قراءة رواية عسل مالح الجزء الثالث كاملة

تنشر حصريًا على مدونة رواية وحكاية قبل أي منصة أخرى

قراءة رواية عسل مالح 3

من روايات وقصص 

الكاتبة أسماء عبد الهادي

الفصل الحادي عشر

هتف عز الدين بحنق عندما شاهد راضي يصرخ ويصيح بألم وخوف 

ما خلاص يا زفت انت هتفضح نفسيك في المستشفى ايه شغل العيال الهايفة داي

استغرب راضي حديثه وطالعه بدهشة 

ليقول عز بحنق

عمال تصرخ كيف الحريم اكده ليه يا بأف انت مكانوش جلدتين  دول 

ليطالعه راضي بانزعاج 

بتشك فيا يا عز، بتشك في صاحبك وحبيبك وبتجلده كماني، ديه أخر شىء كنت اتوقعه 

ليزفر عز الدين بحنق وهو يلقي الكرباج من يده ارضا ويقول وهو يجلس ع طرف الفراش 

لو كنت بشك فيه هبابة بس مكنتش بس هكتفي بچلدك بس لاه كنت همسك ف زمارة رقابتك ومحدش هيقدر يخلصك مني الا وروحك في يدي علشان تكون عارف ، داي اختي وشرفها عارف يعني ايه يا راضي 

ليهتف راضي بانزعاج

ولما هو اكده ايه اللي كنت عتعمله دلوك يا واكل ناسك انت ها جولي

مط عز شفتيه بضجر 

ما خلاص يا زفت كنت عطلع غضبي في صاحبي ايه معطلعوشي يعني وان مكنتش انت تتحملني وتمتص غضبي وينصب عليك كله هينصب ع مين 

اتسعت اعين راضي بصدمة

انت يا مخبول انت مصدق اللي عتقوله ديه، يعني شايفني مجادرشي اصلب طولي من الحرق اللي في چسمي وانت تقولي معلهش امتص غضبك علشان صاحبك انت چرا لعقلك ايه غور من وشي يا عز بدل ما أزعلك أني مش ناقص 

عز بضجر 

علشان انت غبي، كنك يا غبي مشوفتش الواد اللي كان عيطالعنا من الشباك وكأنه بيراقبنا؟؟ 

راضي بدون فهم

 واد واد مين وشباك ايه ديه ، اهنه ف المستشفى ؟؟ 

مط عز شفتيه 

راضي بالله عليك مش وقته غباء ، الواد ديه أني متأكد أنه مش رچالة چلال ومتأكد كمان أن چلال ليه يد ف الموضوع اللي حصلك انت وفاطمة أختي مش أكده قول الحقيقة وبلاش تحور عليا وإلا وقسما بالله الكرباچ لسه اهنه وهخليك تچربه تاني 

تنهد راضي بأسى فهو يتمنى أن يقول كل شىء لحتى يبرأ سمعة فاطمة لا سمعته هو لكنها للأسف أقسمت عليه ألا يفعل 

فقال 

ايييه هجولك ايه بس يا عز، مفيش حاچة تتقال لعبة حقيرة حاكها شيطان بعناية لحد ما اختك رچليها  وجعت ف الخية 

نهض عز من مكانه واقترب من راضي يمسكه من ذراعه بحدة 

مين اللي امه داعية عليه ديه وقسما بالله ما هياخد في يدي غلوة الا لما أچيب خبره 

ليهتف راضي بانزعاج 

بعد ياابني عني حرام عليك جتتي مهياش متحملة انت متهور وهتفضل طول عمرك متهور علشان اكده سيبلي أني الموضوع ديه هعرف اتصرف فيه لأنه بجا يخصني خلاص ميخصش حد غيري 

أثارت كلمات راضي حنق عز واقترب من الكرباج واشار له ف الهواء وهو يقول بغضب شديد

 راضي اقسم بالله لو ما اتكلمت عدل وقولت الحقيقة ماني سايبك انطق 

أشاح راضي بوجهه عنه فهو لن يقول له شىء لانه يعرف ان عز سيؤدي بنفسه للهلاك ان علم لذا لكي يحمي صديقه فضل ألا يخبره ويتصرف هو بنفسه 

اغتاظ عز من فعلته وفي لحظة غضب تمكن منه رفع السوط مرة أخرى وما ان كاد أن ينزل على جسد راضي الذي لم يتحرك أو يهرب أو يخاف كالسابق 

قدم حمزة وركض بسرعة ممسكا يد اخيه حمزة قبل ان تطال راضي وهو يصيح بحدة 

عز ايه اللي عتهببه ديه ، انت انچتيت اياك باللي بتعمله ديه بتأكد للناس كلياتها العيبة على راضي واختك فاطمة ، اتنيل اجعد واهدى علشان نعرف هنتصرف صح إكيف ف الموضوع الواعر ديه 

لمعت أعين راضي بتأثر شديد وقال وهو ينظر لحمزة 

انت متأكد من برائتي أني واختك يا حمزة!! 

ليهتف حمزة بجدية وهو ينظر في عيني راضي مباشرة 

اللي يرمي نفسه في النار علشان ينقذ اختي ويداري عليها من عيون الناس كيف جفن العين ما عيداري على العيون ويحميها، عمر العيبة ما تطلع منيه يا راضي، وكمان لو كنت عملت حاچة تتلام عليها عمرك ما كنت هتعرف ترفع عينك في عيني اكده أني معارفكشي من يوم وليلة انت عشرة عمر ومواقف كاتيرة مرينا بيها سوا تأكدلي إنك راچل بحق وحقيقي والراچل ميخونش الأمانة واصل أني بثك فيك أكتر من نفسي يا واد عمي 

لمعت أعين راضي بتأثر شديد وقال لعز

 شايف يا أخينا الكلام من الناس العاقلة مش المتهور اللي زييك 

طالعه عز بغضب

انت تكتم خالص دلوك معايزشي أسمع حسك 

ليضع راضي يده على فمه 

اها اديني هقفل خشمي علشان ترتاح اها 

نظر له عز بانزعاج ليقول راضي لحمزة 

كيفها فاطمة دلوك طمني عليها تلاقيها منهارة والبأف ديه مرحمهاش من قسوته وكلامه الدبش 

ليهتف عز بضجر

 أني خارج قبل ما ارتكب چناية ف الواد ديه 

ليقول حمزة

 هتطمن عليها وتقعد معاها براحتك كماني لانك دلوك هتكتب عليها المأذون على وصول 

تصنم عز الدين محله بعد أن كان راحلا وكذلك راضي التي اعتلت الصدمة ملامح وجهه 

ليهتف راضي بحنق 

انت عتقول ايه هكتب ع مين في موقف زي ديه لاه، لاه يمكن يحصل ، فاطمة مهياش أي حد علشان فرحتها تكون مكسورة في موقف زي ديه وحقها أني اللي هچيبه بنفسي لكن كتب كتاب ف موقف لا تحسد عليه مينفعش واصل انت عايز تكسرها زيادة مش كفاية اللي هي فيه ؟؟ 

حمزة بهدوء 

الرجالة اتفقوا على ان ديه الحل المناسب دلوك 

عز 

راضي معاه حق لو كتبنا الكتاب ديه معناه أن فاطمة خاطية واحنا باكده بنحاول نداري على عارنا وخايفين من الفضيحة وديه لا يمكن يحصل ابدا يا حمزة 

ليهتف حمزة بعقلانية شديدة 

كتب الكتاب دلوك هو عين العقل علشان نسد خشم الناس دلوك لحد ما نثبت براءة اختك، وحتى لو اثبتناها، أختك خارچة من عشة راضي بعد ما انحرقت بيهم يعني هتفضل صورتها مهزوزة بين الناس لطول العمر علشان اكده لازم راضي يتچوزها فكل الأحوال 

صمت راضي بحزن وعدم تصديق 

ليهتف حمزة بجدية

 ايه كن مش ديه اللي قلبك عيتمناه من يوم ما وعيت فاطمة للدنيا وشوفتها بتمرح قدامك وانت عتراجبها كيف الصقر علشان تحميها وتحرسها من عيون الناس من بعيد لبعيد 

تنهد راضي بقلة حيلة وقال 

 يا بوي عليك وعلى حالتك الكرب يا راضي مكشوف واخواتها قافشينك وانت مفكر حالك محدش داري بقلبك داي ضريبة الصحوبية أني عارف 

حمزة 

هم معايا يلا خلينا نخلص من الموال ديه والناس اللي لابدة فوق راسنا دي تنزاح خلينا نرجع الدار هم

عز

 انت عتتكلم چد يا حمزة، عايز راضي يكتب على فاطمة دلوك؟ 

حمزة ايوة هيكتب عليها وع ما يجهز داره وفرشته هياخده عنديه كماني 

لتتسع أعين راضي فالصدمات تتوالى عليه 

كمان؟؟ بتفكر في ايه يا حمزة 

حمزة 

في موصلحة اختي قبل كل شىء 

ليهتف عز بحنق 

اكده ترضى لاختك تتجوز سكيني اكده من غير فرح ولا زفة يليجوا بيها 

حمزة

 المهم أني هسلم اختك لراجل يصونها أما الباقي ديه شكليات، 

قالها ثم نظر لعز بنظرة ذات مغزى وهو يقول 

عندك نادين اتجوزت بنفس الطريقة اكده مجرد كتب كتاب وچت على داري ولا ايه يا عز عتدرضاها لبنات الناس ومترضهاش لاختك 

برزت عروق فكي عز وضغط على أسنانه بقوة حتى كادت أن تتهتشم 

وقال وهو يخرج كي يهرب قبل ان ينكشف امره 

أني رايح لفاطمة اخبرها 

ليوقفه حمزة وهو يقول 

لاه خليك انت روح مع راضي وصله لعند الرچالة وروح چيب أمك ونوارة من الدار واني رايح لفاطمة حتى مرتي نادين معاها كماني 

فقد عز الدين اخر ذرة تحمل لديه فكيف لأخيه أن ينسبها لنفسه وامامه ويقولها هكذا مرتين لذا تحرك ليخبر أخيه بالحقيقة 

ليضع راضي يده ع كتف صديقه وهو يهمس

مش دلوك كل شىء وليه وقته فلم الدور وبلاش تهورك ديه الدنيا مهياش ناقصة

❈-❈-❈

ما ان استمعت الاثنتان بالأمر حتى زاد بكاء فاطمة 

وهتفت نادين بحنق 

حمزة ايه اللي بتقوله دا لا طبعا، فاطمة معملتش حاجة علشان تتجوز راضي بالطريقة دي تفكيركم دا غلط، دوروا الاول على الجاني الحقيقي وبعد كدا احكموا وان كان على كلام الناس بكلمة منكم كفيلة بإخراسهم للأبد 

هتف حمزة بهدوء 

انتي معارفاشي عوايدنا اهنه يا نادين اللي عنعمله ديه انسب حل وافتكري اننا بنعمل اكده لمصلوحة فاطمة ف المقام الأول 

نادين 

لا يا حمزة حرام عليك عوايد ايه بس، انت عارف يعني ايه كسرة النفس؟ 

 بالله عليك بلاش تظلم اختك علشان كلام الناس 

حمزة 

يا نادين مفيش كسرة نفس ولا حاچة اختي ربي يبارك فيها ويعزها دايما بچوازها من راضي هتعيش مرفوعة الراس ، ديه موال كبير مهتفهميش فيه حاجة واصل 

لهتف فاطمة وسط دمعاتها 

هعمل يا خوي اللي عتقول عليه مش علشاني أني لاه علشان ابوي وعشانكم عشان تفضلوا زي ما انتم اسياد البلد واشرافها ومفيش حد يقدر يعيب عليكم بكلمة لو چوازي من راضي هو الحل أني موافقة بيه 

انصدمت نادين مما تسمع ولم يروق لها الأمر أبدا 

هتف حمزة 

استعدوا يلا علشان هنمشوا من اهنه بعد كتب الكتاب طوالي

هتفت نادين بانزعاج لا حول ولا قوة إلا بالله هو ايه اللي بيحصل دا انا مش مصدقة 

لتهتف فاطمة  بأسى 

خلاص يا نادين ديه هم وانكتب علي ولازمن ارضى بيه، أني لحد دلوك ممصدقاشي ان اخواتي واثقين فيا ومشكوشي فيا هبابة حتى داي في حد ذاتها كفاية عليا 

في تلك الاثناء وصل عز ومعه نوارة وسمر 

اسرعت نوارة ف خطاها لتطمئن على فاطمة 

فاطمة انتي زينة طمنيني عنك بالله عليكي 

سمر فاطمة الحمد لله انك بخير 

لتهتف فاطمة بوجع 

أمي مجتش معاكي ليه يا نوارة هي زعلانة مني مش اكده؟ 

ضمت نوارة شفتيها بأسى 

متحملتش الخبر يا فاطمة، الخبر كان واعر جوي على قلبها 

لتهتف فاطمة بزعر 

ايه أمي ست الدار چرالها حاچة؟؟ 

ليهتف عز امك بخير متخافيش متشغليش بالك انتي بس، استنوا اهنه هبابة لحد ما نخلص كتب الكتاب علشان تمضي ونعاود الدار 

❈-❈-❈

وصل راضي إلى حيث مكان تجمع الرچال 

فأول ما رآه الناس زاد هرجهم ومرجهم وبدأت تعلوا الأصوات بداخل القاعة ومنهم من هم من مكانه لينال منه 

ليدب الحچ عيسى بعصاته على الارض بغضب فيصمت الجميع احتراما له 

ليقول راضي بصوت جامد 

معارفشي ازاي انتوا مصدقين ان العيبة تطلع من بت الشيخ عيسى ، انتوا منتوش مكسوفين من نفسيكم ياللي بتشككوا في شرفها 

ليقول احدهم بحنق 

ما يمكن انت اللي غويتها والشيطان شاطر، لسه ليك حس اياك بعد ما طلعتك وياها من العشة قدام عنينا؟ 

ليهتف راضي بحنق 

ايوة طلعتها من العشة قدام الكل علشان أثبت انها بريئة فاطمة بنت الحچ عيسى اتحاكت عليها لعبة حقيرة من ناس حاقدة للحچ عيسى وأولاده الرچالة، 

هتف الرجال بغضب 

انت عتقول ايه 

تكلم أحد كبار الرجال بجدية اسمعوا راضي هيقول ايه للآخر 

فقال راضي 

فيه واحدة چت لفاطمة وقالتها ان اختي منتظراها في العشة بتاعتي وعلشان فاطمة والكل عارف ان أني مبچيش العشة الا ع المسا راحت تشوف صاحبتها بدها منها ايه، ولما وصلت اهناك ملقتش حد وجت تعاود لقت النار مسكت ف العشة زي ما شوفتوا أما أني ففي عيل بلغني ان عشتي عتتحرق فسبت اللي ف يدي وشديت طوالي ع العشة ولما دخلتها كانت هناك فاطمة خايفة من النار ولما چيت أخرجها علقنا احنا التنين چوا لأن حد ابن حرام قفل علينا الباب والشباك من برا وبعدها كلكم عارفينه ديه كل اللي حوصل 

نظر الجميع لبعضهم البعض بدهشة 

لتأتي أخت راضي وزوجها وامه ليطمئنان عليه بعدما سمعوا 

وما ان استمعت اخته لقوله 

حتى قالت لكي تدعمه هو وفاطمة حنى لو كانت لا تعلم عن الامر شيئا 

ايوة اللي بيقوله أخوي حصل فعلا أني كنت متفقة مع فاطمة اننا هنتقابل زي عوايدنا وشيعتلها علشان اكده خرچت من دارها بعد ما استأذنت أهلها، لكن مكانتش تعرف ان فيه تدبير شياطين بيتحاك ضدها وعايز يكيد ليها ويسىء من سمعتها وهي الشريفة العفيفة والكل عارف باكده 

استغرب الجميع مما يسمعون ومنهم من اتسعت ابتسامته لبراءة فاطمة بنت الحچ عيسى ومنهم من قال بغضب مين ابن الحرام اللي عمل اكده 

ليهتف راضي هنچيبه ولازمن ياخد جزاته قدام الكل علشان يكون عبرة وانتوا وكل أهل البلد هتساعدوني علشان نلاقيه 

ليهتف جلال في نفسه والذي استمع لقول راضي 

هو ايه اللي بيحصل ديه هينقلب السحر على الساحر منك لله يا راضي، مكنتش اعرف ان عز هيصدقك بالسهولة داي لاه أني لازمن اتصرف قبل ما اتكشف او بنت المخبول زهرة داي تتكلم ولا تجول حاچة 

 لذا أشار همس لأحد الرجال بشىء والذي بدوره نهض من مكانه وقال حانقا 

ايه اللي يثبت الكلام اللي هتقوله ديه ما يمكن انتوا متفقين مع بعض علشان تطلعوا منيها والناس تصدق حكاويكم داي 

طالعه الحج عيسى بغضب وكذلك عز وحمزة 

فأخدت الحمية عز فكان يتحرك من مكانه 

ليهتف أحمد والد نادين 

لو كان فيه دليل على كلامه ده مكانش حصل اللي بيحصل دلوقتي، وعلى كلٍ راضي هيكتب كتابه على بنت الحج عيسى دلوقتي حالا وان شاء الله الدليل هيظهر ف وقته لما نلاقي اللي عمل كدا وساعتها كل البلد هتعرفه وتتبرأ فاطمة تماما من كل اللي بيحصل دا 

ليهتف الحچ فواز ايوة ديه عين العقل يا حچ احمد 

❈-❈-❈

تمت اجراءات عقد القرآن واخذ عز الدين الدفتر نحو الغرفة التي تجلس بها اخته لكي تمضي على العقد 

لتهتف نادين بحنق 

يعني خلاص عملتوا اللي في دماغكم يا عز 

طالعها عز بهدوء شديد ولوهلة شرد في أن يكون هو مكان راضي ونادين مكان اخته فاطمة وقتها سيكون أسعد مخلوق بالعالم كله لأنه سيكون أمتلك حب حياته الذي طالما حلم بامتلاكه 

اخرجه من شروده صوت نوارة وهي تقول 

مبروك يا فاطمة راضي راجل طيب وعيصونك وكمان صاحب اخواتك 

سمر 

مبروك يا فاطمة معلش كان نفسي اقولهالك في موقف افضل من كدا بس دي إرادة ربنا والحمد لله على كل حال 

لم تستطع فاطمة التعليق ع شىء فهي ستوافق حتما لانقاذ سمعة أهلها لا أكثر من ذلك فقامت بالإمضاء دون اضافة اي كلمة أخرى 

لتطلق نوارة زغرودة هادئة وهي تحتضن فاطمة الف مبروك ياحبيبتي ربنا يباركلكم يارب 

قالتها ونظرت لنادين بغضب وتمنت ألا يرحل المأذون قبل أن ينهي ذلك الوثاق بينها وبين زوجها العزيز لترتاح هي لكن هيهات فيبدو ان هذا لن يحدث 

انتهى الجمع الغفير من الناس وعاد كل منهم لداره وأخذ حمزة أهله بسيارته

أما الحج عيسى فبقى مع صديقه وبعض الرجال يتجادلون ف الأمر 

وصلوا للدار فقال حمزة ادخلوا انتم چوة أني راچع لأبوي ، وانت يا عز هتخليك اهنه ولا هتاچي امعاي 

عز بهدوء هحصلك كمان شوية 

ما ان خطت فاطمة بقدمها عتبة الدار 

حتى وجدت أمها في انتظارها والشر يلمع من عينيها 

فابتلعت فاطمة ريقها بخوف من أمها 

لتهتف نوارة لتخفف حدة تلك النظرات 

ااا خلاص فاطمة انكتب كتابها على راضي يا خالة ومحدش هيقدر يتكلم عنيها نص كلمة بعد دلوك، هوني عليكي ان شاء الله يومين والموضوع يتنسى كأنه ما كان 

ليقول عز 

بالظبط اكده يلا يا فاطمة اطلعي ع اوضتك يلا 

تحدث فاتن بأسى 

مبروك يا بنتي ربنا يسترك دنيا واخرى 

حركت لها فاطمة راسها بهدوء ومن ثم

تحركت  لغرفتها بخوف تحت نظرات امها التي لم تزح اعينها عنها للحظة 

خافت عليها نادين فقالت 

اا فاطمة أنا طالعة معاكي 

وكأنما فاطمة وجدت طوق النچاة فأمسكت بيد نادين وصعدتا لأعلى 

تبعتهم بهية إلى أعلى 

لتهتف نوارة على فين يا خالة 

بهية بحدة ملكيش صالح انتي 

خافت نوارة ع فاطمة فصعدت خلفهم ايضا

جلست فاطمة ع طرف الفراش وهي تقول أمي شكلها نوايالي يا نادين 

نادين 

انا حسيت بكدا فعلا علشان كدا جيت معاكي ربنا يستر 

في تلك اللحظة دلفت بهية الغرفة وهي تركل الباب بقدمها 

لتفزع فاطمة برعب 

ااا اما 

لم تتحدث بهية وانما اقتربت من ابنها وصفعتها بقوة ع وجنتها على حين غرة من الجميع

شهقت فاطمة بألم 

وكذلك نادين بصدمة وحزن من أجل فاطمة ليه كدا بس يا طنط 

لتقول بهية بغضب 

مرغتي شرفك وشرف ابوكي واخواتك في التراب يا فاطمة!! ابوكي طول عمره راسه مرفوعه ومحدش يستجرا يجول ف حجة كلمة واصل اما دلوك خليتي اللي يسوا واللي ميسواس يقولوا كلام فارغ ممنوع عازة غير انهم ينهشوا ف لحمك حي

لتصرخ فاطمة بصياح 

اقسملك بالله معملتش حاچة ياما شرف ابوي واخواتي متصان ليوم الدين 

صاحت بها امها 

ايه اللي وداكي عشة راضي انتي قولتيلي هروح لزهرة ومهعوقشي اللي وداكي اخر البلد ايه انطقي 

ابتلعت فاطمة ريقها ولم تستطع الرد ااا ااني. اااا. 

لتقرب منها أمها وتضربها على ذراعها بحدة 

انتي ايه حرام عليكي طول عمرك هبلة وهينضحك عليكي من أي حد بسهولة علشان اكده مكنتش بسمح أنك تخرچي من الدار أبدا ياريتني ما وافقت تخرجي في يوم زي ديه ياريتني 

قالتها وهيتستمر بضرب ابنتها ضربات عشوائية في كل انحاء جسدها 

بينما تبكي بحرقة على ابنتها 

ااه يا وچع قلبي عليكي يا بتي يا وچع قلبي أني اللي غلطانة اللوم كلياته عليا أني انا مني لله لو مكنتش وافقت انك تخرچي مكانش ديه حوصل 

لتهتف نادين بأسى 

طنط بالله عليكي متزعليش نفسك 

أما نوارة فأمسكت بأيدي بهية وهي تقول هوني عليكي يا خالة بالله ما تعملي في نفسك اكده والحمد لله ربنا حلها من عنده

لتبعد بهية يد نوارة عنها وهي تقول 

همليني يا نوارة اطلع غلبي في المصيبة داي منك لله يا فاطمة يا بتي 

نوارة لاه يا خالة متدعيش ع بتك، بتك اشرف من الشرف منه لله اللي كان السبب ربنا ينتقم منيه 

في ذلك الوقت أنى عز وتنحنح ليعطيهم علم بقدومه 

لتهتف نوارة 

تعالى يا عز الحق امك وخلص فاطمة من تحت يدها 

ليهتف عز بهدوء 

سيبها تعمل اللي هي عايزاه امي مهترتاحش إلا لما تطلع غضبها في حد وبصراحة فاطمة تستاهل واني قلتلها اني مهحوش عنها واصل

لترمقه فاطمة بالدموع ف اعينها 

بينما تهتف نادين بحنق 

مكنتش اعرف انك قاسي اوي كدا بجد بجد انا مشوفتش كدا 

خافت فاطمة من أن تسوء العلاقة بين الحبيبن فرمشت بأعينها وقالت بلهفة 

لاه وربنا عز اخوي ما فيه احن من قلبه، وكماني أمي هما عيعملوش ديه الا من خوفهم عليا واني منيش زعلانة منيهم ابدا 

لتصيح بها امها 

اكتمي مسمعش حسك واصل وربنا من النهاردة ما هتشوفي الشارع تاني والجامعة داي انسيها خالص مفهوم 

لتتسع اعين فاطمة بصدمة عتجولي ايه ياما

بهية بغضب اللي سمعتيه 

لتهتف فاطمة بحسرة 

عز سامع امك بتقول ايه 

غمز لها عز وقال اللي امك تقول عليه هيمشي وانكتمي دلوك معايزش اسمع ليكي حس زي ما أمك قالت 

قالها واتجه نحو امه واسندها بذراعه وهو يقول 

تعالي يلا اخدك ع اوضتك ترتاحي يا ست الكل انتي 

جلست فاطمة على فراشها بحزن ودمعاتها لا تفارق خدها على الحال التي وصلت اليه 

لتهتف نوارة احكيلي يا فاطمة ايه اللي حصل معاكي بالظبط انتي مش كنتي مع زهرة ؟؟ سبتيها كيف وروحتي ع العشة؟؟ فهميني علشان نساعدك 

لتهتف فاطمة بهم 

فوتيلي لحالي دلوك يا نوارة بالله عليكي 

لتقول نادين خلاص يا نوارة خلينا نسيبها تنام وترتاح دلوقتي ونتكلم وقت تاني 

تنهدت نوارة بقلة حيلة ماشي ربنا ييسر لها وتعرف اتنام هبابة بس تروق أعصابها 

نظرت نادين لفاطمة بحنان 

فطوم حبيبتي حاولي تنامي ماشي

حركت فاطمة راسها وتنهدت بأسى 

فخرجت نوارة وسمر ومن خلفهم نادين التي طبعت قبلة رقيقة ع جبين فاطمة وغادرت هي الاخرى 

❈-❈-❈

ظلت زهرة تبكي أشد الندم على ما فعلته في فاطمة لتفيق ع صوت امها الذي يناديها

زهرة بت يا فاطمة تعالي چلال واد عمك اهنه ومعاه المأذون يا بت

 ..يتبع

إلى حين نشر الفصل الجديد للكاتبة عسل مالح 3، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة