قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الأخير

2

تم النشر بتاريخ الإثنين

 11/12/2023

عاد لداره وما ان رأته بوجهه هكذا حتى شهقت بصدمة 

واه يا راضي ايه اللي وشك ديه ومين اللي عمل فيك اكده 

ليهتف راضي بتبرم 

اللي في وشي زي ما انتي شايفة منه لله اللي كان السبب قادر ومحدش بيقدر عليه هو فيه غيره 

لم تستطع فاطمة كبت ضحكاتها 

لتقول وهي تضحك 

لاه متقولش ان ديه عز خوي اللي عمل فيك اكده 

راضي بانزعاج 

هو بغباوته وايده الطارشة اللي زي الطور 

هتفت فاطمة وهي تضحك 

اكيد انت عملت فيه حاجة وطلعت العصبي اللي چواه حاكم عز خوي معيتوصاش في الضرب 

راضي 

انتي هتقوليلي ديه بلوة من بلاوى الزمن يخربيت ايده التقيلة، بقا عريس جديد يا ناس وامشي وشي مورم اكده 

ضحكت فاطمة مرة اخرى وقالت 

معلهش متزعلش حالك يومين اكده وهتختفي الأثار داي تماما.. اقعد اهنه لما اعملك عليها كمادات ماية باردة علشان يخفف الألم شوي 

اراد راضي ان يستغل تلك الفرصة افضل استغلال فادعى الألم أكثر 

اه ايوة ياريت تعمليلي كمادات لان الألم واعر قوي مهتحملهوشي 

اسرعت فاطمة واحضرت الأدوات اللازمة وبدأت تضع قطع الثلج على وجهه  بعد أن لفتها في منشفة صغيرة وهي تقول 

امسك داي يا راضي وخليها اكده لحد ما تسيح وهچيبلك غيرها 

راضي بمسكنة 

لاه مهقدرش خليكي انتي ماسكاها لحد ما الألم يخف 

فاطمة ببراءة 

طيب ماشي

راضي 

تسلميلي يا فاطمة اني منيش عارف من غيرك كنت هعمل ايه 

فاطمة 

ع ايه بس ديه أقل حاجة اعملهالك يا راضي انت وقفت معاي كتير وبصراحة جميلك هفضل شايلاه فوق راسي 

راضي 

لا مفيش بين الأحباب جمايل أني عملت اكده بنفس صافية ولو حصلت ممكن اعملها مرة وتنين وعشرة بس المهم انك تكوني زينة 

ابتسمت فاطمة وهمت بوضع قطعة ثلج اخرى 

فقال راضي مداعبا اياها 

ياااه اني اسعد واحد في الدنيا النهاردة علشان حبيبتي وضي عيني قريبة مني بالشكل ديه يااله هعوز ايه من الدنيا اكتر من اكده 

ارتبكت فاطمة وهمت لتغادر وهي تقول 

اا كفايا اكده دلوك او كمل انت لو حبيت التلج عنديك اها 

ليهتف راضيى

لاه لاه لسه الألم مراحش اهون عليكي تسيبيني اكده يا فاطمة 

فاطمة بحرج 

بس اني يدي بدأت توجعني من الوقفة اكده 

راضي بحب 

سلامة يدك وقلبك كماني يا قلب راضي.. تعالي اقعدي چاري اهنه كيف ما بدك 

ارتبكت فاطمة اكتر وقالت 

لاه لاه خلاص هخليني واقفة اكده افضل

راضي 

انتي حرة اني كنت عايز راحتك يا جميل انت.. اديكي زي البلسم عتداوي چرحي طوالي يا سلام يا ناااس

لتهتف هي بتبرم مصطنع 

ممكن تبطل بقا كلامك ديه 

راضي 

ايه ماله كلامي مش بعبر ليكي عن اللي عحس بيه 

فاطمة بابتسامة تحاول اخفاءها

 لاه اسكت معايزاشي اسمع اي صوت أني امصدعة لحالي 

راضي

سلامتك من الصداع تحبي اندلى عل. الصيديلة حالا أچيبلك مسكن 

فاطمة

 لاه لاه اسكت انت بس واني هكون زينة 

راضي

 وماله هعمل اللي يريحك المهم راحتك يا جميل انت يا حلو 

❈-❈-❈

رآه يهبط الدرج فاسرع نحوه وقال 

حمزة انت رايح القاهرة لنادين مش أكده 

ليهتف حمزة بصرامة 

ايوة عايز ايه يعني ملكش صالح وخليك في مهامك اللي كلفتك بيها معايزشي اي تقصير والا عقابي هيكون شديد 

عز بجدية

أني چاي معاك مينفعش افوت نادين في وقت زي ديه من غير ما اكون وياها 

حمزة

كلام ايه العبيط ديه مالك انت بيها من اصله، اسمع يا عز متخلنيش أقلب عليك انت فاهم.. أني رايح أني ومرتي  نتفسحلنا يومين هتفضل انت اهنه تاخد بالك من الارض ومن الدار ومن عيالي كماني وتكون ليهم الأب لحد ما ارچع ومعايزشي أي اعتراض ولو فكرت انك تخالف اوامري يا ويلك مني يا عز النوبادي 

ليهتف عز بانزعاج 

انتوا بتعملوا فيا اكده ليه يا عالم هو اني اچرمت ولا أچرمت هو الحب حرام.. ارحموني

حمزة

ارحمنا انت من طيشك ديه.. قلنا ان شاء الله تبقى من نصيبك بس اصبر يا تور اصبر .. اديها فرصة تفوق لحالها وتكمل علاجها وترچع كيف ما كانت هتفهم ولا هنفضل نفهم فيك كتير اني مليش خلق ليك 

تنهد عز بقلة حيلة 

ماشي يا حمزة اديني صابر لما نشوف اخرتها معاكم ايه 

وبعد عدة أشهر قضتهم نادين في استكمال رحلة علاجها حان وقت عملية اعادة البناء التي كان من المقرر اجراءها ف ذلك التوقيت... سافرت مع عائلتها للخارج لأجراءها وبعد عدة أسابيع عادت لتكمل فترة النقاهة في بلدها 

في ذلك التوقيت كان موعد اختبارات اخر العام بالنسبة لفاطمة وعز.. لكن عز رفض دخول الامتحانات هذه السنة طالما نادين لم تستطع حضورها 

اما فاطمة فكانت تستعد للمغادرة كي تسافر للقاهرة 

ليهتف راضي 

استنى يا فاطمة انتي مش هتروحي لحالك اكده 

فاطمة 

اني هروح مع اخوي عز يا راضي وهنقعد في الشقة بتاعتها هناك 

راضي 

لاه الكلام ديه قبل سابق قبل ما تبقي على زمتي لكن دلوك لاه مرتي مهتسافرشي وتروح اخر العالم واني قاعد اهنه لحالي 

فاطمة

 ايوة يعني انت عايز ايه دلوك 

راضي

اني هاچي امعاكم ورچلي على رچلك فين ما تروحي 

فاطمة 

بس اني وراي امتحانات منيش رايحة العب وكمان هتاجي معانا اكده!!!

انزعج راضي من كلمتها وأخذها بحساسية أثرت في نفسها ولم يستطع اخفاءها 

فقال بقلب منكسر 

ايوة صوح امعاكي حق أني هاچي معاكي اكده كيف بالچلابية داي .. مهياش قد المقام ومتشفركشي هناك.. ايوة صوح أني نسيت معلهش حقك عليا عندي داي النوبادي... اسمعي يا بت الناس اني وعدتك اني اسرحك بعد شهرين علشان تشوفي حال سبيلك وتدوري ع سعادتك لكن الشهر بقوا ٣ ويمكن چه الأوان اني اعمل ديه .. أني طلعت فعلا منيش امناسب ليكي ومشفركيش اسمعي يا بنت الناس انتي.اااا 

هتفت فاطمة مسرعا وهو تقول 

لاه يا راضي متقولهاش 

راضي بحزن

اني وعدتك ووعد الحر دين عليه ايه اللي يجبرك تعيشي مع واحد غصب عنيكي 

فاطمة بحرج 

بس اني معايشاش معاك غصب عني يا راضي ولا مجبرة على اكده 

راضي بعدم فهم 

قصدك ايه مش ديه كان كلامك قبل سابق يا بت الناس واني وعدتك

فاطمة بابتسامة

اديك قلتها قبل سابق يا راضي واحنا اولاد النهاردة 

راضي مدعي العبط 

يعني ايه مفاهمشي بردك 

 كشرت فاطمة وهتفت بتبرم 

ايه اللي مهواش مفهوم في كلامي 

هنا اتسعت ابتسامة راضي وهتف بفرحة 

لاه قولي ان اللي فهمته ديه صوح قولي انك معيزاشي تطلقي وعايزة تفضلي معاي اهنه وعلى زمتي 

هزت فاطمة راسها بحرج 

ليمسك راضي يدها ويقول بفرحة 

احلفي بالله العظيم اكده انك هتتكلمي چد يا فاطمة ..

اخفضت فاطمة راسها وقالت بحرج 

وبعدهالك يا راضي همل يدي أني وراي سفر مفاضياشي 

ليهتف راضي وهو يقبل يدها بحب 

لاااه سفر ايه وبتاع ايه دلوك استنى اني عايز افهم منيح معنى كلامك ديه 

فاطمة 

واه مهواش وقته دلوك لما اخلص امتحاناتي واعدي السنة اللي مرادياش تخلص داي على خير 

ابتسم راضي وقال

وماله صبرنا كتير ما بقي الا القليل خلصي امتحاناتك براحتك وافضيلي اني وبس 

ابتسمت فاطمة وقالت 

ادعيلي يا راضي اني خايفة من الامتحانات اوي 

راضي 

واه تخافي دا ايه انتي قدها وقدود مرتي ست البنات هتقدر ع امتحانات بسيطة بعون الله وبكل سهولة ربنا يوفقك يا حبيبتي وييسرلك طريقك 

فاطمة 

تحب تاچي امعاي يا راضي!! 

راضي بحساسية 

لاه خليني أهنع اخد بالي من الارض واا

لتهتف فاطمة 

هتسيب مرتك تسافر لحالها 

راضي

 كان على عيني بس ااا 

فاطمة

 بس ايه على فكرة كلامك اللي قلته قبل سابق مهواش مظبوط اي واحدة تفخر انك چوزها يا راضي كفاية رجولتك وشهامتك واخلاقك اللي شوفتهم وعاشرتهم امنيح 

راضي 

يعني مهتستعريش من چوزك اللي لابس چلابية يا فاطمة 

فاطمة 

قلتلك انت فخري وتاچ راسي يا راضي، بس الچلابية داي لاه انت هتندلى مصر معاي بقميص ومنطلون كيف عز خوي وحمزة 

كشر راضي بوجهه 

ايه لاااه أني عمري ما لبست ديه ولا اعرفش البسهم واصل ومهتخلاش عن توبي بتاتا 

فاطمة بهدوء 

محدش قالك تتخلى لكن لكن مقام مقال، وانت لو عملت اكده مش معناها انك هتتخلى عن توبك .. عندك اخواتي اهم خير دليل 

راضي 

لاه اني منيش زي اخواتك لاه مهقدرش اعملها 

فاطمة

 طيب انت حر اللي يريحك اني كنت اشتريت ليك طقم هدية وكان غرضي تسافر معاي بيه لكن طالما انت ميرايدشي فبراحتك منيش هغصب عليك 

راضي 

يعني انتي هترضي اسافر معاكي بالچلابية يا فاطمة 

فاطمة 

طالما انت هتكون مرتاح أكده اني مفيش عندي مانع 

ابتسم راضي وأخذها بين يديه وفي احضانه ولأول مرة 

يخربيتك هحبك اكتر من حبي ليكي ديه كيف 

لتهتف فاطمة بحرج 

واه يا راضي هملني انت كيف تعمل اكده 

ليهتف راضي بحب 

هو اني لسه عملت حاچة صبرك عليا تخلصي الامتحانات بس يا روح الروح انتي ... هروح اغير خلجاتي واستعد علشان أچي امعاكي 

فاطمة ماشي اني بانتظارك 

وبعد برهة وجدته يخرج من الغرفة فنهضت من مكانها وهي تشهق بصدمة

واه انت بجد ولا بحق وحقيقي اني ممصدقاش نفسي 

راضي بحرج 

عارف انه عفش علي كانت شورة مش ولا بد هروح اغيرهم حالا 

امسكته فاطمة من يده وقالت بفرحة 

لاه مش ولابد ايه، ديه فظيعة عليك.. بجد انت راضي اللي كنت واقف معاي من شوية!! 

راضي بانزعاج 

لاه خياله بعدي يا بت خليني اغير المسخرة داي 

فاطمة 

لاه وكتاب الله ما هتغيرهم دول هياكلوا منيك حتة ... ولايقين عليك جوي كانهم متفصلين عليك بالملي.. كنت مخبي الحلاوة داي كلياتها فين.. ولا اقولك لاه روح غيرهم اكده بنات البندر هتتهبل عليك وممكن تاخدك مني 

ابتسم راضي

للدرجة داي ولا هتجامليني يا بنت الناس

فاطمة

لا والله العظيم البنطلون والقميص عاملين منيك كاريزما اكده تاخد العقل 

راضي بحب 

واني منيش عايز اخد عقل واحدة غيرك يا حبيبتي اني عملت أكده علشانك انتي وبس ومستعد اعمل اي حاچة علشان تكوني مبسوطة وسعيدة 

فاطمة بفرحة 

ربنا يخليك ليا يا راضي

❈-❈-❈

كانت في غرفتها تتصفح هاتفها بملل اشتاقت إليه ولم تره منذ شهور عديدة ظنت انه سيحاول ان يراها ولو من بعيد لكنه لم يفعل وها هي قد انهت إجراء عملتيها وعادت للقاهرة لكنه لم يظهر قط 

فتنهدت باسى وهي تحاول أن تسترجع شريط حياتها كلها معه 

لتسمع صوت ما يقول 

وحشتيني 

لتهتف هي دون وعي 

وانت كمان وحشتني اوي 

وبعدها شهقت بصدمة وهي ترمش عدة مرات 

ااا عز انت هنا قدامي بجد 

اقترب منها عز وقال باشتياق بالغ 

وحشتيني اوي اوي متعرفيش الشهور اللي فاتت دي عدت عليا ازاي وحشتيني يا حب عمري وحشتيني اوي 

قالها وهو يعانقها باشتياق ولوعة 

ياااه واخيرا يا نادين واخيرا صبرت ونولت اخيررررا 

انصعقت نادين من فعلته وحاولت أبعاده عنها بكل قوتها وبالرغم من اشتياقها لقربه 

عز انت اتجننت انت بتعمل ايه ابعد ارجوك اللي بتعمله دا ميصحش وحرام وانا مش هسمحلك تعمل دا تحت اي مسمى انت عايز تغير نظرتي ليك ولا ايه 

هتف عز بمكر وهو يجلس جوارها على سريرها التي ترقد عليه بالمشفى 

ايه بس عملت ايه واحشاني مش هقدر ابعد عنك تاني 

هزت نادين رأسها برفض 

لا يا عز انا مصبرتش كل دا ومحاربتش المرض علشان اجي في الاخر واعصي ربنا لأ والف لأ من فضلك ابعد واخرج برا لانك لو كررتها تاني يبقى كل واحد فينا من طريق انا اسفة انا مش هسمح بدا أبدا اتفضل اطلع براا 

ليهتف عز باسما 

هي دي حبيبة قلبي وعسلي الحلو اللي قلبي اختاره من بين ملاين الانواع من العسل لانه نوع فريد مفيش زيه أبدا يااااه يا عسل انا من فرحتي بيكي مش عارف اقولك ايه 

نادين بصرامة 

بردو يا عز انت مصر تخسرني من فضلك اطلع برا 

عز بمشاكسة 

لا مش طالع وكمان انا داخل هنا بشهادة الكل الكل عارف اني معاكي هنا لوحدنا وهما اللي قافلين الباب كمان ها ايه رايك 

رمشت نادين بعدم فهم 

يعني ايه انا مش فاهمة حاجة 

عز 

يعني انتي دلوقتي مدام عز البكري يا عسلي انتي،.. المأذون حتى لسه برا ممشاش بيشرب الشربات مع الرجالة الف الف مبروووك يا قلب عز وضي عينه من جوة 

نادين بعدم استيعاب للآن 

عز انت بتتكلم جد انا اا انا مش ااا 

امسك عز بيدها 

جد الجد يا روح قلب عز اخيرا ربنا جمعنا سوا يا نادين.. ايه مش مصدقة ليه، ربنا عارف ومطلع ان حبنا صادق وعفيف فيسرلنا كل السبل علشان يجمعنا والحمد لله دا حصل... موافقة بيا يا روح قلبي ولا لا اصل لو مش موافقة هتوافقي غصب واقتدار بردو مفيش مهرب زي كل مرة ها 

ابتسمت نادين وهتفت بفرحة 

انا مش مصدقة نفسي انا في حلم ولا حقيقة 

هنا انحنى عز بجسده للأمام نحوها ليحملها بين يديه وهو يقول 

حقيقة يا عسلي حقيقة وهتروحي حالا على عش الزوجية اللي كنت بحضره ليكي طول الفترة اللي فاتت يارب يعجبك زوقي ولو معجبكيش ابقي غيريه بعد كدا براحتك 

نادين بحرج 

عز انت بتعمل ايه نزلني 

عز وهو ينظر لأعينها 

ابدا مش هتنزلي الا في بيتك يا احلى وارق عروسة ... 

❈-❈-❈

وجدها تهم بالغادرة عائدة لبيتها فاستوقفها قائلا بغضب 

سمر ممكن افهم يعني ايه الكلام اللي سمعته دا 

سمر بهدوء

 اهلا يا نبيل ازيك... كلام ايه مش فاهمة 

نبيل بحنق 

انتي اتخطبتي يا سمر فعلا لا وكمان فرحك كمان ايام انتي بتستهبلي مش كدا 

سمر 

لا يا نبيل مش بستهبل اه فعلا اتخطبت ومعلش مدعتش حد لاني مكانش ينفع اعمل حفلة ونادين تعبانة فعملتها ع الضيق واه فرحي كمان كم يوم عقبالك 

نبيل بحنق 

ازاي دا وازاي توافقي كدا طب وانا .. انا كنت عايز اتقدملك يا سمر 

سمر بهدوء فهي رضيت بنصيبها فأحمد صديق عز انسان حسن الخلق وقد استخارت ربها فارتاحت لخطبته واطمئن قلبها له 

كل شىء قسمة ونصيب يا نبيل ربنا يرزقك ببنت الحلال اللي تسعدك عن اذنك علشان احمد جاي كمان شوية علشان عندنا مشوار مهم 

وقف نبيل مشدوها مما يسمع يتابع طيفها الذي رحل منذ مدة ليسمعها تقول

الظاهر اننا مكتوبين لبعض ومهما كان ملناش غير بعض يا نبيل 

الفت بجسده نحوها وطالعها بحنق وهو يقول 

لأ يا بسمة قولتهالك قبل كدا كتير احنا مننفعش بعض ولا عمرنا كنا لايقين لبعض عن اذنك 

قالها وتركها كما يقولون تعود بخفي حنين 

❈-❈-❈

انزلها لداخل شقتها الجديدة وهو يقول بفرحة 

نورتي بيتك يا عروسة ها ايه رايك في الشقة 

كانت تشعر انها بحلم جميل لا تود الاستيقاظ منه 

عز انا بحلم مش كدا 

عز 

اي حلم تتمناه اميرتي هيتحقق بعون الله اطلبي انتي بس واتمني 

نادين بفرحة

 عز انا مبسوطة اوي اوي انا مش مصدقة نفسي 

حملها عز ودار بها بحب

ربنا يعيني واقدر اسعدك كمان وكمان يا عسلي

هنا دق جرس الباب ففتح عز وهو يقول 

تقريبا كدا وصلوا 

نادين بعدم فهم 

هما مين 

عز بمكر معلش هياخدوكي كم ساعة كدا مني وهترجعيلي تاني 

نادين 

عز هما مين انا مش فاهمة حاجة

عز بابتسامة 

استحالة طبعا اضيع الفرصة اللي بتحلم بيها كل بنت من ايدك .. البنات من البيوتي سنتر هيساعدوكي في لبس فستان الفرح علشان تحضري فرحك يا عروسة المعازيم والأهل والاحباب كلهم في انتظار عروستنا الجميلة وهي بتطل بالأبيض 

اتسعت ابتسامة نادين وهتفت بفرحة 

عز انت عملت كل دا امتا وازاي

عز بهيام 

عملته علشان حبيبتي ومستعد اعمل كل حاجة ممكن تتخيليها بس اشوفك سعيدة ومبسوطة بحبك يا عسلي ....

تمت 

إلى حين نشر الرواية الجديدة للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة