قراءة رواية امتلكتني بضعفها كاملة

تنشر حصريًا على مدونة رواية وحكاية قبل أي منصة أخرى

رواية امتلكتني بضعفها

 رواية جديدة قيد النشر

من قصص و روايات 

الكاتبة ميادة مأمون

 الفصل الثلاثون والأخير

جلس علي تلك الاريكة الصغيرة بجانب فراشها و هو ينظر الي عيناها الدامعه بغضب

تعلم جيداً انها اغضبته حين سبته امام الجميع و سوف ينتهز تلك الفرصه جيداً حتي يحول الكفة الرابحة اليه

لكن هيهات يا من تملك قلبي لن تقهرني بنظراتك المرعبة هذه

ظلو هكذا وقت طويل هي تبكي بصوت مرتفع و هو صامت علي حاله

الي ان وقف من مجلسه و جذبها اليه بقوه ضمها اخيراً بصعوبه الي جانب قلبه و هو يضغط علي رأسها من الخلف و يهمس لها

عاصم بجمود. 

-بقي انا بخيب هاه، بقيتي تعرفي تعلي صوتك عليا و تهدديني اخوكي، لأ و بتشتميني كمان يا بنت ال.... 

زينب بألم و بكاء حار و هي تدفعه بعيداً عنها. 

-اه ماكنش قصدي اشتمك و لا اعرف اصلاً اهددك بحد، انا كنت برد علي كلامه

عاصم و هو مزال محتجزها بقوه. 

-تردي علي كلامه تقومي تقولي كلامك الأهبل ده مش كده و بعدين بعدت عنك فين انا 

مانا طول النهار و الليل متلقح جانبك في الشارع 

ايه عايزاني اسيب شغلي في الَمغلئ و اجي اقعد جانبك هنا ليل و نهار

اخيراً ما افلتت نفسها من بين يديه او هذا ما كانت تظنه حين تركها خوفاً عليها من بطشه

زينب و هي تعطيه ظهرها. 

-لاء خلاص انا مش عايزة حاجة منك اعمل اللي انت عايزه يا عاصم و لما تبقي تفتكرني ابقي تعالي عادي، هتلاقيني مرمية زي زي اي حاجة في البيت

استشاط غيظاً مما تفعله صغيرته به، لفها اليه بقوه و هو يصرخ فيها

عاصم بغضب. 

-زينب اتعدلي بقي و كلميني كده زي ما بكلمك انتي عايزه تطلقي و تسيبيني بجد يا بت و لا ايه

صرخت من الم ذراعيها و هو يضغط بقوه عليهما

و نظرت الي عينه بضعف و هتفت

-طب و ربنا ابداً انا مش عايزه ولا فكرت في كده

عاصم وقد فرغ منه كل الصبر. 

-يا صبر ايوب اومال عايزه ايه يا بت جننتيني

احنت رأسها بخجل كيف تقولها له، اتستطعفه و تتوسل حبه بالله كيف تقولها

زينب بهمس خاجل. 

-عايزك تحبني يا عاصم ترجع تشتاقلي زي زمان انت ناسيني خالص. 

ها هو يرق قلبه علي معشوقته و يضمها اليه بحنان

عاصم بإشتياق لها. 

-و انا ليا مين غيرك انتي يا ضي عيني عشان افكر فيه و احبه

يا بت دانا كل يوم بعد الليالي اللي باقيه و انقص منها ليله ورا ليله عشان تبقي معايا علطول

و تيجي تنوري بيتك بقي و خلاص مش فاضل غير شهر علي جوازنا يا زينب

زينب بحزن. 

-لاء يا عاصم كداب لو كنت بتحبني بصحيح كان ايه اللي يخليك تروح عند ال....... اللي اسمها جميله دي

عاصم معنفاً لها أثر ما تلفظت به. 

-نعم و انا روحت عندها امتي انشاء الله

-النهارده الصبح لما قعدت تصوت في الشارع

تركها من بين يده و هو مندهش من كلامها

-يا نهار اسود علي الجنان، واحده و عماله تصوت و تقول الحقوني

و رجالة الشارع كلهم جريو عليها مش انا لوحدي كده ابقي روحتلها

-تصوت و لا تلطم علي وشها حتى، انت ايه اللي يخليك تروح هناك و لا انت يعني غاوي رمرمه

كاد ان يرد عليها بعصبيه و يلقنها درسا قويا، الا انه تفهم غيرتها حين جلست منحنية الرأس متحاشية النظر عنه

ليجلس في مقابلتها و هو يضحك و يشاكسها كالعاده

عاصم محاولاً اغاظتها. 

-دا أنت غيران يا زوز بقي

زينب بتباهي. 

-فشر انا أغير من دي، لاء فوق كده يا حبيبي و شوف انت متجوز مين دانا زينب عمران الغوري 

و اخت المعلم ديجو و جوزي يبقي المعلم عاصم كبار الحته دي و الغوريه كلها

ال اغير ال ثم اكملت بدلال وهي تقف لتسير امامه بخطوات مائلة عارضة جاملها و قوام جسدها الممشوق امامه

-طب و اغير ليه هي ادي في السن مثلا 

و لا في جمالي طيب 

و لا حتي في عودي ها ما ترد

عاصم و هو يصفق لها بحماس و يضحك. 

-ايوه بقي يا زوز يا جامد

طب و ربنا بنات الغوريه كلهم لو جم في كفه و انتي لوحدك في كفه برضو ميزانك انتي الي هايطب يا قلبي

ثم جذبها من كف يدها و بلحظه كانت جالسه على قدمه ضاممها جيداً بين احضانه

ابتسمت له بهدوء ثم همست

-بحبك يا عاصم 

لينقض علي تلك الشفاه التي همست له بألذ كلمه، بمجرد سمعاها تأثر قلبه و تجعله من مالك قوي يملكها الي عبدٍ أسير لقلبها

عاصم بعشق. 

-و انا بعشقك يا قلب عاصم امتي بقي الشهر ده يخلص عشان اعرف اعوضك براحتي بعدي عنك يا روحي

❈-❈-❈

اما عندهم بالخارج جلس يشرح لهم ما حدث و هي تجلس بجواره هادئه و والدتها تجلس امامه

غاضبه مما كاد يفعله ابن اختها بهم

لتهتف والدته تهاني متفهمه. 

-يعني كده خلاص يا بني عمك رضي عنك تاني و مبقاش في مشاكل بينك و بين عروستك

نظر اليها بأندهاش ثم التفت الي الاخري و ضمها تحت ذراعه و هو يبتسم لها

-اذا كان عليا انا و عروستي ماعندناش مشاكل يا ام ديجو عمي بقي يرضي و لا مايرضاش دي بتاعته هو

ثريا بوجه متهجم. 

-و ايش حال مجد هلا

ديجو بتعجب. 

-كويس بيسلم عليكي

ضحكت معشوقته لتأثر قلبه

ريناد :هههههههه صالح الماما ما بتقصد هيك

ديجو وهو يلاعب لها حاجبيه. 

-هيك امممم اومال بتقصد ايه يا قلب صالح

ريناد : يعني قصدها مجد عمل حاجه لما عرف

ديجو : اه قولتيلي اقولك انا بقي عمل ايه لما عرف بمنتهي البرود اول ماشافنا قصاده و فهم اننا كشفناه ضحك و أكد لعمي صحة كلامنا

بس لما عمي قاله انه هيكلم المحامي وشه قلب الوان وحاله اتبدل ورد علي عمي و قاله انه مش هايسيب مبلغ زي ده يروح كده بالساهل و انه هايقف قصاده و هايطعن في الوصيه

ريناد بحزن. 

-انا مش عايزه الامور توصل بينهم لكده كمان مش عايزه مجد يزعل

ديجو بغضب. 

-ريناد انا قولتلك ماتدخليش في الموضوع ده و سي مجد بقي يزعل و لا مايزعلش دي حاجه ماتخصناش هو و ابوكي يتفاهمو بقي مع بعض

الله ايه الصوت ده

انتبهو جميعاً الي صوت ثرينا الشرطه و صراخ تلك المراءه اللعوب و هم يجروها خارج منزلها 

و خرج عاصم و من خلفه زينب التي تصيح من خلفه

زينب برجاء ولوم له في نفس الوقت. 

-برضو هاتنزل و تجري تروحلها انا مش عارفه الست دي عامله ليكو ايه

بكف يده زجها في وجهها و هو يحاول التملص من يدها

عاصم بخشونه. 

-اقعدي بقى

ديجو مرتاباً في الأمر كله. 

-في ايه ياض مين اللي بتصوت دي

عاصم و هو يجزبه معه للأسفل و يهبطو الدرج سوياً

-دي البت جميلة الحكومه بتخدها و هي عمالة تصوت 

تعالي تعالي دي باينها ليله مش معدية

جرو سوياً للأسفل بينما وقفت زينب تضع كفيها بجانبي خصرها و هي تصرخ في والدتها

-شايفه ابن اختك يعني يا ست ماما

تهاني و هي تشوح لها بيدها. 

-يا اختي اتهدي بقي هو مش صالحك يا بت عايزة ايه تاني

تعالوا تعالوا اما نشوف اللي بيحصل 

دلفو الي شرفة منزلهم ليجدوها تصرخ و هي في قبضة جنود الشرطة و يمسكون بزوجها ايضاً

و الذي كان يمشي معهم بوجه متهجم 

جميلة بصراخ. 

-سيبوني انا مقتلتهاش مقتلتهاش

جلس ديجو و عاصم بجوار ابيه و عمه و جده امام المغلئ 

عاصم : الحوار علي ايه يا جدعان

الحج عبدالعظيم موبخاً له. 

-خليك في حوارك انت بجي يا فالح اجولك اطلع راضي البت تطلع تمسك في خناقها

عاصم وهو يقبل رأسه. 

-ههههههه لاء ماتقلقش يا جدي خلاص احنا رضينا بعض و البركه في ديجو مش كده يا ديجو انت يا بني روحت فين

ليصيح عمه بطريقة استفزازيه. 

-سيبه يا عاصم شكله كده صعبان عليه حبيبة القلب و عايز يروحلها

نظر اليه بكل هدوء و اجابه

ديجو : مهما حاولت تستفزني برضو مش هاتهز و بص بقي يا عمي من الاخر كده قدام اخوك و ابوك اهو 

بنتك اللي واقفه فوق دي مراتي علي سنة الله و رسوله و ماحدش هايقدر يفرق بيني و بينها

و اظن كلامي انا اللي طلع صح في الاخر و نجدتك من الواد النصاب اللي كنت عايزه يتجوز بنتك و تديله فلوسها كمان

دكتور صالح محاولاَ تفهم ما بداخله. 

-و انت بقي يا ابن اخويا مش ناوي تسأل علي فلوسها انت كمان

ديجو بإجابة وجيزة. 

-أقولك بصراحه و لا بلاش عشان ابوك اللي هو جدي بيرجع يزعل في النهايه

دق جده بعصاه خوفاً من ان ينطقها ثانية و هتف

-بس يا وِلد بكفياك كلام مالوش معني

ديجو و هو يبتسم له. 

-حاضر يا جدي سكت اهو بس انت كمان انهيلي الحوار ده بقى، عشان انا خلاص جبت أخرى و صدقني بعد كده الكلام اللي هاقوله مش هيعجب حد

و اخيراً ما تحدث والده

عمران : خلاص يا ديجو اقعد و انت كمان يا صالح يا اخويا استهدي بالله كده

و ماتنساش انه ابن اخوك و أكتر واحد هايخاف علي بنتك 

ديجو ناظراً لأبيه. 

-دي مراتي يا ابا و اللي يرشها بالميه ارشه بالدم

الحج عبد العظيم : خلاص يا وِلد منك له نهاية الجول فرح عاصم و زينب اول الشهر الجاي و هانعمل معاه فرح ديجو و ريناد 

دكتور صالح بإندهاش. 

-ازاي الكلام ده بس يا بابا هو مش في شقه هاتتوضب و عفش هايتجاب و البنت نفسها مش في حاجات هاتجبها

ديجو بفرحه. 

-انت كل اللي مطلوب منك انك توافق بس و سيب كل حاجه عليا يا عمي

دكتور صالح أخيراً موافقاً لابن اخيه. 

-ماشي يا ديجو موافق اما اشوف اخرتها معاك 

هب ديجو بسعادة عارمة رفعاَ المقعد الذي كان يجلس عليه بيده يرقص بها فرحاً اما اعينها 

-هههههههه و أخيراً نطقتها دانا هافضل طول الشهر داه ارقص و أقيم الأفراح ولاااااا يا عاصم شغل الDGيلاااا

ليوجه حديثه إليها تحت نظرات الجميع من بالشارع و يستمع اليه الحاضر و الغائب

-خلاص يا قلبو فرحنا بعد شهر و هعملك ليلة الدنيا كلها تتحاكي بيها ارقص يلااااااا

❈-❈-❈

مرت الأيام عليهم بهدوء تام حيث تفاهم دكتور صالح مع مجد بطريقة ما 

و تحصل اخيراً علي ذلك الميراث دون ان يعلم ابنته او زوجها اي شئ 

و لم يهتم ديجو بذلك او حتي يتدخل لكي لا يعكر عمه صفو حياته هو و عروسه مره ثانية

و خصوصاً انه وجده قد شرع في أنشاء مشفي جديد و هذا ما طمأنه بأنه يثتسمر الأموال في الصالح ولن تضيع

و انشغل عنهم به، كما انشغل هو الاخر في فتح مصنعه الذي كان اول انتاج له فيه هو اثاث منزله التي اختارته ريناد بالكامل

و اكتشفت بعد انتهائه انه اجمل مما اختارته بكثير

❈-❈-❈

ها هو الان يركب اثاث منزله بحماس و هي تساعده في ترتيبه بأشرافها، و زينب تقف تضحك عليهم و تتغمز على أخيها

ذلك الوحش العنيد الذي كان لا يفعل شيئ بحياته، الان هو كالحمل الوديع يأُمر و يطيع الأمر بكل سهوله 

ديجو بأنفعال واهي. 

-يا بنتي حرام عليكي بقي هو انا كل ما ارتب حتة عفش في حته، تقوليلي لاء مكانها وحش

ما تخلصي بقي و تخلصيني انا زهقت

ريناد ببرود. 

-الله ما هو انت اللي مش بتحط كل حاجه في مكانها من الاول

ديجو بتأفف. 

-و هو الكرسي لما يبقي هنا يعني هايعيط 

ريناد :لاء مش هايعيط هايبقي شكله وحش

ديجو ضامم حاجبيه. 

-شكله وحش! و انتي يا هبله انتي عماله تضحكي علي ايه انتي كمان

زينب بضحك تكاد تفقد السيطرة على نفسها. 

-هههههه اصل بصراحه اول مره اشوفك مطيع كده مش بتعترض علي حاجه

ديجو و هو غاضباً من سخرية اخته الصغيرة له و يصرخ في وجهها أمراً لها. 

-برة يا زينب اطلعي برة

جرت من امامه سريعاً و أغلقت الباب من خلفها و هي تهتف بضحك

- طيب طيب كمل انت بقي شيل و حط و انا هانزل احضر معاهم الاكل احسن

اشار عليها بيده و هو يلتفت للأخري

ديجو وقد سيطر الغضب عليه. 

-سمعتي بنفسك يا هانم زينب بتقول عليا ايه و يا تري بقى فهمتي قصدها

ليها حق ما هي كانت و هي بتفرش شقتها فرحانه و ماعترضتش علي اي حاجة جوزها عملها

اقتربت منه صغيرته و تشبثت بيدها في عنقه

ريناد بحب. 

-و انا مالي و مالها انا عايزة كل حاجة في شقتي تبقي جميلة عشان تحبها زي ما بتحبني

ديجو و هو يأسر خصرها داخل يديه. 

-غلبتيني بطفولتك دي انا كده مش هاعرف اسيطر

ريناد بضحك. 

-هههههههه لاء ماتقلقش انت مسيطر يا بابي

حملها بين يديه و احتضنها بشدة و هو يدور بها 

- بحبك يا قلب بابي انتي جننتيني خلاص

❈-❈-❈

اليوم هو يوم عُرسهم و الذي اصر ان يكون في افخم الفنادق حتي لا يشعرها بأنها تتدني معه بمستوي غير الذي تعيش فيه

و انه قادر ان يفوق ذلك العرس عن الذي كانت يتمناه لها والدها في مخيلته

كانو يجلسون علي اريكة عرسهم المزينة بالورود و لكنه الان كان يشعر بالحرج الشديد و لا يعلم لما يلازمه هذا الشعور

ليري قرينه الذي كان يجلس بجانب عروسه ايضاً يأتي اليه و يتركها تجلس وحيده

عاصم قلقاً من هيئته هذه. 

-مالك ياض قاعد متخشب جنب عروستك كده ليه

رمقها بنظرة عاشقة خاطفة و التفت اليه و هو يهمس له

ديجو بخوف واضح من كم العرق الذي يملئ وجهه. 

-سيبني في حالي الله يخليك

انا مش عارف ايه اللي عملته في نفسي ده و البتاعه اللي ملبسهالي دي كمان خنقاني اوي

عاصم بضحك. 

-هههه ولااا انت خايف مش ممكن

ديجو و هو يحاول اسكاته. 

-اخرس يا زفت انت هاتسيح انا خايف عليها هي دي صغيرة عليا أوي يا عاصم

عاصم و هو يحاول الا يضحك امامه. 

-طب بقولك ايه ما تيجي نخلع احنا الاتنين من الليلة دي 

و لا اقولك تعالي نهيص الفرح الكئيب ده شويه داحنا بقالنا شهر بنرقص في الغورية هنيجي يوم فرحنا ونقعد متخشبين كده

ديجو وهو يزجه من امامه. 

-اتنيل و روح اقعد جنب عروستك بدل ما اروح اقومها عليك

ظلوا يتناقشون سوياً بعض الدقائق و هم يضحكون

ليرو علي يقف و يمسك المايكرفون بيده و بجواره بعض اصدقائهم الشباب 

على : مالكم يا جماعة قاعدين ساكتين كدة داحنا حتي في فرح

طب بقولكم ايه احنا عايزين العرسان اللي هما اخواتي الاتنين يجو يهدوو عرايسهم اغنيه و يغنوها سوي

زج ديجو عاصم من امامه بكف يده و هو جالس كما هو على حالته

ديجو بسخرية. 

-مش انا قولتلك اخوك ده نهايته علي ايدي روحله يا عاصم 

و غني معاه يا حبيبي بدل ما اقوم اضربه بالجزمه... 

ليهتف علي و الشباب و هم يذهبون اليهم وسط ضحكات عاصم 

ديجو ديجو ديجو

مد يده له بالمايك و هتف

على : يلا يا ديجو عشان تغني لعروستك

امسكه من يده و كاد ان يقذفه في وجهه الا انها لمست بأصابعها كفه الكبير و همست له بحب 

ريناد : هاتغنيلي يا بابي

لمعة عيناكي تسكرني تنسيني العالم من حولي

لا اعلم ماذا يراودني حين تهماسيني و تناوري

ديجو بحب متسائلاً : عايزني اغنيلك يا رينو

ريناد بفرحه: اه طبعاً

ديجو : ماشي بس بشرط

ريناد : قول

ديجو و هو يحل رباطة عنقه. 

-افك البتاعه دي بقي

و اخيراً ما حل قيد عنقه و شلح جاكته من عليه و اتجه اليهم

وقف عاصم امامه مره اخري و هو مرتبك جداً 

- ما تغني يا بني

- مانا مش عارف اقول ايه يا حمار

عاصم : اقولك تيجي نغني الاغنية اللي بنحبها انا و انت

ديجو و قد لمعت عينه بفرحه : صح قول بقي معايا 

ظلو ينسجمون في الغناء سوياً و كل منهم يجذب عروسه

و يرقص بها و هم في منتهي السعادة حتي انتهي العرس

وسط فرحة الجميع و ذهب كل عريس بعروسه الي شقته

❈-❈-❈

و في شقة عاصم و زينب َبعد ان اغلق بابها عليهم و هو يودع والدته و خالته الذين يقفون يصدحون الزغاريط

التفت ليحملها و لكنه تفاجئ بعدم وجودها خلفه و لم يجدها 

تخيل انها ربما تكون خاجله منه و اتجهت بمفردها الي غرفتهم فذهب حتي يراها و لكنه لم يجدها هناك ايضاً

وقف مندهشاً من تصرفها و هو يهمس لنفسه و يبحث عنها بعينه

عاصم بريبة. 

-راحت فين البت دي، احنا هانبتدي بقي شغل الجنان انا عارف، الا مصيبة لتكوني خايفة مني ومستخبية يا زينب، 

ثم ارتفع صوته و هو يهتف بأسمها

-بت يا زينب انتي روحتي فين يا بت

زينب و هي منهمكة في مضغ الطعام. 

-انا هنا يا عاصم تعالي كل معايا

تفاجئ بردها عليه و اتجه الي مصدر الصوت الاتي من المطبخ

عاصم متفاجئاً. 

-بتعملي ايه و انا اللي بقول دي خايفه و لا مكسوفة عشان كده مستخبية مني. 

زينب و هي تحشو فمها بالطعام. 

-هاخاف منك ليه يعني، تعالي يا راجل تعالي كل تلقيك واقع من الجوع زي

ابتسم لها و يشلح قميصه من عليه و القاه علي يد المقعد المجاور لها ثم وقف بجانبها واضع يده اليمني في خصره اما اليسرى فكان يستند بها على حافة الطاولة

-علي رأيك يا أسطي و الله هو في حاجه تخوف، هاتي يا شيخه اما ناكل الاول الا امك عمللنا اكل ايه

كادت ان ترد عليه الا انه فاجئها بحملها بين يديه، و اتجه بها الي غرفة نومها وسط صراخها و خجلها منه مخبئة وجهها في صدره 

انزلها بجانب الفراش محاولاً حل وثاقها و هو ينزع طرحتها و يجر سحاب فستانها بكل رقه و نعومه

عاصم بحب و هو يمطرها بقبلاته الحارة. 

-زوز

زينب بخجل و لم ترفع عينيها له. 

-نعم يا عاصم

-خلاص بقيتي بتاعتي يا بت وبقينا مع بعض و لبعض علطول 

زينب بخجل. 

-اه يا حبيبي و عمري ما هابعد عنك و لا هاسيبك ابداً 

-طب انا عايز نبدء حياتنا بقى يا قلبي يلا البسي أسدالك و ادخلي اتوضي، 

عشان في كلام كبير اوي عايز اقولك عليه

احنت رأسها و قد تفهمت مقصده بخجل. 

-حاضر يا عاصم

❈-❈-❈

اما عند العاشق المتيم بحب صغيرته 

حملها الي غرفة نومهم بعد ان أغلق في وجه والداها و والدتها هذا الباب

و اجلسها بفستانها علي الفراش

و ابتعد عنها واقفاً يتأمل جمالها و حمرة وجنتيها، و بعدها اخذ بيجامته الحريريه الموضوعة علي الفراش بجانبها

ديجو و هو يتجه للخارج. 

-غيري هدومك براحتك و البسي اسدال الصلاة عشان هاصلي بيكي

اومئت له برأسها و لم تتحدث لقد تملكت منها حالة من الخوف و الخجل في ان واحد

و بعد ان بدلت فستانها بتلك المنامة التي وجدتها علي الفراش توضئت و أرتدت اسدالها كما امرها زوجها و اتجهت اليه

و وقفت امامه بهدوء

ديجو بحب إعجاب لها. 

-بسم الله مشاء الله زي القمر يا بنت اللذينا

ريناد : بجد شكلي حلو

ديجو :قمر يا روحي و احلي من القمر كمان

كاد ان يقترب منها الا انها اوقفته بأشاره من يدها

ريناد بخجل. 

-طب يلا بينا بقي نصلي 

-يلا يا حبيبتي

وقف علي سجادة الصلاة و هي من خلفه و صلي بها و بعد ان انهي صلاته وضع يده علي رأسها 

و قال دعاء الزوجين و الذي حفظه له عاصم عندما كان يحفظه

وقفت من امامه سريعاً بخجل وجرت الي غرفة النوم

لم يذهب خلفها و جلس علي الأريكة يفكر خائفاً عليها من نفسه

طال الوقت كثيراً عليهم ما يقرب من الساعه و هم هكذا، الي ان ظن انها ربما تكون قد ذهبت في نوم عميق الان 

فأتجه هو الاخر لينام بجوارها و دلف الي غرفتهم

كحورية بحر نائمة علي موجه بمنامتها ذات الحملات الرفيعة و شعرها المفرود بأكمله علي الفراش 

رفع الغطاء من جانبها و القي بثقله علي الفراش بهدوء لينام بجوارها و هو يلفها بين يديه لتنام بين احضانه

و لكنه تفجائ بأنها مستيقظة

-انتي صاحيه انا افتكرتك نمتي من بدري

ريناد بتهته. 

-ااااانا مششش

ديجو بهدوء. 

-ششششش ليه الخوف ده كله

دفنت وجهها في عنقه بالكامل و همست 

ريناد. 

-مش خايفة

وضع اصبعه اسفل ذقنها و قرر ان يزيل تلك الرهبه من قلبه و هو يمطر وجهها بالكامل بقبلات رقيقة

ديجو مطمئناً لها. 

-مش عايزك تخافي من حاجه مافيش حد في الدنيا دي كلها هيخاف عليكي و يحبك ادي

اومئت له برأسها لتتجاوب معه و يبدؤ حياتهم سوياً بكل عشق و حب و سعادة