رواية عشق الروح 

بقلم الكاتبة منى محمود

نوفيلا عشق الروح 

الفصل الرابع

بيقال أن العين بتعشق قبل القلب !!!

مقوله خاطئة 

تاني يوم وصل رامي ويوسف الدار وقابلو ليلي و فرح 

ليلي كانت لبسه بليزر بينك فاتح طويل وتوب ابيض قصير علي بنطلون اسود واسع وشعرها القصير سايباة كان شكلها بسيط بس جميل 

أما فرح كانت لبسه فستان قصير بعد الركبة بحاجة بسيطة كتفة ساقط شوية وملون بكزا لون وميكب يناسب اللوك بتاعها

يوسف اول ما شافهم اضايق جدا من لبس فرح بس حاول ميبينش دا 

يوسف ...

صباح الخير

فرح و ليلي ....

صباح النور 

رامي ...

اتاخرنا عليكم 

فرح ...

لا ابدا احنا كمان لسه واصلين ... عن ازنكم هروح أتمم علي البوفيه واجي 

رامي ...

تمام اتفضلي 

اول ما فرح مشيت يوسف اتكلم بغضب 

يوسف .... 

ايه يا ليلي ال فرح لابساه دا ينفع كده .. اروح اديها قلمين دلوقتي

ليلى كشرت ... 

عشان تردهملك عشره .. اهدي بقا قلنا تقرب مش تبعد .. الصديق مش بيغير يا يوسف

رامي بهدوء ... 

ليلي معاها حق .. اهدي بقا

ليلي ... 

فرح بتشاورلي هروح اشوف في ايه عن ازنكم 

مشيت ليلي من قدامهم وكملو هما كلامهم 

يوسف كشر ...

 مش عارف انا بتجيب اللبس دا منين .. ما لي لي اهي لبسه طقم محترم وزي القمر

رامي بفضول ... 

ما توصفلي ليلى كده يا جو ؟

يوسف ...

 لا ليلي مش نوعك خااااالص يا روميو 

رامي بتعجب ... 

يعني ايه مش نوعي ؟

يوسف ...

 يعني ليلى مش صاروخ من وجهه نظرك

رامي ...

انجز اوصفها واخلص من غير فلسفه ملهاش لازمة 

يوسف ... 

هي قصيره شويه بس مش اوي .. مليانه بسيط وشها مدور شعرها قصير عينها عسلي لون شعرها لابسه فستان بليزر وتوب علي بنطلون واسع تحفه ومحتشم مش زي الفقريه ال انا بحبها

رامي بدء يسرح و يرسم ليلي في خياله ومستغرب نفسه ليه بيعمل كدة فاق من سرحانة علي صوت يوسف 

يوسف بصوت عالي ... 

يا بني بقالي ساعه بكلمك رحت فين ؟

رامي ...

 ها ايه معلش مسمعتش كنت بتقول ايه ؟

يوسف ....

بقولك اشمعني ليلي ال طلبت مني اوصفها ليه مطلبتش مني اوصف فرح مثلا او الاتنين ؟

لسه رامي هيرد لكن قاطع حديثهم هما الاتنين صوت ليلي في المايك 

ليلى ...

 انهارده احلى يوم ف السنه بالنسبالي طبعا عشان معاكم انا حضرتلكم مفاجأه يارب تعجبكم .. طبعا كتير ناس منكم عندهم مواهب مختلفه .. احنا بقا انهارده حبين نعرفها لو سمحتو لينا .. ها نبدء بمين ؟

رامي كان مبسوط الابتسامة مش مفارقه وشه واي حاجة مش فاهمها بيخلي يوسف يشرحهالو 

❈-❈-❈     

اليوم كان جميل كله ضحك وهزار وحب وقت البوفية ليلي مقعدتش ثانية واحدة كانت عايزة تتأكد أن الكل بياكل ومش ناقصه حاجة

رامي بتساؤل ....

هو فين ليلي ؟

فرح ...

ليلي بتلف عليهم تتأكد أن كله تمام

يوسف ....

وانتي عماله تأكلي وسيبه صحبتك محتاسه لوحدها 

فرح كشرت ...

جعانة يا يوسف جعااانة مش كفاية الصبح نزلتني من غير فطار رغم ان الست دي امي كانت عمالة حبة فول بالسمنة البلدي مممممم ومع ذلك المفتريه نزلتي من غير لقمة واحدة هاجي دلوقتي كمان وماكلش ؟ حرررررام

رامي بضيق ....

يعني هي عماله تلف من الصبح لحد دلوقتي من غير اكل دا كلام يا فرح

فرح كشرت ...

وانا اعمل اية ندهت عليها كزا مرة مش بترد 

رامي بحزم ...

يوسف روح قالها تعالي حالا كلمي رامي 

قام يوسف وجاب ليلي ورجع 

ليلي ...

نعم يا رامي ؟ محتاج حاجة ؟

رامي ...

اه محتاج انك تقعدي حالا وتتغدي معانا يوسف روح جهزلها طبق بسرعه 

ليلي لسة هتعترض رامي كمل بحزم

رامي ...

يلا يا يوسف بسرعه وانتي اقعدي اتغدي معانا الا والله هقوم حالا وامشي ومش هتشوفوني تاني 

قعدت ليلي وهي مكشرة 

فرح ...

احسن عشان عماله انده عليكي تعمليلي بأيديك كدة هون 

ليلي ...

مش كنت بطمن علي الناس 

رامي ...

واطمنتي والمفروض انا ويوسف ضيوفك كمان علي فكرة ومفروض تتغدي معانا

ليلي ...

ما فرح معاكم يا رامي 

يوسف وهو بيحط ادامها الطبق ...

فرح مين يا لي لي بس ال تضايفنا دي خلصت طبقها من بدري ودخلت علي طبقي 

فرح ....

هههه لذيذ اوي 

يوسف ....

هههه مش اكتر منك

رامي ...

ما تاكلو وانتم ساكتين بقا وبعدين 

سكتو كلهم وبدؤ ياكلو والضحكة علي وشهم بعد الغدا ليلي وفرح قامو وزعو الهدايا ويوسف فضل جمب رامي والكل كان مبسوط بالحفلة

❈-❈-❈     

 وبعد شوية وقت كمان كانت الحفلة خلصت وكانو الشباب بيسلمو علي البنات 

فرح ...

 اخيراااا خلصنا .. اليوم كان متعب اوي

ليلى ... 

بالعكس كان حلو اوي كفايه ضحكتهم دي لوحدها تنسيكي اي تعب 

فرح ...

 تنسيكي انتي يا اختي .. بقولك ايه والله لو اتشقلبتي انا ما نازله الشغل بكره انا بعرفك اهو

يوسف كشر ...

يعني رامي مش هيجلكم بكرة ولا اية ؟

فرح ...

بجد تعبت انهاردة مش قادرة اشتغل خالص

ليلى ... 

خلاص يا ستي ريحي بكره براحتك ونكمل شغل من بعد بكرة 

يوسف ...

 وانتي كمان يا لي لي مفروض تريحي بكره انتي تعبتي اوي انهارده

ليلى ... 

لا انا راحتي ف مكتبي مبحبش قاعده البيت

فرح ... 

طب ما نخرج يا لي لي خلق الله كلهم بيخرجو احنا يا البيت يا مكتب ولو حنيتي عليا بتخليني اروح النادي

رامي ... 

ايه يا ليلي بتعذبي البنت معاكي كده ليه ؟

فرح ...

 قولها الله يخليك يا هندسه

رامي بتعجب ... 

هندسه .. لا يا ليلي فرح تستاهل اقولك نزليها بكره الشغل بلاش دلع

فرح ...

 ليه كده بس .. الله يسامحك دي ما بتصدق وربنا 

يوسف ....

 طب اي رايكم نتغدى كلنا سوا بكره احنا عزمنكم يا ستي

فرح ...

 انا موافقه لو لي لي وافقت

نظر يوسف ل ليلى نظره رجاء

ليلى ...

 اوكي مفيش مشكله 

رامي ...

 تمام هنعدي عليكم بكره ع ٢ونص كده مناسب ولا اي

فرح ... 

مناسب اوي .. يلا بينا بقا نروح هموت وانام

البنات روحو كانت سميرة نامت من بدري 

غيرو ونامو بسرعه من كتر التعب تاني يوم الصبح ليلي صحيت بدري واتصلت علي دكتورة همت 

ليلى ... 

صباح الخير يا دكتور .. عامله ايه اسفه لو بتصل ف وقت غير مناسب

همت ... 

صباح النور يا ليلي .. لا طبعا اتصلي اي وقت يا حبيبتي .. خير في جديد

ليلى ... 

انا بقا عندي أصدقاء جداد .. احم يعني هما .. اا شابين

همت ...

 ومالك متوتره كده ليه وانتي بتقوليها .. احنا مش اتفقنا

ليلى ... 

ايوه .. بس انا خايفه بردو

همت ...

 ليلى اتفقنا هنقضي ع خوف دا واحده واحده ومن غير اي استعجال صح

ليلى ... 

اه صح

همت ... 

تمام يبقي ملوش لزوم التردد دا او التوتر انتي تمام وقويه وتقدري تعدي من كل دا وانا جمبك وفرح كمان وخالتك اوك

ليلى ... 

اوك يا دكتور ميرسي ليكي وشكرا علي تعبك معايا 

همت ...

متقوليش كدة حبيبتي اى وقت كلميني هتلاقيني جمبك ديما 

ليلي شكرتها وقفلت معاها وقامت وهي كلها نشاط صحت فرح وعملو فطار بسيط وبدؤ يجهزو للخروجة والساعه ٢ ونص بالظبط يوسف رن علي ليلي عشان ينزلو 

❈-❈-❈     

 كانت ليلى لابسه فستان لونه اسود طويل و اكمامه قصيره وميكب رقيق وفرح لابسه بنطلون جينز و بلوزه بيج فاتح منقوشه ب ورد ملون وميكب تقيل ... بمجرد ما ركبو العربيه

يوسف بغيظ ... 

منووورين

ليلى ...

 دا نورك .. مالك بتتك عليها كده ليه

يوسف ... 

لا ابدا مفيش حاجة

رامي ... 

طب انجز ويلا انا جعان اوي 

ذهبو الي إحدى المطاعم الهاديه

ليلى ... 

الله المكان حلو اوي وهادي

رامي ...

 كويس انه عجبك .. انا كنت باجي هنا ع طول 

فرح ...

 ليلى تعالي معايا نشوف فين تواليت 

ليلى ... 

اوك عن اذنكم

واول ما البنات مشيت رامي سأل يوسف بسرعه ولهفه

رامي ... 

يوسف اوصفلي ليلى لابسه ايه بسرعه ؟

يوسف باستغراب ... وانت عايز تعرف ليه ؟

رامي كشر ...

 انجز قبل ما يرجعو وبعدين هقولك والله

يوسف ...

 لابسه فستان اسود طويل و نص كم

رامي ... حطة ميكب ؟

يوسف كشر ...

 بسيط اوي .. مش زي المحروسه التانيه حطه نص كيلو ف وشها

رامي ... 

ههههه قصدك فرح .. معلش الصبر حلو

يوسف بضيق ...

 اديني صابر .. المهم رامي ليلى مش من نوعيه البنات ال كنت بتعرفها .. ولا شكلهم .. ليلى بنت عاديه جدا ممكن تكون شكلا عاديه .. لكن قلبها ابيض وطيبه جدا

رامي ... 

انت قلتلي الكلام دا مليون مره .. وقلتلك فهمت وصدقني معرفش دا فضول او ايه بالظبط بس حاسس اني بقرب منها غصب عني

يوسف سكت ورامي كمان مضفش كلمة تانية والبنات جت 

يوسف ... 

ها هتتغدو ايه بقا ؟

فرح ... 

مممممم انا عايزه اسكالوب ورز 

ليلى ... وانا كمان زي فرح

رامي هو يقلد ليلي  ...

 وانا كمان اية الصوت الرقيق دا بس

ضحكو و ليلى اتكسفت و وشها احمر 

يوسف ... يخربيتك يا روميو لي لي وشها بقا طماطم اهمد يا عم

رامي ...

 انا بهزر سوري يا لي لي بجد 

كانت أول مرة رامي يقولها لي لي ونبرة صوت هادئة اتكسفت ليلي اكتر 

يوسف بمرح ... 

يادي النيله دي احمرت اكتر

ضحكو كلهم وفرح حبت تغير الكلام عشان خجل ليلي 

فرح ...

 الا صحيح يا يوسف ازاي قدرت تبقى صديق ل لي لي سحرتلها ولا ايه ؟

يوسف ...

لا سحر ولا حاجة اتكلمت ب صدق معاها وهي صدقتني بس كدة .. صح يا لي لي

ليلى بهدوء ... 

صح يا جو

فرح ...

 ع فكره مليون قبلك حاولو وبصدق بردو وخدو الصابونه كلهم

رامي ...

 صابونه ! .. لي لي البت دي قربيتك ازاي 

ليلى ...

 ههههههه دي تؤامي كمان بس احنا عكس بعض ف كل حاجه .. يعني انا بشوف اننا بنكمل بعض

رامي. .. 

ازاي يعني ؟

فرح ردت ... 

يعني انا مجنونه وهي هاديه .. انا لساني طويل هي عمرها ما تقول كلمه ممكن تضايق حد حتى لو ال حد دا ضايقها .. انا اجتماعيه جدا هي انطوائيه جدا .. وهكذا بقا يا هندسه

رامي ... 

تاني هندسه انا ليه حاسس اني قاعد مع سواق ميكروباص

يوسف ...

 لا و انت الصادق دا التباع بتاع السواق 

الاكل جه وكملو كلام وهما بياكلو

ليلى ...

 نتكلم جد بقا .. حضره المحاسب هنستناه بكره الصبح ان شاء الله ولا نقبل اي اعذار

رامي ... 

ليلى انا بطلت شغل .. هشوف بس مع فرح المشكلة اللي حصلت وبعد كدة هبعتلك حد كفاءه جدا والله

ليلى ... 

لا حضرتك ال هتيجي بنفسك ومفيش حاجه اسمها بطلت شغل

رامي كشر وكمل اكل وهو ساكت وكلهم زيه 

❈-❈-❈     

بعد الاكل يوسف حب ينفرد ب فرح وتكون فرصه ل ليلي تقنع فيها رامي بالشغل 

يوسف ...

 فرح تعالي اوريكي الفيو ال بره دا تحفه وكمان عايز اشرب سيجارة مع القهوة وجوة هنا ممنوع التدخين 

فرح بتفهم ... 

اوكي يلا بينا

بعد ماخرجو 

ليلى ... 

رامي انت مش بتعتبرنا أصحاب ؟

رامي بصدق ... 

واكتر والله يا لي لي

ليلى بكسوف بسيط ... 

طيب الشغل الحاجه الوحيده اللي هتريحك صدقني مهما كنت تعبان الشغل بيشيل اي تعب خصوصا لو بتحب اللي بتعملو وال عرفته من يوسف انك بتحب شغلك جدا واظن انك هترتاح معانا أن شاء الله يعني 

رامي ... 

يا لي لي انا بعشق شغلي .. بس مش حابب كل شويه احس بعجزي و اني محتاج حد يقرالي او يعمل ال اقولو عليه

ليلى ...

 طيب جرب لو اضايقت بطل وبعدين عندي فكره انت ممكن تقول ل فرح او انا او يوسف نعمل ايه واحنا نعملو اظن احنا مش هتحس معانا .. احم يعني أنك مضايق

رامي ابتسم ...

 معقول مش عايزه تنطقي الكلمه عشان متضايقنيش .. انا عمري ما قابلت حد ف طبيتك يا ليلي ولا في حنيتك ولا هدوءك بجد مفيش كده

ليلي سكتت وفضلت تضم ايديها في بعضها جامد واتوترت حتي صوت نفاسها بقا عالي حس رامي أن سكوتها طال وافتكر أنها اتكسفت جامد من شوية 

رامي ... 

لي لي انا اسف انا مقصدش اضايقك والله

ليلى لا رد 

رامي ...

 ليلى انتي كويسه في اية ؟

ليلى بصوت واطي ...

 اا اانا ك كويسه احم .. بس لو سمحت م متقوليش كده ت تاااني .. بلييز.. ب بتووتر

رامي ابتسم ...

 اسف حاضر والله يا ليلي اسف مره تانيه

ليلى ... 

احم لا عادي ح ححصل خخير 

رامي ...

 عموما انا عجبتني فكرتك .. بس كده انا مش هعطلكم 

ليلى ...

 لا ابدا لو انا فاضيه هقعد معاك والعكس ولو يوسف موجود تمام

❈-❈-❈     

نروح لمكان يوسف وفرح

يوسف ... 

تفتكري ليلى هتقدر تقنعه

فرح ... 

إن شاء الله تقدر .. هو ليه رافض يعمل العمليه

يوسف بحزن ... 

شايف انها ملهاش لازمه وأننا بنضحك عليه لما بنقوله ان نسبه نجاحها كبيره .. هو خايف يعشم نفسه و يطلع وهم واحنا غلبنا كلام معاه

فرح ... 

إن شاء الله خير اهو كان رافض الشغل وف احتمال يرجعو مين عارف بعد كده ممكن يقتنع بالعمليه

يوسف ...

 يارب يا فرح يارب

فرح...

 بس مش هتقولي بقا ازاي بقيت انت ولي لي صحاب كده

يوسف ...

 وانتي شغله نفسك كده ليه بالحوار دا

فرح ... 

عشان دا كان من عاشر المستحيلات انه يحصل وانا مستغربه بصراحة وبعدين لو مشغلتش بالي ب لي لي اشغله ب مين

يوسف وهو يغمز لها ...

 اشغليه بيا انا مثلا أنفع ؟

فرح كشرت ... 

تصدق انا غلطانه اني بتكلم معاك اصلا

يوسف ...

 بهزر بهزر ف ايه

فرح ... 

مبحبش الهزار الملزق دا بيخنقني 

يوسف ... 

ملزقو.. طب يلا يا سكر ندخلهم يلا

بعد مادخلو 

فرح بعفوية ...

ها قدرتي تقنعية ولا انا استحملت الهزار الملزق علي الفاضي ؟

يوسف ...

بردو بتكرريها والله ما حد 

قاطعته ليلي ...

ارحموني وبطلو نقار 

رامي ...

هههههههههههه عموما اه يا فرح لي لي قدرت تقنعني ف انا هجرب ونشوف ربنا يسهل 

يوسف ...

ماشي يا سيدي مع أن الواحد غلب كلام معاك وفي الاخر كلمتين من ليلي الاقيك وافقت 

فرح ...

قر بقا خلية بكرة الصبح يصحي راجع في كلامة ومش طايقانه كمان ما انت عينك مقورة ومدورة

يوسف ...

انا عيني مقورة ؟؟

فرح بضحك ...

ومدورة هههههههههههههههه

ضحكو كلهم واتنهي اللقاء علي وعد بلقاء تاني يوم بالمكتب 

عند ميرهان كانت مقضية وقتها كله فسح ورقص وسهر وتوبا معاها محاولش يفتح اي كلام يضايقها تاني كتم حزنة كالعادة وكمل دورة ك صديق وبس 

يتبع ..