قراءة رواية بقايا لؤلؤة كاملة

تنشر حصريًا على مدونة رواية وحكاية قبل أي منصة أخرى

رواية بقايا لؤلؤة

 رواية جديدة قيد النشر

من قصص و روايات 

الكاتبة حليمة عدادي

الفصل الأول

تم النشر يوم السبت

8/6/2024

الحياة ليست وردية لن تأخذ كل ما تريد لا تعطيك كل ما تحب 

لا احد يستطيع ان يختار كيف تكون حياته سواء كانت جميله او حزينة كل شيء مقدر من عند الله 

في إحدى الشوارع ، ركضت بكل قوتها وهي تلهث، رغبتها الوحيدة كانت الهروب. انقطعت أنفاسها من شدة الركض، لم تكن تعلم كم من الوقت قد مر وهي تركض. 

وبكت حتى اصبحت لا تبصر شيء، فلم تلاحظ السيارة القادمة نحوها قبل أن تستوعب ما يحدث، فصدمتها السيارة بقوة وسقطت على الأرض. 

 نزل صاحب السيارة يركض بقلق نحوها، اقترب وتنهد بأريحية عندما اكتشف أنها ليس بها أي شيء. 

-إنتي كويسه يابنتي حصلك حاجة ..

صاحت بين دموعها قائلة:

- رجلي مش قادره أقف عليها إعمل حاجة أرجوك ..  

-قومي معايا يابنتي أنا هاخذ على بيتي وهطلبلك الدكتور يجي يشوفك ..

تنبعث من جسدها ردود فعل الخوف وحاولت الوقوف:

-لا لا مش عايزه خلاص أنا بقيت كويسه روح إنت ..

هتف الرجل بطيبه قائلاً:

 -ماتخافيش يابنتي أنا مش هعملك حاجة إطمني أنا راشد وساكن قريب من هنا أنا عايش مع مراتي وولادي ..

عندما لامست الصدق في كلماته، نظرت إليه بقلق، وعلى الرغم من ذلك، لم تكن لديها سوى خيار الذهاب معه

ركبت معه في سيارته وانطلقا بها إلى منزله، 

❈-❈-❈

بعد مدة صول نزل من السيارة ووقفها، ثم دخلا البيت و جد زوجته أمامه؛فهي تنتظره عندما يتأخر عن موعد العودت

-نادية تعالي ساعديني ندخلها جوا وكلمي الدكتور يجي بسرعة ..

بصدمة نظرت زوجته إليه وقالت: 

-عملتها بعد العمر دا كله ياراشد و اتجوزت عليا حرام عليك أنا قصرت معاك في إيه علشان تروح وتتجوز عليا ..

-صبرني يارب كلمي الدكتور بسرعه البنت بتموت من الألم ..

اندفعت نادية باتجاه الفتاة بغضب، لكن أبنائها منعوها. 

-بصوا أبوكم اتجوز عليا وكمان جايبها البيت معاه ..  

-اهدي ياماما خلينا نفهم منه الأول مين البنت دي .. 

-أكيد مراته ..

حمزة : 

-كفاية إيه اللي بيحصل هنا مين البنت دي يابابا ..

-حمزة كلم الدكتور الأول وبعد كدا هشرحلكم كل حاجة تعالي يابنتي إقعدي هنا ..

هتف "جاد" بمزاح قائلا: 

-راحت عليكي ياماما الحج عملها واتجوز وضيع حب السنين .. 

-إسكت إنت ماتخلينيش أطلعهم عليك ..

بعد مدة وصل الدكتور فحصها ونظف الجرح الذي كان في قدمها اقترب منه راشد و قال:

-ها يادكتور طمني ..

- هي كويسه الحمدلله مافيش أي كسر مجرد جرح بسيط وأنا نظفته ..

هتف بغمزه : 

-شوفتي ملهوف وخايف عليها إزاي وربنا إنه عملها أنا عارفه ..

راشد خرج مع دكتور وبعد دقائق رجع 

-أنا عايزه أروح يا عمو متشكرة أوي أنا بقيت كويسه ..

جاد : الحقي ياندوش إنتي سمعتي اللي أنا سمعته دي بتقولوا ياعمو ..

حمزة بحده : جاد اخرس ولا أنا هعرف أسكتك إزاي ..

جاد : أهو سكتنا .. 

نادية بنفاذ صبر هتفت قائلة:

-مين البنت دي يا راشد اتكلم .. 

-أنا مش عارفها مين .. 

حدقوا ببعض و هتفوا بصوت واحد :

-متعرفهاش إزاي ..

-وانا راجع البيت خبطتها بالعربية عورتها وجبتها معايا البيت وإنتي بقى ياهانم مش واثقه فيا ولا إيه ..

هتف ابنه جاد قائلا:

-اهدى ياحج هي بس بتغير على ممتلكاتها الخاصة .. 

راشد بغيظ : ممتلكات إيه يازفت إنت .. 

قهقها جاد و هتف قائلا:

-إنت يا أبويا .. 

-حسابي معاك بعدين بصي يابنتي خليكي معانا هنا لحد ماتتحسني إنتي إسمك إيه .. 

-أنا إسمي لؤلؤة .. 

اقترب منها جاد بمرح و قال:

-إسم على مسمى لؤلؤة وأنا جاد ..

مدلها يده ليصافحها حدقت فيه بخوف 

راشد : جاد إبعد إيدك إنتي كنتي بتهربي من إيه يابنتي ..

سالت دموعها على وجنتيها و هتفت ببكاء قائلة:

-كنت بهرب من جوز أمي .. 

نادية اقتربت منها و ربتت على يدها بحنان و قالت:

-بس ياروحي اهدي عملك إيه.

انهمرت الدموع بغزارة عندما تذكرت ما حدث لها، وانهارت تماماً واندلعت في نوبة هستيرية من الصراخ. 

-إبعد عني هو هو السبب ماتقربش مني لالا ..

اقتربت منها نادية وعانقتها، حاولت تهدئتها. 

-مش أنا افتحوا الباب دا .. 

نادية : اهدي يابنتي إنتي هنا بأمان إنتي معانا .. 

راشد بشفقه : اهدي يابنتي إحنا معاك محدش هيقدر يقربلك .. 

زادت شدة بكائها وهي ترتجف:

-هو هيجي وهيلاقيني علشان خاطري خبوني منهم .. 

-ماتخافيش ياحبيبتي طول ما إنتي معانا مافيش حد هيقرب منك ..

-أنا عايزة أمشي من هنا هو جاي هنا.

فجأة تراجعت للوراء، وجسدها انتفض بالذعر، وانهمرت الدموع بغزارة من عينيها، وهتفت بصوتٍ مخنوق:

-ليكون هو اللي باعتكم أرجوكم سيبوني أروح بصوا على إيدي أنا جسمي كله ضرب مابقتش قادره أستحمل ..

ألمت قلوبهم حزنا عليها، فأبدى هتف حمزة وهو يهمس بتهدئة قلبها قائلاً: 

-ماحدش بعتنا ولا حد يقدر يقرب منك ماشي وإحنا مش بنعرفه ..

-هو لو دفعلكم فلوس هتخلوه ياخذني صح .. 

صاح راشد بابتسامة و قال:

-إحنا مش بنسيب حد محتاج المساعده إنتي هتفضلي معانا هنا ومش هنخليه يقرب منك نادية دخليها ترتاح في أوضة نور ..

نادية : قومي معايا ياحبيبتي علشان ترتاحي ولما تجي نور بنتي هبقى أعرفك عليها ..

أمسكت يدها وساعدتها على السير نحو إحدى الغرف، تنهد راشد بحزن وقال:  

 -لا حوله ولا قوة إلا بالله البنت مرعوبه ربنا يعلم عمل فيها إيه الحيوان دا ..

هتف جاد بتساؤل قائلا:

-هتعمل يه يابابا لو جوز أمها عرف مكانها ..

تحدث حمزة بشرود قائلا :

-مايمكن تكون بتمثل علينا ويكون وراها مصيبة وجايه تستخبى عندنا ..

راشد : حمزة إنت مش شايف حالتها البنت باين إنها غلبانه والدنيا جايه عليها ..

غادرت نادية الغرفة وتركت لؤلؤة تستريح، تنهدت نادية وتساقطت دمعة من عينها. 

جاد : فيكي إيه ياماما إنتي كويسه .. 

تنهدت نادية و قالت:

-أنا مش عارفه البنت دي كانت مستحمله اللي بيحصل فيها دا إزاي ياراشد جمسها كله جروح متخيطه شكلها بقى مرعب دول كانوا بيعذبوها مش عارفه أمها دي نوعها إيه من بين الأمهات ..

هتف جاد بجدية قائلا:

-بابا إنت لازم تبلغ البوليس دول مش بني آدمين إزاي جالهم قلب يأذوا طفلة دي لسه صغيره ..

راشد : أنا هدور وراهم وأشوف مين الحيوان دا .

❈-❈-❈

في إحدى المنازل، كان يُحطم كل شيء أمامه :

-فين البنت يازفته أنا قلتلك خلي بالك منها وأوعي تهرب

نظرت اليه زوجته بعضب و قالت:

-مافي ستين داهية أعمل بيها إيه من يوم موت أبوها وهي قرفاني إنت عايز منها إيه يامجد إنت عذبتها مش عارف عايز منها إيه ثاني .. 

-عايز اتجوزها لؤلؤة بتاعتي أنا وبس هي أكيد مابعدتش أنا هرجعها ..

وقفت بغضب و هتفت قائلة:

-نعم يا أخويا عايز تتجوز عليا ومين بنت جوزي دا في أحلامك فكر تعملها وأنا هخليك تتعفن في السجن ..

مسكها من. خصلات شعرها بقوة و قال:

-إنتي عارفه أنا ممكن أعمل فيكي إيه فخليك في حالك و لؤلؤة أنا هرجعها غصب عنها ..

ابتعدت عنه بغضب و قالت:

-زمانها وصلت عند البوليس شوية وتلاقي البوليس داخل علينا جهز نفسك ..

-أنا لازم أمشي من هنا وأختفي فترة بس لو حاولتي تعملي حاجة كدا أو كدا لما أرجع هندمك ..

 -روح في ستين داهيه إن شاءالله ماترجع ..

مجد خرج و نجمة مسكت سيجارة بغضب من لؤلؤ

❈-❈-❈

في منزل راشد، جلست نادية مع ابنتها وسردت لها كل تفاصيل قصة :

-دول مش بني آدمين قلبي وجعني عليها أوي .. 

دخل جاد، وجدهم يَُتحدون، فصاح هتفاً قائلاً: 

-بتتكلموا في إيه من غيري ..

اجابته نور قائلة: 

-مابنتكلمش عليك خليك في حالك أومال فين أبيه حمزة ..

-حمزة في أوضته لسه راجع من الشغل شوية ويخرج يتعشى معانا .. 

نادية : تعالي ساعديني يانور وبعدين روحي صحي لؤلؤه علشان تيجي تاكل لقمة ياعيني من ساعة ماجت وهي بتعيط .. 

نور : حاضر ياماما ..

عند حمزة خرج من غرفته سمع صوت بكاء يأتي من احدى الغرف اقترب منه سمع صوت صراخ مكتوم فتح الباب رأى لؤلؤة تضع يدها و صوت شهقاتها يعلوا فتح الباب و دخل بهدوء حتى وصل جانبه و هتف قائلا:

حمزة : اهدي اهدي مافيش حاجه بتعيطي ليه .. 

نظرت له بذعر و تراجعت الى الخلف و قال بصوت ضعيف:

-إبعد عني إبعد أنا بكرهك ..

حمزة اقترب منها و مسك يدها يحاول تهدأتها و عندما رأى حالته جذبها الى حضنه يحاول بشتى الطرق تهدأتها:

حمزة : مافيش حد هيقدر يقرب منك أنا هنا ماشي ..

هتفت ببكاء يمزق القلب قائلة:

 -هو كان هنا وهددني إنه هيقتلني

رد حمزة بكلماته يحاول طمئنتها قائلا؛

-دا مجرد كابوس مافيش حاجه ..

ولجت نور الى الفرفة عندما ابصرت باب الغرفة مفتوح و هتفت قائلة:

-هي مالها يا أبيه إنت عملت فيها إيه إبعد عنها .. 

ابتعد عنها و وقف بتوتر و قال:

 -أنا لقتها منهارة وحالتها صعبه حاولت اهديها ..

نور اقتربت منها بهدوء مسحت على شعرها بحنان و هتفت بمرح قائلة:

-نسيت أعرفك بنفسي أنا فرفوشة العيلة إسمي نور أنا أخت الجدع دا وفي واحد ثاني أهبل ..

لؤلؤة هدأت قليلا عندما رأت و هتفت بهمس قائلة:

-إسمك جميل أوي وأنا لؤلؤة ..

-طب يا لؤلؤة إنتي خايفة ليه متخافيش قومي معايا ندوش طبخالنا أكل يجنن ..

هتفت لؤلؤة بحزن قائلة:

-مش عايزه أكل أنا مش جعانه ..

اقتربت نور من شقيقها و صاحت قائلة:

-إبعد إنت كدا شوية يا أبيه إنت لازق فيها كدا ليه قوم خليني اتكلم مع البنت ..

-طب أنا خارج ما تتأخرو زمان ماما حضرت السفرة .. 

حمزة تحرك لكي يخرج و شعر بيد لؤلؤة مسكت يده بقوة و هتفت بذعر قائلة:

-إنت رايح فين هو هيجي خذني معاك مش عايزه أبقى لوحدي ..

-ماتخافيش إنتي مع نور وإحنا موجودين بره طب تعالي معايا يلا يانور ..

نور بإبتسامة :- يلا ياسكره ..

نور مسكت يدها وخرجوا كانت نادية انتهت من تحضير المائدة

نور بهزار : جاد الأهبل فين مش متعوده إنه يختفي في ميعاد الأكل .. 

جاء جاد من وراها مسكها من يدها و قال:

-أنا هنا يا أم لسان طويل بصي على البنت و اتعلمي إزاي تحترمي اخوكي ..

نور بمرح : -أخويا وملكش دعوة أعمل فيه اللي أنا عايزاه ..

جاد : هبلة ..

نور بحزن :

-أنا هبله بابا شوف إبنك بيتعامل معايا إزاي .. 

راشد : جاد إبعد عن بنتي العسل لو زعلتها أنا هزعلك أوي مافيش حد يقول كلمة لأميرة أبوها .. 

هتف حمزة قائلا:

- يلا ياجماعة الأكل هيبرد كفاية رغي ..

لؤلؤة لما رأت حنية راشد على بنته تذكرت حياتها والدتها ماتت يوم ولادتها و زوجة أبيها هي اللي ربتها اعتبرتها أم لها و لكن بعد موت والدها ظهر شرها 

حمزة كان ينظر لها بحزن 

-مالك يا آنسة لؤلؤة في حد مزعلك ..

-لالا بس افتكرت بابا الله يرحمه ..

حمزة : الله يرحمه يلا كلي .. 

بعد مدة ،انتهو. من الطعام جلسوا يتحدثون 

راشد : لؤلؤة يابنتي قوليلي جوز أمك كان بيعذبك ليه طب أمك فين ..

لؤلؤة مجرد ما ذكر اسم جوز والدتها ارتعبت ودموعها ذرفت من عيناها 

- دي مش ماما لما ماما ماتت هي اللي ربتني كانت بتعاملني كويس لكن بعد موت بابا وبعدما اتجوزت من واحد ثاني اتغيرت بقت واحدة ثانية ..

راشد : طب هو بيعمل معاك كدا ليه عايز منك إيه .. 

لؤلؤة دموعها نزلت بغزارة و ظهر الألم على معالم وجهها

- ياريته كان قتلني وماعملش فيا اللي عمله أنا بكرهه وبكره كل حاجة هو دمرني كنت بشتغل وهو بياخذ الفلوس مني واليوم اللي مش بشتغل فيه بشوف منه من العذاب ألوان ..

هتفت نادية بحزن قائلة:

- وتموتي ليه يابنتي ربنا كريم كل الجروح اللي في جسمك دي هتخف أنا هخذك عند الدكتور وهيعالج كل الجروح دي ..

لؤلؤة بإنهيار و هستيريا : 

-جروح جسمي هتخف بس جروح روحي لا هو قت*لها بالبطئ هو ماضربنيش وبس هو هو إغتص•بني دا ضيعني وضيع حياتي كلها ..

الكلمة دي وقعت عليهم مثل الصاعقة حمزة قام خرج وجاد خرج وراه 

راشد : ناديه دخليها جوا علشان ترتاح وشوفيلها دكتوره البنت حالتها وحشه وأنا هدور ورى الح*يوان دا .. 

نور و ناديه خذوا لؤلؤة وحاولوا تهدأتها  

❈-❈-❈

الأيام تمر لؤلؤة لازالت خايفه لكن وجودها معاهم يطمئنها قليلا دخلت نور تبحث عن والدتها وجدتها مع لؤلؤة 

نور : ماما ياندوش إنتي فين قاعده مع القمر ..

نادية : خير أنا عارفه إن ورى ندوش دي مصلحه ..

هتفت نور بمرح قائلة:

-إنتي تعرفي عني كده .. 

نادية : قولي انجزي عايز إيه .. 

جلست جانبه و هتفت قائلة:

 -بصي يا أجمل ندوش أنا عندي طلب صغنن أد كدا أنا عايزه أخرج اتفسح .. 

-قولتي لأبوكي وحمزة إنك عايزه تخرجي ..

-ما أنا جيت علشان أطلب منك تكلميهم ..

-وهتخرجي مع مين ..

-هخرج مع سلمى إنتي عارفه إنها صاحبتي الوحيده ..

دخل حمزة وهما يتحدثون نظر الى شقيقته و قال:

-عايزه تروحي فين يانور ..

 -بص يا أبيه أنا عايزه اخرج اتفسح أنا و سلمى ..

هتف حمزة برفض قائلا:

-مافيش خروج الأيام دي عندك امتحانات ..

-ياماما قولي حاجة هخرج شوية وراجعه مش هتأخر ..

-ياحبيبي خليها تخرج تشم شوية هواء ..

-وأنا قلت ممنوع ومش عايز أي كلمة ..

نظرت نادية الى لؤلؤة بحزن و قالت:

-حمزة سيبها تخرج وكمان علشان لؤلؤة تغير جو أحسن من خنقة البيت دي ..

هتف حمزة بتساؤل قائلا:

-لؤلؤة إنتي عايزه تخرجي مع نور .

-أقدر أخرج مش هتتعصبوا ..

نظر لها بابتسامه و قال:

-ماحدش هيتعصب قومي جهزي نفسك واخرجي مع نور ..

-يلا يا لؤلؤة غيري هدومك بسرعة .. 

لؤلؤة ولجت الى عرفتها بينما نور نظرت الى شقيقها و قالت :

-البركة في ست لؤلؤة هي اللي خلتك توافق ..

-هتسكتي ولا أغير رأي ومافيش خروج ..

- حاضر يا أبيه أي أوامر تانيه ..

- خلي بالك منها هي متعرفش المكان كويس وماتتأخروش ..

دخل جاد من الخارج و قال:

-مين دي اللي تخلي بالها منها .. 

-لؤلؤة خارجه معايا ..

خرجت لؤلؤة بخجل و هي تحني رأسها نظر لها جاد بإعجاب : 

-أوبا إيه القمر ده لا دي كدا هتتخطف منك يانور ..

-بس ياجاد اسكت البنت مكسوفه يلا يانور ..

نور مسكت ايد لؤلؤة وخرجوا 

جاد بهزار : 

-أنا عايز اتجوز ياست الكل ومستني موفقتك ..

،-لاقي العروسه الأول وبعدها نفكر نجوزها لك .. 

العروسه موجودة معانا في البيت هنا زي القمر ياماما جوزيها لي .. 

-هههه تقصد لؤلؤة يا أهبل .. 

 -ماشي أنا هعدي أهبل علشان عيون لؤلؤة ..

حمزة بغضب صاح قائلا؛

-جاد إيه اللي إنت بتقوله دا إبعد عن البنت أحسلك دي مش من زي الأشكال اللي إنت تعرفهم .. 

- أنا قلت إيه خلاك تتعصب أنا عايز اتجوز ..

هتف حمزة بصوت عالي:

-جاااااد أظن إنت سمعت أنا قلت إيه إبعد عن البنت دي مش عايزين مشاكل .. 

حمزة انهى كلمات و خرج مسرعا

جاد نظر لأمه : 

-حمزة ماله إيه اللي حصل علشان يتعصب بالشكل دا ..

-معرفش بس حاسه إن في حاجه متغيرة في اخوك الأيام دي ..

- تصرفاته بقت غريبة أوي ..

عند نور و لؤلؤة عرفتها على سلمى و مر وقت جميل مع بعضهم لؤلؤة كانت سعيدة لأنها أول مرة تشعر إنها من حقها إنها تعيش حياة طبيعية

وهما يسيرون فى الطريق هم وقف رجل أمامهم 

نور : إنت مين وقاطع طريقنا ليه .. 

لؤلؤة ببكاء و ذعر عندما رأته :

- دا دا هو هو ..

و قبل ان تصرخ رش عليهم شيء ما كان بيده فقدوا الوعي وهو حمل لؤلؤة على الارض 

❈-❈-❈

مرة الساعات والوقت تأخر جلس خمزة بقلق 

-ماما هي نور لسه ماجتش لحد دلوقتي ..

نادية بقلق : -لسه يابني دول إتأخروا أوي أنا قلبي مقبوض .. 

هتف جاد قائلا:

-ممكن تهدوا شوية مايمكن يكونوا جايين في الطريق كلم نور شوف هما فين واتأخروا ليه ..

حمزة اتصل على هاتف نور الخط فتح ورد عليه صوت عريب 

-إنت مين وتلفون أختي بيعمل معاك إيه .

رد الطرف الاخر قائلا:

-صاحبة التلفون دا موجودة في المستشفى دلوقتي العنوان(::::::) تعالى بسرعه ..

حمزة بخوف : 

-إيه مستشفى تمام مسافة السكة وأكون عندك ..

نادية بخوف : 

-في إيه يابني أختك مالها ..

-معرفش بيقول إن نور في المستشفى يلا بسرعه ..

-بنتي يارب احفظها يلا بينا بسرعه ..

❈-❈-❈

وصلوا المستشفى سأل عن نور ثم ركضوا ليطمئنوا عليها 

-بنتي مالها يادكتور حصلها إيه .. 

-هي دلوقتي تحت تأثير المخدر الظاهر إن في حد حاول إنه يخطفها هي شوية وهتفوق .. 

حمزة بحث عن لؤلؤة لكن لم يجدها شعر بالخوف من اجلها بعد مدة استيقظت نور 

-هي لؤلؤة فين يا نور هي كويسه ..

يتبع....

إلى حين نشر الفصل الجديد للكاتبة حليمة عدادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة