رواية إعادة تأهيل معقدة 

بقلم الكاتبة زهرة عصام

الفصل العاشر

رواية

إعادة تأهيل معقدة 

تمارة :- انتي صح حتي شوفي

طلعت التليفون و هي بتقول:- أنا أصلاً كنت جيالك و فتحت فيديو فدية و حطته قدام نوال اللي وشها أصفر من الصدمة و مش مصدقه

تمارة :- ها يا خالتي تحبي اللي متربتش تزيع الفيديو و تخلي اللي ما يشتري يتفرج عليكم و على حلاوة وسط بنتك بقميص النوم كفاية عليكي كدا لحسن لو كملتي الفيديو ممكن تطبي ساكتة فيها و أنا الصراحة مش ناقصة بلاوي كفايا عليا اللي عندي 

نوال:- أكيد الفيديو دا مش حقيقي أنا مربية بنتي كويس أكيد انتي بتخرفي أو مفبركاه عشان تفضحينا وخلاص مهو أصل انتو تربية شوارع لازم تتبلوا على خلق الله

تمارة فتحت بقيت الفيديو و نوال اتصدمت و تمارة بان على وشها الشماتة و همست في ودن نوال

- شوفي بنتك مبسوطة إزاي يا ام الشريفة العفيفة تفتكري لو قطعت الفيديو دا و نزلته تيك توك اية اللى هيحصل ولا حاجة هكسب دهب و أنا قاعدة

نوال:- بنتي انا عملت كدا ؟ طب إزاي و لية انا مش مصدقه حاجة

تمارة:- بسيطة خديها لحد الدكتورة اللي على أول الشارع و مش بعيد نيجي نبارك لكي كمان على النونو اللي جاي بصي يا خالتي بنتك ماشية على حل شعرها و حطانا في دماغها و لو مسكتتش هتشوف مني حاجة مش هتعجبها المرة دي نفذت تهديدي ليها و المرة الجاية الفيديو هيسمع على كل مواقع التواصل الاجتماعي سلام يا خالتي و اقعدي في حته على ما تفوقي لحسن تقعي من طولك 

بصت ليها جامد و مشيت و سابتها و هي بتقول في نفسها:- 

هما اللي مصريين يخرجوا اسوء ما فيا و أنا أصلاً مؤدبة بلا كله يهون عشان خاطر مصلحتي

و بصت وراها لـ نوال لقاتها واقفة زي ما هي فقالت بسخرية:- 

كويس إننا في مكان مفهوش حد لحسن يقولوا إني ضر.بتك بالنار وإلا حاجة

❈-❈-❈

نوال حست إن الدنيا كلها بتلف بيها حتي دموعها اتحجرت في عيونها و مش راضية تنزل بقت الأفكار و تتردد في دماغها معقول دي بنتها اللي حطت فيها كل ثقتها ؟ اللي مش حارمها من حاجة معقولة تعمل فيها كدا و تحط راسها في الطين ؟ طب لية و هي عمرها ما حرمتها من حاجة ؟ 

نوال بقت تمشي و رجليها تقيلة على الأرض مش شيلاها بقت تشيلها بالعافية من على الأرض كأنها شايلة هموم الدنيا كلها على رأسها

دخلت بيتها و قعدت على أول كرسي قابلها و حطت ايديها على رأسها و دموعها بدأت تنزل بصمت و هي مبرقة و سرحانة في الفراغ

نوال:- هعمل اية أنا دلوقتي في المصيبة اللي حلت على دماغي دي 

و بصت على اوضة فدية و قالت:- 

منك لله يا بنت بطني منك لله حلال فيكي اللي اخوكي هيعمله فيكي حلال فيكي و الله العظيم لكون قيلاله عشان تبقي تمشيلي على حل شعرك أوي الله في سماه لكون مخلية صلاح يشرب من د.مك يا بنت الصر'مة

قعدت خمس دقايق عمالة تفكر في حل للفضيحة اللي هتحصلها بسبب بنتها و قالت:- 

و أنا هقعد اهري و أنكت في نفسي كدا و هي قاعدة جوه ولا على بالها حاجة ورحمت أمي لدخل اخلصه على ججتتها بنت الكـ ـلب اللي مشافتش بربع جنيه رباية دي 

وقفت مره واحده و دخلت الاوضة بسرعة لقت فدية قاعدة تذاكر أو عاملة نفسها بتذاكر

فدية بابتسامة توتر:- في حاجة يا ماما

نوال:- من ناحية فيه فـ هو فيه كل خير يا عين أمك كل خير

❈-❈-❈

تمارة ماشية مبسوطة أوي بـ اللي عملته قابلت ورد في طريقها فقالت:- 

وردتي راحة فين دلوقتي يا بنت

ورد :- كنت جيالك يا تمارة كويس إني قابلتك هنا انتي كويسة يا تيمو عملوا فيكي حاجه في القسم

تمارة:- انتي قلقانة كدا لية تعالي تعالي 

اخدتها و قعدوا على عتبة محل و قالت:- 

متقلقيش كدا يا ورد انتي عارفة صحبتك بـ ميت راجل

ورد :- عارفة يا تيمو بس أنا كنت قلقانة عليكي انتي و اخواتك أوي يا تيمو انتي عارفة إنكم اكتر من أخواتي

تمارة بحب :- عارفة يا ورد و ربنا يعلم إنك غلاوتك من غلاوتهم و اكتر شوية 

و باست على رأسها و قالت:- 

متقلقيش يا ورد الظابط كان متضامن معانا جدا و معملش لينا حاجة و حبس الرقاصة و أمها و معاهم الصبي بتاعهم

ورد شهقت و حطت ايديها على بوقها و قالت:- 

تمارة عيب تقولي كدا على أبوكي

تمارة لوت شفتيها بحركة شعبية و قالت:- 

بالله يا اخت ورد سيبي دور المشيخة بتاعك دا و عيب و مش عيب دلوقتي اش حال عارفة كل الحوار قال عيب قال

ورد:- اية بلاعة و اتفتحت انا قصدي أنه مهما كان دا باباكي يا تمارة مينفعش تخلطي فيه حتي بينك و بين نفسك 

تمارة :- ها اه يا حبيبتي معاكي حق افريدي ايدك كدا و عدي معايا 

أبويا اللي من أول ما جينا على الدنيا و هو كارهنا عشان عاوز ولد

وإلا أبويا اللي كرشنا من بيتنا عشان يجيب لينا رقاصة تاخد مكانا و تجيب ليه الولد 

وإلا أبويا اللي مكنش راضي يدينا عفش البيت عشان خاطر الرقاصة ام جسم متعر.ي ق

أم الشعب كله 

وإلا أبويا اللي كل يوم و التاني يجي يتخانق مع أمي عشان أخدت حقها و مد ايده عليها في الشارع

وإلا الرقاصة اللي أبويا متجوزها و اللي كانت عاوزة تعملة فينا 

اكمل وإلا كفاية عليكي كدا يا ورد

خدت نفس و قالت:- 

بصي يا ورد الراجل دا انا مش بعتبره أبويا أنا أبويا مات من ساعة ما كرشنا بره بيتنا انا يتيمة يا ورد و دي حاجة مش مزعلاني خالص دي حاجة مخلية عندي سلام نفسي اللي هو مش عاوزاه تاني في حياتي و مش هو بس تؤ تؤ هو و أي حاجة تحمل نوع ذ.كر في الدنيا

ورد بصت ليها و عيونها دمعت و قالت:- ياااه يا تيمو انتي شايلة كل دا جواكي و كمان مش عارفه حاجة مذكرة في حياتي انتي اتعقدتي يا بنتي وإلا اية 

تمارة هزت كتفها بلا مبالاة و قالت:- 

مش عارفه بس شكلي كدا اتعقدت من الرجالة يا وردتي و بعدين افتكريلنا حاجة عدلة انا جاية أصلا دماغي متسلطن مش عاوزه حاجة تنكد علينا

لسه هتكمل كلامها لقت أم أشرف جاية فقالت بصوت عالي:- 

يا خالتي ام أشرف انتي يا ولية تعالي اقعدي معانا شوية و هاتي الست أم عبده معاكي و حشتنا القعدة مع بعض بقي 

أم أشرف شافتها و ضحكت راحت ليها بسرعة و حضنتها و قالت:- ياااه عاش من شافك يا بت يا تمارة

تمارة بسخرية:- هو أية دا يا خالتي دا إنتي لسة كنتي عندنا امبارح أو أول امبارح

أم أشرف ضر.بتها على كتفها و قالت:- طول عمرك لمضة و لسانك طويل

و بصت لـ ورد اللي بتضحك على مناكفتهم لبعض و قالت:- 

اذيك يا بنت يا ورد.

ورد :- أنا بخير يا خالتي ام أشرف إلا صحيح أشرف جه وإلا لسة 

أم أشرف:- الموكوس إبن الموكو.سة ما صدق هج يا بت و معرفش لية طريق إبن الكـ ـلب دا

تمارة جت من وراها حطتها من كتفها و قالت:- 

سبيه يتمرمط يا خالتي عشان يعرف قيمتك و قيمة القرش

أم أشرف:- يختي و هو أنا كنت فتحت بوقي بس ينزل إجازة أشوفه و املي عيني منه إبن الجذ مة دا 

تمارة:- ربنا يرده ليكي سالم غانم يا خالتي 

ورد :- طب انا همشي بقي عشان الوقت اتاخر

تمارة:- ها يا أم أشرف هتيجي معايا وإلا اية 

أم أشرف:- هاجي عشان أعرف اية إللي حصل أصل الحارة كلها بتتكلم على العلقة اللي دولت خدتها في السوق منك انتي و اخواتك

تمارة:- تعالي و أنا هحكيلك أصلها الصراحة بنت حلال أوي و أنا بحبها أوي أوي أوي تلاتة أوي

❈-❈-❈

نوال مسكت فدية من شعرها فجأة و قالت:- 

عاوزة تجرسينا في المنطقة كلها يا بنت الصر'مة فضحتينا لية كدا لية هو أنا كنت حرمتك من حاجة طلبتي مني حاجة و أنا قولت لا لية تعملي فيا كدا لييية 

فدية:- اية بس يا ماما أنا مش فاهمة حاجة إنتي قاصدك على اية 

نوال:- و كمان بتستعبطي و رحمت أبوكي ما هسيبك النهارده يا بنت الكـ ـلب انتي و نزلت فو.قها ضرب 

فدية:- أنا معملتش حاجة معملتش حاجة

نوال :- كدابة يا بنت الصر'مة كدابة أنا شايفة الفيديو بعنيا مستعجلة على اية يختي على شيل الهم بدري كنتي ركزي في تعليمك و اطلعي حاجة عدلة الأول تتجوزي جوازة عدلة لكن مين هيرضي ياخد واحدة معيوبة قوليلي عملتي كدا لييية منك لله يا شيخه منك لله فضحتينا و خليتني اسمنا في التراب 

نوال وقفت ثواني و فدية مرمية على الأرض مسكتها من شعرها فجأة وقفتها و قالت:- 

مين الواد اللي كنتي معاه دا يا كلـ ـبة يا اللي بعتي شرفك و شرف اخوكي انطقي

فدية عيطت و مش بترد و أمها بتهز فيها و يتقول:- 

اخوكي هيرفع راسة في وسط الناس إزاي بعد كدا أنا همشي وسط الناس في الحارة ازي انطقي

فدية:- اااا انننن انااااا

نوال:- انتي اية انتي اية يا شيخه منك لله منك لله

و ضر.بتها كف على وشها و قالت:- 

انطفي مين الواد دا و عرفتية منين ؟ 

فدية :- مهو أصل انا

نوال:- شكلك مش هنطقي غير لما اخوكي يخي يغسل عار.ه و رحمت أبوكي لـ هقوله يا بنت الصر'مة والله لهقولك

نوال مبقتش شايفة قدامها و زقتها وقعت على حرف المكتب دماغها اتفتحت بس مش جرح غويض جرح سطحي

نوال:- ياك تموني يا شيخة و تريحينا من عارك دا

و سابتها و خرجت و هي بتدعي عليها

فدية لما نوال خرجت بصت على الباب بغل و حقد و قالت:- 

تمااااارة و الله العظيم ما هسيبك عشان اللي عملتيه فيا دا مش هسيبك 

نوال:- لو تمارة قررت تفضح الموضوع كلنا هنروح في شربة ماية أنا لازم أتصرف و أخلي صلاح يتجوز تمارة حتي لو بالإجبار لو حصلت هعملهم فضيحة عشان سمعت بنتي و عليا و على أعدائي كله منك يا بنت الصر'مة كله منك اه يا ناري أه يا أنا يا خبتك في بنتك يا نوال يا خبتك في بنتك 

مسك تليفونها و أتصلت بـ ابنها و قالت:- 

أيوة يا صلاح تعال حالا في مصيبة و حلت على دماغنا و شلكنا كدا كلنا فيها متتاخرش عشان نعرف نلاقي حل ليها 

❈-❈-❈

أيمن أكل العلقة من هنا و اتكور على نفسة في مكان لوحده و بقي ينزف بس محدش واخد باله حالتة بقت تسوء جدا و هو من كتر الضر ب اللي اتعرض ليه مبقاش حتي قادر يستنجد بحد

كان قاعد حاطط راسة وسط رجلية و محاوط رجلية بإيدة لحد ما معدتش قادر يقاوم اكتر و وقع على الأرض

- الحق يا عو الظاهر إن الطريحة المرة دي كانت جامدة شوية الراجل مستحملش

العو كان بيشرب شيشة و نفخ الدخان من بوقة و قال:- 

شوفوا كدا لسة فيه النفس و إلا اتكل على الله عشان نعرف هنقول اية في المحضر

- اللي تشوفه يا عو 

العو شاورلة بإيدة يقرب فـ الراجل قرب منه فـ العو ضربة على قفاه و قال:- 

اسمي من هنا و رايح أستاذ عو يا كلـ ـب 

الراجل راح يشوف أيمن و المساجين كل واحد في حالة خايفين يقربوا منه 

حط ايدة على رقبته لقي فيه نبض فقال بصوت عالي:- 

لسة فيه النفس يا أستاذ عو

العو نفخ دخان تاني من الشيشة و قال:- 

قول للحارس اللي بره ياخده على المستشفى مش ناقصين قر.ف هنا 

الراجل راح ناحية الباب و نادا على الحارس و قال:- 

الحق يا بشا في راجل بيفرفر هنا و تقريباً كدا بيطلع في الروح فـ عاوزين تاخدوه المستشفى اديتي قولت ليكم مش عاوزين و عاوزين تسيبوه يتكل على الله يبقي ريح و استريح أنا مش ناقص وجع دماغ يخويا و كلام من الأستاذ الفاضل المبجل اللي افضالة على الزنزانة كلها العو بشا 

بص للعو و قال:- تمام كدا يا أستاذ عو 

العو:- تمام يا أشول

الحارس دخل بسرعة يشوف أيمن و جري على صحابه و نادي عليهم و اخده على مستشفى السجن 

الحارس بقلق:- اية يا دكتور حصله اية ؟ 

الدكتور بغضب:- انتوا إزاي بالاهمال دا ؟ دا اتعرض لعنـ.ـف و بزيادة كمان و نزف كمية كبيرة

الحارس بقي يولول و يقول:- 

يعني خلاص ما ت هيتفتح عليا طاقة جهنم يلهوي يا انا يا أما

الدكتور بصله بإستغراب و قال:- 

هو انت كل اللي همك إنك هتدخل في التحقيقات ؟ يعني مش هامك الراجل اللي بيمو ت دا و واخد ضرب لما شبع ؟ 

الحارس:- أنا مال أمي بيه انا كل واحد بيبص لـ مصلحته يا دكتور طب هو مجرم و يستاهل اللي جراله أنا ذنبي اية غفلت عشر دقائق قدام الزنزانة صحيت على صوتهم كدا 

الدكتور بصله بزهول و زهق و قال:- 

لا و أنت كمان نايم أثناء تأدية عملك الله أكبر تهمتين زي الفل يا بشا

الحارس:- انا عارف إن حظي زي الطين من ساعة ما اتولدت و مفيش حاجة حلوة بتكمل في حياتي طب تصدق بالله يا دكتور

الدكتور:- لا الة الا الله

الحارس:- عارف و إحنا عيال صغيرين كنا بنشتري البخت بربع جنيه المصروف اللي كنت باخدة

الدكتور:- أيوة أنا دخلي اية في الحوار

الحارس:- ما أنا جايلك في الكلام أهو يا دكتور خلي روحك طويلة معايا المهم كنت لما اشتري البخت دا علطول أخسر فيه مفيش مره كسبت فيها و دا دليل على اية بقي 

الدكتور بسخرية:- اية بقي 

الحارس:- على إن بختي مهبب بنيلة ما تركز معايا يا دكتور الله

الدكتور:- صبرني يا رب أنا قولتلهم من الأول مش عاوز ادخل طب هما اللي اصروا عليا و اديني هعتزل المهنة بسببك و سابة و مشي 

الحارس قعد على كرسي جمب سرير أيمن يندب حظة و اليوم اللي شاف فيه أيمن

❈-❈-❈

أم أشرف:- ها يا بت يا تمارة كملي 

تمارة:- بس يا أم أشرف جه يختي البوكس لمهم زي الجراد و ربنا رزقنا بحتت ظابط إنما اية سُكرة شربنا عصير مانجة

أم أشرف:- طعمة حلو 

تمارة بغباء:- هو أية ؟ 

أم أشرف:- عصير المانجا يا بت ركزي معايا 

تمارة بصدمة:- هو دا اللي لفت انتباهك من اللي أنا بغني فيه من الصبح قومي يا ولية روحي استني إبنك اللي هج و سابك دا 

فتحية بضحك:- بس يا تمارة عيب اللي بتقولية دا 

أم أشرف:- سبيها عشان لما اقوم أسقف بالشبشب على وشها تبقي تعرف هي بتكلم مين دا انا أم أشرف يا بت

تمارة وقفت و أخواتها وقفوا و قالت بردح :- 

جاية تتشطري عليا أنا يا أم أشرف كنتي يختي اتشطرتي على اللي رنتك العلقة على السلم 

أم أشرف و فتحية وقفوا و أم قالت بردح مماثل :- 

أما انتي بت تربية و.سخة بصحيح لامؤخدة يا توحة

فتحية:- لا خدي راحتك يا ست أم أشرف أنا أصلاً معرفتيش أربي

أم أشرف:- و مالك مفتخرة أوي كدا يختي 

تمارة:- سيبك منها و بصيلي انا هي مين دي اللي تربية و.سخة يا ولية انتي شكلك عاوزاني اتهور عليكي

جوري و لينا مسكوا تمارة كل واحدة من دراع

فتحية:- تتهوري على مين يا بنت الكلـ ـب انتي دا انا اجيبك من شعرك يا بت ولا يهمني أمك اللي واقفة دي 

فتحية مسحك أم أشرف و هي بتقول:- 

و أنا هساعدك بس اهدي

تمارة:- لا بقي أنا سكتك كتير لازم أعلمك الأدب يا ولية 

أم أشرف:- تعالي كدا شوفي هتعمليها ازاي

أم أشرف و تمارة في صوت واحد :- 

سبوني عليها 

البنات سابوا تمارة و فتحية سابت أم أشرف

تمارة و أم أشرف بصوا لبعض بصدمة و حضنوا بعض 

تمارة بضحك :- لا و انتي أخبارك اية و أخبار صحتك اية يا أم أشرف

أم أشرف:- بفضل و نعمه طول ما انتي بخير يا تيمو

الكل بقي يبص لبعضوا و نزلوا ضحك لحد ما عنيهم دمعت

❈-❈-❈

زيزي:- يا صغيرة على البدلة يا زيزي يا شماتت كباريهات مصر فيكي يا زيزي

دولت :- ما خلاص بقي يا ولية اية هنفضلي تندبي كدا كتير ؟ 

زيزي:- اعمل ايه يعني مش شايفه الوكسة اللي إحنا فيها كل يومين في الحبس دا لو جوازة معمولها عمل مش هتبقي كدا

دولت:- خلاص ياما أنا عرفت هكيد فتحية و بناتها ازي

زيزي بفضول:- إزاي يا بت 

دولت ضحكت بخبث و قالت:- 

بالواد ياما ساعة ما أجيب الواد لـ أيمن هبقي كدا خدت حقي منها 

زيزي:- و هتجبيه إزاي يختي بالبلوتوث وإلا فيديو كول

دولت :- خليكي انتي اتريقي عليا كدا و ماحبطة خططي اللي هتاخدلي حقي 

زيزي:- كتك نيله عليكي و على خططتك يا موكوسة يا بت الموكوسة 

دولت بصتلها بغيظ و قالت:- 

اصمالله على خططتك اللي مخليانا في مارينا ما إحنا متنيلين على عينا في الزنزانة بسبب خططتك اللي جيبانا الأرض دي 

زيزي زقتها من كتفها و قالت:- 

طب قومي يا بنت الصر'مة من جمبي قاعدة تتكلمي معايا عادي كدا قومي بدل ما أقوم اجيبك من شعرك

دولت قامت من جمبها و قعدت في حته تانية و قالت:- 

هلاقيها منك وإلا من فتحية و عيالها وإلا من عطيات اللي قاعدة مركزة معايا دي 

عطيات قامت قعدت جمب زيزي و قالت:- 

بقولك يا بت 

زيزي:- نعم يا معلمة

عطيات:- عاوزة اتعلم الرقص و العز اليمين و الشمال عاوزة ادلع نبض قلبي بعد ما نخرج من هنا

زيزي بزهق:- أيوة يعني اية المطلوب مني دلوقتي

عطيات قلبت وشها و قالت:- 

انتي بتتكلمي كدا لية شكلك عاوزانا نرحب بيكي قبل ما ننام

زيزي:- خلاص خلاص قوليلي عاوزة اية و أنا هعملة علطول أنا مش حمل إيدك تنزل على دماغي من تاني 

عطيات:- عاوزة اتعلم الرقص قومي يا ولية علميني يلا يا بت طبلي و أشوف واحدة مبتسقفش و بتتعلم

زيزي قامت و هي جسمها متكسر و بقت ترقص و هي بتعيط لجوه من وجع جسمها

دولت بصت ليها بشماتة و حركت شفايفها و قالت:- 

أحسن عشان تبقي تيجي عليا تاني 

زيزي شتمت دولت في سرها و بصت لـ عطيات و قالت بخبث :- 

و رحمت أمك لهعلمك الأدب من تاني يا دولت الكلب و بصت لـ عطيات و قالت:- 

هاتيها ترقص معايا شوية دي عليها هزت وسط تعلم بلد يا معلمة 

عطيات بصت لـ دولت و قالت:- 

يلا يختي مع أمك ساعديها مش هتقعدوا غير لما اتعلم اخلصي

دولت قامت و شتمت زيزي و قالت ليها بهمس:- 

ماشي يا زيزي بتبعيني ؟ مردودة ليكي بإذن الله في أقرب فرصة لا تقلقي

❈-❈-❈

صلاح دخل البيت و قال بسرعة:- 

في اية يا أما وغوشتيني بنتك عملت اية دا أخرت دلعك فيها أنا مش قولتلك نشد عليها شوية و انتي قولتي سبلي بنتي اربيها زي ما أنا عاوزة ؟ 

نوال:- أنا مش عارفه هنعمل اية ؟ أختك جابت لينا العار يا صلاح خلاص مش هنعرف نمشي رافعين راسنا تاني 

صلاح بشك :- اوعي يكون اللي في بالي 

نوال هزت رأسها بايجاب و قالت:- 

أيوة هو يا صلاح كانت ماشية مع واحدة و يا ريت كدا و بس متصورة معاه و هي و هي 

صلاح:- و هي اية يا أما انتي هتنقطيني ؟ 

نوال حطت رأسها في الأرض و قالت:- 

و هي عريانه

صلاح اتجنن و قام وقف و قال:- 

وديني لـ أشرب من دمها و دمة هو مين يا أما ريحيني

نوال:- والله يا إبني ما اعرفة

صلاح بحزم :- بنتك فين ؟ 

نوال شاورت على الاوضة و قالت:- من غير ما تمو.تها يا صلاح مش هخسرك عشان واحدة زي دي 

صلاح:- دا انا هشرب من دمها فين الفيديو دا

نوال بقلق:- مع تمارة بنت فتحية خبطت فيا و شدت معايا في الكلام و وريتني الفيديو بعد ما مسحت بيها الأرض

صلاح دخل على أخته الاوضة و قال:- 

انتي أمك كانت حيشاني عنك و كل ما اقولها شدي عليها تقولي اية صغيرة أنا بقي هكبرك يا فدية و هربيكي من أول و جديد يا بنت الصر'مة انطقي يا بنت مين الواد دا و كنتي بتقابلية فين ؟ 

فدية بخوف:- كنت كنت كنت بقابلة في المقابر 

صلاح بصدمة:- اه يا سافلة يا رخيصة يعني كنت بتقابلة كمان في المقابر مش شقة مفروشة

نوال:- هو دا كل اللي همك أعرف يا إبن الكـ ـلب مين هو الواد 

صلاح بص لـ فديه و قال بحزم :- مين الواد دا يا بت انطقي 

فدية بخوف:- سيد كارته

صلاح:- آه يا بنت الصر'مة يا رخيصة مش لقيا غير دا سيد كارتة اللي مبيستحماش يا معفنة دا انا هعمل منك بسطرمة تعالي يا روح امك

و مسكها من شعرها و نزل فيها ضر.ب لحد ما أغمي عليها 

❈-❈-❈

سامر أخد هدي و رجعوا البيت بعد ما فاقت و منع أي حد يتكلم معاها دخلها اوضيتها و خدها في حضنه و قال:- 

عاوزك تعرفي إني جمبك و معاكي في أي وقت انتي مش بس اختي انتي بنتي يا هدي عشان كدا أي حاجة تزعلك اعتبرينا صحاب و تعالي قوليلي

هدي هزت رأسها بايجاب و حضنت سامر و هي بتقول:- 

ربنا يحفظك ليا و ميحرمنيش منك ابدا

تاني يوم الصبح فتحية جهزت و أخدت السي في بتاعها و خرجت لولادها اللي اتصدموا منها و قالوا ...

اجهزا الفصل الجاي هيبقي في ضر.ب نار و د.م يا سيد

يتبع