قراءة قصة أحببتها مرتين القصة الأولى من سكريبتات بقلم أسماء عبد الهادي كاملة

تنشر حصريًا على مدونة رواية وحكاية قبل أي منصة أخرى

قصة أحببتها مرتين 

القصة الأولى من سكريبتات 

بقلم أسماء عبد الهادي 

 رواية جديدة قيد النشر

من قصص و روايات 

الكاتبة أسماء عبد الهادي 

الفصل الثاني 

معاذ وصل بيت اخته ريم ولما سأل عليها الخدم 

الخدم 

 مدام ريم مش موجودة يا فندم 

معاذ 

ايوا مش موجودة يعني في مشوار مثلا ولا مسافرة ولا ايه بطلبها ع الفون مش بترد وموبايلها غير متاح من فترة كبيرة اوي.. فين ادهم جوزها 

نزل أدهم من فوق بعد ما نيم احمد بالعافية 

فيه ايه يا معاذ جاي ومعاك زعابيبك كالعادة ليه وطي صوتك انا ما صدقت نيمت احمد بالعافية 

معاذ 

فين ريم يا ادهم وانت ليه مانعها انها تكلمني في الفون او اي طريقة تواصل مش عارف اوصل لاختي ليه يا ادهم 

ادهم سكت ومعرفش يرد ودمعة فارة هربت من بين جفونه ريم وحشته وهيموت عليها ومش عارف هي فين 

معاذ قرب منه وبكل غضب ضربه بالبوبيه في وشه 

انطق اختي فين يا ادهم انا عايز اشوف اختي واطمن عليها ... انطق انت ساكت ليه وديت اختي فين 

ادهم سابه يضرب فيه ومنطقش 

معاذ 

انت مش بتتكلم ليه يا ادهم ريم فين اوعا تقول تقول اختي جرالها حاجة انت عملت لها ايه دا انا اوديك في ستين داهية 

ادهم وسط المه 

ريم مختفية بقالها اكتر من شهر معرفش هي فين ولا راحت فين 

معاذ كان هيتجنن ووقف زي المصدوم 

انت بتقول ايه ويعني ايه كلامك دا اختى راحت فين انت عملت فيها ايه خلاها تبعد ومتعرفش عنها حاجة انت اكيد عملت حاجة كبيرة اوي اكيد ضربتها او اهنتها ماهي ريم كرامتها عزيزة عليها ومش هتتحمل قسوتك طول عمرك قاسي عليها وشديد وكم مرة اقولك غيرتك الزايدة دي هتهدم كل الحب اللي بينكم 

فلاش باااك 

معاذ كان لسه راجع من السفر فريم جريت عليه وحضنته وفضلت معاه شوية 

معاذ 

انا همشي دلوقتي علشان الوقت اتأخر انا جيتلك بس علشان كنتي وحشاني ومكنتش هعرف انام من غير ما اطمن عليكي واشوفك لكن بكرة الصبح من النجمة هكون عندك يلا سلام يا روحي 

ولما مشي معاذ

ادهم نزل من فوق وقال بصوت دب الرعب في قلب ريم 

رييييم 

ريم بلعت ريقها بخوف اااا نعم يا ادهم اا انت عايزني في حاجة ااا انا هطلع اطمن على احمد ابننا وهجيلك 

ادهم نزل لحد عندها ومسك ايديها وهو بيقول بحدة 

استني عندك 

ريم كانت عارفة انه هتدب خناقة جامدة ما بينهم دلوقتي فقالت بخنقة 

اا ادهم انا هستنى لما تهدى وبعدين نتكلم 

ادهم 

ايه اللي كنتي بتعمليه من شوية دا مع معاذ 

ريم بلعت ريقها 

ااا ادهم دا معاذ اخويا وكان راجع من السفر وواحشني اوي وااااه

ادهم قاطعها بحدة وهو بيضغط ع ايديها 

كم مرة قولتلك حتى لو اخوكي مشوفكش بتحضنيه تاني مش مسموح ليكي تقربي من راجل غريب غيري حتى لو كان اخوكي انتي مبتسمعيش الكلام ليه 

ريم دموعها نزلت 

ادهم ايدي وجعتني سيب ايدي من فضلك 

ادهم اول ما شاف دموع ريم ضغف وقال 

انا اسف يا ريم 

ريم ببكا 

ادهم دا اخويا وعلطول مسافر مش بيجي غير يوم او اتنين ف السنة مليش غيره في الدنيا دي بعد موت ماما وبابا 

ادهم حط ايده ع بوء ريم 

اااش متقوليش كدا اومال انا روحت فين ها انا روحت فين انا هنا كل دنيتك وحياتك انا هنا اللي حبيبك وبس مفهوم 

ريم 

فاهمة انك بتحبني وبتغير عليا يا ادهم بس مش كدا دا اخويا اخويا يا ادهم غيريتك الزايدة عن حدها دي بدات تخنقني ابتديت ازهق منها بالله عليك حاول تتحكم ف نفسك شوية 

ادهم اخدها في حضنه وباس راسها وقال بحب 

حقك عليا يا حبيبتي متزعليش حاضر هحاول اتحكم في نفسي وفي غيرتي 

باااك 

سرح ادهم في حياته السابقة مع مراته وزعل علشان كان بيعاملها بقسوة فقال بصوت مسموع 

بس هي عارفة اني كنت بحبها لو كانت تطلب نجمة من السما كنت هجيبها ليها هي متأكدة اني متيم بيها استحالة تمشي وتسيبني علشان بس كنت بغير استحالة 

فاق ع صوت معاذ بيزعق 

اختي فييين يا ادهم انطق 

ادهم زعق وبعد ايد معاذ 

قولتلك معرفش معرفش لو كنت اعرف كنت هرتاح حبيبتي ونور عيني اختفت فجأة معرفش هي فين مش انت بس اللي هتجنن عليها انا بموت كل لحظة وكل ثانية 

معاذ بصدمة اكبر 

يعني ايه اختي ريم فجاة كدا مرة واحدة اختفت ومتعرفش هي فيه طيب ليه ليه مقولتليش ليه متصلتش بيا بلغتني 

ادهم مردش عليه وراح قعد ع الكنبة وفراح معاذ قعد جنبه وحط دماغه ما بين أيديه بهم 

انت دورت عليها في كل مكان مش كدا 

ادهم 

مختلش اي مكان مدورتش فيه ملهاش اي أثر 

معاذ 

هتكون راحت فين ومين اللي له دخل ف اختفاءها اختي مسؤولة منك انت لازم ترجعهالي انت فاهم 

قالها وخرج وفضل يلف ف الشوارع زي المجنون بعربيته وقلبه ولسانه بينادي عليها 

رييييم ريييم انتي فين 

ريم ف الوقت دا كانت ماشية مش عارفة رايحة فين تايهة مش فاكرة اي حاجة كأنها بتتعرف ع الاشخاص والأماكن لأول مرة في حياتها كأنها جاية من عالم تاني 

ولما تعبت قررت تروح ع مكان الشقة وترتاح فيها 

تاني يوم خرج ادهم واخد احمد ابنه معاه وقرر ياخد بنصيحة يوسف ويروح مكان مش متعود هو وريم ياخدوا ابنهم فيه 

احمد كان كل لما يشوف واحدة ست ماشية يجري عليها 

انتي ماما!!! لأ مش ماما انا عايز ماما 

وادهم قلبه بيتقطع ع ابنه 

اما ريم فخرجت من شقتها وقررت تمشي زي امبارح بلا هدف يمكن لو شافت حد تقدر تتعرف عليه 

وأثناء ما هي ماشية سمعت معاذ اللي كان واقف بعربيته ع جنب الطريق بعد ما تعب من البحث واللف ع اخته 

ايوا يا يوسف زي ما قولتلك انا هفضل هنا فترة مش هسافر حاليا غير لما اطمن على اختى محتاج منك تشوفلي حد ينضف البيت وتكون مسؤلة عن الطبخ والبيت كله حد امين يا يوسف انا مش فاضي ولا فيا دماغ للكلام دا كله 

هنا استغلت ريم الفرصة وجريت بسرعة ع معاذ 

اا انا انا يا حضرة ممكن اشتغل عندك انا محتاجة شغل اوي ممكن اجي انضفلك البيت واطبخ واعمل كل حاجة ف البيت 

معاذ بصلها باستغراب 

صوتها الى حد كبير يشبه صوت اخته لكنها مش شبهها 

انتي اشتغلي في البيوت قبل كدا 

ريم مكانتش فاكرة فقالت بكدب 

ها اه اه طبعا اشتغلت من زمان اوي ارجوك انا محتاجة شغل علشان اصرف ع نفسي 

معاذ اتنهد بقلة حيلة وقال تمام ماشي 

انتي اسمك ايه 

ريم علشان مش فاكرة اسمها فكرت في اسم فاللي جه بالها اول اسم قالته 

ذكرى 

اختارت الاسم دا علشان هي فاقدة الذاكرة

معاذ 

تمام يا ذكرى دا عنوان الفيلا تقدري تيجي من بكرة اعطي للبواب الكارت دا وهو هيدخلك علطول

فرحت ريم بأنها قدرت تلاقي شغل وهتعرف منه تصرف ع نفسها ومش هتحتاج لحد

❈-❈-❈

عند ادهم قرر انه يشارك احمد ابنه في رحلة البحث عن امه يمكن يخرج من حزنه فبقى ياخده ويلف بيه بالعربية واحمد يبص يمين وشمال بيدور عليها بلهفة وعيون كلها شوق لأمه 

وفجأة وأثناء تلفته يمين وشمال صرخ صرخة بفرحة كبيرة 

ماما ماما انا شوفتها هي ماما يا بابا وقف وقف العربية 

ادهم وقف العربية بسرعة 

وهو بيقول هي فين هي فين يا احمد بسرعة شوفتها فين 

احمد فتح العربية جري منها بسرعا وراح ع المكان اللي شاف فيه امه 

وادهم وراه 

احمد حضنها من ضهرها كانت لافة وشها 

ولما بصت ليه احمد انصدم وبعد عنها بسرعة 

لا انتي مش ماما انتي مش ماما ابعدي عني 

ادهم انصاب هو كمان بخيبة امل واعتذرلها 

انا اسف ع سوء الظن دا 

البنت 

لا ولا يهم حضرتك 

احمد فضل يعيط ورجع ع العربية بصمت من غير ولا كلمة 

وادهم ركب العربية واخد ابنه ف حضنه وقاله 

اسف اوعدك اني هرجعلك ماما تاني وعد مني 

احمد بتعب 

اوعدني يا بابا ماما ترجعلني تاني انا بحبها اوي مش عايزها تمشي وتسيبني 

قالها ومن التعب نام علطول

❈-❈-❈

تاني يوم راحت ريم ع المكان اللي عطاها ليه معاذ 

وطلعت الكارت للبواب فقال 

ماشي ادخلي حظك ان معاذ بيه لسه جوة ممشيش ادخلي وانا هتصل عليه ابلغه انك تحت 

معاذ كان ف اوضته بيقاوم التعب وبيستعد علشان ينزل يدور ع ريم اخته 

فجاله اتصال من سيد البواب 

ايوا يا سيد خير 

سيد 

البنت جت يا بيه بتقول ان حضرتك اللي باعتها ومعاها الكارت فدخلتها اي اوامر تانية يا بيه 

معاذ 

ماشي يا سيد انا نازلها واي طلبات تطلبها منك تبعت تجيبها علطول وانا هسيبلك الفلوس وانا نازل 

ولما خلص معاذ لبسه ونزل لقا ريم قاعدة بهدوء تام وعنيها ف مكان معين وكأنها سرحانة فعجبه هدوءها لانه بيفضل النوع دا مش الفضولي الحشري فقال 

صباح الخير 

ريم قامت وقفت 

اا صباح الخير يا بيه انا جيت بخصوص الشغل زي ما قولتي 

معاذ 

تمام يا ذكرى انا اسمي معاذ الألفي علشان تكوني عارفة بتشتغلي عند مين... مطلوب منك تنضفي البيت وتجهزي الأكل لحد ما ارجع اظن مفيش اسهل من كدا 

ريم 

تمام يا معاذ بيه انا تحت امرك 

معاذ 

اما بخصوص الراتب الشهري فأنا من اول الشهر الجاي هعطيهولك مقدم بس الشهر دا مش هينفع لاني لسه مشوفتش شغلك ومعرفكيش كويس

ريم 

تمام يا معاذ بيه اللي تشوفه حضرتك انا راضية بيه 

معاذ 

بس دا ميمنعش انك لو احتاجتي حاجة او اي فلوس انك ممكن تيجي تطلبيها مني وانا مش هتأخر عنك كمان انتي ممكن تباتي هنا بدل المواصلات لو معندكيش بيت واسرة مسؤلين منك لاني حاسس انك شكلك غريبة هنا حاسك تايهه مش عارفة حد 

ريم 

فعلا انا مش عارفة حد هنا بس انا عندي بيت واحد ابن حلال عطيهولي اقعد فيه 

معاذ 

لالا انتي مش مضطرة تقدري تفضلي هنا في اوضة جنب المطبخ اعتبريها اوضتك في اي وقت المهم عندي تعملي التزاماتك وبقيت الوقت اعملي اللي تعمليه او تروحي ف اي مكان تحبيه 

ريم 

ربنا يخليك يا معاذ بيه تحب اروح احضرلك الفطار دلوقتي 

معاذ 

لالا مليش نفس دلوقتي حضري الغدا ممكن وانا ممكن اتأخر فمتستعجليش واه خدي بالك فيه كاميرات مراقبة في كل مكان ف الفيلا ما عدا طبعا الحمام واوضتك 

ريم 

فاهمة قصدك يا معاذ بيه متقلقش انا هكون عند حسن ظنك 

❈-❈-❈

في فيلا ادهم لقا رشا جاية وف ايديها شنطة هدومها فنفخ بضيق 

ايه يا رشا انتي جاية ليه دلوقتي انا مش قولتلك احمد مش هيتحمل وجودك هنا هو فيه اللي مكفيه انا مش حمل مناهدة معاه دلوقتي ارجوكي من فضلك اختاري الوقت الصح وطبعا دا بيتك انا مبطردكيش انتي تيجي ف اي وقت بس دلوقتي الوضع مش هينفع صدقيني 

رشا عملت انها زعلانة 

بقا كدا يا ادهم وانا اللي كنت جاية ومتأكدة انك هترحب بيا في بيتك هترحب ببنت عمك اللي جاية تواسيك وتقف جنبك في ظروفك دي وتدعمك 

ادهم 

يا بنتي افهمي ما انتي عارفة ظروف احمد دلوقتي هو حاليا حساس اوي وانا مش عايز ازعله 

رشا 

احمد مكانش بيحبني علشان ريم كانت بتكرهه فيا انا عارفة

ادهم 

غريبة رغم انكم كنت اصحاب اوي ازاي يعني ريم هتقوله حاجة زي كدا استحالة طبعا جبتي الكلام دا منين 

رشا بتوتر 

اا انا بقول يمكن ما هو مش عارفة احمد ليه مش بيحبني من غير سبب 

ادهم 

ما علينا من الكلام دا دلوقتي من فضلك خدي شنطتك وارجعي البيت وسلامي لعمو وطنط ايناس 

رشا اضطرت ترجع وقفاها يقمر عيش وقالت وهي عند العربية 

اوف بقا انت ليه عنيد كدا ما هو انا هوصل لقلبك وعقلك يعني هوصل مش هتنازل عنك ابدا انت بتاعي انا وبس 

❈-❈-❈

وبعد كم يوم 

معاذ كان راجع من شغله لقا ريم واقفة وبتبص ليه بغضب فقال 

مساء الخير يا ذكرى ايه مالك واقفة بتطلعي دخان من ودانك ليه كدا 

ريم

 يعني حضرتك مش عارف انت عملت ايه يا معاذ باشا 

معاذ 

لا مش عارف عملت ايه عامة اسف انا حقيقي دماغي مش معايا الفترة دي 

ريم 

ينفع كدا كل يوم اعمل الاكل واتعب فيه وحضرتك متلمسوش حتى دا كلام يرضى مين دا ميرضيش ربنا 

معاذ اسف حقك عليا بس حقيقي برجع مليش نفس لأي اكل خالص ولا للحياة حتى 

ريم 

بس دا غلط يا معاذ بيه حرام عليك صحتك ان لبدنك عليك حق بتعمل قي نفسك ليه كدا وليه بتموتها بالبطىء كدا 

معاذ 

اعمل ايه يا ذكرى انتي متعرفيش انا بمر بإيه 

ريم 

كل مر سيمر يا معاذ بيه متقلقش ربنا كبير 

معاذ بصلها باستغراب 

غريبة اوي الكلمة دي كانت اختي دايما تقولها ليا لما أمر بأزمة في الشغل او حتى ف الدراسة انتي عرفتيها منين يا ذكرى

يتبع

إلى حين نشر الفصل الجديد للكاتبة  أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏