نوفيلا رومانسية جديدة أرملة صديقي

تنشر حصريًا على مدونة رواية وحكاية قبل أي منصة أخرى

نوفيلا أرملة صديقي

 نوفيلا جديدة قيد النشر

من قصص و روايات 

الكاتبة أسماء عبد الهادي

الفصل الثامن

تم النشر الإثنين

30/12/2024

افتكرت تاج كل حاجة ومكانتش مصدقة ان علي راح منها خلاص 

لا علي مات!!! لا استحالة علي يموت ازاي علي راح وسابني هو وعدني انه مش هسيبني ابدا ومهما كان وعدني اننا نكون سوا ومنفترقش ابدا خلف بوعده ليه ومشي قبل ما امشي اما معاه ليه ليه يا علي سبتني 

كانت كل حرف بتقوله بتبكي جامد ومنهارة 

حاول جاسم يهديها 

ربنا يهدك يا معتز دا وقته تيجي فيه 

تاج ارجوكي اهدي علشان متتعبيش خالص 

تاج بصتله 

انت تسكت خالص مش عايزة اسمع صوتك او اشوفك من اصله يعني سايبني المدة دي كلها وانا مش فاكرة موت جوزي وسايبني اضحك واخرج وامرح واكل واشرب كدا عادي منك لله يا جاسم منك لله مش هنساها ليك ابدا مش هنساها ليك 

جاسم باسى 

انا اسف يا تاج مكانش ينفع اقولك وانتي تعبانة 

تاج 

اسف بعد ايه اعمل بيها ايه هترجعلي علي اللي راح ليه ليه يا علي سبتني يارب خدني انا كمان مش هقدر اعيش من غيره لاااا 

جاسم 

ارجوكي اهدي بالله عليكي وادعيله بالرحمة 

تاج 

ابعد عني ابعد عنييي 

وسابته وجريت وهي مش عارفة هتروح فين 

لكن رجليها مشالتهاش وكانت هتقع ع الارض لكن جاسم لحقها وشالها وداها السرايا 

وجابوا الدكتور اللي عطاها مهدىء نيمها لتاني يوم 

واثناء ما جاسم كان قاعد مع ابوه ف المندرة بيتكلموا هيعملوا ايه مع تاج 

لقوها لابسة اسود وبتجر ف شنطتها 

وفاطمة وحسنة وراها بيحاولةا يقنعوا فيها 

يا تاج يا بنتي هتمشي تروحي فين بس استني 

فاطمة

تاج عايزة تمشي وتفوتينا بعد ما حبيناكي اكده اهون عليكي .

تاج مكانتش بترد ع حد فيهم وماشية في طريقها وبس 

حسنة يا بنتي استني بالله عليكي مجادراشي اجري وراكي 

ولما قربت  تاج من بوابة السرايا 

شافها جاسم فطلع يجري ناحيتها وهو بينادي 

تاااج انتي رايحة فين استني عندك 

تاج مردتش عليه وكملت طريقها 

فاعترض جاسم طريقها ووقف قدامها 

استني عندك اني بكلمك 

تاج ببكا

عايز ايه سيبني في حالي بقا حرام عليكم انا مش متحملة انا ساندة نفسي بالعافية علشان اقدر امشي وأكمل لحد ما اوصل لبيت علي وانهار معاه براحتي ارجوك سبني اعدي 

جاسم 

مينفعش اسيبك تمشي علي موصيني عليكي انتي هنا في وسط اهلك وناسك هترجعي بيتك تعملي ايه 

تاج

انت قولتها بيتك انا راجعة بيت علي اللي فيه زكرياتي كلها معاه وحاجته ولبسه هقعد هناك وسطهم يمكن يعوضوني بعده عني لحد ما ربنا يريد والحق بيه قريب 

جاسم

 بعيد الشر عنك ربنا يطول في عمرك 

تاج 

بعدي عنه هو الشر انا مش عايزة اعيش من غيره 

جاسم ادعيله بالرحمة تعالي هاخدك لقبره تزوريه 

وافقت تاج تروح معاه وفضلت هناك وقت طويل جدا مش عايزة تمشي الا لما أصر عليها جاسم انها تمشي 

ولنا رجعوا السرايا تاني 

تاج ببكا 

من فضلك خليني ارجع بيتي محتاجة اكون هناك انا هنا روحي بتنسحب مني محتاجة البس قميص علي علشان احس بالأمان يمكن روحي اللي راحت ببعده يرجعلي جزء منها اعيش بيه اللي فاضل من عمري 

مع اصرار تاج وافق جاسم انه ياخدها وتروح ع شقتها ف القاهرة 

تمام ماشي تعالي هاخدك على هناك 

وبالفعل ركبت معاه العربية وطول الطريق مبطلتش بكا ابدا..

وجاسم زي المشلول مشفق عليها ومش عارف يعملها ايه علشان يهون عليها 

ولما وصلوا  الشقة جريت تاج ع البيت فتحلها جاسم فجريت بسرعا ع اوضة النوم وبدأت تنادي عليه 

علي علي انت موجود هنا مش كدا ايوا انا حاسة بيك روحك معايا هنا الشقة اثرك ف كل مكان اه ع الكرسي دا ياما قعدنا هنا مع بعض... الشاشة دي كنت دايما انام ع رجلك ونتفرج سوا.... المج دا مكنتش بشرب من غير ما تاخد انت اول شفطة منه علشان تشوفوا ليا سخن ولا برد .. ريحتك هنا ف كل مكان يا علي .. اه اه هدومك 

جريت ع الدولاب وفتحته وطلعت هدومه وفضلت تشم فيها 

علي علي ياااه وحشتني اوي ارجعلي بقا ارجوك سبتني ليه انا مش حبيبتك تاج 

قالتها واخدتها ف حضنها وفصلت منهارة من البكا 

اتنهد جاسم بأسى وحط شنطتها جوا وقفل الباب وخرج برا علشان يعطيها مساحة 

عارف ان الصدمة مش سهلة عليها ابدا 

فضل قاعد برا ع السلم 

وبعد كم ساعة حس بالقلق عليها خبط ع الباب ودخل بشويش 

فلقاها نايمة وحاضنة قميص علي 

فخرج تاني بسرعا ورجع مكانه ع السلم واتنهد براحة انها كويسة

واستسلم للنوم هو كمان 

تاني يوم صحيت تاج وفضلت مكانها ع السرير حلضنة قميص علي ومش بتتكلم ولا بتقوم من مكانها 

لكنها سمعت صوت خبط ع الباب وبعدين دخل جاسم وف ايده صينية 

صباح الخير .. اتفضلي الفطار 

تاج

انت لسه هنا بتعمل ايه مروحتش ليه 

جاسم اروح واسيبك معقول ديه يعني 

تاج

انت مالك بيا اه سيبني انا هنا مع جوزي وف حمايته ملكش دعوة 

جاسم 

انا جبتلك الفطار انتي مكلمتيش حاجة من امبارح هتقعي من طولك 

تاج

اكل ايه اللي ممكن اكله بس شيله من هنا 

جاسم 

لاه هتاكليه ولو غصب عنيكي هتاكليه 

تاج 

ومين هيغصبني انت ؟؟ 

جاسم 

ايوا بعون الله 

تاج 

اطلع برا يا جاسم انت ازاي تدخل شقتي وانا هنا لوحدي ازاي تتجرأ ع حرمة مراة صاحبك انت اتجننت 

جاسم

 وعلشان اكده احنا لازم نتجوز اليوم قبل بكرة 

تاج

نعم ودا وقت هزار اتفضل اطلع برااا 

جاسم

مفيش هزار ف المواضيع داي

وقال بصوت عالي للي قاعد برا ف الصالة 

 اتفضل يا سيدنا الشيخ ابدأ اكتب الكتاب يلا 

تاج لا انت اتنجننت رسمي يكتب كتاب مين اه انت وسمارة جايين تكتبوه هنا ف شقتي 

جاسم بهدوء لانه علرف انه هيقابل عاصفة منها 

كتبت كتابي عليكي انتي يا تاج

صرخت فيه تاج

انت بتقول ايه يا معتوه انت مش ممكن طبعا ومستحيل يحصل اتفضل اطلع برا بيتي براااا 

جاسم 

دي وصية علي يا تاج وصاني الله. يرحمه قبل ما يموت اني اتجوزك كان حاسس باللي هتعمليه عارف انك هتنسحبي عن العالم وتعيشي ع زكرياته لوحدك وممكن تموتي نفسك من الحزن علشان كدا وصاني اتجوزك وانا مقدرش منفذش وصية صاحبي اللي وصاني بيها قبل ما يموت

تاج كانت هتتجنن 

انت بتقول ايه علي وصاك بكدا؟؟ لا علي استحالة يعمل كدا هو عارف اني ليه وبس ليه يا علي تعمل كدا ليه تقتلي مرتين كفاية اني هعيش من بعدك جسد من غير روح ليه تقسى عليا بالشكل دا ليه يا علي 

قالتها وانخرطت ف البكا الشديد 

فدخلت فاطمة اللي طلب منها جاسم انها تيجي مع ابوها علشان تخفف عنها ف الموقف دا 

وقعدت جنبها واخدتها ف حضنها وفضلت تطبطب عليها 

اما جاسم فكان تم كتب الكتاب ومضي هو وابوه وجابوا قريب تاج علشان يكون وليها ومكانش فاضل بس غير امضة تاج 

فمسك جاسم الدفتر ودخل لتاج

بعد ما خبط 

فاطمة اني هدخل 

فاطمة اتفضل يا خوي 

جاسم 

امضي يا تاج يلا ع كتب كتابنا 

تاج بصت لجاسم بغيظ وبصت للدفتر بقهر 

وقالت وهي بتعيط 

انا هعمل دا علشان دي وصية علي قبل ما يموت لكنها مش هتكون اكتر من مجرد امضا على ورقة لا تعني ليا اي شىء اطلاقا 

واخدت الدفتر ومضت بدون روح لان روحها خلاص ماتت بموت علي 

قضت يومها ما بين البكا والسرحان في علي وباتت معاها ف الاوضة فاطمة 

اما جاسم وأحمد فضلوا في الشقة ف الاوضة التانية وتاني يوم الصبح احمد اخد فاطمة ورجعوا ع البلد وفضلت تاج مع جاسم بعد ما وصاه احمد عليها

ولما صحيت تاج ملقتش فاطمة جنبها فظنت انها برا 

فخرجت من اوضتها وهي لسه حاضنة قميص علي في حضنها 

فلقت جاسم قاعد على الكنبة فقالت 

انت هنا بتعمل ايه معقول انت بايت هنا ف بيتي؟؟ 

جاسم ببرود

مفيش مكان اقعد فيه غير هنا ليلة امبارح قضيتها ع السلم لما ضهري اتكسر فمكانش فيه حل غير اني ابات في بيت صاحبي اكيد يعني مكانش هيرضى لصاحبه ينام ع السلم ولا ايه 

اتنهدت تاج بغيظ 

انت اساسا ليه قاعد هنا مرجعتش بلدك ليه 

جاسم 

انتي ناسية اني حارسك الشخصي 

تاج

ايوا يعني هتسيب شغلك وحياتك وتقعدلي كدا ؟؟ 

جاسم 

لا طبعا لحد ما تستردي نفسك وترجعي معايا البلد واكون مطمن عليكي وسط اهلي اللي بقوا اهلك 

تاج 

انت بتحلم انا مش هتحرك من بيتي بيت علي 

جاسم 

حط رجل ع رجل يبقى انا مش منقول منها انا كمان وادي قاعدة 

صرخت فيه تاج 

عااا انت انسان مستفزززز

يتبع