قراءة رواية جديدة قلب عاشق

تنشر حصريًا على مدونة رواية وحكاية 

قبل أي منصة أخرى

رواية قلب عاشق

 رواية جديدة قيد النشر

من قصص و روايات 

الكاتبة سحر خالد

الفصل الثالث

همس كانت قاعده جنب هدير.. وبين ايديها الورقه اللي مكتوب فيها عنوان، وارقام عمها بره مصر، املها الوحيد لو عرفت توصل ليه بتتمنى انه يساعدها ويخلصها ويقف قدام اخوها ويطلقها من عمر ...

مسكت هدير ايد همس وهي بتقول.. ماتخافيش ان شاء الله هنوصل و هيساعدنا يلا رني عليه..

مسكت همس التليفون ورنت كذا مره بس مافيش رد..!! 

بصت لهدير بخوف اللي طمنتها وقالت..

بصي ممكن يكون مش معاه التليفون دلوقتي نبعث له رساله واما يشوفها اكيد هيكلمنا.. 

هزت همس راسها على كلام صديقتها و كتبت رساله لعمها، وبصت لهدير وهي تقول بخوف...

خايفه خايفه لا عمر يوصل قبل ما اوصل لعمي وارجع لجحيمه تاني.. 

ردت عليها هدير...

ماتخافيش ان شاء الله هنوصل قبل كده...

بعد كده سكتت شويه وبصت لهمس وقالت...

بصي انا عملت حاجه كده بس كنت عايزه اخذ رايك فيها.. 

همس باستغراب... 

حاجه ايه..!!؟ 

هدير....

انا معايا يعني قدرت اوصل لرقم بيجاد بره مصر اكيد لو كلمتيه هيساعدنا.. 

سكتت همس شويه بتحاول تستوعب اللي هدير بتقوله وبعد كده وقفت بصدمه وهي بتقول...

انت اكيد مجنونه عايزاني اكلم بيجاد..!؟ بيجاد..!؟ 

انتي اكتر واحده عارفه بالعلاقه اللي كانت بينا ايام الجامعه يعني واحد سابني وماسالش فيا حتى ماقالش ان هو مسافر عايزاني اتصل بيه واقول له ساعدني وتعالى خلصني من جوزي مين قالك اني هيوافق اصلا مستحيل...!! 

هزت هدير راسها على كلام صاحبتها وهي بتقول....

انا عارفه كل ده وعارفه ان انتي مجروحه منه، بس هو كان بيحبك... 

همس باستنكار...

بيحبني..!!؟ اللي بيحب مابيجرحش اللي يحب مابيسيبش، حبيبته خمس سنين من غير سؤال.. حتى اللي بيحب بيضحي وهو ماضحاش بحاجه غير بيا.. عرفت ايه الفرق بين اللي بيحب وبين واحد بيتسلى زي بيجاد...!! 

هدير بزعل عشان صاحبتها...

انا مش عارفه اقول ايه بس كنت عايزه اساعدك..!!؟ 

همس قربت منها وحضنتها وهي بتقول... 

مش عايزاك تقولي اي حاجه غير انك معايا ومش هتسيبيني انتي الوحيده اللي باقيه لو بعدتي عني صدقيني مش هقدر اكمل حتى امي اضعف من انها تقف قدام اخويا وتتكلم بتبصلي نظرات حزن بس ماتقدرش تقول لاخويا لا انتي الوحيده اللي معايا قولي انك مش هتسيبيني وبس....! 🫂

هزت هدير راسها وهي بتحضن همس اكثر وبتقول...

عمري ماهبعد عنك ولا اسيبك انتي مجنونه ده احنا اخوات مش هسيبك خالص وهساعدك واكيد هنوصل لعمك باي طريقه وتعيشي حياتك وتبنيها وتكوني دكتوره همس.... 

❈-❈-❈

في نفس الوقت وصل عمران بعد ساعات قسم الشرطه وهو معاه بعض الاوراق وصل عند باب الظابط وهو بيقول للعسكري...

قول للظابط جوه ان عمران الدمنهوري محامي الدكتور بيجاد الدمنهوري بره... 

هز العسكري راسه وفتح، الباب و دخل عمران بص عامر لجيهان باستغراب وبعد كده بص لـ بيجاد اللي هز راسه لي بعد كده اتكلم الظابط وهو بيقول... 

الاستاذ بيجاد متهم ان هو بيعمل عمليات غير الشرعيه في المستشفى بتاعته... 

عمران بكل ثقه....

ايه اثبات على كلامك لو مافيش اثبات مافيش قضيه... 

هز الظابط راسه بايجابيه وهو بيشاور على جيهان وبيقول...

المدام جيهان هي الشاهد على كل ده وهي قالت ان الدكتور بيجاد عمل العمليات دي فعلا وان هو بيعمل عمليات غير شرعيه في المستشفى...

بص عمران لـ جيهان بصدمه.. مش مصدق انها تعمل كده ده كله ليه مش فاهم..!!؟ 

وبعد كده بص لـ ظابط وهو بيقول... احنا ممكن نتكلم مع مدام جيهان شويه...

الظابط برفض تام.... 

مستحيل اخليك تقعد معاها عشان تهددها او تاثر على رايها..!!

قال كلامه بصوت عالي بص عمران بغضب وهو يقول.... 

اولا صوتك انت مش بتكلم اي حد وخلاص تاني حاجه اللي ما تعرفوش يا استاذ ان مدام جيهان تبقى مرات دكتور بيجاد...

مافيش واحده عاقله تيجي تقول عن جوزها بيعمل كده حتى لو هو فعلا بيعمل كده رغم ان الكلام ده مش صحيح حاليا في مشاكل بينهم وممكن يكون المشاكل ديتي هي السبب ان المدام جيهان تقول كده..... 

الظابط برفض....

ممكن اللي بتقوله يكون صحيح بس برده ما اقدرش اخليك تقعد معاها لوحديكم.. 

هز عمران راسه وبعد كده سمع رنين الهاتف بص للظابط وهو بيقول ... رد عليه..

امسك الظابط الهاتف ورد

سمع الكلام اللي على الجهه التانيه وبعد كده قفل وهو بيبص لعامر بيقوم.. 

هسيبكم شويه لوحديكم... 

قال كلامه كانت جيهان بتبص للظابط على امل انه مايسيبهاش لوحديها مع عامر وبيجاد اللي نظراتهم مابتبشرش باي خير ابدا... 

بس هو مشي وقفل الباب وراه..!! 

قام عمران من على الكرسي وهو بيقول... 

ممكن اعرف ايه السبب اللي يخليك تقولي كده وانتي عارفه ومتاكده ان الكلام ده مش صحيح ابدا..!!؟ 

جيهان بتوتر...

انا مش المفروض اقول حاجه انا شهدت خلاص وهمشي.... 

كانت هتقوم بس بيجاد مسكها من ايديها خلاها تقع تاني على الكرسي وهو بيقول وعنيه بتطلع شرار...

اقسم بالله لو ماتراجعتي عن الكلام اللي بتقوليه ده وقدام الظابط ماهيعدي عليك ساعه ولا دقيقه حتى بعد كده انتي اكيد اتجننتي فاكره انك بالكلام ده بتلوي دراعي لا فوقي يا ماما ده انا بيجاد الدمنهوري... 

جيهان برعب.... انا انا...

بيجاد بغضب غضب اعمى....

انتي تغيري كلامك فورا وبعد كده ماشفتش خلقتك ابدا هنا في البلد ولا في المستشفى ولا في اي مكان اكون فيه واحمدي ربك اني هكتفي بكده بس والا..!! 

جيهان برعب وتوتر....

انا انا عملت كده عشان بحبك مش عايزاك تسيبني عايزاك انت كمان تحبني ليه رغم السنين دي كلها ماحبتنيش.... 

ضحك بيجاد ضحكته المرعبه وهو بيبص ليها وقال....

هتتراجع عن الكلام ولا...

جيهان بلهفه....

هعمل لك كل اللي انت عايزه بس خليك معايا ماتسيبنيش...!؟

ابتسم بيجاد وهو بيقول.....

هتعملي اللي قلت عليه بس برده مش هفضل معاكي ولا لحظه واحده... 

قربت منه هي بتمسك ايده وبتقول.....

انا بحبك بجد ماتسيبنيش... 

بعدها بيجاد عنه وهو بيقول.....

انتي بجد انسانه معدومه الكرامه وغبيه لو مش غبيه ماكنتش عملت خطتك الهبله دي انا اصلا بكلامك او من غيره هطلع بس الفرق ان انا بفكر في سمعه المستشفى مش زيك رحتي بكل غباء تتكلمي عنا والمفروض ان انتي شريكه فيها اصلا..!! 

بصت جيهان في الارض وهي بتقول بتوتر وخوف...

انا مـ

بيجاد بغضب...

نادي يا عمران للظابط خلينا نخلص في ام اليوم ده... 

قال كده ورجع قاعد على الكرسي تاني وملامحه رجعت بارده تاني كانه ماكانش متعصب ولا الشرار بيطلع من عينيه من اللحظات...!! 

اما عند هدير اللي كانت قاعده بتقلب في الفون بعد ما دخلت همس جوه هي وابنها اتفاجئت برساله من الرقم اللي رنت عليه رقم عم همس  رنت عليها... بسرعه وردت هدير...

السلام عليكم انا هدير من مصر ابقى صاحبه همس بنت اخوك....

رد شخص وهو بيقول....

انا شريف ابقى ابن عم همس..

هدير.....

طيب الحمد لله ممكن حضرتك تخليني اكلم والدك... 

شريف بحزن.....

للاسف والدي توفى من شهر فات... 

حست هدير بالحزن على صاحبتها بس قالت بامل..... 

طيب ممكن حضرتك تساعدني،، همس فى مشكله وكان عندنا امل ان عمها يساعدها بس هو حاليا الله يرحمه ممكن تساعدها انت...!!؟ 

شريف رد بعد تفكير وهو بيقول.....

ممكن تحكي ايه اللي حصل حكت هديل كل حاجه...

هو اتكلم بعد كده وقال....

طيب انا حاليا ما اقدرش ارجع مصر لان عندي صفقه مهمه وده يعتبر اكبر صفقه لشركه والدي فممكن ارجع بس بعد شهر.... 

هدير باحباط.....

شهر بس شهر كتير قوي ممكن عمر يلاقي همس في الوقت ده او يؤذيها.... 

شريف بحزن....

للاسف مش هقدر ارجع لو بايدي كنت رجعت بس هحاول اخلص في اقرب وقت وارجع قولي لها تطمن وكمان هحاول ابعت اي حد من عندي يتابع الامور لحد ما ارجع ماتخافوش.... 

قفلت بس جواها حزن كبير على صاحبتها الامل خلاص اختفى وعمها مات هتقولها ازاي ان عمها مات وشريف ابن عمها مش هيقدر يرجع حاليا يعني في اي لحظه ممكن عمر يعرف مكانها ويرجعها تاني...!!

هتقولها ازاي الكلام ده مافكرتش لحظات خلاص ليه بتفكر ليه هتسيب صاحبتها ترجع لـ عمر تاني او ياذيها خلاص هي لازما تعمل اللي في دماغها حتى لو هتزعل همس شويه بس هو ده في مصلحتها فعلا....

وقررت انها تتصل با بيجاد هو ده الحل وهو ده اللي هينقذها....!!؟ 

بعد مده كان قاعده الظابط قدام، بيجاد و عمران

وهو بيبص لجيهان وبيقول بتاكيد....

يعني حضرتك متاكده ان انتي ما كانش قصدك الكلام ده انتي هتغيري اقوالك كده انتي اللي بلغتي وقلت انك عندك اثباتات على كلامك كده هنضطر نعملك محضر ازعاج للسلطات....!!؟ 

جيهان.....

انا انا...

عمران للظابط.....

مافيش داعي تعمل اي محضر المدام اصلا مسافره ومش راجعه هنا تاني يعني ولا هتضايقك ولا هتضايق حد تاني....

قال كلامه بابتسامه... 

بص الظابط وقال...

خلاص هقفل المحضر... 

قامت جيهان مضت عليه هي وبيجاد وخرجوا من عند الظابط جيهان وقفت وهي بتقول....

انا عملت كل ده عشانـ 

اقطعها بيجاد وهو مش مستعد يسمع اي حاجه تاني كفايه اللي حصل وهو بيقول.... 

مش عايزه اسمع حاجه منك كفايه اللي حصل اعملي اللي قلتلك عليه عشان غضبي وحش انا حذرتك مره واتنين و المره الجايه مافيش تحذير ابدا انتي فاهمه..!!؟ 

قال كلامه..

وخرج من القسم ومعه، عامر ركب معه السياره لسه عامر هيتكلم وهو بيقول....

هي جيهان....

قطعه رنين هاتف بيجاد ليشير له بالصمت وفتح الهاتف باستغراب فهذا الرقم من مصر رد بيجاد باستغراب....

الو مين معايا..!؟

هدير..... معايا بيجاد الدمنهوري... 

بيجاد..... ايوه انا بيجاد ومين معايا....

هدير..... 

انا هدير....... 

انا كنت معاك في الجامعه يمكن مش فاكرني بس انا فاكراك كويس...

هز بيجاد راسه مع انه مش فاكرها اصلا بس قال... 

تمام في حاجه ..!؟ 

هدير.....

بصراحه انا كنت عايزه اتكلم معاك في موضوع مهم 

..

بيجاد باستغراب....

موضوع عن ايه بالظبط انا مش فاهم....!!؟؟

هدير.....

بص انت فاكر همس في الاول ولا لا....!؟؟ 

توسعت عيوني بيجاد، وهو بيتمنى انها تكون هي فعلا همس حبيبته اللي بتتكلم عنها هدير دلوقتي وقال بامل.....

همس همس مين..!؟ 

هدير بحزن....

يعني انت بجد مش فاكر همس..!؟ اللي كانت معاك في الجامعه كان بـينـ...

قطعها بسرعه وهو بيقول بلهفه... 

هي فين انتي عارفه مكانها صح..!؟

قولي مكانها انا بدور عليها من فتره ارجوك لو عارفه مكانها قولي وانا هعمل لك كل اللي انتي عايزاه..

ابتسمت هدير ابتسامه كبيره، و قـد عرفت ان بيجاد اكيد هيساعدها، بعد اللهفه اللي سمعتها في صوته على همس، مستحيل يرفض انه يساعدها، وتشجعت وقالت.... 

بص انا عارفه همس من زمان ودلوقتي همس واقعه في مشكله ومالهاش حد عشان يساعدها...

انت الامل الوحيد قدامي انك تساعدها رغم انها رفضت اني اكلمك بس مافيش امل قدامي غيرك دلوقتي ارجوك ..... 

همس بيحاد بلهفه وقلبه بدا يدق برعب قال....

قولي هي فين وانا هساعدها، هي فيها حاجه حصلت لها....

طمنيني ارجوكي فين مكانها... 

هدير..... 

هي بخير بس للاسف من حوالي خمس سنين لما انت بعدت عنها بعد ماخلصت دراستها على طول اخوها اجبرها انها تتجوز واحد...

دقه قلب بيجاد، مره تانيه بس المره دي بياس.. هو خسرها خلاص دي اخر مره بص قدامه ببرود وهو بيقول....

اتجوزت بجد..!!؟ 

هدير...

ايوه بجد هي اتجوزت من خمس سنين بس ماكانش بمزاجها اخوها اجبرها.... 

قطعها بيجاد مره تانيه وهو يقول..... 

وهي لحد دلوقتي على ذمه جوزها ... 

ردت مره تانيه، هدير وهي تقول.....

ايوه بس...

قطعها بيجاد للمره الاخيره وهو يقول بصوت خالي من اي مشاعر.... 

انا ما اعرفش حد اسمه همس من فضلك ماترنيش عليا تاني...

قال كلامه واغلق الهاتف و قلبه انكسر، لما بقت على اسم غيره....

انكسر قلبه، لما كان شاكك انها بتخونه وبعد عنها...

واتكسر اما عرف الحقيقه، وبدا يدور عليها واتكسر وخلاص انتهى دلوقتي اما عارف انها من خمس سنين ولحد النهارده على ذمه واحد تاني و كملت حياتها... 

اجبرها اخوها او لا بس كان بايديها انها تبعد عنه بس هي عاشت معاها خمس سنين...؟؟!! 

ياترى ايه اللي هيحصل..؟؟

كان امل هدير في انقاذ صاحبتها بيجاد بس هو كمان رفض ايه اللي هيحصل .؟؟ 

عمر هيوصل لهمس ولا لا بيجاد هيقدر ينسى همس ولا لا..!؟؟