قراءة رواية امتلكتني بضعفها كاملة

تنشر حصريًا على مدونة رواية وحكاية قبل أي منصة أخرى

رواية امتلكتني بضعفها

 رواية جديدة قيد النشر

من قصص و روايات 

الكاتبة ميادة مأمون

 الفصل التاسع عشر

ديجو بهدوء. 

-ما تظبط ياض كده و تبطل ولوله و عويل و تتكلم علطول

استند عاصم عليه و قرر الوقوف من جانبه وهو يتنهد بوهن

-مالقتوش يا ديجو لفيت عليه عند كل اصحابه و ماعرفتش ليه طريق

جذبه ديجو من يده و اجلسه مره اخري بجواره و هتف

طب اقعد و استهدي بالله كده يا عاصم و تعالي نفكر براحه انا و انت و انشاء الله هانلاقي خيط يوصلنا ليه

جلس عاصم مره اخري و رفع رأسه للأعلي  ليري حبيبته تستند علي طرف نافذتها والدموع تلمع علي وجنتيها و بجانبها تجلس معذبة الاخر تنظر اليه بحب

فالتفت له مستفهما

-مالها زينب يا ديجو اوعي تكون مديت ايدك عليها و ربنا لو كان حصل و نكدت عليها تاني لاكون.......

ديجو مقاطعا له بسخرية. 

-الهي ينكد عليك و عليها زي مانتو الاتنين منكدين عليا عيشتي

مش انت ياض اللي صددها من ناحيتك و مورتهاش وشك بألك كام يوم

قابل بقي يا معلم اهي ركبتلك الوش الخشب

عاصم بتفهم حزين. 

-يعني انت شايفني رايق اوي عشان اطلع اقعد جانبها

-خلاص بقى فكك من زينب دلوقتي دي امرها سهل بكلمة هاتعرف ترضيها

-عارف لما اروح ابقى اكلمها او ابعت ليها رساله و هي هتسامحني عن بعدي عنها اليومين دول

ديجو بتفكير و هو يهب بالوقوف. 

-رساله لقيتها ياض يا عاصم قولي هو علي سايب اللاب توب بتاعه في البيت و لا معاه

عاصم ضامماً حاجبيه بتذكر. 

-لاء في البيت انا لسه كنت شايفه علي مكتبه الصبح

ديجو بفرحه. 

-بس يا معلم هو ده اللي هايجبلنا الواد يلا بينا علي بيتكو

ثم رفع رأسه للأعلي ليراهم ثانية و صاح بصوت جاهور. 

-يلا يا بت انتي و هي ادخلو نامو انا هبات النهارده عند عاصم. 

❈-❈-❈

فتح عاصم الباب و دلفو سوياً للداخل رأها تجلس دامعة العينين منتظرة ماجيئه بأخيه إليها

و عندما رأته تلافتت خلفه وهبت واقفه لترى القادم من خلفه بفرحه سريعاً ما تبدلت الي حزن وهي تراه انه ابن اختها ليس الا

توحيدة : انت جيت يا عاصم الله هو صالح جاي معاك ليه هو انت مالقتش اخوك يعني كده اخوك راح مني خلاص

عاصم و هو يحاول ان يهدئها. 

-ماتقلقيش هلاقيه و ارجعه ليكي تاني اهدي بس انتي و ماتخفيش كده يا اما

توحيد ببكاء. 

-مخافش ازاي بس دا بقاله تلات تيام بره البيت تلاقي الحكومه قبضت عليه و لا خدله رصاصه ومات لوحده يا قلب امه زي اللي بنسمع عنهم اليومين دول. 

ركع ديجو على إحدى ركبتيه امامها و امسك يدها بين يده بكل حب محاولاً إخراجها مما هي فيه. 

حكومة ايه بس هو في حكومه دلوقتي، البلد كلها بقت الشعب يا توحة، متخافيش يا ستي هو ماتقبضش عليه و لا حاجه وكمان لو كان بعد الشر يعني حصله حاجه كان زمان الخبر وصلنا. 

توحيدة بألم يعتصر قلبها : يبقى اتصاب يا ديجو وخفوه علي راح خلاص يا عاصم

عاصم بأنفعال وصوت عالي. 

-فال الله ولا فالك ياشيخة

ياستي قولنا ليكي كويس و مع اصحابه و بمزاجه كمان ماتفوليش علي الواد بقي يا ام عاصم

توحيدة بنفاذ صبر. 

-طب و لما هو كويس و انت عارف هو فين ماجبتهوش معاك ليه يا عاصم

توقف ديجو امامه مقاطعاً قبل ان يجيب علي سؤالها

و هتف بهدوء. 

-هو عرف ان احنا بندور عليه فاتهرب مننا

ابنك قاعد مع أصحابه بمزاجه يا خالتي ومش عايز يرجع دلوقتي

قومي انتي ارتاحي و احنا اول ما نوصل ليه هانروح و نجيبه لغاية عندك انشالله حتي اكتفه غصب عنه هارجعه ليكي برضو

-طيب يا روح خالتك انا عارفة انك قد كلمتك

و مابترجعش فيها عشان كده انا هاصدقك و هستناكو لما ترجعولي اخوكم الصغير يا صالح

تحركت من امامهم و مازلت عينها تزرف الدمع بقلب ام ثكله متألمه بخوف على ضني روحها

ليصيح عاصم. 

-شوفت ابن ال....... عامل في امه ايه

ديجو محاولاً تهدئته. 

-خلاص بقي ياض اهدي انت كمان و هات اللابتوب يلا عشان نفتحه عالله مايكنش عامله بسورد

عاصم و هو يضعه امامه يحاول فتح شفرته. 

-طبعاً هو انت عندك شك في حاجه زي كده

ديجو بضجر منه ومن أخيه. 

-يا أخي ربنا يخدك انت و هو و يرحني منكم و ده هنعرفه ازاي بقى ان شاء الله

جلس عاصم بجانبه و قرر ان يسجل عدة ارقام دون فائدة فهتف. 

-و بعدين ادي الخيط اللي كنت بتقول عليه اتقطع ياسي ديجو و اللابتوب مش عايز يتفتح

فكر بقي في حل تاني ثم قذف الجهاز من علي قدمه علي الاريكة و وقف منفعلاً

سحب هو الجهاز و قرر ان يحاول مره اخري و كتب حروف اسم حبيبته فانفتحت شاشة الجهاز امامه فصرخ بغضب و هاج ديجو بوحشية. 

-اه يا بن ال........... يا............ 

عاصم مندهشاً مما تلفظ به ومن إنفعاله المبالغ فيه. 

-مالك ياض ايه ده انت فتحته

ديجو و قد ارسل من عينه علامات لا تنذر الا بكل شر و حقد على هذا الفتى اللعين الذي دائماً ما يثير جنونه. 

-اه يا اخويا فتحته انت عارف انا هادور عليه مخصوص عشان اقتله بأيديا دول يا عاصم 

عاصم غير متفهم من تقلبه هذا. 

-ماشي بس نلاقيه الاول هو انت متضايق كده ليه

ديجو بعنف و قد لف له شاشة الجهاز ليريه اسم حبيبته. 

-بسلامته عامل البسورد باسم ريناد و ديني لاكله علقة اما اشوفه 

عاصم بضحك. 

-مش وقته دلوقتي شوف انت كنت عايز تعمل بالابتوب ده ايه و خلينا نخلص 

ديجو أمراً له. 

-افتح الفيس بتاع البيه كده، شوفه بيكلم حد و لا بيشير حاجة من علي موبايله

بدئ عاصم يبحث في كل شئ دون فائدة. 

-لاء مافيش حاجة زي دي

ديجو: طب وريني الزفت ده كده بقي

اخذه منه مره ثانية و فتح الرسائل وجد اسم حبيبته في اول القائمه

نعم كان يبعث اليها بكم هائل من الرسائل و فرح جداً عندما لم يجد منها اي اجابه علي رسائلة

فانظر الي صديقه و هتف وهو يتجه للخارج مره ثانية

انا عرفت هارجعوا ازي

عاصم ضامماً حاجبيه. 

-الله رايح فين دلوقتي انت مش قولت هتبات هنا

ديجو و هو يترجل سريعاً على الدرج. 

-تعالي ياض اللي هيرجع اخوك عندنا في البيت

عاصم بنفاذ صبر منه. 

-والله شكلك بتفتي ولا هاتعمل حاجة اصلاً

❈-❈-❈

فتح باب الغرفه عليهم بهدوء وجدهم غرقتان في نومهم فقرر ان ينفصل عن ذلك الملتصق به لينظر الي تلك الشقيه التي تمتلك قلبه و صرخ فيه

ديجو : يا اخي ما تبعد كده و تحترم نفسك بتبص علي ايه

عاصم :الله ببص علي مراتي يا جدع انت وحشتني و عايز املي عيني منها

ديجو بغيرة مما تلفظ به. 

-انت البعيد حمار الكلام ده لما تبقى في بيتك يا حبيبي وبعدين هو انت مش شايف مراتي نايمة جانبها

عاصم بوجوم. 

-نعم مراتك منين انشاء الله انت بتحلم و انت صاحي يا حبيبي

ديجو بحب متمنياً ما قاله. 

-فيما بعد يعني يا أخي مش من حقي احلم

ياه ياض يا عاصم لو الحلم ده يتحقق

ايقظه صديقه عاصم بنغزه في كتفه. 

-طب فوق بقي الله يكرمك و فهمني احنا جايين هنا ليه

ديجو بملل منه. 

-طب امشي اقعد هناك عقبال ما اجيلك يا بير النكد

امسك عاصم يده قبل ان يدلف إليهم مترجياً

-طب ماتصحيلي زينب يا ديجو اصالحها و اقعد معاها عقبال انت ما تيجي

ديجو بسخريه منه. 

-يا حنين طيب يا اخويا اتفضل حضرتك اقعد هناك و انا هاصحيها 

ذهب من امامه و جلس ينتظرها و دلف هو اليهم ثم همس بهدوء الي اخته

-زينب يا زوزه انتي يا بت

وضعت الاخري الوسادة الصغيرة فوق وجنتها و هي تصيح

زينب بدعاء عليه. 

-الله يخرب بيتك عايز ايه انت مش قولت انك هتبات عند خالتك رجعت ليه بس

اندهش هو من صراخها و اعتدل في وقفته و قرر ان يتلاعب بأعصابها

ديجو بصوت ساخر لكنه هادئ.

- نامي يا اختي ال و انا اللي كنت جاي أفرحك 

رفعت وسادتها من علي وجهها تنظر له بريبة

-تفرحني هو انت يجي من وراك فرح ابداً يا ديجو. 

جحظت عينه مما تفوهت به و اذا به يجذب تلك الوساده من بين يديها و يضرب وجهها بها عدة مرات

ديجو أمراً لها. 

-طب قومي يا واطيه جوزك قاعد مستنيكي بره

قفذت من علي فراشها و زجته و هي تجري للخارج دون ان تلتفت اليه

لينظر الاخر لطيفها و هو مبتسم ثم عاود النظر الي تلك التي ما كان يدري انه سوف يقع في دوامتها 

يعشقها و يريدها و يغير عليها نعم يغير عليها و سوف يقتلع كل عين تنظر اليها برغبة

استيقظت و أعتدلت جالسه تفرك عينيها مثل الاطفال 

بالفعل يرها ملاك ناعسه تجلس بوجهها الطفولي تأن بنوم و تهمس له بصوتها المحبب الي قلبه

ريناد بنوم. 

-ببابي اانت ججيت تاني ليه 

ديجو بعد ان افاق علي تلك التهته التي تفصله عن حبها. 

-تصدقي بالله يا ريتك ما صحيتي و لا  اتكلمتي 

نفسي مره اسمع منك جمله مفيدة من غير ما تقطعي كده

احنت رأسها بحزن و لم تتحدث و انسدلت شعرايتها علي ركبتيها حين ضمتهم الي صدرها 

استشعر الغلظه فيما تفوه به فاجلس علي الفراش بجانبها 

و لكنه مازل غضباً و امسك هاتفها من جانبها و صرخ فيها. 

-افتحي الزفت ده

لم تجيبه لم ترفع رأسها و لم تعطيه اي جواب

ديجو و هو يزيح شعرها و يحاول ان يرفع رأسها

ريناد بوصيلي و كلميني زي ما بكلمك امسكي الت...... 

تقابلت عيناها الدامعه بشده مع عينيه ليغضب من نفسه و مما سببه لها من ألم

ضمها الي صدره بشده و اغلق عليها بيده و هو يحاول تهدئتها

ديجو بفزع عليها. 

-بس بس حقك عليا يا روحي انا مش قصدي ازعلك انا بس متضايق شويه

ريناد بشهقات متقطعة. 

-دي حااجة غصب عني

ديجو بأسف. 

-شششششش خلاص يا حبيبي بلاش تعيطي عشان خاطري

-ببس انت بتززعل منني لما بتكلمم كده

ديجو محاولاً التحدث معها برفق. 

-طب متحاولي تفرحيني يا قلبي طب احنا ممكن نشوف دكتور علي فكره و نروحله

-اانت ناسي ان بابي دككتور و روحنا كتير بس دي حاجه نفسية 

ديجو بحب. 

-امممممم ادام نفسية بقي يبقي انا اللي هعالجك قولي ورايا كده بسرعه

بحبك يا ديجو

ابتسمت بخجل و لم تجيبة

ليحاول هو مشاكستها

-قولي يا بت ماتكسفيش دانا بابي حبيبك

ريناد بحب صريح. 

-بحبك يا صالح بحبك 

تاه بعشقه في بحر عينيها حين انغمرت فيروزته فيهما

ديجو بعشق. 

-و انا بعشقك يا قلب صالح يا روح صالح

انتي ملكي انا بس و اللي يحاول بس يبصلك يبقي فتح قبره بأيده

ها هو يتذكر مرة ثانية تلك الرسائل ليمسك هاتفها و هو يبعدها عن صدره

امسك بنصرها بيده ليحثها علي كتابة رمز المرور عندما انفتحت الشاشة هب واقفاً قاصداً باب الخروج

اندهشت هي مما يفعله و هتفت

ريناد بتساؤل. 

-اانت رايح فين

أشار ديجو إليها وهو مستمر في البحث عبر هذا الهاتف. 

-تعالي و انتي تعرفي 

❈-❈-❈

ترجلت سريعاً خارج الغرفة تبحث بعيناها عنه الي ان رأت الضوء يخرج من غرفة الصالون

فجرت عليها متلهفة لرؤياه و حين رأته وقفت علي باب الغرفة تتجنب النظر اليه بحزن

عاصم بشوق. 

-مالك يا بت واقفه متخشبة كدة ليه مانتي كنتي جايه بتجري زي العيال دلوقتي

زينب متصنعة الزعل علي وجهها. 

-هو حد كان قالك اني عجزت انا لسه عيلة علي فكرة

عاصم و هو يعبث في غمازتها بأصبعه 

-وحشتيني علي فكرة

زينب بسخرية و هي تزيح يده من علي وجنتها. 

-لا ياشيخ و النبي كتر خيرك 

طب طلاما عبرتني كده تبقي لقيت علي ابقي قوله لما تروح زينب بتقولك حمدالله على السلامه بقى

و همت لتذهب من امامه 

لتوقفها كلامته عندما تركها و رجع الي مقعده بحزن

-لاء يا زينب انا لسه مالقتش علي وحقك عليا يا ستي اني خليت ديجو يصحيكي بس ده فعلاً لأنك وحشاني 

زينب و هي تقترب عليه و تجلس علي يد مقعده و تحني رأسها منكسره و خجلة من طريقتها معه

-يا رتني كنت علي عشان تحبني الحب ده كله

عاصم و هو ينظر لها بعشق. 

-بس انتي حبك حاجه تانية 

لو انتي كنتي علي كنت هاجيب انا زينب تانية منين عشان تسكن جوه قلبي

زينب بلوم له. 

-بس انت زعلتني منك 

عاصم بنفاذ صبر. 

-و انتي مش بتقدري اللي انا فيه 

زينب بحزن. 

-كدة برضو يعني انا لما اطلب منك انك تهتم بيا شويه ابقي مش بقدرك

عاصم بهجوم. 

-المفروض العكس يا حبيبتي انتي اللي لازم تهتمي بيا و تسألي عليا وتقفي جانبي وانا بدور علي اخويا

-علي فكرة بقي الاهتمام بيبقي من الراجل

و كأنه يحاول تهدئة نفسه وقف من جانبها ضاغطاً بكفية علي رأسة

-و هو الراجل ده ايه مش بشر محتاج حد يفكر فيه

و يهتم بيه زي ما هو بيهتم بكل الناس

ولج عليهم الاخر و هو ممسك بيده حبيبته و قرر ان يتدخل

حتي لا تتأزم بينهم الامور اكثر

ديجو : ما تهدي شوية ياض انت صوتك هايصحي البشر اللي في البيت

عاصم بملل. 

-طب يا سيدي اديني هديت خلص بقي في يومك و قول ناوي علي ايه

جلس علي الاريكة بكل راحة و اجلسها بجواره و نظر اليه مبتسماَ

ناوي علي كل خير ياض، ريناد افتحي يا قلبي الرسايل اللي كان علي بيبعتها لك.