رواية جديدة قلب عاشق لسحر خالد - الفصل 4
قراءة رواية جديدة قلب عاشق
تنشر حصريًا على مدونة رواية وحكاية
قبل أي منصة أخرى
رواية قلب عاشق
رواية جديدة قيد النشر
من قصص و روايات
الكاتبة سحر خالد
الفصل الرابع
قفل بيجاد التليفون بغضب، بص، له عمران وهو بيقول
لقيتها.!!؟
بيجاد بغضب بيبص على الجهه التانيه، حاسس بنار مش قادر يهديها، وصدمه مش قادر يتخطاها كان عارف انهم خمس سنين كثير وانها مش هتستناه بس برده الصدمه كانت شديده وخصوصا ان قلبه لسه بيدق ليها.....
ماتجيبليش سيرتها...!!
قال كلامه ومشي بالعربيه، والحيره بتنهش في قلبه يروح يساعدها ويحررها... و ياترى هيقدر يكون معاها بعد ما كانت لحد غيره ولا يسيبها..!!؟
❈-❈-❈
هدير كانت قاعده بـتبص للتليفون، بصدمه هو رفض مش قادره تصدق، صحيح فعلا كانت همس عندها حق كانت مجرد تسليه في حياته، و اما زهق رماها..!!
وماسالش عنها هيساعدها ليه..!!؟ وهو اصلا ماكانش فاكرها، وهي اللي فكرته همست بغضب وهي عارفه ان همس اما تعرف هتزعل..
غبيه غبيه
❈-❈-❈
عند عمر من يومين، مش عارف همس فين، هيتجنن خلاص، مالهاش حد غير اهلها...
راحت فين مش عارف، كل مره كان بيلاقيها عندي امها واخوها كان بيرجعها بكل سهوله مجرد ما يشوف اخوها الفلوس من عمر بينسى كل حاجه حصلت لاخته فين هي دلوقتي مش عارف...!!؟
قربت منه دينا وقعدت جنبيه وهي بتقول...
لامتى هتفضل تفكر فيها، دا احنا ارتاحنا منها فكر وخليك معايا، دا انا هبسطك والله..!!؟
عمر وهو بيشرب سيجاره وقاعد على الكرسي بصلها بغضب وهو بيقول بعد ما مسك وشها بين ايديه بغضب وداس عليه....
مش عايز اسمع صوتك، انا لو جيت هنا جيت عشان انبسط مش جايه عشان تتكلمي عنها قومي شوفي هتبسطيني ازاي ومالكيش دعوه بـ همس همس هترجع يعني هترجع....!!
قامت دينا وجواها غضب الدنيا ليه مش بيفكر فيها زي ما بيفكر في همس...!!!؟
همس، همس، همس، هي اللي في حياته، هي اللي واخده تفكيره، هي اللي ام ابنه، هي اللي مراته قدام الناس كلها، وهي اللي خدت قلبه..!!
دخلت اوضتها بسرعه واتصلت على واحد بلطجي هي عارفاه من زمان وهي بتقول بغضب....
بص هبعتلك في رساله دلوقتي اسم واحده وعنوان بيت جوزها تلبس تحت البيت هي مختفيه دلوقتي اول ما ترجع بيت جوزها او تظهر عايزاك تخلص عليها هي وابنها انت فاهم..!!
قالت كلامها وقفلت التليفون وغيرت لبسها وطلعت لعمر..
❈-❈-❈
بيجاد اللي كان قاعد في بيته، من يومين، ماطلعش من البيت يومين، مااتكلمش مع حد، يومين مش قادر يفهم او يستوعب هي ليه اتجوزت غيره..!!
في عقله طيب يمكن عشان هو سابها من غير تفسير يمكن فعلا هدير عندها حق وهي مغصوبه على الجواز يرجع...!!؟
بس تاني يفكر ويقول خمس سنين مغصوبه خمس سنين ازاي ماعرفتش تطلق منه، وماعرفتش تهرب ماعرفتش تتصل بيه ولا مره ازاي هو هيموت عليها وبيدور عليها في كل مكان وهي متجوزه واحد تاني وعايشه معاه خمس سنين الفكره نفسها عقله مش مستوعبها..!!
الصدمه كانت كبيره لدرجه ان هو مش عارف ولا فاهم هو دلوقتي المطلوب منه ايه...!!؟ المفروض يعمل ايه يروح يساعدها فعلا تطلق منه..!!
هل لو همس اطلقت من جوزها هيقدر انه يعيش معاها ويتجوزها هو وهي كانت مع غيره قبل كده هل اصلا قصه الحب اللي بينهم لسه موجوده ولا انطفت مع السنين الف سؤال في عقله وهو مش فاهم اي حاجه...!!!
دخل عمران عليه وهو بيقول.....
من يومين مابتروحش الشغل ليه...!!
انا لازم افهم انا راجع مصر، ومش هقعد هنا كتير يعني راجع بالليل عايزه اطمن عليك قبل ماامشي...!!
وقف بيجاد وهو بيقول لعمران......
هحكيلك كل حاجه يا عمران بس مش دلوقتي بس عايزك تجهزلي كل حاجه لان راجع مصر قريب هفتح المستشفى اللي كنا بنجهز فيها...!!
عمران باستغراب المستشفى.....
انت قلت هفتحها بعد شهرين ايه اللي خلاك تغير رايك وبعدين انت قلت برده انك مش هتنزل انا معاك في اي حاجه بس افهم...!!
بيجاد وهو بيحط ايده على راسه هو اصلا مش مستوعب الفكره هيفهمها لعمران ازاي قعد على الكرسي وهو بيقول.....
همس ظهرت عمران بفرح....
طب كويس الف مبروك كده نجهز الفرح..!!؟
هز بيجاد راسه بنفي وهو بيقول....
همس ظهرت وهي متجوزه متجوزه من خمس سنين ولحد دلوقتي واحد تاني...!!
وقف عمران شويه مش فاهم او مش عايز يستوعب ان البنت اللي حبها ابن عمه لمده خمس سنين رجعت بس هي على ذمه راجل تاني مش عارف يقول له ايه يقول له انساها ماتفكرش فيها، ولا يقول له لو بتحبها روح خدها بالعافيه...!!
هز بيجاد راسه وهو فاهم تفكير ابن عمه وقال....
جهز كل حاجه في مصر يا عمران وانا راجع خلال الايام....!!
عمران بخوف عليه.....
انت بتفكر في ايه لو هي بتحب جوزها فعلا مالكش دعوه بيه كمل حياتك بعيد احسن لو الموضوع كده فعلا انا مش هساعدك هي بجد انا معاك في كل حاجه الا انك تؤذي حد...!!
هز بيجاد راسه، وخرج من الاوضه وهو بيقول...
ربنا يسهل..!!
❈-❈-❈
همس فين تليفونك يا هدير هعمل مكالمه..!!؟
: جوه على السرير..!!
دخلت همس اخدت الفون وجابت الاتصال بس اتفاجئت برقم مكتوب عليه بيجاد، وكمان الرقم كان خارج مصر يعني هو بجد..!!
خرجت همس وهي بتقول.... رقم مين ده يا هدير..!!؟
هدير بتوتر....
مش رقم حد..!!
همس.....
يعني كلمتيه قتلك لا وبرده كلمتيه..!! قالك ايه رفض طبعا ولا يمكن قالك انا مش فاكر حد باسمها، اصلا انتي بتتصرفي من دماغك ليه ليه تتصلي بواحد خاين ما عندوش ضمير فاكر هيساعدنا فعلا....!!؟؟
: والله انا كنت عايزه اساعدك كنت عايزه اساعدك فعلا بس ما كنتش اعرف...!!
همس بصرخ.....
ماكنتش تعرفي انه خاين ماكنتش تعرفي انه باعني مره واللي يبيع مره يبيع 1000 مره..!! واحد بيجاد مستحيل يساعد يا هدير كنت فاكره ايه...!!؟؟
قربت هدير من همس وحضنتها وهي بتقول...
انا اسفه انا اسفه انا كنت عامله زي الغريق بحاول امسك اي حاجه اي حاجه تساعدك وتخرجك من اللي انتي فيه انتي عارفه انك اختي واكتر انتي روحي وكنت خايفه عليكي كان عندي ولو امل بسيط انه بجد يساعدك عشان كده اتكلمت معاه...!!!
ضميتها همس وهي بتقول......
انا عارفه انك ماكانش قصدك حاجه بس بجد صفحه من حياتي وقطعتها و عمرها ماهترجع تاني عشان خاطري بلاش تجيبي سيرته او تتواصلي معاه تاني باي طريقه عشان خاطري كفايه...!!
❈-❈-❈
تاني يوم كان عمر بيدور على همس وبيسال اصدقائها بتوع الجامعه اللي شغالين حاليا في المستشفى..!!
لو يعرفوا عنها حاجه بس كانت اجابتهم لا مايعرفوش عنها حاجه..!!
خرج من المستشفى بياس وكل امل بيظهر بيختفي فجاه بس فجاه بص بذهول على بنت كانت داخله المستشفى و اللي هي كانت هدير صديقه همس ايوه هي هي رجعت مصر امتى لو رجعت يبقى همس عندها اكيد...!!؟
قاعد في العربيه قدام المستشفى مستني هدير تخرج عشان يمشي وراها اكيد مش هيروح يسالها لو عندها هترفض تقول له هتخليها تهرب..!! هو هيمشي وراها احسن..!!
بعد فتره كانت وصلت هدير بيتها وراها عمر من غير ماتحس ..!
دخلت هدير البيت بعد شويه الجرس الباب رن فتحت وكان جنبيها همس اللي اتصدمت ان عمر اللي قدامها ابتسم هو ابتسامته اللي مليانه شر وهو بيقول...
اخيرا وصلت ليكي كنت فاكره اني هسيبك ده مستحيل...!!
_اتفاجئت همس بـ عمر قدامها وهو بيبتسم وبيقول.
كنت فاكره ان مش هقدر اوصلك اديني اهو وصلتلك شوفي هتعرفي تروحي فين مني تاني..
رجعت همس وهي بتقول رغم خوفها...
انا مش هروح معاك في حته...
شدها عمر وضـ ـربها كف و قال....
تصدقي بعدك عني اليومين اللي فاتوا دول نسيوكي مين عمر ويقدر يعمل فيك ايه.. ادخلي هاتي زين ويلا احسنلك ولا اخد انا زين وساعتها هتجيلي زي الكـ**
قال كلامه وزقها وبص لهدير اللي كانت واقفه مصدومه مش عارفه تعمل ايه وقال...
كلمه منك صدقيني مش هيحصل لك كويس وهفضحك في المنطقه اللي انتي عايشه فيها.
من غير صوت خليني اخد مراتي وابني.
قال كلامه مع خروج همس وزين اللي خدهم ومشي قفلت هدير الباب وقعدت في الارض بتعيط ماقدرتش..
تعمل اي حاجه عشان تنقذ همس من بين ايديه....
فجاه تليفونها رن ردت كان رقم غريب...
_الو مين معايا.!!؟
_انا بيجاد انتي فين عنوانك فين... انا نازل مصر النهارده ومش همشي الا لما اساعد همس واخليها تبعد عن جوزها.
بكت هدير يعني هو افتكر دلوقتي انه يساعدها بعد ما خلاص عمر خدها يا ترى هتقدر تخلص من عمر ولا لا..
بيجاد بقلق....
في ايه ايه اللي حصل اوعى تكون همس جرى لها حاجه اتكلمي قولي ايه اللي حصل.
هدير.
جوزها كان هنا من شويه واخدها هي وابنها كان وشه كله شر انا خايفه يعمل فيها حاجه.
ده قلب بيجاد برعب يعني هو لو وافق من الاول وساعدها ماكانش كل ده حصل..
بيجاد.
هدير انا راجع مصر النهارده ابعتي عنوان بيت همس في رساله و انا هتصرف.
هزت هدير راسها وهي بتقول.
حاضر حاضر.
قفلت مع بيجاد وفعلا بعتت له عنوان همس وهي بتدعي.
يوصل ليها قبل فوات الاوان وقبل ما عمر يعمل فيها حاجه.
❈-❈-❈
فتح عمر الباب.
دخلت همس مع ابنها بصلها عمر بغضب وقال.
خلي زين ينام و تعالي عشان عايزك.
رجعت همس لورا بخوف.
عمر.
مش هكرر كلامي مرتين وانتي عارفه النتيجه بتبقى عامله ازاي.
قال كلامه وسابها ودخل الاوضه. دخلت همس الاوضه بتاعه زين غيرت لزين هدومه وقعدت معاه على السرير.
زين.
ماما هو بابا بيعمل كده ليه انا خايف قوي.
خدته همس في حضنها وهي بتقول.
ماتخافش يا حبيبي بابا بس زعلان انه عنده مشاكل في الشغل بس كل حاجه هتبقى كويسه.
هز زين راسه وهو بيقول.
بس هو على طول كده يا ماما.
بصت له همس مابقتش عارفه تقول ايه قامت وهي بتقول.
طيب نام يا زين بقى.
زين.
ماتسيبنيش يا ماما نامي معايا.
هزت همس رأسها ونامت جنب زين و بقت تمشي ايديها على شعره.. وعقلها بيراجع كل الذكريات من بدايه علاقتها بـ بيجاد ولحد ما قابلت عمر ولحد دلوقتي ماحسيتش بـ زين اللي راح في النوم..
فاقت من شرودها وبصت لزين شويه قربت وبسيته وقامت دخلت الحمام.
وقفت قدام المرايه..
همس.
لازما اخد قرار خلاص انا مش هفضل كده طول عمري ولا هستنى حد ينقذني انا اللي هنقذ نفسي.. وانا اللي هخرج من هنا بنفسي.
انا اللي هقدر انظف نفسي من الوحل بتاع عمر واعيش حياه كويسه مع ابني.
❈-❈-❈
خرجت همس بعد مده اتفاجئت بعمر اللي واقف قدامها بصلها شويه وقال.
جيت اشوفك اصلك اتاخرتي قوي.
قرب منها واحط ايديها على شعرها وهو بيلف شعرها علي صوابعه وقال.
تعرفي انك وحشتيني قوي يا همس.
قرب منها اكتر وهو بيقول جنب ودانها بهمس خلاها تحس بخوف اكتر.
انا هنسى اللي حصل عشان بحبك.. وانتي عشان بتحبيني مش هتعملي كده تاني صح يا همسي.
كانت همس مش طايقه كل حاجه فيه بصت بغضب لعمر.
عمر مسك شعرها و شد راسها لورا وهو بيقول.
اوعى تفكري انك باللي عرفتي اني بقابل واحده تانيه ممكن تاخديها حجه عشان تسيبيني لا عادي ما كل الرجاله كده وبعدين انتي لو شايفه جوزك محتاج ايه كويس ما كانش بص بره.
هزت همس رأسها بغضب وقالت.
انا بكرهك بكرهك وبكره كل حاجه فيك لمستك وجودك حتى نفسك اللي معايا في نفس الاوضه بكرهك.
ضحك عمر وهو بيقول..
شفتي الفرق بينا.. انتي بتكرهيني بس انا بحبك..
انتي عارفه واحد غيري كان ممكن يعمل فيك ايه دلوقتي وانتي بتقولي بكرهك بس انا عشان بحبك مش هعمل حاجه مش هعمل حاجه غير اني هاخد حقي بس.
قال كلامه وبقت همس ترجع لورا بخوف صرخت.
لو قربت مني صدقني هتندم يا عمر ابعد عني يا اخي مش طايقاك بكرهك.
شدها رماها على السرير وماسابش ليها فرصه رغم مقاومتها بس هو كان حاسس بالغضب انها عايزه تهرب منه.
وانها مش بتحبه.
انا بحبك بحبك بجنون يا همس.
❈-❈-❈
خرج بيجاد من بوابه الجامعه.. كانت هدير الوقفه قرب منها.
_ هي همس فين يا هدير.
هدير بغضب.
هو انت عايز منها ايه بالظبط على فكره همس مش بتاعه نكون صحاب او نحب بعض في السر لو انت عايز تعرفها عشان كده انسى الموضوع لان همس مش من النوع ده اصلا.
بيجاد بضيق.
مين اللي قال اني عايز علاقتي بهمس تكون في السر او نكون صحاب همس بالنسبه ليا اكبر من كده بكتير.
هزت هدير راسها وقالت.
كل حاجه بتقول كده يا بيجاد بيه وخصوصا علاقاتك النسائيه الكتير.... الجامعه كلها بتتكلم و طبعا مش محتاجه اقول... اما همس تظهر معاك قدامهم هيقولوا عليها ايه يبقى احسنلك انك تبعد عنها..
بيجاد بنفز صبر.
هدير لو سمحتي انا عايز اشوفها... انا اقدر اتكلم واتفاهم معاها..
هزت هدير رأسها وقالت..
هي في المكتبه يارب فعلا تكون همس اكبر من كده بالنسبه لك وما تكونش عايز تتسلى بيها مش اكتر...
بصلها بيجاد بغيظ وراح على المكتبه عشان يشوف همس.
في الوقت ده كانت همس خارجه من المكتبه اقرب منها بسرعه بيجاد وهو بيقول...
لحقتك قبل ما تمشي..
همس بغضب.
جرى ايه هو انت طالع لي في كل مكان على فكره الموضوع بقى سخيف قوي.
رد بيجاد وهو بيقول.
ما انا عشان حبيتك من اول نظره عايزه مش عايز ابعد عنك.
همس بسخريه.
حبك من اول نظره ده تضحك بيه على اي بنت من اللي انت ماشي معاهم.. اما انا ماليش في الكلام اللي بتقوله ده.
ضحك بيجاد وهو بيقول.
ما هي صاحبتك سمعتني محاضره طويله اما سالت عنك صدقيني يا همس انا بحبك وده حقيقه هتعرفيها مع الوقت عمري ما حسيت الشعور ده مع اي بنت تانيه.
قلب همس دق من كلماته خصوصا انها كانت معجبه بيه من زمان و مش مصدقه لحد دلوقتي ان هو بيقول بيحبها كانت هتمشي بس وقف بيجاد قدامها مره تانيه وقال.
انا عارف ان الوقفه دي مش كويسه بس بكره اخر يوم في الامتحانات انا عايزه اشوفك قبل ما ناخد الاجازه يا همس موافقه.
هزت همس رأسها ومشيت.. بسرعه اما هو فاضل يبص عليها لحد ما اختفت هو بيهمس.
بحبك يا همس بحبك
❈-❈-❈
فاقت همس من شرودها على تخبيط جامد على باب الشقه والنهار طلع قامت من على السرير بخضه وقام عمر كمان وراح عشان يفتح الباب.
بعد ساعات طويله.. وبعد ماقرب النهار والشمس على الظهور..
نزل بيجاد من الطياره.. في مطار القاهره الدولي وقرر يروح لهمس على طول..
بس تفاجئ بعمران واقف قدام المطار بيجاد بأستغراب.
ايه اللي جابك يا عمران انت عرفت ازاي اني جاي اصلا.
رد عمران بثقه.
عيب عليك ماتسالش الاسئله دي..... ده انا عمران الدمنهوري يعني اي حد مايقدرش ياخد نفسه في البلد دي الا واكون عندي علم بيه.
رد عليه بيجاد بسخريه وهو بيقول.
طب جاي ليه يا عمران باشا..
ابتسم عمران وهو بيقول.
جاي عشان امنعك من اللي هتعمله يا انصح اخواتك انت بتستظرف عايز تروح تقول له ايه جاي اخلي مراتك تطلق منك ولا جايه انقذها..
بصراحه انا شايف اللي بتعمله حاجه في منتهى السخافه.
رد عليه بيجاد بغضب وهو مش قادر يتملك نفسه اكتر من كده.
طب عايزني اعمل ايه اسيبها معاه... ده راح خدها من بيت هدير بالعافيه ويا عالم عمل فيها ايه انا مستحيل اسيبها في الوضع ده..
عمران..
بجد انا فاهم وعارف انت عايز ايه بالظبط وحاسس بيك..
بس اللي انت عايزه مش هيحصل بين اللحظه والتانيه اللي انت عايزه عايز تخطيط عايزها تطلق تمام وانا هساعدك بس مش بالطريقه دي ابدا..
قال كلامه وسكت و بعد كده بص لـ بيجاد وقال..
هااا قررت ايه هتيجي معايا ونشوف هنعمل ايه بعد كده ولا هتروح تتخانق معاه وتتهجم عليه في بيته وتقول له انك عايز تطلق مراته منه..
وهو بكل سهوله هيقول عليك عاشقها ولا حاجه وتحصل نصيبه وفضيحه لعيله الدمنهوري..
والدنيا تقوم ماتقعدش وده كله ليه عشان بيجاد باشا كان رايح ينقذ حبيبته..
بص له بيجاد بغضب وراكب العربيه معاه..
ركب عمران وهو لابس النظاره بتاعته وهو بيقول.
ماتقلقش كل حاجه تحت السيطره انا موصي ناس تجيب لي كل اخبار اللي اسمه عمر ده وهنشوف هنعمل ايه بعد كده..
بيجاد.
طيب اطلع على بيت همس.
عمران.
انا قلت من شويه ايه.. هو انا كنت بكلم نفسي.
بيجاد..
مش هعمل حاجه هنقف تحت البيت شويه بس.
هز عمران راسه و مشي بالعربيه..
❈-❈-❈
في بيت عيله الدمنهوري كان قاعد زياد على السفره ومن الجانب التاني كانت قاعده عشق بصت بابتسامه للنور اللي كانت قاعده بتبص في طبقها بحزن وقالت.
كويس انك جيتي تقعدي معانا يا نور انا مبسوطه قوي صدقيني انك معانا هنا احسن بكتير من انك تقعدي عند عمران.
ردت نور بتبرير.
انا كنت قاعده عند عمران عشان ماما اسماء.
ردت عشق بابتسامه وقالت..
اه ما انا عارفه بس القعده هنا غير.... هنا هتلاقي بنات من سنك هتتكلمي وتحكي معاهم....
اما هناك مافيش غير ماما اسماء وعمران واكيد مابيبقاش في البيت على طول فهتتكلمي مع مين.
ابتسمت نور وقالت.
ايوه يا عشق عندك حق ما انا عشان كده جيت اقعد معاكم شويه.
عشق بابتسامه وهي بتسقف بايديها.
ايوه كده جهزي نفسك بقى عشان هنخرج بعد الفطار عندي ليك شويه مشاوير هيعجبوكي قوي قوي..
رفع زياد عيونه وبص لعشق اللي كانت بتتكلم بسعاده واول عيونها جت على زياد بلعت ريقها بخوف وهي بتقول.
يعني بعد اذن ابيه زياد لو ينفع نخرج.
بصلها زياد بغيظ ردت عشق.
ايه مش هينفع يعني.
قام زياد وهو بيقول.
خمس دقائق ياعشق والاقيك في المكتب.
قال كلامه وقام من على السفره وحاطط ايديه في جابه ودخل اوضه المكتب.
عشق بحزن وصدمه..
يا ليلتك السوداء يا عشق يا اللي صغيره على الموت يا عشق..
انا عارفه ان ايامي في البيت ده معدوده ومش هيحصل كويس..
انا عارفه لساني مابيبطلش كلام وكله كلام فاضي بس والله طيبه وخساره فيا اللي هيحصل..
بصت لها نور وهي بتقول باستغراب.
مالك يا عشق.
قامت عشق من على السفره وهي بتقول.
مافيش هروح اشوف ابيه زياد عايز ايه..
قامت عشق ودخلت اوضه المكتب..
اما نور فقالت بسخريه...
كلهم زي بعض زياد زي عمران زي بيجاد مافيش حد كويس في العيله دي مافيش حد بيحس بالتاني.
❈-❈-❈
اما عند همس اللي كانت نايمه..
اتفاجات بالباب بيخبط بدري قامت باستغراب وقام عمر اللي فتح الباب وكانت صدمه كبيره..
همس عمر بصدمه.
هايدي.
دخلت هايدي وهي بتقول.
مالك يا عمر وحشتني قلت اجي اشوفك وخصوصا السنيوره بقت عارفه ان احنا مع بعض يعني مش هتفرق..
اتعرفت عليها همس وحست بالغضب الشديد دخلت بسرعه اوضتها وقفلت الباب قرب عمر من هايدي وهو بيمسك ايديها بغضب وقال.
مش قلت لك همس مالكيش دعوه بيها خالص انتي شكلك كده ناويه على موتك اليومين دول.
شدت هايدي ايديها من عمر وهي بتقول.
الحق عليا اني حبيت اجي اشوفك اديلي كتير ماشفتكش من ساعه ما السنيوره سابت البيت واديها رجعت وهي عارفه بعلاقتنا ايه المانع اني اجي اشوفك.
رد عليها عمر بغضب...
المانع انها مراتي يا ست هانم اما انتي واحده رخيصه ماينفعش تيجي عندي البيت يلا اخرجي مش عايزه اشوف وشك انتي فاهمه..
قال كلامه وفتح الباب بصيت له هايدي وهي بتقول..
طيب لعلمك بقى انا حامل ولو ما اتجوزتنيش مش هسكت يا عمر بيه هستناك تيجي لي النهارده الساعه 10 انت فاهم..
قالت كلامها ومشيت دخل عمر بعد مده الاوضه كانت همس بتلم هدومها قرب منها وهو بيقول.
جرى ايه كل ما يحصل حاجه الاقيك بتلم هدومك وتمشي هو انتي فاكره انك بسهوله كده هسيبك تخرجي من البيت يا هانم.
ردت همس بغضب.
وخلاص مش قادره اقعد معاك اكتر من كده يا اخي اعمل اللي تعمله بس مش هقعد معك..
ابتسم عمر بسخريه وقعد على الكرسي وهو بيقول.
وبرده هعمل اللي هعمله ومش هتمشي يا همس وريني هتعملي ايه..... هتجيبي اخوكي الحلاوه يقف قصادي مثلا.. اللي بقرشين هيقول ما اعرفهاش
ردت عليه همس بغضب رغم دموعها اللي اتكونت في عينيها..
لا يا عمر بيه مش كل الناس بتشتريها بفلوسك همشي وهبلغ عنك لو قربت مني ولا من ابني وانت فاهم..
قالت كلامها واخدت شنطتها وكانت رايحه ناحيه باب الاوضه عشان تروح تجيب ابنها من الاوضه التانيه..
اتفاجئت بعمر اللي قام وشدها من ذراعها زقها وقعت همس على الارض و اتخبط جايبينها في حرف السرير
عمر بغضب.
قلت لك مش هتمشي انتي ليه مش بتفهمي ليه بتحاولي دايما تبعدي عني..
قال كلامه وقرب وهو بيقول...
ردي عليا يا هانم..
مالقيش منها رد قرب منها... ماسكها من كتفها اتفاجئ براسها اللي بينزل منها دم كتير اتصدم وهو بيهمس..
همس همس فوقي ايه اللي حصل...
في الوقت ده دخل زين على اصواتهم اتفاجئ بامه على الارض والدم في كل مكان عمر ببكاء..
ماما ايه اللي حصل يا بابا.
شد عمر زين وهو لسه في حاله صدمه وقال.
مش عايز ولا كلمه تخرس خالص هقوم اشيل ماما ونروح بالعربيه المستشفى يلا تعالى معايا..
قال كلامه وشال همس وعمر نزل معاه ركبوا العربيه في خلال دقائق كانت مشيت بيهم...
في نفس الوقت عربيه عمران بيجاد كانت واقفه تحت بيت همس واتفاجئوا باللي حصل..
بيجاد بقلق ورعب عليها..
اطلع بسرعه يا عمران وراهم اطلع...
يتبع
إلى حين نشر الفصل الجديد للكاتبة سحر خالد لا تنسى قراءة روايات و قصص أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
