رواية عشق الروح 
بقلم الكاتبة منى محمود

نوفيلا عشق الروح 

الفصل الثالث

رامي كان قاعد في اوضتة لوحدة زي عادتة اخر فترة بينه وبين نفسه اسئلة كتير اوي مش لاقي ليها اجابه خايف يحس باي امل ويطلع علي الفاضي وفي نفس الوقت مش عارف يتأقلم علي الحياة كدة واللي تعبه اكتر بعد ناس كتير اوي عنه أولهم ميريهان اللي كان بيفكر جديا أنه يتقدم ليها ويخطبها بعد ضغط الميزانيات وهي ولا علي بالها ومسافرة تتفسح قاطع افكارة وحديثه مع نفسه دخول يوسف عليه 

يوسف ...

مساء الخير روميو باشا .. عامل ايه دلوقتي ؟ 

رامي ابتسم ... 

تمام الحمد لله يا حبيبي .. مال صوتك سعيد كده ليه ؟ 

يوسف ...

اي دا معقول باين عليا اوي كدة ؟

رامي ....

صوتك باين عليه السعادة وبعدين لو مش انا اللي هعرفك من غير ما تتكلم مين يعرف يعني 

يوسف ...

حبيبي يا رامي هحكيلك كل حاجه بس توعدني انك تساعدني لأن بجد محتاج مساعدتك جدا جدا جدا 

رامي بتعجب ...

مساعدتي انا !!! عموما اوعدك لو ف ايدي اي حاجه مش هتاخر عنك .. قول بقا شوقتني 

يوسف بصوت عالي ... 

انا حبيييييت يا روميو حبيت احلى واطعم وارق واشرس بنت ف الكون كله

رامي بسعادة ... 

بجد .. اخيراااا .. ويا تري بقا حب من اول نظره زي ما كنت متخيل ولا ايه ؟

يوسف بغرور ... 

طبعا يا ابني قلبي وانا ادري بيه .. طالما قالي هتحب من اول نظره يبقى هحب من اول نظره .. بس يعني ف مشكله صغيرة كدة 

رامي ... 

خير يا رب مشكله ايه ؟

يوسف ...

ركز معايا يا سيدي هحكيلك من الاول خالص لحد اللحظة دي بص يا سيدي

وبعد ما يوسف خلص كلامة ومع كمان طلبه من رامي في أنه يساعدة أنه يتقرب من فرح كان رد فعل رامي متوقع تماما 

رامي بصوت حاد ... 

وانا مال امي بالحوار دا .. انت عارف اني بطلت شغل .. ايه هروحلهم ازاي وانا أعمى كده .. انت اتجننت يا يوسف عايزيني اكون فرجة للناس علي اخر الزمن 

يوسف ... 

اهدي يا رامي ممكن .. انت طلبت احكيلك وحكتلك .. وبعدين انت اه ف مشكله ف النظر عندك لكن لا هي في مخك ولا لسانك .. ثانيا البنتين فعلا لوحدهم عشان كده هو سرقهم .. يا اخي اعتبرها مساعده لوجه الله مش لاخوك .. وحقيقي انا عايز اساعد ليلى قبل ما أقرب من فرح .. ليلى تستاهل كده

رامي ... 

انا مش هروح اشوف حد .. خلي حد منهم يسجلك فويس ب تفاصيل وانا هقولك يعملو ايه وممكن ابعتلهم حد ثقه من المكتب عندي كمان 

يوسف ... بذمتك دا حل ؟ .. رامي ارجوك وافق .. عشان خاطري انت لو بعتلهم حد انا مش هعرف اروح هناك كتير والله انا جاد جدا و واثق ف مشاعري تجاة فرح ساعد اخوك الصغير متبقاش رخم يا اخي 

سكت رامي شوية بيفكر و يوسف احترم سكوتة وسابه ياخد وقتة وبعد سكوت دام خمس دقايق اتكلم رامي بهدوء 

رامي ... 

ماشي يا يوسف لما اشوف اخرتها معاك ايه انا موافق بس انا هروح مرتين تلاته بس تكون انت ظبطت امورك مع الست فرح تمام ؟

يوسف بفرحة ...

احلي رامي في الدنيا كلها تسلم يا كبير 

رامي ابتسم ...

بكاش طول عمرك 

يوسف ...

ربنا يخليك ليا يا روميو بقولك ايه انا بكرة الصبح هروح ابلغ ليلي انك وافقت قبل ما ترجع في كلامك قشطة 

رامي ...

ماشي يا سيدي 

❈-❈-❈     

في مكان تاني في اليونان كانت مريهان قاعدة سرحانة خايفة تكون كدة خسرت رامي وهي كانت حسه أنه بيحبها بجد لكن في نفس الوقت هو بالنسبالها كان عادي شاب وسيم لذيذ خروج وسهر مش اكتر فاقت من سرحانها علي اللي قعد قدامها واتكلم 

توبا ( توفيق ) ....

الجميل سرحان اوي كدة في ايه ؟

مريهان ابتسمت ....

ولا حاجة مفيش 

توبا ....

هتخبي عليا دا انا توبا صديقك الصدوق بعرفك ديما لما يكون فكرك مشغول بحاجة 

مريهان ....

مممم عموما و يا تري بتعرف كمان بفكر في ايه ؟ يعني بما انك صديقي الصدوق وكدة 

توبا ....

بتفكري في رامي عارفه انك بسفرك في ظروفه دي كدة انتي خسريته وخايفه تندمي علي كدة رغم انك مبتحبهوش بس ممممم نقدر نقول مستخسراه يضيع منك 

مريهان كشرت ...

لا طبعا ايه اللي بتقوله دا 

توبا ابتسم ....

بقول الحقيقه يا ميري بقولك طالما مش بتحبيه سيبيه يقابل اللي يحبه سواء نظرة رجعله أو لا انتي عارفه أن رامي يستاهل يكمل مع حد بيحبه وانتي مخسرتيش يا ميري طالما محبتهوش تبقي خطوة بعدك مهما كانت مؤلمة له دلوقتي إلا أنها صح جدا وهيعرف هو دا بعدين ركزي ف حياتك ومستقبلك و

قاطعته مريهان بضيق ....

توبا اقفل كلام لو سمحت كلامك كله عصبني اصلا وقفلي مودي انا هقوم اشوف باقي شله فين قايم معايا ولا لا ؟

توبا باصص لها وساكت 

مريهان بعصبيه ....

اوك انا همشي وانت اقعد هنا لوحدك بقا باي

سابته ومشيت وهو اتنهد بوجع علي حبيبته اللي تعبه قلبه ديما ومش شايفاه بتشوف كل الناس إلا هو بتشوف مميزات كل الرجاله اللي حواليهم الا هو بص لطيفها وهو بيختفي بحزن علي حاله وقام طلع اوضته يقعد مع نفسه يمكن يقدر يوصل لقرار يريحه من اللي هو فيه 

فرح حاولت تفهم من ليلي حكايه يوسف بس ليلي مريحتهاش كل اللي قالته أنها بتنفذ كلام دكتورة همت وان دا مفروض يفرح فرح وان يوسف حد طيب ومرح وكويس بس هي اللي ديما تصد اي راجل 

❈-❈-❈     

في صباح يوم جديد وصلت ليلي وفرح المكتب وكل واحدة كانت في مكتبها بتشوف شغلها 

ليلي كانت بتحضر لحفله زفاف لابنه رجل أعمال كبير ومركزة جدا في شغلها قاطعها دخول مها 

مها ...

اسفه يا استاذة بس استاذ يوسف بركات برة وطالب يقابل حضرتك 

ليلي ...

اوكي يا مها خليه يتفضل 

خرجت مها و ثواني ودخل يوسف 

يوسف ببتسامة ...

 ازيك يا صديقتي 

ليلى ...

انا الحمد لله ازيك انت يا صديقي

يوسف ...

 انا تمام جدا .. والحب الحب عامل ايه ؟

ليلى ...

 ههههههه الحب زي الفل هي لسه تحت تأثير الصدمه لحد دلوقتي

يوسف ...

 هههههه والله صعبت عليا قلبي يا ناااااس

ليلى ... 

بس يا عم هتفضحنا اهدي كده ل نلاقيها داخله علينا

يوسف ... 

هههه حاضر هدينا المهم كنت عايزك ف موضوع كده

ليلى ...

 موضوعاتك كترت علي فكرة قول يا سيدي

يوسف ...

معلش انتي قلبك كبير .. فاكره موضوع المحاسب ال قولتلك عليه

ليلى ...

 اه طبعا ومستنياه 

يوسف ... 

بصي يا ستي المحاسب دا يبقى رامي اخويا بس قبل ما جيبو لازم اعرفك ظروفه الاول 

ليلي ....

ظروف ايه ؟

وحكي لها يوسف عن رامي وازاي كان مجتهد وطموح وشاطر جدا في شغله ومرضه المفاجيء اللي غير كل حياتة وعزلتة وحزنه علي نفسه ... ليلي كانت بتسمعه بتركيز و ملامحها اتحولت للحزن لما يوسف جاب سيره عمى رامي المفاجيء 

يوسف ...

 انا كان لازم اشرحلك كل حاجه لان زي ما هو هيساعدكم ف نزوله الشغل تاني في الوقت دا هيساعده جدا جدا

ليلى ...

 متقلقش يا يوسف أن شاء الله خير وتبقي فترة وتعدي ويرجع زي الاول واحسن كمان خليه يجي بكره وقاعده مرة واحده مع فرح هتنسيه الدنيا كلها 

يوسف بغيره ... 

نعم حضرتك فرح ايه و تنسى مين ياما .. هيقعد معاكي انتي الأول و لو قعد مع فرح اكون موجود اه انا بقولك اهو

ليلى ... ههههههه انت مجنون والله .. ماشي يا عم العاشق .. هنستناكم بكره بس انا هكون موجوده لحد ٣ العصر وبعد كده ورايا مشاوير بره المكتب

يوسف ... 

أن شاء الله علي ساعه ١٢ هتلاقينا عندك بقولك ايه ما تندهي لفرح باي حجة خليني أشوفها يسعدك ربنا 

ليلي بجديه ....

احنا اتفقنا علي ايه ؟

يوسف كشر ...

هو انا بقولك هحب فيها بقولك هشوفها بس يا ساتر عليكي سلام يا لي لي

ليلى بضحك ...

 سلام يا مجنون متتاخرش بكرة 

اخر اليوم ليلي حكت ل فرح كل اللي يوسف قاله وطلبت منها تكون لطيفه شويه معاهم عشان حاله رامي ونفسيته وفرح وافقت بس من جواها استغربت أن يوسف جه ومشي من غير ما يشوفها 

يوسف كمان بلغ رامي أنهم هيكونو في المكتب تاني يوم الظهر ورامي وافق بس من جواه كان خايف يكون اتسرع في الخطوة دي 

❈-❈-❈ 

صباح يوم جديد وصل يوسف ورامي علي مكتب ليلي 

يوسف ل مها ....

صباح الخير في معاد مع أستاذة ليلي 

مها ...

 اهلا استاذ يوسف استاذة ليلى ف انتطاركم اتفضلو 

دخل يوسف ورامي ورحبت بهم ليلي

ليلى ... 

اهلا وسهلا ..اتفضلو .. ازيك يا جو

يوسف ...

 تمام يا لي لي دا يا ستي رامي اخويا اشطر محاسب ف مصر كلها

ليلى ببتسامة ... 

اتشرفنا بحضرتك يا استاذ رامي

رامي ...

 الشرف ليا .. بس بلاش استاذ دي رامي بس ممكن

ليلى ...

 اوك يا رامي اعتقد يوسف حكالك علي المشكله الي عندنا 

رامي ... 

حكالي بس محتاج اعرف منك شويه تفاصيل اكتر 

ليلى ...

 التفاصيل كلها هتكون مع فرح .. انا مبفهمش اي حاجه ف اي أمور ماليه ثواني هتطلبها تيجي وتشرحلك كل حاجة 

يوسف ...

أيوة يلا اطلبيها بسرعه 

ضحكت ليلي ورامي عليه واتصلت طلبت فرح في مكتبها وبعد دقيقه دخلت فرح 

فرح ...

 ايوه يا لي لي .. انت شرفت يا بيه اخيرا 

رامي استغرب طريقتها بس معلقش

يوسف ... 

اه شرفت يا هانم ايه متعرفيش تلمي لسانك ال مترين دا شويه

فرح ... 

انا لساني مترين .. تصدق ان انت 

ليلى قاطعتها ... 

بس بس فرح افصلي احنا بنتكلم ف شغل دلوقتي وانتي وعدتني هتبقى اهدي من كده ولا ايه ؟

فرح بضيق ... صبرني يارب .. اتفضلي عايزه ايه من زفته

ليلى ... 

استاذ رامي اخو يوسف عايز يعرف تفاصيل اكتر منك عن المشكله اللي حصلت 

فرح اخيرا خدت بالها أن رامي قاعد 

فرح بحرج ...

 احم .. اهلا استاذ رامي سوري مخدتش بالي من حضرتك 

رامي بمرح ...

 يا جماعه لو فضلتو تقوليلي استاذ همشي والله .. ثانيا حضرتك تعملي ف الحلوف دا ال انتي عايزاه هو مبيحسش اصلا

يوسف ... 

طب ليه الغلط بقا دلوقتي انا اتكلمت 

فرح ...

 اهو حتى اخوك مش طايقك سبحان الله 

ليلى ...

 فرررح خلاص بجد وقلتلك يوسف صديقي عيب كده

فرح ...

 ما هو انتي طول عمرك ملكيش صحاب ف دنيا غيري يوم ما ربنا يكرمك وتقرري تصاحبي متلاقيش الا دا

يوسف كشر ... 

وماله دا يا بتاعه انتي مش عجبك في ايه ؟

فرح كشرت ... 

احترم نفسك اهو انت اللي بتاع 

ليلى بعصبيه خفيفه ...

 بسسسس ايه مبتفصلوش هنتكلم ف شغل ولا لا في يومكم دا 

فرح ... 

اوك اهدي خلاص سوري هسكت اهو

يوسف ...

 سوري يا لي لي سكت اهو 

رامي ابتسم ...

 ايه دا انتي بتخوفي يا ليلي ولا ايه .. ههههه

ليلى ... 

هههههه هما مبيجوش غير بكده لكن انا كيوته والله

فرح ... 

ماشي يا كيوته .. المهم يا رامي من غير استاذ .. المحاسب ال كنا بنتعامل معاه ف فتره انشغلت عن اني اراجع وادقق ف شغله .. اكتشفت بعدها انه كان بيضرب وصلات عشان ياخد فلوس زياده يعني ع حسب ما حسبت ضارب مننا حوالي عشرين ألف كده

رامي بتركيز ...

 اسمه ايه المحاسب دا ومن مكتب مين ؟

فرح ...

اسمه محمد من مكتب عمر مختار للمحاسبه

ليلى بمجرد ما فرح نطقت الاسم اتوترت جدا ويوسف و فرح لاحظو دا لكن معلقوش 

رامي ... 

بتتعاملو معاه من اد ايه المكتب ؟

فرح بتفكير ... 

مممم اعتقد من تلت سنين تقريبا الا حاجة بسيطة

رامي ... 

يبقى ف حاجه غلط يا فرح ممكن تقريلي الورق بالتفصيل و حاجه كمان ال بيراجع معاكي هنا هو هو اللي بيتابع معاكي من تلت سنين

فرح ...

 لا ف واحد بيجي جديد بقالو ست شهور بس

رامي ...

 هو دا ال هزقتيه ومشيته صح كدة ؟

فرح ...

 ايوه ولما المكتب حاولو يكلموني رفضت وقفلت في وشهم كنت مش طايقاهم الصراحة 

رامي ... 

بصي انا تقريبا كدة فهمت بس اقريلي الورق واقولكم راي في الاخر 

فرح ... 

حاضر ثواني اجيبه واجي علي طول 

❈-❈-❈     

خرجت فرح من المكتب ويوسف سال ليلي بسرعه قبل رجوع فرح 

يوسف ...

 ايه يا لي لي لسه زي ما هي معلقتش خالص علي اني امبارح جيت ومشيت من غير ما أشوفها ؟

نظرت ليلى ل رامي وسكتت ويوسف فهم 

يوسف ...

 رامي عارف كل حاجه يا ليلي .. ها طمنيني بقا

ليلى ...

 يا يوسف انت ملحقتش تقرب ليها قلتلك لازم تكسب ثقتها والأهم تكون قد الثقه دي فرح عقلانيه جدا اهم حاجه عقلها يقتنع مش قلبها خالص واحنا ملحقناش نعمل اي حاجة اصبر شويه 

رامي ... 

بس الحب بالقلب مش العقل يا ليلي

ليلى ...

 انا معاك الحب بالقلب بس فرح بقا مختلفه الحب عندها ثقه و ان عقلها يطمن قبل قلبها .. لما هتطمن هتفتح قلبها وهتحب .. يا يوسف لازم تصبر عليها مش دا اتفقنا انك هتصبر و هتتعب

يوسف ... 

وانا مستعد اصبر واتعب العمر كله بس تحس بيا 

رامي كشر بهزار ...

 اتقل يا ياض في ايه .. انشف كده

يوسف ... 

انشف ايه بس .. دي منشفه دمي علي طول شوفت لسانها طويل ازاي بس عسل 

ضحكو عليه و في اللحظة دي دخلت فرح وهي شايلة اربع ملفات 

فرح ...

اتفضل يا رامي من غير استاذ دا كل الورق ال يخص التعامل مع مكتب عمر مختار

يوسف ... 

اربع ملفات يا مفتريه كتير اوي 

رامي ...

 ههههههه انتي دقيقه اوي يا استاذه فرح 

يقاطع حديثهم تلفون ليلي اللي رن  

ليلى ...

 ثانيه واحده معلش تلفون مهم لازم ارد .. الو .. ايوه يا مدام نجاه ع معادنا طبعا ... انا مقدرش انسى اهم حفله بعملها كل سنه ... اكيد فرح هتكون موجوده .. مشكله ايه .. ازاي يعتذرو قبلها بيوم وحضرتك ازاي توافقي ع اعتذارهم من غير ما يجيبو بديل .. هحاول اتصرف اكيد .. اوك مع السلامة

فرح ...

 خير يا لي لي مشكله ايه ف حفله بكره ؟

ليلى بصوت حزين ... 

تخيلي يا فرح الفرقه ال بتعمل العرض اعتذرو و مجبوش بديل ليهم

فرح ... 

مممم بصي من راي يا لي لي ان اكيد مش هنلحق نشوف حد بديل .. كنسلي بقا بكرة لحد ما نظبط نفسنا

ليلى بعصبيه ... 

انتي بتقولي ايه .. اكنسل ايه ؟ دول بيستنونا من السنه ل السنه فرررح متعصبنيش زياده

يوسف ...

 اهدي يا لي لي وفهمني ف ايه يمكن نقدر نساعدك حفله ايه دي ؟

ليلى بحزن ...

 دي حفله دار مسنين بعملها ليهم من السنه ل سنه وبيفرحو جدا بيها فرحتهم بتفرحني ازاي اكنسلها أو أجلها هيزعلو والله 

رامي ... 

طب ما تكنسلي فقره الفرقه دي بس وكملي الحفله عادي 

ليلى ...

 لازم بديل .. الفرقه دي كانت بتفرحهم جدا وبتاخد جزء كبير جدا من اليوم .. لو لاغيت لازم بديل يفرحهم

يوسف ... 

طب نفكر سوا واكيد هنلاقي حل

ليلى بحزن ... 

مش قادره افكر 

رامي ...

 طيب ايه تاني فقرات ف حفلتك غير الفرقه دي ؟

ليلي ... 

يعني موسيقى .. رقص .. بوفيه .. اخر اليوم هدايا بسيطة بتتوزع عليهم 

يوسف ... 

مممممم طب ما تيجي نلاعبهم يا لي لي 

فرح ...

 تيجي دي ال هما مين يا كابتن

يوسف ...

 ايه دا هو انا مقلتلكيش

فرح ...

 لا وربنا ما قلت 

يوسف ببتسامة ... 

احنا هنيجي معاكم بكرة أن شاء الله .. صح يا رامي ؟

رامي ...

 لو ليلى وافقت اكيد طبعا دي حاجة تفرحني جدا 

ليلى ... 

اكيد طبعا موافقه ... قولي بقا يا جو نلاعبهم ازاي 

يوسف ... 

يعني مثلا نعمل فريقين ونلعب بدون كلام .. او نسألهم لو حد فيهم عنده موهبه نشوفها كلنا ونشجعه يكونو هما ابطال اليوم مش مجرد متفرجين وبس 

ليلى ... 

الله فكره حلوه اوي

فرح ... 

طيب يعني مدورش ع بديل للفرقه 

ليلى ...

 لا هما بكره هيكونو أبطال اليوم متفرجين و مؤديين كمان .. عجبتني فكره جو جدا 

فرح بسخريه ...

فكرة جو وهيجي معانا والله انا عامله زي الاطرش ف الزفه 

رامي بجديه ... 

طب مش هنرجع ل حوار الشغل بقا ولا ايه 

ليلى ... 

 قولي ايه ف دماغك يا رامي حسه انك شاكك ف حاجه

رامي ...

 مكتب عمر مختار له اسم ف السوق وبقالكم سنين بتتعاملو معاه ودا اسلوب هواه ف السرقه .. غالبا المحاسب الجديد كان بيعمل كده من ورا عمر ولما المكتب حاول يفهم حصل ايه ونهيتو التعامل معاهم ليه فرح صدتهم ومدتهمش فرصه 

فرح ...

طب ودا نثبته ازاي ؟

رامي ... 

سهل اوي .. هشوف الورق ف ايه .. هنتكلم مع عمر مختار نفسه .. ووقتها كله هيبان

ليلى بتوتر ...

 لا لا ملوش لزوم احنا يا سيدي التعامل معاهم لحد كده خلص .. نصيب بقا .. وبعدين عيب والله يبقى ادامي اكبر محاسب ف مصر واشوف حد تاني

رامي ...

 مش للدرجه دي .. عموما براحتكم انا بس كنت حابب ارجعلكم حقكم

فرح ... 

ايه يا لي لي ما تسيبه يرجع لنا حقنا من الحيوان ال سرقنا دا

ليلى ... 

لا خلاص قلت مش عايزه تعامل مع مكتب دا تاني .. رامي موافق تمسك شغلنا ولا لا ؟

يوسف ...

 ايه يا بنتي ال غير رايك كده ؟ فهمينا طيب ؟

ليلى بعصبيه ... 

انا مش عايزه اتعامل مع مكتب دا .. مش عايزه 

فرح ... خلاص خلاص اهدي انا اسفه رامي بليز وافق

رامي بدون تفكير ... 

اوك يا ليلي اهدي .. انا موافق

ليلى ... 

ميرسي يا رامي وبما أن خلاص كدة رسمي بما معانا محاسب خلي الشغل من بعد بكرة بقا ايه رايكم 

يوسف ...

تمام يا ليلي احنا هنمشي و ابعتلي لوكيشن بمكان الدار و المعاد ع الواتس 

 ليلي ... اوك يا جو تمام

وبعد السلامات مشي رامي ويوسف وكملت ليلي وفرح شغلهم والكل علي لقاء جديد هغير حاجات كتير اوي 

يتبع...