قراءة رواية البطة السودا كاملة

تنشر حصريًا على مدونة رواية وحكاية قبل أي منصة أخرى

احنا تعبنا وعانينا كتير اوي يا جدي 

سليم 

حقك عليا يا عمر انا غلطت ف حقم وحق ابوك ومستعد اكفر عن غلطتي بأي حاجة تطلبها 

عمر 

مش عايز غير اني اعيش مع بتول بسلام يا جدي وانت كمان متبعدش عننا 

سليم 

هيحصل هيحصل يا عمر تعالى بينا نرجع لبتول دي مستنياك ع نار 

عمر بخوف 

طيب والناس اللي بيكرهوني وقتلوا زميلي على انه انا مش عايز اعرض حياة امي للخطر 

سليم 

متخافش تم القبض عليهم وهياخدوا جزاتهم كلهم دا غير اني حرمتهم من الميراث كمان وكتبه كله ليك انت يا عمر انت وامك بتول وبس 

عمر

مش عايز فلوس ولا عداوات يا جدي انا كل اللي طالبه حضن امي 

سليم ابتسم لان ومع طول السنين دي كلها عمر اللي ربته بتول لسه زي ما هو 

واخده بالفعل لبتول 

اللي اول ما شافته اترموا الاتنين ف حضن بعض

عمر 

سامحيني يا امي مش هسيبك تاني ابدا ابدا 

بتول 

عمر ابني ونور عيني الحمد لله رب العالمين الحمد لله رب العالمين 

ربا مقدرتش تمسك نفسها من البكا والتأثر 

ولما رجعوا كلهم ع القصر وبتول اثرت ان ربا ترجع معاهم لأنها السبب ف انهم يعرفوا مكان عمر وكمان هي اللي انقذته من الموت 

بتول 

ربا مش هنسالك اللي عمليه معايا ابدا 

ربا 

معملتش حاجة يمكن اللي عملته جزء من رد الجميل لحضرتك 

بتول ابتسمت 

انتي بنت طيبة اوي يا ربا 

بتول لسليم 

بابا ايه اللي حصل لفتون وسراج 

سليم بغضب ناحيتهم 

اخدوا جزاءهم ٢٥ سنة سجن نالوا اللي يستحقوه ولسه الدور باقي ع منير 

بتول 

منير مش زيهم هو بس كان بيسمع لاني كلمة يقولها سراج اديله فرصة 

سليم 

لسه هتفضلي قلبك طيب هتفضلي تخلقي الأعذار للناس دول كانوا هيموتوا ابنك 

بتول 

صدقني يا بابا منير مش زيهم هو صحيح غلط لكنه مش زيهم ابدا 

سليم 

غلطات منير مكانتش ولا هتكون مقبولة بالنسبة ليا 

بتول 

عاقبه بأي حاجة غير الطرد يا بابا سيبه يعيش وسطنا هو مهما كان ابنك 

سليم 

مش هيسمك اي منصب إداري هيكون زي اي موظف عادي ملوش اي صلاحيات ومرتبه هيكون زي اي حد 

بتول لمنير 

ايه رايك يا منير موافق 

سليم بحدة 

منير معندوش حرية الاختيار اما يوافق ع شروطي لاما يمشي من هنا 

منير بندم 

موافق يا بابا على اي حاجة تقولها بس سامحني سراج وفتون مراته كانوا زي الحيات كانوا بيبخوا السم في ودني دايما وانا كنت زي المنوم بمشي ورا كلامهم وبعمل اللي بيقولوا عليه من غير اي تفكير بس خلاص عرفت غلطتي وندمان عليها 

بتول 

سامحه يا بابا ارجوك انا ما صدقت عمر ابني يرجع من زمان بتمنى حياة هادية مفيهاش اي بعد او كراهية من حد 

سليم بص لمنير بتحذير

هتفضل تحركاتك كلها تحت عيني 

بتول لعمر

عمر الناس اللي ربتك اخبارهم ايه وحالتهم ايه انا عايزة اروح اشوفهم واشكرهم بنفسي 

عمر فرح اوي 

هتحبيهم اوي يا ماما دول ناس طيبين جدا جدا 

سليم ابتسم وقال 

وتروحي ليه ما ممكن هما اللي يجوا يعيشوا وسطنا 

عمر وبتول وربا مكانوش مصدقين اللي بيسمعوه 

عمر انت بتتكلم جد يا جدي 

سليم 

الظاهر انك متعرفش حاجة عن جدك يا عمر... هما ف طريقهم لهنا نص ساعة وهتلاقيهم قدامك هنا 

وبالفعل عاشوا كلهم بسلام والفرح اخيرا خبط ع باب بتول من تاني 

وف يوم منير جه بسليم وقال 

بابا انا عايز اتجوز انا كبرت ولسه لحد دلوقتي مكونتش لا بيت ولا اسرة مش عايز اموت وحيد عايز يكون عندي عيلة وناس تحبني 

سليم 

محدش مانعك من دا انت اللي ظالم نفسك وفضلت السنين دي كلها لوحدك 

منير

يعني هتدعمني ف جوازي وساعدني ؟؟ 

بتول 

انا هندعمك يا منير متقلقش قول هي مين بس واحنا نخطبها ليك 

منير فرح وقرر انه يروح لأهل العروسة الاول وبعدين ياخد اهله 

في بيت فريد 

انغام 

يعني حضرتك يا منير بيه جاي تطلب بنتنا للجواز 

منير 

بالظبط كدا يا مدام انا جاي وطالب القرب منكم ف الانسة بنتكم قولتي ايه .. طبعا حضرتك عارفة انا مين ومين عيلتي 

انغام 

طبعا طبعا عيلتكم ف غنى عن اي تعريف 

ولما مشي منير 

فريد وبعدين هنعمل ايه يا انغام ف الموضوع دا هترفضي؟؟ 

منار

طبعا يا بابا هنرفض انت عايزني انا منار اتجوز واحد اكبر مني ب٢٠ سنة لا طبعا استحالة 

انغام 

بس الناس دي متترفضش دي عيلة غنية اوي لو رفضنا نبقى مجانين نبقى بنضيع كنز كبير وفرصة مش هتتعوض من ايدينا 

فريد 

احنا مش محتاجين يا فريدة استحالة ارمي بنتي الرمية دي 

انغام بمكر 

فكرك اني ممكن اعملها ف بنتي انا بتكلم عن ربا هو محددش عايز انهي بنت ندبسه ف ربا وبكدا نبقى ضربنا عصفورين بحجر واحد 

منار فرحت وقالت بحماس 

الله عليكي وع افكارك يا ماما هو دا الكلام ربا طبعا هتوافق هي تطول واحد غني زي منير بيه يبصلها اصلا ما بالك يتجوزها 

انغام 

قولت ايه يا فريد 

فريد سكت شوية وبعدين قال 

موافق 

وبالفعل تم تحديد معاد للمقابلة للعيلتين 

وانغام طلبت من ربا ترجع البيت فربا رجعت بطلب من بتول انها محضرة ليها مفاجئة هتعجبها وجابتلها فستان جميل تلبسه 

ربا مكانتش فاهمة ايه بيحصل لكنها ع اي حال رجعت بيت ابوها وف اوضتها 

كانت ماسكة ال فستان اللي اهدته ليها بتول 

منار دخلت تشمت فيها 

يلا استعدي يا عروسة جايلك عريس لقطة ومن عيلة عمرك ما كنتي تحلمي بيها 

ربا 

ايه عريس وليه محدش قالي قبل كدا

منار 

من عيلة سليم بيه تسمعي عنها انتي معندكيش فرصة للرفض اصلا... ايه دا لحظة الفستان دا حلو اوي جبتيه منين ممكن تسلفهولي؟؟ 

ربا بصت لها بوجه جامد وقالت 

لما البسه هبقى اعطيه ليكي زي ما كنتي بتعملي معايا زمان انما اول لابسة واول لقطة هيكون ليا انا 

منار بصت لها بغيظ 

جبتي الجرأة دي منين 

ربا 

اتعلمت الدرس كويس مبقتش ربا العبيطة بتاعة زمان 

منار 

بكرة تشوفي هيحصلك ايه ااه مبروك يا عروسة 

مهتمتش ربا لكلام اختها ولبست الفستان وكان جميل اوي عليها 

وبالفعل جه سليم ومنير وبتول وعمر 

منار اول ما شافت عمر اغرمت بيه 

يالهوي يا ماما ع الشاب اللي جاي معاهم انا حبيته من اول نظرة لالا استحالة اسيب الفرصة دي تضيع من ايدي ماما قدميني ليه يارب ميكونش مرتبط يارب 

انغام 

ولو مرتبط يا روحي مش هيكون غير ليكي بردو اصبري عليا 

منار 

حبيبتي يا ماما 

ولما كلهم اتجمعوا وربا جت قعدت معاهم 

بتول بعتت لها بوسة في الهوا 

فربا اتكسفت 

منار بغيظ

عاملة نفسك بتتكسفي اوي ثم انك تعرفي مدام بتول منين ها 

سليم 

احنا يسعدنا اننا نطلب ايدك بنتك ربا او بطة على حسب ما بتنادوها للجواز قولت ايه يا فريد بيه 

فريد بفرحة لانه فكر انهم فعلا مختارين ربا لمنير 

فقال وهو بيبص لانغام بانتصار 

موافقين طبعا ودي حاجة تترفض احنا شرف لينا اننا نناسب حضرتك يا سليم بيه 

سليم 

ع خيرة الله .. ودي شبكتها وهناخدهت حتى من غير شنكة هدومها احنا متكفلين بكل حاجة مش هنطلب منكم اي حاجة خالص 

انغام طول عمرك كريم يا سليم بيه ودا شىء معروف عمك 

سليم 

الله يعزك... يلا يا عريس لبس عروستك شبكتها 

هنا عمر قام ومسك الطقم وقرب من ربا وهو بيقول 

ايدك يا عروسة.. 

ربا كانت ف قمة فرحتها لانها اعجبت بعمر وكمان عايزة تعيش عمرها مع بتول الست اللي اهتمت بيها وانتشلتها من الضياع 

أما الصدمة فحلت ع ملامح فريد وانغام ومنار وفضلوا مبحلقين 

ايه!! هو دا عريس ربا!!!! 

هنا منير قام ومسك الطقم اللي جابته ليه بتول وقرب من منار وقال 

وانا يسعدني اني اتقدم انا كمان للأنسة منار 

منار تنحت 

ايه انت؟؟ 

منير 

ايدك يا عروسة ولا فيه مشكلة ولا ايه 

انغام كانت هتتجنن

بقا معقولة ربا تتجوز الشاب الغني ومن العيلة الغنية دي ومنار بنتي لا.. لا والف لا منار لازم تدخل العيلة دي وتكوش ع كل حاجة بما فيهم عريس اختها كمان ايوا هو دا الكلام اللي هيمشي

فبصت لمنير وقالت 

لا طبعا موافقة مدي ايدك يا منار علشان منير بيه يلبسك شبكتك 

منار بصت لامها بصدمة 

انغام مالت عليها 

اعملي اللي بقولك عليه وثقي فيا 

اما عمر فقال لربا 

ايه رايك ف المفاجئة دي عجبتك؟؟ 

ربا 

انتوا فاجئتوني فعلا متوقعتش دا 

عمر 

تولا حكتلي ع كل اللي عملتيه وانا مش هتلاقي بنت افضل منك 

ربا 

انا والله معملتش حاجة قصاد اللي هي عملته معايا ثم ان اي حد يعمل اللي عملته 

عمر بمكر

افهم من كدا انك مش موافقة بيا !! 

ربا بحرج 

اا لا انا مقولتش كدا انااا 

عمر ابتسم ولبسها شبكتها 

ربنا يقدرني واخليكي اسعد زوجة ف الدنيا 

وبالفعل تمت خطبة عمر وربا ومنير ومنار 

وانتشر خبر رجوع عمر ابن بتول ليها وكمان خطوبته 

اللي سمعت الخبر وشافت الصورة هي سماح 

ففرحت اوي 

دي ربا ربا صاحبتي ياااه وحشتني اوي يااه يا ربا بتمنالك الخير من كل قلبي يا حبيبتي رغم اللي عملتيه معايا بس مش ممكن اكرهك 

وقررت تروح لها مكتبها تبارك لها 

ربا اول ما شافتها جريت عليها 

سماح سماح حبيبتي واخيرا شوفتك من تاني انا مش مصدقة نفسي وحشتيني اوي اوي 

سماح كانت مستغربة رد فعلها فقالت بجمود 

انا كنت جاية اباركلك ع الخطوبة وماشية عن اذنك 

ربا 

استني انتي رايحة فين انا ما صدقت لقيتك كنتي فين وازاي تمشي وتسبيني كدا من غير ما اعرف مكانك انا كنت محتاجاكي اوي يا سماح 

سماح 

امشي واسيبك؟؟ مين فينا اللي مشي وساب التاني مش انا اللي مينفعش اعرف مكانك ولا اليق بيكي مش هو دا كلامكم انك مينفعش تعرفيني تاني ؟؟ فمشيت علشان احترم رغبتك رغم صدمتي فيكي 

ربا بصدمة 

ايه!!! انا معرفش حاجة عن اللي بتقوليه دا.. سماح انا كنت ف السجن السنة اللي افترقت عنك فيها اتحطيت ف السجن ظلم بسبب اختي ولما خرجت دورت عليكي علشان مكنتش حابة ارجعلهم تاني كنتي انتي عيلتي اللي فاضلالي لكن ملقتكيش انتي كمان كنت لوحدي عانيت كتير من غيرك يا سماح 

سماح مكانتش مصدقة اللي بتسمعه 

معقول معقول طول الفترة دي كنتي مسجونة ووحيدة ومظلومة وانا معرفش اا انا وقتها جبت ادور عليكي ف بيتكم قالوا انك سافرتي وانك مش عايزة تشوفيني تاني واني ملقش بيكي علشان كدا مشيت سامحيني سامحيني يا ربا اني صدقت الشياطين دول وكدبت صاحبتي وتوأم روحي 

وحضنوا الاتنين بعض بحرارة وشوق وحنين 

ربا 

مش هنفترق تاني ابدا يا سماح 

وبعد فترة تم جواز عمر وربا 

وبعدها بفترة منار ومنير 

منار اول ما راحت ع شقتها فضلت تصرخ 

ايه دا فين القصر اللي ماما وعدتني بيه معقول انا منار بنت الحسب والنسب بعد ما كنت ساكنة في فيلا طويلة عريضة ع اخر الزمن اجي اعيش هنا فى الشقة الضيقة دي واتجوز من واحد قد ابويا لا لا انا مش هفضل هنا ثانية واحدة....

وتمت

إلى حين نشر الرواية الجديدة للكاتبة  أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏