قراءة رواية أبلة فلافل كاملة

تنشر حصريًا على مدونة رواية وحكاية قبل أي منصة أخرى

قراءة رواية ونوفيلا أبلة فلافل

من روايات وقصص 

الكاتبة أسماء عبد الهادي

الفصل الخامس

والأخير

سيف_السلسلة اللي كانت معاها، بابا اللي ملبسها ليها وهي طفلة 

_اه السلسلة دي تونا بتحبها أوي ولا يمكن ترضى تفرط فيها ابداً 

_أهو شفتي يعني إحتمال كبير نكون أهلها دليني عليها من فضلك

_أيوة بس أنا فعلاً معرفش هي راحت فين تونا أول ما شافتك هربت خافت تهزأها وتبهدلها تاني 

سيف بص في الأرض 

_ أنا فعلاً جيت عليها أوي 

_أيوة هي لما حكتلي كان هاين عليا بإيد الهول وعلى نافوخك أديك.

_ليه بس الطيب أحسن .

_ياخويا قول لنفسك الكلمتين دول .

_طب مش هتعطيني ساندويتش من اللي ريحتهم تجوع دي .

_ ياخويا إنت في إيه ولا في إيه روح دور على البت الغلبانة دي.

_هدور فين ما أنا مش عارف ساعديني إنتي أدرى عني بالأماكن دي . 

_الله وأسيب أكل عيشي وأجي، دول المقاطيع إخواتي يموتوا من الجوع .

_إعتبريني يا ستي إشتريت كل الكبدة والسندويتشات اللي معاكي النهاردة كلها... ها ألف جنيه يكفوا.

_ألف جنيه إيه حيلك .

_ايه قليلين ألفين ؟

_اهدا يابا وصلي على النبي، ده أنا لو جبت في اليوم ١٠٠ جنيه يبقى رضى أوي .

_طيب ياختي أنا هأخذهم ب ٢٠٠٠ جنيه بس بالله عليكي وصليني بتسنيم 

_ طيب ماشي صعبت عليا، بس خلي فلوسك معاك يا أستاذ أنا مش بقبل شفقة من حد .

_ دي مش شفقة دي حق الكبدة .

_ أيوة بس حق الكبدة مش كل دول مش هقدر أخذهم .

_ طب إعتبريني حجزت الكبدة كم ليلة كمان ها قلت إيه .

_ يعني إنت مُصر .

_ اه خذيهم بقا .

_ هات أمري لله ..تسلم يا زوق

_ دلوقتي بقيت زوق ها مش كنت بديل من شوية .

_ ما هو لسه رأيي متغيرش .

_ نعم

ضحكت

_ لا بس ده علشان مكنتش أعرف إنت عايز إيه من تونا ومفكراك جاي تغلس عليها لكن بعد ما عرفت إن نيلتك خير هبتدي أقصلك الديل ده .

_ تاني!! صدقيني أنا غضبي وحش ومش هيعجبك .

_ خلاص يا أستاذ متبقاش قفوش كدا أني بضحك معاك

❈-❈-❈

كريم شاف بنت بتجري أول ما قربوا من عربية فلافل فخمن إنها ممكن تكون هي، فساب مكانه بسرعة وجري عليها وخبط فيها وقال

_اااه ااه، ذراعي لااا ذراعي اتكسر، إيه يا آنسة مش تحاسبي

_ إيه يا أستاذ إنت مالك في إيه هو أنا جيت جنبك.

_ اه وأنا معدي ماشي جنبك خبطيني في ذراعي، اااه يا دراعي لا مش قادر هموت هموت منك لله يا شيخة

_لا إنت هتتبلى عليا أنا مجتش جنبك أصلاً وإنت اللي خبطت فيا

_لا أنا كنت معدي في أمان الله يا إسمك إيه ... هو إنتي إسمك إيه؟ فخبطت فيكي ذراعي اتكسر .

_ إسمي تسنيم ياخويا، واتفضل إمشي إرمي بلاك على حد تاني أنا مش ناقصاك .

فرح كريم وعرف إنها البنت المقصودة فقال

_ أنا مش برمي بلايا عليكي ولا حاجة أنا ذراعي مكسور وعامل فيها عمليه ولما إنتي خبطيني ذراعى حاسس إنه رجع فك من بعضه ثاني ، ااه لا أنا حاسس إني هيغمى عليا هموت هموت الحقيني 

تونا خافت وقالت 

_ طب طب أساعدك إزاي يا أستاذ، بص إستنى تعالى أقعد هنا عند الحجر ده لحد ما أناديلك حد يساعدك .

_ لا لا أنا لسه هستنى لما تدوري على حد يساعدني هكون موت يابنتي،، إنتي معندكيش قلب معندكيش أولاد قدي

_ أولاد قدك إيه يا جدع إنت إنت معندكش نظر، ده إنت واضح إنك قد أبويا اللي معرفوش

_ ياستي قد أبوكي قد أبوكي المهم ساعديني، أنقذيني أرجوكي هموت اااه يا ذراعي، لالا ده مش ده قصدي ذراعي التاني .

_لا إنت شكلك بتستعبط ولا تعبان ولا حاجة .

_حرام عليكي يا شيخة إنتي مش حاسة بالوجع اللي أنا حاسس بيه، إستني كدا باين هيغمى عليا لو مت إبقي قولي لأمي إني كنت بحبها هتوحشيني يا ماما .

_خلاص يا أخينا قولي أساعدك إزاي، أشوفلك عربية ولا أعمل إيه، المستشفى بعيدة شوية عن هنا .

_أنا معايا عربيتي تعالي بس ساعديني إفتحيلي العربية وهحاول أسوق بس خليكي معايا أحسن أخاف يغمى عليا في الطريق .

_إستنى إنت عايزني آجي معاك فين 

_المستشفى إيه هتسيبي الشخص اللي كنتي السبب في آذاه كدا من غير ما تطمني عليه، إنتي معندكيش مروءة مش بتحسي ياشيخة أنا قلتلك إعتبريني زي إبنك .

_أيوة بس أنا مش هينفع أركب العربية مع حد غريب .

_يا شيخة عارف بس يعني هتخافي مني في إيه وأنا أصلاً ماشي بين الحياة والموت وممكن يكون حصلي نزيف داخلي. لا الوجع جامد أوي الحقيني آه.

_طيب خلاص صدعتني يلا إتفضل فين عربيتك دي خلينا نخلص أنا مش عارفه الهم ده طلعلي منين هو أنا ناقصة .

_دي حالة إنسانية هتأخذي عليها ثواب، إيه مش عايزة تعملي حاجة لله أبداً 

_إمشي يا أستاذ قدامي وبطل غلبة أنا عارفة إني هجيب المشاكل لنفسي، ربنا يستر .

_لا يا آنسة إن شاءالله خير ده إنتي ربنا بعتلك ليا نجدة من السما.. علشان تنقذيني.. اتفضلي إركبي .

تونا ركبت العربية معاه وهي خايفة

فتحتله الباب ورجعت لفت وركبت جنبه

كريم ساق بالعربية لحد ما طلع من الحارة خالص ولما وصل على الطريق العام .

طلع موبايله وكلم أحمد والد سيف وقال

_ الو أيوة يا عمي.. كله تمام وببشرك بشرة خير، أنا هسبق حضرتك على المستشفى علشان نتأكد من اللي حضرتك شاكك فيه 

أحمد قال

_بجد يا كريم لقيتوها لقيتوا رغد بنتي، قصدي تسنيم

_أيوة يا عمي وهي معايا أهي ورايحين على المستشفى هنسبقك على هناك .

_تمام أوي ردتلي روحي الله يفرحك يابني

كريم بص لتسنيم اللي أعجب بيها من أول نظرة،

_الظاهر قريب وقريب أوي يا عمي 

_سيف فين؟

_لا هو ميعرفش ومش هنقوله عقاباً ليه على اللي عمله .

_ تمام معاك حق زي قرصة ودن علشان يحرم يعمل عملته 

_أيوة صح يا عمي، لو اتصل بيك بقا متبلغوش بأي حاجة لحد ما النتيجة تطلع .

_وهو كذلك يا كيمو، إنت مش عارف إنت عملت فيا إيه كأنك أحيتني من جديد والله، بس قولي لقيتها إزاي وإزاي سيف ميعرفش.

_لا دي قدرات خاصة يا عمي مش موجودة عند البأف إبنك.

_ههه طيب ماشي سلام هكلم السواق يوصلني على المستشفى .

_ماشي يا عمي ربنا معاك. 

تونا مكنتش فاهمة حاجة من المكالمة لكنها إستغربت نبرة كريم وإنه مبقاش يتألم

كريم خلص مكالمته ومسك موبايله بإيده اللي كان بيدعي إنها مكسورة ومش قادر يحركها

تسنيم قالت

_ مش دي إيدك اللي كنت بتصرخ منها من شوية وتقول اتكسرت وهموت

_ اه صح آه يا إيدي ياني ، بس تعرفي إنتي ركوبك معايا كان فيه الشفا والله .

_لا يا شيخ 

_اه والله ... إيه مالك إنتي بتبصيلي كدا ليه 

_إنت يالا إنت مين وواخدني على فين ؟ 

_إيه يلا دي كنت جاي من الشارع مثلاً 

وفجاة كريم صرخ لأن تونا عضته من دراعه

_ وادي دراعك أهو اللي عاملي فيها إنه مسكور. 

_اااه يا بنت العضاضة 

_ولا نزلني بسرعة ... وقف العربية دي إنت زي القرد وكل اللي عملته ده خدعة إنت عايز تخطفني يا لهوتااااي متحمرش وحرامي كمااان يا وقعة طين... يالهوتاااي.. نزلناااي .. نزلناااي 

كريم حط إيده على بوءها وقال

_بس بس افصلي، أنا مش حرامي ولا حتى متحمرش يا ستي 

غضته تاني وقالت

_أومال إنت مين أخلص وواخدني هنا بتعمل إيه ، إتكلم إنطق قول 

وعضته للمرة التالتة

_بس بقى يا بنتي إيدى ورمت حرام عليكي ، إيه بالعة كلبة صعرانه جوا بوءك .

_ماهو إنت لو متكلمتش هتحول فعلاً ومتلومش إلا نفسك . 

_ ما إنتي لو تفصلي وتعطيني فرصة أتكلم كنتي عرفتي كل حاجة .

_ أهو انكتمت إنطق إتكلم قول بقا يلا إخلص . 

كريم زعق وقال - إفصلي بقا إفصلي.

تونا بصتله وهي ساكتة

_ إنتي يا ستي كلنا شاكين إنك رغد بنت أحمد بيه 

تونا ضحكت وقالت

_  هههه إيه ده هو إنت معرفتش إنها مش أنا... مش طلعت رغد بنتكم معندهاش شامة زيي.

_ يا شيخة اتلهي، دي مش دليل قوي 

_طب إيه الدليل بقا ... واللي إسمه سيف ده أصلاً طردني من بيتكم جاي تاني ورايا ليه .

_ إننا نعمل دي إن ايه... أما سيف فهو فعلاً غلطان وكلنا مغلطينه فعلاً وهو أعترف بده

_والمطلوب مني إيه دلوقتي أنا مش لعبة في إيديكم وقت ما إنتم عايزين تطردوني وترجعوني تاني، أنا واحدة ليا كرامتي وكبريائي اللي عايشة بيهم

_ يا شيخة اتلهي ده إنتي لو جعتي تبيعي كرامتك بربع جنيه 

_ ولا إنت جايبني هنا علشان تهزقني طب نزلني

_ ولا إيه إسمي كريم باشمهندس كريم .

_ماشي يا هندسة نزلني بقا . 

_ هتنزلي أول ما نوصل المستشفى ..خلاص قربنا فاضل خمس دقايق بس 

_وأنا مش رايحة معاكم أي مكان

_ لا هتروحي 

_مش هروح

_هتروحي ورجلك فوق رقبتك 

فجأة تونا فتحت الباب وكريم بيسوق 

فصرخ كريم وقال

_تسنيم حاسبي... لا تسنييييييم

__

عند سيف وفلافل 

نادت على أخوها 

_ولا يا حاموكشا .. خد بالك من العربية لم الأكل اللي فيها ودخله البيت وجرش العربية يلا .

_ماشي يا أبلة فلافل بس كله بحسابه ها .

_ابقى اكتبه على النوتة ياخويا 

_حسابك تقل يا أبلة 

_وإنت حسابك أتقل 

قالت كدا وهي بتقلع الشبب فبعد بخوف وقال

_خلاص خلاص، الحساب اتصفى ربنا ع المفتري

ضحكت فلافل وبصت لسيف وقالت 

_يلا بينا ياهندسة

_طيب يلا اركبي 

_أركب فين إنت اتجننت ياجدع إنت حد قالك عليا صايعة بركب مع رجالة غريبة

_ياختي هو إنتي بمنظرك ده حد يرضى يبصلك

_ماله منظري يا ادلعدي

_لا مفيش عسل وقمر

_لا ده إنت متحمرش بقا 

_الله لا كدا عاجب ولا كدا عاجب... إركبي خلصيني

_طيب متزوقش... إنت عايز تروح فين 

_ ممم نتفسح مثلاً... وبعدها زعق وقال

_أكيد طبعاً علشان تعرفيني ممكن ألاقي تسنيم فين 

_ طب اركب يلا ماشي 

فضلوا يلفوا بالعربية في كل مكان فلافل تتوقع إن تونا تكون فيه لكن مفيش ليها أي أثر خالص .

سيف قال بغيظ

_إنتي متأكدة إنك صاحبتها 

_ليه عندك شك في كدا 

_مفيش ولا مكان قلتي عليه حد شافها فيه

_وأنا مالي هو أنا اللي طردتها وعملتها رعب خلاها أول ماتشوفك تجري وتطفش .

سيف قال بحزن

_ أنا أستاهل ضرب الجزمة على اللي عملته فعلاً.

_تنفع معاك بلغة بدل الجزمة

_نعم 

فلافل نزلت على دماغه بالشبشب

_تونا أختي وحبيبتي إنت تخوفها بالشكل ده لحد ما تطفش ومعرفلهاش طريق جرة

_ااه بس بقا شيلي الشبشب بتاعك ده مش نضيف .

_ياخويا هو ده اللي همك

_صدقيني يا فلفلة أنا فعلاً ندمان على اللي عملته سواءً طلعت أختي ولا لا مكانش ينفع أعاملها بالطريقة دي 

ضربته تاني

_إسمي فلافل يا مصيبة إنت 

_ ياختي مش هتفرق فلفل من فلافل أهو كلهم بيتقلوا في الزيت وعايزين الحرق .

_صدق إنك تستاهل الضرب بالبلغة بجد .

_ لا خلاص خلاص كنت بهزر

وفجأة جه إتصال لسيف من كريم

_إي يا زفت إنت اختفيت فين فجأة من غير ما تقول أكيد روحت تلوغ زي عادتك ومش حاسس بالمصيبة اللي إحنا فيها .

_ والله كل ده بسببك ... المهم تعالى المستشفى حاالاً .

_خير بابا جراله حاجة .

_ لا عمي أحمد كويس إلا حدٍ ما 

_يعني إيه إنطق يالا .

_ مفيش أصل تسنيم عملت حادثة فعمو أحمد قلقان عليها .

_نعم حادثة حادثة إيه .

_ تصور المجنونة فتحت الباب ونطت والعربية ماشية ... الحمدلله إني كنت سايق على أقل سرعة كان زمانها في خبر كان .

_  اييييه إنتوا في أي مستسفى.... ماشي عارفها أنا جايلك حالاً .

فلافل حطت إيدها على دماغها

_ياختاااي يا لهوتاااي أنا كنت عارفه إن أخركم هتموتولي البت، منكم لله يا بعدا ،، يا حببتاااي ياتونااا  ياختتاااي .

__

وصلوا المستشفى وكان ممنوع الزيارة 

فالكل كان واقف برا منتظر على نار إنه يطمن على تونا حتى عم حسن ومراته جم 

وبعد أسبوع 

كانت طلعت نتيجة التحليل اللي أثبت إن تونا هي نفسها رغد بنت أحمد الدمنهوري

وكانت صحة تونا اتحسنت وتقدر تخرج من المستشفى .

الكل كان فرحان بيها وليها

ولما رجعت تونا الڤيلا تاني لقت إن سيف مجهزلها حفلة كبيرة عاملها ليها مخصوص وعامل بانر كبير بيعتزر لها فيه

وهي كانت مبسوطة أوي إنها لقت عيلتها أخيراً 

_بابا حبيبي

_نورتي بيتك وعيلتك يا نور عيني 

أما إخوات فلافل راحوا عند البوفيه وبدؤا يأكلوا بشكل همجي جداً 

فلافل قالت

_ عااا منكم لله يا بعدا فضحتوني قدام الناس طب يقولوا عليا إيه مربتكمش، يا خسارة ساندويتش الفلافل والكبدة يا خسارة

جه سيف وضحك وقال

_ لا سيبيهم براحتهم الحفلة الليلة علشان الكل يكون سعيد ومبسوط... بقولك إيه يا فلافل

_قول يا خويا سمعاك

_ ما تيجي نتشارك في عربية الكبدة دي سوا

_ نعم يا خويا نتشارك ليه إن شاءالله ... علشان تأخد سر الصنعة وبعد كدا تسيبني وتروح تفتح عربية تنافسني لااا ده بعينك .

سيف بصلها بضيق لأنها مفهمتش قصده وقال

_ تصدقي أنا اللي غلطان لما عبرتك وإيه اللي إنتي لابساه ده

_إيه فستان إسمه أبصر إيه ده سواريخ سبانخ  مش فاكرة مأجراه من البنت بنت عم جرير 

_كمان جرير وسبانخ إنتي ليه محسساني إنكم واقعين من طبق سلطة 

_صدق صح وإنت بقا الليمون الحامض اللي بيتحط عليه 

_بقا كدا ...  

بصلها بحب تتجوزيني يا فلافل

_موافقة بس بشرط 

_إيه 

_كتر الليمون الله يكرمك أصلي بحب الليمون كتير 

سيف جري وراها بغيظ وهي حاولت تهرب منه 

تمت

يُتبع..