رواية عشق الروح 

بقلم الكاتبة منى محمود

نوفيلا عشق الروح 

الفصل الاول 

القلب محتاج لروح تعشقه وتبوح

بيقال التعليم في الصغر كا النقش على الحجر

الجمله دي حقيقيه بس مش بس التعليم الدراسي لا اي حاجه بتحصل للواحد في سن صغير بتفضل مأثره فيه عمره كله يمكن لغايه لما يموت 

ساعات بنقدر نتخطى حاجات حصلت لنا واحنا صغيرين وساعات ما نقدرش ... ساعات بنلاقي حد يساعدنا ان احنا نعدي الحاجات اللي اذيتنا و وجعتنا واحنا صغيرين وساعات ما بنلاقيش حد يخطي معانا الخطوه دي

نيجي لابطال النوفيلا

 البطله ليلى .... عندها شركه تنظيم حفلات و مؤتمرات و افراح و اعياد ميلاد .. جمالها بسيط جدا خجوله جدا هادئه جدا 

  فرح .... عكس ليلى في كل حاجه جمالها بسيط هي كمان لكنها مرحه جدا دمها خفيف اجتماعيه جدا واثقه في نفسهاىرحة كبيرة تدخل اي مكان بتكون محط أنظار جميع اللي فيه بتشتغل مع ليلي في شركتها  

ليلى عايشه مع فرح وخالتها بعد ما ابوها وامها توفو 

 رامي ... اسم الشهره بتاعه روميو وسيم جدا وبتاع بنات جدا من وجهه نظرة أن جمال الست شيء أساسي ومهم وان مكنش الأهم عندة مكتب محاسب قانوني كبير 

  يوسف ... اخو رامي وسيم جدا لكنه بيدور على الحب ومتاكد ان هو يوم ما هيحب هيحب من اول نظره عندة معرض سيارات 

❈-❈-❈

تبدء احداث قصتنا بصباح يوم جديد صحيت ليلى وجهزت نفسها عشان تروح شغلها وخرجت سمعت صوت في المطبخ دخلت تصبح على خالتها

ليلي ... 

صباح الخير يا خالتو يا جميلة 

سميره ...  

صباح النور يا روح خالتك قوليلي نمتي كويس امبارح من غير كوابيس ولا ايه 

ليلي ...

 اه الحمد لله عدت الليلة علي خير اومال فين الهانم لسه نايمه طبعا لحد دلوقتي

سميره ...

 اكيد طبعا دي متصحاش الا بالطبل البلدي روحي صحيها ع ما اخلص الفطار يلا عشان متتأخروش علي شغلكم 

ليلي ...

 حاضر يا قمر انت تأمر مع أن بنتك قليلة الادب ومبتصحاش بسهوله 

راحت ليلى على اوضه فرح فتحت النور وبدات تقول بصوت عالي

ليلي. .. 

فرووووووحه فروووووحه

😴😴😴

ليلي ... 

فررررح انت يا زفته والله هجيب الميه

😴😴😴

وفعلا ليلي جابت ازازة الميه ودلقتها كلها على فرح

فرح بخضه ... 

الله

ليلي بضحك ... 

ههههههههههههههههه هموت مش قادرة شكلك مسخرة اوي 

فرح بغيظ ...

 كده يا لي لي كل مره كده هتموتيني من الخضه في مرة من دول والله 

ليلي بحب ... 

بعد الشر عنك يا روحي يلا بقا بسرعه عندنا مقابله مع عميل كمان ساعه ونص

فرح كشرت ... 

انا نفسي اعرف بتخليني احضر ليه معاكي مقابلات العملاء دي .. انا مالي بتصورتهم وتصوراتك واتفقاتكم ع تفاصيل متخصنيش انا يخصني الجزء المادي بس ليه بتخلني اسمع هري ملوش اي تلاتين لازمه

ليلي ... 

سألتني مليون مره واجابتي واحده مش بتتغير انا مش بعرف افضل لوحدي ف مكان مع حد معرفهوش بستمد قوتي اني اتكلم منك يا ست فرح هانم .. ادلعي عليا بقا

فرح ... 

والله ما بدلع بس يا لي لي انتي شاطره جدا وكل العملاء بيجو بسبب شطارتك و تصميماتك و تنفيذيك لرغابتهم بحرفيه لازم تبقي اقوي من كده وتعتمدي ع نفسك ف كل حاجه احنا بنكبر مش بنصغر يا ليلي 

ليلي بهروب ... 

أن شاء الله بعدين بقا المهم يلا دلوقتي نفطر بقا انا جعانه اوي

فرح بتفهم ...

 اهربي اهربي زي كل مره.. يلا يا اختي قدامي

فطرو سوا و فرح محبتش تضايق ليلي تاني هي نفسها تتغير لكن مبتقدرش تزعلها ابدا 

 ❈-❈-❈  

وبعد وقت قليل كانو وصلو الشركة كانت شركة صغيرة مفهاش غير ليلي اللي بتنفذ وتصمم اي مناسبه وفرح اللي ماسكة الجزء المالي والمحاسبي و سكرتاريه و اتنين موظفين مساعدين ل ليلي و البوفيه ... ليلي يادوب بتحضر الاجتماع اتفاجات أن العميل وصل بدري عن معادة ودا خلاها ك عادتها تتوتر 

ليلي بتوتر ... 

تحت امر حضرتك ايه نوع المناسبه ال محتاج تحضر ليها

العميل كريم ... 

انا عامل حفله بمناسبه نجاح كتابي الجديد و امضاء عقد مع شركه سينيمائيه انه يتعمل فيلم

عايزاها حفله رسميه بس هاديه هيكون فيها اصدقاء بس مش هتخلو من العمل

ليلي كانت بتسمع بتركيز جدا رغم توترها في وجود أي حد متعرفهوش وخصوصا لو راجل إلا أن حبها الشديد ل شغلها وشغفها له بيخلاها تفصل وقت ما بتكون مركزة تركيبه عجيبه شوية 

علي الناحيه تانيه العكس تماما فرح كانت قاعدة حسه بملل هي لا بتفهم في الحاجات دي ولا شايفه أن فيه لازمة ل قعدتها كدة كانت ماسكة تلفونها وعماله تلعب عليه 

نرجع ل حديثنا 

 ليلي ...

 تمام انا هفرج حضرتك ع تلات اماكن مناسبه لاقامه الحفله وحضرتك تختار بينهم وبالنسبه ل باقي تفاصيل هتبقي حسب اختيارك للمكان اوك؟

كريم طول الوقت اللي ليلي بتتكلم فيه وهو باصص ل فرح ومركز معاها جدا 

كريم وهو مبتسم ...

 اوكي دا مناسب اوي اوي

ليلي ...

 افندم ايه ال مناسب اوي اوي

رفعت فرح عينيها لاقيته باصص لها ومبتسم اوي بصتله بحدة ويرفعه حاجب خلته اتوتر وبعد عينيه عنها رجعت بصت للفون تاني

كريم بارتباك ... 

احم اقصد يعني كلام حضرتك مناسب اوي لل انا عايزه

ليلى فهمت انه معجب بفرح هزت راسها وكملت كلام وهو كمان حاول يركز وكمل كلام بخصوص المناسبه اللي بيحضر لها بعد وقت قليل انتهت المقابله استاذن كريم ومشى اتنهدت فرح وقالت بصوت عالي

فرح ... 

اخيييييرا خلصتي انا زهقت بقا بجد يا بنتي حرام عليكي ذنب امي انا ايه اسمع الهري دا كله كل مرة 

ليلي بضيق ... 

ما خلاص بقا يا فرح مش كل مره نفس الموال يلا تفضلي عندك شغل كتير يلا ع مكتبك

فرح بدهشه مصطنعه ...

 ااه يا اوطيه خدتي مني اللي عايزاه ودلوقتي ع مكتبي ماشي ماشي ليكي يوم يا سنيوره

ليلي بضحك ... 

امشي يا شاطره من هنا شطبنا خلاص 

اليوم مره بنفس الطريقه اي عميل يجي لازم فرح تكون قاعده مع ليلى وبعد ما بيمشي ترجع هي تاني تكمل شغلها في مكتبها وترجع ليلى تبدا تضبط تصميماتها وتعمل اتصالاتها فرح على قد ضيقها من الوقت اللي بتقعد فيه تحضر الاجتماعات دي على قد ما هي مش عايزه تزعل صاحبتها واختها واقرب واحده لها في الدنيا

 ❈-❈-❈ 

َ نروح لمكان ثاني في معرض سيارات كبير جدا وشيك كان باين جدا من تصميمه ان صاحبه بيعشق السيارات كان قاعد يوسف على مكتبه بيشرب قهوته ومندمج جدا في الورق اللي قدامي تليفون ورن وكان رامي اخوه رد 

يوسف ... 

الو حبيب قلبي الغالي .. ال بقاله اربع ايام بيبات بره البيت وابوه واخوه لوحدهم يا حرام

رامي بتعب ... 

غصب عني يا جو والله تقفيل ميزانيات ل شركات كبيره والمكتب كله بيبات هنا عشان نلحق نخلص انا مبنمش والله

يوسف كشر ...

 كده غلط يا روميو صحتك يا برنس الشغل مش اهم من صحتك 

رامي ... 

متقلقش عليا المهم انا راجع البيت هنام و هستناك نتعشي سوا وحشتني اوي .. ومتتأخرش عشان هتعشي وانزل اسهر مع ميريهان اوك

يوسف بضيق ...

 بردو البت الملزقه ام نص كيلو بدره ف وشها دي يا ساتر يارب

رامي بحدة خفيفه ... 

يوووسف ملكش دعوه بيها هي عجباني انا مزه كده ف نفسها دي صاروووخ يابا ايش فهمك انت 

يوسف بضيق ... 

كتك الارف في زوقك طول عمرك بتبص للشكل وبس وياريتها حلوه دي تقرف

رامي ... 

ههههههههههههههههه تقرف تقرف عجباني المهم متتأخرش وخلاص سلام 

يوسف ...

سلام يا سيدي

بعد وقت بسيط وصل يوسف البيت لاقي أبوة و إخوة قاعدين يتكلمو سوا 

يوسف ...

السلام عليكم ورحمه الله وبركاته

بركات و رامي ... وعليكم السلام

بركات ...

عشان اخوك كلمك رجعت بدري غير كدة ترجعلي بعد نص الليل 

يوسف ...

والله كان عندي ضغط شغل يا كوتش وانت حبيبي تستحملني يعني 

بركات بضيق ...

اكلم رامي يقولي ضغط شغل وانت استحملني اكلمك تقولي ضغط شغل استحملني هو انا بربي واكبر عشان مين يستحمل مين ؟ مش فاهم 

رامي ويوسف في نفس واحد ...

انت تستحملنا طبعا 

ضحكو كلهم و اتعشو سوا وبعدها استاذن منهم رامي ونزل يقابل ميريهان رغم التعب اللي كان باين اوي عليه 

❈-❈-❈  

بعد مدة كان وصل النايت كلاب اللي بيتقابلو فيه 

ميريهان وهي بتحضنة ...

هاي بيب اتاخرت كدة ليه ؟ كنت بدأت ازهق 

رامي ...

سوري حبيبي الطريق كان زحمة شوية عامله ايه وحشتني اوي 

ميريهان ...

وانت كمان وحشتني اوي هو الشغل دا مش هيخلص في سفريه حلوة اوي قريب كنت عايزة نطلعها سوا 

رامي ...

سفريه ايه دي ؟ امتي وفين ؟

ميريهان ...

الشلة كلها في النادي اتفقو نطلع اسبوع او اتنين بالكتير علي اليونان و ياسو و توبا عملو برجرام تحفه اوي للرحله

رامي كشر ...

مقلتليش يعني عليها قبل كدة لما كنا بنتكلم ؟ 

ميريهان ...

قلت لما اشوفك اقولك فين المشكلة ؟

رامي ...

هي امتي بقا الرحله دي ؟

ميريهان ...

ممممم اعتقد علي ما افتكر بعد اسبوع كدة أو عشر ايام بالكتير 

رامي ...

يلا مفيش نصيب نطلع انا اصلا لا بحب شله النادي ولا بحب ياسو وتوبا دول والمعاد كمان مش مناسب نهائي هكون لسه مضغوط وعندي شغل 

ميريهان ...

خسارة بجد خلاص تتعوض تبقي تطلع معانا ف واحدة تانيه 

رامي باستفسار ...

يعني ايه ابقي اطلع معاكم ؟ انا بقولك مش هينفع احنا الاتنين نطلع مش بتكلم ع نفسي بس ع فكرة 

ميريهان ...

انت حر في نفسك يا رامي وانا حرة في صحابي وحياتي مش عايز تطلع مشغول أو مش بتحبهم اوك as you like لكن انا no baby هطلع معاهم وانبسط كمان جدا 

رامي ...

يعني راي ملوش لازمة بالنسبالك ؟

ميريهان بضيق ...

رامي احنا بقالنا كتير مش بنتقابل بسبب شغلك اللي واخد كل وقتك وانا ساكتة مش كمان لما نتقابل هنتخانق وتعملي حوار ملوش لازمة اصلا 

رامي ...

تمام يا ميري براحتك بس اعرفي الرحله دي لو طلعتيها بزعل بينا 

ميريهان ...

بعدين نتكلم في الحوار دا يلا نرقص بقا متبقاش رخم كدة انت وحشتني

رامي ببتسامة ...

وانتي كمان اوك يلا نرقص 

قضي رامي سهرته وروح نام عشان يكمل من تاني يوم شغله ويقدر يسلم الميزانيات في وقتها

 ❈-❈-❈     

تاني يوم الصبح فرح صحيت بدري عن أمها وليلي ولبست ونزلت بهدوء جدا كانت سايقه بس عقلها شارد في ليلي والحاله اللي وصلت ليها مخدتش بالها من الإشارة لما قفلت ولا من ال بيعدي وخبطتة نزلت بسرعه وهي مخضوضة ومتوترة 

فرح بتوتر ...

 ااانا ااسفه جدا والله مشفتكش خااالص.ح ح حضرتك كويس ولا ايه ؟

 يوسف باصص ليها ومش بيتكلم 

فرح وهي بتحرك ايديها قدام وشه ...

 يا استاذ انت مش بترد ليه ؟ حاسس بايه ؟

يوسف زي ما هو 

فرح ... 

يادي النيله السوده شكله عبيط دا ولا ايه

يوسف بهيام ...

 لا انا يوسف هاي انتي مين

فرح بدهشه ...

 هاي ايه وزفت ايه ع دماغك لما انت كويس مش بترد ليه يا عم انت 

يوسف بحب ...

 انا كنت سرحان ف جمال عينكي .. اسمك ايه ؟

فرح بسخريه وصوت عالي شوية ...

 سرحان ف ايه يا روح امك؟

يوسف بدهشه ...

 روح امك

فرح ...

 قوم يا عم من قدام عربيتي بدل ما اعدي عليك اخليك مش نافع ب بصله

يوسف ... 

حضرتك بتكلميني انا ؟

فرح بضيق ...

 لا بكلم امي .. ما تقوم بقا خليني امشي 

يوسف قام وهو مستغرب من طريقه كلامها من أول نظرة اتشد ليها بس كان متخيل أنها بنوتة رقيقه اتفاجا من طريقتها بس ابتسم ولما حس أن قلبه دق بقوة وكانة بيقولو رقيقه مش رقيقه هي دي اللي انا دقيت عشانها قام وقف واتكلم ببتسامة مرسومة علي وشه بحب

يوسف ... 

مش عارف ازاي القمر دا بيقول الكلام دا بس مش مهم المهم انة كسب الرهان خلاص 

فرح بتعجب ...

رهان ! رهان ايه ؟ انت تعرفني اصلا يا جدع انت 

يوسف ... 

 لا بس هعرفك متقلقيش .. أما بقا الرهان دا كان مع قلبي كان مراهني انه هيدق وهيحب من اول نظره لملاكه و حصل ودق .. دق اوي

فرح بلويه وش ... 

وكمان نحنوح يلا يا بابا من هنا بدل ما اعلم عليك

يوسف ...

بغض النظر عن نحنوح دي بس ماشي وماله علمي براحتك ما كده كده هنتجوز وهسيبك تعملي كل لل عايزاه فيا

فرح ... 

انت مجنون يا راجل انت ولا ايه ايه يا ربي النهار اللي باين من أوله دا امشي بقا عطلتني منك لله 

مش يوسف بتجاه عربيته وتحرك وراء فرح من غير ما تحس هي اصلا اول ما ركبت عربيتها واتحركت نسيت كل حوارها مع يوسف وبدأت تفكر في مشوارها وحاله ليلي 

❈-❈-❈

بعد شوية وقت وقفت قدام كافيه هادي ودخلت ويوسف وراها بمسافه عشان متاخدش بالها وقعد بعيد شوية عشان متشفهوش

فرح ...

 السلام عليكم ازيك يا دكتور اسفة علي التأخير غصب عني والله 

همت ... 

وعليكم السلام ولا يهمك يا فرح انا لسه واصله من دقيقتين بس ها طمنيني في اخبار جديدة ؟ 

فرح بحزن ... 

انا بصراحه مش قادره اشوفها كده وحاولت افهم اي حاجه منها رافضه تتكلم معايا بس سمعتها بالصدفه امبارح بالليل بتكلم صوره والدتها عشان كده كلمتك وطلبت نتقابل بسرعه 

همت بتركيز ... 

 سمعتي ايه ؟

فرح بتوتر ... حاضر هقولك

فرح بدأت تحكي اللي سمعتو 

  فلاش باك

ليلي ببكاء وصوت واطي ...

 ليه كده يا امي .. ليه عملتي فيا كده .. انتي وهو السبب ف حالتي دي .. انا مش بعرف اتكلم مع اي راجل .. ولو حصل وراجل لمسني بالغلط انا من التوتر بيغم عليا ..متخيلة حالتي وصلت لايه ؟ .. طب انتي ومكنتش تعرفي ان كلامك معايا هيوصلني لكده .. طب وهو عمل معايا كده ليه انا اذيته في ايه .. انا عمري ما اذيت حد ولا عايزه حاجه من حد غير اني اكون ف حالي .. ليه مش قدرتو تسيبوني ف حالي يا ماما .. انا مش مسامحكم ابدا 

انهارت بعدها في العياط مرة تانيه ودموع فرح نزلت بحزن علي ليلي 

باك

فرح بحزن ...

 دا كل اللي سمعته منها يا دكتور 

همت بتفكير ... 

تفتكري مين الراجل اللي كانت بتتكلم عنه ليلي ... يعني ممكن يكون والدها مثلا ؟

فرح بنفي ...

 لا لا مظنش لي لي كانت مرتبطه اوي ب باباها لحد ما مات هي علاقتها ب خالتو بس ال كانت مش بنفس القرب ومكناش نعرف السبب ايه 

همت ...

فرح كدة مش هينفع اللي بنعملو دا لي لي لازم تتكلم معايا بارداتها يا فرح عشان اقدر اساعدها

فرح ... 

بحاول صدقيني بس محتاجة شويه وقت كمان .. اتصرف ازاي دلوقتي 

همت ... 

خليكي جمبها ديما وافضلي سمعيها نفس الكلام انها مش صغيره ولازم تعتمد ع نفسها ولمحي ليها انها تجيلي وشوفي رد فعلها

فرح ... 

حاضر يا دكتور شكرا لحضرتك تعبتك معايا وعارفه ان اللي بنعملو مينفعش مفيش علاج عن بعد كدة بس معلش استحملي معايا شوية وانا أن شاء الله في اقرب وقت هخلي لي لي تجيلك بنفسها 

همت بتفهم ...

تمام يا فرح مفيش مشكلة انا معاكي ديما وفي اي وقت 

يتبع...