نوفيلا رومانسية جديدة أرملة صديقي

تنشر حصريًا على مدونة رواية وحكاية قبل أي منصة أخرى

نوفيلا أرملة صديقي

 نوفيلا جديدة قيد النشر

من قصص و روايات 

الكاتبة أسماء عبد الهادي

الفصل السابع

تم النشر الإثنين

23/12/2024

واثناء ما كانت تاج واقفة تتكلم معاهم 

وقعت مغمى عليها من تاني 

وقضت كم شهر تعبانة يادوب تقوم وتفوق وترجع تتعب تاني 

وكل يوم دكتور طالع ودكتور نازل 

لحد ما اخيرا صحتها استقرت وبدأت تشم نفسها من تاني وتفوق 

اتكلمت حسنة بفرحة 

حمدا لله على سلامتك يا بنتي كدا تقلقينا عليكي يا ضنايا 

تاج 

اسفا يا طنط مش قصدي اني اقلقكم معايا بس حقيقي مش عارفة ايه اللي جرالي قلبي موجوع اوي يا طنط ومش عارفة ليه حاسة ان فيه حاجة كبيرة حصلت بس مش قادرة اعرف ايه هي حاسة ان فيه حاجة جامدة انا ناسياها بسس ايه هي مش فاكرة معقولة يا طنط يكون علي جراله حاجة وانا معرفش وانتوا مخبيين عني 

هنا فاطمة وحسنة بصوا لبعض بأسى فات حوالي اربع شهور ومش فاكرة موت جوزها وقضتهم ما بين تعب واغماء ونسيان 

فكملت تاج كلامها 

انا محتاجة اخرج اشم هوا من فضلك خلي جاسم ابن حضرتك يوافق اني اخرج انا سمعت كلامه بس ووافقت اني مخرجش علشان علي طلب منه حمايتي واكيد خايف عليا وانا مقدرش اكسر كلام لعلي ابدا مش عايزاه يزعل مني 

حسنة 

حاضر يا بنتي هروح له واتكلم معاه واترجاه انك تخرجي عنيا حاضر بس دلوك هتقدري تنزلي تشاركينا الوكل؟؟ 

تاج 

لأ حاسة اني مليش نفس معلش كلوا انتوا بالهنا والعافية وانا لما اجوع هاكل اكيد مش هتكسف خلاص انا بقيت بعتبر البيت دا زي بيتي 

فاطمة

 طيب اني هفضل معاكي اهنه افرض احتاجتي لحاجة 

تاج 

لا لا انزلي اتغدي مع أهلك متقلقيش عليا انا ممكن انام تاني اصلا 

فاطمة بخوف 

لاه بالله عليكي متستسلميش للنوم بكفاياكي عاد

تاج 

خلاص مش هنام هشغل نفسي باي حاجة تانية اوك 

ولما نزلت حسنة وفاطمة وبعد شوية

لقت الباب بيخبط فقالت ادخل 

فاتنحنح جاسم وقال قبل ما يدخل 

طب حطي حاجة ع راسك في الاول علشان ادخل 

فعملت تاج دا 

وقالت وهي مكشرة 

خير جاي ليه 

جاسم ببرود 

جاس اطمن عليكي 

تاج 

لا شكرا انا كويسة يلا اتفضل بقا من غير مطرود 

جاسم 

فيه ايه ليه بتكلميني بعداء أكده وكأني قاتل لك قتيل 

اول ما قال كدا قلب تاج بدأ يدق جامد وكأن فيه حاجة افتكرتها حاولت تعرف ايه هي لكن لسه مقدرتش توصل 

ادرك جاسم الل بيحصلها فحب يغير الموضوع 

اا الحجة حسنة بلغتني انك عايزة تخرجي تشمي هوا .. ايه رايك تنزلي تحت ف جنينة السرايا .. جنينة كبيرة وفيها زرع هتعجبك اوي 

تاج 

لا طبعا جنينة ايه انا عايزة اخرج برا هنا خالص انا مختوقة عايزة اشوف مكان جديد وكمان اتعرف ع البلد هنا معرفهاش 

جاسم طيب ماشي مش هزعلك اتفضلي اجهزي واني مستنيكي تحت 

تاج

نعم لا طبعا انا مش هخرج معاك اخرج معاك انت ليه 

جاسم بصلها بانزعاج

لو مخرجتيش معايا مش هتخرجي قولتلك انا الحارس الشخصي ليكي يعني معاكي مكان ما تروحي 

تاج بقرف 

يوووه مش هعرف اخلص منك بقا .. ليه عملت كدا يا علي انا مش بطيقه 

وبالفعل نزل حاسم تحت وانتظر تاج 

اللي لبست ونزلت ليه وقالت 

يلا يا استاذ انا جاهزة اخلص يلا 

جاسم 

انا منتظرك من بدري ع فكرة يعني مش انا اللي اخلص الكلام دا توجههيه ليكي بقالي ساعتين ملطوع اهنه 

تاج 

الله اعملك ايه بلبس مش ذنبي انك معفن وبتلبس نفس الطقم طول الاسبوع 

جاسم 

ايه انا معفن!! انتي قد كلمتك 

تاج تجاهلته ومشيت قدامه 

يلا بقا انا مش عايزة اتأخر عايزة اخد الفسحة في اليوم من اوله 

اتنهد جاسم بضيق 

ومشي معاها وبدأ يعرفها ع الأماكن ف البلد 

واثناء ما هما ماشيين 

وقفتهم بنت واسمها 

سمارة 

فقالت 

واه جاسم واد عمي الحج احمد كيفك يا واد عمي عامل ايه 

جاسم بانزعاج 

اهلا يا سمارة... الحجة نعيمة امك اكيد منتظراكي في الدار انتي رايحالها مش اكده 

سمارة 

لا ماهو اني غيرت رايي وقررت احود ع خالتي حسنة اسلم عليها ليها وحشة والله وليكم كلياتكم 

جاسم ف نفسه 

ييي مش هنخلص من سماجتها 

وبص لتاج وقالها 

يلا اتحركي وقفتي ليه 

تاج 

الله انت مش بتتكلم مع بنت عمك تبقى قلة زوق مني لو مشيت وسبتها 

جاسم 

يا ستي انا راضي امشي يلا 

سمارة 

جاسم هي داي البنت اللي رايد تتجوزها وتكون مرتك هي داي العروسة اللي قولتلي عليها ؟؟ 

تاج 

نعم اكون مرات مين لا طبعا انا مش هكون مرات حد غير علي وبس 

بصلها جاسم بألم واترحم ع صديقه وقال ف سره 

الله يرحمك يا علي 

سمارة 

فيها ايه داي احسن مني ها كانت طولي داي حتى ازعة مهياش باينة من الارض... تيجي ايه من سماري وحلاوتي ورقتي عجبك فيها ايه داي 

جاسم  ف نفسه 

اه حوشي الرقة اللي بتنقط منك اعوذ بالله 

سمارة 

راجع نفسك يا جاسم تاخد ليه من برات البلد مالهم اهل بلدك وناسك ومن دارك انت هتكون قليل الاصل ولا ايه عايز تاخد من غير توبنا !! 

تاج 

ريحي نفسك انتي بتقولي ايه اصلا انا عمري ما هتجوز جاسم انا لعلي وبس 

سمارة فرحت بكلامها وقال 

بجد والله؟؟ يعني انتي مش جاية تاخدي جاسم مني؟؟ 

تاج 

لا طبعا جاسم دا ايه اللي ابصله اصلا 

جاسم رفع حاجبه 

الله يكرم اصلك يا تاج امشي قدامي بدل ما انفجر ف وشك 

ضحكت تاج 

ههه معلش سوري ع صراحتي انت زعلان ليه الحق عليا اني بطمنها دي خايفة تروح منها 

جاسم 

يا شيخة ان شالله اروح ف ستين داهية بتطمنيها ليه ها بتطمنيها ليه اعمل فيكي ايه دلوك اني بطفشها منك لله منك لله 

ضحكت تاج 

انت الظاهر بتعزها اوي يا جاسم واضح جدا

وعلشان تعانده اكتر بصت لسمارة اللي سرحت خالص و فضلت تحلم احلام وردية لجوازها من جاسم وتبص لقدامها وتضحك زي الهبلة 

تاج 

سمارة تعرفي جاسم قالي ان فرحكم كمان اسبوعين تقريبا 

جاسم بصلها بصدمة 

سمارة فرحة

لاه وكتاب الله المجيد عتتكلمي جد فرحي اني وجسومي بعد اسبوعين يا هنايا يانا يامااا وهبقى عروسة يا ناس.. متزوقيني يا اما اومااام ياامااا دا عريسي جاي ياخدني بالسلامة ياماااا اماااا 

جاسم

بااااس خلاص خلاص اكتمي الدبان كله اتلم منك لله ياللي ف بالي 

تاج مكانتش قادرة تمسك نفسها من الضحك 

سمارة 

اني هرجع ع الدار يا دوب الحق اتزوق واحضر حالي لعريسي سلام يا عريسي اشوفك ف الكوشة يا قلبي 

هنا انفجرت تاج ف الضحك اكتر 

وجاسم واقف هينفجر 

مبسوطة انتي كدا دي هتفضحني وهتزيع البلد كلها 

تاج وهي مستمرة ف الضحك

 بصراحة اه فرحانة فيك 

جاسم 

طب اقفلي خشمك وبطلي تضحكي ف الشارع بدال ما اعطيكي كف اظبطك 

تاج وهي بتضحك 

والله بحاول بس مش قادرة كل ما اتخيل ملامح الصدمة اللي ع وشك واتخيلك ف الكوشة مع سمارة لا لا مش قادرة بجد اوقف الضحك دا ازاي 

جاسم بصلهة بنظرة نارية 

فحطت ايديها ع بوءها 

خلاص خلاص هنكتم اهو يا باي عليك... يلا احنا نكمل جولتنا 

جاسم 

لاه مفيش خلاص بح قدامي ع السرايا يلا 

تاج 

ايه هو احنا لحقنا 

جاسم 

ايوا مش انتي اللي عملتيها اشربي بقا نتيجة عمايلك 

تاج 

قلبك ابيض يا جاسم انا بهزر معاك والله معلش بقا 

جاسم 

قولت بينا ع السرايا يعني بينا ع السرايا

تاج 

يوووه بقا 

في الوقت دا 

جه ضابط بهدومه العسكرية وادى التحية قدام جاسم 

جاسم باشا اللوا اشرف بيستدعى حضرتك فورا 

هنا تاج الدنيا لفت بيها وكأن شريط الذكريات رجع ليها وافتكرت كل حاجة وموت علي 

فصرخت صرخة رجعت أنحاء النجع كله 

لاااااا عليييييي

يتبع