رواية مقيد بعشقها

 بقلم الكاتبة سحر خالد 

الفصل الرابع

رواية

مقيد بعشقها

بعد قليل كان قد وصل الى الجامعه التي تدرس فيها سيلين وراسه قد اصبحت تؤلمه بشده من كلامها المستمر نزلت سيلين وهي تنظر اليه وتقول.....لو خلصت شغل بدري ممكن تيجي تاخذني ...

داغر..... لا مش فاضي ..

قال كلامه ورحل بالسياره بسرعه نفخت سيلين بغضب من داغر .. ثم دخلت لتجد البنات يقفون احدهم..... ايه يا بنتي الولد الجامد ده يقربلك ولا ايه..

سيلين بملل ....ايوه ابن عمي..

الاخرى .....طيب ماتعرفين عليه ..

سيلين بغضب..... واعرفك علىه ليه ...هو برده داغر ابن عمي هيبص لواحده فيكم...

قالت كلامها لتدخل داخل جامعتها ...

اما البنات فنظروا اليها بحقد وغضب دائما من غرورها ...صحيح انهم اصدقائها ولكنها دائما ما كانت تظهر غرورها وكم انها غنيه هي وعائلتها امامهم...

❈-❈-❈

في اتجاه اخر كانت تجلس سلسبيل في الحديقه وهي تفكر في الخطوه القادمه فهي لن تبقى كثيرا في هذا المنزل ....

وفي الفتره القصيرة التي ستبقى فيها عليها ان تهدمه بالكامل.....

❈-❈-❈

في الجهه الاخرى كان ادم يجلس في مكتبه يفكر بالشبه الذي بين ندى وسلسبيل ترى هل هي حقيقه ام هي تخيلات فقط دخل عليه...عامر اخيها ..... جرى ايه ادم مارحتش الشغل النهارده ليه..

ادم... مش قادر يا عامر دماغه هتنفجر من التفكير..

جلس عامر على الكرسي وهو يقول ....تفكير ايه قول ايه اللي حصلت...

ادم بحيره..... مش عارف هو انا بس اللي شايف كده ولا انتو كمان شايفين ومش بتتكلموا ...هي فعلا سلسبيل ... فيها شبه من ندى

نظر اليها عامر قليلا يحاول ان يستوعب ما يقوله اخيه ثم قال...... ندى وسلسبيل انت جبت الكلام ده منين ..

ادم ....فيها شبه يا عامر ولا لا

عامر بحيره ....مش عارف يا ادم ما فكرتش في الموضوع ده بس انت ايه اللي خلاك تفكر كده...

نهض ادم وهو يفرك في يده لا يعلم ماذا يفعل فهي بالفعل تشبهها وبشده ليقول..... شبهها يا عامر شبها بجد ده حتى الاسم .. ندى كانت قالت انها لو جابت بنت هتسميها سلسبيل ده كله صدفه ولا ايه مش معقول...

عامر بعد ان وقف بجانب اخيه ...... اهدى وكل حاجه هتتحل انا هاحاول اشوف اي حد يدور وراءها  يمكن يكون فعلا كلامك بجد...

ادم بلهفه..... يعني انت شايف كمان سلسبيل شبه ندى..

عامر..... انا مش شايف حاجه والله بس انا شايفك تعبان ومش مرتاح وعايز تعرف الحقيقه..... فانا هاريحك واجيبلك اخبارها ونشوف هي بنت مين بالضبط ... بس ماتعلقش نفسك يا ادم لان سلسبيل وندى ماتوا من زمان دي الحاجه اللي كلنا عارفينها .....مافماتحطش امل كبير ان سلسبيل وندى لسه عايشين عشان مش عايزك تتصدم ...

قال كلام وليتنهد ادم وهو يحاول ان يخرج  الموضوع من راسه....

❈-❈-❈

في الاتجاه الاخر كانت تقف خلف الباب وتستمع لكل شيء بغضب نيران تشتعل داخل صدرها وفكره ان تكون سلسبيل مازالت حيه او ندى...

او تكون سلسبيل هي فعلا ابنه ادم المفقوده او الميته كما يعتقدون جعلت النيران تشتعل في قلبها اكثر واكثر...

لتقرر التخلص من سلسبيل حتى لو كانت ليست ابنه ادم وندى فهي قريب من داغر بشده وهذا ضد مصلحتها...

❈-❈-❈

في المساء كل شخص كان دخل الى غرفته و اصبح المنزل في هدوء تام...

في غرفه ادم كانت تجلس نورهان على سريرها وهي تهز قدميها بعصبيه شديده...

خرج ادم من الحمام بعد ان غير ملابسه ليجدها تجلس مثل ماتركها ...

لينفخ بضيق وهو يقول..... هتقعدي زي البومه كده كتير شوفي رايحه فين انا عايز انام....

نهضت بسرعه من على السرير وهي تقترب من ادم الذي كان يقف في منتصف الغرفه....

وهي تقول...... ادم انا عايزه ابدا حياه جديده معك وتسامحني والله ما كان قصدي اعمل حاجه من اللي حصلت زمان ....وانت ماكانش ذنبك كل اللي حصل ... انسى يا ادم الماضي انسى وخلينا نبدا من اول وجديد ونعيش عشان سيلين....

دفعها ادم وهو يقول ......بجد بجد والله ماكنتش اعرف ان اللي حصل زمان مش ذنبك ولا ذنبي  ...

صرخ بها بغضب وهو يكمل...... اللي حصل زمان كانت خطه خطه وس**خه وانا وقعت فيها زي الاهبل ......اللي حصل زمان مادمرش ولا كسر حد زي مادمرني اللي حصل زمان ماحدش خسر حاجه فيه الا انا ....اللي حصل زمان كان من تخطيطك ..

نبدا حياه مع بعض جديده انتي عارفه يا نورهان انا اكثر احد باكرهه في حياتي انتي.... عمري ماكرهت احد قد ماكرهتك انتي.... انا عمري ما كرهت احد اصلا... بس انتي الوحيده اللي دخلتي في قلبي الحقد والكره.... انا عمري ما هانسى اللي عملتيه واللي بسببه خسرت اكثر اتنين باحبهم في حياتي...

قال كلامه بغضب شديد وخرج من الغرفه ينزل الى الاسفل ويجلس على احد المقاعد التي في الحديقه وهو يسترجع ذكريات الماضي....

❈-❈-❈

على الجهه الاخرى كانت سلسبيل تجلس في غرفتها تفاجات بالذي يدق الباب...

لتذهب وتفتح تفاجات بمريم وسما امامها سلسبيل باستغراب نظرت لهم ..

قالت مريم..... احنا جينا نتعرف عليك  .... لو ده مش هيضايقك اكيد...

ابتسمت سلسبيل وهي تفتح لهم الباب يدخلوا الى الداخل ثم قالت ....اكيد ..

وجلست معهم ليبدا ويحكوا مع بعضهم لتمر ساعات بهم يتحدثون...... الى ان خرجوا من غرفتها ليرحلون جاءت لتغلق الباب تفاجئت بحازم الذي يقف امامها..

سلسبيل بغضب..... نعم..

حازم..... انا كنت عايزه اعتذر عن طريقتي معك الصبح صدقيني انا ماكانش قصدي كنت باهزر معك في الموضوع ولدك وكده بس موضوع جوازنا مابهزرش انا بجد من ساعه ماشفتك واعجبت بك جدا ممكن اخذ منك رقم تلفون والدك بس..

سلسبيل بغضب نظرت اليها وكادت ان تتكلم...

ولكن قطعها مجيئ داغر الذي جاء من العمل متاخرا ...صعد الى الاعلى وقد نفخ بضيق ..لانه لم يرى سلسبيل .... ولكن تفاجئ بغرفتها مفتوحه وحازم الذي يقف على بابها ويتحدث معها والاكثر عندما سمع انه عرض عليها الزواج....

داغر بغضب..... ايه اللي بيحصل هنا بالضبط...

تفاجات سلسبيل بداغر مثل ماتفاجئ حازم..

حازم ......داغر انا كنت باقول لسلسبيل ان عايز اخطبها و عايز رقم والدها ممكن تساعدني في الموضوع ....

داغر بغضب..... اخر مره يا حازم تتكلم في الموضوع ده ولا تتكلم مع سلسبيل ثاني انت فاهم.. سلسبيل خط احمر...

حازم بخبث...... ليه ان شاء الله هو انتو بينكم حاجه ولا ايه...

نظره سلسبيل الى الاثنين وقالت بغضب شديد .....بس بقى انتم الاننين انا لا عايزه اتجوزك يا حازم .....ولا بيني وبين داغر اي علاقه اتفضلوا بقى شوفوا ... رايحين فين انا اصلا الصبح هاخذ حاجتي وامشي من البيت ده...

قالت كلامها بغضب شديد ثم اغلقت الباب لتنمحي علامات الغضب من على وجهها وتاتي الابتسامه فهي على وشك توقع بين الاخوين يمكن ان تكون هذه اول خطوه على طريق انتقامها فانتقامها لن يقتصر على اشخاص فقد ....بل سيكون انتقامها من العائله كلها.....

❈-❈-❈

في الخارج نظر داغر الى حازم وهو يقول...... بيني وبين سلسبيل علاقه او لا دي حاجه ماتخصكش سلسبيل جايه هنا تقعد يومين وهتمشي مالكش دعوه بها يا حازم وده كلام مش هاقوله تاني...

حازم ببرود.... هو انا قلت حاجه غلط سلسبيل عجباني وعايزه اتجوزها ....

داغر بحده وغضب اكبر..... وانا مش هاعيد كلام ثاني يا حازم لو لقيتك جنبيها بعد كده مش هيحصل لك طيب...

قال كلامه وتركه ودخل الى غرفته اغلق الباب خلفه بحده ...

و يجلس  يفكر في طريقه لكي يجعل سلسبيل لا ترحل من المنزل ....

وطريقه اخرى لكي يبعد حازم عن سلسبيل نعم فهنالك مشاعر يشعر بها تجاه سلسبيل مشاعر  اعجاب ولكن...لا تبدو هكذا فهو يشعر بالنيران تشتعل داخل صدره ....من مجرد ان يسمع ان حازم معجب بها لا يتخيلها مع شخص اخر ابدا....

اما حازم فنظر الى الغرفتين غرفه داغر وسلسبيل...

ثم ذهب الى غرفته ولكنه كان عازم ومصر على ان يكمل في الطريق الذي بدا فيه.... ويبدو ان هنالك شيء يحدث بين داغر وسلسبيل وهذا الذي لن يرضى به...

❈-❈-❈

في الصباح فتحت سلسبيل عيونها وهي تتذكر كل شيء حدث بالامس، من شجار داغر وحازم عليها ..

تنفست بارتياح فخطتها تمشي على ما يرام ...

نهضت لترتدي ملابسها بعد ان اخذت حمام ثم وضعت ملابسها في حقيبه وقررت ان ترحل هي تعلم داغر لن يتركها تذهب، لهذا كانت واثقه بانه لن يتركها ترحل من المنزل ..

خرجت من غرفتها تفاجات بنورهان التي تقف امام بابها على وشك ان تدق عليه..

نظرت لها سلسبيل باستغراب نورهان ......يمكن ماتعرفناش قوي انا نورهان مرت ادم وام 

سيلين ...

عقدت سلسبيل يدها امام صد..رها وهي تقول........ اكيد عارفاك..

نورهان .... طيب كويس انا بقى عايزه اعرفك وعايزه اعرف انتي عايزه ايه بالضبط وانتي مين...

ابتسمت سلسبيل ببرود ثم قالت ....اظن ان داغر قال انا مين وايه اللي جابني هنا..

نورهان..... بصي يا حبيبتي الكلام ده تضحكي به على اي حد في العيله الا انا وانا عارفه ومتاكده ان انتي جيتي هنا وراك حاجات كثيره قوي فمن البدايه كده قولي لي انتي مين ...خلينا نلعب على المكشوف واظن مافيش احسن من كده ولا انتي ايه رايك...

ضحكت سلسبيل وهي تقول...... والله يا طنط انا ماعارفه انتي بتتكلمي عن ايه بالضبط ولا انتي عايزه توصلي لايه زي ما داغر قال.. انا بنت صاحب الشركه اللي هو شغال معهم وجيت هنا عشان تتم الصفقه وداغر اللي العرض علي اني اقعد في بيته وانا وافقت كل الحكايه اهي ببساطه...

اندلعت النيران بداخل نورهان من هذه الخبيثه التي تقف امامها وهي تقول .....تمام يا سلسبيل وانا هاعمل نفسي مصدقاك وهمشي وراك لحد ما نشوف هتوصليني لايه بس صدقيني اي حاجه هتحصل لي او لسيلين ...

او تاثر على مكاني هنا هاعرف ان انتي وراها ياسلسبيل واعرفي دائما ان مش هتفاجئ لو في يوم عرفت انك.... ولا بلاش ..

قالت كلامها ثم رمت سلسبيل بنظرات غاضبه ورحلت ..

كانت نظرات سلسبيل بارده تماما سرعان ما تحولت الى غضب من هذه الحيه....

❈-❈-❈

دخلت سلسبيل الى غرفتها مره اخرى وهي تقول........ يخرب بيتك حيه ... انا مش عارفه هو حب فيك ايه ..

قالت كلامها واخرجت هاتفها سلسبيل..... الو امير الحيه اللي اسمها نورهان .. شكلها قربت تكشفني ده بتقول انتي جايه هنا ليه وعايزه ايه ممكن تكون فهمت ان بنتي ندى بس ازاي..

امير بفزع..... سلسبيل انا قلبي مش مطمن اخرجي من البيت خلينا ننتقم منهم باي طريقه الا انك تكوني معهم ممكن يؤذوكم في اي لحظه عشان خاطري اسمعي الكلام المره دي يا سلسبيل..

❈-❈-❈

في مكان اخر كانت تجلس على احد المقاعد في احد المستشفيات وهي تقول.... والله انا بخير انتو مكبرين الموضوع على الفاضي كل الحكايه اني حسيت ان قلبي وجعني فجاه و اهو عملنا تحاليل واشاعات وكل حاجه كويسه...

قالت كلامها ليجلس عاصم امامها ارضا... وهو يقول ....طب قولي لي يا قلبي حاسه بايه ايه اللي وجعك قولي لي ممكن نكشف عند الدكتور تاني نروح اي مكان تاني لو تعبانه...

وضعت ندي يدها على خده بابتسامه من حنانه وحبه الشديد لها طالما هو كان امانه وسندها وكل شيء لها في هذه الحياه ..... والله يا حبيبي انا بخير تعبتكم معي يلا بس خلينا نروح..

نفى عاصم براسه وهو يقف ويقول .....تعب ايه بس بطلي بقى احنا هنعمل تحاليل تاني وهاطمن عليك تاني مش هاروح البيت الا لما افهم في ايه بالضبط ......

قال كلامه باصرار ولم يترك لها فرصه للرفض مره اخرى لتتنهد هي ..

وهي تعلم مهما قالت له لن يتراجع عن كلامه ابدا...

بعد قليل دخلوا عند الطبيب ولا الذي كان ينظر لها بنظرات اعجاب شديد وقال...

❈-❈-❈

على الجهه الاخرى سلسبيل بنفي ماقدرش يا امير الموضوع بدا ومش هينتهي الا لما تنتهي العيله دي وزي ما قلت في الاول يا اما العيله دي تنتهي يا اما تنتهي مافيش حل تاني ..

قالت كلامها باصرار

امير .....طيب اعمل ايه دلوقتي انا قاعد هنا وقلبي مش مرتاح وانتي في وسط النار....مش عارف هم ممكن يعملوا فيك ايه ولا ايه اللي بيحصل معك بجد يا سلسبيل مش هينفع خطتك دي الموضوع ده لازما ينتهي .....يا اما انا اللي هاتصل بابابا واقول له على كل حاجه ...

سلسبيل بغضب .....امير صدقني لو قلت لخاله عاصم حاجه هيبقى اخر كلام بيننا انت بدات معي الموضوع ماتسبنيش في اوله كده..

امير ....بدات معك الموضوع ما كنتش عارف ان كله صعوبات كده وماكنتش عارف انهم شياطين في هيئه بشر ممكن يؤذوك...

سلسبيل..... هيئذوني ازاي مافيش حاجه ده كله عشان قلت لك الحيه دي قالت ايه انت كده مش هتخليني احكي لك حاجه تاني يا امير

امير .....سلسبيل افهميني اللي انتي قولتيه ده بيبين قد ايه هي شريره وممكن تعمل اي حاجه عشان اللي هي عايزاه احنا لسه مش عارفين اصلا هي ازاي اقنعك والدك زمان انه يتجوزها اللي تعمل كده اكيد حيه واللي تخرب بيت من غيري احساس بالذنب... انا مش عايزه اسيبك ولا عايزك تتاذي انا خائف عليك يا سلسبيل..

سلسبيل..... مافيش حاجه يا امير لو في حاجه صدقني هاكلمك ماتقلقش...

قالت كلامها ثم اغلقت معه الهاتف وهي تتنفس فهو على حق لا تشعر بخير من وراء هذه الحيه ولكن عليها ان تكمل....

اما امير فقد قرر وانتهى الامر لن يتركها تفعل ما في عقلها...

❈-❈-❈

على الاتجاه الاخر كان داغر يجلس في غرفته لم يذهب الى العمل اليوم فهو يشعر بالقلق من ان تنفذ سلسبيل..

كلامها امس وتذهب من المنزل كيف يمنعها من الذهاب ماذا يقول لها ....

ايقول لها انه معجب بها انه يشعر بشيء تجاهها او يصمت ولكنه ان لم يتكلم سوف ترحل ربما لم يراها مره اخرى...

عند هذا الحد قد قرر انه سوف يعترف لها بما يشعر وانتهى الامر ...

عند سلسبيل التي خرجت من الغرفه وهي تحمل الحقائب مره اخرى وقررت انها سوف ترحل وتعرف ان داغر سوف يمنعها نزلت الى الاسفل ولكن كان ..

لاحد راي اخر فعندما وضع سلسبيل قدمها على اول درجه من السلم انزلقت.. قدمها لدفع من على السلم لتقع ارضا وهي تصرخ ..

الي ان وقعت في نهايه السلم والدماء تنزل من راسها بشده ..

و داغر الذي كان قد قرر ان....يخرج من غرفته ويذهب الى سلسبيل ..

ليسمع صوت صرخاتها شعر القلق بان يكون حدث لها شيء ركض في اتجاه الصوت الى ان وصل الى الدرجه الذي وسرعان ماتوسعت عيونه..

وهو يجدها على الارض في نهايه الدرج والدماء تنزل من راسها بشده ...

وقد تجمع جميع العائله كل منهم من سعيد ومن يشعر بالشفق على هذه الفتاه و من وقع قلبه ارضا بخوف عليها...

يتبع....