رواية البنات زينة البيت نهى عادل - الفصل الثاني
رواية البنات زينة البيت
بقلم الكاتبة نهى عادل
الفصل الثاني
رواية
البنات زينة البيت
من يُقاسمنا لحظات عمرنا لا يأخذ منا نصفنا بل سٓكينتنا وأماننا، فنحن لا نعطي الأخرين من وقتنا،
بل من روحنا، وياليتهم يُدركون ..!!!
❈-❈-❈
فى المطار
_ ذهب رفعت لاستقبال أخيه يوسف وزوجته ايناس ابنه عمهم وابنهم ادهم الذى يشبه ايناس فى جمالها
اقترب رفعت من أخيه وقام بضمه قائلا: حمدالله على السلامه يا يوسف كل ده غيبه
ضمه يوسف بحب اخوى حقيقى : وانت كمان وحشتنى يا رفعت ازيك وازى الحاج وبناتك وآسيا مراتك
_كلنا كويسين يا حبيبى
يسلام يعنى انا هوى يا ابن عمى ؟!
ضحك كلا من رفعت ويوسف على. ايناس فهى مرحه تحب الضحك تربت بينهم بعد وفاة والديها ..نشأت قصه حب بينها وبين يوسف الذى كان لها نعم الزوج والصديق والحبيب...
_ازاى بس يا ام ادهم انتى الخير والبركه عامله ايه بنت عمى
_انا كويسه الحمدلله يا رفعت آسيا والبنات عاملين ايه
_كلنا كويسين ثم نظر إلى ادهم
_ازيك يا ادهم باشا
ليجرى عليه ادهم ويقوم بضمه عمه : انا الحمدلله يا عمى ازاى حضرتك
_انا بقيت كويس بعد ما شوفتك يا باشا
ثم نظر الى اخيه : يلا يا يوسف علشان الحاج على آخره
❈-❈-❈
فى السرايا
بعد أن انهت آسيا التجهيزات دلفت إلى جناحها لتأخذ شاور وتستعد لمجيء يوسف وايناس التى كانت تربطهم علاقه قويه فكانت لها اخت وصديقه ...
دلفت إلى المرحاض واخذت شاور وتوضأت وخرجت أدت صلاتها وكانت تبكى بشده و تناجي ربها بصلاح حال زوجها بعد الانتهاء من صلاتها
جلست حزينه شارده تفكر هل هذا هو حبيبها زوجها شريك حياتها كل تفكيره فى ولد ،هى تملك بنتين ايه من الجمال والذكاء ..... فكل واحدة منهم لها جمال خاص بها ولكن خديجه كانت قويه وتحبها ولم تتحمل عليها كلمه واحده ،كلما رأت دموعها كانت تجرى إليها وتمسح دموعها ،اما بدور فهى طيبه القلب
_آفافت على دخول الخادمه تبلغها بأن يوسف وزوجته و ابنهم ادهم وصلوا ....
_خرجت إليهم وقامت بترحيب وجلسوا جميع
_كان يجلس ادهم بجانب الحاج مندور .... نظر الحاج مندور إلى ولده يوسف قائلاً:ا توحشتك يا ولدى ،الحمدلله انك نقلت كل حاجه هنا ،علشان تراعى شغلك مع اخوك ،وكمان ولدك لازم يكبر وسطنا ،ده هيبقى حضره الظابط ادهم يوسف مندور .....
_وانت كمان يا حاج وحشتنى اوى ..بس لسه بدرى على الكلام ده يا حاج لما ادهم يكبر يشوف هو عايز ايه...ولا ايه يا ادهم...
_هتف ادهم قائلا: لا يا بابا انا هكون ظابط زى جدى ما قال بالظبط...
_ضحك الحاج مندور ونظر إلى ادهم : عفارم عليك يا ادهم هو ده الكلام ...
_هتفت ايناس : أما فين بناتك يا آسيا ،انا عاوزة اشوفهم .....
_اكيد فوق يا ايناس ،هخلى حد من الخدم ينادى عليهم .....
_بعد قليل دخلوا البنات ،وذهبوا إلى عمهم يوسف وقاموا بتقبله ثم ذهبوا إلى ايناس ،التى انبهرت بجمالهم الغربى فهم مثل آسيا فى جمالهم ولكن خديجه جمال عينيها يسحر كل من رآها..
_اخذتهم ايناس فى حضنها فهى تحب البنات وكانت تتمنى أن يرزقها الله بالأطفال ،ولكن حدث لها مشاكل بعد إنجاب ادهم منعتها أن تنجب ثانيه
_جلسوا الفتيات بجانب ايناس وآسيا وكان ينظر إليهم ادهم ،ولكن ظل نظره معلق بتلك الشرسه التى كانت تنظر إليها بمكر وكبرياء...
_هتف رفعت : تعالوا سلموا على ابن عمكم ادهم .....
_ذهبت بدور إليه وسلمت عليه ،ولكن تلك الخديجه لم تتحرك من مكانها... ولو لحظه ....
_ كاد أن يصرخ فيها رفعت إلا أن سمعوا الخادمه تقول بأن الغداء جاهز ..
جلسوا جميع على السفرة جلس ادهم أما خديجه التى كانت تنظر له بكبرياء من ينظر إليها لم يقول بأنها طفله صغيرة ولكن يقول انثى جريئه جدا فنظرة عينها تسحر كل من رآها كان الجد يمدح فى ادهم بأنه سيكون كبير العائله بعده وأنه يحبهم بشده كان رفعت غاضب فى داخله هو يريد أن يكون المسيطر المتحكم فى أملاك العائله والنجع كله ولكن كيف وهو لم يحصل على الولد ظل ينظر إلى آسيا بكره وغضب .إلى أن انتهى الغداء واقترحت آسيا بأن البنات وادهم يذهبوا إلى الجنينه
❈-❈-❈
_كانت تجلس خديجه ومعها بدور اختها فى الجنينه تشاهد ادهم ابن عمها يلعب بكثير من المسدسات والبنادق اللعبه.. جرت إليه : ممكن يا ادهم نلعب معاك ؟!
_نظر إليها ادهم صاحب العشر أعوام ،برفع حاجب : مفيش بنات تلعب بالمسدسات انتم اخركم العرائس اللعبه؟!
_وبعدين انا هبقى اكبر ظابط فى البلد كلها وانتى اخرك قاعدة فى البيت زى ما جدى قال؟!
_نظرت له بغضب قائله: بس انا كمان عاوزة ابقى زيك ....
_ضحك بشده عليها قائلا: انتى عبيطه ،هو فى بنت هتبقى ظابط ،يلا يا شاطرة أجرى بعيد وتركها وذهب
نظرت إليه خديجه و اقسمت بداخلها أنها سوف تكون احسن منه ....
_جرت إليها بدور _ديجا سيبك منه ده ولد بارد وانا مش بحبه وبعدين هو فى بنات تنفع تكون ظابط ....
_اه فى ،اما انتى عاوزة تكونى ايه بقا ،،،
_اممممم دكتورة ،اعالج قلب جدو يا ديجا....
انا هكون الدكتورة بدور رفعت مندور
كل هذا كان يسمعهم الجد مندور كان غاضب ولكن عندما سمع كلمه بدور تبسم ودلف إلى السرايا .....
❈-❈-❈
فى جناح ايناس ويوسف...
_تعرف يا يوسف انا مبسوطه انى رجعت تانى هنا ويا هاااا ادهم هيكون عنده اخوات بنات زى ما كنت اتمنى ،انت عارف انى صعب احمل تانى بعد أدهم
_ضمها يوسف قائلا: يا حبيتى انتى عارفه انه مش صعب وربنا هيرزقنا اكيد بالذريه الصالحه
_يارب يا يوسف ،انا حبيت بنات اخوك جدا وبالذات خديجه جميله فى كل حاجه ،انت شوفت عيونها بتقلب ازاى ،وطيبه زى آسيا ،اتمنى لما تكبر تكون من نصيب ادهم ،بس انا ما حبتش تحكم عمي فيه ،انا عاوزة ادهم يكون قراره من نفسه ...
_ما تقلقيش يا ايناس ادهم صغير ه بكره يكبر ويفهم كل حاجه بس ايه الحلاوة ده يا روح قلب يوسف وغمز لها
خجلت ايناس من كلام يوسف : بس يا يوسف
_بس ايه يا قلب يوسف تعالى اقولك على. حاجه مهمه جدا افتكرتها دلوقتى حالا
اقترب منها يوسف وضمها وقام بتقبل عنقها ووجهها ويهمس لها بكلام حب وغزل فهى حب حياته وابنه عمه
❈-❈-❈❈-❈-❈❈-❈-❈
فى جناح رفعت وآسيا
_كان يرتدى رفعت ملابسه للخروج من البيت نظر إلى آسيا وجدها حزينه ،نظر إليها بغضب :
_انتى هتفضلى وشك قالب كده على طول ،روحى شوفى دكتوره ،تقولك فى بطنك ايه ،بدل ما انتى قاعدة كده ...
_بكت آسيا بشده من كلامه ونظرت له بحزن : انت ازاى بقيت كده يا رفعت ،انت لا يمكن تكون رفعت حبيبى وجوزى فى ايه غيرك ،مالهم بناتك ،دول زى الفل
صرخ فيها وقام بمسك يدها بعنف :
_ انا عاوز ولد يا يا آسيا ،عاوز ولد يورث كل ده ،اما ادهم ابن يوسف هو اللى يا خد كل ده واحنا نطلع من غير ولا حاجه ..
نظرت له بصدمه ؟!
_يارفعت كل حاجه بأمر الله ،وبعدين من امتى انت كنت كده ،ليه الطمع ملا عينك اكيد فى حاجه غلط ،وبعدين يوسف اخوك طيب ولا يمكن هياخد حاجه من نصيبك ..
_بقولك ايه بلاش وجع دماغك انا خارج ....
_بعد.خروج رفعت ظلت تدعى ربها بأن يصلح حال زوجها..
❈-❈-❈
فى أحد الشقق المفروشه...
_يوجد الكثير من الرجال والنساء يفعلون ما حرم الله من شراب الخمر ولعب القمار والزنا..... كان يجلس رفعت على طاوله وبجانبه صحابه والكثير من النساء يشربون الخمر ويلعبون القمار وتجلس بجانبه فتاه كانت ترتدى ملابس أقل ما يقال عنها قمصان نوم.....
_همست له قائله: كافيه كده يا رفعت وتعال نقعد نتكلم ،انت خسران كتير انهارده مالك يا حبيبى بس
_ماليش يا مهجه سيبني اعوض الخساره انا خسران اكثر من مليون جنيه لحد دلوقتى
_ لا كافيه يا رفعت وتعال نقعد مع بعض شويه .....
_بالفعل قام رفعت معها ودخلوا إلى إحدى الغرف ....
_مالك يا رفعت فيك ايه ..... وكانت تلعب فى ازرار قميصه و تعطيه كاس من الخمر...
_اخذ منها رفعت الكاس وشربه دفعه واحده :
_انتى عارفه يا مهجه أن مراتى حامل واكيد حامل فى بنت كمان ،بس انا عاوز ولد يورث كل ده ...
_نظرت له بمكر : طيب ما الحل بسيط خالص يا رفعت اتجوز واحدة تجيب لك الولد ولا تزعل نفسك يا حبيبى .....
_بس انا بحبها ....
_بتحبها ،يا راجل قول كلام تانى غير ده ،حب ايه ده انت كل يوم سهر هنا ....
_بس عمرى ما لمست غيرها يا مهجه ولا انتى عندك رأى تانى بدليل انتى معايا اهو وعمري ما لمستك فى الحرام ...
_طيب ما انا قولتك نتجوز واجيب لك انا الولد يا رفعت وانت اللى رفضت وقولت نكون اصحاب ....
_انت عارف انى خلفت ولد قبل كده ومات بسبب أبوه لما طلبني فى بيت الطاعه الولد تعب ومات ،يعنى انا بخلف اولاد يا رفعت ،فكر وشوف لما نتجوز واجيب لك ولد انت اكيد صاحب كل حاجه انت الكبير بعد ابوك الحاج مندور ...
_ظلت مهجه توزع سمها على رفعت وكان هو مستمع لكل كلمه تقولها.....
❈-❈-❈
بعد مرور حوالى ثلاثه شهور ...
_الوضع كما هو والكل علم بحمل آسيا وكانت أمنيه الحاج مندور ورفعت أن تجلب آسيا لهم ولد .....
_الكل مجتمع فى غرفه السفره لتناول الإفطار ......
كان يجلس فى المقدمه الحاج مندور وبجانبه رفعت ويوسف وفى الجهه الاخرى تجلس آسيا وايناس وبجانبهم أدهم وخديجه وبدور .....
_هتف الحاج مندور : باذن الله انا قدمت ورق الحج السنه ده طالع وهاخد يوسف وايناس معايا ......
_عبس وجه ادهم :وانا يا جدو انا عاوز أروح معاكم ...
_ لا انت هاتقعد مع عمك ومراته وبنات عمك تخلى بالك منهم ... وتشوف دراستك يا ادهم...
_وانتى يا آسيا ،اجدعنى كده وهاتى لنا الواد .....
_كله على الله يا عمى والف مبروك وربنا يتقبل ...
_نظر رفعت إلى الحاج مندور ،: بس انت كده يا حاج مش هتحضر ولاده آسيا .....
_البركه فيك يا رفعت وخلى بالك من ولد اخوك ادهم ....وبعدين لسه فاضل حوالى ست شهور ربنا يسهل الحال ....
_بعد انتهاء الفطار خرج الحاج مندور وأولاده آلى العمل وظل على السفرة آسيا وايناس وأولادهم ...
_هتفت خديجه إلى آسيا : تعرفى يا ماما انى حلمت بكى انتى وطنط ايناس ...
_ضحكت ايناس : وياتري ديجا العسل حلمت بايه ؟!
_حلمت أن ماما جابت بنت وانا سمتها ونس .....
_طيب وانا يا ديجا....
_انك يا طنط هتجيبي نونو حلو اوى وهتكون بنت وهتسمها حور ....
_بكت ايناس على كلام خديجه فهى تتمنى أن يرزقها الله ولكن جميع الأطباء قالوا لها انها من الصعب ان تحمل ثانيه.....
_كانت آسيا شارده تفكر في كلام خديجه ،فخديجه تملك موهبه فريده من نوعها وهى إذا حلمت بحلم تحقق فخافت أن يكون فى بطنها بنت
_صرخت فى وجهها : خديجه اوعى اسمعك تتكلمى فى الموضوع ده مع حد ،خدى اختك واطلعى الجنينه العبى بره ....
_اخذت خديجه بدور وخرجت مسرعة تبكى على حال امها.......
_ام ادهم حزن لحزن خديجه وخرج ورائهم....
_بعد خروجهم ،هتفت ايناس : فى ايه يا آسيا ليه عملتى كده فى خديجه ،
_لان لو حد سمعها بتقول اللى فى بطنى بنت ،مكنش هيحصل كويس يا ايناس ،انتى شوفتى بعيونك هم عاوزين ايه
_الصراحه انا مش عارفه ليه عمى ورفعت بيعملوا كده ،الحمدلله معاكى بناتك ايه من الجمال والاخلاق وحامل مرة تانى ،اما انا اعمل ايه انا مش معايا اللى ادهم وبس
_ بس معاكى ولد يا ايناس وهو ده اللى مقوى مكانك عندهم وغير كده انتى بنت اخوه الحاج لايمكن يجى عليكى .....
_وبعدين يا عالم بكره فى ايه مش يمكن تجبى اولاد تانى ... زى ما خديجه بتقول ...
_اتمنى يا آسيا انا نفسى فى اولاد تانى ....
_ان شاء الله يا حبيتى .....ربنا كبير ...
يلا انا هدخل اشوف تحضيرات الغداء
بعد ذهاب آسيا بكت ايناس فهى حلم حياتها بأن تحمل ثانيه وان يكون ل ادهم اخوات دعت الله
اما آسيا دلفت إلى المطبخ كانت شاكره لله على كل حال هى تعرف بان الله رحيم بها و سوف يعوضها عن كل شئ تنهدت وبدأت فى تحضيرات الغداء
❈-❈-❈
كان يجلس رفعت ويشرب الكثير من الخمر كلما تذكر كلام والده يشرب المزيد ويخسر الكثير جاءت إليه مهجه
_مالك يا رفعت ايه الشرب ده كله واول مره تجى بنهار حصل حاجه ؟!
_ماليش يا مهجه سيبني علشان انا عاوز اكسب الليله ده
_بس انت شكلك تعبان ،تعال جوا ارتاح شويه
_لا انا قاعد وتعالى اقعدى جنبى وهاتلي كاس تانى يمكن يكون وشك حلو عليى
❈-❈-❈
فى حديقه السرايا كانت تجلس خديجه تبكى بشده لأنها تعرف مدى حزن أمها لا تبكى لأنها صرخت فيها ...
_ضمتها بدور : خلاص يا ديجا ماما مكنتش تقصد تزعلك ...
_انا مش زعلانه منها يا بدور انا زعلانه عليها ،علشان بابا على طول مزعلها ، هو ليه بابا بيعمل معانا كده ده عمو يوسف بيحبنى اكتر منه وشفتي بيعامل ادهم ازاى
انا بحب عمو يوسف اكتر يا بدور من بابا دائما يجيب لنا حاجات حلو بس اصلا محدش ليشوفه انا زعلانه انا كان نفسى عمو يوسف هو اللى يكون بابا
_ايوا يا خديجه عندك حق ،عمو يوسف طيب اوى يا بخت ادهم .. رغم أنه ولد رخم وبارد بس ساعات بحس أنه طيب يلا تعالى ندخل نشوف ماما لتكون زعلانه
وفجأة
_سمعوا صوت مزعج نظروا إلى الصوت وجدوا حصان جدهم يجرى بسرعه شديد اتجاة ادهم الذى لم يأخذ باله جرت إليه خديجه ...
_أدهم خلى بالك .....
يقاس الذهب ... بعياره لا بلمعانه و
يقاس التقي ... بأفعاله لا بأقواله
ويقاس الحبيب ... بصدق وفائه لا بطول وصاله
وهكذا نجد كل الأشياء تقاس بجوهرها لا بمظهرها
والناس في هذه الحياه معادن. تظهر فى وقت الشده وقت الاحتياج ؟!
يتبع
