قراءة رواية عودة هيما كاملة

تنشر حصريًا على مدونة رواية وحكاية قبل أي منصة أخرى

قراءة رواية عودة هيما

من روايات وقصص 

الكاتبة أسماء عبد الهادي

الفصل التاسع عشر

الأخير

الكل انصعق باللي سمعه زي ما انصعق هيما بالظبط اول مرة يسمع فيها الحقايق دي واللي حصل لهيما وابوه من ظلم ع ايد جده

واللي صدمهم اكتر ان مهران طول الوقت دا وميكونش ابن عمهم اومال ابن مين وايه حكايته 

في الوقت دا فضلت نورين تعيط لان دي الحقيقة اللي قالها ليها هيما وطلب منها متقولش لحد خالص 

فلاش باااك 

كانت اسمهان مرات عامر حامل وف شهرها الأخير وخلاص قربت تولد لكن الدكتور صدمها بخبر كانت هتتجنن بسببه ان جنينها مات ف بطنها 

كانت بتتشال وتتحط ازاي ابنها يموت وهي اللي كانت حاطة عليه امال كتيرة انه يكون اكبر احفاد العيلة وليه كلمته ومكانته

واللي صدمها اكتر ان الدكتور قال ان عندها مشكلة تخليها مش هتنفع تخلف تاني بعدها فكان لازم تفكر ف حل 

علشان كدا هنا ظهر الجانب الشيطاني منها وراحت لاختها اللي كانت حامل معاها  تقريبا ف نفس الشهر وقالتلها كل الحكاية وانها عايزة تاخد ابنها وتنسبه ليها _اسمعي انتي ظروفك انتي وجوزك ع قدكم واديكي شايفة كل يوم تتنقلوا من مكان ومش عارفين تستقروا ف بيت علشان الايجار غالي عليكم فكري ف بنتك مرجانة اللي متمرمطة معاكم يا حبيبة قلبي ... عايزة كمان تمرمطي ابنك اللي جاي دا 

حنان بحزن_ اعمل ايه الحمد لله على كل حال وربنا هيرزقنا برزقه 

_طب ليه ابنك ميعش ملك زمانه ويتربى ف عز ونغنغة بعيد عن الفقر والقرف

_طب ازاي دا 

_هاخده ع انه ابني وهربيه وههتم بيه كأنه ابني بالظبط 

_ايه انتي بتقولي ايه يا اسمهان 

_انا عايزة مصلحة ابنك صدقيني معاكي الولد هيعيش طول عمره فقير وحكيان... اطمني عليه معايا هعيشه متهني انتي مش عايزة لابنك السعادة 

_ايوة بس دا غش وخداع 

_محدش هيعرف بدا دا سر بيني وبينك انتي واسمعي كل شهر هجيبلك مبلغ كويس تعيشوا منه انتي وجوزك وبنتك ها قلتي ايه وع فكرة هتكوني خالته يعني تقدري تشوفيه في اي وقت ها فكري ف مصلحة ابنك قبل اي حاجة 

ومع الحاح اسمهان ع حنان وافقت وبالفعل عملت اسمهان انها ولدت مهران ونسبته لعامر من غير ما حد يعرف او يكتشف فعلتها دي 

الكل بص لبعضوا وقالوا 

_معقول معقول كل دا يحصل منها 

هنا اتكلم ريان وهو هيتجنن من اللي سمعه وقال 

_طب لو كانت ماما مش بتخلف احنا نكون اولاد مين انا مبقتش فاهم حاجة انا ونورين مين امنا؟؟ 

عامر رد ع سؤاله وقال 

_علشان ربنا قادر ع كل شىء امك قدرت تخلف تاني بعد سنتين وجابتك وبعدها بسنة جابت نورين 

ودي كانت صادمة بالنسبة ليها ع تسرعها ع نسب ابن تاني غير ابنها ليها بدل من انها تحاول تتعالج وتشوف مشكلتها او ترضى بقضاء ربنا 

نورين بحزن_ طب ليه يا بابا بعد ما جه ريان ليه مقالتش الحقيقة ورجعت مهران لوالدته 

_مكانش ينفع تظهر كدابة ومخادعة قدام جدك اكيد طبعا مكانش هيسكت وكان هيطردها وهيبهدلها علشان كدا اضطرت تسكت وتغطي ع عملتها ومتكلمتش 

ضم ريان شفته بأسف 

ونورين عيطت _حرام عليها بجد والله حرام 

عامر_ وعلشان مهران دا استولى على كل حاجة وهو اصلا مينتميش للعيلة انا طلبت من هيما انه يساعدكم ويرجع حقه وحقكم ودا اللي هو بيعمله 

اما زيدان فقال 

_وانا لما عرفت الحقيقة هناك ف امريكا طلبت من هيما انه يحاول يصلح شباب العيلة الفسدان ويحاول يعمل اللي مقدرش عليه اهلنا والحمد لله نجح ف دا قدر انه يخلي راكان يصلح غلطته وعمران ما ساعة ما عرف انه هيتجوز مرجانة وهو بعد تماما عن طريق البناات ومبقاش يسهر ولا يحب السهر زي الأول 

ظافر_ اه وع فكرة يا عمران انت مش مجبر انك تتجوز مرجانة ابدا دي كانت بس قرصة ودن بس...و علشان تكون عارف مرجانة مش بتشتغل خدامة رغم ان الشغل دا ميعبهاش ف حاجة لكنها جت عند مهران علشان تطمن عليه وتعرف اخباره بطلب من امها حنان... مرجانة متعلمة ومعاها دبلومة ف التأهيل النفسي وبتشتغل كمان ف المجال دا 

بصله عمران بصدمة واتفاجىء باللي سمعه عن مرجانة

فقال ظافر 

_بس مش معنى اللي قلته اني هسمحلك ترجع للقرف اللي كنت عليه زمان سواء انت او راكان او اي واحدة من البنات 

الكل هز دماغه بتفهم لدا 

فعامر قال _كلنا غلطنا وانا اولكم لما سبت الفلوس تربيكم لكني مكنتش اعرف ان الفلوس مش هتكون اكتر من نقمة عليكم سامحوني يا ولاد

جريت نورين ع ابوها وحضنته _بابا ارجوك متسبناش تاني 

عامر بندم على تفريطه ف حق أولاده 

_مش هسيبكم تاني يا نورين انا وعمتك وجوزها قررنا نصفي اعمالنا برا ونتفرغ ليكم هنا وبس 

❈-❈-❈

هنا استأذن ظافر انه يسيبهم ويروح يسقبل ضيفته اللي منتظراه من بدري 

وبعدها نزل لمهران 

وشد الكرسي وقعد زي كل مرة 

_ها يا مهران مبسوط معانا هنا ولا لسه محتاج تنبسط كمان كمان 

مردش عليه مهران انما فضل يبصله بحدة فقال ظافر 

_عامة انا هكون رحيم معاك وممكن كمان أشفق عليك واخرجك بس مش علشاني علشان الست الطيبة اللي اترجتني اسيبك دي لكن وقسما بالله لولا هي مكنتش شفت النور بقية حياتك ابدا 

مهران قال _مهما تعمل فيا مش هتطول مني مليم واحد خليك فاكر دا ورجالتي عارفين انك اكبر عدو ليا فأكيد هيحاولوا يخرجوني من هنا 

_ممم يا عيني كان غيرك اشطر رجالتك زمانهم بياكلوا رز بلبن بس مع  رجالة الشرطة ... معظم رجالتك وبضاعتك تم القبض عليهم يا. ياجوكر 

_ايه انت بتقول ايه 

_مفكر نفسك ذكي بس متعرفش ان لكل ظالم نهاية وع فكرة انت كنت متراقب من فترة بمعنى انت لو خرجت من هنا هتخرج ع السجن فيمكن هنا رحمة ليك ...عرفت ان ف كل الاحوال فلوسي وفلوس عيلتي هترجعلي!! 

هندمك يا هيما وربنا لاندمك 

_ممم حاول لو هتقدر 

بس خليني اقدم ليك مفآجئة هتعجبك يا مهران... فاكر لما قلتلك انا عارف نفسي كويس انا مين لكن الدور والباقي عليك انت انت ابن مين؟؟ 

مهران بصله باهتمام عايز يفهم بيتكلم عن ايه 

فقال هيما 

_زي انا مكنتش اعرف اني انتمى للعيلة دي 

انت كمان مكنتش تعرف انك لا تنتمي للعيلة دي يا مهران 

هنا مهران زعق_ انت  بتخرف بتقول ايه  

_تحب اجيبلك والدتك الحقيقية تقولك بنفسها ولا احكيلك انا ان خالتك اسمهان اخدتك وربتك عندها ع  انك ابنها ابن عيلة المنياوي علشان عيلتك الاصلية فقيرة ومعدمة زي ما كنت بتنعتني بدا زمان وبتتنمر عليا علشان فقير لكن شوف يا اخي الدنيا دوارة وبقيت انا اللي غني وانت اللي فقير وبائس ومحلتكش اي حاجة 

_انت بتقول ايه انت كذاب كذااااب 

هنا شاور هيما لضيفته حنان تدخل فبصت لابنها بحنان وقالت 

_لا صدقه يا ابني.. مهران انت ابني الحقيقي مش ابن اسمهان ربنا ينتقم منها ع اللي عملته فيا وفيك 

مهران زعق _انت جايبلي مين واحدة من الشارع وتقول عليها امي 

ظافر _عيب عليك دي انت مهما كنت عارف انها خالتك ومع ذلك بردو كنت بتحتقرها وعمرك ما عطيتها ريق حلو بس للأسف هي امك الحقيقية شوف بقا انت كنت بتبهدل امك ازاي وكنت بتعاملها ازاي لا ومرجانة اختك كنت ممرمط بكرامتها الارض ومشغلها خدامة عندك بدل ما كنت تقعدها ف احسن اوضة عندك ف الفيلا وتغرقهم زيك ف النعيم حتى لو كنت مش من العيلة بس اشمعنا انت عايش فى الهنا وسايبهم ف الفقر لا يخص عليك يا مهران مكانش العشم دول مهما كان اهلك يعني حتى لو كنت انت بتلعب بلفوس عيلة مش عيلتك لعب وزي ما انت عايز كنت نولت عيلتك من الحب جانب مكنتش اعرف انك بخيل وقاسي كدا تؤتؤتؤ مكانش العشم يا مهران 

مهران فضل يهز السلاسل اللي مربوط بيها بحدة _ لا انت بتلعب عليا لعبة حقيرة يا هيما وهندمك عليها انت كذاب انا مش مصدق ولا كلمة من اللي بتقول عليها دي 

ظافر_ ممم كان نفسي اقدر العب واحيك العاب حقيرة زيك لكن للاسف مش بعرف لان الحقارة ليها ناسها لكن عامة تقدر تعمل dna بنفسك وتشرف عليه علشان تتأكد من كلامي ولا تحب اجييلك اسمهان بنفسها تقولك دا رغم ان عمي عامر لو شافها هيولع فيها وهي اصلا هربت بعد ما عرفت انه عرف الحقيقة ومحدش عارف هي فين بس اجييهالك لو كانت فين انت بش أشر كدا 

_يعني ايه الكلام دا انتي امي بجد؟؟ 

حنان بدموع مغرقة وشها 

_ايوة يا ابني والله العظيم انا امك الحقيقية  

زعق مهران جامد_ ولما انتي امي زي ما بتقولي ليه اخفيتي دا وليه وافقتي ع اللعبة الحقيرة دي من الاول ولا كان بينولك من الحب جانب 

ردت حنان ببكا

_سامحني يا ابني انا والله العظيم متخلتش عنك بس غصب عني علشان ظروفنا الصعبة ضعفت ووافقت بس بعد كدا قلبي وجعني عليك وطلبت ارجعك اسمهان رفضت وقالت انها هتوديني وجوزي ورا الشمس وكمان لو عرفوا انك مش ابنهم هيقتلوك فخفت عليك وسكت وانا مغلوبة ع امري والله العظيم يا ابني دي الحقيقة اقسملك بالله 

مهران مكانش مصدق اللي سمعه وكان بيهز دماغه بصدمة ودموعه نزلت هو كمان 

فقال ظافر _وبعد ما عرفت الحقيقة هترجعلي فلوسي اللي برا... هرجعلك امك مش هترجع الفلوس بما يرضي الله متندمش بقا لما اعمل ف امك زي ما انت عملت ف جدتي واظن دا هيكون القصاص العادل ولا ايه يا مهران 

مهران بصله وبرق 

فقال ظافر _ممم الظاهر ان انت مش هتعمل حاجة وهتضحي بأمك ماشي انت حر وفلوسي هرجعها بردو 

يا عبااااس 

جه عباس وقال_ امرك يا باشا 

طبعا ظافر قال كدا علشان يخدع مهران مش اكتر انما مش هيعمل فيها حاجة_ خد الست دي وروقها زي ما جدتي اتروقت بالظبط ماشي مش عايز رحمة مفهوم 

عباس _امرك يا باشا 

مهران بصلها وقلبه حن ليها فقال 

_لا استنى دي ست كبيرة حرام تتبهدل كفاية اللي شافته طول عمرها وانا بعيد عنها 

ظافر _ويعني جدتي مكانتش ست كبيرة 

مهران_ ظافر ارجوك بلاش تأذيها 

_الخيار ف ايدك انت 

_هعطيك اللي انت عايزه 

_مش عايز غير فلوسي اللي انت شبعت لعب بيها وهي ف الأصل مش بتاعتك وزي ما قلتلك كدا كدا انت مطلوب للعدالة يعني مش هتتهني بيها 

_هجبهالك بس بشرط 

_مم هتتشرط من اولها لا مش لاعب 

_لا بالله عليك وافق ارجوك 

_ايه شرطك اخلص 

_هقولك مكان الفلوس وهعطيك الباسورد كمان لكل حساباتي بس بالله عليك لو اتقبض عليا خد بالك من امي واختي 

_صدقت انهم اهلك 

_مصدقك لانك عمرك ما كذبت ومصدق لاني اكتر واحد يعرف اسمهان وشرها وقلبها اللي كله حقد وكره وورثت دا ليا وربتني عليه ... هتهتم بيهم ارجوك انا عارف انك قد ايه طيب وكريم ومش هيهون عليك يتبهدلوا 

ظافر_ موافق 

_اوعدني يا ظافر 

_مم انت لسه بتقول اني عمري ما كدبت لكن انت طول عمرك كداب مش هعمل حاجة غير لما تسلمني كل حاجة 

_اا حاضر حاضر هقولك والله 

وبعد كم يوم قدر هيما انه يسترد فلوس العيلة من تاني ويقسم التركة حسب وصية جده 

ومهران تم القبض عليه بتهمة حيازة وتخريب المخدرات 

وهنا ارتاح هيما وقرر انه يرجع لحياته القديمة اللي اتعاهد مع نفسه انه يرجعلها بعد ما يرجع الحق لأصحابه وخلى زيدان هو المسؤول مع ريان على الشركات ودا لانه لا يفقه ف الامور دي شىء 

واول حاجة عملها راح للحج صالح 

وغير ورشته من ورشة صغيرة لتصليح السيارات لمعرض كبير وضخم للسيارات وفتح كمان قسم تصليح فيها وسماها باسم الحج صالح 

الحج صالح بعتاب 

_ليه عملت كدا يا هيما 

_دا حقك يا حج صالح انت اللي اوتني ف ورشتك وشغلتني عندك وعلمتني صنعة وصبرت عليا لحد ما اتعلمت فدا اقل واجب اعمله  بس ممكن من فضلك تشغلني بقا عندك هنا واكون شريك معاك بعرق جبيني اصل بصراحة معرفش شغل غير ف العربيات فصعب الاقي شغل غيره 

هنا حضنه الحج صالح وبكى_ ربنا يباركلي فيك يا ابني اخيرا الحمد لله اتحقق حلمي اني اشوفك صاحب معرض سيارات قد الدنيا ربنا يوسع رزقك ويسعد قلبك كمان وكمان 

هنا جاله زيدان فقال _هيمااااا 

هيما بص عليه وقال بملل 

_ايه يا صداع انت عايز ايه سايب شركتك وجاي تقرف فيا ليه 

_عايز اتجوز يا بني ادم ما تخلي عندك دم بقا وحس بيا 

_ما تتجوز يا نيلة هو انا ماسكك 

 فرح زيدان وقال بسعادة_ صحيح يا هيما اخيرا ياااه 

_ايوة بس استأذن من ابوها الأول 

هنا جت غفران وقالت _انت عرفت مكان بابا يا هيما 

هيما بهدوء _عرفت بعت رجالتي يدوروا عليه ف كل حتة والحمد لله لقوه عارفة فين في 

شقته القديمة اللي اتجوز فيها امي وبعدين اتجوز فيها امك عِندا ف ابوه وعلشان يستفزه زي ما اخدني منه بس بعدها والدتك ماتت وهي بتولدك فقرر انه يسيبك مع اخته وطبعا خاف عليكي من ابوه فقالها متقولش لحد وتوهم الكل انك بنتها 

غفران عيطت _يا حبيبي يا بابا عانا كتير اوي 

هيما_ روحي ليه يا غفران وفرحيه بموضوع جوازك انتي وزيدان 

غفران بفرحة _موافقة 

في الوقت دا جت سما وهدى 

فبصلهم بانزعاج 

_جاين ليه 

_جايين نهني اخونا بورشته الجديدة

_اخوكم مبقاش موجود بلسانكم انتم 

هدى وسما حضنوه وعيطوا 

_سامحنا يا هيما كنا خايفين عليك كنت خايفين لاحسن تفضل ظافر اللي معندوش قلب كنا منتظرين ترجعلنا هيما اللي احنا شايفينه قدامنا دلوقتي

حضنهم هيما جامد _يا حبايب قلبي ربنا يخليكم ليا سامحوني ع اللي عملته فيكم 

في الوقت دا جت تالين 

_هيمااااا 

هيما حط ايده وده_ يخربيت كدا ايه يا زفتة انتي التانية حد قالك اني اطرش 

 قالت بمرح _ هيما انا عايزة اشتغل معاك هنا 

_نعمل ياختي تشتغلي معايا هنا ايه صبي ميكانيكي 

كشرت_ لا طبعا هكون مديرة اعمالك 

_يا حلاوة يا ولاد اجري يا بت حلي عني وشوفيلك حاجة اعمليها يلا 

_ما انا بشوف اهو هيما انا بحب السيارات جدا وعندي فكرة كبيرة عن التسويق والادارة بحكم كليتي في ادارة الاعمال 

_طب حلو روحي اشتغلي ف الشركة 

_لا انا عايزة اشتغل معاك هنا مش معاهم 

_اه فهمت 

_لا ابدا مش علشان زيدان خلاص زيدان انا فعلا بحاول انساه ربنا يسعده هو وغفران مكنتش اعرف اني هشوفه سعيد كدا لما عرف هيرتبط بيها اخيرا 

_ربنا يرزقك بابن الحلال اللي يسعدك انتي كمان 

_ان شاء الله يلا شغلني بقا

_بردو مصممة 

_اينعم ومش هسيبك يا هيما الا لما تشغلني 

_ماشي يا ستي بس يكون في علمك انا مش بشغل عندي الا محجبات والحجاب مش يكون اي كلام ها 

_مم يعني ايه 

_يعني مش ان الاوان يا تالين ولا ايه 

_اوعدك يا هيما اني اول ما الاقي نفسي قادرة اني اخد الخطوة دي علشان ربنا مش علشان حد اجبرني ع دا هعملها من غير تردد 

ابتسم ليها 

_وانا منتظر اليوم دا بفارغ الصبر 

هنا جاله ريان_ وانا يا هيما 

هيما بزهق  لانه لسه مسامحهوش 

_ايه كلكم موركوش غيري النهاردة عايز ايه لو حاجة بخصوص الشغل عندك زيدان جايلي ليه 

_لسه ما أنش الأوان انك تسامحني يا هيما سامحت الكل الا انا 

_ضربة الصاحب بتوجع اكتر يا ريان ومع مرور الوقت عمرها ما بتروح اثرها بيفضل موجود طول العمر 

_بس انا مضربتكش يا هيما انت كنت عايز مصلحتك يمكن كنت غشيم ف اللي عملته بس والله ما كان قصدي خيانتك ابدا كل قصدي اني امنع عنك الشر 

_ممكن اسامحك لكن نرجع زي الأول لا مش هقدر 

_وانا مش هقبل الا برجوعنا زي الاول واحسن كمان 

_صعب يا ريان صعب 

لقا البنات اخواته بتبصله وكمان غفران وتالين وقالوا 

_خلاص بقا يا هيما قلبك ابيض ونفتح صفحة جديدة للكل 

قرب منه ريان وحضنه وقال _خلاص بقا ميبقاش قلبك اسود كدا 

_هسماحك علشان خاطرهم بس 

_يا سيدي موافق المهم تبطل التكشيرة اللي كل ما تقابلني تحدفني بيها دي... مبسوط برجوعنا يا صاحبي كان يعز عليا خسارتك اوي 

_اي غلطة من دي مش هقبل بيها تاني 

_لا سماح اخر نوبة والله على ما أقوله شهيد 

ضحك هيما وقال_ ماشي يا ريان 

ريان_ حيث كدا بقا اطلب طلبي بقلب جامد 

_اه قول انك داخل ع طمع عايز ايه يلا عربية جديدة ؟؟ 

_لا طبعا عايزة اغلى وانقى بنت ف الدنيا 

قالها وبص ع هدى اللي اتحرجت اوي وبصت للأرض 

مسكه هيما من هدومه _ولا انت بتحلم 

فضل ريان يكح_ ليه بس يا هيما ما انت عارف اني بحب اختك هدى من زمان 

ضربه بالبونبة _كررها تاني يا ريان وانا هطيرك 

ريان_ اااه ايه مالك قلبت ليه ما لسه زيدان قايلها عادي اشمعنا انا 

زيدان _ولا ملكش دعوة بزيدان دي غفران دي حب الطفولة ياض 

هيما_ والله عال افضلوا اتكلموا كدا قدام البنات من غير خشا طب ايه رأيكم مفيش جواز لا ليك ولا ليه 

الاتنين بصدمة 

_نعم دا احنا كنا.. 

هيما _بااس صدعتوني يخربيت شيطانكم وانا اصلا مش فاضي ... غور يالا انت وهو وفوتوا علينا بكرة 

ريان 

_هيما انا بتكلم جد بالله عليك وافق والله هحطها جوة عنيا واقفل عليها 

هيما ضربه ف كتفه_ طب خف يا نحنوح البت واقفة 

_طب قول انك موافق 

_موافق وامري لله علشان اخلص من الزن بتاعكم دا 

ريان فضل يتنطط _يحيى العدل الحمد لله 

الكل ضحك عليه 

فزيدان _قال الله يكسفك ضحكت علينا البنات 

هنا اتكلمت سما_ هيما انت سامحت الكل فاضل هيا وبس مش الدور عليها بقا 

هيما بعصبية_ سما من فضلك بلاش تجيبي سيرتها 

جت سلسبيل وهي بتعيط ب_ردو مش عايز تسامحني يا هيما 

_انا سامحت الكل فمجتش عليكي 

ابتسمت وسط دموعها 

_صحيح يا هيما 

رد بجمود_ لكني هطلقك علشان تشوفي حالك احنا مننفعش لبعض خلاص يا سلسبيل 

قالت بحزن _كنت عارفة انك لما تعرف بحقيقتي هتقول كدا ومش هلومك يا هيما 

_مش للسبب دا ...اللي يخون ملوش امان اللي يخون مرة يخون الف ومتقوليش الظروف اسف انتي سقطي من نظري ومقدرش اغير النظرة دي لو عملتي ايه 

عيطت سلسبيل جامد لأنها بكدا بتخسر هيما للأبد

هنا جت جدته وضربته ع دماغه بالعصاية 

_ما خلاص بقا يا ولا عفا الله عما سلف 

_ااه يا جدتي 

هدى وسما جريوا عليها وهما مش مصدقين عنيهم 

_جدتي انتي عايشة معقول احنا ف حلم ولا حقيقة 

الجدة _حقيقة يا بت انتي وهيا لسه مآنش اواني لسه عايزين تخلصوا مني ولا ايه 

سما_ بعيد الشر عنك يا جدتي 

هدى_ حبيبتى يا جدتي الحمد لله انك بخير

سما _بس ازاي انا مش فاهمة ليه هيما قلت ان تيتا ماتت 

هيما_ دا علشان احميها من خطر مهران وكمان لأنها للاسف كانت ف غيبوبة والله اعلم كانت هتفوق منها ولا لا 

علشان كدا مردتش اعشمكم بحاجة وسبتكم مفكرينها ماتت فعلا لحد من اسبوع الدكتور زف ليا البشرى انها فاقت الحمد لله اخيرا 

فرجعتها مصر تاني وحطيتها تكمل علاجها هنا ف احسن المستشفيات وع فكرة غفران كانت عارفة دا وخبت الطفل ابن امل عندها 

والحمد لله رب العالمين انه ردلنا روحها من تاني الحمد لله 

البنات خضنوا الجدة جامد والجدة حضنتهم بحنان 

ساعتها سلسبيل لفت وشها علشان تمشي ما خلاص مبقاش ليها وجود وسطيهم 

لكنها سمعت الجدة بتفتح لها دراعتها وبتقول_ وانتي يا بت يا سولي مش هتيجي تسلمي على جدتك وترحبي برجوعها 

_نفسي والله يا جدتي بس بس هيما خلاص مش متبقبلني وسطيكم 

الجدة _سيبك من الواد دا عقله ضارب وانا هظبطه متقلقيش تعالي ف حضن جدتك يا بت دا انتي واحشاني 

جريت عليها سلسبيل وعيطت _انا محتاجاكي اوي يا جدتي انتي للاسف لو عرفتي اللي عملته هتكرهيني 

_عرفته يا بت هيما حكالي كل حاجة 

_يعني من زعلانة مني 

_كنت زعلانة بس انا شايفة قدامي واحدة نادمة وحست فعلا بغلطتها وباين جدا عليها انها صادقة في توبتها وربنا غفور رحيم فإزاي انا البشر مش هسامح 

سلسبيل فرحت وحضنتها 

_ياااه يا جدتي انتي فرحتي قلبي بكلامك دا ساعديني ارجع هيما يحبني من تاني 

هيما اتحرك من مكانه لانه مش عجبه الكلام 

فقالت الجدة علشان تعانده

_ سيبك من الواد دا طول عمره فقري هجوزك انا سيد سيده يا بت

هيما لف وقال لجدته_ نعم؟؟ 

سلسبيل بصت لهيما بحب 

_وانا مش هلاقي غيره سيدي وتاج راسي يا جدتي لو لفيت العالم كله 

الجدة_ سامع يا ابو قلب حجر 

هيما ارتبك _ااا ككل كل اللي بتقوله دا مش هيغير رأيي 

سلسبيل_ وانا مستعدة اصبر العمر كله علشان تبصلي بعين الرضا من تاني يا هيما 

بلع هيما ريقه ومشي وسابهم 

غمزت لها الجدة_ بت اسمعي مني لو استمرينا ع المنوال دا هيلين دا يا بيحبك يا بت وبيموت فيكي وع قدر المحبة زعلان منك خليكي وراه ومتستسلميش لحد ما يرفع رايات الاستسلام 

سلسبيل_ ودا اللي هعمله يا جدتي مهما بعدني عنه هفضل وراه لحد ما يرضى عني 

_جدعة يا بت بس تعالي هنا انا كنت ناوية اما اشوفك اعاقبك ع اللي عملتيه 

وجريت وراها الجدة بالعصاية 

_خدي هنا يا بت 

هنا ضحكت سلسبيل من قلبها وعرفت ان الفرحة اللي بجد مش بالفلوس لا بالنفوس الطيبة اللي حوالينا

ودا اللي أدركه كل شباب العيلة 

تمت