش منها وحياه عيالك يا شيخه

ليلى بخجل و خدودها احمرو .... 

رامي اطلع بره

رامي ... 

هههههههه يالهوي لسه بيحمرو يا ليلتي اعمل فيكي ايه هه

ليلى ...

 تطلع تخليني اخلص الاكل

رامي ...

 وانا جيت جمبك وعموما لو ضروري اطلع ارشيني باي حاجه ع سريع كدة 

ليلى بتلقائيه ... 

مفيش اي اكل خلص والله يا حبيبي اول ما حاجه تخلص هديك منها ع طول

رامي ...

 هههههههه مش قادر هههههههه هموت من ام براءتك دي هههههههه

ليلى ضيقت عينيها بتفكير ... 

ممكن اعرف بتضحك ع ايه قلت ايه يضحك اوي كده هه

رامي ...

 ليلتي انا اقصد بوسه مش اكل اكل يعني

ليلى كشرت ... 

اه يا قليل الادب يا سافل اطلع برررررره

رامي ...

 بس بس يخربيت جنانك طالع اهو الواحد ميعرفش يهزر معاكي ابدا فضائح ديما كدة 

خرج رامي بسرعه

❈-❈-❈   

طلعت فرح بسرعه اوضه يوسف لاقته قاعد ع السرير و موطي راسه وحاطط ايديه عليها جريت عليه

فرح بقلق ... 

حبيبي مالك فيك ايه ؟

يوسف رفع راسه وعينيه كلها حزن ومقدرش يتكلم

فرح بقلق اكبر ... 

يوسف ف ايه متقلقنيش عليك مالك ؟

يوسف بصوت مخنوق ...

 انا انا اسف بجد 

فرح ... 

على ايه مش فاهمه ؟

يوسف بنفس نبره الصوت ... 

فرح انا عايز اسمعك انا عارف اني غلطان واستاهل كل ال ممكن تعمليه فيا مش بس عشان نسيت عيد جوازنا لا عشان الفتره ال اهملتك فيها فرح اتكلمي اصرخي فيا زعقلي طولي لسانك عليا لكن متسكتيش كده

فرح سمعاه وعينها كلها دموع وساكته

يوسف ...

 حبيبتي اتكلمي عشان خاطري قولي كل ال ف قلبك ليا انا قابل والله 

فرح بصوت مخنوق ...

 انا مش عايزه اقول حاجه هقول ايه انت نسيت وخلاص ولو ع اهمالك مش يمكن خلاص حبك قل او مبقاش موجود انا مش عايزه اقول حاجه ممكن تسيبني انزل اكمل الاكل

فرح جت تقوم يوسف شدها في حضنه واتكلم بصوت مخنوق اكتر ...

 انا انا يا فرح حبي قل او مبقاش موجود انا وصلتك لكده ازاي وامتى طب نبهيني انا انا مكنتش اقصد كل دا حبيبتي انا بحمد ربنا كل لحظه انك ف حياتي انا بس اتلهيت عنك بالشغل و افتكرت انك فاهمه او متقبله بصي انا مش برر انا اسف والله اسف ومقصدش كل دا انا مش بس لسه بحبك انا حبك بيزيد في قلبي يوم عن يوم حبيتي ارجوكي سامحيني اللي حصل مش هتتكرر تاني

فرح فضلت بس تعيط ومش قادره تتكلم ويوسف فضل حضنها يهديها وبعد فتره قليله هديت

فرح بحزن ... 

ممكن انزل بقا بقالنا كتير هنا 

يوسف ... 

مش قبل ما تسامحيني

فرح ...

 قلتلك انا مش زعلانه منك بس الكلام سهل يا يوسف الحب أفعال مش كلام عموما لو مصر نفتح في الموضوع ف انا شايفه أننا ناخذ فتره نشوف عايزين نعمل فيها ايه مع بعض ونقرر بعدها 

يوسف وقف وشدها وقفها قصاده

يوسف بغضب خفيف ... 

يعني ايه الكلام دا ان شاء الله .. فرح انا اعتذرت وقسما بربي ما اقصد ولا عمره حبك قل ف قلبي في ايه سامحني دي دي اول غلطه ليا 

فرح. .. 

طب ممكن تهدي انا مقصدش نبعد انا بس مش عارفه اتكلم بص انا فعلا مش قادره خلينا لما نوصل بيتنا نتكلم ممكن؟

يوسف بحب ... 

فرحتي قلبك بقا قاسي اوي

فرح بكسره ...

 ياااه بقالك سنة وسبع شهور واسبوع ويومين مقلتليش فرحتي دي

يوسف بدهشه ...

 انتي انتي حسباهم .. و وانا انا بقالي كل دا مقلتهاش هو انا كنت غبي اوي كده

فرح ... 

 يلا يا يوسف بليز ولما نروح بيتنا نتكلم ممكن 

يوسف هز دماغه ونزلو فرح بتحاول تكون طبيعيه ويوسف متنح وسرحان

❈-❈-❈   

بركات ...

 ايه يا بناتي يا حلوين فين الاكل انا جعت من الروايح الحلوة دي 

ليلى ... 

حالا يا بابا السفره هتكون جاهزه يلا يا فرح

فرح ابتسمت وقامت معاها 

رامي ... 

ايه الاخبار صلحتها ؟

يوسف ... 

صلحتها ايه بس دا انا طلعت زفت ونيله انا معرفش ازاي بعد ولاده نور اتخدت كده وبقيت شايف الدنيا نور وشغل وكان فرح بقت حق مكتسب وموجوده ديما ومش هتضيع بس فرح بتضيع مني يا رامي

رامي ...

 اهدي عشان تعرف تتصرف ممكن اللي انت بتعمله دا مش هيحل حاجه

يوسف لسه هيرد قاطعهم صوت ليلى تقولهم ان سفره جاهزه .. اتغدو وقامو عشان يشربو الشاي قاطع سكوتهم صوت يوسف

يوسف ... 

لي لي ممكن اطلب منك خدمه صغننه 

ليلى ... 

ايه الأدب دا كله .. اتفضل

يوسف ... 

ممكن تاخدي نور معاكي انهارده واخذها منك بكره بالليل كده

فرح بستغراب ... 

نعم تاخد نور ليه ؟

يوسف ببتسامة ... 

عشان انا وانتي هنروح مشوار وهنتاخر فيه وبعدين هي مش مع حد غريب دا خالتها وعمها

فرح كشرت ...

 انا مش هروح مشاوير وبنتي مش هتنام بعيد عني يا يوسف 

ليلى ...

 ايه يا فرح اهدي انتي هتخافي ع نور وهي معايا معقول ؟

فرح ...

 لا طبعا انا مقلتش كده بس يا ليلي 

يوسف قاطعها ...

 فرحتي ارجوكي وافقي بصي مش هنتاخر والله 

رامي بغمزة ... 

سيدي يا سيدي مفاجأت وبتاع ايوه بقا وماله فروحه اختي بردو ناخد نور (وهمس ل ليلى) ... اينعم هتتلككي بالعيال بس وحياه امي هسهر استناكي للصبح بقولك اهو

ليلى اتكسفت واحمرت وسكتت

بعد وقت رامي خد نور معاه وروحو بيته ويوسف خد فرح وطلعو ع الفندق اللي عملو فيه فرحهم و كان من بيت باباه حاجز نفس الجناح اللي اتجوزو فيه طلعو ودخلو كل دا وفرح مفيش اي رد فعل ليها ولا بفرح ولا بحزن وهو موجوع بسبب حالتها دي

❈-❈-❈   

يوسف اول ما دخلو فرح بصتله وسألته بكل هدوء

فرح ...

 ممكن افهم ايه كل دا ولازمته ايه اسيب بنتي واباات بعيد عنها

يوسف ... 

فرح انت لا مسامحني ولا راضيه تفشي غلك فيا ارجوكي بطلي تكتمي في نفسك كده اتكلمي انا جيت هنا عشان نتكلم

فرح ...

 ممممم نتكلم نقول ايه بقا 

يوسف ...

 انا عايز اسمعك يا فرح 

فرح ...

 لا الحقيقه انا اللي هموت واسمعك

يوسف ... 

تسمعي ايه بالظبط ؟ ما انا قولتلك كل حاجة

فرح...

 اسمع حبيبي اللي خلاني غيرت نظرتي للحياه واحب وافتحله قلبي واامنه على نفسي اسمعه بقا وهو بيشرحلي كسر قلبي كده ليه وايه مبرراتة وأسبابه 

يوسف بصدمة ...

 انا انا يا فرح كسرت قلبك

فرح بهدوء ...

 قلتلك انا مش زعلانه وانت مصمم تسمع تمام مترجعش تندهش بقا ونقضي الليله بتعيد في كل كلمه هقولها

يوسف بحزن ... 

لا يا فرح انا هسكت خالص لحد ما تقولي كل اللي جواكي

فرح بسخريه ... 

جوايا ؟ هههههههه والله ضحكتني .. يوسف عارف مين السبب في اللي وصلنا ليه دا

يوسف بندم ... 

انا السبب يا فرح

فرح ...

 لا لا خالص الحقيقه ان انا ... انا السبب في أول سنه جواز لما حصل عندك مشاكل ف شغلك وسافرت وكنت بتبات في المعرض كتير انا سكت مقلتش فين حقي فيك قدرت تعبك ووقفت جمبك ع امل هتعوضني كل لحظه كنت بعيد عني لكن انت كملت كملت ف اني ديما هكون جمبك وهقدر لحد ما بقيت ع الرف حسيت انك ملكتني ف سقطتني من كل حساباتك يومك بقا بنتك وشغلك وبس لكن فرح عادي مقدره وبتشيل وهتشيل وانا حطه جزمه في بؤي وساكته وبشيل ف متجيش دلوقتي تفتكر لما ترجع وتتنحنح وتعزمني ع عشا ولا تسفرني ولا تقولي كلمتين خايبين ان هنسي تؤ لان ببساطه ال عملته علم هنا (شاورت على قلبها) ومش هتمحي من هنا ابدا الا بموتي .. عارف اكيد مستغرب ليه مش بعيط ههههه اصل خلصت الدموع دي من بدري اوي ف مفيش تاني .. هه يلا ما علينا يوسف انا مش عايزه شرح ولا تبرير انا عايزه انام ممكن ؟

يوسف كان مصدوم على قد ما كان عايزاها تطلع كل اللي في قلبها على قد ما اتصدم لل هي وصلت ليه

يوسف ... 

طب متكلمتيش معايا ليه منبهتنيش ليه ؟ سكتي ليه لما الوضع كبر بينا كدة 

فرح ... 

مين قالك محاولتش لكن انت كل مره تاخد كلامي هزار وتتعدلك يومين ونرجع تاني زي ما كنا ف سكت بقا واتعودت وانت كمان اتعود واهي عيشه وخلاص

يوسف ... 

لا يا فرح عمر اللي بينا ما هيكون عيشه والسلام ... فرح اسمعني اللي حصل مش بالصوره دي .. اه معترف اني اهملتك واني بعدت عنك بس بس يمكن فعلا عشان انتي ديما مقدره و و بصي انا مش هبرر الغلط انا غلطت بس بحبك والله بحبك وبعشقك كمان ولما شفت دموع في عينك انهارده قتلتني انا اسف اوعدك اللي حصل مش هيتكرر واللي ضاع وانتي بعيده عني انا هعوضهولك بس سامحيني اقولك حاولي جربي تديني فرصه تانيه

(وقفها قصاده وخدها في حضنه و مشي ايديه على شعرها)

يوسف بحنيه ... 

انا اسف يا فرحتي اسف علي كل لحظة الحزن دخل فيها قلبك بسببي اسف يا حبيبتي سامحني

فرح ...

يتبع ...