رواية عشق الروح 

بقلم الكاتبة منى محمود

الفصل الخامس 

رواية

عشق الروح

بعد ما البنات مشيت ليلي روحت علي البيت علي طول وفرح راحت تكمل باقي اليوم في النادي كانت مبسوطة جدا بالحاله اللي ليلي فيها 

ليلي روحت كانت سميرة قاعدة في البلكونة بتشرب القهوة بتاعتها و بتسمع ام كلثوم   ( سيرة الحب ) 

ليلي ...

مساء الخير يا خالتو يا جميلة

سميرة ...

مساء النور يا حبيبتي ايه انبسطو انهاردة ؟

ليلي ...

اها كان يوم لطيف بس ايه الروقان دا كله يا سوسو حب جديد ولا ايه ؟

سميرة ضحكت ...

حب ايه يا لي لي دي قاعدة روقان خلصت كل اللي ورايا وانتم ومش موجودين والجو حلو يبقي ليه بقا منروقش مزاجنا بصوت الست وفنجان قهوة 

ليلي ...

ربنا يروق بالك ديما يا خالتو 

سميرة ....

بالي مش عارف يروق الا لما اطمن عليكم في بيوتكم يا حبيبه خالتك 

ليلي كشرت وسكتت 

سميرة ...

سكتي زي كل مرة انا قلبي وجعني منكم واحدة تقولي انا مش بفكر في الجواز خالص دلوقتي ولا قدام وانتي يا ليلي حطة كلام امك في دماغك ومش راضيه تتخطيه غير اني حسه أن فيه حاجة غير كلام سوسن ليكي وانتي مخبيه عليا 

ليلي بصوت مخنوق ...

لو سمحتي يا خالتو انا مش عايزة اتكلم في الموضوع دا 

سميرة ....

واخرتها يا ليلي امك ماتت يا حبيبتي بعيوبها ودماغها اللي كانت ليها تركيبه عجيبه لوحدها لأمتي حياتك هتفضل واقفه كدة 

ليلي عينيها دمعت كانت حبسه دموعها و بتفرك ايديها في بعض جامد وساكتة سميرة اتنهدت بحزن وحاولت تغير الكلام لما حست انها ضغطت كالعادة علي ليلي 

سميرة ...

 قصره ربنا يصلح الحال .. غريبه مش سامعه صوت فرح هي مجتش معاكي ولا ايه ؟

ليلي حاولت تبتسم ...

لا يا حبيبتي صحابها اتصلوا بيها متجمعين في النادي راحت تقعد معاهم شويه 

سميرة ...

طيب مرحتيش معاها ليه ؟ 

ليلي  ... 

لا انا كدة تمام عايزة اظبط كام حاجة علي الاب بتاعي قبل ما انام عندي شغل كتير الصبح وكمان أنا معرفش حد فيهم اوي فبتفضل قاعدة جمبي حرام خليها براحتها 

سميرة ابتسمت ...

ربنا يخليكم لبعض ديما يا ليلي 

ليلي ...

اللهم امين ويخليكي لينا يا حبيبتي عايزة مني حاجة قبل ما ادخل اوضتي ؟

سميرة ...

لا يا حبيبتي تصبحي علي خير 

ليلي ...

وانتي من اهل الخير

❈-❈-❈     

تاني يوم الصبح ليلي صحيت بدري ونزلت الشغل وسميرة وفرح نايمين 

ليلى ...

 صباح الخير يا مها .. القهوه بتاعتي بليز

مها ... 

صباح النور يا استاذه حالا 

بعد خمس دقائق 

مها ...

اتفضلي القهوة ...  استاذ رامي واستاذ يوسف بره وبيقولو في معاد سابق مع حضرتك 

ليلى بابتسامه ... خليهم يدخلو وادخلي معاهم شوفيهم يشربو ايه 

مها ... 

تمام عن اذنك 

بعد لحظات دخل يوسف ورامي

يوسف ... 

يا صباح الفل ع احلى لي لي

رامي ... 

صباح الخير يا ليلي

ليلى ..

 صباح النور قبل اي كلام تشربوا ايه الاول 

يوسف ...

 لا انا هخلع عندي شغل شوفي رامي 

رامي ...

انا شامم ريحة قهوة ف خليني زي ليلي قهوة مظبوط 

مها ...

تمام عن ازنكم 

ليلي ببتسامة ...

بس ايه النشاط الحلو دا مش مصدقة نفسي 

رامي ... 

اعمل ايه المديره ال عندكم شكلها شديده مع الموظفين ومش بترحم .. وبعدين قلت الأخ دا يوصلني قبل ما ينشغل ف شغله

ليلى ... 

ههههههه المديره هنا طيبه والله متقلقش .. وكويس انكم جيتم بدري كده ممكن اقعد معاك نشتغل قبل مواعيد الميتيج ال عندي

وفجاءه دخلت فرح كعادتها دون استاذءن

فرح ...

 مصحتينيش ليه يا زفته ان .. احم سوري بحسبك لوحدك

ليلى كشرت ...

 انتي خليتي فيها سوري .. وبعدين الحق عليا يعني لاقيتك كنتي تعبانه امبارح قلت اسيبك ترتاحي انهارده

فرح ... 

احم صباح الخير يا جماعه 

رامي ويوسف ...

 صباح النور

رامي ...

 ايه يا بنتي قطر داخل علينا 

فرح كشرت ... 

ما قلنا سوري بقا متهيصوش الله 

يوسف ...

 لسانك لسه مترين زي ما هو بردو

فرح ...

 يوسف اصطبح مليش مزاج للنقار بجد 

ليلى بجديه ...

 ممكن افهم جيتي ليه .. فاكراني محستش بيكي امبارح انك كنت تعبانه

فرح ... 

حسيتي بيا ازاي افهم وانا قافله اوضتي عليا 

ليلى ...

 ما لما فرح المجنونه تقفل اوضتها عليها تبقى ف حاجه غلط .. اررت خالتو وقالتلي انك معدتك وجعاكي ومش عايزه تقلقيني

فرح ...

 سميره دي فتانه طول عمرها .. لما اروحلها بس

يوسف ب قلق ... 

سلامتك ..  حسه بوجع لسه ؟

فرح ...

 الله يسلمك لا انا تمام دلوقتي الحمد لله هما سندوتيشين الكبده بس تعبوني شويه

رامي بدهشه  ...

سندوتشين كبده ؟

ليلى بحدة ...

 تاني يا فرح سندوتشات من عربيات كبده تاني مش بتحرمي اتعملك غسيل معده مرتين بسببهم انتي ايه يابنتي

فرح ... 

بحبها اعمل ايه ف نفسي الحب مش بأيدي يا ليلي لما بكون ماشيه واشم ريحتها بحسها بتنده عليا بتقولي تعالي يافرح انا مستنياكي تعالي كوليني

ضحكو ع كلامها

رامي ... 

ههههههه انتي حقيقي مجنونه

ليلى ...

 اخر مره يا فرح والله هزعل منك ا

فرح قاطعتها ... 

خلاص يا لي لي خلاص اخر مره مش تزعلي بليز

يوسف ... 

طب هستاذن انا بقا والف سلامه يافرح بس بطلي طفاسه شويه

فرح ... 

يلا يا بابا اتكل ع الله قلتلك مليش مزاج للنقار

يوسف ...

 ماشي يا ستي ..  روميو لما تخلص رنلي اجيلك اوك 

رامي ...

 اوك يا جو سلام

بعد شويه مشي يوسف وطلبت ليلي من فرح ترتاح في مكتبها لحد معاد المتينج ال عندها وقتها تبقي تقعد هي مع رامي ودا فرح رامي جدا من غير سبب 

❈-❈-❈

ليلي ....

انا فتحت الشيت بتاع الحسابات اهو قولي اعمل ايه ؟ 

رامي ....

قوليلي من الاول الخانات ال عندك فيها ايه ؟

وبعد مرور ساعتين ونص 

رامي ...

 لي لي انا تعبت تعالي نريح شويه معلش 

ليلى ...

 اوك زي ما تحب

رامي ... 

هو انا ممكن أسألك سؤال

ليلى ...

 اكيد اتفضل

رامي ... 

انتي ليه ب تساعدي يوسف رغم انك متعرفهوش 

ليلى ابتسمت ... 

هو بردو فضل كتير مستغرب زيك كده .. انا مش بساعده ف حاجه كل موضوع ان انا صدقته .. صدقت انه حبها كان شكله بيقول كده و قلبي قالي اصدقه .. وبعدين انا كمان بعمل لمصلحتي

رامي ب استغراب ... 

مصلحتك ازاي ؟

ليلى ...

 مصلحتي ان فرح قلبها يدق .. تحب وتتحب .. تاخد من اسمها شويه وتفرح .. نفسي اشوفها مبسوطه و احسن واحده ف الدنيا كلها

رامي بابتسامه ... 

ربنا يفرح قلبك يا لي لي

ليلى بخجل ... 

شكرا

رامي ...

 ع ايه .. انا ال لازم اشكرك .. واقفه مع يوسف و طلعتيني من الحاله ال كنت فيها .. زي ما يكون ربنا بعتلنا ملاك يغير حياتنا

ليلي اتكسفت و سكتت بس قالت لنفسها ...

بتقولي كده عشان مش شايفني لو كنت بتشوف كان زمانك بتجري من قدامي وبتقول ياساتر يارب

فاقت من شرودها ع صوت رامي

رامي ...

 ليلى ليلى انتي مش بتردي ليه انا ضايقتك تانى ولا ايه؟

ليلى بهدوء ... 

لا ا اابدا ... اتفضل اشرب قهوتك 

مسكت ليلي الفنجان و مدتة ل رامي ومن غير قصد لمس رامي ايديها ... سحبت هي ايديها بسرعه وهو ابتسم 

رامي ...

 سوري اكيد مش قاصد 

ليلى بتوتر ... 

ع عادي محصلش حاجه يلا نكمل الفايل الاخير 

رامي ....

اوك يلا 

مرت ساعه كمان رامي كان مبسوط وهو قاعد مع ليلي وهي كانت متوترة من وجودة معاها لوحدها رغم أنها كانت تخطت الموضوع دا دخلت مها وبلغت ليلي أن يوسف برة وشويه دخل يوسف

يوسف ...

مساء الخير ..  ايه الاخبار خلصتو ؟

رامي بضيق ... 

هو انا مش قلتلك لما اخلص هرن عليك تيجي جيت ليه دلوقتي ؟

يوسف ... 

ما انا خلصت شغل بدري قلت اعدي امسي ونمشي

ليلى ابتسمت ... 

هههههه قول انك قلقان عليها عموما هي كويسه وف مكتبها تقدر تروح تطمن بنفسك .. بس خلي بالك من كلامك أصحاب ماشي

يوسف ... 

احبك يا لي لي وانتي فهماني ماشي سلام مؤقت .. اه صحيح ما تيجو بدل خورجات الغدا دي نروح نقضي يوم ف اي مكان بصراحه انا ملحقتش اتكلم نص كلمة المره ال فاتت

ليلى ... 

مش هينفع عش

قاطعها رامي ...

 يوسف روح اطمن ع فرح وهاتها وتعالي هكون جبتلك موافقه المديره

يوسف ... 

يا روميو يا جامد اوك

ليلى ... 

قبل اى كلام يا رامي انا عندي شغل كتير بجد

رامي بهدوء ... 

ليلى انتي عايزه تساعدهم ولا لا ؟

ليلى ... 

اكيد طبعا

رامي ... 

طب هو هيتكلم ويقرب ازاي غير بانهم يقضو وقت مع بعض عشان يشغل تفكيرها .. ودا هيحصل ازاي غير من خلالنا احنا ف تجمع زي دا

ليلى بتفكير ...

 بس مش كل يوم يا رامي اصلا هي هتشك كدة 

رامي ...

 لا ياستي مش كل يوم احنا نثبت يوم ف الأسبوع نخرج فيه كلنا نغير جوا وباقي الايام يتحجج بيا ويجي هنا .. وافقي بقا تعبتي قلبي معاكي

ليلى بتوتر ... 

احم حاضر .. ا اووك

ابتسم رامي قائلا لنفسه .. 

هو لسه ف حد بيتكسف ويتوتر كده اموت واشوف خدودك وهما حمر ومكسوفين دلوقتي

❈-❈-❈

في مكتب فرح

يوسف ...

 احم ممكن ادخل

فرح ابتسمت ... 

اكيد اتفضل يا يوسف ازيك

يوسف ... 

انتي اللي عامله ايه دلوقتي طمنيني عليكي ؟

فرح ... 

لا انا تمام جدا الحمد لله

يوسف ... 

ماشي يا ستي يارب ديما تعالي معايا عند ليلى عايزينك

فرح ب استغراب ...

استني بس انت كويس يا ابني

يوسف ...

 ابنك ! .. ما علينا اه كويس ف ايه ؟

فرح ...

 اصلك مش بتناقرني زي كل مره ودي حاجة غريبه يعني 

يوسف ابتسم ...

 لا انتي تعبانه بقا مينفعش اضايقك

فرح ... 

هههههه مش واخده عليك كده خالص

يوسف. .. 

طب يلا يا اختي قبل ما ارجع ف كلامي

دخلو مكتب ليلى

ليلى ... 

فرح. رامي ويوسف عيزين يفسحونا بكره ايه رايك؟

فرح مندهشه ...

 لي لي متقوليش انك موافقه هيغمي عليا

ليلى ... 

ههههههه اه موافقه

فرح ...

 انتم بتعملو فيها ايه ها ردو اوعو تكونو بتشربو البت اللي حيلتي منكر اروح فيكم في داهيه 

رامي كشر ... 

قال وانا اللي لسه بقول يارب يوسف ميرخمش عليها وهي تعبانة يلا المهم بكره الساعه ٩ هنعدي عليكم

ليلى ...

 ٩ مش بدري اوي كدة 

رامي ...

 لا حلو كده عشان نلحق يوم من اوله

فرح ... 

طيب هنروح فين ؟

رامي ... 

لا دي بقا مفاجأه .. يلا سلام

بعد شويه ف عربيه يوسف

يوسف ... 

انت ناوي توديهم فين مقلتليش يعني ؟

رامي بهدوء ...

 شغلي محمد منير

يوسف باستغراب ...

نعم ؟  

رامي ...

 هس شغلي صوتك ل محمد منير ومسمعش نفسك لحد ما نوصل وبعد كدة هفهمك كل حاجة 

 يوسف شغل الاغنيه ورامي بقا يغني معاها

🎶 🎶 🎶 🎶 🎶 🎶 🎶

صوتك وسط القلوب انا بعرفه

صوتك مليون كمانجه بيعزفو

صوتك أرق من النايات

صوت غُنا مالي السُكات

صوتك مافيش أي شعر

يقدر حبيبتي يوصفه

صوتك أرق من النايات

صوت غُنا مالي السُكات

صوتك مافيش أي شعر

يقدر حبيبتي يوصفه

صوتك ...

خليني أصرخ جوا حضنك م الحنان

وكل ما أصرخ زودي الأحضان كمان

املكيني ... إّسريني

اعبري بيا الزمان

املكيني ... إّسريني

اعبري بيا الزمان

صوتك أرق من النايات

صوت غُنا مالي السُكات

صوتك مافيش أي شعر

يقدر حبيبتي يوصفه

صوتك أرق من النايات

صوت غُنا مالي السُكات

صوتك مافيش أي شعر

يقدر حبيبتي يوصفه

صوتك ...

صوتك حبيبتي هو بابي على الحياة

لو يتقفل يبقى حلم العمر تاه

صوتك…

🎶 🎶 🎶 🎶 🎶 🎶

❈-❈-❈

يوسف بصوت عالي ... 

راااامي وصلنا يا بني

رامي ...

 اوكي يلا .. و متسالش ف حاجه نطلع ونتكلم 

يوسف كان مستغرب رامي لكنة سكت دخلو كان بركات مستنيهم 

بركات ...

 اهلا اهلا بحبايب قلبي

يوسف ...  

ااهلا يا بوب عامل ايه يا حبيبي

بركات ... 

طول ما انتم بخير انا بخير .. انا هسافر الصعيد اسبوع كده في حته ارض هناك هبيعها وارجع علي طول 

رامي بدهشة ...

 تبيعها ليه يا بابا .. طول عمرك رافض تبيع الأرض ال هناك وبعدين ما احنا معانا اللي مكفينا وزيادة كمان الحمد لله 

بركات ...

 يا حبيبي انا هبيع نصها بس

يوسف ... 

ايوه ليه بردو هتبيع دا اللي احنا مش فهمينه 

بركات بص ل رامي وشاور علي عينيه وكمل كلام 

بركات ... 

ما هو يعني .. ا اانا .. محتاج شويه سيوله عشان ف واحد صحبي محتاج فلوس

يوسف فهم أن بركات بيجهز سيوله سريعه عشان عمليه رامي عشان اي وقت يقول موافق يكونو هما جاهزين فورا 

رامي ... 

صحبك مين دا ال هتبيع أرضك عشانه ؟

بركات بارتباك ... 

ا ا متعرفهوش بس واقع ف مشكله وانا لازم اساعده

يوسف بتفهم ... 

خلاص يا رامي  .. حضرتك حر يا بابا احنا كنا بس بنطمن على حضرتك

بركات ... 

اطمنو .. هلحق انا بقا اتحرك كنت مستني اسلم عليكم .. خلي بالكم من بعض .. سلام

رامي ويوسف .. 

سلام

رامي ... 

مش مصدق انا حوار صاحبه دا .. بابا مخبي حاجه علينا 

يوسف بتهرب ... 

ولا مخبي ولا حاجه المهم ايه يا روميو منير وصوتك هو في ايه بالظبط ما ترسيني 

رامي ... 

معرفش ف ايه .. كل الموضوع صوتها بيهديني .. صوتها بيعمل فيها زي كل حرف ف الاغنيه بالظبط

يوسف ... 

صوت مين ؟

رامي ...

 صوت ليلي

يوسف كشر ...

 يا رامي انا خايف عليكم انتم الاتنين .. ليلى رقيقه جدا حرام تجرحها

رامي بضيق ... 

انا انا اجرحها يا يوسف ليه كنت شايفني كل يوم والتاني كاسر قلب بنت ولا ايه 

يوسف ... 

انا مقلتش كدة ..  انت اقولك ايه بس .. انت لما تشوف تاني بإذن الله .. هتجرحها يا رامي قلتلك ليلي مش من نوعيه البنات ال انت بتحبها شكلا افهم بقا

رامي بحدة ... 

وانا مليون مره اقولك فهمت بس مش بأيدي هي بتغيرني يا اخي صوتها بيخليني في دنيا تانيه  ... انا عمري ما هجرحها واوعدك هحافظ علي اللي في قلبي جوايا لحد ما ارجع اشوف عشان ميبقاش عندك شك واحد في الميه حتى اني هجرحها 

يوسف ... 

رامي انت بجد غيرت رايك وهتعمل العمليه ال انا سمعته دا بجد ؟

رامي ... 

بفكر يا يوسف من هنا لحد ما بابا يرجع هكون قررت .. سيبني ارتاح شويه بقا ممكن

يوسف بهدوء ... 

ممكن يا روميو .. بس صحيح هنروح فين بكره مقلتليش

رامي بتذكر ... 

فكرتني صحيح .. اتصل ب مراد صاحبك احجزلنا منه اليخت بتاعه من الصبح ل المغرب نقضي فيه اليوم كله 

يوسف ... 

يا روميو يا جامد ايوه بقا يمكن البت تنطق

❈-❈-❈

ضحك رامي علي يوسف وطلع اوضته فضل كتير يفكر في الحاله اللي هو فيها ليه لحد اللحظة دي صوت ليلي في ودانه ليه مش بيبطل تفكير يا تري شكلها ايه ؟ ليه لو قرر فعلا يعمل العمليه هيكون السبب الأساسي أنه يشوفها وهي مكسوفه ومتوترة ليه ليلي بالذات ؟ 

أما يوسف كان خايف علي الاتنين خايف علي ليلي من أن يوسف يجرحها وخايف علي رامي ب ما يفتح قلبه ويحب يبعد عن حبه دا

أما الليلة دي عند البنات كانت كلها فكر بردو 

فرح لحد دلوقتي حسه أن في سر ورا قرب ليلي من يوسف ورامي وعايزة تعرفه 

اما ليلي ف كلام سميرة صحي جرح قديم اوي جواها كل ما تحاول تتخطاة يوجعها كأنه لسه حاصل من ساعه واحدة .... وفي وسط وجعها صورة رامي اترسمت ادامها ابتسمت من وسط دموعها بس فجأة ابتسامتها اختفت واتردد صوت سوسن امها وهي بتقولها          (( هتعيشي وهتومتي لوحدك ))

يتبع ....