رواية عشق الروح 

بقلم الكاتبة منى محمود

الفصل السابع 

رواية

عشق الروح 

بعد وقت قليل يوسف وصل  ودخل مكتب ليلى كان فاكر  أن رامي معاها

ليلى ... 

ازيك يا جو

يوسف ...

 تمام ازيك انتي وفين رامي

ليلى ... 

الحمد لله.. رامي مع فرح انهارده اشتغلو سوا.. احم كان عندي كزا ميتميج ف مقدرتش أقعد معاه

يوسف  ... 

ماشي يا لي لي .. فرح عامله ايه

ليلى ...

 كويسه ايه استسلمت ولا ايه ؟

يوسف ...

 لا بس محتاج شويه وقت اعرف هعمل ايه قربها وبعدها ف نفس الوقت تعبني اوي يا ليلي

ليلى ... 

بس انت بدأت تشغل بالها يا يوسف 

يوسف بدهشه ...

 ايه.. ازاي فين امتي احلفي يا ليلي 

ليلى ... 

اهدي بس ههههه انا خمنت كده فرح عمرها ما سرحت ولا سمعت اغاني وبدأت تعمل كدة

يوسف ... 

وايه عرفك أن انا اللي شاغل بالها مش يمكن حد تاني

ليلى ...

لا انت يا جو عشان فرح لان محدش جديد دخل حياتها غيرك انت بس

يوسف ... 

طب ممكن تتكلمي معاها تحاولي تعرفي منها اي حاجه انا تعبت وانا واقف في النص كده لا انا عارف أقرب ولا قادر ابعد

ليلى ... 

حاضر اوعدك هتكلم معاها انهاردة ولو عرفت حاجة هتصل بيك 

يوسف ...

تمام تسلملي يا اجدع ليلي في الدنيا كلها انا هقوم اخد رامي ونروح بقا اشوفك بكرة سلام 

ليلي ببتسامة ...

سلام 

بعد ما مشي رامي مع يوسف دخلت فرح ل ليلي المكتب 

فرح ...

 لي لي بقولك ايه انا عايزه اتكلم معاكي شويه

ليلى ... 

وانا كمان يا فرح 

فرح ... 

طب ايه ما تيجي نخلع بقا نتغدي كدة في مكان رايق ونتكلم 

ليلى ... 

مش هينفع في مؤتمر بكره يا فرح لازم اتمم على كل تفاصيل بنفسي اعملي حسابك على سهره للصبح مع قهوتنا و شكولاتتنا

فرح بحماس ... 

العب بقا احلى سهره دي ولا ايه

ليلى ... 

هههههه يلا يا بيئه من هنا خليني اخلص اللي ورايا 

❈-❈-❈

عدي النهار ببطيء علي الحبيبن ال منتظرين اخبار تطمن قلوبهم والليل جة رجع يوسف من شغله و قعد مع رامي وكل واحد مستني تلفون يطمن قلبه 

يوسف ... 

مالك ياروميو مش على بعضك ليه ؟

رامي بهدوء ...

 اه دا انت بتسبق عشان مسالكش مالك مش كدة 

يوسف ... 

هحكيلك مش قادر اسكت اصلا بس تحكيلي انت كمان

رامي ... 

أنجز و هتهبب اقولك 

يوسف ... 

ليلى قالتلي انها حسه ان فرح بدأت تتشدلي وطلبت منها تتأكد من فرح انهارده عشان اعرف أقرب ولا ابعد ومستني منها مكالمه وانت بقا

رامي ... 

هههههه تعالي جمب اخوك ياقلب اخوك.. انا كمان كلمت فرح ف حاجه ومستني منها مكالمه

يوسف ... 

حاجه ايه؟

رامي ... 

هحكيلك بس متنشفش دماغك واسمعني للآخر

وعند ليلى وفرح

فرح ... 

ليلى اعملي انتي القهوه على ما اظبط القعده جوه

ليلى ...

 اوك يلا بينا

فرح في نفسها ... 

معقول لسه في حد زيك يا يوسف مانع اخوك يقرب من ليلى عشان خايف يجرحها إد كده انت حساس و جميل اوي اه جميل خالص يخربيت جمال امك.. ايه دا ايه ال بتقوليه دا يافرح اعقلي كده واركزي عشان شكلك اتجننتي

ليلى بصوت عالي ... 

فرررررررح

فرح بخضه ...

 في ايه يا لي لي حد يخض حد كده

ليلى ...

 بقالي ساعه بكلمك وانتي سرحانه ولا انتي هنا

فرح ... 

معلش ياستي معاكي اهو اتفضلي قهوتك وقولي عايزة تتكلمي معايا في ايه 

ليلى ...

 فرح بدون مقدمات ملهاش لازمه انتي بدأتي تتعلقي ب يوسف صح؟

فرح بدهشه ....

 يالهوي هو باين عليا اوي كده اه يافضحتك يافرح

ليلى ...

 ههههههه لما تبقى أقرب من نفسي ليا لازم اخد بالي من كل تفاصيلك

فرح ... 

معرفش يا ليلي بس حساه مختلف وبيجي في بالي كتير بس

ليلى ...

 مبسش يافرح.. يافرح اديلو فرصه واحده بس يثبتلك فيها انه حد كويس ويستاهل تفتحي قلبك عشانه

فرح ... 

هو انا ليه حسه ان فيه حاجه انا معرفهاش اعترفي احسنلك 

ليلى بتنهيده ... 

هحكيلك كل حاجه طالما بدء يشغل قلبك

وقالت ليلى ل فرح كل حاجه

فرح كشرت ...

 بتتفقو عليا يا لي لي شكرا اوي

ليلى ...

 هتهزري هقوم ومش هكمل كلام معاكي اتعدلي يا فرح 

فرح ... 

يا ساتر يا رب بهزر يا رمضان مبتهزرش

ليلى ... 

لا مش وقت هزار ها هتعملي ايه والله وجع قلبي وهو بيقولي مش عارف أقرب ولا قادر ابعد

فرح ...

 ليلى انا محبتهوش انا يادوب بدأت اقفش نفسي بفكر فيه مفروض اعمل ايه دلوقتي

ليلى ...

 تديلو فرصه ممكن ؟

فرح ... 

ممكن بس انا مش عايزاه يعرف اني عرفت

ليلى بضيق ... 

يخربيت جنانكم بقا تعبتوني اخلصي عايزه ايه ؟

فرح ... 

الله اشمعنا هو ساعدتيه وانا لا دا انا حتي اللي صحبتك وبنت خالتك 

ليلى ... 

فرح اخلصي عايزه ايه بالظبط

فرح  ... 

مش عايزاه يعرف اني عرفت كل ال تقوليه انك اتاكدتي اني بدأت افكر فيه وبس عايزاه هو ال يقرب اكتر مع احتفاظي لنفسي بغروري اه كله الا غروري

ليلى ...

 هههههههه والله مجنونه قولي عايزه تعذبيه وتسويه ع نار هاديه

فرح ...

 هههههههه حاجه زي كده عايزاه يوم ما يعترفلي بحبه ميكنش عارف اني عارفه فهمتي

ليلى ... 

تمام يا ستي فهمت

فرح ...

 قوليلي بقا وبردو بدون مقدمات انتي اتعلقتي ب رامي صح ؟

ليلي بتوتر ...

 ا اانا م ما هو.

فرح ...

 ليلى انا فرح اختك اتكلمي معايا وطلعي اللي جواكي لو سمحتي 

ليلى بحزن ... 

أيوة يا فرح للأسف اتعلقت بيه

فرح بتعجب ... 

ولييه للأسف مش فاهمة ؟

ليلى ... 

عشان مش هنكون لبعض

فرح ... 

ايه الالغاز دي ! ليلى في ايه انا مش فهماكي

ليلى ...

 فرح طول ما رامي مش بيشوف هيفضل مشدودلي مشدود لحد وقف جمبه ساعده لكن اول ما هيشوف هيرجع لحياته القديمه تاني ومش هيكون ليا فيها وجود يعني وجودي ف حياته مؤقت

فرح بسخريه ...

 مين قالك كده مش يمكن دي كلها تخيلات ف دماغك التعبانه دي

ليلى ...

 لا مش تخيلات يافرح دا واقع انا واثقه اوي فيه

فرح ...

 ليلي رامي كمان متعلق بيكي والله 

ليلى ... 

لا رامي متعلق بصوتي و بحد واقف جمبه ف شدته اول ما يرجع لحياته هيجرحني انا مش هقدر اتجرح تاني

وانهارت ليلى ف بكاء هيستيري وفرح تحتضنها

فرح ...

 ليلى اهدي ليلى انتي مخبيه عني ايه انا مش قادره استحمل اشوفك كده عشان خاطري كلميني

ليلى ببكاء ... 

مش عايزه اتكلم ارجوكي سيبيني شويه لوحدي هبقي كويسه بس متكلمنيش ف موضوع رامي تاني

فرح ... 

حاضر حاضر بس اهدي

❈-❈-❈

عند يوسف ورامي

يوسف بانفعال ... 

بردو بتمشي اللي في دماغك انت مش قلتلي هتستني لما تعمل العمليه وتشوفها وبعدين تقرر هتعمل ايه؟

رامي ... 

ممكن تهدي المفروض انك اخويا عارفني وحاسس بيا وتفهم اني بجد اتغيرت وبجد قلبي بيدق بعنف لما بكون جمبها والله عمري ما هأذيها

يوسف ... 

بردو ارجوك لو ليا اي خاطر عندك اعمل كنترول على نفسك لحد ما تعمل العمليه

وقبل ما يرد رامي رن هاتفه باسم فرح

رامي ... 

رد بسرعه وافتح الاسبيكر بس ولا كلمه

رد يوسف وفتح الاسبيكر وسكت

رامي ... 

فرح ازيك

فرح بصوت حزين ... 

كويسه يارامي انت عامل ايه

رامي بدهشه ... 

 مالك صوته ماله هي هي ليلى قلتلك ايه

فرح ...

 بص يا رامي بدون تفاصيل مش هقدر اقولها.. ليلى ف مشاعر جواها ليك بس هي مقتنعه انك طبيعي تحس بتعلق ناحيتها عشان وقفت جمبك وكده وانك اول ما تشوفها هتمشي وتسيبها ومش هتشوفك تاني

رامي ... 

هي قلتلك كده.. ليه ليه شايفني كده

فرح بتسرع...

 هي مش شايفاك كده هي مش شايفه نفسها اصلا

رامي ... 

يافرح عرفيني ايه بيحصل ؟

فرح ...

 مش هقدر اعفيني قرب انت منها وخليها تفتح قلبها وتحكيلك.. المشكله ف ليلى يا رامي مش فيك.. انا هقفل عشان متحسش بحاجه.. سلام

رامي ... 

سلام

يوسف ...

 رامي ليلى عندها مشكله و دا كان واضح من دهشه فرح ان هي بتتعامل معانا عرفت ليه برجوك تعمل العمليه وبعدين تتصرف معاها

رامي ...

 بكره اول ما بابا يوصل هنتصل بدكتور ونحدد معاد.. لازم اكون جمبها لازم اعرف مالها مش هقدر افضل بعيد كده

في الوقت دا رن تلفون يوسف باسم ليلي

يوسف ...

 دي لي لي انا هفتح اسكت خالص

رد يوسف وفتح الاسبيكر

يوسف ...

 لي لي ايه الاخبار

ليلى بصوت باكي ... 

تمام يا يوسف الاخبار حلوه

يوسف بقلق ...

 اخبار ايه وبتاع ايه مال صوتك؟ انتي بتعيطي ؟

ليلى ... 

م مافيش حاجة انا عندي دور برد بس

يوسف ... 

دا مش صوت حد عنده برد دا صوت حد معيط يا ليلي 

ليلى ... 

يووسف بليز خليني اقول ال متصله اقولو

يوسف ...

 اهدي طيب.. اتفضلي

ليلى ...

 انا فتحت معاها كلام وزي ما توقعت هي بدأت تفكر فيك بس بتأوح حاول انت بقا تقرب منها اكتر الفترة الجايه انا لازم اقفل اشوفك قريب سلام

يوسف حس انها مش قادرة تتكلم قفل ...

اوك يا ليلي سلام

رامي ... 

كانت معيطه ورفضت تقولك

يوسف ...

 طبيعي نتوقع كده بعد كلام ال فرح قالته

رامي ...

 ااه لو اعرف فيها ايه هرتاح ... المهم ماشيه معاك حلاوة يا عم الله يسهلك

يوسف ... 

يا اخويا دي يادوب بدأت تفكرررر فيا شوفتها اترمت تحت رجلي

رامي مقدرش يصبر لما أبوة يرجع اتصل بي وعرفه أنه عايز يعمل العملية في اسرع وقت و بركات فرح جدا وطلب من يوسف أنه تاني يوم ع طول يروح يظبط كل حاجة مع الدكتور وهو هيرجع فورا  

❈-❈-❈

في اوضة فرح كانت سرحانة في يوسف نظراتة ليها لما وقعت كلامه مواقفه وكل شويه تطلع منها كلمة بصوت عالي 

دخلت عليها سميره والدتها

سميره ... 

بت يا فرح اتجننتي اكتر ما انتي وبتكلمي نفسك كمان 

فرح كشرت ... 

فصلتني يا ماما

سميره  ...

 فصلتك انتي بتجيبي كلام دا منين

فرح ... 

من السوبر ماركت ال ع اول شارع.. ها ياقمر قولي عايزه ايه مش بتدخلي تتسحبي كده الا لو عايزه حاجه

سميره بدهشه ...

 اتسحب انا بتسحب انتي قليله الربايه

فرح ... 

لا نص ربايه مش قليله

سميره ... 

مش هخلص منك المهم بنت خالتك مالها رجعت تعيط وتقعد لوحدها ليه مش كانت اتحسنت يابنتي

فرح ... 

والله ياماما غلبت كلام معاها مش راضيه تقول فيها ايه تعبت منها

سميره بحزن ... 

ربنا يسعدها ويريح قلبها يارب هروح اصلي وادعليها

فرح ... 

وانا ياماماتي مش هتدعيلي ولا هتدعي عليا اعترفي

سميره بحب ... 

بعد الشر عنك يانور عيني دعيالك على طول يا حبيبتي

في صباح يوم جديد ملىء بالأحداث على ابطالنا.. وبالتحديد في مكتب ليلى دخل يوسف ورامي

يوسف ... 

صباح الخير يا لي لي

ليلى ... 

صباح النور يا جو ازيك

رامي ... 

وانا هوا مفيش ازيك يا رامي

ليلى بتوتر ...

 لا ا ازاي احم ازيك يا رامي

رامي بحب ... 

بخير طالما سمعت صوتك

ليلى بتوتر اكتر ...

 ا اانا احم عندي شغل بره المكتب ا المفروض ف فرح هتقعد معاك انهاردة 

رامي حس انها بتتهرب منه

رامي ... 

بس انهارده اخر يوم ليا هنا.. مش هنقعد سوا ؟

ليلى ب لهفه ... 

ليه مش هتيجي تاني

يوسف بتسرع ... 

لا اصل رامي ياستي

قاطعه رامي ...

 اصل يوسف اقنعني اني اسافر اسبوع كده مع صحابي اغير جو صح يا جو

يوسف بعدم فهم ... 

هه اه اه حصل

ليلى ...

 طب كويس يعني اسبوع وتيجي تاني صح؟

رامي ... 

والله دا بقا بشرط

ليلى ... 

شرط ايه بقا

رامي ...

 تلغي مواعيدك ونتغدي سوا كلنا انهاردة 

ليلى ... 

بس انا عندي ميتنج برة مهم والله

يوسف ... 

امتى طيب

ليلى ... 

كمان ساعه وهيخلص في ساعه ساعه كدة 

رامي ...

 ساعتين يعني مش مشكله  حتي يوسف يكون ظبط أمورة في المعرض ورجع لنا تاني ... خلاص هقعد اخلص شغل مع فرح ونستناكي تمام.. مسمعش غير حاضر وبس

ليلى بابتسامه ... 

حاضر وبس 

❈-❈-❈

بعد مرور الساعتين وصلت ليلى و يوسف المكتب في نفس الوقت ودخلوا ل رامي وفرح اللي كانت مكشرة جدا 

ليلى ...

مساء الخير ايه يا حلوين خلصتم ولا لسه

رامي ... 

الحلوين قدمهم ربع ساعه كده ويبقو خلصو 

فرح بتكشيرة ... 

ربع ايه وزفت ايه ارحمني ياعم انت انا تعبت

رامي ... 

لازم نقفل الشهر دا انا مسافر ومش عارف هرجع امتي

فرح ... 

وانا انا ايه مش انسانه مش بني ادمه ليا حقوق و واجبات

رامي ضحك ...

 طب يافرح خلاص يلا مع ان هما يومين ال فضلين ونكون خلصنا الشهر كله 

فرح ... 

معلش ليك عندي يومين ها هتغدونا بيتزا صح صح 

يوسف ...

 وانتي بقا حكمتي ان كلنا هناكل بيتزا

فرح بمشاكسه ...

 اه فرح حكمت وكلكم هتنفذو 

يوسف ..

. وان اعترضنا بقا 

فرح ... 

هزعل واضايق

يوسف ..

. لا لا كله الا زعل فرحتي منقدرش على زعل القمر

نهي كلامه بغمزه من عينيه وتوقع سيل من الشتايم والتوبيخ ولكنه اتفاجأ بأنها ابتسمت بخجل ومردتش

ليلى لاحظت ورامي لاحظ ان فرح متكلمتش ك عادتها ابتسم

رامي ...

 طبعا متقدرش ع زعل فرح لكن احنا نولع مش كده

يوسف ابتسم ...

 ليه بس دي بيتزا جميله جميله اوي

رامي ...

 يا راجل طب يلا يا جو 

ذهبو جميعا الي المطعم وطلبو الاكل وطول الوقت بيضحكو ويهزرو سوا ولأول مرة ليلي اللي ساعدت رامي وهو بياكل مش يوسف ودا كان مخلي رامي حاسس أنه طائر من الفرحة 

يوسف ...

 هتوحشونا ياجماعه والله

فرح ...

 ليه ياعم دا هو اسبوع وهترجعو ولا انتم هتطولو هناك؟

رامي ...

 إن شاء الله لا

رامي ...

 يوسف انا عايز قهوه صدعت اوي

يوسف ...

 وانا كمان وانتم يابنات تشربو ايه

ليلى ...

 قهوه

فرح ... 

مانجه

يوسف ... 

طيب انا هطلب قهوتي بره عشان محتاج اشرب سيجاره.. ممكن تيجي معايا يا فرح كنت محتاج رايك ف موضوع

ذهبت فرح مع يوسف

❈-❈-❈

رامي بدون مقدمات ... 

لي لي هو لو يعني انا اختفيت من حياتك هتفرق معاكي؟

ليلى بتوتر ...

 ل ليه انت ممكن تعمل كده؟

رامي ...

 انا عمري ما اختفى او ابعد الا لو انتي مش عايزاني ف حياتك لي لي انا عايز أفضل جمبك طول الوقت بس بس يعني انا عايز اسمعها دلوقتي منك هفرق ولا لاء؟

ليلي بحب ...

 اه يا رامي هيفرق طبعا انا كمان عايزاك ف حياتي

رامي بحب  ...

 بعد ما ارجع من السفر مش هنتفارق ابدا يا ليلي 

ليلى بتوتر ...

 احم اه اه اكيد 

نروح ل فرح ويوسف 

يوسف ...

 هتوحشني ع فكره

فرح ابتسمت ..

. وانت كمان ع فكره

يوسف بدهشه ...

 انا انا كمان ايه قولي كده قولتي ايه

فرح ...

 ايه يا عم مالك هههههههه

يوسف ...

 لا ابوس ايديك اوعي تبوظي اللحظه ( بص يوسف وراءه) يختي هي اللحظة باظت اهو

قربت منهم بنت جميلة لابسه فستان اسود قصير جدا وحماله وشعرها اصفر وطويل جدا وميكب 

جيجي ... 

مش معقول جو ازيك

يوسف بارتباك ... 

جيجي اهلا اهلا

جيجي ...

 ايه يابني بقالك كتير مش بتيجي النادي وحشتنا اوي 

هنا فرح رفعت حاجبها 🤨

يوسف ... 

احم اه اصلي مشغول شويه معلش بقا 

فرح كشرت ...

 ايه يا شبح مش هتعرفنا ولا ايه 

يوسف ...

 اه اه جيجي دي فرح فرح دي جيجي 

جيجي بصتلها من فوق ل تحت  ... 

هاي ازيك 

فرح بسخريه ...

 الحمد لله

يوسف حس بالخطر ..

طب يا جيجي ان شاء الله فرصه سعيده وان شاء الله سعيده جدا

جيجي قربت خطوة منه ... 

مالك يا جو هههههههه هنجت ولا إيه؟

فرح ...

 لا يا مزه هو بيطرقك بس انتي اللي عمله مش واحدة بالك 

ميرنا باحراج مصطنع ...

 نعم !

يوسف ...

 ايه يا فرح بلاش الهزار دا بتهزر يا جيجي

جيجي بدلع ...

 اه عموما هبقي اكلمك فون ونظبط معاد سوا باي جو

بعد ما مشيت 

يوسف ...

 ايه يافرح احرجتيها 

فرح بانفعال ...

 نعم يا امووور احرجت مين وهي ايه المياعه وسفاله دي ها ولا مشفتش لا مشفتش هتشوف ازاي ما انت عجبك المسخره دي مهزق اوعي من وشي كدة 

وتركته ف دهشته ومشيت

رجعت فرح متعصبة

فرح ..

 لي لي انا همشي

ليلى ...

 في ايه يا بنتي وشك بيطلع دخان ليه

يوسف من خلفها ... 

والله كمان انتي اللي متعصبه

فرح ...

 بقولك ايه انت تمشي من وشي دلوقتي

رامي ...

 اهدو ياجماعه ايه ال حصل لكل دا 

يوسف بعصبيه ...

 الهانم شتمتني بتقولي يا مهزق

ليلى بدهشه ..

 ايه فرح انتي قولتي كده ازاي تقوليلو كده اتجننتي

فر ح ...

 اه اتجننت خلاص عايزه امشي بقا

رامي ...

 فرح عشان خاطري اهدي وقولي ايه ال حصل

سكتت فرح هي حقيقي مش عارفه تبرر عصبيتها الزياده دي سببها ايه ودا وترها اكتر وكلهم استغربو الا يوسف اللي ضحك بخبث لانه فاهم انها غارت عليه

يوسف ... 

مفيش انا بهزر معاها وهي قفشت عموما سوري يافرحتي

فرح ... 

فرحتك تاني ؟  انت عايز تجنني يا يوسف قولي قولي عادي بس افهم هه 

يوسف بحب ...

 انا عاوز احبك بس لكن اجننك انا اصلا عارفاك مجنونه متلبسينيش مصيبه

فرح  

يوسف ا انت بتقول ايه

يوسف ...

 ايه بقول بحبك اصل بصراحه انا مش قادر اكتمها اكتر من كده ورامي وليلى عارفين من زمان وانا مش مستعجل وهستني العمر كله لما فرحتي تحن عليا

ليلى ... 

اووو لا انت بجد خطير يا يوسف فجأاتني بصراحة 

فرح كانت جواها أحاسيس كتير اوي متلخبطه فرحانه متوتره

فرح ... 

احم انا انا يعني مش عارفه اقول ايه طيب انا همشي و نتكلم لما ترجع من سفر ممكن؟

يوسف بحب ... 

اكيد طبعا

رامي بضيق ...

 اكيد ايه وزفت ايه ما انتي هتمشي ليلى كمان هتمشي وانا ملحقتش اشبع منها ايه بقا

ليلى بتوتر ...

 رامي اهدي انا انا اكيد هكلمك وانت مسافر

رامي ...

 المكان ال مسافرين فيه مفهوش شبكه مش هعرف اسمع صوتك اسبوع بحاله مستكتره عليا حبه وقت نقعدهم سوا قبل ما امشي

فرح ...

 ايه دراما دي خلاص هقعد اهو مش هنمشي يا روميو

رامي بجرأه ... 

لا متقعديش معانا روحي يوسف عايزك ف حوار تاني مهم انت يازفت اخلعو بقا الله يخربيتكم

فرح بدهشه ... 

انت واخوك واخدين حبوب شجاعه ولا ايه انهارده لا بقولكم ايه براحه علينا كده احنا بنات ناس بردو

ضحكو جميعا وبعد كلام كتير الحب غالب عليه في صوتهم و نظراتهم سلمو ع بعض على وعد بانهم هيتقابلو اول ما شباب ترجع من السفر

❈-❈-❈

وصباح يوم جديد في عياده همت ليلى كانت بتحكيلها كل اللي حصل

همت بسعادة ... 

طب تصدقي ياشيخه انا الفرحه مش سيعاني معقول انتي قولتيلو كده ايه جرأه دي لا لا احنا عدينا خلاص

ليلى بحزن ... 

قلتله كده لانه مش شايفني لو رجع يشوف انا محضره كل حاجه

همت بعدم فهم ... 

نعم محضره ايه مش فاهمه؟

ليلى بتنهيده ...

 بصي يا همت طول ما هو مش شايفني انا هسيب نفسي وهكمل معاه بس بس لو يعني اي وقت عمل العمليه وشاف قبل ما يشوف وشي هكون سبت البلد كلها ومشيت انا احم انا مكلمه صحبتي اللي بتشتغل ف دبي و هي عايشه لوحدها هسافر اقعد معاها وابيع المكتب ع فلوس ورثي اللي في البنك وابدء هناك بعيد عنه خالص

همت بدهشه ...

 ايه دا يا ليلي لييييه ليييه كل دا

ليلى بحزن ... 

عشان مش هتحط في نفس الموقف مرتين عشان مش اول مايشوف وشي وشه هو يجيب ميه لون ويتهرب مني واتفأجا تاني يوم بخبر خطوبته وناس بتباركله عشان مش هقدر اعيش دا كله تاني لا تاني ايه دا عمر كان إعجاب بس وانا حصلي كده اومال رامي رامي اللي واثقه اني بحبه انا هدمر مش هقدر مش هقدر

همت ...

 انتي ليه ضعيفه كده ليه مش قادره تنسى الماضي بكل حاجه فيه ليه شايفه ان رامي زي عمر ليلى انتي قويه جدا وجميله جدا من بره ومن جوه كمان رامي شاف جمالك الحقيقي قبل ما يشوف جمالك اللي من بره ليلى انسى كلام امك انسى كلام صحبتك انسي عمر انسى كل اللي ضعفك وعمل كده في شخصيتك انتي أقوى من كل دا ادي رامي فرصه واحده واديها لنفسك انتي كمان ارجوكي نفسك تستحق منك كده

ليلى دموعها كانت نازله من غير كلام 

❈-❈-❈

وعدي الاسبوع عليهم

 رامي كان هيموت ويشوف تاني عشان خاطر حبيبته وبس كان عنده اسئله كتير وكان محضر خطط كتير عشان يفهم بهدوء وميتسرعش ويجرحها

يوسف كان ملهوف مشتاق بعد آخر مره اتقابلو وعدم صدها ليه خلاه فرحان وعنده اصرار يكمل ويكسب قلبها كله وتبقى فرحه عمره بجد

فرح كانت لسه متلخبطه كل اللي كانت مقتنعه بيه بينهار قدامها أحلامها مفاهيمها كله اتبخر بنظره وكلمه من يوسف رجولته مع ليلى حنيته معاها كلها حاجات كانت محوطاها بس ال كانت مستغرباه فعلا هو غيرتها عليه

ليلى كانت مقتنعه بكل حرف قالته لهمت رامي كان واحشها اوي اتأكدت انها بتحبه لما غاب عنها بس كانت ديما محضره خطه تانيه لأي وقت يشوف تاني

وبعد اسبوع وتحديدا في غرفه المستشفى اللي رامي فيها جه معاد نتيجه العمليه و يوسف وبركات على اعصابهم عكس رامي اللي كان هادي جدا

الدكتور ... 

جاهز يا رامي

رامي ... 

جاهز يا دكتور

وفك الدكتور الشاش من على عين رامي

يتبع ...